ផ្សារហ៊ុននៅតំបន់អាស៊ីហក់ឡើង ស្របពេលតម្លៃប្រាក់ដុល្លារអាមេរិក ដាំក្បាលចុះ

ដោយ: គង់ លាងហួរ

សិង្ហបុរី: ផ្សារហ៊ុននៅតំបន់អាស៊ី មានស្ថិរភាពនៅថ្ងៃពុធនេះ ជាមួយនឹងសញ្ញានៃការធ្លាក់ចុះ នៃប្រាក់ឈ្នួលរបស់សហរដ្ឋអាមេរិក ដែលជំរុញឱ្យមានការរំពឹងទុកថា ធនាគារកណ្តាលអាចពិភាក្សា បញ្ចប់ការដំឡើងអត្រាការប្រាក់ នៅក្នុងកិច្ចប្រជុំរបស់ខ្លួននៅពេលក្រោយ។

សន្ទស្សន៍ផ្សារហ៊ុន Wall Street បានហក់ឡើងវិញ ខណៈប្រាក់ដុល្លារដាំក្បាលចុះពេញមួយយប់ នៅពេលដែលរង្វាស់ប្រាក់ឈ្នួល ដែលជាសន្ទស្សន៍ថ្លៃការងាររបស់សហរដ្ឋអាមេរិក បានបង្ហាញពីការកើនឡើងត្រឹម១ភាគរយ កាលពីត្រីមាសទី៤ ដែលនេះជាកំណើនតិចតួចបំផុតក្នុងមួយឆ្នាំ។

សន្ទស្សន៍ភាគហ៊ុនអាស៊ីប៉ាស៊ីហ្វិករបស់ MSCI នៅខាងក្រៅប្រទេសជប៉ុនបានហក់ឡើង០,៦ភាគរយ នៅពាក់កណ្តាលវគ្គ បន្ទាប់ពីបានដាំក្បាលចុះ១,២ភាគរយកាលពីថ្ងៃអង្គារ ខណៈផ្សារហ៊ុន Nikkei របស់ប្រទេសជប៉ុននៅទ្រឹង។

ធនាគារកណ្តាលអាមេរិក គ្រោងនឹងប្រកាសការសម្រេចចិត្តលើការដំឡើងអត្រាការប្រាក់របស់ខ្លួន នៅម៉ោង1900 GMT បន្ទាប់មកនឹងមានការធ្វើសន្និសីទសារព័ត៌មាន ជាមួយប្រធានធនាគារ លោកJerome Powell នាពេលកន្លះម៉ោងក្រោយមក។

ក្រុមវិនិយោគិន កំពុងព្យាយាមវាស់ស្ទង់ថាតើលោក Jerome Powell ខំប្រឹងយ៉ាងណា ដើម្បីជំរុញតម្លៃទីផ្សារសម្រាប់ការកាត់បន្ថយអត្រាការប្រាក់ ដែលនឹងចាប់ផ្តើមភ្លាមៗនៅឆមាសទី២ ឆ្នាំ២០២៣នេះ។

ប្រាក់ដុល្លារបានដាំក្បាលចុះ ក្នុងរយៈពេល៤ខែជាប់ៗគ្នា ក្នុងខែមករា និងបានដាំក្បាលចុះ១,៥ភាគរយ ធៀបនឹងប្រាក់អឺរ៉ូ និង០,៨ភាគរយ ធៀបនឹងប្រាក់យ៉េន៕

មន្រ្តីជាន់ខ្ពស់រំពឹងថា ការធ្វើដំណើរតាមផ្លូវអាកាសរវាងចិនកម្ពុជានឹងកើនដល់ចន្លោះពី៣០ទៅ៤០ភាគរយនៅឆ្នាំនេះ

ដោយៈ គង់ សូរិយា

ភ្នំពេញៈ អនុរដ្ឋលេខាធិការ និងជាអ្នកនាំពាកន្យរដ្ឋលេខាធិការដ្ឋានអាកាសចរស៉ីវិល លោកស៊ិន ចាន់សិរីវុត្ថាបានបង្ហាញនូវការរំពឹងទុកថា ការដឹកជញ្ជូនអ្នកដំណើរតាមផ្លូវអាកាសរវាងកម្ពុជា និងចិន នឹងវិលមកភាពប្រក្រតីឡើងវិញ ក្នុងរង្វង់៣០% ទៅ៤០% បើធៀបទៅមុនវិបត្តិជំងឺកូវីដ-១៩ ចាប់ពីដើមខែកុម្ភៈ ឆ្នាំ២០២៣នេះតទៅ បន្ទាប់ពីចិនបើកប្រទេសឡើងវិញ។

