ដោយ៖ វឌ្ឍនៈ

ភ្នំពេញ ៖ តម្លៃអចលនទ្រព្យប្រភេទបុរី បានបន្តកើនឡើងពីមួយឆ្នាំទៅមួយឆ្នាំ។ ជាក់ស្ដែង តាមការវាយតម្លៃ និងសង្កេតជាក់ស្ដែងរបស់ក្រុមហ៊ុនអចលនទ្រព្យមួយនៅកម្ពុជា ឱ្យដឹងថា រយៈពេល៥ឆ្នាំកន្លងមក តម្លៃលំនៅឋានក្នុងបុរីបានកើនឡើងចន្លោះពី៤០ ទៅ១០០ភាគរយ អាស្រ័យទៅលើការរីកចម្រើន និងតម្រូវការក្នុងតំបន់។

អ្នកនាង ចន្ទី ទិវា នាយិកាប្រតិបត្តិក្រុមហ៊ុន Century 21 Advance Property បានមានប្រសាសន៍ថា ប្រជាពលរដ្ឋកម្ពុជាមួយចំនួនធំចូលចិត្តរស់នៅផ្ទះលក្ខណៈគ្រួសារតូចៗ។ នៅពេលគាត់រៀបការមានគ្រួសារ ពួកគាត់តែងតែស្វែងរកលំនៅឋានមួយសមរម្យ បែកពីគ្រួសារ ដែលសកម្មភាពនេះបានធ្វើឱ្យតម្រូវការលំនៅឋានបន្តកើនឡើង។ ក្នុងនោះ បុរី ជាប្រភេទលំនៅឋានពេញនិយម និងទទួលបានការគាំទ្រជាងគេ។

អ្នកនាងបន្តថា កាលពីមុនលំនៅឋានជាបុរី គេសាងសង់ឡើងនៅជិតៗរាជធានី ក្រុង និងផ្ដល់ភាពងាយស្រួលដល់ប្រជាពលរដ្ឋ ក្នុងការធ្វើដំណើរមករស់នៅក្នុងក្រុង។ ក្រោយមកទៀត អ្នកអភិវឌ្ឍន៍លំនៅឋានបុរីបានងាកកាន់តែឆ្ងាយពីក្រុង ទៅកាន់តំបន់ជាយក្រុង ដែលធ្វើឱ្យផ្ទះនៅជិតក្រុង ឬក្នុងក្រុងបានកើនឡើងខ្ពស់។

អ្នកនាងបញ្ជាក់ថា “ផ្ទះខ្លះបានកើនឡើង៤០ភាគរយ ដោយកាលពីមុន តម្លៃត្រឹមតែ៦ម៉ឺនដុល្លារអាមេរិក ពេលនេះបានឡើងដល់១០ម៉ឺនដុល្លារអាមេរិក។ ដោយឡែក ផ្ទះខ្លះទៀតបានកើនឡើង ដល់ជាង១០ម៉ឺនដុល្លារអាមេរិក ដែលមានន័យថាបានឡើង១០០ភាគរយ។

អ្នកនាងបន្ថែមថា “បច្ចុប្បន្ននេះ ពលរដ្ឋដែលគាត់មានជីវភាពធូរធាបន្តិច គាត់ស្វែងរកទិញលំនៅឋាននៅក្បែរៗក្រុង ទោះបីមានតម្លៃខ្ពស់ជាងលំនៅឋាន នៅតំបន់ជាយក្រុងបន្តិចក៏ពិតមែន ដោយសារតែនៅជិតកន្លែងធ្វើការរបស់គាត់ ចំណេញពេលវេលា និងថ្លៃសាំង សម្រាប់ធ្វើដំណើរទៅវិញទៅមក។ បច្ចុប្បន្នលំនៅឋានតម្លៃសមរម្យរង្វង់៥ម៉ឺនដុល្លារអាមេរិកងាកទៅកាន់តែឆ្ងាយពីក្រុងភ្នំពេញ ពីព្រោះការអភិវឌ្ឍលំនៅឋានបែបនេះនៅជិតក្រុង មិនអាចរួចខ្លួនទេ ដីក៏កាន់តែថ្លៃ ដូច្នេះផ្ទះក៏ត្រូវតែថ្លៃជាងមុនដែរ”។

