ដោយ ប៊ី
ភ្នំពេញៈ ភ្នំពេញមានសណ្ឋាគារចំនួន៣១៣ ដែលមានបន្ទប់១៩,៣៣៧ និងផ្ទះសំណាក់ចំនួន៥២៣កំពុងដំណើរអាជីវកម្ម។ នេះបើយោងតាមរបាយការណ៍ចេញផ្សាយនៅថ្ងៃនេះរបស់ក្រុមហ៊ុនC9 Hotelworksដែលបានស្រាវជ្រាវលើវិស័យបដិសណ្ឋារកិច្ច។
ក្រុមហ៊ុនដដែលនេះបានឱ្យដឹងថា សញ្ញាច្បាស់លាស់នៃការរីកចម្រើនយ៉ាងឆាប់រហ័ស ដែលជះឥទ្ធិពលដល់វិស័យបដិសណ្ឋារកិច្ច ត្រូវបានបង្ហាញនៅក្នុងការពិតដែលថា បច្ចុប្បន្នមានសណ្ឋាគារថ្មីចំនួន១៥ ស្ថិតនៅគម្រោង ដែលមានបន្ទប់ចំនួន៧ ៨៤៩ ។
របាយការណ៍បញ្ជាក់ផងដែរថា សណ្ឋាគារ១៣ក្នុងចំណោមសណ្ឋាគារថ្មីៗ ដែលនឹងមកដល់នាពេលខាងមុខមាន លក្ខណៈអន្តរជាតិដោយក្រុមគ្រប់គ្រង សណ្ឋាគារពិភពលោករួមមាន Marriott, Hyatt, Shangri-La and ACCOR។
រាជធានីភ្នំពេញ ស្ថិតក្នុងស្ថានភាពប្រហាក់ប្រហែល នឹងទីតាំងមូលធនច្រកចេញចូលអាស៊ីCBD ផ្សេងទៀតដូចជាចាការតា និងយ៉ាំងហ្គូន ដែលសណ្ឋាគារត្រូវបានកំណត់ដោយអ្នកធ្វើដំណើរសម្រាប់ជំនួញ។
សម្រាប់អ្វីដែលជាទស្សនវិស័យនៅចំពោះមុខ នាយកគ្រប់គ្រងC9hotelworks លោកBill Barnettបន្ថែមថា“គំរូសេដ្ឋកិច្ចថ្មីរបស់ប្រទេសកម្ពុជា នៅតែមានតែមួយគត់នៅក្នុងតំបន់ ដោយសារចំណុចប្រសព្វនៃគម្រោងខ្សែក្រវ៉ាត់មួយ និងផ្លូវមួយ(BRI) ទោះបីជាទីតាំងនោះមានលក្ខណៈយុទ្ធសាស្ត្រក៏ដោយ”។
ជាមួយនឹងកំលាំងពលកម្មវ័យក្មេង ដែលកំពុងរីកចម្រើន និងឥទ្ធិពលនៃសាកលភាវូបនីយកម្ម ប្រវត្តិសេដ្ឋកិច្ចរបស់ប្រទេសនេះ នៅតែបន្តទៅមុខទៀតនាពេលអនាគត ដូច្នេះនៅតែមានការងារជាច្រើន នៅលើតុនាពេលអនាគតដ៏ខ្លីខាងមុខ៕
