The Eiffel Tower is riddled with rust and in need of full repairs, but instead it is being given a cosmetic 60 million euro paint job ahead of the 2024 Olympic Games in Paris, according to confidential reports cited by French magazine Marianne.
The wrought-iron 324-meter (1,063 ft) high tower, built by Gustave Eiffel in the late 19th century, is among the most visited tourist sites in the world, welcoming about six million visitors each year.

However, confidential reports by experts cited by Marianne suggest the monument is in a poor state and riddled with rust.
“It is simple, if Gustave Eiffel visited the place he would have a heart attack,” one unnamed manager at the tower told Marianne.

The company that oversees the tower, Societe d’Exploitation de la Tour Eiffel (SETE), could not be immediately reached for comment.

The tower is currently undergoing a repaint costing 60 million euros in preparation of the 2024 Olympics, the 20th time the Tower has been repainted.
Some 30% of the tower was supposed to have been stripped and then have two new coats applied but delays to the work caused by the COVID pandemic and the presence of lead in the old paint means only 5% will be treated, Marianne said.
SETE is reluctant to close the tower for a long time because of the tourist revenue that would be lost, it added.

សុខុម

ប៉ារីស: ប៉មទួអ៊ីហ្វែល ឬ Eiffel Tower នៅទីក្រុងប៉ារីស ប្រទេសបារាំង ដែលល្បីល្បាញពេញពិភពលោកមានសភាពទ្រុឌទ្រោមខ្លាំង និងមានសុទ្ធតែច្រែះស៊ីដែកដែលត្រូវការជួសជុលទ្រង់ទ្រាយធំជាបន្ទាន់។ នេះបើយោងតាមសារព័ត៌មាន CNN ចុះផ្សាយនៅថ្ងៃអង្គារ ទី៥ ខែកក្កដា នេះ។

ទោះជាយ៉ាងណា ផ្អែកតាមរបាយការណ៍សម្ងាត់ដែលទស្សនាវដ្ដីបារាំង Marianne ទទួលបានបង្ហាញថា ជំនួសឱ្យការជួសជុលល្អិតល្អន់ជាដុំកំភួន ប៉មទួអ៊ីហ្វែល ពេលនេះគ្រាន់តែត្រូវលាបថ្នាំប៉ុណ្ណោះសម្រាប់ត្រៀមខ្លួនទទួលស្វាគមន៍ព្រឹត្តិការណ៍កីឡាអូឡាំពិក ឆ្នាំ២០២៤ (2024 Olympic Games) នៅក្នុងទីក្រុងប៉ារីស។

ប៉មអង់តែនដែកកម្ពស់៣២៤ម៉ែត្រដែលត្រូវបានសាងសង់ឡើងដោយកំពូលវិស្វករ Gustave Eiffel នៅចុងសតវត្សទី១៩ នេះគឺស្ថិតក្នុងចំណោមតំបន់ទេសចរណ៍ដែលមានអ្នកទស្សនាច្រើនជាងគេបំផុតក្នុងពិភពលោក ដែលមានភ្ញៀវទេសចរទៅលេងប្រមាណ៦លាននាក់ជារៀងរាល់ឆ្នាំ។

ទោះជាយ៉ាងណា ការរាយការណ៍សម្ងាត់ដោយអ្នកជំនាញដែលដកស្រង់ដោយទស្សនាវដ្ដី Marianne បង្ហាញថា ប៉មនេះស្ថិតក្នុងសភាពចាស់ទ្រុឌទ្រោម និងមានសុទ្ធតែច្រែះស៊ីដែក។

អ្នកគ្រប់គ្រងប៉មទួអ៊ីហ្វែល ម្នាក់ដែលសុំមិនបញ្ចេញឈ្មោះបានទម្លាយប្រាប់ទស្សនាវដ្ដី Marianne ថា “ប្រសិនបើលោក Gustave Eiffel បានមកលេងកន្លែងនេះ គាត់ច្បាស់ជាគាំងបេះដូងមិនខាន”។

