ដោយ៖ សុផារី

ភ្នំពេញ៖ តំបន់ជាយក្រុងភ្នំពេញ ជាទីតាំងសក្តានុពល ដែលតម្លៃអចលនទ្រព្យហក់ឡើងខ្ពស់ស្ទើរគ្រប់ទីកន្លែង។​ ក្នុងនោះ តំបន់ក្រវាត់ក្រុងទី៣ជាទីតាំង ដែលកំពុងមានសក្ដានុពលទាំងបច្ចុប្បន្ន និងអនាគត ព្រោះថានៅទីនោះមានទីប្រជុំជនធំ និងគម្រោងអភិវឌ្ឍន៍គម្រោងលំនៅឋានធំៗជាច្រើនកំពុងកើតឡើង។

កញ្ញា កាំង ពេជ្រតារាវត្តី នាយកផ្នែកទីផ្សារនៃបុរី GB Residence បានមានប្រសាសន៍នៅក្នុងកិច្ចសម្ភាសពិសេសជាមួយគេហទំព័រ Property Area Asia ថា គម្រោងលំនៅឋានបុរីធំៗជាច្រើនបានបោះទុនចូលទៅវិនិយោគនៅតាមបណ្តោយផ្លូវក្រវាត់ក្រុងទី៣ ដែលជាតំបន់សក្តានុពលថ្មីមួយ នៅជាយរាជធានីភ្នំពេញ។

កញ្ញាបន្តថា តំបន់ក្រវាត់ក្រុងទី៣ ជាទីតាំងដែលមានគ្រប់ប្រព័ន្ធហេដ្ឋារចនាសម្ព័ន្ធទាំងអស់ និងផ្តល់នូវការរស់នៅងាយស្រួល ដូចនៅក្នុងតំបន់រណប ដោយសារតែមានទាំងសាលារៀន ផ្សារទំនើប និងអាចប្រកបរបរអាជីវកម្មបានទៀតផង។ នៅពេលអនាគត ក្រោយគម្រោងព្រលានយន្តហោះរួចរាល់ហើយ នោះនឹងមានចរន្តមនុស្សទៅរស់នៅច្រើនឡើង។

បើយោងតាមកញ្ញាវត្តី បានឱ្យដឹងថា អ្នកវិនិយោគិនសម្លឹងមើលឃើញតំបន់ក្រវាត់ក្រុងទី៣នេះជាទីក្រុងថ្មីមួយ និងជាគោលដៅអភិវឌ្ឍន៍របស់រាជរដ្ឋាភិបាលកម្ពុជា ដែលនឹងទាក់ទាញលំហូរប្រជាជនទៅរស់នៅក្នុងតំបន់នោះបានច្រើន។

កញ្ញាមានប្រសាសន៍ថា “បច្ចុប្បន្ននេះមានគម្រោងធំៗច្រើន បានដាក់គោលដៅទៅសាងសង់នៅទៅនោះ។ ប្រសិនបើទីនោះជាទីតាំងមិនមានការអភិវឌ្ឍ មិនមានហេដ្ឋារចនាសម្ព័ន្ធ ដូចជា មន្ទីរពេទ្យ សាលារៀន ផ្សារទំនើបធំៗ ដូចជាជីប ម៉ុង ប៉េង ហួត ជាដើម នោះអ្នកវិនិយោគមានទុនធំៗក៏មិនទៅអភិវឌ្ឍនៅទីនោះដែរ”។

កញ្ញាបញ្ជាក់បន្តថា “ទស្សនៈវិស័យរបស់អ្នកវិនិយោគសម្លឹងមើលថាតំបន់ផ្លូវជាតិលេខ២ ស្ថិតនៅលើផ្លូវក្រវាត់ក្រុងទី៣នេះ ជាឬទីតាំងល្អបំផុតសម្រាប់ការរស់នៅ បន្ទាប់ពីផ្លូវជាតិលេខ៦អា”។