លោកបានសរសេរលើរបាយការណ៍បញ្ជូន ជូនរដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិកាលពីដើមសប្តាហ៍នេះថា អាអាជ្ញាធរអាកាសចរស៊ីវិលនៃប្រទេសទាំងពីរ បានឯកភាពគ្នាដាក់ដំណើការ ជើងហោះហើរជាប្រក្រតីឡើងវិញ ដោយអនុវត្តតាមកិច្ចព្រមព្រៀងទ្វេភាគីឡើងវិញ និងពុំមានការរិតត្បិត ឬកំណត់ចំនួនជើងហោះហើរទៀតឡើយ។

លោកបន្តថា នៅមុនពេលវិបត្តិជំងឺកូវីដ-១៩ ជើងហោះហើររវាងប្រទេសទាំងពីរ គឺមានសរុបចំនួន៤១៥ជើងក្នុងមួយសប្តាហ៍។ ចំណែកក្រុមហ៊ុនអាកាសចរណ៍ហោះហើរ រវាងប្រទេសទាំងពីរមានចំនួន២២ក្រុមហ៊ុន ក្នុងនោះ ក្រុមហ៊ុនអាកាសចរណ៍ចិនមានចំនួន១៦ និងកម្ពុជាមាន៦ក្រុមហ៊ុន ដោយភ្ជាប់ការហោះហើរទៅកាន់ទីក្រុងចំនួន៣៧ ដោយក្នុងនោះ ខាងកម្ពុជាមានចំនួន៣ទីក្រុង និងខាងចិនមានចំនួន៣៤ទីក្រុង។

ក្នុងឆ្នាំ២០២២ កម្ពុជាទទួលបានអ្នកដំណើរចំនួនជាង២ លាននាក់ កើនឡើងជិត៩០០% បើធៀបទៅនឹងឆ្នាំ២០២១ ហើយបើធៀបឆ្នាំ២០១៩ គឺអ្នកដំណើរមានចំនួនប្រមាណតែ២៥% នៃឆ្នាំ២០១៩។ ចំណែកជើងហោះហើរមានចំនួនជិត ៣ម៉ឺនជើង កើនឡើងជាង ២៦០% បើធៀបទៅនឹងរយៈពេលដូចគ្នាកាលពីឆ្នាំ២០២១។

ការស្ទុះងើបឡើងវិញនៃចរាចរណ៍តាមផ្លូវអាកាស សម្រាប់ប្រទេសកម្ពុជា នឹងអាចកើតឡើងស្មើនឹងឆ្នាំ២០១៩ គឺនៅចុងឆ្នាំ២០២៤ ឬដើមឆ្នាំ២០២៥ ស្របទៅតាមនិន្នាការនៃការស្ទុះងើបឡើងវិញ របស់ពិភពលោក ប្រសិនបើគ្មានអ្វីប្រែប្រួលនោះទេ។

លោកហូ វណ្ឌីទីប្រឹក្សាសមាគមទីភ្នាក់ងារទេសចរណ៍កម្ពុជាបានថ្លែងថា ការមកដល់របស់ភ្ញៀវទេសចរណ៍ចិនបានតិចឬច្រើន អាស្រ័យលើពេលវេលាជាក់លាក់ និងគោលនយោបាយសមស្រប ពិសេសក្នុងដំណើរទស្សនកិច្ចរបស់សម្តេចតេជោ ទៅកាន់ប្រទេសចិននាពេលខាងមុខ នឹងជាការបើកទ្វារស្វាគមន៍ពីកម្ពុជា ទៅកាន់ប្រទេសចិន ដែលយើងរំពឹងថា អ្នកទេសចរ ណ៍ និងវិនិយោគចិននឹងវិលមកកាន់កម្ពុជាឡើងវិញ។

លោកបន្តថា “យ៉ាងណាបច្ចុប្បន្នយើងឃើញ មានសញ្ញាសុទិដ្ឋិនិយមបណ្តើរៗហើយ សម្រាប់លំហូរភ្ញៀវទេសចរណ៍ចិនមកកាន់កម្ពុជា ខណៈបច្ចុប្បន្នមានក្រុមហ៊ុនអាកាសចរណ៍ចិនចន្លោះពី៥ទៅ៦ បានហោះមកកាន់កម្ពុជា”។

