ដោយៈ គង់ សូរិយា

ភ្នំពេញៈ ប្រធានសមាគមអ្នកវាយតម្លៃ និងភ្នាក់ងារអចនវត្ថុកម្ពុជា(CVEA) លោកច្រឹក សុខនីម បានថ្លែងថា ដរាបណាស្ថាប័នធនាគារ មីក្រូហិរញ្ញវត្ថុនៅតែផ្តល់កម្ចី ទីផ្សារអចលនទ្រព្យនៅតែដំណើរការ។

លោកបានមានប្រសាសន៍ឲ្យដឹងកាលពីពេលថ្មីៗនេះថា ជាក់ស្តែងទោះបីជាកម្ពុជាមានវិបត្តិជំងឺកូវីដ១៩ រយៈពេលជាង២ឆ្នាំកន្លងមកក៏ដោយ ក៏អំឡុងពេលផ្ទុះជម្ងឺនេះ ការទិញលក់អចលនទ្រព្យ ពិសេសផ្នែកដីធ្លីនៅតែបន្តមាន គ្រាន់តែមានសកម្មភាពតិចជាងមុន និងការទិញលក់ក្នុងអចន​ទ្រព្យ ដែលមានតម្លៃល្អ និង​មានឱកាសប្រមូលផលចំណេញបាន។

លោកបន្តថា “ទីផ្សារអចលនទ្រព្យកម្ពុជា នៅតែមានសភាពធន់ទ្រាំ និងបន្តរីកចម្រើន និងមានផលប៉ះពាល់តិចតួចប៉ុណ្ណោះ ធៀបជាមួយបណ្តាប្រទេសនានា”។ លោកបន្តថា “ការរីកចម្រើនវិស័យនេះ មួយផ្នែកដោយសារ​គោលនយោបាយរបស់រដ្ឋាភិបាល មួយផ្នែកទៀតដោយសារស្ថេរភាពនយោ​បាយ និងមួយផ្នែកទៀតដោយសារលំហូរសាច់ប្រាក់ នៅតែបន្តមាន ដែលធ្វើឥ្យទីផ្សារនៅតែដំណើរការ ហើយចរន្តទិញលក់មិនប្រឈមមុខនឹងភាពជាប់គាំង”។

លោកច្រឹក សុខនីមបានបន្តថា ការរីកចម្រើនជីវភាពប្រជាពលរដ្ឋក្នុង ទីក្រុង ការពង្រីកទីក្រុង ការកសាងហេដ្ឋារចនាសម្ព័ន្ឋរបស់រដ្ឋាភិបាល បានជួយលើកកំពស់វិស័យនេះ និងជម្រុញការរីកចម្រើនក្នុងវិស័យនេះកាន់់តែខ្លាំង ជាក់ស្តែងនៅពេលហេដ្ឋារចនាសម្ព័ន្ឋ បានសាងសង់ទៅដល់តំបន់ណា តំបន់នោះតែងតែមានភាពរីកចម្រើន ទីផ្សារអចលនទ្រព្យនឹងកើនឡើងជាស្វ័យប្រវត្តិ៕

ដោយៈ គង់ សូរិយា

ភ្នំពេញៈ ជាជើងចាស់ក្នុងវិស័យដីធ្លី ក៏ដូចជាអចលនទ្រព្យ លោកឧកញ៉ាបណ្ឌិតគីម ហ៊ាងតែងតែចែករំលែកចំណេះដឹងនានា ពាក់ព័ន្ឋនឹងវិស័យនេះ ដើម្បីឲ្យសាធារណៈជនមានការយល់ដឹង។

លោកឧកញ៉ាបណ្ឌិតគីម ហ៊ាង ប្រធាន KW Cambodia បានមាន​ប្រសាសន៍ឲ្យដឹងកាលពីពេលថ្មីៗនេះថា សេដ្ឋកិច្ចកម្ពុជាមានកំណើនក្នុងរង្វង់៧ភាគរយ ក្នុងរយៈពេល២០ឆ្នាំចុងក្រោយនេះ ដែលធ្វើឲ្យកម្ពុជា ឈានពីប្រទេសតតិយ​លោក មកកាន់ប្រទេសមានប្រាក់ចំណូលមធ្យមកម្រិតទាប និងកំពុងឈានទៅកាន់ទៅកាន់ ប្រទេសមធ្យមកម្រិតខ្ពស់ និងប្រទេសមានប្រាក់ចំណូលខ្ពស់នាពេលខាងមុខ។