អ្នកនាងបន្តថា តំបន់ក្រវាត់ក្រុងទី៣ជាតំបន់ ដែលមានសក្តានុពលខ្ពស់ ដោយគម្រោងធំៗជាច្រើន ដូចជា គម្រោងសាងសង់ព្រលានយន្តហោះអន្តរជាតិតេជោ នៅស្រុកកណ្តាលស្ទឹង ព្រមទាំងផ្លូវជាតិសំខាន់ៗ រួមមាន ផ្លូវជាតិលេខ៦ លេខ៥ លេខ៤ លេខ៣ លេខ២ លេខ១ និងផ្លូវជាតិលេខ២១ និងកំពង់ផែស្វ័យតភ្នំពេញផងដែរ។

ជាមួយគ្នានេះ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម បានណែនាំថា សម្រាប់អ្នកមានសាច់ប្រាក់ក្នុងដៃសមល្មម អាចពិចារណាវិនិយោគទិញដីជាយក្រុងភ្នំពេញ តាមតំបន់នានាស្របតាមផ្លូវក្រវាត់ក្រុងទី៣ និងទី៤។ ការវិនិយោគនៅទីនោះ ត្រឹមតែមួយរយៈ នឹងទទួលបានប្រាក់ចំណេញ។

យោងតាមរបាយការណ៍វឌ្ឍនភាពការងាររបស់អង្គភាពអនុវត្តគម្រោង (PIU) ផ្លូវក្រវាត់ក្រុងខ្សែទី៣ បានឱ្យដឹងថា គិតត្រឹមថ្ងៃទីចុងខែកក្កដា ឆ្នាំ២០២២ គម្រោងសាងសង់ផ្លូវក្រវាត់ក្រុងខ្សែទី៣ មានប្រវែងជិត៥៣គីឡូម៉ែត្រ សម្រេចបានជាង៧៧ភាគរយហើយ។

ផ្លូវក្រវាត់ក្រុងមួយខ្សែនេះ ចាប់ផ្តើមពីផ្លូវជាតិលេខ៤ ត្រង់ចំណុចគីឡូម៉ែត្រលេខ ១៤+១០៥ ស្ថិតក្នុងខណ្ឌពោធិ៍សែនជ័យ រាជធានីភ្នំពេញ ភ្ជាប់ទៅកាន់ផ្លូវទំនប់កប់ស្រូវ ផ្លូវជាតិលេខ៥ ស្ពានឈ្នះឈ្នះ មហាវិថីឈ្នះឈ្នះ និងផ្លូវជាតិលេខ៦ ហើយនឹងប្រែក្លាយទៅជាផ្លូវក្រវាត់ក្រុងដ៏ធំ និងទំនើបថ្មីមួយសម្រាប់បម្រើឱ្យវិស័យដឹកជញ្ជូនរវាងរាជធានីភ្នំពេញ តភ្ជាប់ទៅកាន់ផ្លូវជាតិលេខ៦ លេខ៥ លេខ៤ លេខ៣ លេខ២ និងផ្លូវជាតិលេខ២១ ដោយឆ្លងកាត់ទន្លេបាសាក់ និងកោះអន្លង់ចិន មកបញ្ចប់ត្រឹមផ្លូវជាតិលេខ១ ត្រង់ចំណុចគីឡូម៉ែត្រលេខ ២៤+៨៤០ ស្ថិតក្នុងស្រុកកៀនស្វាយ ខេត្តកណ្តាល។

ជាពិសេស ខ្សែផ្លូវនេះក៏បានភ្ជាប់ទៅចំណតផែកុងតឺន័រថ្មី របស់កំពង់ផែស្វ័យតភ្នំពេញ នៅក្នុងស្រុកកៀនស្វាយ ក៏ដូចជាបំពេញឱ្យការតភ្ជាប់ផ្លូវអាស៊ានហាយវ៉េយ (AH1 និងAH11) និងផ្លូវរបៀងសំខាន់ៗ របស់មហាអនុតំបន់មេគង្គផងដែរ៕

ដោយៈ សុផារី

ភ្នំពេញៈ បណ្តាខេត្តមួយចំនួនបានក្លាយជាទិសដៅវិនិយោគផ្នែកអចលនទ្រព្យច្រើន ក្រោយមានការអភិវឌ្ឍលើប្រព័ន្ធហេដ្ឋារចនាសម្ព័ន្ធ និងគម្រោងវិនិយោគលើវិស័យនានា។​ យ៉ាងណាក្តី អ្នកជំនាញលើកឡើងថា ខេត្តមួយចំនួននៅបន្តមានការអភិវឌ្ឍន៍អចលនទ្រព្យខ្សោយ ដោយសារតែខ្វះខាតកត្តាសំខាន់ៗចំនួន៣។

