ដោយ ប៊ី
ភ្នំពេញៈ ក្រុមហ៊ុនអាកាសចរណ៍វៀតណាមអ៊ែរឡាញ បានធ្វើការលើសិទ្ធមួយដើម្បីដកភាគហ៊ុន៤៩ភាគរយ នៅក្នុងក្រុមហ៊ុនអាកាសចរណ៍អង្គរអ៊ែរ របស់ប្រទេសកម្ពុជា ដើម្បីទូទាត់ផលប៉ះពាល់លើប្រតិបត្តិការរបស់ខ្លួន ដោយជំងឺរាតត្បាតរីករាលដាល COVID-19។
ក្រុមហ៊ុនអាកាសចរណ៍វៀតណាមអ៊ែរឡាញ បានទិញហ៊ុន៤៩ភាគរយពីដៃគូកម្ពុជាក្នុងឆ្នាំ២០០៩។ រដ្ឋាភិបាលក្នុងតំបន់កាន់កាប់ភាគហ៊ុន៥១ភាគរយទៀត នៅក្នុងក្រុមហ៊ុនអាកាសចរណ៍អង្គរអ៊ែរ។
ក្រុមហ៊ុនអាកាសចរណ៍វៀតណាមអ៊ែរឡាញ បានឱ្យដឹងនៅក្នុងរបាយការណ៍ហិរញ្ញវត្ថុឆ្នាំ២០១៩របស់ខ្លួនថា រដ្ឋបានអនុម័តការដកចេញហ៊ុន ដែលបានគ្រោងទុកកាលពីដើមឆ្នាំនេះ។
ក្រុមហ៊ុនដដែលបានឱ្យដឹងថា “នៅកាលបរិច្ឆេទនៃការចេញរបាយការណ៍ហិរញ្ញវត្ថុចុះ[ថ្ងៃទី ១០ ខែមេសា ប្រតិបត្តិការរបស់ក្រុមហ៊ុន បានរងផលប៉ះពាល់យ៉ាងធ្ងន់ធ្ងរដោយការវិវត្តនៃការរាតត្បាតនៃជំងឺ COVID-19។ ថ្នាក់គ្រប់គ្រងក្រុមហ៊ុន បានបង្កើតនូវដំណោះស្រាយរយៈពេលខ្លី និងវែងដើម្បីដោះស្រាយភាពមិនប្រាកដប្រជា”។
កាលពីខែតុលាឆ្នាំ ២០១៩ ក្រុមហ៊ុនអាកាសចរណ៍អ៊ែរឡាញ បានរាយការណ៍ថា ក្រុមហ៊ុនអាកាសចរណ៍វៀតណាមអ៊ែរឡាញ បានពិចារណា “កាត់បន្ថយឬដក” ភាគហ៊ុនរបស់ខ្លួន នៅក្នុងក្រុមហ៊ុនអាកាសចរណ៍អង្គរអ៊ែរ ដោយសារតែការប្រកួតប្រជែងដ៏ខ្លាំងក្លានៅក្នុងទីផ្សារអាកាសចរណ៍កម្ពុជា។
ក្រុមហ៊ុនអាកាសចរណ៍វៀតណាមអ៊ែរឡាញបានបន្ថែមទៀតថា ក្រុមហ៊ុននេះក៏គ្រោងនឹងលក់យន្តហោះ Airbus ចំនួន ៥ គ្រឿងក្នុងតម្លៃ៣៧លានដុល្លារ ដែលគ្រោងនឹងបញ្ចប់នៅខែមិថុនាឆ្នាំ ២០២០។ ក្នុងទឹកប្រាក់ចំនួន២,៤ទ្រីលានដុង (១០៩ លានដុល្លារ) កាលពីត្រីមាសមុន។
គណៈកម្មាធិការមូលធនរដ្ឋរបស់វៀតណាមបានឱ្យដឹងថា ក្រុមហ៊ុនអាកាសចរណ៍វៀតណាម គឺជាអាជីវកម្មដែលរងផលប៉ះពាល់ច្រើនបំផុត ក្នុងចំណោមក្រុមហ៊ុនចំនួន ១៩ដែលខ្លួនគ្រប់គ្រង។
រដ្ឋបាលក្នុងតំបន់មានហ៊ុន៨៦,២ភាគរយ នៅក្នុងក្រុមហ៊ុនអាកាសចរណ៍វៀតណាម ខណៈដែលក្រុមហ៊ុនANA របស់ជប៉ុនកាន់កាប់៨,៧៧ ភាគរយទៀត៕