លោកឧកញ៉ាបន្តថា “ចំណែកកត្តាមួយទៀត គឺកម្ពុជាមានស្ថេរភាពនយោ​បាយ មិនដូចមនុស្សមួយចំនួនមិនធ្លាប់ស្គាល់កម្ពុជា ចេះតែនិយាយផ្តេសផ្តាសឡើយ ប៉ុន្តែក្រោមការដឹកនាំរបស់សម្តេចតេជោ នយោបាយកម្ពុជាមានលំនឹងល្អណាស់”។ លោកបន្ថែមថា “ការវិនិយោគដីធ្លីមានភាពពេញនិយមនៅកម្ពុជា ដោយអ្នកមានប្រាក់ច្រើន ក្នុងរង្វង់៧០ភាគរយ ទទួលភាពមានបានដោយសារដីធ្លី”។

លោកឧកញ៉ាបណ្ឌិតគីម ហ៊ាង បានបន្តថា កត្តាសំខាន់ទី២ លំហូរទុនវិនិយោគពីបរទេសច្រើន ព្រោះប្រជាពលរដ្ឋកម្ពុជា មានបេះដូងទូលាយ មានភាពរួសរាយរាក់ទាក់ រៀនគ្រប់ភាសា ដែលធ្វើឲ្យកម្ពុជាមានភាពទាក់ទាញទុនវិនិយោគពីបរទេស គួរផ្សំនឹងការរីកចម្រើនសេដ្ឋកិច្ច ស្ថេរភាពនយោបាយ និងមូលដ្ឋានច្បាប់វិនិយោគដ៏ល្អ។

លោកបន្តថា ប្រភពទុនវិនិយោគចំនួនប្រភេទ៣ អាចជួយសេដ្ឋកិច្ចកម្ពុជាឲ្យរីកចម្រើនកាន់តែខ្លាំង មានដូចជា ទី១ អ្នកវិនិយោគក្នុងស្រុក ដែលពួកគាត់បញ្ចេញលុយវិនិយោគ ព្រោះនៅកម្ពុជាមានអ្នកមានក្នុងស្រុកច្រើន បើពួកគាត់បញ្ចេញទុនវិនិយោគច្រើន នឹងជួយសេដ្ឋកិច្ចយើងបានកាន់តែប្រសើរ។ ទី២ ទុនវិនិយោគពីបរទេស ដែលរយៈពេល១០ឆ្នាំចុងក្រោយនេះ អ្នកវិនិយោគចិនបានដើរតួនាទីសំខាន់ណាស់ ក្នុងសេដ្ឋកិច្ច ពិសេសក្នុងវិស័យអចលនទ្រព្យ និងទី៣ ពេលអញ្ជើញទៅកាន់អាមេរិក និងប្រទេសស្វីសសម្តេចតេជោ នឹងពិចារណាពីលទ្ធភាព ក្នុងការធ្វើអត្តសញ្ញាណប័ណ្ណជូនពលរដ្ឋខ្មែរនៅក្រៅប្រទេស ដែលនេះជាសញ្ញាដ៏ល្អមួយ ដែលយើងរង់ចាំជាយូរមកហើយ។

ទី៣ បើពួកគាត់ (ខ្មែរនៅក្រៅប្រទេស) ទទួលបានអត្តសញ្ញាណប័ណ្ណ ហើយ យើងទាក់ទាញឲ្យពួកគាត់មកវិនិយោគនៅកម្ពុជា ពិតជាសំខាន់ណាស់ ព្រោះទុនវិនិយោគរបស់អ្នកមានខ្មែរនៅក្រៅប្រទេស ទំហំទុនវិនិយោគរបស់ពួកគាត់ មានមិនតិចជាងទុនវិនិយោគពីជនបរទេសនោះទេ
លោកឧកញ៉ាបណ្ឌិតបន្តថា “ប្រសិនជាយើងមានប្រភពទុនទាំងបីនេះ នឹងធ្វើឲ្យសេដ្ឋកិច្ចរបស់យើង កាន់តែរីកចម្រើនលឿនជាងមុនបន្ថែមទៀតមិនខាន”៕

