ដោយៈ គង់ សូរិយា

       ភ្នំពេញៈ ជាទីតាំងមួយសម្រាប់សាងសង់ផ្ទះលំហែរ អាចគយគន់ទេសភាពជួរភ្នំ និងថ្ងៃរះពេលព្រឹកព្រលឹម ជាមួយខ្យល់អាកាសបរិសុទ្ឋ បាននិងកំពុងផ្តល់ឲ្យអ្នកចង់បានផ្ទះលំហែរ ទទួលបាននូវលទ្ឋភាពបង់ប្រាក់យ៉ាងងាយស្រួល។

គំរោងដែលស្ថិតនៅក្បែររមណីយដ្ឋានត្រីមាស កំពូលពេជ្រ អន្លង់ភ្ញៀវជាដើម បាននិងកំពុងទាក់ទាញ ការចាប់អារម្មណ៍ពីសាធារណៈជន ដោយពួកគាត់អាចបង់ប្រាក់ជាមួយលក្ខខ័ណ្ឌងាយៗ ពិសេសគំរោងនេះបានផ្តល់នូវជម្រើសជាច្រើនដូចជា  អតិថិជនបង់ត្រឹមតែ$50ក្នុង១ខែតែប៉ុណ្ណោះ

និងបង់ផ្តាច់ បញ្ចុះតម្លៃរហូតដល់50ភាគរយ ពិសេសបង់រលស់គ្មានការប្រាក់ 0% រយៈពេល3ឆ្នំា។

លើសពីនេះ អតិថិជន នឹងទទួលបានប្លង់រឹងបំបែកក្បាលដីស្របច្បាប់100% អ្វីកាន់តែពិសេសគឺអតិថិជន អាចជ្រើសរើសយកទំហំដី5×20, 7×20,10×25តាមចំណង់ចំណូលចិត្ត និងលទ្ឋភាពរបស់ពួកគេផងដែរ។

ប្រព័ន្ធលូ ទឹក ភ្លើងរដ្ឋរួចជាស្រេច មានធ្វើសួនរង្វង់មូល សួនស្រះទឹក នឹងមានដាំដើមលឿងរាជ ជិត1000ដើមក្នុងគម្រោងនេះ ពិសេសអ្នកទិញដីក្នុងគំរោងនេះ នឹងទទួលបានផលចំណេញ និងសុវត្ថិភាព១០០ភាគរយ ដោយសារអ្នកអភិវឌ្ឍន៍បានរៀបចំក្លោងទ្វារ និងមានសន្តិសុខ២៤ម៉ោង។

អគ្គនាយកក្រុមហ៊ុនYoungsia Real Estate លោកCooler Tanបានមានប្រសាសន៍ឲ្យដឹងកាលពីសប្តាហ៍មុនថា ដោយសារជីវភាពប្រជាពលរដ្ឋកាន់តែប្រសើរឡើង ការវិនិយោគដីលំហែរប្រកបដោយស្តង់ដា ជាជម្រើសមួយ ដែលប្រជាពលរដ្ឋចង់បាន ព្រោះពីមុនប្រជាពលរដ្ឋខ្មែរ គិតពីការហូបចុក ប៉ុន្តែបច្ចុប្បន្នពួកគាត់មានជីវភាពធូរធារហើយ ក៏ត្រូវការកន្លែងសំរាកលំហែរក្រោយពីបញ្ចប់ពីការងារ។

លោកបន្តថា “គំរោងរបស់យើងកន្លងមក ផ្តោតលើអ្នកមានជីវភាពមធ្យមឡើងលើ ប៉ុន្តែគំរោងដីឋានសួគ៌លំហែរ “ក៏ផ្តល់ជូនអ្នកមានលទ្ឋភាពតិចតួចទទួលបានដីលំហែរដដូចគេឯងផងដែរ”។ លោកបន្តថា “យើងផ្តល់នូវជម្រើស និងលក្ខខ័ណ្ឌបង់ប្រាក់ពិសេស ជាមួយនឹងការបង់ត្រឹម៥០ដុល្លារប៉ុណ្ណោះក្នុងមួយខែ”។

