ដោយ៖ សហការី
ភ្នំពេញ៖ ប្រសិនបើលោកអ្នកកំពុងស្វែងរកផ្ទះសម្រាប់ឆ្នាំថ្មី ការផ្ដល់ជូនដែលបុរី ប៉េង ហួត កំពុងមានក្នុងខែមករានេះពិតជាជម្រើសដ៏ល្អបំផុតសម្រាប់លោកអ្នក។
ដើម្បីអបអរសាទរឱកាសនៃពិធីបុណ្យចូលឆ្នាំថ្មីប្រពៃណីចិន បុរី ប៉េង ហួត មានកម្មវិធីផ្ដល់ជូនដ៏ចំណេញសន្ធឹកសន្ធាប់សម្រាប់រយៈពេលពេញមួយខែមករា ឆ្នាំ2023 នេះតែម្ដង ដែលការផ្ដល់ជូននេះមាន ដូចជា៖

– កក់ផ្ទះភ្លាម ទទួលបានមាសសុទ្ធទម្ងន់រហូតដល់ 1,000g ភ្លាមៗ
– ឆ្នោតផ្សងសំណាងឈ្នះដំណើរកម្សាន្ត VIP ប្រភេទកៅអី Business Class ទៅកាន់ប្រទេសបារាំង+ស្វីស ឬដំណើរកម្សាន្តទៅប្រទេសជប៉ុន ដោយមានការរ៉ាប់រងទាំងថ្លៃធ្វើដំណើរ កន្លែងស្នាក់នៅ និងអាហារលំដាប់ VIP
– អាំងប៉ាវហេងៗភ្លាមៗ
– គោលការណ៍បង់ប្រាក់ដ៏ងាយស្រួល និងមានភាពបត់បែន
ការផ្ដល់ជូននេះសម្រាប់គ្រប់ប្រភេទផ្ទះ និងគ្រប់គម្រោងរបស់បុរី ប៉េង ហួត ចាប់ពីថ្ងៃនេះរហូតដល់ដំណាច់ខែមករា ឆ្នាំ2023។
បុរី ប៉េង ហួត មានប្រភេទផ្ទះច្រើនប្រភេទសម្រាប់អតិថិជន រាប់ចាប់ពីខុនដូ វីឡាកូនកាត់ ហ្សបហោស៍ វីឡាភ្លោះ និងវីឡាទោល ហើយក្នុងប្រភេទនីមួយៗមានច្រើនជម្រើសសម្រាប់គ្រប់តម្រូវការរបស់លោកអ្នក។
មិនតែប៉ុណ្ណោះ ផ្ទះភាគច្រើនសាងសង់ជិតរួចរាល់ ឆាប់បានចូលនៅ ចំណេញពេលវេលា មិនចាំបាច់រង់ចាំយូរឡើយ។
ដើម្បីជ្រាបកាន់តែច្បាស់អំពីប្រូម៉ូសិន និងព័ត៌មានផ្សេងៗ សូមអញ្ជើញមកសាកសួរព័ត៌មាននៅគ្រប់ការិយាល័យលក់របស់បុរី ប៉េង ហួត ឬទាក់ទងតាមលេខទូរសព្ទ 𝟎𝟗𝟖 / 𝟎𝟏𝟔 / 𝟎𝟏𝟕 𝟓𝟗𝟔 𝟕𝟖𝟗 ឬចូលរួមតាម Telegram :https://t.me/boreypenghuoth ។

ដោយ៖ សហការី

ភ្នំពេញ៖ លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានអនុញ្ញាតឱ្យថ្នាក់ដឹកនាំនិងក្រុមការងារគេហទំព័រ Propertyarea.asia និង Cambodiafinancialtimes.com ចូលជួបសម្តែងការគួរសម និងជូនពរក្នុងឱកាសឆ្នាំថ្មី២០២៣ ព្រមទាំងស្នើសុំអនុសាសន៍ នៅព្រឹកថ្ងៃទី១០ ខែមករា ឆ្នាំ២០២៣នេះ។

លោក យិន លាងគង់ សហស្ថាបនិក និងជាអគ្គនាយកនៃគេហទំព័រ Propertyarea.asia និង Cambodiafinancialtimes.com បានគោរពថ្លែងនូវការអរគុណយ៉ាងជ្រាលជ្រៅចំពោះលោករដ្ឋមន្ត្រីនិងបានជម្រាបលោករដ្ឋមន្ត្រីអំពីប្រវត្តិនៃការកសាង និងបង្កើតក្រុមហ៊ុនទាំងពីរ ព្រមទាំងភាពជោគជ័យ បញ្ហាប្រឈម ដែលបានជួបប្រទះនៅក្នុងដំណើរការ និងផលប៉ះពាល់ពីវិបត្តិជំងឺកូវីដ១៩ ក្នុងរយៈពេលជិត៣ឆ្នាំកន្លងមក។