ដោយៈ សុខុម

ប៉េកាំង: យោងតាមការប៉ាន់ប្រមាណបង្ហាញថា បច្ចុប្បន្នផ្ទះទំនេរចោល ដែលគ្មានមនុស្សរស់នៅ មានចំនួនមិនក្រោម៥០លានយូនីតឡើយនៅទូទាំងប្រទេសចិននាពេលបច្ចុប្បន្ន។ នេះបើយោងតាមសារព័ត៌មាន South China Morning Post ចុះផ្សាយកាលពីថ្ងៃអាទិត្យ ទី១៤ ខែសីហា។

ចំនួននេះទំនងជាសរបង្ហាញឱ្យឃើញថា ទីផ្សារលំនៅដ្ឋានដែលកំពុងមានបញ្ហាស្រាប់ទៅហើយរបស់ប្រទេសចិន អាចនឹងធ្លាក់ចូលក្នុងវិបត្តិកាន់តែជ្រៅថែមទៀត នៅពេលវាធ្វើឱ្យតម្លៃផ្ទះដាំក្បាលចុះកាន់តែខ្លាំង។

វិទ្យាស្ថានស្រាវជ្រាវទីផ្សារអចនទ្រព្យចិន Beike Research Institute (BRI) បានលើកឡើងក្នុងរបាយការណ៍ សិក្សាចុងក្រោយរបស់ខ្លួនថា “ប្រទេសចិន មិនខ្វះផ្ទះទេ ដោយនៅទំនេរចោលច្រើន ហើយផ្ទះទំនេរចោលច្រើនបែបនេះគឺជាហានិភ័យ”។

វិទ្យាស្ថាននេះបានបន្ថែមទៀតថា “ផ្ទះទំនេរចោលបង្ហាញពីការផ្គត់ផ្គង់យ៉ាងច្រើនសម្បើម។ នៅពេលការទិញទុកលក់ចំណេញ សម្រាប់ទីផ្សារលំនៅដ្ឋានអាប់អួ ផ្ទះទំនេរចោលយ៉ាងច្រើនសន្ធាប់ នឹងត្រូវដាក់លក់នៅលើទីផ្សារ ហើយអាចនឹងធ្វើឱ្យប៉ះពាល់លើតម្លៃផ្ទះកាន់តែខ្លាំង”។

យោងតាមរបាយការណ៍របស់វិទ្យាស្ថានស្រាវជ្រាវ ទីផ្សារអចនទ្រព្យចិន BRI ដែលត្រូវបានចេញផ្សាយ កាលពីដើមខែនេះបានបង្ហាញថា អត្រាផ្ទះទំនេរចោល ជាមធ្យមនៅទូទាំងប្រទេសចិន គឺមានចំនួន១២,១% ខណៈសហរដ្ឋអាមេរិក មាន១១,១% អូស្ត្រាលី មាន៩,៨% ហើយអង់គ្លេស មានត្រឹមតែ០,៩%។

អត្រានេះបង្ហាញថា ផ្ទះទំនេរចោលគ្មានមនុស្សរស់នៅ មានរហូតដល់ទៅប្រមាណ៥០លានយូនីតតូទាំងប្រទេសចិន។ នេះបើយោងតាមការសិក្សាមួយកាលពីឆ្នាំមុន ដោយអ្នកជំនាញសេដ្ឋកិច្ច Ren Zeping ដែលធ្លាប់បម្រើការងារនៅមជ្ឈមណ្ឌលស្រាវជ្រាវអភិវឌ្ឍន៍ (Development Research Center)។

អ្នកជំនាញរូបនេះ បានធ្វើការប៉ាន់ប្រមាណកាលពីឆ្នាំ២០២០ ថា ផ្ទះដែលត្រូវបានសាងសង់រួចរាល់ ចាប់តាំងពីពេលនោះមកមានចំនួនប្រមាណ៤០០លានផ្ទះនៅប្រទេសចិន៕ South China Moring Post៕

Several projects in five key traffic areas in HCMC have been delayed for years due to Covid-19 and issues regarding land and funds.