លោកCooler Tanបានបន្តថា ហេដ្ឋារចនាសម្ព័ន្ឋ ទេសភាព និងការរៀបចំកន្លែងកំសាន្ត និងធ្វើយ៉ាងណាឲ្យគំរោងមានភាពទាក់ទាញ និងសមស្របសម្រាប់ការលំហែរកាយពិតប្រាកដ ទើបក្រុមហ៊ុនបានចំណាយប្រាក់​យ៉ាងច្រើនលើការរៀបចំហេដ្ឋារចនាសម្ព័ន្ឋ ស្រះទឹក ដាំដើមផ្កាដ៏ស្រស់ស្អាត ដើម្បីឲ្យសាធារណៈជនអាចចូលលំហែរកំសាន្តផង និងអ្នកទិញដីក្នុងគំរោងយើងអាចទទួលបានដីលំហែរ សម្រាប់សាងសង់ផ្ទះលំហែរតាមចំណង់ចំណូលចិត្តរបស់ពួកគាត់ផងដែរ៕

The Council for the Development of Cambodia (CDC) has given the permit to TRY PHEAP KOH TUNSAY RESORTS CO., LTD ​ to build in US$17-million development project on Koh Tbal in Kep province.

The project will create 105 jobs; however, CDC did not specify the detail of the project, saying it is a tourism-related project.

Koh Tbal is located close to Kep, about a kilometer and a half South-East of the renowned Koh Tonsay (Rabbit Island). This island is a thousand meters long and 600 meters wide.

Koh Tonsay is also being developed by Try Pheap Group under a capital of US$130 million. The project is mixed-use development covering an area of ​​140 hectares, while construction has begun in 2021.

ដោយៈ គង់ សូរិយា

       ភ្នំពេញៈ ក្រុមហ៊ុន TRY PHEAP KOH TUNSAY RESORTS CO., LTD” ដែលជាបុត្រសម្ព័ន្ឋរបស់ក្រុមហ៊ុនទ្រី ភាពគ្រុបគ្រោងបោះទុនវិនិយោគ១៧លានដុល្លារ នៅលើកោញត្បាល់ ក្នុងខេត្តកែប។

នេះបើយោងតាមការបញ្ចេញព៌តមានពី ក្រុមប្រឹក្សាអភិវឌ្ឍន៍កម្ពុជា (CDC) ដែលបានអនុម័តឱ្យក្រុមហ៊ុន TRY PHEAP KOH TUNSAY RESORTS CO., LTD” បោះទុន១៧ លានដុល្លារ បង្កើតគម្រោងអភិវឌ្ឍធំមួយ លើកោះត្បាល់ ក្នុងក្រុងកែប។

គម្រោងនេះ នឹងអាចបង្កើតការងារបានចំនួន១០៥កន្លែង ប៉ុន្តែក្រុមប្រឹក្សាអភិវឌ្ឍន៍កម្ពុជាមិនបានបញ្ជាក់ថា ក្រុមហ៊ុននឹងអភិវឌ្ឍជាអ្វីខ្លះនោះទេ។

កោះត្បាល់ ស្ថិតនៅចង្ងាយជាងមួយគីឡូម៉ែត្រ ភាគអាគ្នេយ៍នៃកោះទន្សាយ ហើយមានប្រវែងមួយពាន់ម៉ែត្រ និងទទឹង៦០០ម៉ែត្រ។

ក្រុមហ៊ុនទ្រី ភាពគ្រុបក៏បាននិងកំពុងរៀបចំ អភិវឌ្ឍន៍កោះទន្សាយ ក្រោមទុនវិនិយោគប្រមាណ១៣០លានដុល្លារផងដែរ។

អភិបាលខេត្តកែប លោកសោម ពិសិដ្ឋបានមានប្រសាសន៍ឲ្យដឹងកាលពីសប្តាហ៍កន្លងមកថា កោះត្បាល់ជាកោះមួយស្អាត និងមានចម្ងាយប្រមាណ៧គីឡូម៉ែត្រពីទីក្រុងកែប។ កោះនេះមានទំហំផ្ទៃដីប្រមាណ១០ហិកតា ជាកោះតូចមួយក្នុងចំណោមកោះចំនួន១២ ដែលស្ថិតនៅក្រោមដែន​រដ្ឋបាលខេត្តកែប៕

ដោយៈ គង់ សូរិយា

       ភ្នំពេញៈ អនុប្រធានសភាពាណិជ្ជកម្មកម្ពុជា លោកឧកញ៉ាលឹម ហេងបានមានប្រសាសន៍ថា តាមរយៈទំនាក់ទំនងដ៏ល្អ រវាងប្រមុខរដ្ឋាភិបាលទាំងពីរ និងមិត្តភាពជាដែកថែបកម្ពុជា ចិនបានធ្វើឲ្យអ្នកធុរកិច្ចចិនត្រលប់​មកកម្ពុជាបណ្តើរៗហើយ។

