MACAO, Sept. 28 (Xinhua) — The 13th International Infrastructure Investment and Construction Forum kicked off Wednesday in China’s Macao Special Administrative Region (SAR), with a view to building a platform for deepening international cooperation in green infrastructure.

More than 1,300 participants from government departments, enterprises and financial institutions worldwide are expected to discuss the direction of policies, financial innovation, environmental, green and low-carbon development, and digital application in infrastructure investment and construction, according to the Macao Trade and Investment Promotion Institute, a joint organizer of the event.

Li Fei, assistant commerce minister of China, said in a video speech that China is committed to deepening international cooperation in green infrastructure in an all-round manner, and playing a leading role in the development of new infrastructure by supporting enterprises in fully leveraging green, low-carbon, environmental protection technologies, as well as big data, the Internet of Things, and artificial intelligence (AI).

Lou Qiliang, president of China’s leading train maker CRRC, said his company looked forward to deepening pragmatic cooperation with rail transport users, and upstream and downstream enterprises in the industry chain around the world, and working with different sectors to develop infrastructure and connectivity in countries and regions along the Belt and Road.

Source: Xinhua

សុខុម

បាងកក: អគ្គនាយកដ្ឋានរតនាគារនៃក្រសួងសេដ្ឋកិច្ចថៃ គ្រោងប្រកាសហាងឆេងដីធ្លីដែលរដ្ឋបានវាយតម្លៃ និងកំណត់ជាថ្មីសម្រាប់ឆ្នាំ២០២៣-២០២៦ នៅថ្ងៃទី០១ ខែមករា ដើមឆ្នាំក្រោយ។ នេះបើយោងតាមសារព័ត៌មាន Bangkok Post ចុះផ្សាយកាលពីថ្ងៃពុធ ទី២៨ ខែកញ្ញា។

លោក Prapas Kong-ied អគ្គនាយកនៃអគ្គនាយកដ្ឋានរតនាគារនៃក្រសួងសេដ្ឋកិច្ចថៃ បានលើកឡើងថា ហាងឆេងដីធ្លីអាចនឹងខ្ពស់ជាងអំឡុងពេលមុនផ្ទុះវិបត្តិកូវីដ-១៩ ពី៧%ទៅ៨%។

អគ្គនាយកដ្ឋាននេះតែងតែធ្វើការវាយតម្លៃ និងកំណត់ហាងឆេងដីធ្លីរៀងរាល់៤ឆ្នាំម្ដង។ តម្លៃដែលកំណត់ដោយរដ្ឋទាំងនេះគឺជាមូលដ្ឋានសម្រាប់ម្ចាស់ដីបង់ពន្ធដែលពាក់ព័ន្ធជូនរដ្ឋ

លោក Prapas Kong-ied បានគូសបញ្ជាក់ថា អំឡុងពេលកូវីដ-១៩ ក្នុងឆ្នាំ២០២១-២០២២ អគ្កនាយករដ្ឋាននេះបានបដិសេធមិនប្រកាសហាងឆេងដីធ្លីថ្មីនោះទេ ដើម្បីសម្រាលបន្ទុករបស់ម្ចាស់ដីដែលបណ្ដាលមកពីពន្ធពាក់ព័ន្ធនឹងប្រតិបត្តិការទិញលក់ដីធ្លី។

អគ្គនាយកដ្ឋានគ្រោងនឹងប្រកាសហាងឆេងដីកំណត់ថ្មីនេះនៅថ្ងៃទី០១ ខែមករា ឆ្នាំ២០២៣ នៅពេលស្ថានភាពកូវីដ-១៩ បានធូរស្រាល ខណៈសេដ្ឋកិច្ចកំពុងងើបឡើងវិញសន្សឹមៗ។

ដីធ្លីនៅកណ្ដាលក្រុងបាងកក ដូចជានៅ Silom ឬ Phloenchit ជាដើម នៅតែមានតម្លៃខ្ពស់បំផុតដដែល៕ Bangkok Post៕

 ដោយៈវឌ្ឍនៈ

ភ្នំពេញៈ ទីផ្សារលំនៅឋាន នៅក្នុងតំបន់ប៉ែកខាងត្បូងភ្នំពេញ ត្រូវបានមើលឃើញថាថមថយបន្តិច ក្នុងរយៈពេលប៉ុន្មានខែចុងក្រោយនេះ ខណៈអ្នកស្វែងរកទិញលំនៅឋាន ទាំងសម្រាប់ស្នាក់នៅ និងវិនិយោគបន្ថយសកម្ម​ភាពរបស់ខ្លួន។

យ៉ាងណាក្ដីទីផ្សារមួយនេះ នឹងងើបឡើងវិញនៅពេលឆាប់ៗខាងមុខនេះវិញបន្ទាប់ពីទីផ្សារ និងសេដ្ឋកិច្ចបានប្រសើរឡើង។