In 2016, Ho Chi Minh City drew up plans for a series of projects in the Tan Son Nhat International Airport area, an important traffic hub that connects with downtown areas of several districts like Tan Binh, Tan Phu and Go Vap.

Among the projects were overpasses over the Truong Son Road, the Nguyen Thai Son-Nguyen Kiem intersection and expansion of the Hoang Minh Giam Road, which were all completed within three years and helped relieve traffic congestion in the area.

But several other projects have suffered repeated delays, including a road to connect the major streets of Cong Hoa and Tran Quoc Hoan. This 4 km road with an investment of over VND4.8 trillion ($205.1 million), has been delayed by land clearance issues, mostly related to military land.

About 15 km away, traffic at the Cat Lai Port area in Thu Duc City has also been a headache for years. Since 2016, HCMC has worked on the first phase of a My Thuy Intersection project, which includes overpasses, underground tunnels and road expansions to reduce congestion and increase transport capabilities.

In the second phase, three new bridges are supposed to be built, but these have also been delayed due by land clearance issues. Other expansion projects for roads like Nguyen Duy Trinh and Nguyen Thi Dinh have not gotten off the ground, worsening congestion in the area.

The Ring Road 2, a vital traffic route supposed to relieve downtown traffic congestion, has found it difficult to become a “closed loop” for the last 15 years, though 50km of the 64km route has been completed. Parts of the remaining 14km have received any investment and some parts are still under construction.

Meanwhile, the Ring Road 3 section running through HCMC, Dong Nai, Binh Duong and Long An was planned 11 years ago, but construction is only slated to begin mid-2023.

HCMC’s first metro line, the Ben Thanh-Suoi Tien line, was approved 15 years prior. After many delays, it is 90 percent complete and is expected to be completed at the end of 2023.

The city’s second metro line – Ben Thanh-Tham Luong – has had its construction delayed until 2025, 10 years after the original plan. Other urban railway projects are also caught up in several difficulties regarding funds and procedures.

Five highways with a total length of 277 km have been planned to facilitate connections between HCMC and surrounding localities and regions. Of this, only 131 km – the HCMC-Dau Giay and HCMC-Trung Luong highways – have been constructed; and even these need upgrades and expansion.

Bui Van Quan, head of the HCMC Goods Transport Association, said traffic jams would greatly impact businesses were focusing on post-Covid recovery. Projects that have been delayed for years therefore need to be quickly dealt with, as the longer they stay incomplete, the more additional costs there will be, he added.

A representative of the Transportation Works Construction Investment Project Management Authority of HCMC (TCIP) said land clearance issues are the toughest challenges facing several infrastructure projects in the city and causing the delays. The TCIP should, therefore, cooperate with localities,, sort out and finalize land clearance plans for delayed projects, the rep added.

Source: VNS

សុខុម

ហូជីមិញ: គម្រោងមួយចំនួនក្នុងតំបន់ចរាចរណ៍សំខាន់ៗចំនួន៥ ក្នុងទីក្រុងហូជីមិញ ប្រទេសវៀតណាម ត្រូវបានពន្យារពេលជាច្រើនឆ្នាំ ដោយសារវិបត្តិកូវីដ-១៩ និងបញ្ហាទាក់ទិនដីធ្លី និងថវិកា។ នេះបើយោងតាមសារព័ត៌មាន VN Express ចុះផ្សាយកាលពីថ្ងៃអាទិត្យ ទី១៤ ខែសីហា។

ក្នុងឆ្នាំ២០១៦ ទីក្រុងហូជីមិញ បានធ្វើផែនការសម្រាប់គម្រោងជាបន្តបន្ទាប់ នៅតំបន់អាកាសយានដ្ឋានអន្តរជាតិ Tan Son Nhat International Airport ជាមជ្ឈមណ្ឌលចរាចរណ៍ដ៏សំខាន់មួយ ដែលតភ្ជាប់ជាមួយតំបន់ទីប្រជុំជន នៃសង្កាត់មួយចំនួន ដូចជា សង្កាត់ Tan Binh សង្កាត់ Tan Phu និងសង្កាត់ Go Vap ជាដើម។