លោកឧកញ៉ាបណ្ឌិត គីម ហ៊ាង ប្រធាន KW Cambodia បានលើកឡើងកន្លងមកថា សកម្មភាពនៃការទិញលក់លំនៅឋាន ដែលមានឥទ្ធិពលខ្លាំង ក្រៅពីរាជធានីភ្នំពេញ គឺមាននៅបណ្ដាតំបន់ជាប់នឹងរាជធានីភ្នំពេញ ដែលភាគច្រើននៅក្នុងខេត្តកណ្ដាល។ ដូច្នេះ អ្នកអភិវឌ្ឍន៍លំនៅឋាននៅក្នុងប្រទេសកម្ពុជាបានងាកទៅកាន់តំបន់មួយចំនួននៃខេត្តកណ្ដាល ដើម្បីអភិវឌ្ឍន៍លំនៅឋាន សម្រាប់ពលរដ្ឋធ្វើការនៅភ្នំពេញ ហើយត្រលប់ទៅលំនៅឋានស្នាក់នៅពេលយប់វិញ។

លោកឧកញ៉ាបន្តថា ក្នុងដំណាក់កាលនេះ អ្នកអភិវឌ្ឍន៍លំនៅឋាន ដែលមានទុនគ្រប់គ្រាន់ មានកំលាំងទីផ្សារគ្រប់គ្រាន់ នៅតែបន្តទទួលបានជោគជ័យ។ ដោយឡែក អ្នកអភិវឌ្ឍន៍លំនៅឋាន ដែលប្រថុយប្រថាន ដោយមិនមានក្រុមលក់ច្បាស់លាស់ មិនមានទុនគ្រប់គ្រាន់ អាចជាហានិភ័យ សម្រាប់ការអភិវឌ្ឍរបស់ខ្លួន៕

Trat’s Governor, Chamnanwit Terat has said that local authorities in the province and the private sector are pushing for the upgrade of two border passes into permanent border passes.

The first is the Ban Tha Sen border pass to link the province with Cambodia’s Pursat province.

The second is the Ban Muang temporary border pass in Bo Rai district to turn it into a permanent border pass that links Trat with Battambang in Cambodia.

Trat’s Ban Hat Lek permanent border pass which links the province with Cambodia’s Koh Kong is expected to see two-way border trade worth 32.33 billion baht this year, an increase from 31.2 billion last year.

In the first nine months, it recorded two-way border trade worth 28 billion baht.

Trat Governor Mr Chamnanwit said that the province after being hit hard by the COVID-19 pandemic and seeing only 1.4 percent economic growth last year, is witnessing the economy picking up this year and expects to register 4.4 percent growth.

Trat’s economy is made up of the agricultural sector, comprising 47 percent, tourism and service sector at 44 percent and industrial sector six percent and all sectors showing signs of picking up.

Source: Bangkok post

ដោយ៖ វឌ្ឍនៈ

ភ្នំពេញ ៖ បន្ទាប់ពីទទួលបានជោគជ័យយ៉ាងត្រចះត្រចង់លើគម្រោងទី១ គម្រោងអភិវឌ្ឍន៍លំនៅឋានរបស់ក្រុមហ៊ុន ចាន់ណាលែន ដែលមានទីតាំងស្ថិតក្នុងតំបន់វិហារសួគ៌ ប៉ែកខាងកើតរាជធានីភ្នំពេញ បាន និងកំពុងចាប់ផ្ដើមបោះជំហានអភិវឌ្ឍដល់គម្រោងទី២ហើយ។ ​

