ដោយៈគង់ សូរិយា

       តាកែវៈ ការអភិវឌ្ឍហេដ្ឋារចនាសម្ព័ន្ឋរបស់រដ្ឋាភិបាល បានលើកទឹកចិត្តក្រុមហ៊ុនឯកជននានា ពង្រីកការវិនិយោគរបស់ខ្លូន ទៅកាន់តំបន់ជាយក្រុងកាន់តែច្រើន ដើម្បីចាប់យកឱកាសនិងចំណែកទីផ្សារបស់ខ្លួន។

ជាក់ស្តែងបុរី HK Residence បាននិងកំពុងចាប់ផ្តើមការសាងសង់នៅក្នុងតំបន់សក្តានុពល នៅក្នុងតំបន់រមណីយដ្ឋានភ្នំតាខ្មៅ នៃខេត្តតាកែវ ដោយផ្តល់ជូននូវជម្រើស ផ្ទះវីឡាស្រស់ស្អាតបំផុតនៅក្នុងតំបន់ ជាមួយតម្លៃទាបជាងទីផ្សារ និងអាចផ្តល់ផលចំណេញខ្ពស់ ក្នុងរយៈពេលដ៏ខ្លីខាងមុខ។

គម្រោងបុរីHK Residence មានទីតាំងស្ថិតនៅភូមិកណ្ដឹងតូច ឃុំកណ្ដឹងតូច ស្រុកបាទី ខេត្តតាកែវ ស្ថិតនៅព្រំប្រទល់រវាងខេត្តកណ្តាល និងរាជធានីភ្នំពេញ មានទំហំរហូតដល់៥ហិចតា ដែលជំហានទី១ កំពុងសាងសង់លើផ្ទៃដីទំហំ២ហិចតាជាមុនសិន ហើយនឹងបន្តពង្រីកការអភិវឌ្ឍបន្ថែ​មទៀត នាពេលខាងមុខ។

លោកចាប ពៅអគ្គនាយកបុរី HK Residenceបានមានប្រសាសន៍ ឲ្យដឹងកាលពីពេលថ្មីៗនេះថា បុរីនេះមានប្រភេទផ្ទះវីឡា ដែលមានទំហំផ្ទះ១៣,៥ម៉ែត្រគុណ៧,២ ដែលមាន៣បន្ទប់គេងនិង៣បន្ទប់ទឹក អមជាមួយសួនច្បារដ៏ស្រស់ស្អាត នៅក្នុងផ្ទះនីមួយៗដាច់ដោយឡែកពីគ្នា។ ជាពិសេ​ស ផ្លូវនៅក្នុងបុរីមានទំហំចន្លោះពី២០ ទៅ៣០ម៉ែត្រ និងមានសួនច្បារ ទីលានកំសាន្តសម្រាប់កុមារ កន្លែងហាត់ប្រាណ ។ល។

លោកបានបន្តថា “បុរី HK Residence មានទីតាំងស្ថិតនៅក្នុងតំបន់សក្តានុពលខ្ពស់ មិនត្រឹមតែមានទីតាំងនៅជិតរាជធានីភ្នំពេញ ដោយធ្វើដំណើរតាមរយៈផ្លូវជាតិលេខ២ នៅជិតផ្លូវក្រវាត់ក្រុងទី៤ និងទីតាំងរមណី​យដ្ឋានភ្នំតាម៉ៅផងដែរ”។

លោកចាប ពៅបានបន្តថា បន្ថែមលើសនេះ គម្រោងវិនិយោគធំៗជាច្រើនគ្រោងមកបណ្ដាក់ទុន ដូចជា គម្រោងរមណីយដ្ឋានខ្នាតអន្តរជាតិលំដាប់ខ្ពស់ ទំហំជាង៥០ហិចតា និងគម្រោងបុរីរបស់ក្រុមហ៊ុនផ្សេងៗទៀត។ អ្វីដែលសំខាន់ជាងនេះ ការអភិវឌ្ឍលើបណ្ដាញហេដ្ឋារចនាសម្ព័ន្ធ ផ្លូវ ទឹក ភ្លើង គឺមានគ្រប់គ្រាន់ ដោយមិនមានភាពខ្វះខាតឡើយ ដែលនេះនឹងបង្កលក្ខណៈកាន់តែងាយស្រួលដល់ការរស់នៅរបស់អតិថិជន។

