ភ្នំពេញ ៖ ដើម្បីសម្រួលដល់អតិថិជនរបស់គម្រោងខុនដូ Toulkork Lane ( ToulKork Lane ) ក្រុមហ៊ុនអភិវឌ្ឍន៍គម្រោងនេះបានសហការជាមួយក្រុមហ៊ុន LM car ដោយបានចុះហត្ថលេខាលើអនុស្សរណៈនៃការយោគយល់មួយកាលពីរសៀលថ្ងៃទី១៥វិច្ឆិកា២០២២នេះនៅអគារការិយាល័យលក់នៃគម្រោង ToulKork Lane ជិតអង់តែនទួលគោក ។
នៅក្នុងពិធីនោះដែរលោកAndy នាយកគ្រប់គ្រងផ្នែកទីផ្សារនិងការលក់នៃគម្រោង Toulkork Lane បានមានប្រសាសន៍ឱ្យដឹងថា ដោយសារតែគម្រោងរបស់យើងកំពុងមានការគាំទ្រនិងមានអតិថិជនជាច្រើនមកទស្សនាគម្រោងច្រើន និងចង់សម្រួលដល់ការលំបាករបស់អតិថិជន យើងក៏បានសហការជាមួយក្រុមហ៊ុនដឹកជញ្ជូនអ្នកដំណើរការLM car ដើម្បីឱ្យក្រុមហ៊ុននេះអាចដឹកអតិថិជនរបស់យើងមកទស្សនាគម្រោងរបស់យើង ។

លោកបន្តថា តាមពិតទៅការធ្វើដំណើរតាមរយៈLM Car អតិថិជនទទួលបានការបញ្ចុះតម្លៃ ៥០ភាគរយ ដែលជាការសន្សំខ្ពស់ហើយនិងអាចធ្វើដំណើរមកកាន់ការិយាល័យនៃគម្រោងបានគ្រប់ពេលដើម្បីទស្សនានូវគម្រោងនិងជួបជាមួយបុគ្គលិកផ្នែកលក់របស់យើង ។លោកថា”សព្វថ្ងៃមានភ្ញៀវជាច្រើនមកទស្សនាគម្រោងរបស់យើង ហើយភ្ញៀវមួយចំនួនបានអញ្ជើញមកតាមរយៈតុកតុក ឬតាក់ស៊ី ដែលពិបាកឬអាចថាចំណាយច្រើន តែនៅពេលយើងបានចុះ ហត្ថលេខាជាមួយក្រុមហ៊ុន LM Car ពេលនោះភ្ញៀវដែលអញ្ជើញមកការិយាល័យយើងអាចទាក់ទងជាមួយLM Car នឹងទទួលបានការបញ្ចុះតម្លៃពិសេសជូនតែម្ដង ” ។

…លោក ZHENG PEI នាយកគ្រប់គ្រងទូទៅនៃក្រុមហ៊ុន LM CAR បានបញ្ជាក់ក្នុងសុន្ទរកថារបស់លោកថា លោកពិតជាមានកិត្តិយសដែលបានចូលរួមក្នុងកិច្ចសហប្រតិបត្តិការរវាងក្រុមហ៊ុន TOUL KORK LANE និងក្រុមហ៊ុន LMCAR ព្រមទាំងមានសុទិដ្ឋិនិយមខ្ជស់ចំពោះទំនាក់ទំនងរវាងក្រុមហ៊ុនទាំងពីរក្នុងកិច្ចសហប្រតិបត្តិការនិងសេវាកម្មនេះ។ ក្នុងកិច្ចសហប្រតិបត្តិការ LMCAR បានផ្តល់ការបញ្ចុះតម្លៃការធ្វើដំណើរចំនួន 50% ដល់អតិថិជន TK Lane ទាំងអស់ដើម្បីបង្កើនគុណភាពនៃសេវាកម្មធ្វើដំណើររបស់ពួកគេ។ ទន្ទឹមនឹងនោះ ការស្វែងរក និង ប្រើប្រាស់ធនធានដែលខ្លួនមានស្រាប់ ដើម្បីជួយជំរុញក្នុងការអភិវឌ្ឍផលិតផល និងសេវាកម្មប្រកបដោយភាពច្នៃប្រឌិត ព្រមទាំងផ្តល់ភាពងាយស្រួលសម្រាប់ការផ្សព្វផ្សាយម៉ាកយីហោរបស់គ្នាទៅវិញទៅមក និងសម្រេចបាននូវកិច្ចសហប្រតិបត្តិការឈ្នះឈ្នះ។