ជាមួយគ្នានេះ ក្រសួងទេសចរណ៍បានព្យាករណ៍ថា កម្ពុជានឹងអាចទទួលបានភ្ញៀវទេសចរណ៍ចិន១លាននាក់នៅឆ្នាំនេះ ខណៈក្រសួងសេដ្ឋកិច្ច និងហិរញ្ញវត្ថុបានព្យាករណ៍ពីកំណើនទាបជាងនេះ៕

សម្តេចតេជោសម្រេចមិនយកពន្ឋពីគ្រឹះស្ថានឧត្តមសិក្សាឯកជន រយៈពេល៥ឆ្នាំទៀត

ដោយៈគង់ សូរិយា

ភ្នំពេញៈ សម្តេចតេជោហ៊ុន សែន នាយករដ្ឋមន្ត្រីនៃកម្ពុជា បានសម្រេចមិនយកពន្ធ ពីគ្រឹះស្ថានអប់រំឯកជនរយៈពេល៥ឆ្នាំបន្តទៀត ដោយតអនុវត្តន៍ចាប់ពីឆ្នាំ២០២៤ ដល់ឆ្នាំ២០២៨។

ការសម្រេចរបស់សម្តេចតេជោនាយករដ្ឋមន្ត្រី តបនឹងសំណើរបស់សមាគម គ្រឹះស្ថានឧត្តមសិក្សាក្នុងជំនួបសម្តែងការគួរសម និងពិភាក្សាការងារនាព្រឹក ថ្ងៃពុធ ទី០១ ខែកុម្ភៈ ឆ្នាំ២០២៣នេះ។

សមាគមគ្រឹះស្ថានឧត្តមសិក្សា គឺជាបណ្តុំគ្រឹះស្ថានឧត្តម សិក្សានៅកម្ពុជា ដែលបានចងក្រងគ្នាធ្វើសកម្មភាព ក្នុងការលើកកម្ពស់ គុណភាពអប់រំសិក្សារបស់សិស្ស និស្សិត និងពង្រឹងគុណភាពបង្រៀន គ្រប់កម្រិត និងនិរន្តរភាពស្ថាប័ន។

សម្តេចតេជោ ហ៊ុន សែន បានចាត់ទុកគ្រឹះស្ថានអប់រំឯកជន គឺជាដៃគូដ៏សំខាន់របស់រាជរដ្ឋាភិបាល ក្នុងការលើកកម្ពស់វិស័យអប់រំនៅកម្ពុជា។ អាស្រ័យហេតុនេះហើយ សម្តេចតេជោ ហ៊ុន សែន តែងអនុញ្ញាតឱ្យថ្នាក់ដឹកនាំ និងសមាជិកគ្រឹះស្ថាន ឧត្តមសិក្សាចូលជួបសម្តែងការគួរសម និងពិភាក្សាលើការងារអប់រំរៀង រាល់មួយឆ្នាំម្តង។

លោកបណ្ឌិត ហេង វ៉ាន់ដា ប្រធានក្រុមប្រឹក្សាភិបាលសមាគមបានមានប្រសាសន៍ថា ថ្នាក់ដឹកនាំ និងសមាជិក សមាជិកា អញ្ជើញចូលជួបសម្តេចតេជោ នាព្រឹកមិញនេះ មានចំនួនសរុប១៣៨នាក់ មកពីគ្រឹះស្ថានសិក្សា សរុបប្រមាណ១២៣គ្រឹះស្ថាន ក្នុងគ្រឹះស្ថានឧត្តមសិក្សាចំនួន៤០ និងគ្រឹះស្ថានអប់រំចំណេះទូទៅចំនួន៨៣។

លោក អ៊ាង សុផល្លែត ជំនួយការផ្ទាល់របស់សម្តេចតេជោ បានឱ្យដឹងថា ក្នុងជំនួបព្រឹកមិញនេះ សម្តេចតេជោនាយករដ្ឋមន្ត្រី បានវាយតម្លៃខ្ពស់ចំពោះវិធានការរបស់ ក្រសួងអប់រំ យុវជន និងកីឡា ក្នុងការជំរុញការសិក្សាអនឡាញកំលុងពេល កម្ពុជាជួបការរាតត្បាតជំងឺកូវីដ១៩។

