ដោយ ប៊ី
ភ្នំពេញៈ ក្រសួងរ៉ែ និងថាមពលកាលពីថ្ងៃអាទិត្យបានប្រកាសថា ក្រុមហ៊ុនចំនួនពីរត្រូវបានផ្តល់ការអនុម័តដំបូង ដើម្បីអនុវត្តការរុករករ៉ែទង់ដែងនៅក្នុងប្រទេសកម្ពុជា។
លោកយស មុនីរ៉ាត់ អគ្គនាយកនៃអគ្គនាយកដ្ឋានរ៉ែ ត្រូវបានរាយការណ៍ថា ពាក្យសុំរបស់ក្រុមហ៊ុនHT Kuang Ye Cambodia Development Co Ltd និងក្រុមហ៊ុន Cambodia K88 Industry ទទួលបានការយល់ព្រមដំបូង។
ទោះយ៉ាងណា ក្រុមហ៊ុនទាំងពីរនៅតែត្រូវបញ្ជូនឯកសារមួយចំនួន មុនពេលអាជ្ញាប័ណ្ណអាចចេញបាន។
លោកមុនីរ៉ាត់បានមានប្រសាសន៍ថា “នៅជំហានបន្ទាប់ ពួកគេនឹងត្រូវបានស្នើសុំឱ្យដាក់ផែនការមេ និងការវាយតំលៃផលប៉ះពាល់បរិស្ថាន”។
ក្រុមហ៊ុនចំនួន៦បានដាក់ពាក្យសុំអាជ្ញាប័ណ្ណ។ ពាក្យសុំរបស់ក្រុមហ៊ុន DSN Inter Mining Import Export Co Ltd ក្រុមហ៊ុន Hou Socheat Investment (HSI) Co Ltd ក្រុមហ៊ុន, Inspire Geological Exploration (Cambodia) Co Ltd និងក្រុមហ៊ុន Sichuan Xinhe Mining Co Ltd មិនត្រូវបានអនុម័តឡើយ។
ក្រុមហ៊ុន HT Kuang Ye បានឱ្យដឹងនៅក្នុងសេចក្តីប្រកាសព័ត៌មានមួយថា ខ្លួននឹងរុករករ៉ែទង់ដែង នៅលើប្លុកពីរដែលមានទំហំ៨២,២៥គីឡូម៉ែត្រការ៉េ នៅក្នុងស្រុកថាឡាបរិវ៉ាត់ ខេត្តស្ទឹងត្រែង។
ក្រុមហ៊ុន Cambodia K88 Industry នឹងរុករកលើផ្ទៃក្រឡា៩៣.៩៤ គីឡូម៉ែត្រការ៉េនៅក្នុងស្រុកសំបូរ ខេត្តក្រចេះ និងស្រុកសណ្តាន់ ខេត្តកំពង់ធំ។
លោកមុនីរ៉ាត់ បន្តថា ក្រុមហ៊ុនផ្សេងទៀត នៅតែអាចដាក់ពាក្យសុំអាជ្ញាប័ណ្ណរុករករ៉ែផ្សេងទៀត។
បើតាមលោកមុនីរ៉ាត់ ក្រសួងបានចេញអាជ្ញាប័ណ្ណរុករករ៉ែទង់ដែង ចំនួន៣៩កន្លែងនៅទូទាំងប្រទេស។
ក្រុមហ៊ុនរុករករ៉ែដែលចុះបញ្ជីនៅអូស្រ្តាលី Emerald Resources NL កំពុងអភិវ ឌ្ឍគម្រោងរ៉ែមាស អូខ្វាវនៅខេត្តមណ្ឌលគីរី។ ការទាញយកលើកដំបូងត្រូវបានគេរំពឹងថានឹងកើតឡើងនៅឆ្នាំនេះ៕