លោកអះអាងថា “ទីតាំងនេះមានសក្តានុពលល្អបំផុតនេះ នឹងជំរុញឱ្យ ការវិនិយោគនៅលើបុរី HK Residence ក្នុងរយៈពេល៥ឆ្នាំខាងមុខនេះ នឹងអាចផ្តល់ផលចំណេញខ្ពស់ មួយគុណនឹងពីរ”។

សម្រាប់អតិថិជនដែលមានចំណាប់អារម្មណ៍ទិញ អញ្ចើញមកមើលទីតាំងថ្ងៃនេះ នឹងអាចរើសទីតាំងល្អបានមុនគេ។ សម្រាប់ការបង់ប្រាក់ អតិថិជនអាចទទួលបានការសម្រួលឯកសារ រត់ការធ្វើប្លង់ជូន សម្រាប់ការខ្ចីពីធនាគារក្នុងអត្រាការប្រាក់ទាបបំផុត ពីធនាគារដៃគូរជាច្រើនរបស់បុរី៕

  ដោយៈ ស៊ីវ ម៉េង

       កំពតៈ គិតត្រឹមខែកញ្ញាកន្លងមកនេះ ការសាងសង់អាគារកប់ពពកដំបូងគេនៅក្រុងកំពតរបស់ក្រុមហ៊ុនថៃ ប៊ុនរ៉ុងទើបសម្រេចបានកំពស់ត្រឹម៧ជាន់ប៉ុណ្ណោះ។ នេះបើតាមការបង្ហាញព៌តមានលើផេកFacebookរបស់ លោកសាស្រ្តាចារ្យទួស សាភឿន។

ទោះជាយ៉ាងណា លោកសាស្រ្តាចារ្យទួស សាភឿនថ្នាក់ដឹកនាំជាន់ខ្ពស់មួយរូបនៃក្រុមហ៊ុនថៃ ប៊ុនរ៉ុងដែលបាននិងកំពុងវិនិយោគ សាងសង់អាគារនេះបានមានប្រ​សាសន៍ឲ្យដឹង តាមបណ្តាញតេឡេក្រាមកាលទីថ្ងៃទី១២ ឧសភាកន្លងមកថា ​ការសាងសង់គំរោងនេះ បានឡើងដល់ជាន់ទី១០ហើយ  ដោយក្រុមការងារ​បាន និងកំពុងសំរុកធ្វើទាំងយប់ទាំងថ្ងៃ ដើម្បីបញ្ចប់ការសាងសង់តាមផែន​ការដែលបានគ្រោងទុក។

លោកបន្តថា “អគារពាណិជ្ជកម្មនេះ នឹងរួមបញ្ចូលនូវការិយាល័យធ្វើ​ការបែបទំនើប សណ្ឋាគារប្រណីត មជ្ឈមណ្ឌលកំសាន្ត ខារ៉ាអូខេ អាផាតម៉ិន​ដែលអាចជួលប្រើប្រាស់រយៈពេលវែង”។ លោកបន្តថា “ជាមួយគ្នានេះ យើងក៏មានភោជនីយដ្ឋាន សំរាប់ម្ហូបអាហារច្រើនប្រទេស និងសេវាកម្មជាច្រើនទៀត”។

លោកគឹម សង្រ្គាមអ្នកអភិវឌ្ឍន៍អចលនទ្រព្យ នៅក្នុងខេត្តកំពតបានមានប្រសាសន៍ឲ្យដឹងនៅថ្ងៃដដែលថា លោកគិតថាគំរោងនេះ នឹងទទួលបានជោគជ័យ ព្រោះទី១ មុនវិនិយោគក្រុមហ៊ុនបានសិក្សា ពីទីផ្សាររួចហើយ ទី២ សក្តានុពលសេដ្ឋកិច្ចក្នុងខេត្តកំពតនៅតែដំណើរការល្អ ទោះមានវិបត្តិ​កូវីដក្តី ព្រោះខេត្តកំពតពឹងផ្អែកសេដ្ឋកិច្ច ក្នុងស្រុកច្រើន មានភ្ញៀវទេសចរណ៍ក្នុងស្រុកច្រើន។