សម្តេចតេជោ ក៏បានថ្លែងអំណរគុណចំពោះគ្រឹះស្ថានឧត្តមសិក្សាទាំងអស់ ដែលបានចូលរួមយ៉ាងសកម្ម ក្នុងការបណ្តុះបណ្តាលធនធានមនុស្ស។ ជាពិសេសក្នុងពេលកម្ពុជាជួបវិបត្តិនៃការរាតត្បាតជំងឺកូវីដ១៩។

សម្តេចតេជោ ហ៊ុន សែន ក៏បានអរគុណសមាគមគ្រឹះស្ថានឧត្តមសិក្សា ដែលបានចូលរួមក្នុងសកម្មភាពមនុស្សធម៌នានា។ សម្តេចតេជោ ចាត់ទុកសកម្មភាពមនុស្សធម៌ទាំងនោះ ជាការចូលរួមជួយគ្នា ដើម្បីការរីកលូតលាស់នៅក្នុងសង្គមកម្ពុជាបន្តទៅមុខទៀត។

លោក ហេង វ៉ាន់ដាបានឲ្យដឹងផងដែរថា សម្តេចតេជោ បានលើកឡើងជាច្រើនពាក់ព័ន្ធការអប់រំ ជាពិសេសការលើកកម្ពស់ គុណភាពអប់រំឱ្យកាន់តែល្អប្រសើរថែមទៀត៕

ក្រុមហ៊ុនអចលនទ្រព្យធំមួយរបស់ប្រទេសថៃ Sansiri ត្រៀមឈានជើងចូលទីផ្សារនៅកម្ពុជា

ដោយ: គង់ លាងហួរ

អន្តរជាតិ: ក្រុមហ៊ុនអភិវឌ្ឍន៍អចលនទ្រព្យ Sansiri Plc ដែលចុះបញ្ជីក្នុងផ្សារហ៊ុន SET គ្រោងអភិវឌ្ឍគម្រោងថ្មីចំនួន៥២ ដែលមានតម្លៃសរុបប្រមាណ២,២៧ពាន់លានដុល្លារ នៅឆ្នាំ២០២៣នេះ។

លោកស្រី Srettha Thavisin ប្រធាន និងជានាយកប្រតិបត្តិក្រុមហ៊ុន Sansiri Plc បានមានប្រសាសន៍ថា “យុទ្ធសាស្ត្ររបស់ក្រុមហ៊ុននៅឆ្នាំ២០២៣នេះ ត្រូវបានគាំទ្រដោយការព្យាករណ៍ ពីការស្ទុះងើបឡើងវិញនៃសេដ្ឋកិច្ច”។

លោក Wichan Wiriyaphusit ប្រធានផ្នែកហិរញ្ញវត្ថុរបស់ក្រុមហ៊ុន Sansiriបានមានប្រសាសន៍ថា ផែនការអភិវឌ្ឍន៍ប្រកបដោយសុទិដ្ឋិនិយមនៅឆ្នាំនេះ ផ្តើមចេញពីការទិញយកដីឡូត៍ដ៏ខ្លាំងក្លា ក្នុងឆ្នាំ២០២០-២០២២។

លោកបន្តថា “យើងអាចចាប់ផ្តើមគម្រោងថ្មី ដែលមានចំនួនច្រើនជាងការប្រកាសនៅថ្ងៃនេះ ប៉ុន្តែវានឹងអាស្រ័យលើស្ថានភាពទីផ្សារ”។

លោកបញ្ជាក់ថា “យើងក៏មានដើមទុនគ្រប់គ្រាន់ ក្នុងការធ្វើដូច្នេះដែរ ខណៈដែលយើង បានបោះផ្សាយប័ណ្ណបំណុលដ៏ធំបំផុត ក្នុងវិស័យអចលនទ្រព្យនេះ”។

លោក Uthai Uthaisangsuk ប្រធានផ្នែកប្រតិបត្តិការរបស់ក្រុមហ៊ុន Sansiri បានមានប្រសាសន៍ថា ក្រុមហ៊ុនគ្រោងសម្រេចការលក់ជាមុន(Presale) ចំនួន១២ពាន់លានបាតពីអតិថិជនបរទេស ដែលកើនឡើងពី៧,៨ពាន់លានបាតកាលពីឆ្នាំមុន។

លោកបន្តថា “យើងនឹងទាញយកទីផ្សារដ៏មានសក្ដានុពលថ្មី ដូចជា កម្ពុជា វៀតណាម មីយ៉ាន់ម៉ា និងឡាវ បន្ថែមលើទីផ្សារដ៏ខ្លាំងរបស់យើងដូចជា ប្រទេសចិន តៃវ៉ាន់ ហុងកុង និងរុស្ស៊ី”៕

For ASEAN countries, IMF sees slower global growth outweighing China reopening

SINGAPORE : International Monetary Fund economists said on Tuesday that Singapore and other Southeast Asian economies are seeing downgrades to their 2023 growth outlooks because slowing global growth will outweigh the positive impact from China’s economic reopening.

