ដោយ ប៊ី
ភ្នំពេញៈ ការនាំចេញផលិតផលធ្វើដំណើររបស់កម្ពុជា មានតម្លៃ១,២ពាន់ដុល្លារទៅកាន់ទីផ្សារអន្តរជាតិ ខណៈកម្ពុជាបាននាំចេញប្រហែល៨០ភាគរយ នៃផលិតផលធ្វើដំណើរសរុបទៅកាន់ទីផ្សារសហរដ្ឋអាមេរិក។
ទំហំនៃការនាំចេញនេះ ស្មើនឹងទំហំទឹកប្រាក់ប្រហែល៩៦០លានដុល្លារ។ នេះបើយោងតាមរបាយការណ៍ របស់សមាគមរោងចក្រកាត់ដេរនៅកម្ពុជា ចេញនៅថ្ងៃទី១៦ ខែមីនា ឆ្នាំ ២០១៩។
សមាគមរោងចក្រកាត់ដេរនៅកម្ពុជាបានឱ្យដឹងថា ការនាំចេញផលិតផលធ្វើដំនើររបស់កម្ពុជា ទៅពិភពលោកមានចំនួនលើស១,២ ដុល្លារប៉ុណ្ណោះ ក្នុងឆ្នាំ២០១៩ ដោយចាប់ផ្តើមពីកម្រិតទាបខ្លាំង ប្រហែល៥០ដុល្លារប៉ុណ្ណោះក្នុងឆ្នាំ ២០១៦។
សមាគមរោងចក្រកាត់ដេរនៅកម្ពុជាបានឱ្យដឹងទៀតថា “សហរដ្ឋអាមេរិកជាទីផ្សារនាំចេញបំផុតរបស់យើង សម្រាប់ផលិតផលនេះ ដែលមានចំនួនប្រហែល៨០ភាគរយនៃការនាំចេញសរុបៗ។
កំណើននៃការនាំចេញដ៏សម្បើមនេះ គឺដោយសារកិច្ចខិតខំប្រឹងប្រែងរួមគ្នារបស់ក្រសួងពាណិជ្ជកម្ម និងសមាគមរោងចក្រកាត់នៅកម្ពុជា (GMAC) ក្នុងការដាក់ពាត្តិបញ្ចុះបញ្ចូលទៅសភាសហរដ្ឋអាមេរិក ដែលនាំឱ្យមានការពិនិត្យប្រព័ន្ធអនុគ្រោះពន្ធទូទៅ (GSP) របស់អាមេរិកក្នុងឆ្នាំ ២០១៦ ហើយអាមេរិកបានបញ្ចូលមុខទំនិញ ផលិតផលធ្វើដំណើរនៅក្នុងបញ្ជីប្រព័ន្ធអនុគ្រោះពន្ធទូទៅ។
ការនាំចេញរបស់កម្ពុជា ទៅកាន់សហរដ្ឋអាមេរិកមានតម្លៃជាង៥ពាន់លានដុល្លារអាមេរិកកាលពីឆ្នាំ ២០១៩ កើនឡើងយ៉ាងខ្លាំងស្មើនឹង៤០ភាគរយ បើធៀបនឹងឆ្នាំមុន ខណៈទំនាក់ទំនងធុរកិច្ចមានភាពកាន់តែប្រសើរឡើង និងកាន់តែរឹងមាំរវាងប្រទេសទាំងពីរ។
ទិន្នន័យចុងក្រោយពីការិយាល័យពាណិជ្ជកម្មសហរដ្ឋអាមេរិក ដែលបានបង្ហាញកាលពីខែកុម្ភៈថា ការនាំចេញរបស់កម្ពុជា ទៅកាន់ប្រទេសមានសេដ្ឋកិច្ចធំបំផុតរបស់ពិភពលោក បានកើនឡើងយ៉ាងខ្លាំងកាលពីឆ្នាំមុន មានតម្លៃ៥,៣៦ពាន់លានដុល្លារ កើនឡើង៤០ភាគរយ។
ទន្ទឹមនឹងនេះដែរ ប្រទេសកម្ពុជាបាននាំចូលទំនិញ ពីសហរដ្ឋអាមេរិកត្រឹមតែ ៥១៣,៤លានដុល្លារ ការកើនឡើង១៥ភាគរយកាលពីឆ្នាំមុន។
នេះជាដំណឹងល្អ សម្រាប់សហគមន៍ធុរកិច្ចនៅកម្ពុជា ជាពិសេសបន្ទាប់ពីសហភាពអឺរ៉ុបកាលពីថ្ងៃពុធ បានប្រកាសដកហូតផ្នែកខ្លះ នៃគម្រោងអ្វីៗទាំងអស់លើកលែងតែអាវុធ (EBA)។
ថ្លែងនៅក្នុងសន្និសីទមួយ នៅទីក្រុងភ្នំពេញកាលពីខែមុនលោក Patrick Murphy ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា បានកោតសរសើរ ចំពោះទំនាក់ទំនងធុរកិច្ចដ៏រឹងមាំរវាងប្រទេសទាំងពីរ។
លោកបានថ្លែងថា “ការដោះដូរពាណិជ្ជកម្ម រវាងប្រទេសយើងទាំងពីរ ពិតជាសំខាន់ណាស់។ វាជាសរសរគ្រឹះនៃទំនាក់ទំនងរបស់យើង ហើយវាកាន់តែរឹងមាំ។ មិនមែនគ្រប់គ្នា សុទ្ធតែដឹងនិងពេញចិត្តចំពោះបញ្ហានេះទេ ប៉ុន្តែសហរដ្ឋអាមេរិកគឺជាទីផ្សារប្រទេសធំជាងគេតែមួយគត់ សម្រាប់ព្រះរាជាណាចក្រកម្ពុជា”។
លោកបានមានប្រសាសន៍ថា ប្រទេសកម្ពុជានាំចេញទំនិញជាច្រើន ទៅកាន់សហរដ្ឋអាមេរិក ដែលបង្កើតការងារជាងមួយលាននៅក្នុងប្រទេសកម្ពុជា។
លោកបានបន្តថា “វាជាកត្តាជំរុញកំណើនសេដ្ឋកិច្ច។ សូមអរគុណមួយផ្នែកចំពោះអ្វីដែលខ្ញុំហៅថា សុភាពរាបសារបស់សភាអាមេរិក និងសភាសហរដ្ឋអាមេរិក ប្រទេសកម្ពុជា បានទទួលផលប្រយោជន៍ពាណិជ្ជកម្ម ហើយបានទាញយកផលប្រយោជន៍ពីអត្ថប្រយោជន៍ពាណិជ្ជកម្មទាំងនោះ”។
លោកបានថ្លែងទៀតថា ការនាំចេញទៅអាមេរិក បានកើនឡើងដល់៥ពាន់លានដុល្លារកាលពីឆ្នាំមុន ហើយផ្នែកដ៏ល្អមួយ ដោយសារប្រព័ន្ធអនុគ្រោះពន្ធទូទៅ។ ផ្នែកមួយនៃទំនាក់ទំនងនោះគឺកសិកម្ម។
លោកបានថ្លែងបន្តថា “វាជាសមាសធាតុសំខាន់មួយ នៅក្នុងរបៀបដែលយើងធ្វើពាណិជ្ជកម្ម។ បច្ចុប្បន្នអង្ករកម្ពុជាស្ថិតនៅលើធ្នើផ្សារទំនើបរបស់អាមេរិក”៕