លោកឧកញ៉ាបានមានប្រសាសន៍ឲ្យដឹង តាមទូរស័ព្ទនារសៀលថ្ងៃទី៤ តុលានេះថា ភាពល្អប្រសើរនៃទំនាក់ទំនងរវាងកម្ពុជា ចិន បាននិងកំពុងជម្រុញឲ្យអ្នកវិនិយោគចិនមកកម្ពុជាឡើងវិញបណ្តើរៗ ហើយយើងសង្ឃឹមថា រដ្ឋាភិបាលចិននឹងបន្ឋូរបនថយការធ្វើចត្តាឡីស័ក្ត និងលក្ខខ័ណ្ឌមួយចំនួនទៀត។

លោកបន្តថា “យើងកំពុងស្វាគមន៍ អ្នកវិនិយោគមកពីប្រទេសទាំងអសស់ទាំងអាមេរិក អឺរ៉ុប ជប៉ុន ដោយយើងមិនរំពឹងតែចិនតែមួយនោះទេ”។លោកបន្តថា “យើងមានច្រើនច្រក ដើម្បីជម្រុញសន្ទុះសេដ្ឋកិច្ចរបស់យើងកាន់តែរីកចម្រើនមួយកម្រិតទៀត”។

លោកឧកញ៉ាលឹម ហេងបានបន្តថា ការរីកចម្រើនសេដ្ឋកិច្ច ពាណិជ្ជកម្មរបស់យើងបាន និងកំពុងមានភាពល្អប្រសើរនៅឆ្នាំនេះ បើទោះជាវិស័យ អចលនទ្រព្យស្ថិតក្នុងសភាពទ្រឹងបន្តិចក្តី។

ជាមួយគ្នានេះ លោកច្រឹក សុខនីមប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានមានប្រសាសន៍ឲ្យដឹងថា កម្ពុជាប្រៀបដូចជា​បន្ទាយដែលអាចរកផលចំណេញបានច្រើន ហេតុនេះអ្នកវិនិយោគចិនកាន់តែច្រើននឹងមកកាន់កម្ពុជាឡើងវិញ។

លោកបន្តថា “ចិនបានរួមចំណែកយ៉ាងច្រើន ដល់ការអភិវឌ្ឍន៍កម្ពុជា ជាពិសេសក្រុងព្រះសីហនុ ដែលមានភាពលេចធ្លោសព្វថ្ងៃនេះ បើសិនជាគ្មានចិន អ្នកវិនិយោគក្នុងស្រុកត្រូវចំណាយពេល១០ ទៅ២០ឆ្នាំអាចមិន  ធ្វើបានផង”៕

 ដោយៈ វឌ្ឍនៈ

ភ្នំពេញៈ នៅក្នុងវិបត្តិកូវីដ១៩ ខេត្តពីរនៅតំបន់សមុទ្រឃើញថា នៅតែទទួលបានកំណើនភ្ញៀវទេសចរ ទៅទស្សនាកម្សាន្តហើយ តាមរយៈកំណើនភ្ញៀវទេសចរនេះដែរ វាបានក្លាយជាឱកាសដ៏ល្អមួយ សម្រាប់វិនិយោគិន ក្នុងការអភិវឌ្ឍដីឡូត៏ និងផ្ទះលំហែកាយសម្រាប់ប្រជាពលរដ្ឋ ដែលមកពីភ្នំពេញ ឬមកពីតំបន់ផ្សេងៗទៀត។

យោងតាមរបាយការណ៍ពីក្រសួងទេសចរណ៍បានបង្ហាញថា ខេត្តកែប និងកំពត បានក្លាយជាគោលដៅទេសចរណ៍មួយដ៏ទាក់ទាញ ពីសំណាក់ភ្ញៀវទេសចរ ក្នុងអំឡុងវិបត្តិកូវីដ១៩ ហើយរហូតមកដល់ពេលនេះ ក្រោយស្ថានភាពវិបត្តិកូវីដ១៩ ក៏ខេត្តទាំងពីរនេះ នៅតែទទួលបានភ្ញៀវទេសចរទៅទស្សនាកម្សាន្តច្រើនដែរ ។