ក្នុងចំណោមគម្រោងទាំងនោះ រួមមាន ស្ពានអាកាសរត់កាត់ពីលើផ្លូវ Truong Son Road ចំណុចផ្លូវប្រសព្វ Nguyen Thai Son-Nguyen Kiem និងការពង្រីកផ្លូវ Hoang Minh Giam Road ដែលសុទ្ធតែត្រូវបានបញ្ចប់ជាស្ថាពរ ក្នុងរយៈពេល៣ឆ្នាំ និងដែលបានជួយបន្ធូរបន្ថយការកកស្ទះចរាចរណ៍បានច្រើនក្នុងតំបន់ផងដែរ។

ទោះជាយ៉ាងណា គម្រោងមួយចំនួនផ្សេងទៀតត្រូវបានពន្យារពេលម្តងហើយម្តងទៀតរួមទាំងផ្លូវមួយដែលតភ្ជាប់ផ្លូវសំខាន់ៗដូចជាផ្លូវ Cong Hoa និងផ្លូវ Tran Quoc Hoan ផងដែរ។ ផ្លូវប្រវែង៤គីឡូម៉ែត្រក្រោមទុនវិនិយោគ២០៥,១លានដុល្លារ នេះត្រូវបានពន្យារពេល ដោយសារបញ្ហាដីធ្លី ដែលភាគច្រើនទាក់ទងនឹងដីយោធា។

ស្ថិតនៅចម្ងាយប្រមាណ១៥គីឡូម៉ែត្រ ចរាចរណ៍នៅតំបន់កំពង់ផែ Cat Lai Port ក្នុងទីក្រុង Thu Duc City (ដែលស្ថិតក្រោមរដ្ឋបាលគ្រប់គ្រងរបស់ក្រុងហូជីមិញ) ក៏ជាបញ្ហាឈឺក្បាលជាច្រើនឆ្នាំមកហើយ។ ចាប់តាំងពីឆ្នាំ២០១៦ ក្រុងហូជីមិញ បានចាប់ផ្ដើមធ្វើការលើដំណាក់កាលទី១ នៃគម្រោងផ្លូវប្រសព្វ My Thuy Intersection ដែលរួមមានទាំងស្ពានអាកាស ផ្លូវរូងក្រោមដី និងការពង្រីកផ្លូវថ្នល់ ដើម្បីកាត់បន្ថយការកកស្ទះ ក៏ដូចជាបង្កើនសមត្ថភាពដឹកជញ្ជូនផងដែរ។

ក្នុងដំណាក់កាលទី២ ស្ពានថ្មីចំនួន៣នឹងត្រូវសាងសង់ឡើង ប៉ុន្តែស្ពានទាំងនេះក៏ត្រូវបានពន្យារពេលផងដែរ ដោយសារបញ្ហាដីធ្លី។ គម្រោងពង្រីកផ្លូវផ្សេងទៀត ដូចជា គម្រោង Nguyen Duy Trinh និងគម្រោង Nguyen Thi Dinh ជាដើមមិនទាន់ទាំងបានចាប់ផ្ដើមផងទេ ដែលធ្វើការកកស្ទះកាន់ចរាចរណ៍ក្នុងតំបន់នោះកាន់តែធ្ងន់ធ្ងរទៅៗ។

ផ្លូវក្រវាត់ក្រុងទី២ (Ring Road 2) ដែលមានប្រវែងសរុប៦៤គីឡូម៉ែត្របានចំណាយពេលអស់១៥ឆ្នាំមកហើយនៅតែមិនទាន់បញ្ចប់ ដោយសាងសង់បញ្ចប់បានប្រវែង៥០គីឡូម៉ែត្រ ចំណែកឯ១៤គីឡូម៉ែត្រទៀតទើបតែទទួលបានទុនវិនិយោគ និងកំពុងសាងសង់នៅឡើយ។