សម្រាប់អតិថិជនដែលធ្វើដំណើរមកកាន់Toul Kork Lane ឬធ្វើដំណើរចេញពី Toul Kork Lane គ្រាន់តែប្រើប្រាស់កូដLMTKLANE នោះអតិថិជននឹងទទួលបានការបញ្ចុះតម្លៃ៥០%ភ្លាមៗ។
សូមបញ្ជាក់ថាអគារខុនដូបែបប្រណីតToulkork lane (ទួលគោកលែន) ត្រូវបានអភិវឌ្ឍឡើងនៅលើផ្ទៃដីទំហំ១,១០០ម៉ែត្រការេ និងមានផ្ទៃសំណង់សរុបទំហំ២១,០០០ម៉ែត្រការេ មានកម្ពស់២១ជាន់ ស្មើនឹងជាង៧០មែត្រ ដោយក្នុង១ជាន់មានចំនួន២៣យូនីត និងសរុបជាង៤០០យូនីត។នៅក្នុងគម្រោងមួយនេះមានចំណតរថយន្តធំ

ទូលាយដែលអាចចតបានរថយន្តរហូតទៅដល់ជាង៨០ចំណត និងបំពាក់ទៅដោយឧបករណ៍សុវត្ថិភាពបែបទំនើប។ គម្រោងសម្រេចបានការសាងសង់ជាង៨០%រួចទៅហើយ និងបានកំពុងទទួលបានការគាំទ្រពីសំណាក់បណ្តាក្រុមហ៊ុនជាដៃគូ ក៏ដូចជាបណ្តាអតិថិជនជឿទុកចិត្តគួរឲ្យកត់សម្គាល់ ដោយគ្រាន់តែត្រឹមរយៈពេលតែជាង១ខែមកនេះ ការលក់គម្រោងToulKork Lane សម្រេចបានរហូតទៅដល់ជាង៣០ភាគរយ ដោយមានអតិថិជនជាច្រើនមកទស្សនានិងគ្រោងទិញគម្រោងរបស់ខ្លួនជាហូរហែរឥតដាច់ជារៀងរាល់ថ្ងៃ៕

ដោយ៖ សុផារី

ព្រះសីហនុ៖ ក្រុងព្រះសីហនុបានទទួលការអភិវឌ្ឍប្លែកមុខប្លែកមាត់ខ្លាំង ប្រមូលផ្តុំដោយគម្រោងវិនិយោគ និងការកសាងហេដ្ឋារចនាសម្ព័ន្ធខ្វាត់ខ្វែងនានាក្នុងក្រុង។ ទំនោរនេះនាំឱ្យតម្លៃអចលនទ្រព្យ និងទីផ្សារដីធ្លីនៅក្នុងតំបន់មួយចំនួន ក្នុងក្រុងព្រះសីហនុក៏មានតម្លៃខ្ពស់ខ្លាំងផងដែរ។

លោក ឌិត ចណ្ណា អគ្គនាយកក្រុមហ៊ុនអចលនទ្រព្យ Lucky Realty បានមានប្រសាសន៍ចែករំលែកកាលពីពេលថ្មីៗនេះថា តំបន់មួយចំនួនដែលមានតម្លៃដីធ្លីខ្ពស់នៅក្នុងក្រុងព្រះសីហនុ រួមមាន តំបន់ផ្លូវឯករាជ្យ ចាប់ពីវិមានឯករាជ្យរហូតដល់តំបន់តោពីរ និងតំបន់មួយទៀតគឺ ផ្លូវរង្វង់មូលតោ ស្របនឹងឆ្នេរអូរឈើទាល។

លោកបានឱ្យដឹងទៀតថា “តំបន់អូតែលសុខា ក៏ជាតំបន់មានតម្លៃដីធ្លីខ្ពស់មួយផងដែរ ដោយសារវាជាតំបន់ Hard Business Hub ដែលប្រមូលផ្តុំគម្រោងពាណិជ្ជកម្ម និងធុរកិច្ច រួមមាន អូតែលសុខា គម្រោងក្រុមហ៊ុនព្រីន និងគម្រោងខ្នាតធំជាច្រើនកើតមានឡើងច្រូងច្រាង ជាដើម ដោយតំបន់នេះកន្លងមកត្រូវបានប្រៀបប្រដូចជាមួយក្រុងភ្នំពេញ ប្រទេសសិង្ហបុរី ឬទីក្រុងស៊ិនជិននៃប្រទេសចិន ជាដើម។ យោងតាមលោកចណ្ណា តំបន់នេះមានតម្លៃដីប្រមាណ៣០០០ទៅ៣៥០០ដុល្លារអាមេរិកក្នុងមួយម៉ែត្រការ៉េ អាស្រ័យតាមទំហំដីធំ ឬតូច។