លោកទឹម វណ្ណនី ស្ថាបនិកនិងជានាយកប្រតិបត្តិនៃបុរីបុស្បាដែលមានទីតាំងនៅខណ្ឌដង្កោ រាជធានីភ្នំពេញ បានមានប្រសាសន៍ឲ្យដឹងតាមទូរសព្ទឱ្យដឹងថា កាលពីដើមឆ្នាំ២០២២ ខាងបុរីយើងលក់បានជាហូរហែដោយមានអតិថិជន បានមកមើលគម្រោង និងកក់លុយទិញជាបន្តបន្ទាប់ ប៉ុន្តែនៅក្នុងរយៈពេលប៉ុន្មានខែចុងក្រោយនេះ ទីផ្សារលំនៅឋាននៃបុរីរបស់យើងបានថមថយបន្តិច ដោយមិនសូវមានអតិថិជនទិញច្រើន ដូចកាលពីដើមឆ្នាំនោះទេ ។

លោកបន្តថា “កត្តាដែលធ្វើឱ្យមានការថមថយនោះ អាចមកពីកត្តាសេដ្ឋកិច្ចសកល ប្រជាពលរដ្ឋដែលចង់វិនិយោគ និងទិញផ្ទះស្នាក់នៅ មានការរារែកបន្តិច ព្រោះពួកគាត់មិនទាន់សម្រេចចិត្តភ្លាម ដោយរង់ចាំមើលពីស្ថានភាពសេដ្ឋកិច្ច និងវិបត្តិសិន”។

យ៉ាងណាក្ដីលោកវណ្ណនី រំពឹងថាទីផ្សារនឹងវិលត្រលប់ទៅរកភាពវិញនិងមានការវិនិយោគលើលំនៅឋានឡើងវិញ ពីសំណាក់ប្រជាពលរដ្ឋក្នុងស្រុកយើង។

លោកទឹម វណ្ណនីបានបន្ថែមថា ទោះបីជាស្ថានភាពទីផ្សារលំនៅឋានមានការថមថយបន្តិចក៏ពិតមែន តែសម្រាប់គម្រោងអភិវឌ្ឍន៍របស់ខ្លួនមិនមានការបង្អង់ឬបន្ថយសកម្មភាពនោះទេ មានតែសម្រុកការអភិវឌ្ឍរបស់ខ្លួន ដើម្បីដើរទៅតាមផែនការរបស់ខ្លួន ដែលបានគ្រោងទុក ពីព្រោះយើងគិតថា ទីផ្សារលំនៅឋាននៅពេលឋាងមុខៗ នឹងងើបឡើងនិងមានតម្រូវការខ្ពស់ឡើងវិញ ។

ចំណែកអ្នកស្រីអាន សុធីតា នាយិកាប្រតិបត្តិនៃក្រុមហ៊ុន PropNex Cambodia បានមានប្រសាសន៍ថា នៅប៉ែកខាងត្បូងមានការអភិវឌ្ឍលើលំនៅឋានច្រើន ជាពិសេសក្នុងខណ្ឌដង្កោ ដោយមានវិនិយោគិនក្នុងស្រុកជាច្រើន បានចាប់ផ្ដើមអភិវឌ្ឍន៍គម្រោងរបស់ខ្លួន ដោយសារតែតំបន់នេះជាទីតាំងដែលមានសក្ដានុពល សម្រាប់ការរស់នៅនិងពាណិជ្ជកម្ម ។

អ្នកស្រីបានបន្តថា “ការអភិវឌ្ឍគម្រោងច្រើនពេក ក៏អាចជាហានិភ័យក្នុងការលើសតម្រូវការដែរ ក្នុងស្ថានភាពបច្ចុប្បន្ន តែនៅពេលអនាគតតម្រូវការលើទីផ្សារនឹងអាចងើបឡើងវិញ ស្របនឹងកំណើនប្រជាពលរដ្ឋរស់នៅក្នុងរាជធានីភ្នំពេញបន្តកើនឡើងពីមួយឆ្នាំទៅមួយឆ្នាំ”។

ជាមួយគ្នានេះ លោកឧកញ៉ានួន រឹទ្ធីអគ្គនាយកក្រុមហ៊ុនអចលនទ្រព្យKFA ក៏បានលើកឡើងពីទីផ្សារលំនៅឋាន ក្នុងប្រទេសកម្ពុជាយើងផងដែរដោយបានផ្ដល់ជាមតិថា ក្នុងស្ថានភាពបែបនេះ ពលរដ្ឋដែលមានប្រាក់ចំណូលមិនថេរ ឬប្រាក់ចំណូលក្រោមមធ្យម មិនគួរវិនិយោគលើលំនៅឋាននោះទេ ពីព្រោះក្នុងស្ថានភាពបែបនេះជាស្ថានភាព ដែលងាយរកទិញតែពិបាកលក់ចេញវិញ។