ក្នុងឱកាសអញ្ជើញចូលជួបសម្ដែងការគួរសមនេះ លោកអគ្គនាយកក៏បានស្នើសុំអនុសាសន៍ និងការណែនាំពីលោករដ្ឋមន្ត្រី ដើម្បីឱ្យដំណើរការគេហទំព័រ Property Area Asia កាន់តែទទួលបានប្រជាប្រិយភាព និងការគាំទ្រពីសំណាក់សាធារណជន។

ជាការឆ្លើយតប លោករដ្ឋមន្ត្រីបានសម្ដែងនូវការរីករាយដោយបានជួបជុំសំណេះសំណាលគ្នា និងបានកោតសរសើរចំពោះក្រុមហ៊ុន Propertyarea.asia និង Cambodiafinancialtimes.com ដែលកន្លងមកបានបំពេញការងារយ៉ាងល្អប្រសើរបំផុត និងលើកទឹកចិត្តឱ្យក្រុមហ៊ុនបន្តការរួមចំណែកក្នុងការលើកកម្ពស់វិស័យសារព័ត៌មាន ជាពិសេស នៅក្នុងការផ្តោតលើការផ្សព្វផ្សាយព័ត៌មានទាក់ទងនឹងសេដ្ឋកិច្ច អចលនទ្រព្យ គម្រោងអភិវឌ្ឍន៍ ។ល។ ដែលបច្ចុប្បន្ននេះនៅខ្វះធនធានមនុស្សផ្នែកនេះជាច្រើនទៀត។

លោករដ្ឋមន្ត្រីបានមានប្រសាសន៍ថា ក្នុងការផ្សព្វផ្សាយព័ត៌មានសេដ្ឋកិច្ច និងអចលនទ្រព្យ គឺជាប្រភេទព័ត៌មានជំនាញ ដែលអាចទាក់ទាញអ្នកអាន អ្នកស្តាប់ និងទស្សនិកជន តាមរយៈការបង្កើតមាតិកា ដែលមានភាពទាក់ទាញបន្ថែមទៀត ដោយសារបច្ចុប្បន្នមានសារព័ត៌មាន និងប្រភពផ្តល់ព័ត៌មានត្រូវបានបង្កើតឡើងច្រើនឡើងៗ ហើយក៏មានភាពប្រកួតប្រជែងកាន់តែច្រើន។

លោករដ្ឋមន្ត្រីបានណែនាំដល់លោកអគ្គនាយកថា សហគ្រិនទាមទារឱ្យមានការគិតគូរ មានផែនការ និងមានការប្រថុយប្រថាន ដើម្បីទទួលបានជោគជ័យ និងមានភាពលេចធ្លោ នៅក្នុងអាជីវកម្ម និងអាចប្រកួតប្រជែង នៅក្នុងបរិបទបច្ចុប្បន្នបាន។

លោករដ្ឋមន្រ្តីបានសង្កត់ធ្ងន់ថា “នាពេលបច្ចុប្បន្ន ការរត់តាមតម្រូវការគឺជារឿងល្អមួយហើយ ប៉ុន្តែសហគ្រិនត្រូវបង្កើតតម្រូវការ” ក្នុងន័យនេះលោករដ្ឋមន្រ្តីសំដៅថា ប្រសិនបើអាជីវកម្មមួយអាចបង្កើតនូវតម្រូវការថ្មី ជាជាងការរត់តាមតម្រូវការនិងព្យាយាមបំពេញតម្រូវការរបស់អតិថិជន និងទស្សនិកជន នោះអាជីវកម្មនឹងទទួលបានភាពជោគជ័យបន្ថែមទៀត។

ជាទីបញ្ចប់ លោកអគ្គនាយកបានគោរពជូនពរ លោករដ្ឋមន្ត្រីនិងក្រុមការងារ សុខភាពល្អបរិបូរណ៍
និងទទួលបានជោគជ័យដ៏ត្រចះត្រចង់ ធំធេងថ្មីៗថែមទៀត និងជួបប្រទះតែមហាវិបុលសុខ សុភមង្គល និងជួបប្រទះនូវពុទ្ធពរ ទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លៀតឡើយ៕