លោកបន្តថា “តំបន់នេះមានតម្លៃដីប្រមាណ៣០០០ទៅ៣៥០០ដុល្លារអាមេរិក អាស្រ័យតាមទំហំដីធំ ឬតូច។ ក្រុងព្រះសីហនុ ពិសេសត្រង់តម្លៃដីទាល់តែយើងមើលលើទីតាំងដីនិមួយៗ ដីខ្លះតូច ដីខ្លះធំ ៣ហិកតា ៥ហិកតា ដីខុសគ្នា តម្លៃក៏ខុសគ្នាច្រើនដែរ”។

ក្រៅពីតំបន់ខាងលើនេះ តម្លៃដីធ្លីនៅក្នុងតំបន់ជាយក្រុងក៏មានតម្លៃខ្ពស់ផងដែរ ចន្លោះពីជាង១០០០ ទៅជាង២០០០ដុល្លារអាមេរិកក្នុងមួយម៉ែត្រការ៉េ។ លោកបន្តថា តំបន់អូរត្រេះក៏ជាតំបន់ទាក់ទាញមួយផងដែរ ប្រមូលផ្តុំទៅដោយអាគារច្រូងច្រាង China Town បូកផ្សំនឹងហេដ្ឋារចនាសម្ព័ន្ធនានា ដែលជំរុញតម្លៃដីធ្លីឱ្យកើនឡើង មិនធ្លាក់ចុះនោះទេ។

លោកលើកឡើងទៀតថា បន្ថែមលើសនេះ តំបន់ដើមឈើចាំស្នេហ៍ ភ្ជាប់ទៅកាន់ឆ្នេររាម តំបន់រូបសំណាកព្រះថោងនាងនាគ តំបន់រូបសំណាកខ្មែរធ្វើបាន ជាតំបន់ដីថ្មីនិងមានទំហំធំៗល្អ ហើយទាក់ទាញបានអ្នកទស្សនាកុះករ និងមានការសាកសួរពីសំណាក់ធនាគារច្រើន។ យ៉ាងណាក្តី បើប្រៀបធៀបនឹងតំបន់ផ្សេងទៀត តម្លៃដីធ្លីនៅក្នុងតំបន់នេះនៅមានតម្លៃធូរថ្លៃច្រើន ប្រមាណ៥០០ដុល្លារក្នុងមួយម៉ែត្រការ៉េ ដោយសារមិនសូវមានការនិយមទិញដីធ្លីទំហំធំៗ។

ជាមួយគ្នានេះ លោក ឆន សិលា អ្នកជំនាញអចលនទ្រព្យនៅក្នុងក្រុងព្រះសីហនុបានឱ្យដឹងកាលពីថ្ងៃទី១៥ ខែវិច្ឆិកាថា បច្ចុប្បន្ននេះ តម្លៃដីធ្លីនៅក្នុងក្រុងព្រះសីហនុ មានតម្លៃខ្ពស់ខ្លាំង ជាពិសេសតំបន់នៅក្នុងក្រុងតែម្តង ដោយសារតែដីធ្លីទាំងនោះភាគច្រើនត្រូវបានប្រមូលទិញដោយក្រុមហ៊ុន ឬឈ្មួញធំៗ ប៉ុន្តែគេក៏នៅអាចស្វែងរកដីធ្លីតម្លៃធូរថ្លៃបាន នៅក្នុងតំបន់ជាយៗក្រុង ឬក្នុងតំបន់អភិវឌ្ឍន៍ថ្មី៕