លោកបន្តថា “ក្នុងស្ថានភាពបែបនេះដែរ អ្នកចង់វិនិយោគអចលនទ្រព្យ រឹតតែមិនគួរស្វះស្វែងរកឥណទានពីធនាគារ ឬហិរញ្ញវត្ថុមកទិញឬក៏វិនិយោគអចលនទ្រព្យនោះទេ  តែសម្រាប់អ្នកមានលុយមានទុនគ្រប់គ្រាន់អាចស្វែងរកដីធ្លី សម្រាប់ការវិនិយោគរបស់ខ្លួនវិញ ពីព្រោះថាដីអាចមានឱកាសបន្តឡើងថ្លែង និងអាចចំណេញជាផ្ទះ”៕

ដោយ៖ វឌ្ឍនៈ

ភ្នំពេញ ៖ គិតត្រឹមពាក់កណ្ដាលឆ្នាំ២០២២ កម្ពុជាអនុម័តលើសំណើគម្រោងសាងសង់សរុបចំនួន៩៩៩គម្រោង។ បើធៀបនឹងរយៈពេលដូចគ្នាក្នុងឆ្នាំមុន ធ្លាក់ចុះប្រមាណ១៧០គម្រោង ឬប្រមាណ១៤,៥ភាគរយ។ នេះបើតាមរបាយការណ៍របស់ក្រសួងសេដ្ឋកិច្ចនិងហិរញ្ញវត្ថុ ចេញផ្សាយនៅកាលពីសប្ដាហ៍មុននេះ។

របាយការណ៍ដដែលនេះឱ្យដឹងថា ការធ្លាក់ចុះនៃគម្រោងសាងសង់ គឺគម្រោងប្រភេទលំនៅឋាន ភូមិគ្រឹះ សំណង់ពាណិជ្ជកម្ម សំណង់ទេសចរណ៍ និងផ្សេងទៀត លើកលែងតែប្រភេទសំណង់សាធារណៈ និងសំណង់ឧស្សាហកម្ម ដែលនៅមានដំណើរការធម្មតា។

ទោះបីជាជាយ៉ាងណាក្ដី វិស័យសំណង់រំពឹងថា នឹងងើបឡើងវិញ ក្នុងអត្រា៣ភាគរយក្នុងឆ្នាំ២០២២នេះ ដោយសារតែកំណើនផ្ដល់ឥណទានលើវិស័យសំណង់ បានបន្តកើនឡើង ស្របពេលដែលរាជរដ្ឋាភិបាលបាន និងកំពុងបន្តតាមដាន និងដាក់ចេញគោលនយោបាយអន្តរាគមន៍ ឱ្យបានទាន់ពេលវេលា សំដៅបញ្ចៀសហានិភ័យ ដែលអាចនឹងកើតឡើង។

អ្នកវាយតម្លៃអចលនទ្រព្យប្រចាំកម្ពុជា បានលើកឡើងថា បានលើកឡើងស្រដៀងគ្នាថា ក្នុងឆ្នាំ២០២២នេះ បើទោះបីជាស្ថានភាពកូវីដ១៩បានធូរស្រាលក៏ពិតមែន តែវិបត្តិសង្គ្រាម និងបញ្ហាសេដ្ឋកិច្ចសកល ដែលមិនទាន់មានភាពច្បាស់លាស់ នៅតែជាឧបសគ្គ នៃលំហូរចូលនៃវិនិយោគិនបរទេសដូច្នេះហើយធ្វើឱ្យការវិនិយោគអចលនទ្រព្យពីសំណាក់វិនិយោគិនបរទេស នៅតែមានកម្រិតតិចតួចនៅឡើយ។

អ្នកនាង គឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុនអចលនទ្រព្យ CBRE Cambodia បានឱ្យដឹងថា ការវិស័យសំណង់ និងអចលនទ្រព្យ នៅក្នុងប្រទេសកម្ពុជា នៅតែពឹងលើវិនិយោគិនពីបរទេស។ ដូច្នេះចង់ឱ្យវិស័យនេះត្រលប់ទៅដូចមុនវិបត្តិកូវីដ គឺត្រូវការមានការវិនិយោគពីសំណាក់វិនិយោគិនបរទេស ប៉ុន្តែការវិនិយោគពីអ្នកវិនិយោគក្នុងស្រុក ក៏ជាចំណែកមួយទប់ស្កាត់ការធ្លាក់ចុះខ្លាំង នៃវិស័យនេះ ឬអាចធ្វើឱ្យសកម្មភាពនៃវិស័យសំណង់ និងអចលនទ្រព្យបន្តដំណើរទៅមុខ។

អ្នកនាងបានបន្តថា ការត្រលប់ចូលមកកម្ពុជា ពីសំណាក់វិនិយោគិនបរទេស គឺអាស្រ័យទៅលើស្ថានភាពនៃសេដ្ឋកិច្ចសកល និងតំបន់ ដោយជំហានដំបូងពួកគេត្រូវការស្ដារសេដ្ឋកិច្ចប្រទេសរបស់គេសិនរួចហើយទើបគេអាចចេញក្រៅប្រទេស ដើម្បីស្វែងរកការវិនិយោគនានាបន្តបន្ទាប់៕