នៅថ្ងៃទី៩ ខែមករា ឆ្នាំ២០២៣នេះ នៅការិយាល័យលក់បុរី ណាឌី ស្ថិតនៅខណ្ឌជ្រោយចង្វារ រាជធានីភ្នំពេញ ក្រុមហ៊ុន Elite Home (Cambodia) និងក្រុមហ៊ុន GCC  បានចុះហត្ថលេខាក្នុងនាមជាដៃគូសហការសម្រាប់គម្រោង  ELITE PARK។ គោលដៅចំបងរបស់ក្រុមហ៊ុននៃការចាប់ដៃគូសហការនេះ គឺការនាំយកភាពជោគជ័យរួមរបស់អតិថិជន និងអ្នកអភិវឌ្ឍន៍គម្រោង។

កញ្ញា លីម សុខាដាវីន អគ្គនាយិកាប្រតិបត្តិក្រុមហ៊ុន Elite Home (Cambodia) បានឲ្យដឹងថា ក្រុមហ៊ុន Elite Home បានផ្តោតលើគោលការណ៍សំខាន់ចំនួន ៣ គឺ ទី១ ជាដៃគូសហការដ៏ល្អជាមួយអ្នកអភិវឌ្ឍន៏នានាក្នុងតំបន់ និង ក្រៅប្រទេសក្នុងការអភិវឌ្ឍន៏ និង ដោះស្រាយលើបញ្ហាដែលបានជួបប្រទះលើផ្នែកទីផ្សារ, ការលក់ និង ការគ្រប់គ្រង, ទី២ ជាអ្នកប្រឹក្សាដ៏ជំនាញលើការអភិវឌ្ឍន៏គម្រោងដែលផ្តល់តម្រូវការទៅលើទីផ្សារនាពេលបច្ចុប្បន្ន និង អនាគត, ទី៣ការ គ្រប់គ្រងលើការថែទាំលើអចលទ្រព្យផ្សេងៗ (Property Management)»។

កញ្ញា លីម សុខាដាវីន បានបន្តថា គម្រោង  Elite Park គឺជាគម្រោងលំនៅឋានលក្ខណៈអភិជនដែលបានបោះទីតាំងនៅទីក្រុងរណបថ្មី លី យ៉ុងផាត់ ។គម្រោងនេះមានទំហំផ្ទៃដីសរុបប្រមាណ ៣៤ហិកតា ហ៊ុមព័ទ្ធជុំវិញទៅដោយការអភិវឌ្ឍធំៗជាច្រើនដែលនឹងផ្តល់ភាពងាយស្រួលដល់ការរស់នៅ ដូចជា៖ ផ្សារទំនើប Makro ទី៣ សួនទឹក Garden City ទីលានវាយកូនហ្គោល Garden City សួនសត្វភ្នំពេញសាហ្វារី ពហុកីឡដ្ឋានជាតិ មរតកតេជោ និងវិមានឈ្នះឈ្នះ ជាដើម។ បន្ថែមពីនេះ គម្រោង  Elite Park គឺស្ថិតនៅលើចំណុចមួយមានប្រព័ន្ធផ្លូវរដ្ឋជុំវិញដែលងាយស្រួលដល់ការធ្វើចរាចរណ៍ទៅទីតាំងផ្សេងៗ និងចំណេញពេលវេលាច្រើន។

សូមជម្រាបថា គម្រោង  Elite Park គឺជាគម្រោងដីលំនៅឋានអភិជនដំបូងគេបង្អស់មានទំហំ ២០x២០ និងទំហំ ២០x៣០ ដែលជាប្រភេទខ្នាតវីឡា និងភូមិគ្រឹះដ៏សាកសមបំផុតសម្រាប់អតិថិជន ​ជាពិសេសសម្រាប់មនុស្សគ្រប់វ័យ។ គម្រោង  Elite Park បានរួមបញ្ចូលទាំងផ្សារទំនើប សួនផ្កាសាគូរ៉ា កន្លែងក្មេងលេង អាងហែលទឹក ផ្លូវសម្រាប់ដើរ និងដើមឈើស្រស់ស្អាត
តាមដងផ្លូវ។