ទោះជាយ៉ាងណា ក្រុមហ៊ុន Societe d’Exploitation de la Tour Eiffel (SETE) ដែលជាអ្នកគ្រប់គ្រងប៉មនេះមិនអាចទាក់ទងសុំការឆ្លើយបំភ្លឺបានទេជុំវិញបញ្ហានេះ។

បច្ចុប្បន្នប៉មនេះកំពុងដំណើរការលាបថ្នាំឡើងវិញដោយចំណាយអស់៦២,៦លានដុល្លារអាមេរិក ដើម្បីត្រៀមខ្លួនទទួលស្វាគមន៍ព្រឹត្តិការណ៍កីឡាអូឡាំពិក ឆ្នាំ២០២៤ ហើយនេះគឺជាលើកទី២០ ហើយដែលប៉មនេះត្រូវបានលាបថ្នាំឡើងវិញ៕ CNN៕

ដោយៈវឌ្ឍនៈ

ភ្នំពេញៈ សកម្មភាពវិនិយោគនៅក្រុងបាវិត នៃខេត្តស្វាយរៀងត្រូវបានមើលឃើញថា ចាប់ផ្ដើមមានសកម្មភាពអភិវឌ្ឍន៍ឡើងវិញ ប៉ុន្តែភាគច្រើននៃវិនិយោគិននៅក្នុងតំបន់នោះ គឺជាអ្នកស្រុកដោយមិនទាន់មានវិនិយោគិ​នបរទស ចូលទៅកាន់តំបន់នោះដើម្បីវិនិយោគនៅឡើយ។

ជាទីក្រុងមួយ ក្នុងចំណោមបីដែលបានដាក់បញ្ចូល ក្នុងគោលនយោ​បាយអភិវឌ្ឍន៍វិស័យឧស្សាហកម្មឆ្នាំ២០១៥ ២០២៥ ទទួលបានការវិនិយោគតិចជាងគេ ធៀបនឹងក្រុងពីរទៀតគឺក្រុងព្រះសីហនុ និងក្រុងបាវិត ប៉ុន្តែវត្តមានផ្លូវល្បឿនលឿន ដែលនឹងសាងសង់ឡើងនៅពេលខាងមុខ នឹងជម្រុញល្បឿននៃការអភិវឌ្ឈទីក្រុងតូចច្រឡឹងនេះ ទៅកាន់លំដាប់ថ្មីមួយទៀត។

លោកថា ថេង ប្រធានក្រុមហ៊ុនអចលនទ្រព្យ Century 21 Zillion Holding ប្រចាំខេត្តស្វាយរៀងបានមានប្រសាសន៍ ឲ្យដឹងតាមទូរសព្ទកាលពីថ្ងៃទី៤ កក្កដាថា តាមការសង្កេតជាក់ស្ដែង នៅក្រុងបាវិតនាពេលនេះ ចាប់ផ្ដើមមានកម្មភាពវិនិយោគឡើងវិញបណ្តើរៗ ក្រោយពីស្ងប់ស្ងាត់អស់ពេលជាយូរ ពោលគឺក្រោយពេលការចាកចេញរបស់ចិន បន្ទាប់ពីរដ្ឋាភិបាលប្រកាសបិទហ្គេមអនឡាញ។

លោកបន្តថា “យ៉ាងណាក្ដីក្នុងចំណោមអ្នកវិនិយោគ នៅក្នុងបាវិតនាពេលបច្ចុប្បន្ននេះ ក៏មានតែវិនិយោគិនក្នុងស្រុកប៉ុណ្ណោះ ខណៈបរទេសលោកមិនទាន់ឃើញ មានចូលមកកាន់តំបន់នេះ ដើម្បីបណ្ដាក់ទុនវិនិយោគឡើងវិញនៅឡើយទេ ទើបធ្វើឱ្យការវិនិយោគនៅក្នុងតំបន់នេះ នៅមានសកម្មភាពយឺតយ៉ាវជាងពីមុនកូវីដ១៩ និងមុនពេលចិនចាកចេញ”។