Chief economist Pierre-Olivier Gourinchas told a news briefing on the IMF’s latest global growth forecasts these forces prompted the IMF to reduce Singapore’s GDP growth outlook for 2023 to 1.5 per cent from a 2.3 per cent forecast issued last October.

IMF’s 2023 forecast for
ASEAN-5 – Singapore, Malaysia, Vietnam, Indonesia and the Philippines – was cut to 4.3 per cent from 4.5 per cent in the October forecast.

The fund’s 2024 forecast was also cut by 0.2 per centage point to 4.7 per cent.

Daniel Leigh, division chief of the research department at the IMF, told Reuters that ASEAN’s rapid growth in 2022 of 5.2 per cent was a one-off, while noting the surprising speed that China had reopened this year.

“It was just six months ago, we were talking about lockdowns and so on.

They’ve just made a very rapid shift,” Leigh said, noting how this had quickly translated to visible numbers like bookings with the potential to raise growth in the tightly integrated Southeast Asian region.

(Reporting Xinghui Kok; Writing by David Lawder; Editing by Tom Hogue and Ed Davies)

Source: Reuters

Thai tourism industry ups forecast to 30 million foreign arrivals this year

Thailand’s tourism industry expects foreign arrivals to exceed 30 million this year, significantly higher than government estimates of 25-27.5 million.

Making the forecast on Tuesday, the Tourism Council of Thailand (TCT) predicted foreign and domestic tourists would generate over 3 trillion baht in revenue this year.

However, TCT president Chamnan Srisawat warned the huge volume of customers will pose challenges for the Thai tourism industry, which is still recovering from the ravages of Covid-19.

Most tourism businesses are still suffering liquidity and labour shortages, he explained, while some are missing out on new opportunities.

TCT is tackling the problems by cooperating with the Office of SMEs Promotion to help entrepreneurs tap new trends like wellness- and metaverse-based tourism, he said.

On the liquidity front, it is liaising with the Government Savings Bank and National Credit Bureau for access to soft loans for tourism operators.

Finally, the TCT is collaborating with the Labour Ministry, Vocational Education Commission and Thailand Professional Qualification Institute to fill gaps in the tourism labour market.

About 86% of workers have now returned to the tourism industry after the Covid downturn, said Pakakrong Theparak, a tourism expert at Rajamangala University of Technology Srivijaya.

Only 13% of tourism-related businesses plan to recruit employees in the first quarter of this year, with demand for workers strongest among spa/massage operators, followed by entertainment venues.

Many businesses had been forced to increase employee hours, allow more overtime and offer higher wages, she added.

Most operators plan to hike the price of their products and services in the first quarter, especially restaurants, Pakakrong said.

Source: The Nation

អាកាសយានដ្ឋានអន្តរជាតិខេត្តសៀមរាបត្រៀមស្វាគមន៍ជើងហោះហើរពីប្រទេសចិននៅពាក់កណ្តាលខែកុម្ភៈនេះ

ដោយៈ គង់ សូរិយា

ភ្នំពេញៈ ក្រសួងទេសចរណ៍បានឲ្យដឹងថា ក្រុមហ៊ុនអាកាសចរណ៍ចិន នឹងហោះហើរមកកាន់ខេត្តសៀមរាប នៅថ្ងៃទី១៦ និង១៧ កុម្ភៈខាងមុខនេះ ស្របពេលប្រទេសចិនបើកទ្វារ។

យោងតាមរបាយការណ៍របស់ក្រសួង ដែលបានចេញផ្សាយកាលពីថ្ងៃទី៣១ មករា បានឲ្យដឹងថា ខេត្តសៀមរាប ចាប់ពីថ្ងៃទី១៦ និង១៧ កុម្ភៈ នឹងមានជើងហោះហើរពីទីក្រុងគួនមីង និងពីសៀងហៃ ប្រត្តិបត្តិការដោយក្រុមហ៊ុនអាកាសចរណ៍China Eastern។

