ដោយវុត្ថា
ភ្នំពេញ៖ កម្ពុជាបានស្នើដល់ភាគីថៃបើកច្រកទ្វារអន្តរជាតិ បាន ផាកាត និងច្រកទ្វារព្រំដែនអន្តរជាតិព្រំឡើងវិញបន្ថែមទៀត ដើម្បីសម្រួលដល់ការដឹកទំនិញចេញ-ចូល ខណៈច្រកអន្តរជាតិមួយចំនួនរវាងប្រទេសទាំងពីរត្រូវបានបើកឱ្យដំណើរឡើងវិញផងដែរ។
លោក ផាន់ ចាន់ធុល អភបាលខេត្តប៉ៃលិន និង លោក វិធូឡាត់ ស៊ីណាម អភិបាលខេត្តច័ន្ទបូរី កាលពិថ្ងៃទី ១៧ ខែមេសា ឆ្នាំ ២០២០ម្សិលមិញនេះបានបើកកិច្ចប្រជុំមួយដើម្បីពិភាក្សាស្តីអំពីការងារសុំបើកច្រក ឲ្យមានដំណើរការទំនិញចេញ-ចូល នៅសាលាស្រុកពោងណាមរ៉ន ខេត្តច័ន្ទបូរី ប្រទេសថៃ។
កិច្ចពិភាក្សានាពេលនេះ ភាគីកម្ពុជាដឹកនាំដោយ លោក ផាន់ ចាន់ធុល អភិបាល នៃគណៈអភបាលខេត្តប៉ៃលិន អមដំណើរដោយ ប្រធានសាខាគយ និងរដ្ឋករខេត្តប៉ៃលិន ប្រធានទីស្នាក់ការច្រកទ្វារព្រំដែនអន្តរជាតិព្រំ ប្រធានមន្ទីរពាណិជ្ជកម្ម។
លោក ផាន់ ចាន់ធុល អភិបាល បានលើកសូមណូមពរ ដល់ភាគីថៃឲ្យដំណើរការបើកច្រកទ្វារ ដើម្បីនាំកសិផល និងទំនិញចេញ-ចូល។ លោក វិធូឡាត់ ស៊ីណាម អភិបាលខេត្តច័ន្ទបូរី បានឆ្លើយតបនូវសំណូមពរ របស់ភាគីកម្ពុជា ដោយផ្អែកលើគោលការណ៍ក្រសួងមហាផ្ទៃ នៃព្រះរាជាណាចក្រថៃនៅបន្តអនុវត្តក្នុងខេត្តមួយ ត្រូវឲ្យដំណើរការមធ្យោបាយ ទំនិញចេញ-ចូលតែមួយច្រក។
លោក វិធូឡាត់ ស៊ីណាម ថា ប្រសិនបើស្ថានភាពជម្ងឺកូវីដ១៩ មានការធូរស្រាល និងមានការជូនដំណឹងនៅថ្ងៃទី៣០ ខែមេសា ឆ្នាំ២០២០ អំពីការដំណើរការបើកច្រកទ្វារអន្តរជាតិ បាន ផាកាត និងច្រកទ្វារព្រំដែនអន្តរជាតិព្រំឡើងវិញ ចំពោះតែមធ្យោបាយដឹកទំនិញកសិផលផ្សេងៗ៕