លោក ថាន់ ចាន់ណា អគ្គនាយកក្រុមហ៊ុនចាន់ណាលែន អភិវឌ្ឍន៍បុរីចាន់ណាលែន បានមានប្រសាសន៍ឱ្យដឹងថា ក្រោយពីគម្រោងទី១ទទួលបានជោគជ័យ លក់ដាច់ខ្លាំង និងមានការគាំទ្រពីអតិថិជនក្នុងស្រុក ក្រុមហ៊ុនរបស់លោកបានចាប់ផ្ដើមអភិវឌ្ឍន៍គម្រោងទី២ ហើយគម្រោងនេះក៏កំពុងបន្តទទួលបានការគាំទ្រពីអតិថិជនជាច្រើនផងដែរ។

លោកថា ”ដោយឃើញមានការគាំទ្រពីអតិថិជនច្រើនបែបនេះ ក្រុមហ៊ុនក៏បានពន្លឿនការសាងសង់ ដើម្បីបញ្ចប់គម្រោង និងផ្ដល់ផ្ទះជូនអតិថិជន ដែលបានទិញគម្រោងពីក្រុមហ៊ុនរបស់យើង”។

លោកបន្តថា ការផ្ដល់ទំនុកចិត្តជូនអតិថិជន គុណភាពនៃសំណង់ ការងារសាងសង់លឿន ជាមួយនឹងបច្ចេកទេសសាងសង់ទំនើបៗ ជាដើម បានធ្វើឱ្យគម្រោងរបស់យើងទទួលបានជោគជ័យ និងបន្តអភិវឌ្ឍបាន ទោះបីប្រឈមស្ថានភាពវិបត្តិកូវីដ១៩ក្តី។

អ្វីដែលពិសេស ក្រុមហ៊ុនបានរៀបចំប្លង់ជូនអតិថិជន ដែលនេះគឺជាទំនុកចិត្តដ៏ធំពីសំណាក់អតិថិជន។ ជាក់ស្ដែង ក្នុងរយៈប៉ុន្មានខែចុងក្រោយនេះ យើងបានដកប្លង់ពីមន្ទីរសុរិយោដីខេត្តកណ្ដាល និងប្រគល់ជូនអតិថិជនតាមការស្នើសុំ ក្រោយពីគាត់បានទិញផ្ដាច់ពីក្រុមហ៊ុនយើង ឬអតិថិជន ដែលស្នើសុំប្លង់បង់ជាមួយធនាគារ។

លោកបន្ថែមថា “មួយរយៈចុងក្រោយនេះដែរ នៅជិតតំបន់អភិវឌ្ឍន៍បុរី ចាន់ណា លែន ក៏មាន គម្រោងវិនិយោគរោងចក្រ ដែលនឹងធ្វើឱ្យតំបន់នោះកាន់តែមានមនុស្សរស់នៅអ៊ូអរ។ ក្រៅពីនោះ គម្រោងសាងសង់ស្ពានតភ្ជាប់ពីភ្នំពេញ ទៅកាន់តំបន់អរិយក្សត្រ ក៏នឹងធ្វើឱ្យសន្ទុះនៃការអភិវឌ្ឍអចលនទ្រព្យ នៅតំបន់វិហារសួគ៌ នៃស្រុកល្វាឯម កាន់តែមានសក្ដានុពលខ្ពស់បន្ថែមទៀត”។

បើតាមអ្នកជំនាញនៃវិស័យអចលនទ្រព្យ បានមើលឃើញថា តម្រូវការលំនៅឋាន នៅក្នុងប្រទេសកម្ពុជានឹងមានកំណើនខ្ពស់ នៅពេលអនាគត។ ជាពិសេស នៅពេលផែនការពង្រីកក្រុងភ្នំពេញកាន់តែធំឡើងៗ ស្របជាមួយនឹងកំណើនប្រជាពលរដ្ឋរស់នៅរាជធានីភ្នំពេញ កាន់តែកើនឡើង ដូច្នេះការអភិវឌ្ឍលំនៅឋាន ពីសំណាក់វិនិយោគិន នឹងទទួលបានផលចំណេញជាបន្តបន្ទាប់ផងដែរ៕