លោកបន្តថា “ជាមួយគ្នានេះ ខ្ញុំមើលឃើញថាអ្នកវិនិយោគជាច្រើនបានចាប់ផ្តើមចូលមកកាន់ខេត្តកំពត ហើយខេត្តនេះនឹងដើរតួជាប៉ូលសេដ្ឋកិច្ចថ្មីមួយនៅតំបន់ឆ្នេរ ដែលមានសកម្មភាពពាណិជ្ជកម្មបែបពហុបំណង”។​លោកបន្តថា “សក្តានុពលលើសេដ្ឋកិច្ច ដែលពឹងផ្អែកលើកសិកម្ម កសិឧស្សា​ហកម្ម ទេសចរណ៍ និងការវិនិយោគអចលនទ្រព្យ នឹងធ្វើឲ្យអគារពាណិជ្ជកម្មថៃ ប៊ុនរ៉ុងនឹងទទួលបានជោគជ័យ”។

លោកបន្តថា ការវិនិយោគរបស់ក្រុមហ៊ុននេះ ជាការឆ្លយតបនិងត្រៀមទុកសម្រាប់កិច្ចការមួយចំនួន ដែលជាសក្តានុពលរបស់ខេត្ត សូម្បីតែលោក

ក៏ត្រូវការអាគារបែបនេះ សម្រាប់ធ្វើជាការិយាល័យរបស់ខ្លួន នាពេលអនា​គតផងដែរ៕

  ដោយៈគង់ សូរិយា

       បាត់ដំបងៈ ក្រុមស្ថាបត្យករក្នុងស្រុក មកពីប្រទេសថៃ និងបណ្តាស្ថាបត្យករល្បីៗជាច្រើនទៀត គ្រោងរៀបចំសិក្ខាសាលាស្តីពី ការគូររូបឯកសារស្ថាបត្យកម្មលើកទី១ នៅក្រុងបាត់ដំបង។

គំនិតផ្តួចផ្តើមនេះ ត្រូវបានលើកឡើងក្នុងជំនួប រវាងលោកសុខ លូ អភិបាលខេត្តបាត់ដំបង ការងារជាមួយក្រុមការងារអង្គការ VERNADOC កម្ពុជា ដែលជំនួបនេះធ្វើឡើង ដើម្បីស្នើសុំការអនុញ្ញាតរៀបចំសិក្ខាសាលាអន្តរជាតិពីការគូររូប ឯកសារបែបស្ថាបត្យកម្មលើកទី១ នៅក្នុងខេត្តបាត់ដំបង ដោយផ្ដោតទៅលើអគារប្រវត្តិសាស្រ្ដ សាលាខេត្តចាស់ និងបណ្ដាអគារបេតិកភណ្ឌផ្សេងៗទៀតនៅក្នុងខេត្តបាត់ដំបង ។

នៅក្នុងកិច្ចប្រជុំនេះដែរ ក៏មានការអញ្ជើញចូលរួមពី លោកអភិបាលរងខេត្ត លោកអភិបាលក្រុង លោកប្រធានមន្ទីរអង្គភាពពាក់ព័ន្ធ លោកស្រីប្រធានគម្រោង VERNADOC CAMBODIA លោកស្រីសាស្រ្ដាចារ្យស្ថាបត្យកម្មនៃសាកលវិទ្យាល័យ រ៉ាំងស៊ីត (ប្រទេសថៃ) ព្រមទាំងអ្នកពាក់ព័ន្ធមួយចំនួន នៅសាលប្រជុំអគារE សាលាខេត្តបាត់ដំបង ។