  ដោយៈ វឌ្ឍនៈ

ភ្នំពេញៈ វិស័យអចលនទ្រព្យកម្ពុជា បានឡើងដល់ចំណុចកំពូលឬចំណុចខ្ពស់បំផុតនៅអំឡុងឆ្នាំ២០១៨ និងឆ្នាំ២០១៩ តែវិស័យនេះបានថមថយល្បឿនមកវិញ និងជួបវិបត្តិនៅក្នុងអំឡុងឆ្នាំ២០២០ និងបន្តជួបវិបត្តិរហូតមកដល់បច្ចុប្បន្ន។

រហូតមកទល់ពេលនេះ ស្ថានភាពហាក់មិនទាន់មានភាពប្រសើរឡើងដូចកាលមុនវិបត្តិកូវីដ១៩នៅឡើយ ដោយអ្នកជំនាញនៃវិស័យអចលនទ្រព្យជាច្រើនបានបញ្ជាក់ថា ស្ថានភាពវិស័យអចលនទ្រព្យកម្ពុជា នឹងមិនអាចដូចមុនវិបត្តិនោះទេ បើសិនជាគ្មានការបណ្ដាក់ទុនវិនិយោគ ពីបរទេស ។

អ្នកនាងជិន ច័ន្ទដាលុច្ស ប្រធានផ្នែកវាយតម្លៃនៃក្រុមហ៊ុនអចលនទ្រព្យCBRE Cambodia បានមានប្រសាសន៍ឱ្យដឹង តាមទូរស័ព្ទកាលពីថ្ងៃទី២៨ កញ្ញាថា នៅក្នុងវិបត្តិកូវីដ១៩ ការវិនិយោគអចលនទ្រព្យនៅក្នុងប្រទេសកម្ពុជាយើងភាគច្រើន គឺបណ្ដាក់ទុនដោយវិនិយោគិនក្នុងស្រុក ដូច្នេះហើយទើបយើងឃើញមានដំណើរការ នៃការវិនិយោគនៅក្នុងវិស័យនេះនៅតែបន្ត ប៉ុន្តែការវិនិយោគពីសំណាក់វិនិយោគិន ក្នុងស្រុកមិនមានគម្រោងធំៗគួរឱ្យកត់សម្កាល់នោះឡើយ ។

អ្នកនាងបន្តថា “វិស័យនេះនៅតែត្រូវការការវិនិយោគ ពីសំណាក់វិនិយោគិនបរទេស ដើម្បីជំរុញឱ្យស្ថានភាពអាចប្រសើរ ដូចនឹងមុនវិបត្តិកូវីដ១៩”។អ្នកនាងបន្តថា “កាលពីឆ្នាំ២០១៨ និងឆ្នាំ២០១៩ វិស័យអចលនទ្រព្យមានសន្ទុះងើបឡើងខ្ពស់ ហើយកាលនោះមានការវិនិយោគពីបរទេសច្រើនផងដែរ ដោយយើងឃើញថាចិន គឺជាអ្នកវិនិយោគធំជាងគេនៅក្នុងប្រទេសកម្ពុជា”។

អ្នកនាងបន្ថែមថា កត្តាមួយចំនួនដែលធ្វើឱ្យវិនិយោគិនបរទេស នៅតែមិនទាន់ចូលមកវិនិយោគ នៅក្នុងប្រទេសកម្ពុជា រួមមានស្ថានភាពសេដ្ឋកិច្ចនៅក្នុងប្រទេសទាំងនោះ មិនទាន់ប្រសើរនៅឡើយ ហើយវិនិយោគិនទាំងនោះនៅស្ដារប្រទេសគេជាមុនសិន។ មួយវិញទៀតស្ថានភាពកូវីដ១៩នៅក្នុងប្រទេសទាំងនោះ រួមមាន ចិនជាដើមក៏មិនទាន់ប្រសើរដូចនៅកម្ពុជា បូករួមនឹងភាពតានតឹង នៃស្ថានភាពនយោបាយអន្តរជាតិផងដែរ ធ្វើឱ្យវិនិយោគិនមិនទាន់ចូលមកកម្ពុជាច្រើននៅឡើយ។

ជាមួយគ្នានេះ លោកច្រឹក សុខនីមប្រធានសមាគអ្នកវាយតម្លៃ និងភ្នាក់ងារអចលនវត្ថុកម្ពុជាបានលើកឡើងផងដែរថា កាលពីចុងឆ្នាំ២០២១យើងរំពឹងថាក្នុងឆ្នាំ២០២២ វិនិយោគិនបរទេសជាពិសេសចិន នឹងចូលមកកម្ពុជាឡើងវិញ ប៉ុន្តែដោយសារតែស្ថានភាពនៃសេដ្ឋកិច្ចនៅចិន និងស្ថានភាពវិបត្តិរួមនឹងសង្គ្រាមរវាងរុស្ស៊ី និងអ៊ុយក្រែនផងនោះ ធ្វើឱ្យវិនិយោគិនបរទេសនៅតែមិនទាន់ចូលមកកម្ពុជាច្រើននៅឡើយ។