ដោយ៖ វឌ្ឍនៈ

ភ្នំពេញ ៖ ទីផ្សារអចលនទ្រព្យកម្ពុជាក្នុងឆ្នាំ២០២២ បន្តទទួលផលប៉ះពាល់ពីបញ្ហាប្រឈម ដោយទាំងការលក់ និងការអភិវឌ្ឍនៅតែមានសកម្មភាពតិចតួច ធៀបនឹងសកម្មភាពមុនឆ្នាំ២០២០។ យ៉ាងណាក្ដី ទីផ្សារលំនៅឋានតម្លៃសមរម្យត្រូវបានមើលឃើញថា មានចរន្តការទិញ លក់ និងអភិវឌ្ឍន៍ជាបន្តបន្ទាប់ក្នុងឆ្នាំ២០២២នេះ។

លោក ថាន់ ចាន់ណា អគ្គនាយកក្រុមហ៊ុនចាន់ណាលែន បានថ្លែងប្រាប់គេហទំព័រ Property Area Asia ថាទីផ្សារលំនៅឋានតម្លៃសមរម្យនៅតែបន្តទទួលបានការគាំទ្រពីអតិថិជន ជាពិសេស លំនៅឋានតម្លៃចន្លោះ៤ ឬ៥ម៉ឺន ទៅក្រោម១០ម៉ឺន។ ចំណែក ទីផ្សារលំនៅឋានតម្លៃចាប់ពី១០ម៉ឺនដុល្លារអាមេរិកឡើងទៅហាក់ដូចជានៅបន្តប្រឈមផលប៉ះពាល់។

លោកបន្តថា ជាពិសេស ក្នុងអំឡុងក្នុងឆ្នាំ២០២២នេះ លោកបានបន្តអភិវឌ្ឍន៍គម្រោងលំនៅឋាន ដែលមានតម្លៃសមរម្យ ហើយក៏ទទួលបានការគាំទ្រពីប្រជាពលរដ្ឋកម្ពុជាផងដែរ ដោយគម្រោងទី១បានលក់អស់ គម្រោងទី២ក៏កំពុងលក់ជិតអស់ហើយដែរ និងគ្រោងត្រៀមអភិវឌ្ឍន៍គម្រោងទី៣ ដើម្បីបំពេញតម្រូវការអតិថិជនបន្ថែម។

លោកបន្ថែមថា “លំនៅឋានក៏អាស្រ័យលើទីតាំងសក្ដានុពល និងអំណោយផល នៃការធ្វើអាជីវកម្មផងដែរ ទើបមានអតិថិជនគាំទ្រ និងទិញសម្រាប់ស្នាក់នៅផង និងអាចធ្វើអាជីវកម្មរកចំណូលផង”។

លោករំពឹងថាមិនយូរទេសកម្មភាពអាជីវកម្មទាំងឡាយ រួមនឹងសកម្មភាពការវិនិយោគអចលនទ្រព្យនឹងទទួលបានការស្ទុះងើបឡើងវិញ ដូចនឹងមុនវិបត្តិកូវីដ១៩។

លោក ខន គង្គា អគ្គនាយកក្រុមហ៊ុន ERA Cambodia ក៏បានលើកឡើងផងដែរថា បច្ចុប្បន្ននេះទីផ្សារខុនដូនៅក្នុងប្រទេសកម្ពុជាក៏ឃើញថា ខុនដូតម្លៃសមរម្យក៏ទទួលបានការគាំទ្រ និងទិញច្រើនពីសំណាក់អតិថិជន ខណៈខុនដូតម្លៃខ្ពស់មិនសូវមានការទិញលក់ទេ។

លោកបន្តថា ដោយសារតែខុនដូតម្លៃមធ្យម ឬតម្លៃសមរម្យនេះមានតម្រូវការច្រើន ទើបអ្នកអភិវឌ្ឍន៍បានងាកមកអភិវឌ្ឍខុនដូតម្លៃសមរម្យ សម្រាប់ផ្គត់ផ្គង់លើទីផ្សារវិញ ហើយខុនដូតម្លៃខ្ពស់ក៏រង់ចាំមើលពីការវិលត្រលប់ នៃវិនិយោគិន និងជនបរទេស៕

ដោយ៖ សុផារី

តាកែវ៖ គម្រោងបុរីធំមួយនៅតំបន់ភ្នំតាម៉ៅ គឺបុរី HK Residence បានបញ្ចប់ការសាងសង់ផ្ទះគំរូរួចរាល់១០០ភាគរយហើយ ខណៈទទួលបានការគាំទ្រពីសំណាក់អតិថិជនយ៉ាងច្រើនសម្រាប់គ្រប់ប្រភេទផ្ទះ ទាំងវីឡាទោល និងវីឡាភ្លោះ។