លោកឧកញ៉ា នួន រឹទ្ធី អគ្គនាយកក្រុមហ៊ុនអចលនទ្រព្យ KFA បានមានប្រសាសន៍ប្រាប់ Property Area Asia ថា ការអភិវឌ្ឍអចលនទ្រព្យនៅក្នុងខេត្តណាមួយទាមទារឱ្យមានការរៀបចំផែនការ និងយកចិត្តទុកដាក់លើចំណុចសំខាន់ៗចំនួនបី ព្រមទាំងការអនុវត្តដ៏ច្បាស់លាស់មួយ។

លោកឧកញ៉ាបានលើកឡើងថា “យើងត្រូវបង្កើតយុទ្ធសាស្ត្ររបស់ខេត្តនីមួយៗ យើងត្រូវដឹងថាតើអ្វីជាសក្តានុពលធំបំផុតរបស់ខេត្ត ឬតំបន់ ដើម្បីទាក់ទាញប្រជាជនទៅរស់នៅទីនោះបាន មានមុខរបររកស៊ីបាន”។

បើយោងតាមលោកឧកញ៉ា កត្តាសំខាន់ចំនួន៣ ដែលនឹងអាចទាក់ទាញការអភិវឌ្ឍវិស័យអចលនទ្រព្យ នៅក្នុងខេត្តណាមួយ រួមមាន កត្តាទី១ ត្រូវមើលលើប្រព័ន្ធហេដ្ឋារចនាសម្ព័ន្ធ កត្តាទី២ ប្រព័ន្ធថាមពលប្រើប្រាស់ និង កត្តាទី៣ ប្រព័ន្ធធារាសាស្ត្រ ដែលអាចធ្វើកសិកម្មបាន។

លោកលើកឡើងថា “យើងត្រូវបង្កើតផែនការផលិតផលិតផល ឬសេវាកម្មណាមួយ ទើបយើងអាចមានផែនការស្រូបទាញមនុស្សទៅបាន ទើបអាចមានការអភិវឌ្ឍ”។

លោកឧកញ៉ាលើកជាឧទាហរណ៍ ខេត្តបន្ទាយមានជ័យ ដែលមានរយៈចម្ងាយឆ្ងាយពីរាជធានីភ្នំពេញ និងមិនសូវមានការអភិវឌ្ឍខ្លាំង មានអាកាសធាតុក្ដៅ មានដីធ្លីទំនេរវាលច្រើន រាជរដ្ឋាភិបាល និងក្រុមហ៊ុននានាអាចបង្កើតគម្រោងឧស្សាហកម្មថាមពលព្រះអាទិត្យធំមួយ ដែលអាចក្លាយជាទីតាំងផ្គត់ផ្គង់ថាមពលប្រចាំតំបន់ភាគពាយព្យនៃប្រទេសកម្ពុជាបាន។

លោកបានបន្តថា “នៅពេលមានសក្តានុពលខ្លាំងលើវិស័យថាមពល នោះរោងចក្រឧស្សាហកម្មនានានឹងហូរចូលមកជាបន្តបន្ទាប់ មានមនុស្សមករស់នៅច្រើន ហើយនឹងមានការអភិវឌ្ឍបន្តបន្ទាប់”៕

HONG KONG: Hong Kong’s government said on Tuesday it had no plans to relax its stamp duty on property, responding to media reports that it could consider waiving the extra stamp duty that mainland Chinese have to pay to buy property in the city.

“(The government) clearly states that there are no relevant plans,” a spokesman for the Financial Secretary’s Office said in a statement.

Shares of Hong Kong property developers fell back from highs after government’s clarification. New World Development Co was still up 3.3 per cent, but had risen by as much at 6.1 per cent in the morning.

Sun Hung Kai Properties was up 2.6 per cent, while CK Asset Holdings and Henderson Land Development both gained over 1 per cent.