របាយការណ៍បានបញ្ជាក់ថា “ចាប់ពីចុងខែមីនា ទៅទើបមានកម្មវិធីហោះហើរទៀងទាត់។ យើងនឹងរៀបចំពីធីស្វាគមន៍ដ៏សមរម្យមួយ ដូចនៅក្រុងព្រះសីហនុផងដែរ”។

នៅសៀមរាបបច្ចុប្បន្ន មានជើងហោះហើរចន្លោះពី១៦-១៩ជើង ក្នុង១ថ្ងៃ ដែលភ្ញៀវចន្លោះ១៨០០-១៩០០នាក់។ រីឯភ្ញៀវទិញសំបុត្រចូលអង្គរយ៉ាងតិច២០០០នាក់ក្នុងមួយថ្ងៃផងដែរ។

ភ្ញៀវប្រចាំថ្ងៃ បច្ចប្បន្ននៅសៀមរាបច្រើនជាងគេ គឺភ្ញៀវកូរ៉េដែលមកតាមជើងហោះហើរប្រចាំថ្ងៃរបស់ Sky Angkor Airline៕

ប្រទេសឥណ្ឌូនេស៊ីគ្រោងដាក់លក់ប្លុកប្រេង និងឧស្ម័នចំនួន១០ នៅឆ្នាំ២០២៣នេះ

ដោយ: គង់ លាងហួរ

ហ្សាការតា: ប្រទេសឥណ្ឌូនេស៊ី គ្រោងដាក់លក់ប្លុកប្រេង និងឧស្ម័នចំនួន១០ នៅឆ្នាំ២០២៣នេះ រួមទាំងប្លុកមួយនៅសមុទ្រចិនខាងត្បូងផងដែរ ដើម្បីជំរុញផលិតកម្មថាមពល និងរបកគំហើញថ្មីៗ។

នៅឆ្នាំ២០២២ ឥណ្ឌូនេស៊ីបានលក់ដេញថ្លៃប្លុកប្រេង និងឧស្ម័នចំនួន១៣ ហើយបានតែងតាំងអ្នកម៉ៅការសម្រាប់ប្លុកចំនួន៦។

ប្រទេសនេះគ្រោងបង្កើនផលិតផលប្រេង ឲ្យបានចំនួន១លានបារ៉ែល ក្នុងមួយថ្ងៃ និងបង្កើនការផលិតឧស្ម័នចំនួន១២.០០០លានហ្វីតគូប ក្នុងមួយថ្ងៃ (mmscfd) ត្រឹមឆ្នាំ២០៣០ ។

កាលពីឆ្នាំមុន ប្រទេសឥណ្ឌូនេស៊ី បានខកខានគោលដៅបង្កើនផលិតកម្មប្រេង និងឧស្ម័នរបស់ខ្លួន ស្របពេលគម្រោងត្រូវបានពន្យារពេល។

លោក Tutuka Ariadji មន្ត្រីក្រសួងថាមពល បានបញ្ជាក់ប្រាប់អ្នកយកព័ត៌មានថា ក្នុងចំណោមតំបន់ប្រេង និងឧស្ម័ន ដែលឥណ្ឌូនេស៊ីគ្រោងនឹងដាក់លក់ក្នុងឆ្នាំនេះ គឺជាតំបន់Natuna D Alpha ដែលជាប្លុកឧស្ម័នខ្នាតយក្សដ៏ធំស្ថិតនៅក្នុងសមុទ្រចិនខាងត្បូង។

កាលពីឆ្នាំមុន ប្រទេសឥណ្ឌូនេស៊ី បានអនុម័តផែនការអភិវឌ្ឍន៍សម្រាប់តំបន់ឧស្ម័ន Natuna ដែលមានតម្លៃ៣ពាន់លានដុល្លារ នៅសមុទ្រចិនខាងត្បូងនេះផងដែរ។

លោក Tutuka Ariadji ក៏សង្ឃឹមថា “គម្រោងឧស្ម័នធំៗ ដែលកំពុងជាប់គាំង ដូចជាគម្រោង Indonesia Deepwater Development (IDD) និងគម្រោង Masela អាចចាប់ផ្តើមឡើងវិញក្នុងពេលឆាប់ៗនេះ”៕

