ដោយវុត្ថា
ភ្នំពេញ៖ រាល់ការធ្វើអាជីវកម្មអភិវឌ្ឍអចលនវត្ថុទាំងអស់ក្នុងគោលបំណងសម្រាប់លក់ ឬជួលរយៈពេលវែងពី អ្នកអភិវឌ្ឍទត្រូវដាក់ពាក្យស្នើសុំអាជ្ញាបណ្ណពីក្រសួង ឬលិខិតអនុញ្ញាតអាជីវកម្មពីមន្ទីរជាមុនសិន។
យោងតាមសេចក្តីប្រកាសរបស់ក្រសួងសសេដ្ឋកិច្ច និងហិរញ្ញវត្ថុស្តីពីការគ្រប់គ្រងអាជីវកម្មអភិវឌ្ឍន៍អចលនវត្ថុ បានឱ្យដឹងថា អ្នកអភិវឌ្ឍអចលនវត្ថុដែលមានបំណងធ្វើអាជីវកម្មអភិវឌ្ឍលំនៅឋាន ឬអគារសហកម្មសិទ្ធិ ត្រូវដាក់ពាក្យស្នើសុំអាជ្ញាបណ្ណនៅនាយកដ្ឋាន ឬលិខិតអនុញ្ញាតអាជីវកម្មនៅមន្ទីរ ដោយភ្ជាប់មកជាមួយនូវសំណុំឯកសារអប្បបរមា និងលក្ខន្ធដូចខាងក្រោម៖
– លំខិត និងពាក្យស្នើសុំអាជ្ញាបណ្ណ ឬលិខិតអនុញ្ញាតអាជីវកម្ម តាមគំរូរបស់ក្រសួង ឬមន្ទីរ
– វិញ្ញាបនបត្រសម្គាល់ម្ចាស់អចលនវត្តលើដីដែលកំពុងធ្វើការអភិវឌ្ឍ។
– ខិតអនុញ្ញាតសាងសង់ និង ឬលិខិតបើកការដ្ឋានសាងសង់ ដែលចេញដោយក្រសួង ឬមខ្ទីររៀបចំដែនដីនគរូបនីយកម្ម និង សំណង់ ឬអាជ្ញាធរមានសមត្ថកិច្ច។
– លិខិតបើកគណនីអភិវឌ្ឍអចលនវត្ថុ (គណនីចរន្ត) នៅធនាគារពាណិជ្ជណាមួយ (ចំពោះអាជ្ញាបណ្ណ ឬលិខិតអនុញ្ញាតអាជីវកម្មប្រភេទ២)។
-លិខិតបញ្ជាក់ដើមទុន និងលិខិតបញ្ជាក់ប្រភពទុន ដើម្បីយកមកធ្វើការវិនិយោគ (អប្បបរមា ២០%(ម្ភៃ)ភាគរយ នៃថ្ងៃសំណង់សរុប ឬថ្លៃ សំណង់តាមដំណាក់កាល ដែលចេញដោយគ្រឹះស្ថានធនាគារ ឬមីក្រហិរញ្ញវត្ថុណាមួយទៅក្នុងព្រះរាជាណាចក្រកម្ពុជា (ចំពោះអាជ្ញាបណ្ណ ឬលិខិតអនុញ្ញាតអាជីវកម្មប្រភេទ២)។
– លិខិតដាក់ប្រាក់តម្កល់ធានាអាជីវកម្ម ២(ពីរ)ភាគរយ នៃថ្លៃសំណង់សរុប ឬថ្លៃ សំណង់តាមដំណាក់កាល(ចំពោះអាជ្ញាបណ្ណ ឬលិខិតអនុញ្ញាតអាជីវកម្មប្រភេទ២)។
-ផែនការអាជីវកម្មលម្អិតទៅតាមរយៈពេលនៃគម្រោងអភិវឌ្ឍអចលនវត្ត។
-លិខិតថ្កោលទោសរបស់ម្ចាស់ភាគហ៊ុនទាំងអស់ ដែលចេញដោយក្រសួងយុត្តិធម៌ ឬចេញដោយប្រទេសសាមី(ចំពោះជនបរទេស) និង ឬលិខិតបញ្ជាក់កិរិយាមាយាទ ដែលចេញ្ជដោយ អាជ្ញាធរមានសមត្ថកិច្ច។ ឯកសារលម្អិតផ្សេងទៀត ត្រូវបានកំណត់ក្នុងសៀវភៅបន្ទុក ៕