លោកបន្តថា “ការវិនិយោគរបស់វិនិយោគិនក្នុងស្រុក ក៏អាចជួយជំរុញនិងទប់ស្កាត់ការធ្លាក់ចុះ នៃវិស័យអចលនទ្រព្យបានមួយកម្រិតផងដែរ គ្រាន់តែស្ថានភាពវាមិនទាន់អាចបានល្អប្រសើរ ដូចមុនកូវីដ១៩ប៉ុណ្ណោះ”។លោកបន្តថា “វិនិយោគិនចិននឹងត្រលប់មកវិញ ដោយសារតែកម្ពុជាប្រៀបដូចជាបន្ទាយ ដែលអាចស្វែងរកផលចំណេញបានច្រើន ធៀប​នឹងបណ្តាប្រទេសក្នុងតំបន់ ហេតុនេះវិនិយោគិនអន្តរជាតិ និងអ្នកវិនិយោគ​ចិននឹងត្រលប់មកវិញនាពេលខាងមុខ”៕

 ដោយៈ គង់ សូរិយា

ភ្នំពេញៈ ប្រព័ន្ធហេដ្ឋារចនាសម្ព័ន្ធ និងគម្រោងធំៗជាច្រើនបានឈានជើងចូលទៅវិនិយោគ នៅក្នុងតំបន់ផ្លូវក្រវាត់ក្រុងទី៣ ហើយបាននឹងកំពុងធ្វើឱ្យទីតាំងនេះ ក្លាយជាទីតាំងវិនិយោគល្អបំផុត សម្រាប់គម្រោងលំនៅឋានប្រភេទបុរី។

ជាក់ស្តែង បុរី GB Residence ជាបុរីធំមួយដែលបានហ្នឹងកំពុងបោះទុនវិនិយោគលើផ្ទៃដីជាង១០ហិចតា រួមជាមួយហ្នឹងគុណតម្លៃពិសេសៗជាច្រើន។

លោកតាំង កៅគៀត នាយកប្រតិបត្តិ របស់បុរី GB Residence បានមានប្រសាសន៍ប្រាប់ ក្នុងកិច្ចសម្ភាសន៌ជាមួយគេហទំព័រ Property Area Asia កាលពីពេលថ្មីៗនេះថា គម្រោងបុរីGB ជ្រើសរើសទីតាំងផ្លូវក្រវ៉ាត់ក្រុងទី៣ សម្រាប់ការអភិវឌ្ឍន៌បុរី ដោយសារហេតុផលសំខាន់ៗមួយចំនួន។

លោកតាំង កៅគៀត បានឱ្យដឹងថា ហេតុផលទី១ តំបន់ខាងលើនេះជាតំបន់ ដែលកំពុងតែមានការអភិវឌ្ឍន៍ខ្លាំង ទោះបីជាទទួលរងផលប៉ះពាល់ពីវិបត្តិជំងឺកូវីដ១៩ក៏ដោយ ការអភិវឌ្ឍន៍លើហេដ្ឋារចនាសម្ព័ន្ធផ្លូវថ្នល់ ការអភិវឌ្ឍន៍ព្រលានយន្តហោះថ្មី នៅតែបន្តដំណើរការយ៉ាងសកម្ម។

លោកបានបន្តថា ជាពិសេសតំបន់នេះមានទីតាំងជិត គម្រោងអភិវឌ្ឍន៍ធំៗ មជ្ឈមណ្ឌលសេដ្ឋកិច្ច ផ្សារទំនើបៗ សាលារៀនអន្តរជាតិផ្សេងៗ ដែលនឹងធ្វើឱ្យតំបន់នេះ ក្លាយជាទីតាំងល្អបំផុតសម្រាប់ការរស់នៅ។ បន្ថែមលើសនេះ ប្រព័ន្ធហេដ្ឋារចនាសម្ព័ន្ធនៅទីនេះ មានភាពប្រទាក់ក្រឡាគ្នា ដែលអាចភ្ជាប់ទៅកាន់ផ្លូវជាតិសំខាន់ៗ ដែលជាសរសៃឈាមសេដ្ឋកិច្ច ហើយភ្ជាប់ ទៅកាន់កំពង់ផែស្វយ័តក្រុងភ្នំពេញ។

លោកបន្ថែមទៀតថា ជាពិសេសព្រលានយន្ត ហោះអន្តរជាតិភ្នំពេញថ្មី ដែលគ្រោងនឹងចាប់ផ្តើមដំណើរការនាពេលឆាប់ៗនេះ ក៏នឹងនាំមកនូវទេសចរណ៌ ព្រមទាំងជំរុញសេដ្ឋកិច្ចកម្ពុជាឱ្យរីកចម្រើនផងដែរ។