ដោយ៖ វឌ្ឍនៈ

ភ្នំពេញ ៖ ពីមួយឆ្នាំទៅមួយឆ្នាំ លំហូរទុនវិនិយោគផ្ទាល់ពីបរទេសចូលមកកម្ពុជា នៅតែមានកំណើន ទោះប្រឈមវិបត្តិនៃកូវីដ១៩ កម្ពុជានៅតែទទួលបានលំហូរទុនវិនិយោគផ្ទាល់ពីបរទេស ដែលបានរួមចំណែកយ៉ាងធំ ក្នុងការជំរុញទីផ្សារ និងការអភិវឌ្ឍអចលនទ្រព្យ។

យោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា នាពេលកន្លងទៅនេះ បានបង្ហាញថា ក្នុងពាក់ កណ្ដាលឆ្នាំ២០២២នេះ កម្ពុជាទទួលបានលំហូរទុនវិនិយោគផ្ទាល់ពីបរទេស មានចំនួនទឹកប្រាក់ប្រមាណ៣ពាន់លានដុល្លារអាមេរិក។ ក្នុងនោះ ទីផ្សារអចលនទ្រព្យស្រូបបានទុនវិនិយោគ ពីបរទេសមួយចំនួនធំផងដែរ ជាក់ស្ដែងក្នុងវិស័យសំណង់ និងអចលនទ្រព្យមុនវិបត្តិកូវីដ១៩ បានរួមចំណែកក្នុងសេដ្ឋកិច្ចកម្ពុជា ប្រមាណ៣០ភាគរយឯណោះ។

របាយការណ៍បង្ហាញផងដែរថា ប្រទេសចិនបានមានលំហូរទុនវិនិយោគផ្ទាល់នៅកម្ពុជាច្រើនជាងគេ ដែលមានទឹកប្រាក់ប្រមាណ១,២៩ពាន់លានដុល្លារអាមេរិក ក្នុងពាក់កណ្ដាលឆ្នាំ២០២២នេះ ដែលមានចំណែកប្រមាណ៤៣ភាគរយ ក្រៅពីនោះមាន ប្រទេសជប៉ុន កូរ៉េខាងត្បូង ម៉ាឡេស៊ី ជាដើម។

អ្នកជំនាញនៃវិស័យអចលនទ្រព្យកម្ពុជា បានលើកឡើងផងដែរថា ដោយសារតែវិស័យអចលនទ្រព្យកម្ពុជាពឹងផ្អែកលើការវិនិយោគធំពីខាងក្រៅប្រទេស ដូច្នេះនៅគ្រាដែលវិនិយោគិនបរទេសមិនទាន់អាចចូលមកកម្ពុជា ដើម្បីស្វែងរកការវិនិយោគ វិស័យនេះក៏មិនអាចមានសន្ទុះខ្ពស់ ដូចក្នុងគ្រាមុនកូវីដ១៩នោះដែរ។

លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជា បានលើកឡើងថា ការវិនិយោគ ក្នុងទីផ្សារអចលនទ្រព្យកម្ពុជា ពីសំណាក់វិនិយោគិនក្នុងស្រុក បានជួយទប់ និងជួយឱ្យសកម្មភាពនៃការវិនិយោគអចលនទ្រព្យនៅបន្តដំណើរការ ប៉ុន្តែវាមិនអាចរីកលូតលាស់ខ្លាំង ដូចនៅមុនវិបត្តិកូវីដ១៩អំឡុងឆ្នាំ ២០១៨ ឬ២០១៩នោះទេ។

