សញ្ញាវិជ្ជមានៈមន្ទីរពេទ្យព្យាបាលវីរុសកូរ៉ូណាបណ្តោះអាសន្នចំនួន១៦កន្លែងក្នុងវូហានត្រូវបិទទ្វារដោយសារការធ្លាក់ចុះនៃជំងឺឆ្លង

ដោយ ហ្សូលី

វូហានៈ មន្ទីរពេទ្យបណ្តោះអាសន្ន ដែលព្យាបាលវីរុសកូរ៉ូណាឬកូវីដ១៩ ចំនួន១៦កន្លែងទូទាំងក្រុងវូហានត្រូវបិទទ្វារ ដោយសារសន្ទុះនៃការឆ្លងរាលដាលមានការធ្លាក់ចុះច្រើន។ នេះបើតាមសារព័ត៌មានReuters ចេញផ្សាយនៅថ្ងៃទី ១០ មីនា ឆ្នាំ ២០២០នេះ។

មន្ទីរពេទ្យដែលផ្ទុកនិងព្យាបាលអ្នកជំងឺពីមេរោគកូរ៉ូណា ត្រូវបានបិទទ្វារនៅគ្រប់ទីកន្លែងនៃទីក្រុងវូហាន ខណៈតួលេខនៃអ្នកឆ្លងជំងឺក្នុងប្រទេសមានភាពធូរស្រាលច្រើន។ មន្ទីរពេទ្យចំនួន១៦ត្រូវបានបិទជាស្ថាពរ ដែលមន្ទីរពេទ្យបណ្តោះអាសន្នចុងក្រោយគេនៅសង្កាត់ ជាំងហាន (Jianghan) នៃក្រុងវូហាន ត្រូវបានបិទទ្វារកាលពីរសៀលអង្គារនេះ។

មន្ទីរពេទ្យបណ្តោះអាសន្នថ្មីៗចំនួន២ ដែលត្រូវបានបិទថ្មីៗនេះ គឺធ្លាប់ជាមជ្ឈម​ណ្ឌលកីឡា និងរោងចក្រ ដែលអាចផ្ទុកអ្នកជំងឺជិត២០០០នាក់ក្នុងពេលតែមួយ។

បើតាមឱ្យដឹងពីរដ្ឋាភិបាល មន្ទីរពេទ្យបណ្តោះអាសន្នក្នុងសង្កាត់ Jianghan ត្រូវបានប្រែក្លាយមកពីមជ្ឈមណ្ឌលតាំងពិព័រណ៍ សន្និសីទអន្តរជាតិវូហាន កីឡាដ្ឋាន និងសាលារៀន ដើម្បីទទួលព្យាបាលអ្នកជំងឺរាប់ម៉ឺននាក់។

គ្រាន់តែនៅWuhan មានអ្នកជំងឺជិត៣១.០០០នាក់បានជាសះស្បើយ និងត្រូវបានបញ្ជូនចេញពីមន្ទីរពេទ្យ។

ការកើនឡើងនៃករណីឆ្លងបានធ្វើឱ្យមានការភ័យខ្លាចថា ការរីកចម្រើនសេដ្ឋកិច្ចរបស់ប្រទេសចិន អាចនឹងមានសភាពប្រសើរឡើងវិញ ខណៈនៅតាមតំបន់និមួយៗក្នុងប្រទេសចិន សន្ទុះនៃការឆ្លងចាប់ផ្តើមថយចុះ៕