លោក ចាប ពៅ អគ្គនាយកបុរី HK Residence បានមានប្រសាសន៍នៅរសៀលថ្ងៃទី១៥ ខែវិច្ឆិកានេះថា គិតត្រឹមថ្ងៃទី១៥ ខែវិច្ឆិកានេះ ផ្ទះគំរូរបស់បុរី HK Residence បានបញ្ចប់ការសាងសង់រួចរាល់១០០ភាគរយហើយ ទាំងប្រភេទផ្ទះវីឡាទោល និងវីឡាភ្លោះ ដោយគិតគូរពីសុខុមាលភាពនៃការរស់នៅតាមបែបទាន់សម័យ អមជាមួយធម្មជាតិ និងខ្យល់បរិសុទ្ធ សម្រាប់លើកកម្រិតគុណភាពនៃការរស់នៅ។

លោក ចាប ពៅបានមានប្រសាសន៍ថា “ផ្ទះគំរូគ្រប់ប្រភេទត្រូវបានសាងសង់រួចរាល់ហើយ។ ក្នុងនោះការសាងសង់វីឡាទោលសម្រេចការសាងសង់ជាង៦០ភាគរយហើយ និងវីឡាភ្លោះត្រូវបានបញ្ជប់ការសាងសង់រួចរាល់១០០ភាគរយ ត្រៀមរង់ចាំអតិថិជនចូលទៅរស់នៅតែម្តង”។

បុរី HK Residence មានទីតាំងស្ថិតនៅភូមិកណ្ដឹងតូច ឃុំកណ្ដឹងតូច ស្រុកបាទី ខេត្តតាកែវ ស្ថិតនៅព្រំប្រទល់រវាងខេត្តកណ្តាលនិងរាជធានីភ្នំពេញ និងជាគម្រោងដ៏ធំមួយមានទំហំរហូតដល់៥ហិចតា។

គម្រោងបុរីមានផ្ទះចំនួន២ប្រភេទសម្រាប់ជាជម្រើសដល់អតិថិជន រួមមាន វីឡាទោល និងវីឡាភ្លោះ អមជាមួយសួនច្បារដ៏ស្រស់ស្អាត នៅក្នុងផ្ទះនីមួយៗដាច់ដោយឡែកពីគ្នា មានទីធំទូលាយ ព្រមទាំងសួនច្បាររួម ទីលានកំសាន្តសម្រាប់កុមារ កន្លែងហាត់ប្រាណ ជាពិសេស ផ្លូវនៅក្នុងបុរីមានទំហំចន្លោះពី២០ ទៅ៣០ម៉ែត្រ។ ផ្ទះវីឡា ដែលមានទំហំផ្ទះ១៣,៥ម៉ែត្រគុណ៧,២ មានតម្លៃត្រឹមតែ៤៨.០០០ដុល្លារអាមេរិកតែប៉ុណ្ណោះ។

លោកថា​ “ផ្ទះយើងតម្លៃប៉ុណ្ណឹងមែន តែផ្លូវនៅក្នុងបុរីមានទំហំធំខ្លាំង២០និង៣០ម៉ែត្រ ហើយមានសួនច្បារថែមទៀត មិនដែលមានបុរីណាហ៊ានខាតដីច្រើនដល់ថ្នាក់នេះនោះទេ“។

សំខាន់ជាងនេះទៅទៀត ទីតាំងរបស់បុរីស្ថិតនៅក្នុងតំបន់សក្តានុពលខ្ពស់បំផុត នៅជិតរាជធានីភ្នំពេញ ដោយធ្វើដំណើរតាមរយៈផ្លូវជាតិលេខ២ នៅជិតផ្លូវក្រវាត់ក្រុងទី៤ និងទីតាំងរមណីយដ្ឋានភ្នំតាម៉ៅផងដែរ។​ អ្វីដែលសំខាន់ជាងនេះ ការអភិវឌ្ឍលើបណ្ដាញហេដ្ឋារចនាសម្ព័ន្ធផ្លូវ ទឹក ភ្លើង លូ គឺមានគ្រប់គ្រាន់ ដោយមិនមានភាពខ្វះខាតឡើយ ដែលនេះនឹងបង្កលក្ខណៈកាន់តែងាយស្រួលដល់ការរស់នៅរបស់អតិថិជន។