លោកលឹម រដ្ឋា ភ្នាក់ងារអចលនទ្រព្យមួយរូបប្រចាំខេត្តកែបបានឱ្យដឹងតាមទូរស័ព្ទនាព្រឹកថ្ងៃទី៤ តុលានេះថា កាលពីអំឡុងកូវីដ១៩មានពលរដ្ឋពីភ្នំពេញជាច្រើន បានស្វែងរកទីដីនៅខេត្តកែប ដោយខ្លះទិញសម្រា​ប់ទុកលក់ចំណេញ ខ្លះទិញសម្រាប់អភិវឌ្ឍន៍ជាផ្ទះលំហែកាយ សម្រាប់សម្រាកលំហែ នៅពេលចុងសប្ដាហ៍ជាលក្ខណៈគ្រួសារ ។

លោកបន្តថា រហូតមកដល់ពេលនេះ ឃើញថាចំនួនភ្ញៀវទេសចរមកសម្រាកលំហែនៅក្នុងខេត្តកែប មានចំនួនកាន់តែច្រើនហើយក៏ជាឱកាសសម្រាប់អ្នកអភិវឌ្ឍន៍ដីលំហែ នៅក្នុងខេត្តកែប ក្នុងនោះដែរឃើញថារដ្ឋបាលខេត្ត ក៏បានបង្កើតតំបន់រមណីយដ្ឋានជាច្រើន សម្រាប់ទទួលស្វាគមន៍ភ្ញៀវទេសចរមកកម្សាន្ត។ នៅតំបន់ជុំវិញរមណីយដ្ឋាននោះដែរ ក៏មានក្រុមហ៊ុនវិនិយោគមួយចំនួន ស្វែងរកដីសម្រាប់អភិវឌ្ឍន៍ដីឡូត៏លំហែផងដែរ ។

លោករដ្ឋាបានឱ្យដឹងថា ដោយសារតែចំនួនអ្នកមកទស្សនា នៅក្នុងខេត្តកែបកាន់តែច្រើន ធ្វើឱ្យរដ្ឋបាលខេត្ត បានពង្រីកហេដ្ឋារចនាសម្ព័ន្ធ ពង្រីកឆ្នេរកម្សាន្ត នៅក្នុងខេត្តកែបបន្ថែម និងមានប្រវែងកាន់តែច្រើន ដើម្បីឱ្យភ្ញៀវទេសចរមកដល់ខេត្តកែប ហើយមានទីតាំងកម្សាន្តកាន់តែធំទូលាយ ខុសពីកន្លងមកមានតែឆ្នេរកែបខ្លីប៉ុណ្ណោះ។

ជាមួយគ្នានេះ លោកកែវ សុជាតិប្រធានសាខានៃក្រុមហ៊ុន KW Kampot បានមានប្រសាសន៍ផងដែរថា មួយរយៈពេលចុងក្រោយនេះ អ្នកអភិវឌ្ឍន៍ដីនិងលំនៅឋានលំហែនៅក្នុងខេត្តកំពត មួយចំនួនបានងាកទៅកាន់ខេត្តកែប ដើម្បីអភិវឌ្ឍន៍ផ្គត់ផ្គង់ជូនអតិថិជន ដែលមានតម្រូវការ ធ្វើឱ្យសកម្ម​ភាពនៃការផ្គត់ផ្គង់ដីនិងផ្ទះលំហែនៅក្នុងខេត្ត កែបកាន់តែច្រើន ។

លោកបន្តថា “ដោយឡែកក្នុងខេត្តកំពតក៏ឃើញថា នៅតែមានសកម្ម​ភាពអភិវឌ្ឍអចលនទ្រព្យដែរ ពីព្រោះភ្ញៀវទេសចរជាតិ និងអន្តរជាតិនៅតែបន្តចាប់អារម្មណ៍ និងមកកម្សាន្តនៅក្នុងខេត្តកំពតមានចំនួនច្រើន ក្នុងនោះអ្នកអភិវឌ្ឍន៍ចាស់ៗ បានបន្តអភិវឌ្ឍន៍គម្រោងដីឡូត៏ និងផ្ទះលំហែរបស់ខ្លួនជាបន្តបន្ទាប់ ស្របនឹងអតិថិជននៅតែបន្តគាំទ្រ៕