នាយកប្រតិបត្តិជាន់ខ្ពស់ខាងលើបានឱ្យដឹងថា បុរី GB Residence ត្រូវបានសាងសង់ឡើងលើផ្ទៃដីជាង១០ហិចតា ដោយបែងចែកចេញជាដំណាក់កាល ក្នុងនោះដំណាក់កាលទី១ សម្រេចការសាងសង់បានចំនួន ២០ ភាគរយហើយ។

លោកតាំង កៅគៀតបានបញ្ជាក់ទៀតថា “ទោះបីជាប្រឈមនឹងផលប៉ះពាល់ពីកូវីដ១៩ និងវិបត្តិសេដ្ឋកិច្ចសកលក្តី គម្រោងបុរី GB នៅតែបន្តទទួលបានការគាំទ្រពីសំណាក់អតិថិជនជាបន្តបន្ទាប់”។

មូលហេតុ ដែលបណ្តាលឲ្យបុរី GB នៅតែពេញនិយម ក្នុងចំណោមអ្នកទិញ ព្រោះកត្តាបុរីស្ថិតនៅផ្លូវក្រវ៉ាត់ក្រុងទី៣ ត្រឹមតែ៣០ម៉ែត្រប៉ុណ្ណោះ ហើយជាប់នឹងផ្លូវរដ្ឋ៥០ម៉ែត្រ ដែលអនុញ្ញាតឱ្យអ្នកទិញប្រកបរបររកស៊ីបានយ៉ាងងាយស្រួល។

បន្ថែមលើសនេះ គុណភាពខ្ពស់នៃផ្ទះក្នុងបុរី ប្រព័ន្ធហេដ្ឋារចនាសម្ព័ន្ធ ដូចជាសួនច្បារ ការរចនាឌីហ្សាញ ជាដើមត្រូវបានគិតគូរដល់សុខុមាលភាពនៃការរស់នៅរបស់ប្រជាជន។ លោកបញ្ជាក់ថា “ប្លង់ផ្ទះត្រូវបានគូរប្លង់ ដោយស្ថាបត្យករលំដាប់អន្តរជាតិ ធ្លាប់ឈ្នះរង្វាន់ជាច្រើននៅទីក្រុងឌូបៃ។ ប្លង់ដែលត្រូវបានគូរចេញមក ត្រូវបានគិតគូរអំពីភាពងាយស្រួលក្នុងការរស់នៅប្រចាំថ្ងៃ ម៉ូតទាន់សម័យ និងប្រកបដោយគុណភាពផងដែរ”។

លោកបញ្ជាក់ទៀតថា បុរី GB បានព្យាយាមធ្វើឱ្យប្រសើរលើភាពបៃតង ដូចជា ការប្រើប្រាស់ឧបករណ៍សន្សំសំចៃថាមពលខ្ពស់ ដែលរួមចំណែកដល់ ការកាត់បន្ថយការប្រើប្រាស់អគ្គិសនី និងការឡើងកំដៅពិភពលោក។ ពិសេសជាងនេះទៅទៀត បុរីបានរៀបចំសាងសង់សួនច្បារទំហំប្រហែល ១០០ម៉ែត្រគុណនិង២០ម៉ែត្រ ហើយគ្រប់ផ្ទះទាំងអស់អាចភ្ជាប់ទៅកាន់សួនច្បារនេះបាន ដើម្បីជាទីកន្លែងកំសាន្ត និងហាត់ប្រាណបាន។

បុរី GB មាន២ប្រភេទផ្ទះធំៗ រួមមាន ផ្ទះអាជីវកម្ម (Shop house) និងវីឡាភ្លោះ (Twin Villa) ប្រកបដោយលក្ខខណ្ឌបង់ប្រាក់ល្អបំផុត។ តម្លៃផ្ទះមានតម្លៃចាប់ផ្ដើមពី៨០.០០០ដុល្លារឡើង ទៅជាមួយនឹងការបញ្ចុះតម្លៃជាច្រើនផងដែរ៕

ដោយៈគង់ សូរិយា

       ភ្នំពេញៈ ការគិតគូពីចំណង់ចំណូលចិត្ត រសនិយមរបស់ប្រជាជនសម័យថ្មី បាននិងកំពុងធ្វើឲ្យបុរីបុស្បា ទាក់ទាញការចាប់អារម្មណ៍កាន់តែខ្លាំងពីអតិថិជន។

ជាមួយនឹងការសិក្សាពីមូលដ្ឋានតម្រូវការ អ្នកវិនិយោគបុរីបុស្បា បានរកឃើញនូវចំណុចរួមនេះ ដោយសាងសង់លំនៅដ្ឋានជាមួយគុណភាព សោភ័ណភាពផង និងផ្សារភ្ជាប់ជាមួយធម្មជាតិផង ពិសេ​សមានអាងហែលទឹកនៅក្នុងផ្ទះវីឡាប្រណីត ដែលផ្តល់បរិយាកាសត្រជាក់មនោរម្យគ្រប់រដូវកាល ដល់ម្ចាស់លំនៅដ្ឋាននិមួយៗ។