លោក ចាប ពៅ បានមានប្រសាសន៍ថា “ជាមួយការផ្តល់ជូនពិសេសគ្រប់ចំណុចបែបនេះ អ្នកវិនិយោគនឹងទទួលបានផលចំណេញ១គុណនឹង២ ក្នុងរយៈពេល៥ឆ្នាំខាងមុខ ហើយបើធៀបនឹងផ្ទះនៅរាជធានីភ្នំពេញ មានទំហំដូចគ្នានេះ គឺមិនអាចរកតម្លៃបែបនេះបាននោះទេ”។

សម្រាប់អតិថិជនដែលមានចំណាប់អារម្មណ៍ទិញ អញ្ចើញមកមើលទីតាំងថ្ងៃនេះ នឹងអាចរើសទីតាំងល្អបានមុនគេ។ សម្រាប់ការបង់ប្រាក់ អតិថិជនអាចទទួលបានការសម្រួលឯកសារ រត់ការធ្វើប្លង់ជូន សម្រាប់ការខ្ចីពីធនាគារក្នុងអត្រាការប្រាក់ទាបបំផុត ពីធនាគារដៃគូរជាច្រើនរបស់បុរី៕

ដោយៈ គង់ សូរិយា

       ពោធិសាត់ៈ កំនើនតម្លៃដីធ្លី និងការកើនឡើងតម្លៃដីបានធ្វើឲ្យបាតុភាពទំនាស់ដីធ្លីកើនឡើង នៅក្នុងមូលដ្ឋានជាច្រើនក្នុងស្រុកវាលវែង ខណៈពេលប្រជាពលរដ្ឋស្នើសុំអន្តរាគមន៍ពីអភិបាលខេត្ត និងសម្តចតេជោហ៊ុន សែននាយករដ្ឋមន្រ្តីនៃកម្ពុជា។

ប្រជាពលរដ្ឋប្រមាណ៨០គ្រួសារ រស់នៅភូមិក្រាំងរងៀង ភូមិចំការជ្រៃខាងជើង និងភូមិកណ្តាល ឃុំអន្លង់រាប ស្រុកវាលវែង ខេត្តពោធិសាត់ បានមានប្រសាសន៍ឲ្យដឹង តាមបណ្តាញតេឡេក្រាមនៅព្រឹកថ្ងៃទី១៥ វិច្ឆិកានេះថា មន្រ្តីយោធា មន្រ្តីនគរបា​លមូលដ្ឋាន និងបុគ្គលមួយចំនួនទៀត ដែលបានកំពុងធ្វើការងារឲ្យក្រុមហ៊ុនមួយ បានគំរាមកំហែងប្រជាពលរដ្ឋ និងបានបំពានយកដីរបស់ពួកគាត់ ដែលបានកាន់កាប់ជាង១០ឆ្នាំមកហើយ ដោយពួកមន្រ្តីទាំងនោះ បានយកឈ្មោះថ្នាក់ដឹកនាំជាច្រើន ដើម្បីធ្វើជាខ្នងបង្អែកនិងគំរាមប្រជាពលរដ្ឋ។

តំណាងប្រជាពលរដ្ឋដែលរស់នៅមូលដ្ឋានខាងលើ បាននិយាយដោ​យមិនហ៊ានបញ្ចេញឈ្មោះថា “ពួកគេបានយកថ្នាំបាញ់ និងបោះបង្គោលទៅលើដីរបស់ពួកគាត់ទាំងកំរោល ដោយគំរាមថាបើសិនជាមិនលក់ឬបង្កបញ្ហាអ្វី ក៏ដីរបស់ពួកគាត់នឹងត្រូវរឹបអូសយក ដោយគ្មានសំណងនោះឡើ​យ”។

មន្រ្តីយោធា និងនគរបាលដែលបាន និងកំពុងគំរាមប្រជាពលរដ្ឋ ត្រូវបានតំណាងប្រជាពលរដ្ឋបង្ហាញអន្តសញ្ញាណ ដូចជា លោកហោ គឹមភាព (ហៅណាក់)ជាមន្រ្តីនគរបាលឃុំអន្លង់រាប លោកស៊ិន ឡននិងភរិយាឈ្មោះហៀង សុធីតា និងឈ្មួញដីម្នាក់ទៀតមានឈ្មោះឆេង។

ការទាក់ទងសុំការបំភ្លឺពីមន្រ្តីទាំងនោះ មិនបានជោគជ័យនៅឡើយទេ ប៉ុន្តែយើងនឹងរង់ចាំការឆ្លើយតប ឬបកស្រាយបំភ្លឺទាក់ទងនឹងការចោទប្រកា