គម្រោងនេះ មានការចូលរួមជាលក្ខណៈស្ម័គ្រចិត្ត ពីសំណាក់បណ្ដាស្ថាបត្យករល្បីៗក្នុងស្រុក និងនៅលើសកលលោក ព្រមទាំងនិស្សិតនៅសាកលវិទ្យាល័យភូមិន្ទវិចិត្រសិល្បៈ ហើយកម្មវិធីនេះមានគោលបំណងរួមចំណែកចូលរួមអភិរក្សមរតកវប្បធម៌ជាតិ ឱ្យនៅគង់វង្សសម្រាប់ជាពុទ្ធិ និងកេរ្ដិ៍ដំណែលដល់អ្នកជំនាន់ក្រោយ និងដើម្បីធ្វើការចងក្រងសំណង់អគារបុរាណចាស់ជាឯកសារ ដើម្បីបណ្ដុះចិត្តដល់អ្នកជំនាន់ក្រោយ មានចិត្តស្រឡាញ់អគារចាស់ៗផងដែរ ។

លោកសុខ លូ អភិបាល នៃគណៈអភិបាលខេត្តបាត់ដំបង បានមានប្រសាសន៍លើកឡើងថា ខេត្តបាត់ដំបងនេះ ជាខេត្តដែលមានសក្ដានុពលលើវិស័យសេដ្ឋកិច្ច ក៏ដូចជាវិស័យទេសចរណ៍ ហើយក្នុងអំឡុងពេលប៉ុន្មានឆ្នាំចុងក្រោយនេះ ខេត្តបាត់ដំបងបានធ្វើការទាក់ទាញ ភ្ញៀវទេសចរជាតិ និងអន្តរជាតិបានយ៉ាងច្រើននាំមុខគេ ក្នុងបណ្ដារាជធានីខេត្ត ជាខេត្តសម្បូរទៅដោយកន្លែងទេសចរណ៍មិនថាធម្មជាតិ ឬកែច្នៃទេ ហើយសម្បូរទៅដោយកន្លែងដែលជាលក្ខណៈវប្បធម៌ផងដែរ ។

លោកបញ្ជាក់ថា “ការបណ្ដុះគំនិតនេះ គឺជារឿងដែលល្អប្រសើរ ដើម្បីបណ្ដុះគំនិតដល់ប្រជាពលរដ្ឋកម្ពុជា ក៏ដូចជាអ្នកជំនាន់ក្រោយៗទៀតស្រ​លា​ញ់ និងមានការចាប់អារម្មណ៍ ចំពោះសំណង់ស្ថាបត្យកម្មខ្មែរបុរាណ មើលឃើញពីអត្ថប្រយោជន៍នៃសំណង់បុរាណខ្មែរ និងចូលរួមអភិរក្សសំណ​ង់បុរាណទាំងនោះ ឱ្យបានគង់វង្ស និងល្អប្រសើរ”។ លោកបន្តថា គំរោងនេះ​ក៏ជួយជម្រុញឱ្យខេត្តបាត់ដំបង កាន់តែទាក់ទាញ់បន្ថែមទៀត ហើយខេត្តបាត់ដំបងទៀតសោត ស្ថិតក្នុងបណ្ដាញនៃទីក្រុងឆ្លាត (SMART CITY) ដូចនេះនៅពេលខាងមុខទៀត ខេត្តបាត់ដំបង នឹងកាន់តែទាក់ទាញថែមទៀតជាក់ជាមិនខាន៕

ដោយៈ សហការី

​       ភ្នំពេញៈ លោកបណ្ឌិតកៅ គឹម ហួន រដ្ឋមន្រ្តីប្រតិភូអមនាយករដ្ឋមន្រ្តី ត្រូវបានប្រកាសតែងតាំង ជាអគ្គលេខាធិការអាស៊ាន ចាប់ពីថ្ងៃទី១ មករា ឆ្នាំ២០២៣ខាងមុខនេះ ក្នុងនាមជាជនជាតិខ្មែរដំបូងគេ ដែលនឹងកាន់ដំណែងដ៏មាន​កិត្យានុភាពនេះ ចាប់តាំងពីកម្ពុជាបានចូលជាសមាជិកគ្រួសារអាស៊ាននៅថ្ងៃទី៣០ ខែមេសា ឆ្នាំ១៩៩៩។់

តើបុគ្គលសំខាន់ ដែលនឹងឈានជើងមកកាន់តំណែង ដ៏សំខាន់មួយនេះជានរណា?

