អាមេរិក និងចិនធ្លាក់ចូលសង្គ្រាមត្រជាក់ជាថ្មី ខណៈទំនាក់ទំនងរវាងប្រទេសទាំងពីរធ្លាក់ដល់កម្រិតសូន្យ

ប្រព័ន្ធផ្សព្វផ្សាយរដ្ឋចិន និងអ្នកការទូត បានបង្កើតការវាយប្រហារតាមប្រព័ន្ធផ្សព្វផ្សាយសង្គមទៅលើឥស្សរជននយោបាយអាមេរិកជាការឆ្លើយតប។

កាលពីសប្តាហ៍មុនវីដេអូឃ្លីបមួយស្តីអំពីការគ្រប់គ្រងរបស់អាមេរិចចំពោះជំងឺថ្មីនេះ ដែលមានចំណងជើងថា“នៅពេលមានមេរោគមួយ” ត្រូវបានចែកចាយយ៉ាងទូលំទូលាយក្នុងចំណោមមន្រ្តីក្រសួងការបរទេស បន្ទាប់ពីវាត្រូវបានចេញផ្សាយដោយទីភ្នាក់ងារសារព័ត៌មានស៊ីនហួរ។

លោក Shi Yinhong សាស្ត្រាចារ្យទំនាក់ទំនងអន្តរជាតិនៅសាកលវិទ្យាល័យ Renmin នៃប្រទេសចិន និងជាទីប្រឹក្សាក្រុមប្រឹក្សារដ្ឋចិន បានមានប្រសាសន៍ថា “សហរដ្ឋអាមេរិក និងចិនពិតជាស្ថិតនៅក្នុងយុគសម័យនៃសង្រ្គាមត្រជាក់ថ្មី។

លោក បានថ្លែងថា “ខុសគ្នាពីសង្រ្គាមត្រជាក់រវាងសហរដ្ឋអាមេរិក និងសហភាពសូវៀត សង្គ្រាមត្រជាក់ថ្មីរវាងសហរដ្ឋអាមេរិក និងចិនមានលក្ខណៈពេញលេញនៃការប្រកួតប្រជែង និងការចែកផ្លូវគ្នាយ៉ាងឆាប់រហ័ស។ ទំនាក់ទំនងរវាងសហរដ្ឋអាមេរិក និងចិនលែងមានដូចកាលពីប៉ុន្មានឆ្នាំមុន ហើយមិនមានទំនាក់ទំនងដូចកាលពីប៉ុន្មានខែមុនទេ”។

ខណៈការលើកឡើងអំពី “សង្រ្គាមត្រជាក់ថ្មី” គឺជាចំណុចដែលត្រូវបានលើកលើងជាធម្មតានៅវ៉ាស៊ីនតោន វាត្រូវបានគេប្រើតិចជាងមុននៅទីសាធារណៈដោយទីប្រឹក្សា និងអ្នកប្រាជ្ញចិន។ យ៉ាងណាមិញសង្គ្រាមត្រជាក់ដើមបានឈានទៅរកការបញ្ចប់នៃសហភាពសូវៀត និងបានធ្វើឱ្យសហរដ្ឋអាមេរិកទទួលជោគជ័យ៕