Regina Ip, convenor of the government’s advisory Executive Council told Bloomberg TV on Tuesday morning Hong Kong may consider waiving extra stamp duty on homes for mainland Chinese buyers as a way to shore up the economy and reverse a brain drain.

She later clarified to Commercial Radio Hong Kong it was a suggestion from her New People’s Party, which would be raised to the government during the consultation period for the Policy Address.

Whereas permanent residents pay stamp duty of up to 4.25 per cent on buying their first home, foreign buyers, including those from mainland China, have to pay a total of 30 per cent.

Hong Kong earlier this year was ranked by survey company Demographia as the world’s most unaffordable housing market for the 12th consecutive year.

Hong Kong private home prices fell at a faster pace in June and dropped to the lowest since December 2020, as homebuyers stayed on the sidelines due to an uncertain outlook and rising interest rates.

Source: Reuters

Beijing: China’s top auditor is conducting a review of the $3 trillion trust industry, Bloomberg News reported on Tuesday, citing people familiar with the matter.

China’s trust industry has been a key part of the country’s shadow banking business, which helps channel deposits into risky investments via products often designed to dodge capital or investment regulations.

For the past month, China’s National Audit Office has been inspecting the books of at least 20 trust firms to gauge the risks they pose to financial stability, the report said, citing people familiar with the matter.

The firms are being asked to report on their risky loans to developers and any plans to dispose of them, the report added.

Source: Reuters

សុខុម

ប៉េកាំង: ប្រភពច្បាស់ការបានទម្លាយឱ្យដឹងថា ការិយាល័យសវនកម្មជាតិនៃប្រទេសចិន កំពុងធ្វើសវនកម្មពិនិត្យផ្ទាត់ឡើងវិញលើឧស្សាហកម្មបរធនបាល (Trust Industry) របស់ខ្លួនដែលមានទំហំរហូតដល់ទៅ៣ទ្រីលានដុល្លារ។

យោងតាមទីភ្នាក់ងារព័ត៌មានដ៏ល្បីល្បាញ Bloomberg ដែលបានចុះផ្សាយកាលពីថ្ងៃអង្គារ ទី៩ ខែសីហា ឱ្យដឹងថា ឧស្សាហកម្មបរធនបាលបានក្លាយជាផ្នែកដ៏សំខាន់មួយនៃអាជីវកម្មធនាគារស្រមោល (Shadow Banking Business) របស់ប្រទេសចិន ដែលជួយបញ្ជូនប្រាក់បញ្ញើចូលទៅក្នុងការវិនិយោគដែលមានហានិភ័យតាមរយៈផលិតផលដើម្បីគេចពីនិយ័តកម្មមូលធន ឬការវិនិយោគ។

ទីភ្នាក់ងារព័ត៌មាននេះបានឱ្យដឹងទៀតថា សម្រាប់រយៈពេលមួយខែមកនេះ ការិយាល័យសវនកម្មជាតិរបស់ប្រទេសចិន បាននិងកំពុងពិនិត្យផ្ទៀងផ្ទាត់បញ្ជីរបស់ក្រុមហ៊ុនបរធនបាល (Trust Company) យ៉ាងតិចចំនួន២០ដើម្បីវាយតម្លៃហានិភ័យដែលក្រុមហ៊ុនទាំងនេះអាចបង្កដល់ស្ថិរភាពហិរញ្ញវត្ថុ។

ក្រុមហ៊ុនបរធនបាលទាំងនោះកំពុងត្រូវបានស្នើឱ្យរាយការណ៍អំពីប្រាក់កម្ចីមានហានិភ័យ ដែលពួកគេបានផ្ដល់ដល់បណ្ដាក្រុមហ៊ុនអភិវឌ្ឍន៍។

*តើអ្វីទៅជាក្រុមហ៊ុនបរធនបាល ឬ Trust Company?