ដាំដើមឈើកាន់តែច្រើន ជាមួយស្លឹកខៀវស្រងាត់ វានឹងធ្វើឲ្យបុរីនេះ ក្លាយជាសហគមន៍បៃតងមួយនាពេលអនាគត ដែលនឹងផ្តល់នូវកន្លែងហាត់ប្រាណ ស្រូបយកខ្យល់អាកាសបរិសុទ្ឋ សម្រាប់អ្នកស្នាក់នៅក្នុងបុរីនេះ។

បុរីបុស្បាបាន ផ្សារភ្ជាប់ជាមួយគុណតម្លៃចំនួន៥ រួមមាន ទី១ គុណភាព និងសោភ័​ណភាពសំណង់ ទី២ ហេដ្ឋារចនាសម្ព័ន្ឋធំទូលាយ និងផ្សារភ្ជាប់ជាមួយសហគមន៍បៃតង ទី៣ សំណង់ត្រូវបានរចនាឡើង ស្របតាមនិន្នាការប្រែប្រួលអាកា​សធាតុ ដែលផ្តល់នូវខ្យល់ និងពន្លឺចេញចូលគ្រប់គ្រាន់ កាត់បន្ថយការប្រើប្រាស់អគ្កិសនី។

ទី៤ ទីតាំងមានភាពប្រទាក់ក្រឡាគ្នា ជាមួយបណ្តាញផ្លូវជាតិសំខាន់ៗ រួមមាន ផ្លូវជាតិលេខ៣ ផ្លូវជាតិលេខ២ ផ្លូវក្រវ៉ាត់ក្រុងទី៣ និងទី៥ ទីតាំងព័ទ្ឋជុំវិញ ដោយមជ្ឈមណ្ឌលពាណិជ្ជកម្ម ដូចជាផ្សារទំនើបAEON Mall3 ព្រលានយន្តហោះអន្តរជាតិតេជោក្រុងតាខ្មៅ និងផ្សារសហគមន៍ជាច្រើនទៀត។

លោកអ៉ី ពិសិដ្ឋក្រុមប្រឹក្សាភិបាល និងជាអគ្គនាយកនៃគណកម្មការទីផ្សារបុរីបុស្បាបានមានប្រសាសន៍ឲ្យដឹង តាមទូរស័ព្ទកាលពីដើមសប្តាហ៍ នេះថា ការរីកចម្រើននៃរាជធានីភ្នំពេញ បាននិងកំពុងធ្វើឲ្យជីវភាព ប្រជាពលរដ្ឋប្រសើរឡើង ដែលធ្វើឲ្យតម្រូវការបុរីលំនៅដ្ឋាន កើនឡើងជាប្រចាំ ពិសេសនៅទឹកដីខ័ណ្ឌដង្កោ ដែលជាតំបន់មានប្រជាពលរដ្ឋរស់នៅច្រើន និងជាទីតាំងដែលមានការរីកចម្រើនលឿននាពេលអនាគត។

លោកបន្តថា “ដោយមើលឃើញបែបនេះ ទើបបុរីបុសប្បាបានជ្រើសរើសទីតាំងនេះ សម្រាប់អភិវឌ្ឍន៍ជំហ៊ានដំបូងលើផ្ទៃដី១០ហិកតា និងពង្រី​កកាន់តែធំថែមទៀតនាពេលឆាប់ៗនេះ”។ លោកបន្តថា  “ស្តង់ដាបុរីរបស់យើង គឺផ្តោតលើសុខមាលភាពរបស់អ្នករស់នៅ ដែលមានទាំងសួនច្បារបៃតង ហេដ្ឋារចនាសម្ព័ន្ឋធំទូលាយ និងការរចនាម៉ូតផ្ទះទាន់សម័យ និងស្របតាមលក្ខខ័ណ្ឌអាកាសធាតុ”។

លោកអ៉ី ពិសិដ្ឋបានបន្តទៀតថា ជាមួយនឹងផែនការ និងចក្ចុវិស័យចំពោះមុខ ក្រុមហ៊ុនបានវិនិយោគបុរីនេះឡើង ដោយគិតពីគុណតម្លៃរបស់អតិថិជន ដែលមានន័យថា យើងលក់តម្លៃសមរម្យ ទាបជាងទីផ្សារ ប៉ុន្តែហេដ្ឋារចនាសម្ព័ន្ឋ ការឌីសាញគំរោងរបស់យើង មិនចាញ់បុរីល្បីៗនៅកម្ពុជានោះទេ។

លោកបន្តថា “ការសិក្សាពីតម្រូវការ ចំណង់ចំណូលចិត្តរបស់អតិថិជន គឺជាស្នូលនៃគុណតម្លៃ ដែលយើងផ្តល់ជូនអតិថិជន នូវស្នាមញញឹម បរិយា​កាសរស់នៅប្រកបដោយផាសុខភាព និងមានភាពស៊ីវិល័យ”។