អ្នកនាង ជិន ច័ន្ទដាលុច្ស ប្រធានផ្នែកវាយតម្លៃ នៃក្រុមហ៊ុន CBRE Cambodia ក៏បានឱ្យដឹងថា កត្តាមួយចំនួន ដែលនៅរារាំងការមកដល់វិនិយោគិនបរទេសចូលមកកម្ពុជា ដូចជា វិបត្តិសេដ្ឋកិច្ចសកលមិនទាន់បានប្រសើរ សង្គ្រាមរវាងរុស្ស៊ី និងអ៊ុយក្រែន និងបញ្ហាកូវីដ១៩នៅបណ្ដាប្រទេសមួយចំនួន ដែលរដ្ឋាភិបាលរបស់គេនៅតែបន្តរឹតបន្តឹងការចេញចូលរបស់ពលរដ្ឋ ទៅក្រៅប្រទេស ដូចជា ប្រទេសចិនជាដើម ដែលធ្វើឱ្យវិនិយោគិនពិបាកចេញចូល ដើម្បីស្វែងរកការវិនិយោគ៕

ដោយ៖ សុផារី

កម្ពុជា-ថៃ៖ រដ្ឋាភិបាលថៃ និងកម្ពុជាបានកំពុងពិចារណាក្នុងការអភិវឌ្ឍច្រកព្រំដែនចំនួនពីរ រវាងខេត្តត្រាតរបស់ប្រទេសថៃ និងខេត្តចំនួនពីររបស់កម្ពុជា ទៅជាច្រកព្រំដែនអចិន្ត្រៃយ៍។

កាសែតបាងកកបុស្តិ៍បានចេញផ្សាយកាលពីពេលថ្មីៗនេះ ដោយស្រង់សម្តីរបស់អភិបាលខេត្តត្រាត លោក Chamnanwit Terat ថា អាជ្ញាធរមូលដ្ឋានក្នុងខេត្ត និងវិស័យឯកជនកំពុងជំរុញធ្វើឱ្យច្រកព្រំដែនចំនួនពីរទៅជាច្រកព្រំដែនអចិន្ត្រៃយ៍​។

ទី​១ គឺ​ច្រក​ព្រំដែនបានថាសែន (Ban Tha Sen) ​ ដើម្បី​ត​ភ្ជាប់​ខេត្ត​ជាមួយ​ខេត្ត​ពោធិ៍សាត់​របស់​កម្ពុជា។ ទី​២ គឺ​ច្រក​ព្រំដែន​បណ្តោះអាសន្នបានមឿង (Ban Muang) ​ ក្នុងស្រុកបូរ៉ៃ (Bo Rai) ​ដើម្បី​ប្រែក្លាយ​ច្រកនេះទៅជា​ច្រកព្រំដែនអចិន្ត្រៃយ៍​ ដែល​ត​ភ្ជាប់​ខេត្ត​ត្រាតរបស់ថៃ​ ជាមួយ​ខេត្តបាត់ដំបង​ក្នុង​ប្រទេស​កម្ពុជា។

ច្រកព្រំដែនអចិន្រ្តៃយ៍បានហាតឡេក (Ban Hat Lek) របស់ខេត្តត្រាត ដែលតភ្ជាប់ជាមួយខេត្តកោះកុង របស់កម្ពុជា ត្រូវបានគេរំពឹងថា នឹងឃើញទំហំពាណិជ្ជកម្មទ្វេភាគីមានតម្លៃ៣២,៣៣ពាន់លានបាតនៅឆ្នាំនេះ កើនឡើងពី ៣១,២ពាន់លានបាត ប្រៀបធៀបកាលពីឆ្នាំមុន។ ក្នុងរយៈពេល៩ខែដំបូង ពាណិជ្ជកម្មទ្វេភាគីតាមច្រកនេះមានតម្លៃ២៨ពាន់លានបាត។

