ដោយវុត្ថា
ភ្នំពេញ៖ អាជ្ញាធរថៃខេត្តសុរិន បានចេញប្រកាសបិទច្រកព្រំដែនអន្តរជាតិអូរស្មាច់ជាបណ្តោះអាសន្នដើម្បីទប់ស្កាត់នៃការរាតត្បាតជំងឺcovid-19នៅក្នុងខេត្តសុរិន ប៉ុន្តែចំពោះបញ្ហារថយន្តដឹកទំនិញ ដែលតម្រូវបង់ពន្ធឲ្យគយនោះគឺនៅធ្វើចរាចរណ៏ចេញចូលបានដោយធម្មតា ដោយមានការទទួលខុសត្រូវចំពោះស្ថាប័នគយ។ នេះ បើយោងតាមសេក្តីជូនដំណឹងរបស់អាជ្ញាធរថៃខេត្តសុរិន ផ្ញើរជូនអាជ្ញាធរខេត្តឧត្តមានជ័យនៅព្រឹកថ្ងៃទី២១ខែមីនា ឆ្នាំ ២០២០នេះ។
បើតាមអាជ្ញាធរថៃ បានឱ្យដឹងថា ការបិទជាបណ្តោះអាសន្ននេះ គឺដើម្បីទប់ស្កាត់ការរីករាលដាលនៃជំងឺកូវីដ១៩ ចូលទៅក្នុងប្រទេសថៃ ស្របពេលដែលប្រទេសថៃនាពេលបច្ចុប្បន្នកំពុងជួបនូវវិបត្តិការឆ្លងរីករាលដាលនៃជំងឺកូវីដ ១៩ មានការកើនឡើងជាបន្តបន្ទាប់។
តែយ៉ាងណាក៏ដោយ បើតាមសារព័ត៌មានក្នុងស្រុកចុះផ្សាយកាលពីពេលថ្មីៗនេះ ថា សម្រាប់ច្រកព្រំដែនជប់គគីរ រវាងកម្ពុជា និងថៃត្រូវបាទបិទទាំងស្រុង ដោយពុំអនុញ្ញាតិអោយមានចរាចរណ៍ទាំងទំនិញ និងប្រជាពលរដ្ឋឆ្លងកាន់នោះទេ។
សម្រាប់ច្រកទ្វារព្រំដែនអន្តរជាតិប៉ោយប៉ែត និងចាំយាមនៃខេត្តកោះកុង នៅតែបើកឱ្យប្រជាពលរដ្ឋធ្វើដំណើរឆ្លងកាត់ និងការដឹកទំនិញចេញចេញចូលរវាងប្រទេសទាំងពីរនៅដំណើរការធម្មតា តែមានការត្រួតពិនិត្យយ៉ាងយកចិត្តទុកដាពីមន្ត្រីចត្តាឡីស័ក្តប្រចាំច្រកទ្វាព្រំដែនទាំងនេះ ។
កាលពីពេលថ្មីៗ រដ្ឋាភិបាលនៃប្រទេសកម្ពុជាបានជូនដំណឹងប្រកាសបិទជាបណ្តោះអាសន្នច្រកព្រំដែនកម្ពុជា-វៀតណាម ជាបណ្តោះអាសន្ន លើកលែងតែការដឹកជញ្ជូនទំនិញ ដោយមានការត្រួតពិនិត្យយ៉ាងតឹងរឹងពីភាគីទាំងពីរ ។
ការសម្រេចបិតច្រកព្រំដែនកម្ពុជា-វៀតាមជាបណ្តោះអាសន្ននេះរបស់រដ្ឋាភិបាលកម្ពុជានេះ គឺដោយសារតែភាគីវៀតណាមបានប្រកាសបិទជាឯកតោភាគី ដោយមិនបានជូនដំណឹងដល់ភាគីកម្ពុជាឡើយ ក្រោមហេតុផលទប់ស្កាត់ការរីករាលនៃជំងឺកូវីដ ១៩ ពីកម្ពុជាចូលទឹកដីរបស់វៀតណាម៕
