ពាណិជ្ជកម្មទ្វេរភាគីអាមេរិកនិងកម្ពុជា មានតម្លៃជាង ១៦០០លានដុល្លារ ក្នុងដើមឆ្នាំនេះ

ដោយ ហ្សូលី

ភ្នំពេញ៖ ពាណិជ្ជកម្មទ្វេរភាគីរវាងកម្ពុជានិងសហរដ្ឋអាមេរិក ក្នុងដើមត្រីមាសទី ១ ឆ្នាំ ២០២០នេះ មានទំហំជាង ១៦០០លានដុល្លារ កើនឡើងប្រមាណ ៣៥ ភាគរយ បើធៀបជាមួយរយៈពេលដូចគ្នាកាលពីឆ្នាំមុន។ នេះបើតាមឱ្យដឹងពីទិន្នន័យចុងក្រោយបង្អស់ដែលរដ្ឋាភិបាលអាមេរិកបានបង្ហាញជាសាធារណៈ។

ចាប់ពីខែមករាដល់ខែមីនា ឆ្នាំ ២០២០ កម្ពុជានាំចេញទៅកាន់ប្រទេសដែលជាទីផ្សារធំជាងគេបង្អស់នៅលើពិភពលោក កើនឡើងដល់ទៅ ៤២ ភាគរយ ស្មើនឹងទឹកប្រាក់ ១៥៩៤ពាន់លានដុល្លារ ខណៈពេលដែលកម្ពុជានាំចូលពីសហរដ្ឋអាមេរិកវិញត្រឹម ៨៥លានដុល្លារ ធ្លាក់ចុះ ៣០ភាគរយ។

យោងតាមក្រសួងពាណិជ្ជកម្មកម្ពុជាបានឱ្យដឹងថា កម្ពុជានាំចេញភាគច្រើនជាក្រណាត់ ស្បែកជើង ទំនិញធ្វើដំណើរ និងផលិតផលកសិកម្មទៅកាន់សហរដ្ឋអាមេរិក រីឯកម្ពុជាវិញនាំចូលពីអាមេរិកវិញមានដូចជា យានជំនិះ ចំនីសត្វ និងម៉ាស៊ីននានា។