ដោយ វុត្ថា
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានឱ្យដឹងថា ទំហំទីក្រុងភ្នំពេញបានកើនដល់ ៦០០ គីឡូម៉ែត្រការ៉េ ដែលធ្វើឱ្យមានការលំបាកលើការគ្រប់គ្រងសម្រាមនៅក្នុងក្រុង ខណៈកាលពីមុនមានត្រឹមតែ ៣០០ គីឡូម៉ែត្រ។
សម្តេចតេជោ ហ៊ុន សែន នៅក្នុងពិធីប្រគល់សញ្ញាបត្រជូននិស្សិតសាកលវិទ្យាល័យបៀលប្រាយចំនួន ៤,០៣៨នាក់ នៅថ្ងៃទី ២២ ខែតុលា ឆ្នាំ ២០១៩ នេះ បានឱ្យ បច្ចុប្បន្ននេះនៅក្នុងទីក្រុងភ្នំពេញមានសម្រាម ៣ ពាន់តោនក្នុងមួយថ្ងៃ ខណៈក្រុមហ៊ុនប្រមូលសម្រាប់មានតែមួយដែលធ្វើឱ្យសម្រាមរាយប៉ាយនៅក្នុងក្រុង។
-->
សម្តេចសម្តេចក៏បញ្ជាឱ្យមានការដេញថ្លៃចំពោះក្រុមហ៊ុនប្រមូលសម្រាមដោយបែងចែកតំបន់ ឬខណ្ឌដើម្បីគ្រប់គ្រងសម្រាមឱ្យបានត្រឹមត្រូវ និងមានសណ្តាប់ធ្នាប់ល្អ និងសោភណ័ភាពទីក្រុងភ្នំពេញ។
ប្រទេសកម្ពុជាកំពុងស្ថិតនៅក្នុងដំណាក់កាលដំបូងនៃការអភិវឌ្ឍ និងការពង្រីកទីក្រុង ដោយមានប្រជាជន ២១ ភាគរយ ក្នុងចំណោមប្រជាជនទាំងអស់ កំពុងរស់នៅតាមទីក្រុង ។ ត្រឹមឆ្នាំ ២០៥០ គេរំពឹងថា ៣៦ ភាគរយនៃប្រជាជនទាំងអស់ នឹងរស់នៅក្នុងតំបន់ក្រុង។
យោងរបាយការណ៍របស់ធនាគារពិភពលោកបានឱ្យដឹងថា ការអភិវឌ្ឍ និងការពង្រីកទីក្រុងរបស់ប្រទេសកម្ពុជាកើតឡើងក្នុងអត្រាទាបជាងអ្វីដែលគេរំពឹងទុក សម្រាប់កំណើនផលិតផលសរុបក្នុងស្រុក របស់ប្រទេសនេះ បង្ហាញថា ល្បឿន និងវិសាលភាពនៃការអភិវឌ្ឍ និងការពង្រីកទីក្រុង ទំនងជានឹងបន្តមានការកើនឡើង។
ប្រទេស ដែលមាន ផសស សម្រាប់ប្រជាជនម្នាក់ ដូចជា ប្រទេសបង់ក្លាដេស ឬគីហ្សីស្ថាន ជាដើម មានអត្រានគរូបនីយកម្មជិត ៣៥%។ទីក្រុងភ្នំពេញបានសម្រេចនូវកំណើនគួរឲ្យកត់សម្គាល់ ក្នុងរយៈពេល១០ឆ្នាំចុងក្រោយនេះ ហើយបច្ចុប្បន្ននេះ មានប្រជាជនជិត ២ លាននាក់កំពុងរស់នៅក្នុងទីក្រុង។ដោយហេតុថានេះគឺជាទីក្រុងធំជាងគេ និងមានការអភិវឌ្ឍឆាប់រហ័សជាងគេ ក្នុងប្រទេស ហើយក៏ជាច្រកផ្លូវទំនាក់ទំនងជាមួយនឹងសេដ្ឋកិច្ចសកលលោកផងដែរ។
ទីក្រុងនេះមានភាពប្រឈមជាច្រើន ក្នុងការផ្តល់សេវាជាមូលដ្ឋានពាក់ព័ន្ធនឹងប្រព័ន្ធលូ ការសំអាតទឹកស្អុយ ការដឹកជញ្ជូនជាសាធារណៈ និងសំណល់រឹង។ ដើម្បីបង្កលក្ខណៈឲ្យមានការរៀបចំផែនការ និងគ្រប់គ្រងកំណើនក្នុងទីក្រុងឲ្យបានទាន់ពេលវេលា ដើម្បីកុំឲ្យទីក្រុងភ្នំពេញ និងទីក្រុងផ្សេងទៀតត្រូវជាប់គាំងក្នុងគន្លងនៃកំណើនដែលពុំមាននិរន្តរភាព៕