ដោយៈ គង់ សូរិយា

       កោះកុងៈ រដ្ឋបាលខេត្តកោះកុង បានបើកកិច្ចប្រជុំ ស្តីពីកិច្ចប្រជុំពាក់ព័ន្ធនឹងគណៈកម្មការរដ្ឋបាល ដើម្បីការពន្លឿនការចុះបញ្ជីដីមានលក្ខណៈជាប្រព័ន្ធ ជូនប្រជាពលរដ្ឋ ស្ថិតនៅភូមិជ្រោយប្រស់ និងភូមិថ្មី ឃុំជ្រោយប្រស់ ស្រុកកោះកុង ខេត្តកោះកុង ក្រោមអធិបតីភាពលោក សុខ សុទ្ធី អភិបាលរង នៃគណៈអភិបាលខេត្តកោះកុង។

លោកសុខ សុទ្ធី អភិបាលរងខេត្ត បានដឹកនាំកិច្ចប្រជុំស្តីពី កិច្ចប្រជុំពាក់ព័ន្ធនឹងគណៈកម្មការរដ្ឋបាល ដើម្បីការពន្លឿនការចុះបញ្ជីដីមានលក្ខណៈជាប្រព័ន្ធ ជូនប្រជាពលរដ្ឋ ស្ថិតនៅភូមិជ្រោយប្រស់ និងភូមិថ្មី ឃុំជ្រោយប្រស់ ស្រុកកោះកុង ខេត្តកោះកុង។ ដែលមានសមាភាពចូលរួមប្រជុំខាងលើនេះមានដូចជា៖ លោក ហ៊ាង ប៉ុណ្ណា អនុប្រធានមន្ទីរ ដនសស លោក អ៊ួង សំអឿន នាយកទីចាក់ការអន្តវិស័យ លោក ជា សូ វី អភិបាល នៃគណៈអភិបាលស្រុកកោះកុង លោក ហួត សារឹម អភិបាលរង នៃគណៈអភិបាលស្រុកកោះកុង លោក សំ ផល្លី អនុប្រធានការិយាល័យគ្រប់គ្រងការអភិវឌ្ឍ និងសំណង់ លោក ពុំ ធឿន មេឃុំជ្រោយប្រស់ លោក ឆឹង ចេង មេភូមិថ្មី លោក សាណក់ សុខស្អាត មេភូមិជ្រោយប្រស់ និងមន្រ្តីជំនាញពាក់ព័ន្ធមួយចំនួន។

តាមរយៈកិច្ចប្រជុំនេះ អាជ្ញាធរពាក់ព័​ន្ឋទាំងមូលបានឯកភាពដូចលើចំណុចជាច្រើនដូចជា ទី១  រដ្ឋបាលឃុំត្រូវកសាងឯកសារ សម្រាប់អ្នករស់នៅកាន់កាប់ជាក់ស្តែង ដោយមានគាំទ្រពីរដ្ឋបាលស្រុក ទី២.  ទំហំដីក្រោម០៥ហិកតាចុះឱ្យរដ្ឋបាលឃុំ កសាងឯកសារបញ្ជាក់ភាពត្រឹមត្រូវ នៃសាវតាដីរបស់អ្នកកាន់កាប់ ទី៣  ទំហំដី០៥ហិកតាឡើង គណៈកម្មការរដ្ឋបាលត្រូវចុះពិនិត្យជាក់ស្តែង មុនវាស់វែងសម្រាប់អ្នកនៅក្នុងមូលដ្ឋាន ហើយសម្រាប់នៅក្រៅមូលដ្ឋានគឺមានឯកសារយោងរួចទៅហើយ។

ទី៤  មន្រ្តីជំនាញចុះបញ្ជីដីមានលក្ខណៈជាប្រព័ន្ធ ជាប់រវល់បេសកម្មនៅតំបន់រុនតាឯក(ខេត្តសៀមរាប) ត្រូវរងចាំក្រុមការងារវិលត្រលប់មកវិញ ប៉ុន្តែអាជ្ញាធរមូលដ្ឋានត្រូវរៀចំឯកសារឱ្យជាស្រេច ទី៥  ការបញ្ជាក់របស់អាជ្ញាធរភូមិ ឃុំ និងប្រធានការិយាល័យភូមិបាលស្រុក ជាអ្នកទទួលស្គាល់ខុសត្រូវលើការបញ្ជាក់អត្តសញ្ញាណដីធ្លី និងទី៦ រដ្ឋបាលស្រុក ធ្វើការសហការជាមួយក្រុមការងារចុះបញ្ជីដីធ្លី ដោយផ្តល់ផែនទីដីប្រើប្រាស់ឃុំជ្រោប្រស់៕