ទន្ទឹមនឹងនេះ កំណាត់ផ្លូវក្រវាត់ក្រុងទី៣ (Ring Road 3) ដែលរត់កាត់ទីក្រុងហូជីមិញ ខេត្ត Dong Nai ខេត្ត Binh Duong និងខេត្ត Long An ត្រូវបានធ្វើផែនការតាំងពី១១ឆ្នាំមុន ប៉ុន្តែការសាងសង់ទើបតែគ្រោងនឹងចាប់ផ្តើមពាក់កណ្តាលឆ្នាំ២០២៣ប៉ុណ្ណោះ។

ខ្សែរថភ្លើងក្រោមដីទី១ នៃក្រុងហូជីមិញ Ben Thanh-Suoi Tien Line ត្រូវបានអនុម័តតាំងពី១៥ឆ្នាំមុន។ បន្ទាប់ពីពន្យារពេលជាច្រើនលើក ការងារក្នុងគម្រោងនេះត្រូវបានបញ្ចប់៩០%ហើយពេលនេះ ហើយរំពឹងថានឹងបញ្ចប់ជាស្ថាពរនៅដំណាច់ឆ្នាំ២០២៣។

ខ្សែរថភ្លើងក្រោមដីទី២ នៃក្រុងនេះ Ben Thanh-Tham Luong Line ត្រូវបានពន្យារពេលការសាងសង់រហូតដល់ឆ្នាំ២០២៥ ពោលគឺ១០ឆ្នាំក្រោយពីការធ្វើផែនការដំបូង។ គម្រោងផ្លូវរថភ្លើងក្នុងទីក្រុងផ្សេងៗទៀតក៏ជួបប្រទះនឹងការលំបាកមួយចំនួនដែរ ទាក់ទងនឹងថវិកា និងនីតិវិធី។

គម្រោងផ្លូវហាយវ៉េចំនួន៥ខ្សែ ដែលមានប្រវែងសរុប២៧៧គីឡូម៉ែត្រ ត្រូវបានគ្រោងទុក ដើម្បីជួយសម្រួលដល់ការតភ្ជាប់រវាងក្រុងហូជីមិញ និងតំបន់ជុំវិញ។ ហើយក្នុងចំណោមនោះ ការសាងសង់សម្រេចបានតែប្រវែង១៣១គីឡូម៉ែត្រប៉ុណ្ណោះ គឺផ្លូវហាយវ៉េ HCMC-Dau Giay និងផ្លូវហាយវ៉េ HCMC-Trung Luong។

លោក Bui Van Quan ប្រធានសមាគមដឹកជញ្ជូនទំនិញក្រុងហូជីមិញ លើកឡើងថា ការកកស្ទះចរាចរណ៍នឹងជះផលប៉ះពាល់យ៉ាងខ្លាំងមកដល់អាជីវកម្មនានា ដែលកំពុងប្រឹងប្រែងងើបឡើងពីវិបត្តិកូវីដ-១៩។

លោកបានបន្ថែមថា គម្រោងនានា ដែលបានពន្យារពេលអស់ជាច្រើនឆ្នាំ ចាំបាច់ត្រូវមានការដោះស្រាយឱ្យបានឆាប់រហ័ស ព្រោះថា ថ្លៃចំណាយនឹងកើនឡើងបន្ថែមទៀត ប្រសិនបើគម្រោងទាំងនោះអូសបន្លាយពេលកាន់តែយូរ៕

ដោយ៖ សុផារី

ភ្នំពេញ៖ ស្របពេលការអភិវឌ្ឍអាគារនានានៅលើកោះនរាកំពុងដំណើរការ ក្រុមហ៊ុនអភិវឌ្ឍ សញ្ជតិសិង្ហបុរីមួយគឺ AKRAM Development Co., Ltd បានប្រកាសគម្រោងអភិវឌ្ឍអាគារបែបប្រណីតលំដាប់កំពូលមួយ នៅលើដីទំហំជាង៣,៥ហិកតា ដែលបានទិញពីក្រុមហ៊ុន OCIC។