ដោយឡែក ច្បាប់ស្តីពីបរធនបាលកិច្ចឆ្នាំ២០១៩ របស់កម្ពុជា ចែងថា ជនបរទេសអាចទិញដីនៅកម្ពុជា បានតាមរយៈក្រុមហ៊ុនបរធនបាលដែលបានចុះបញ្ជីបរធនបាលកិច្ចនៅក្រសួងសេដ្ឋកិច្ច និងហិរញ្ញវត្ថុត្រឹមត្រូវ។ ការទិញនេះក៏ត្រូវធ្វើលិខិតបរធនកិច្ច ឬកិច្ចព្រមព្រៀងឈរឈ្មោះអនុលោមទៅតាមលក្ខខណ្ឌនៃច្បាប់ផងដែរ។

ក្រុមហ៊ុនប្រភេទនេះជាក្រុមហ៊ុនកាន់កាប់ ឬគ្រប់គ្រងទ្រព្យសម្បត្តិ ដែលអ្នកបង្កើតធនបាលកិច្ច (ហៅថាអនុប្បទានយី អាណត្តិទាយក ឬបរធនបាលទាយក) ផ្ទេរទ្រព្យសម្បត្តិនោះទៅកាន់បរធនបាលដែលជាអ្នកគ្រប់គ្រងទ្រព្យសម្បត្តិដើម្បីប្រយោជន៍អ្នកដទៃ (ហៅថា អត្ថាគាហក)។

ជារួម គឺទិញតាមរយៈក្រុមហ៊ុនដែលមានកេរ្តិ៍ឈ្មោះ នឹងមានទំនួលខុសត្រូវខ្ពស់ ដោយក្រុមហ៊ុននៅដើរតួជាអ្នកគ្រប់គ្រងទ្រព្យសម្បត្តិឱ្យជនបរទេស ដោយគ្មានសិទ្ធិយកទៅលក់បន្តឡើយ ទោះជាដីនោះជាឈ្មោះកម្មសិទ្ធិរបស់ក្រុមហ៊ុនក៏ដោយ។

ការទិញដោយវិធីនេះ ជនបរទេសនឹងទទួលបានទំនុកចិត្តខ្ពស់ ហើយមិនបាច់ខាតបង់ចំណាយលុយបើកក្រុមហ៊ុនដោយខ្លួនឯង៕

ដោយៈ សុផារី

ត្បូងឃ្មុំៈ ក្រោយបង្កើតរដ្ឋាភិបាលខេត្តកូនពៅ ដីធ្លីនៅជុំវិញខេត្តត្បូងឃ្មុំមានតម្រូវការខ្ពស់ខ្លាំង ដោយបានជំរុញឱ្យតម្លៃដីធ្លីនៅជុំវិញខេត្តថ្មីមួយនេះមានការហក់ឡើងខ្ពស់មិនធ្លាប់មាន។ អ្នកជំនាញក្នុងមូលដ្ឋានអះអាងថា ទោះបីជាខេត្តត្បូងឃ្មុំជាខេត្តថ្មីពិតមែន តែដីធ្លីនៅក្នុងរង្វង់រដ្ឋបាលសាលាខេត្តត្បូងឃ្មុំមានតម្រូវការខ្ពស់ខ្លាំងណាស់ ហើយសក្តិសមសម្រាប់ការវិនិយោគរយៈពេលវែង។

លោក វីរៈ បុត្រ ប្រធានផ្នែកលក់នៃគម្រោងដីឡូត៍មួយក្នុងខេត្តត្បូងឃ្មុំ បានប្រាប់គេហទំព័រ Property Area Asia នៅថ្ងៃទី០៩ ខែសីហាឱ្យដឹងថា នៅពេលបង្កើតខេត្តត្បូងឃ្មុំដំបូង ទាំងប្រជាជន និងវិនិយោគិន នៅក្នុងខេត្តផ្ទាល់និងមកពីបណ្តាខេត្តនានា បានសម្រុកចូលមករកទិញដីធ្លីទុកទាំងសម្រាប់ការអភិវឌ្ឍ សាងសង់ផ្ទះសម្បែង និងទុកវិនិយោគ។

លោកបានបន្តថា “ក្រៅពីប្រជាជនក្នុងមូលដ្ឋាន អតិថិជនមកពីភ្នំពេញ ក្រចេះ សៀមរាប កំពង់ធំ ជាដើម ក៏មករកទិញទុកផងដែរ”។