អភិបាលខេត្តត្រាត លោក Chamnanwit បានបន្តថា បន្ទាប់ពីខេត្តទទួលរងផលប៉ះពាល់យ៉ាងធ្ងន់ធ្ងរដោយជំងឺរាតត្បាតកូវីដ១៩ និងកំណើនសេដ្ឋកិច្ចមានត្រឹមតែ១,៤ ភាគរយកាលពីឆ្នាំមុន ប៉ុន្តែឆ្នាំនេះរំពឹងថានឹងកើនឡើង៤,៤ភាគរយ។

សេដ្ឋកិច្ច​ខេត្ត​ជាប់ព្រំដែនកម្ពុជាមួយនេះ ​ពឹងផ្អែកលើវិស័យ​កសិកម្ម​ ដែល​មាន​៤៧​ភាគរយ វិស័យ​ទេសចរណ៍ ​​សេវាកម្ម​មាន​៤៤​ភាគរយ ​និង​វិស័យ​ឧស្សាហកម្ម​៦​ភាគរយ​ ហើយ​គ្រប់​វិស័យ​ទាំងអស់​បង្ហាញ​សញ្ញា​កើនឡើង​៕

ដោយ៖ សុផារី

ភ្នំពេញ៖ ក្រោយពីបើកដំណើរការបានរយៈពេល៣ថ្ងៃ ចរាចរណ៍លើផ្លូវល្បឿនលឿន ភ្នំពេញ-ព្រះសីហនុ នៅក្នុងថ្ងៃទី២ បានកើនឡើងជាង៦០ភាគរយ បើធៀបនឹងតួលេខនៅក្នុងថ្ងៃបើកដំណើរការដំបូង។

នេះបើយោងតាមទិន្នន័យរបស់ក្រសួងសាធារណការ និងដឹកជញ្ជូន បានឱ្យដឹងថា នាថ្ងៃទីមួយ នៃការបើកដំណើរការសាកល្បងផ្លូវល្បឿនលឿន មានយានយន្តជិត៩.០០០គ្រឿងបានចរាចរណ៍លើផ្លូវល្បឿនលឿនភ្នំពេញ-ព្រះសីហនុថ្មី។

គិតចាប់ពីម៉ោង ៧:០០នាទីព្រឹក ថ្ងៃទី០២ ដល់ម៉ោង៧:០០នាទីព្រឹក ថ្ងៃទី០៣ ខែតុលា ឆ្នាំ២០២២នេះ មានយានយន្តចំនួន១៤.៣២២ គ្រឿង បានធ្វើចរាចរណ៍លើផ្លូវល្បឿនលឿន ភ្នំពេញ-ព្រះសីហនុ ក្នុងរយៈពេល២៤ម៉ោងចុងក្រោយនេះ។

ក្រសួងបានឱ្យដឹងថា តួលេខថ្ងៃទី២នេះបានបង្ហាញឱ្យឃើញពី កំណើននៃការធ្វើដំណើរលើផ្លូវល្បឿនលឿនក្នុងថ្ងៃទីពីរ នៃការដាក់ឱ្យដំណើរសាកល្បង ដែលស្មើនឹងជាង៦០% បើធៀបនឹងតួលេខពីម្សិលមិញ។ នេះជាសញ្ញាណវិជ្ជមានមួយបង្ហាញថា ផ្លូវល្បឿនលឿនជម្រើសប្រសើរមួយសម្រាប់ការធ្វើដំណើរ និងការដឹកជញ្ជូនផងដែរ។

ក្រសួងសាធារណការ បានបញ្ជាក់ទៀតថា ក្នុងចំណោមយានយន្តដែលបានចរាចរ ក្នុងថ្ងៃទី២នេះ មានករណីដែលត្រូវការ ការប្រឹក្សាយោបល់ សាកសួរព័ត៌មាន និងស្វែងរកជំនួយសង្គ្រោះ សរុបមានចំនួន ៥៣ករណី ដែលបានធ្វើការទាក់ទងទៅកាន់លេខ១៣៩៩ ក្នុងថ្ងៃនោះ៕