លោកបណ្ឌិតកៅ គឹមហួន កើតនៅឆ្នាំ១៩៦៦ នៅស្រុកកោះសូទិន ខេត្តកំពង់ចាម ក្នុងប្រទេសកម្ពុជា។ បច្ចុប្បន្ន លោកជារដ្ឋមន្ត្រីប្រតិភូអមនាយករដ្ឋមន្ត្រី ជាសមាជិកនៃឧត្តមក្រុមប្រឹក្សាសេដ្ឋកិច្ចជាតិ សមាជិកជាន់ខ្ពស់នៅវិទ្យាស្ថានJeffrey Cheah ស្តីពីអាស៊ីអាគ្នេយ៍ សមាជិកនៃក្រុមប្រឹក្សាសកលនៃសង្គមអាស៊ី និងជាសមាជិកក្រុមប្រឹក្សាភិបាល នៃអ្នកគាំទ្រទូទាំងពិភពលោកសំរាប់ការអភិវឌ្ឍ (WSD)។

ក្រោយពីទទួលបានការអប់រំនៅសហរដ្ឋអាមេរិក លោកបានត្រឡប់មកប្រទេសកម្ពុជាវិញនៅឆ្នាំ១៩៩៣ និងបានដើរតួនាទីសំខាន់ នៅក្នុងការចូលជាសមាជិកអាស៊ានរបស់កម្ពុជា នៅឆ្នាំ១៩៩៩ផងដែរ ហើយបានបន្តជាអ្នកនាំមុខ សំរាប់កិច្ចការអន្តរជាតិនៅក្នុងកម្ពុជា ជាទីប្រឹក្សាក្រសួងការបរទេស និងសហប្រតិបត្តិការអន្តរជាតិពីឆ្នាំ២០០១ ដល់ឆ្នាំ២០០៣ និងជារដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ ពីឆ្នាំ២០០៤ ដល់ឆ្នាំ២០១៣។

ចាប់ពីឆ្នាំ២០០៦ លោក កៅ គឹមហួន បានធ្វើជាអនុប្រធានក្រុមទីប្រឹក្សា នៃវិទ្យាស្ថានទំនាក់ទំនងអន្តរជាតិកម្ពុជា នៅទីស្តីការគណៈរដ្ឋមន្ត្រី។

ក្នុងពេលជាមួយគ្នា លោកគឺជាសមាជិកក្រុមប្រឹក្សាភិបាល នៃអ្នកគាំទ្រទូទាំងពិភពលោកសំរាប់ការអភិវឌ្ឍ មានមូលដ្ឋាននៅទីក្រុងតូក្យូ ចាប់តាំងពីឆ្នាំ២០០៨។ លោកក៏ជាសមាជិកគណៈកម្មាធិការអចិន្រៃ្តយ៍ នៃកាកបាទក្រហមកម្ពុជា សំរាប់រយៈពេលពីរអាណត្តិ។

លោកធ្លាប់ជាសមាជិកជំនួស ឱ្យតំណាងជាតិសម្រាប់ក្រុមប្រឹក្សាសហ​គមន៍នយោបាយ-សន្តិសុខអាស៊ានរបស់កម្ពុជា ពីខែសីហា ឆ្នាំ២០០៩ ដល់ខែកញ្ញា ឆ្នាំ២០១៣ ព្រមទាំងជាអគ្គលេខាធិការនៃលេខាធិ​ការដ្ឋានជាតិអាស៊ាន-កម្ពុជា ពីឆ្នាំ២០០៤ ដល់ឆ្នាំ២០១៣។