បុរីHK Residence ផ្តល់ជូននូវវីឡាជាប់ដីដ៏ស្រស់ស្អាតជាមួយតម្លៃត្រឹម៤៨,០០០ដុល្លារ និងលក្ខខ័ណ្ឌបង់ប្រាក់ងាយស្រួល

ដោយៈ គង់ សូរិយា

ភ្នំពេញៈ លក្ខខ័ណ្ឌបង់ប្រាក់ងាយស្រួល ជាមួយជម្រើសដ៏ច្រើន បុរីHK Residenceបាននិងកំពុងសាងសង់ ផ្ទះវីឡាជាប់ដីដ៏ស្រស់ស្អាត និងមានតម្លៃត្រឹម៤៨,០០០ដុល្លារអាមេរិកប៉ុណ្ណោះ។

អ្នកទិញលំនៅដ្ឋានក្នុងបុរីនេះ ក៏នឹងទទួលបានប័ណ្ណកម្មសិទ្ឋ(ប្លង់រ៉ឹង)ភ្លាមៗផងដែរ ដោយសារក្រុមហ៊ុនបានរៀបចំជាស្រេចសម្រាប់អតិថិជន។

គម្រោងបុរីHK Residence មានទីតាំងស្ថិតនៅភូមិកណ្ដឹងតូច ឃុំកណ្ដឹងតូច ស្រុកបាទី ខេត្តតាកែវ ស្ថិតនៅព្រំប្រទល់រវាងខេត្តកណ្តាល និងរាជធានីភ្នំពេញ មានទំហំរហូតដល់៥ហិចតា ដែលជំហានទី១ កំពុងសាងសង់លើផ្ទៃដីទំហំ២ហិចតាជាមុនសិន ហើយនឹងបន្តពង្រីកការអភិវឌ្ឍបន្ថែមទៀត នាពេលខាងមុខ។

លោកចាប ពៅអគ្គនាយកបុរី HK Residenceបានមានប្រសាសន៍ ឲ្យដឹងកាលពីពេលថ្មីៗនេះថា បុរីនេះមានប្រភេទផ្ទះវីឡា ដែលមានទំហំផ្ទះ១៣,៥ម៉ែត្រគុណ៧,២ ដែលមាន៣បន្ទប់គេងនិង៣បន្ទប់ទឹក អមជាមួយសួនច្បារដ៏ស្រស់ស្អាត នៅក្នុងផ្ទះនីមួយៗដាច់ដោយឡែកពីគ្នា។ ជាពិសេស ផ្លូវនៅក្នុងបុរីមានទំហំចន្លោះពី២០ ទៅ៣០ម៉ែត្រ និងមានសួនច្បារ ទីលានកំសាន្តសម្រាប់កុមារ កន្លែងហាត់ប្រាណ ។ល។

លោកបានបន្តថា “បុរី HK Residence មានទីតាំងស្ថិតនៅក្នុងតំបន់សក្តានុពលខ្ពស់ មិនត្រឹមតែមានទីតាំងនៅជិតរាជធានីភ្នំពេញ ដោយធ្វើដំណើរតាមរយៈផ្លូវជាតិលេខ២ នៅជិតផ្លូវក្រវាត់ក្រុងទី៤ និងទីតាំងរមណីយដ្ឋានភ្នំតាម៉ៅផងដែរ”។

លោកចាប ពៅបានបន្តថា បន្ថែមលើសនេះ គម្រោងវិនិយោគធំៗជាច្រើនគ្រោងមកបណ្ដាក់ទុន ដូចជា គម្រោងរមណីយដ្ឋានខ្នាតអន្តរជាតិលំដាប់ខ្ពស់ ទំហំជាង៥០ហិចតា និងគម្រោងបុរីរបស់ក្រុមហ៊ុនផ្សេងៗទៀត។ អ្វីដែលសំខាន់ជាងនេះ ការអភិវឌ្ឍលើបណ្ដាញហេដ្ឋារចនាសម្ព័ន្ធ ផ្លូវ ទឹក ភ្លើង គឺមានគ្រប់គ្រាន់ ដោយមិនមានភាពខ្វះខាតឡើយ ដែលនេះនឹងបង្កលក្ខណៈកាន់តែងាយស្រួលដល់ការរស់នៅរបស់អតិថិជន។

