ដោយ ហ្សូលី
សិង្ហបុរីៈ រដ្ឋាភិបាលប្រទេសសិង្ហបុរី នឹងអនុញ្ញាតឱ្យអាជីវកម្ម ដែលបានជ្រើសរើសជាចាំបាច់បើកដំណើរការវិញ នៅថ្ងៃទី១២ ខែឧសភា ឆ្នាំ២០២០ខាងមុខ យ៉ាងប្រុងប្រយ័ត្ន បន្ទាប់ពីប្រទេសបានបិទទ្វារអស់រយៈពេលពីរខែ ហើយបើទោះបីជាមានការកើនឡើងនៃការឆ្លងមេរោគក្នុងចំនោមពលករបរទេសក៏ដោយ។
អាជីវកម្មរួមមាន ផលិតកម្មអាហារ ហាងលក់រាយទំនិញ ហាងលក់អាហារ សេវាកម្មបោកគក់ ជាងកាត់សក់ និងការផ្គត់ផ្គង់សត្វចិញ្ចឹម នឹងត្រូវបានអនុញ្ញាតឱ្យបើកដំណើរការឡើងវិញនៅថ្ងៃទី១២ ខែឧសភា ឆ្នាំ ២០២០ ។ ចំណែកឯអាជីវកម្ម នៅតាមផ្ទះក៏អាចបើកដំណើរការឡើងវិញបានដែរ។ ក្រុមសិស្ស និស្សិត នឹងត្រូវបានអនុញ្ញាតឱ្យចូលសាលារៀនវិញនៅថ្ងៃទី ១៩ ខែឧសភា ឆ្នាំ ២០២០ ។
ក្រសួងសុខាភិបាលសិង្ហបុរីបាននិយាយថា ការបើកឡើងវិញជាបណ្តើរៗនៃសេដ្ឋកិច្ច និងកន្លែងធ្វើការ នឹងត្រូវបញ្ឈប់ជាបណ្តើរៗ ដោយមានច្បាប់សុខភាពតឹងរឹង រួមទាំងពង្រឹងកម្មវិធីទូរស័ព្ទចល័តឌីជីថល ដើម្បីបង្កើនល្បឿនទំនាក់ទំនង កាន់តែងាយស្រួលនិងទូលំទូលាយ។
វិធានការណ៍នៃការចាក់សោររឹតបន្តឹងផ្សេងទៀត នៅតែមានរួមទាំងការដាក់ពង្រាយពលករចំណាកស្រុកជាង៣០ម៉ឺននាក់ សម្រាប់ការស្នាក់នៅរបស់ពួកគេរហូតដល់ថ្ងៃបញ្ចប់គឺនៅថ្ងៃទី១ ខែមិថុនា។
លោកនាយករដ្ឋមន្ត្រី Lee Hsien Loong មានប្រសាសន៍ថា សេដ្ឋកិច្ចរបស់ប្រទេសសឹង្ហបូរី នឹងមិនចាប់ផ្តើមម្តងទៀតក្នុងពេលតែមួយនោះទេ ប៉ុន្តែនឹងត្រូវបើកជាដំណាក់កាល។
លោកបានមានប្រសាសន៍ថា“ ឧស្សាហកម្មខ្លះ នឹងបើកលឿនជាងឧស្សាហកម្មដទៃហើយនឹងងើបឡើងវិញឆាប់។
វិស័យទាំងនេះ រួមមានវិស័យ ដែលមានសារៈសំខាន់ ដើម្បីធ្វើឱ្យសេដ្ឋកិច្ចក្នុងស្រុកមានដំណើរទៅមុខ និងវិស័យដែលរក្សាសិង្ហបុរី ភ្ជាប់ទៅនឹងពិភពលោក និងបណ្តាញផ្គត់ផ្គង់ពិភពលោក។
លោកលីថា វិស័យផ្សេងទៀត នឹងត្រូវរង់ចាំនោះមានវិស័យទេសចរណ៍ និងកម្សាន្តដែលទាក់ទាញហ្វូងមនុស្សដូចជា កន្លែងកម្សាន្ត និងព្រឹត្តិការណ៍កីឡាខ្នាតធំ។
ប្រព័ន្ធផ្សព្វផ្សាយរដ្ឋ បានរាយការណ៍ពីករណីថ្មីចំនួន៤៤៧ករណី កាលពីថ្ងៃសៅរ៍សប្តាហ៍មុន ដែលឡើងចំនួនអ្នកឆ្លងCovid-19 នៅប្រទេសនេះកើនសរុប១៧.៥៤៨ករណី។
ចំនួនអ្នកឆ្លងប្រហែល៨៥ភាគរយ ត្រូវបានបញ្ជាក់ថា ពួកគេបានផ្សារភ្ជាប់ទៅនឹងកម្មករបរទេស ដែលរស់នៅក្នុងអន្តេវាសិកដ្ឋានដែលមានមនុស្សច្រើន៕