ជាមួយគ្នានេះ រចនាសម្ព័ន្ធផ្លូវក្នុងគម្រោងមានភាពធំទូលាយ ដែលផ្តល់ភាពងាយស្រួលក្នុងការធ្វើដំណើរ ដែលរួមបញ្ជូលជាមួយសេវាកម្ម NADI Care ទាំង១២ មុខ ដូចជា៖ ១.សន្តិសុខ ២៤ម៉ោង ២.រថយន្តដឹកអ្នកដំណើរឯកជន, ៣.ជំនួយរៀបចំសង្គ្រោះបន្ទាន់ ២៤ម៉ោង ៤.ការជួសជុលបន្ទាន់ ២៤ម៉ោង ៥.សេវារើចូលគេហដ្ឋាន ៦.ថែទាំសម្អាតផ្ទះ ៧.គ្រូបង្វឹកហាត់ប្រាណ៨.បោកអ៊ុតសម្លៀកបំពាក់ ៩.ថែទាំយានយន្ត ១០.ជួសជុលរថយន្ត និងតាក់ស៊ី ១១.ការរៀបចំកម្មវីធី និង១២.ការផ្គត់ផ្គងគ្រឿងទេស ធ្វើអោយការរស់នៅ ប្រកបដោយភាពស៊ីវីល័យខ្ពស់ និង អភិជនភាព។

លោក Lai Jin Kei ដែលជានាយកប្រតិបត្តិរបស់ក្រុមហ៊ុន GC City ក៏បានលើកឡើងដែរថា តាមដែលលោកបានសង្កេតឃើញកន្លងមក មានអតិថិជនជាច្រើន ចង់បានផ្ទះ និងសាងសង់ផ្ទះទៅតាមក្តីស្រមៃរបស់ខ្លួន ជាហេតុធ្វើអោយយើងបង្កើតនូវ  គម្រោង Elite Park ដែលជាគម្រោងមួយជួយអោយអតិថិជន បំពេញបានតាមបំណងប្រាថ្នារបស់ពួកគាត់ ក្នុងការសាងសង់ វីឡា ឬភូមិគ្រឹះ តាមបែបបទដែលពួកគាត់ត្រូវការ ហើយយើងជឿជាក់ថាគម្រោងនេះនឹងមានការគាំទ្រច្រើនពីអតិថិជន។

ដោយ: គង់ លាងហួរ

ប៉េកាំង: យោងតាមប្រភពចំនួនពីរ ដែលមានចំណេះដឹងអំពីបញ្ហានេះ និងឯកសារ ដែលត្រូវបានពិនិត្យ ដោយកាសែត Reuters បានឱ្យដឹងថា ប្រទេសចិនបានចេញកូតាការនាំចូលប្រេងឆៅជាលើកទី២ នៃឆ្នាំ២០២៣ ដែលបង្កើនចំនួនសរុប២០ភាគរយ បើធៀបនឹងរយៈពេលដូចគ្នា កាលពីឆ្នាំ២០២២។

យោងតាមឯកសារ ពីក្រសួងពាណិជ្ជកម្មចិន បានឱ្យដឹងថា ក្រុមហ៊ុនចំនួន៤៤ ដែលភាគច្រើនជាអ្នកចម្រាញ់ប្រេងឯករាជ្យ ត្រូវបានផ្តល់កូតានាំចូលប្រេងចំនួន១១១,៨២លានតោន នៅក្នុងជុំថ្មីនេះ។

ប្រទេសចិន ដែលជាប្រទេសនាំចូលប្រេងដ៏ធំបំផុតរបស់ពិភពលោក បានបែងចែកកូតា ឆ្នាំ២០២៣ លឿនជាងធម្មតា ដើម្បីទប់ទល់នឹងសេដ្ឋកិច្ច ដែលកំពុងធ្លាក់ចុះ តាមរយៈការលើកទឹកចិត្តដល់បណ្តាក្រុមហ៊ុនចម្រាញ់ប្រេងនានា ដើម្បីជំរុញប្រតិបត្តិការរបស់ពួកគេ។

យោងតាមឯកសារដដែលបានឱ្យដឹងថា ក្រុមហ៊ុនចម្រាញ់ប្រេងឯកជនដ៏ធំបំផុតរបស់ប្រទេសចិន Zhejiang Petrochemical Corp (ZPC)  បានទទួលកូតានាំចូលធំបំផុតចំនួន២០លានតោន ដែលស្មើនឹងការចេញកូតាកាលពីឆ្នាំ២០២២។

យោងតាមពាណិជ្ជករប្រេងមួយរូប ដែលមានមូលដ្ឋាននៅសិង្ហបុរី បានមានប្រសាសន៍ថា “ការចេញកូតានេះ គឺស្របតាមការរំពឹងទុករបស់ទីផ្សារ ហើយវាបានបង្ហាញថា ទីក្រុងប៉េកាំងកំពុងព្យាយាមជំរុញសេដ្ឋកិច្ច ដោយអនុញ្ញាតឱ្យរោងចក្រចម្រាញ់ប្រេងអាចបង្កើនប្រតិបត្តិការរបស់ពួកគេ”៕