លោកអះអាងថា “ទីតាំងនេះមានសក្តានុពលល្អបំផុតនេះ នឹងជំរុញឱ្យការវិនិយោគនៅលើបុរី HK Residence ក្នុងរយៈពេល៥ឆ្នាំខាងមុខនេះ នឹងអាចផ្តល់ផលចំណេញខ្ពស់ មួយគុណនឹងពីរ”។

សម្រាប់អតិថិជនដែលមានចំណាប់អារម្មណ៍ទិញ អញ្ចើញមកមើលទីតាំងថ្ងៃនេះ នឹងអាចរើសទីតាំងល្អបានមុនគេ។ សម្រាប់ការបង់ប្រាក់ អតិថិជនអាចទទួលបានការសម្រួលឯកសារ រត់ការធ្វើប្លង់ជូន សម្រាប់ការខ្ចីពីធនាគារក្នុងអត្រាការប្រាក់ទាបបំផុត ពីធនាគារដៃគូរជាច្រើនរបស់បុរី៕

គំរោងបូកគោលែន២ និងបូកគោលែន៣បង្ហាញសម្រស់ស្របពេល ហេដ្ឋារចនាសម្ព័ន្ឋនានាត្រៀមបញ្ចប់

ដោយៈ គង់ សូរិយា

កំពតៈ សាធារណៈជនអាចចូលកំសាន្ត និងនាំកូនតូចៗចូលទស្សនា និងរត់លេងកំសាន្តនៅគំរោងបូកគោលែន២ និងបូកគោលែន៣បានបណ្តើរៗហើយ ខណៈសួនច្បារ ខ្លោងទ្វារ និងស្ពានសាងសង់ពត់ពេនតាមជើងភ្នំ បានសាងសង់បញ្ចប់រួចហើយ។

ក្រុមហ៊ុនYoungsia Real Estate ដែលបានអភិវឌ្ឈន៍គំរោងបូកគោលែន១ បូកគោលែន២ បូកគោលែន៣ គម្រោងឆ្នេរសមុទ្រកោងកាង និងគំរោងឋានសួគ៌លំហែរ បានចំណាយទុនរាប់លានដុល្លារ ដើម្បីអភិវឌ្ឈន៍គំរោងអភិវឌ្ឍន៍ដីលំហែររបស់ខ្លួន ឲ្យមានភាពទាក់ទាញ និងផ្តល់ទំនុកចិត្តដល់អតិថិជន។

លោកCooler Tanអគ្គនាយកក្រុមហ៊ុនYoungsia Real estateបានសរសេរលើបណ្តាញ ទំនាក់ទំនងសង្គមរបស់ខ្លួន កាលពីសប្តាហ៍មុនថា សួនលំហែរគម្រោងBokor Land(2) ជិតរួចរាល់ហើយ ត្រូវតែបញ្ចប់100%ក្នុងខែ7ខាងមុខនេះ បងប្អូនអាចនាំកូនតូចៗមកលេងកំសាន្តបាន។

លោកបន្តថា “រស់នៅជាមួយធម្មជាតិ ធ្វើឲ្យជីវិតយើងកាន់តែស្រស់ស្រាយBokor Land(3)”។ លោកបន្តថា “រហូតមកទល់ពេលនេះ យើងបានបិទបញ្ចប់ការលក់ ដីលំហែរលើគំរោងទាំងបីនេះហើយ ខណៈគំរោងឆ្នេរសមុទ្រកោងកាង បានត្រៀមបញ្ចប់ការលក់ផងដែរ ដោយបច្ចុប្បន្នគំរោងរបស់យើង បានលក់អស់ប្រមាណ៦០ភាគរយហើយ”។

គំរោងបូកគោលែនទី២ និងទី៣ ស្ថិតនៅលើ់ផ្លូវលេខ៤៣ ដែលមានចម្ងាយប្រមាណ១៥គីឡូម៉ែត្រពីទីក្រុងកំពត ខេត្តកំពត។

លោកCooler Tanបានបន្តថា ទស្សនវិស័យនៃការអភិវឌ្ឍរបស់យើង ផ្តោតលើការរៀបចំអភិវឌ្ឈន៍ដីលំហែរពិតប្រាកដ និងជួយសម្រេចក្តីសុបិនរបស់អតិថិជន ដែលចង់បានទីតាំងលំហែរ ដីលំហែរពិតប្រាកដ ហើយយើងបានធ្វើពិតប្រាកដជូនអតិថិជន”៕

1...1,0671,0681,069...3,259 Page 1,068 of 3,259