ដោយៈជេស៊ីកា
ភ្នំពេញៈ អគារការិយាល័យកណ្តាល របស់ធនាគារពាណិជ្ជកម្មក្រៅប្រទេសនៃកម្ពុជា (FTB) បានបង្ហាញរូបរាងហើយ ខណៈធនាគារនេះកំពុងរៀបចំដេញថ្លៃលើការសាងសង់អគារនេះ។
អគារធនាគារកណ្តាល FTB គ្រោងសាងសង់កំពស់២៨ជាន់ និងឌីសាញដោយក្រុមហ៊ុន Meinhardt អន្តរជាតិ។
គំរោងអគារការិយាល័យកណ្តាលរបស់ធនាគារ FTB បានលេចរូបរាងហើយ
ទីតាំងគំរោងនេះ ស្ថិតនៅក្បែរអតីតស្ថានីយ៍ទូរទស្សន៍ រាជធានីភ្នំពេញប៉ុស្តហ៍លេខ៣ចាស់។ គំរោងអគារកប់ពពកនេះ បាននិងកំពុងទាក់ទាញការចាប់អារម្មណ៍ពីអ្នកឌីសាញជាតិ ដោយសាររចនាបទអគារនេះមានភាពលេចធ្លោ ហើយវានឹងជា Land Mark មួយនៅតំបន់នេះ។
តាមប្រភពព៌តមានពីក្រុមស្ថាបត្យករ ដែលធ្វើការពាក់ព័ន្ឋលើគំរោងនេះបានឲ្យដឹងថា ការដេញថ្លៃសាងសង់គំរោងនេះ នឹងចាប់ផ្តើមនៅពាក់កណ្តាលខែមករាខាងមុខនេះ។
FTB ជាធនាគារពាណិជ្ជឈានមុខគេមួយ ក្នុងចំណោមធនាគារពាណិជ្ជឈានមុខគេធំៗនៅកម្ពុជា៕
