ដោយៈ វិវឌ្ឈន៍
ព្រះវិហារៈ អាជ្ញាធរជាតិព្រះវិហារ និងសាកលវិទ្យាល័យBritish Columbia Universityកាលពីពេលថ្មីៗនេះ បានចាប់ផ្តើមកិច្ចការងារស្រាវជ្រាវ វិស័យបុរាណវិទ្យាដោយប្រើប្រាស់ឧបករណ៍ Ground Penetrating Radar (GPR) ក្នុងរមណីយដ្ឋានប្រាសាទកោះកេរ។
ការស្រាវជ្រាវនេះដឹកនាំដោយលោកស្រីបណ្ឌិត Sarah Klassen លើការងារស្រាវជ្រាវវិស័យបុរាណវិទ្យាដោយប្រើប្រាស់ឧបករណ៍ GPR ដើម្បីស្កេននៅទីតាំងចន្លោះ ពីប្រាសាទធំដល់អណ្តូងព្រេង ឬរាជវាំងបុរាណ ក្នុងគោលបំណងសិក្សាស្វែងយល់ ពីការតាំងទីរបស់មនុស្សនាសម័យបុរាណ និងរចនាសម្ព័ន្ធសំណង់បុរាណមួយចំនួន ដែលកប់បាត់ក្នុងស្រទាប់ដីចាក់បង្គរអស់ជាច្រើនសតវត្សរ៍។