យោងតាមលោកបុត្រ តម្លៃដីធ្លីនៅតាមបណ្តោយផ្លូវសំខាន់ៗ បានកើនឡើងតម្លៃជាង៣ ទៅ៥ដង បើប្រៀបធៀបទៅនឹងមុនបង្កើតខេត្តថ្មី ដោយសារអ្នកវិនិយោគសម្លឹងថា នាពេលអនាគតនៃខេត្តត្បូងឃ្មុំនឹងទទួលបានចំណូលស្រុកនៃបណ្ដាប្រជាជនមកពីខេត្តនានាទូទាំងប្រទេស ខណៈប្រព័ន្ធហេដ្ឋារចនាសម្ព័ន្ធផ្លូវថ្នល់ ទឹក ភ្លើង នៅក្នុងទីរួមខេត្តមួយនេះត្រូវបានរៀបចំរួចរាល់ហើយ។

លោកឱ្យដឹងថា “ដីធ្លីនៅទីនេះ [ត្បូងឃ្មុំ] វិនិយោគរយៈពេលខ្លីមិនសូវឃើញផលឡើយ ដោយសារខេត្តយើងនៅក្មេងខ្ចី ប៉ុន្តែរយៈពេល៥ទៅ១០ឆ្នាំទៀត តម្លៃដីល្អៗ ដូចពេលនេះមិនមានទៀតទេ។ ប្រព័ន្ធហេដ្ឋារចនាសម្ព័ន្ធត្រូវបានរៀបចំស្អាតនិងរួចរាល់អស់ហើយ នៅតែរង់ចាំប្រជាជនមករស់នៅបន្ថែមទៀត”។

ជាមួយគ្នានេះ លោក កែវ សារ៉ាត អាជីវករលក់ដូរ ដែលមានទីតាំងនៅជិតសាលារដ្ឋបាលខេត្តត្បូងឃ្មុំ និងជាអ្នករកស៊ីលើវិស័យដីធ្លីមួយរូបផងដែរនោះ បានបញ្ជាក់ប្រាប់ Property Area Asia ដូចគ្នាថា លោកសម្លឹងឃើញចរន្តទិញលក់ដីធ្លីមានច្រើន ក្នុងមួយរយៈចុងក្រោយនេះ។

លោកថា ភាគច្រើននៃអតិថិជនដែលមកស្វែងរកដីធ្លីទីនេះជាប្រជាជននៅក្នុងខេត្ត ឬតំបន់ផ្សេងដែលរំពឹងថា នឹងទទួលបានផលចំណេញខ្ពស់នៅពេលខាងមុខ។

លោកបញ្ជាក់ថា “គេទិញទុកចំណេញថ្ងៃក្រោយ ហើយភាគច្រើនទិញប្រភេទដីទំហំក្បាលដីធំៗ។ មានអ្នកអភិវឌ្ឍន៍មកសួរនាំខ្លះដែរ”។

លោកសារ៉ាតបន្ថែមទៀតថា ត្រឹមរយៈពេលមិនដល់៥ឆ្នាំ ការវិនិយោគដែលលោកធ្លាប់បានបោះទុនទិញដីធ្លីនៅក្នុងខេត្តត្បូងឃ្មុំ បានផ្តល់ផលត្រលប់រង្វង់៤ដង។ លោកបន្តថា ដីធ្លីនៅក្នុងខេត្តមួយនេះ គួរស្វែងរកដីទាំងឡាយណា មានទីតាំងជាប់ផ្លូវធំ ហើយជិតសាលារដ្ឋបាលខេត្ត ប្រសិនបើចង់ស្វែងរកផលចំណេញខ្ពស់៕

សុខុម

ហុងកុង: រដ្ឋាភិបាលក្រុងហុងកុង បានចេញមុខបដិសេធនៅថ្ងៃអង្គារ ទី៩ ខែសីហា នេះថា ខ្លួនគ្មានគម្រោងលើកលែងពន្ធប្រថាប់ត្រាលើអចលនទ្រព្យសម្រាប់អ្នកទិញមកពីចិនដីគោក (ចិនប៉េកាំង) ដូចដែលសារព័ត៌មានបានចុះផ្សាយនោះឡើយ។