នៅឆ្នាំ២០១៣ លោកត្រូវបានតម្លើងឋានៈជារដ្ឋមន្ត្រីប្រតិភូអមនាយករដ្ឋមន្ត្រីនៃកម្ពុជា ទទួលបន្ទុកកិច្ចការបរទេស និងអាស៊ាន ដែលគាត់កំពុងកាន់តំណែងក្នុងពេលបច្ចុប្បន្ន។ ពីខែតុលា ឆ្នាំ២០១៦ ដល់ ខែឧសភា ឆ្នាំ២០១៧ លោកធ្វើជាអនុប្រធានគណៈកម្មការអន្តរ- ក្រសួងរៀបចំកិច្ចប្រជុំ វេទិកាសេដ្ឋកិច្ចពិភពលោកស្តីពី អាស៊ាន ឆ្នាំ២០១៧។

បច្ចុប្បន្នលោកជាសមាជិកជាន់ខ្ពស់ នៅវិទ្យាស្ថាន Jeffrey Cheah ស្តីពីអាស៊ីអាគ្នេយ៍ និងក៏ជាសមាជិកក្រុមប្រឹក្សាសកលនៃសង្គមអាស៊ី។

លោកក៏ជាសកលវិទ្យាធិការ នៃសាកលវិទ្យាល័យកម្ពុជា (UC) នៅឆ្នាំ២០០៣ និងជាម្ចាស់បណ្តាញទូរទស្សន៍ និងស្ថានីយវិទ្យុអាស៊ីអាគ្នេយ៍។ ក្រៅពីតួនាទីខាងលើ លោកក៏នៅមានតួនាទីជាច្រើនផ្សេងទៀតផងដែរ។

ចំពោះការសិក្សា លោកបានចូលរៀនវិទ្យាល័យនៅទីក្រុង Herndon រដ្ឋ Virginia នៅពេលគ្រួសាររបស់គាត់បានជនភៀសខ្លួន ក្នុងឆ្នាំ១៩៨១។ បន្ទាប់មក លោកបានបរិញ្ញាបត្រ ផ្នែកការសិក្សាអាស៊ី នៅសាកលវិទ្យាល័យ Baylor នៅទីក្រុង Waco រដ្ឋ Texas និងអាហារូបករណ៍ថ្នាក់ជាតិ ទៅសិក្សានៅសាកលវិទ្យាល័យOhio នៅទីក្រុង Athens សំរាប់ថ្នាក់បរិញ្ញា​បត្រជាន់ខ្ពស់។

នៅឆ្នាំ ១៩៩១ គាត់បានបញ្ចប់ការសិក្សា ជាមួយនឹងបរិញ្ញាបត្រជាន់ខ្ពស់ចំនួន២គឺ ផ្នែកវិទ្សាសាស្ត្រសង្គម និងផ្នែកកិច្ចការអន្តរជាតិ។

លើសពីនេះ លោកមានសញ្ញាបត្របណ្ឌិត ផ្នែកវិទ្យាសាស្ត្រនយោ​បាយ ពីសាកលវិទ្យាល័យHawaii នៅទីក្រុងManoa នៅកោះ Honolulu។ លោកទទួលបានសញ្ញាបត្របណ្ឌិតកិត្តិយស ផ្នែកកិច្ចការសាធារណៈ ពីសាកលវិទ្យាល័យOhio នៅឆ្នាំ២០០៧ ក៏ដូចជាសញ្ញាបត្របណ្ឌិតកិត្តិ​យស ផ្នែកអក្សរសាស្ត្រ ពីវិទ្យាស្ថាន Kalinga Institute of Industrial Technology (KIIT University) របស់ឥណ្ឌានៅឆ្នាំ២០១៤ផងដែរ៕