អតិថិជនចាប់អារម្មណ៍សូមទំនាក់ទំនង តាមរយៈលេខទូរស័ព្ទ០៨១ ២៣០ ៧៨៩, ០៦៧ ២៣០ ៧៨៩, ០៩៩ ២៣០៧៨៩៕

ដោយៈគង់ សូរិយា

       កំពតៈ ជាមួយទស្សនវិស័យច្បាស់លាស់ ការអភិវឌ្ឍន៍ដោយទទួលខុសត្រូវលើសង្គម បានធ្វើឲ្យគំរោងអភិវឌ្ឍន៍ដីលំហែរបូកគោលែន ទទួលបានជោគជ័យ។

តើអ្វីនៅពីក្រោយភាពជោគជ័យរបស់គំរោងនេះ ចម្លើយគឺ ភាពជាអ្នកដឹកនាំរបស់ម្ចាស់គំរោង ការអភិវឌ្ឍន៍ប្រកបដោយចីរភាព និងមិនសន្សំសំចៃថវិកា ការសាងសង់ហេដ្ឋារចនាសម្ព័ន្ឋបានស្អាត និងស្របតាមស្តង់ដា ពិតប្រាកដ ទីតាំងពោរពេញដោយភាអំណោយផល និងកត្តាគោលនយោ​បាយ និងហេដ្ឋារចនាសម្ព័ន្ឋរបស់ជាតិ បានគាំទ្រដល់ផែនការអភិវឌ្ឈន៍របស់វិស័យឯកជន។

អគ្គនាយកក្រុមហ៊ុនYoungsia Real EstateលោកCooler Tanបានមានប្រសាសន៍ឲ្យដឹងកាលពីពេលថ្មីៗនេះថា មូលហេតុដែលលោកសម្រេចចិត្តវិនិយោគគំរោងជាបន្តបន្ទាប់ ពិសេសគំរោងបូកគោលែនទី១ ទី២ និងទី៣ទទួលបានជោគជ័យ ដោយសារលោកមានទស្សនវិស័យច្បា​ស់លាស់ និងមានដើមទុនរ៉ឹងមាំ ទើបអាចធ្វើឲ្យគំរោងនេះទទួលបាន ជោគជ័យ។

លោកបន្តថា “ខេត្តកំពត ជាខេត្តមួយមានសក្តានុពលខ្ពស់ សម្រាប់វិស័យទេសចរណ៍ បើទោះជាមានវិបត្តិកូវីដ១៩ ក៏ទេស​ចរណ៍ក្នុងខេត្តនេះមិនសូវរងផលប៉ះពាល់ដូចខេត្តដទៃឡើយ”។ លោកបន្តថា “ការពង្រីកផ្លូវជាតិលេខ៣របសើរដ្ឋាភិបាល ដែលបានបញ្ចប់់កាលពីដើមឆ្នាំនេះក៏ជាកត្តា សំខាន់ក្នុងការទាក់ទាញទេសចរណ៍ក្នុងស្រុក និងគំរោងវិនិយោគពីវិស័យឯកជនជាច្រើនចូលមកកាន់ខេត្តនេះ”។

លោCooler Tanបានបន្តថា ក្រុមហ៊ុនបាននិងកំពុងប្រែក្លាយគំរោងបូកគោលែនបី ជារមណីយដ្ឋានមួយ សម្រាប់ភ្ញៀវទេសចរណ៍មកថតរូប និងទស្សនាកំសាន្ត ដោយក្នុងគំរោងនេះបាន និងកំពុងត្រៀមដាំដើមសាគូរ៉ាចំនួន៤០០ដើម មានផ្លូវព័ទ្ឋជើងភ្នំប្រវែងជាង៤០០ម៉ែត្រ មានស្រះទឹកដែលបានជីក និងរៀបចំយ៉ាងប្រណីត ពិសេសហេដ្ឋារចនាសម្ព័ន្ឋធំទូលាយ ដែលធ្វើឲ្យអ្នកទិញដីរបស់យើង ទទួលបានអារម្មណ៍លំហែរពិតប្រាកដ។

លោកបន្តថា ជាមួយនឹងទីតាំងភូមិសាស្រ្ត មានលក្ខណៈពិសេស គំរោងបូកគោលែនបី មានភ្នំនៅជាប់នឹងគំរោងផ្នែកខាងក្រោយ និងមានជួរភ្នំបីគន្លាក់នៅខាងមុខ បានធ្វើឲ្យគំរោងនេះលក់ដាច់លឿន និងទទួលបានជោគជ័យលើសអ្វីដែលយើងមិនធ្លាប់គិតដល់។

លោកCooler Tanបានបន្តថា “អ្វីដែលយើងផ្តោតលើការអភិវឌ្ឍគំរោងរបស់យើង គឺធ្វើឲ្យលឿន ធ្វើឲ្យស្អាត និងធ្វើមិនឲ្យអតិថិជនរង់ចាំឡើយ”៕