អ្នកនាំពាក្យការិយាល័យលេខាធិការដ្ឋានហិរញ្ញវត្ថុ (Financial Secretary’s Office) នៃក្រុងហុងកុង បានចេញសេចក្តីថ្លែងការណ៍ថា “រដ្ឋាភិបាលក្រុងហុងកុង បានបញ្ជាក់យ៉ាងច្បាស់ហើយថា ខ្លួនគ្មានផែនការធ្វើបែបនេះទេ”។

ភាគហ៊ុនរបស់បណ្ដាក្រុមហ៊ុនអភិវឌ្ឍន៍អចលនទ្រព្យនៅក្រុងហុងកុង បានហក់ឡើងខ្ពស់ភ្លាមៗបន្ទាប់ពីសារព័ត៌មានចុះផ្សាយនៅព្រឹកថ្ងៃនេះថា រដ្ឋាភិបាលហុងកុង បានពិចារណាលើកលែងពន្ធប្រថាប់ត្រាលើអចលនទ្រព្យសម្រាប់អ្នកទិញមកពីចិនដីគោក។

តួយ៉ាង ភាគហ៊ុនរបស់ក្រុមហ៊ុន New World Development Co បានហក់ឡើងថ្លៃរហូតដល់ទៅ៦,១%កាលពីព្រឹកនេះ។

ទន្ទឹមនេះភាគហ៊ុនរបស់ក្រុមហ៊ុន Sun Hung Kai Properties បានហក់ឡើងថ្លៃ២,៦% ចំណែកឯភាគហ៊ុនរបស់ក្រុមហ៊ុន CK Asset Holdings និងក្រុមហ៊ុន Henderson Land Development បានហក់ឡើងថ្លៃជាង១%។

ទោះជាយ៉ាងណា ភាគហ៊ុនរបស់ក្រុមហ៊ុនទាំងនោះក៏បានធ្លាក់ចុះវិញស្រឹបៗ ក្រោយរដ្ឋាភិបាលក្រុងហុងកុង ចេញមុខអះអាង និងច្រានចោលដំណឹងនេះ។

លោកស្រី Regina Ip ដែលជាអ្នករៀបចំកិច្ចប្រជុំនៃក្រុមប្រឹក្សាប្រតិបត្តិរបស់រដ្ឋាភិបាលក្រុងហុងកុង បានប្រាប់ទូរទស្សន៍ Bloomberg TV នៅព្រឹកថ្ងៃអង្គារ នេះថា ក្រុងហុងកុង អាចនឹងពិចារណាការលើកលែងពន្ធប្រថាប់ត្រាបន្ថែមលើអចលនទ្រព្យប្រភេទលំនៅដ្ឋានសម្រាប់អ្នកទិញមកពីចិនដីគោក ដើម្បីជំរុញសេដ្ឋកិច្ច។

ប៉ុន្តែក្រោយមក អ្នករៀបចំកិច្ចប្រជុំរូបនេះបានបញ្ជាក់ប្រាប់វិទ្យុពាណិជ្ជកម្មហុងកុង (Commercial Radio Hong Kong) ថា វាគ្រាន់តែជាសំណើពីគណបក្សប្រជាជនថ្មី (New People’s Party) របស់លោកស្រីទៅកាន់រដ្ឋាភិបាលប៉ុណ្ណោះ។

យោងតាមការចុះផ្សាយរបស់សារព័ត៌មាន CNA នៅថ្ងៃនេះឱ្យដឹងថា អ្នករស់នៅអចិន្ត្រៃយ៍នៅហុងកុង ត្រូវបង់ពន្ធប្រថាប់ត្រា៤,២៥%លើការទិញផ្ទះដំបូងរបស់ពួកគេ ប៉ុន្តែអ្នកទិញជាជនបរទេសរួមទាំងអ្នកដែលមកពីចិនដីគោក ផងត្រូវបង់សរុបរហូតដល់ទៅ៣០%ឯណោះ។

កាលពីដើមឆ្នាំនេះ ក្រុមហ៊ុនស្ទង់មតិ Demographia បានដាក់ចំណាត់ថ្នាក់ក្រុងហុងកុង ជាទីផ្សារលំនៅដ្ឋានថ្លៃបំផុតរបស់ពិភពលោករយៈពេល១២ឆ្នាំជាប់ៗគ្នា៕