 ដោយៈ គង់ សូរិយា

       កំពតៈ ផ្កាសាគូរ៉ា នឹងបញ្ចេញផ្កាព៌ណផ្កាឈូក ដ៏ស្រស់ត្រកាលអមជាមួយនឹងទិដ្ឋភាពជើងភ្នំខៀវស្រងាត់ នៃទឹកដីខេត្តកំពតដ៏ទាក់ទាញ ដែលធ្វើឲ្យគំរោងនេះ នឹងក្លាយជាតំបន់ទាក់ទាញភ្ញៀវទេសចរណ៍ជាតិ អន្តរជាតិនាពេលខាងមុខ។

មិនត្រឹមតែប៉ុណ្ណឹងទេ អ្នកអភិវឌ្ឈន៍គំរោងនេះបាន និងកំពុងត្រៀមបញ្ច​ប់ការសាងសង់ស្ពានពស់ រត់ព័ទ្ឋពេននឹងជើងភ្នំ ប្រវែងជាង៣០០ម៉ែត្រ ដើម្បីឲ្យអ្នកទេសចរណ៍អាចដើរកំសាន្ត និងថតរូបទុកជាអនុស្សាវរីយ៍យ៉ាង​ស្រស់ស្អាត ពិសេសអ្នកទិញដីក្នុងគំរោងនេះ អាចសាងសង់ផ្ទះលំហែរជា​មួយទទូលបានអារម្មណ៍រីករាយពិតប្រាកដ។

ជាមួយនឹងហេដ្ឋារចនាសម្ព័ន្ឋធំទូលាយ ក្លោងទ្វារដ៏ស្រស់ស្អាត និងសួនទឹកដ៏ទាក់ទាញ បាននិងកំពុងធ្វើឲ្យអ្នកទិញដី ក្នុងគំរោងនេះទទួលអារម្មណ៍រីករាយ និងអាចទទួលបានផលចំណេញ នាពេលអនាគតឆាប់ៗនេះផងដែរ។

លោកCooler Tanអគ្គនាយកក្រុមហ៊ុនYoungsia Real Estateដែលកំពុងអភិវឌ្ឍន៍គម្រោងនេះ និងគំរោងជាច្រើនទៀតបានមានប្រសា​សន៍ឲ្យដឹងកាលពីពេលថ្មីៗនេះថា លោកពិតជាមានបំណងអភិវឌ្ឍន៍គំរោងដីលំហែរបូកគោលែន៣ ក្លាយជាតំបន់ទេសចរណ៍ ដែលភ្ញៀវទេសចរណ៍ក្នុងស្រុក និងអន្តរជាតិមិនអាចមើលរំលង ពេលទៅលេងកំសាន្តនៅខេត្តកំពត។

លោកបន្តថា “ក្រុមហ៊ុនបានវិនិយោគ ដោយបោះទុនជាង៥លានដុល្លារ ដើម្បីអភិវឌ្ឍន៍គម្រោងនេះ ជាគំរោងគំរូមួយ ព្រោះទស្សនទាននៃការអភិវឌ្ឍន៍របស់យើងផ្តោតលើនិរន្តរភាព និងការទទួលខុសត្រូវផ្នែកសង្គម”។ លោកបន្តថា “អ្វីដែលយើងអភិវឌ្ឍន៍ គឺធ្វើឲ្យលឿន ធ្វើឲ្យល្អជាងគេ និងមិនឲ្យអ្នកលក់ពិបាកលក់ និងមិនពិបាកពន្យល់ភ្ញៀវ”។

លោកCooler Tanបានបន្តថា មូលហេតុដែលលោកជ្រើសរើសយក​ខេត្តកំពតសម្រាប់អភិវឌ្ឍន៍ ដោយសារខេត្តនេះមានសក្តានុពលផ្នែកសេដ្ឋកិច្ច និងទេសចរណ៍ខ្លាំង ដោយសារមានចម្ងាយជិតរាជធានីភ្នំពេញ មានហេដ្ឋារចនាសម្ព័ន្ឋធំទូលាយ ងាយស្រួលធ្វើដំណើរ មានរមណីយដ្ឋានទេស​ចរណ៍ធម្មជាតិ និងកែច្នៃជាច្រើន ដែលស័ក្តិសមនឹងជាទីកន្លែងលំហែរកាយពិតប្រាកដ។