ន់នេះ។

តំណាងប្រជាពលរដ្ឋដដែលបានឲ្យដឹងទៀតថា មេភូមិក្រាំងងៀង ដែ​លបានរងគ្រោះដោយសារការរំលោភដី ក៏បានរងគំរាមកំហែងពីថ្នាក់ដឹកនាំស្រុកមួយចំនួនផងដែរ ហើយគេហទំព័រPropertyarea.aia បានទំនាក់ទំនងទូរស័​ព្ទទៅមេភូមិ និងសាកសួរព៌តមានតាមបណ្តាញតេឡេក្រាម ប៉ុន្តែមេភូមិរូបនោះមិនហ៊ានឆ្លងឆ្លើយ និងលើកទូរស័ព្ទឡើយ ដោយតំណាងប្រជាពលរដ្ឋអះអាងថា គាត់មិនហ៊ានលើកទូរស័ព្ទដោយសារ គាត់ត្រូវរងការគំរាមកំហែង។

លោកសោម សារី និងសមាជិកគ្រួសាររបស់គាត់ទាំងអស់ បានរងគ្រោះពីការរំលោភបំពាន ដីពីសំណាក់ក្រុមមន្រ្តីខាងលើ មិនលើកទូរស័ព្ទនោះទេ ទោះបីជាមានការខលចូលជាច្រើនដងក្តី។

ជាមួយគ្នានេះ ប្រជាពលរដ្ឋស្នើឲ្យអាជ្ញាធរ ជួយការពារទីលានចាក់សំរាម ដែលមានទំហំប្រមាណ២០ហិកតានៅក្នុងតំបន់នេះផងដែរ។

តំណាងប្រជាពលរដ្ឋបានអះអាងថា ប្រជាពលរដ្ឋនឹងនាំយកពាក្យបណ្តឹងទាក់ទងនឹងទំនាស់នេះ មកកាន់ក្រសួងមហាផ្ទៃនៅសប្តាហ៍ក្រោយនេះ ប្រសិនបើអាជ្ញាធរមូល​ដ្ឋាន និងមន្រ្តីពាក់ព័ន្ឋ មិនគិតគូដោះស្រាយបាតុភាពទំនាស់នេះ​។

លោកទូច ឈុំមេឃុំអន្លង់រាប ស្រុកវាលវែង ខេត្តពោធិសាត់បានមានប្រសាសន៍ឲ្យដឹងតាមទូរស័ព្ទ នាព្រឹកថ្ងៃដដែលនេះថា ដីនៅក្នុងមូលដ្ឋា​ននេះ ប្រជាពលរដ្ឋភាគច្រើន បានកាន់កាប់តាំងពីក្រោយសមាហរណកម្មមកម្លេះ ប៉ុន្តែមានប្រជាពលរដ្ឋមួយប្រមាណ៦០ភាគរយប៉ុណ្ណោះ មានប្លង់កាន់កាប់ជាប្រភេទប្លង់ទន់។ លោកបន្តថា ជាមួយនឹងបាតុភាពនេះ អាជ្ញាធរឃុំ បានជួយសម្របសម្រួលការងារមួយចំនួនហើយ ប៉ុន្តែមួយចំនួនទៀតមិនទាន់បានដោះស្រាយនៅឡើយ។

លោកបន្តថា “ក្រោយពេលក្រុមហ៊ុនមួយនោះបានមកដល់ បានឈូសឆាយប៉ះពារដីមួយចំនួនរបស់ប្រជាពលរដ្ឋ ដែលធ្វើឲ្យប្រជាពលរដ្ឋមួយចំនួនតវ៉ា មួយចំនួនទៀតបានភ័យព្រួយ ទោះបីក្រុមហ៊ុនមិនទាន់បានឈូសឆាយទៅដល់នៅឡើយក្តី”។លោកបន្តថា “ក្នុងនាមអាជ្ញាធរមូលដ្ឋាន ខិតខំសម្របសម្រួ​លណាស់លើការងារនេះ ប៉ុន្តែយើងត្រូវធ្វើជាជំហ៊ានៗ”។​​

​​អភិបាលនៃគណៈអភិបាលខេត្តពោធិសាត់ លោកជាវ តាយមិនអាចទាក់ទងសុំការអត្ថាធិប្បាយបានទេ៕