ដោយ Donald Lee
ហូជីមិញ៖ ក្រសួងឧស្សាហកម្មរបស់ប្រទេសវៀតណាម បានបង្ហាញរបាយការណ៍ថា ប្រទេសនេះបានចំណាយប្រាក់ប្រមាណ ៥,៥ពាន់លានដុល្លារ លើការនាំចូលរថយន្ត និងគ្រឿងបន្លាស់រថយន្ត ក្នុងរយៈពេល ៩ខែដំបូងនៃឆ្នាំ ២០១៩នេះ។
ទិន្នន័យរបស់ក្រសួងបានបង្ហាញថា រថយន្តចំនួន ១០៨.៩២៩គ្រឿង ត្រូវបាននាំចូលមកក្នុងប្រទេស ចាប់តាំងពីខែមករាឆ្នាំ២០១៩កន្លងមកនេះ ពោលកើនឡើងប្រមាណ ១៦៧,៨ភាគរយពីមួយឆ្នាំទៅមួយឆ្នាំ។ រថយន្តដែលនាំចូលមានតម្លៃ
២,៤ ពាន់លានដុល្លារ និងគ្រឿងបន្លាស់រថយន្តមានតម្លៃ ៣,១ពាន់លានដុល្លារ។
-->
ប្រជាជននៅក្នុងប្រទេសវៀតណាម ទើបតែចាប់ផ្តើមស្រឡាញ់ និងទិញរថយន្តជិះច្រើន នៅពេលដែលក្រុមហ៊ុនផលិតរថយន្ត នៅជុំវិញពិភពលោកកំពុងប្រឈមមុខនឹងការធ្លាក់ចុះ។ ឧស្សាហកម្មផលិតរថយន្ត នៅក្នុងប្រទេសអាល្លឺម៉ង់បានធ្លាក់ចុះយ៉ាងខ្លាំងនៅពាក់កណ្តាលឆ្នាំនេះ ពោលធ្លាក់ចុះ១២ភាគរយពីមួយឆ្នាំទៅមួយឆ្នាំ ដែលជំរុញឱ្យសេដ្ឋកិច្ចរបស់ប្រទេសនេះ ឆ្ពោះទៅរកការធ្លាក់ចុះនៅក្នុងឆ្នាំ២០១៩នេះ។
ក្រុមហ៊ុនផលិតរថយន្តរបស់វៀតណាម VinFast បានដាក់បង្ហាញរថយន្តដំបូងរបស់ខ្លួននៅខែមិថុនាកន្លងមកនេះ ដែលយកពីរោងចក្រទំនើបចំនួន៦របស់ខ្លួន នៅទីក្រុង Haiphong។
នាយករដ្ឋមន្រ្តីវៀតណាម លោក Nguyen Xuan Phuc បានថ្លែងនៅក្នុងពិធីមួយនៅទីក្រុង Haiphong កាលពីខែមិថុនាកន្លងមកនេះថា “នេះគឺជាការចូលរួមវិភាគទានយ៉ាងធំធេងសម្រាប់សេដ្ឋកិច្ចជាតិ”។
លោកបានបន្ថែមថា “នេះបានបញ្ជាក់ពីគោលនយោបាយ របស់បក្សកុម្មុយនិស្តវៀតណាមថា វិស័យឯកជនគឺជាកត្តាជំរុញដ៏សំខាន់នៃសេដ្ឋកិច្ច។ ខ្ញុំចង់អោយក្រុមហ៊ុន VinFast ក្លាលជាទីផ្សារក្នុងតំបន់ និងពិភពលោក”៕
