ដោយ Propertyarea.asia
ភ្នំពេញៈ លុយក្រឹត្យ (Fiat money) គឺជាលុយដែលគ្មានតម្លៃមជ្ឈន្តិកៈ ត្រូវបានហៅថាលុយក្រឹត្យ (Fiat money)។ ក្រឹត្យ (Fiat) មានន័យថាជាលំដាប់ ឬកម្រិត, ហើយលុយក្រឹត្យ ត្រូវបានបង្កើតឡើងជាលុយដោយក្រឹត្យរដ្ឋាភិបាល។ (តម្លៃមជ្ឈន្តិកៈ មានន័យថា វត្ថុមួយនឹងមានតម្លៃ សម្បីតែវាមិនត្រូវបានប្រើប្រាស់ជាលុយ)។
ឧទាហរណ៍ ចូរប្រៀបធៀបប្រាក់ដុល្លារ នៅក្នុងកូនកាបូបលុយរបស់អ្នក(ដែលត្រូវបានបោះពុម្ពដោយរដ្ឋាភិបាលអាមេរិក) និងប្រាក់ដុល្លារ ដែលបានមកពីហ្គេមម៉ូណូប៉ូលី (ដែលត្រូវបានបោះពុម្ភដោយក្រុមហ៊ុនហ្គែម Barker Brothers)។
ហេតុអ្វីបានជាអ្នកអាចប្រើប្រាស់ប្រាក់ដុល្លារប្រភេទទីមួយ ដើម្បីទូទាត់វិក្កយបត្ររបស់ភោជនីយដ្ឋានបាន ប៉ុន្តែមិនអាចកើតឡើងសម្រាប់ប្រាក់ដុល្លារប្រភេទទី២?ចម្លើយគឺថា រដ្ឋាភិបាលអាមេរិកបានចេញក្រឹត្យ (ការអនុញ្ញាតិ)ដល់ដុល្លាររបស់ខ្លួនថា ជាលុយផ្លូវការ។
ដុល្លារនីមួយៗ នៅក្នុងកូនកាបូបរបស់អ្នកមានន័យថា “ក្រដាសនេះគឺជារូបិយប័ណ្ណស្របច្បាប់ ដែលអាចប្រើប្រាស់សម្រាប់ការទូទាត់សង ទាំងផ្នែកសាធារណៈ និងឯកជន”។
ទោះបីជារដ្ឋាភិបាលមានលទ្ធភាពក្នុងការបង្កើត និងដាក់បញ្ញត្តិលើប្រព័ន្ធលុយក្រឹត្យយ៉ាងណាក្តី (ជាឧទាហរណ៍ ដោយចោទប្រកាន់ និងផ្តន្ទាទោសទៅដល់អ្នកក្លែងក្រដាសប្រាក់ជាដើម) ក៏នៅមានកត្តាផ្សេងទៀតផងដែរ ដែលត្រូវការជាចាំបាច់សម្រាប់ភាពជោគជ័យរបស់ប្រព័ន្ធរូបិយវត្ថុបែបនេះ។
ជាការពិត និងដ៏សំខាន់ ការទទួលយកលុយក្រឹត្យ គឺពឹងផ្អែកយ៉ាងខ្លាំងទៅលើការរំពឹងទុក (Expectation) និងទម្លាប់សង្គម (Social convention) ជាជាងទៅលើក្រឹត្យច្បាប់រដ្ឋាភិបាល។
រដ្ឋាភិបាលសូវៀតនៅចុងទសវត្សរ៍ឆ្នាំ១៩៨០ មិនធ្លាប់បោះបង់ចោលលុយរូបឹសដែលជារូបិយវត្ថុផ្លូវការឡើយ ប៉ុន្តែប្រជាជនមូស្តូសប្បាយចិត្តនឹងទទួលយកបារី (ឬសូម្បីតែលុយដុល្លារអាមេរិក) នៅក្នុងការដោះដូរទំនិញ និងសេវាកម្ម ដោយសារតែពួកគេយល់ថា លុយទាំងនេះនឹងត្រូវបានគេទទួលយក ដោយអ្នកផ្សេងទៀតនៅពេលអនាគត៕