គំរោងបូកគោលែន៣ ស្ថិតនៅលើផ្លូវជាតិលេខ៤៣ និងមានចម្ងាយប្រមាណ១៧គីឡូម៉ែត្រពីទីរួមខេត្តកំពត។

ប្រធានមន្ទីរទេសចរណ៍ខេត្តកំពត លោកសយ ស៊ីណុលបានមានប្រ​សាសន៍ឲ្យដឹងកាលពីពេលថ្មីៗនេះថា ទោះស្ថិតក្នុងវិបត្តិកូវីដឆ្នាំ២០២០ ២០២១ និងឆ្នាំ២០២២នេះក្តី ប៉ុន្តែវិស័យទេសចរណ៍ក្នុងខេត្តកំពតមិនរង​ផលប៉ះពាល់ខ្លាំងនោះទេ គឺប៉ះពាល់ប្រមាណ២០ភាគរយ ធៀបនឹងខេត្តដទៃគឺមានផលប៉ះពាល់ខ្លាំង។

លោកបន្តថា លើសពីនេះ ក្នុងរយៈពេល៩ខែឆ្នាំ២០២២នេះ ខេត្តកំពតទទួលបានភ្ញៀវទេសចរណ៍ជាតិ អន្តរជាតិប្រមាណ១,៤លាននាក់៕

ដោយ: លាងហួរ

បាងកក: ក្រុមហ៊ុនអភិវឌ្ឍអចលនទ្រព្យCentral Pattana គ្រោងបោះទុនវិនិយោគ ក្នុងទំហំទឹកប្រាក់៣៧០,៣៧លានដុល្លារ ដើម្បីបង្កើតគម្រោងប្រើប្រាស់អភិវឌ្ឍន៍ពាណិជ្ជកម្មចម្រុះ។

គំរោងនេះ ស្ថិតនៅក្នុងខេត្តNakhon Pathom និងខេត្តNakhon Sawan ដែលគ្រោងនឹងការបើកដំណើរការ នៅឆមាសទីមួយនៃឆ្នាំ២០២៤។

លោក Chanavat Uahwatanasakul ប្រធានផ្នែកអភិវឌ្ឍន៍ និងពាណិជ្ជកម្មរបស់ក្រុមហ៊ុន CPN បាននិយាយថា ខេត្តទាំងពីរនេះមានសក្តានុពលខ្លាំង ដោយសារសក្តានុពលសេដ្ឋកិច្ចថ្មី កាន់តែទាក់ទាញការវិនិយោគ និងប្រសិទ្ធភាពដឹកជញ្ជូននៅក្នុងតំបន់កណ្តាល និងភាគខាងជើង។

លោកបាននិយាយថា “ទីតាំងថ្មីពីរសម្រាប់ការអភិវឌ្ឍន៍ គម្រោងប្រើប្រាស់ចម្រុះ គឺជាផ្នែកមួយនៃផែនការវិនិយោគរយៈពេលប្រាំឆ្នាំ របស់យើងដែលមានតម្លៃ១២០ពាន់លានបាត”។

ទីតាំងនីមួយៗនឹងមានផ្សារទំនើប គម្រោងលំនៅដ្ឋានទាបៗនិងមធ្យម អគារការិយាល័យ និងសណ្ឋាគារ។

គម្រោងCentral Nakhon Pathom មានទីតាំងនៅលើដីទំហំជិត១០០រ៉ៃទល់មុខប្រាសាទ Phra Pathom Chedi ក្នុងស្រុក Muang ក្រោមថវិកាវិនិយោគសរុបចំនួន៨,២ពាន់លានបាត។

លោកChanavatបានបន្តថា ទំហំដីចំនួន៤០រ៉ៃ នឹងត្រូវប្រើប្រាស់ សម្រាប់សាងសង់ផ្សារទំនើប ចំណែកទំហំដី៥០រ៉ៃទៀត សម្រាប់អភិវឌ្ឍខុនដូនិងផ្ទះទាបៗ រួមមានផ្ទះទោលនិងផ្ទះtownhouse៕