ការចុះហត្ថលេខាលើការទិញលក់ជាផ្លូវការ ក្រោមវត្តមានរបស់លោក Kelvin Chua ជាអគ្គនាយកនៃ AKRAM Development Co., Ltd និង លោក Melvin Poh ដែលជានាយកផ្នែកអភិវឌ្ឍ AKRAM និងលោកឧកញ៉ា ពុង ឃាវសែ ជាប្រធានក្រុមប្រឹក្សាភិបាលនៃក្រុមហ៊ុន OCIC ដោយគម្រោងនេះត្រូវបានព្យាករណ៍ថា មានទំហំទឹកប្រាក់ច្រើនជាង១៥០លានដុល្លាអាមេរិក។

លោក Kelvin Chua អគ្គនាយកAKRAM បានឱ្យដឹងថា ការទិញដី ក្នុងគោលបំណងអភិវឌ្ឍនូវគម្រោងបែបប្រណីតលំដាប់កំពូល ដែលមិនធ្លាប់បានឃើញពីមុនមកនៅកម្ពុជា ដោយសារលោកបានមើលឃើញពីការកើនឡើងតម្រូវការគម្រោងបែបប្រណីតលំដាប់កំពូល ព្រោះដំណាក់កាលនៃជម្ងឺឆ្លងបានលើកទឹកចិត្តប្រជាជនទាំងអស់កាន់តែយកចិត្តទុកដាក់លើផាសុកភាព និងគុណភាពជីវិត។

លោកបានបន្តថា កោះនរា គឺជាទីតាំងយុត្តិសាស្ត្រដ៏មុតមាំមួយ ដែលមិនត្រឹមតែស្ថិតនៅជាប់នឹងដងទន្លេមេគង្គប៉ុណ្ណោះទេ តែក៏ស្ថិតនៅកៀកជាមួយនឹងទីតាំងដ៏ពិសិទ្ធ២ផ្សេងទៀត គឺទីក្រុងកោះពេជ្រ និងណាហ្គាវើលផងដែរ។

លោកថា “ដោយកត្តាទីតាំងស្ថិតនៅក្នុងតំបន់សក្ដានុពល ព្រមជាមួយនឹងទេសភាពដ៏ស្រស់ត្រកាលនៃដងទន្លេមេគង្គ បានធ្វើឲ្យគុណតម្លៃនាពេលអនាគតនៅទីនេះ កាន់តែមានសន្ទុះជាលំដាប់”។

លោក Melvin នាយកផ្នែកអភិវឌ្ឍ AKRAM និងជាអ្នកជំនាញផ្នែកអចលនទ្រព្យលំដាប់ខ្ពស់ និងប្រណីតបានមានប្រសាសន៍ថា “ជាមួយនឹងបទពិសោធន៍ជាង២០ឆ្នាំនៅក្នុងការអភិវឌ្ឍគម្រោងប្រណីត និងអចលនទ្រព្យលំដាប់ខ្ពស់ ព្រមជាមួយនឹងស្ថាបត្យកម្ម និងភាពច្នៃប្រឌិតដ៏ល្អដាច់គេ យើងជឿជាក់ថាគម្រោងអភិវឌ្ឍនេះនឹងជាផលិតផលដែលឈានមុខគេនៅក្នុងទីផ្សារអចលនទ្រព្យប្រណីតក្នុងតំបន់”។

ក្រុមហ៊ុន OCIC បានធ្វើការសាងសង់ស្ពានចំនួន២ ដែលស្ពានមួយសម្រាប់តភ្ជាប់ទៅតំបន់កោះពេជ្យ និងមួយទៀតភ្ជាប់ទៅកាន់ផ្លូវជាតិលេខ១ ហើយស្ពាននីមួយៗត្រូវចំណាយទុនរហូតដល់៣៨លានដុល្លាអាមេរិក។ ស្ពានតភ្ជាប់កោះនរាមកកាន់ទីក្រុងកោះពេជ្យត្រូវបានប៉ាន់ស្មានថានឹងបើកដំណើរការនៅក្នុងឆ្នាំ២០២៣ ខណៈស្ពានភ្ជាប់ទៅកាន់ផ្លូវជាតិលេខ១ គ្រោងបើកឱ្យប្រើប្រាស់នៅ​ដើម​ខែ​តុលា​ ឆ្នាំ​២០២២​៕