លោកថា ថេងបន្ថែមថា ក្នុងរយៈពេល៦ខែក្នុងឆ្នាំ២០២២នេះ មានវិនិយោគិនក្នុងស្រុកជាច្រើន បានសិក្សាស្វែងយល់ពីតម្លៃ និងហាងឆេងដីធ្លីនៅក្រុងបាវិតច្រើន និងមានភ្ញៀវដែលចង់បណ្ដាក់ទុន នៅក្រុងបាវិតហ្នឹងច្រើន ប៉ុន្តែវាមិនទាន់ប្រាកដប្រជានៅឡើយទេ វាគ្រាន់តែជាការសួរនាំព័ត៌មាន។

លោកបន្តថា “គម្រោងនៅបាវិតបច្ចុប្បន្ននេះ មានជាការសាងសង់ផ្ទះល្វែង និងគម្រោងតូចៗនិងមានសន្ទុះតិចតួច មិនទាន់ខ្លាំងប៉ុន្មាននោះទេ តែយើងជឿថា នៅចុងឆ្នាំនេះ ឬដើមឆ្នាំក្រោយបាវិត នឹងទទួលបានការវិនិយោគច្រើនឡើងវិញ ”។

ជាមួយគ្នានេះ លោកឧកញ៉ាបណ្ឌិតគីម ហ៊ាង ប្រធានក្រុមហ៊ុនអចលនទ្រព្យKW Cambodia បានលើកឡើងផងដែរថា ទីក្រុងបីដែលមើលឃើញថា ទទួលរងផលប៉ះពាល់ពីវិបត្តិពីរកន្លងមកនោះ មានក្រុងបាវិត ក្រុងប៉ោយប៉ែត និងក្រុងព្រះសីហនុ តែវាមិនបានធ្វើឱ្យសកម្មភាពត្រូវផ្អាកទាំងស្រុងឡើយ គឺនៅតែមានដំណើរការ តែដើម្បីឱ្យស្ដារបានដូចដើមវិញគឺត្រូវការពេលវេលាបន្តិច ។

លោកបន្តថា “មកដល់ពេលនេះវិស័យដីធ្លី នៅក្នុងប្រទេសកម្ពុជាក៏ចាប់ផ្ដើមដល់ពេលវេលា ដែលមានកំណើន និងសន្ទុះឡើងវិញហើយដែរ ដោយយើងឃើញមានអ្នកវិនិយោគជាច្រើន ចាប់ផ្ដើមបញ្ចេញសកម្មភាពក្នុងការស្វែងរកដីធ្លីដើម្បីវិនិយោគនិងអភិវឌ្ឍន៍”៕

ដោយៈ គង់ សូរិយា

       កំពតៈ ថ្នាក់ដឹកនាំក្រុមហ៊ុនYoungsia Real Estateបានបោះទុនជាច្រើនម៉ឺនដុល្លារអាមេរិក ដើម្បីកសាងស្ថានីយ៍ប្រព័ន្ឋទឹកស្អាតដល់អតិថិជន ដែលបានទិញគំរោងបូកគោលែនទី២ និងទី៣។

លោកCooler Tanអគ្គនាយកក្រុមហ៊ុនYoungsia Real Estate ដែលបាន និងកំពុងវិនិយោគគំរោងដីលំហែរបូកគោលែន បានមានប្រសា​សន៍ឲ្យដឹងតាមបណ្តាញតេឡេក្រាមនាព្រឹកថ្ងៃទី៥ កក្កដានេះថា ការរៀបចំស្ថានីយ៍ និងទុយោទឹកស្អាតនេះ ចំណាយប្រមាណ៥០,០០០ដុល្លារសំរាប់គំរោងនិមួយៗ ដែលការរៀបចំនេះធ្វើឡើង ដើម្បីឲ្យអតិថិជនមានទឹកប្រើប្រាស់ ដែលជាទឹកស្អាតជួយដល់សុខភាពអ្នកប្រើប្រាស់។

លោកបន្តថា “ទឹកស្អាតនេះត្រូវយកទៅធ្វើតេស្តនៅក្រសួង ទើបយក​មកឲ្យអតិថិជនប្រើប្រាស់ ហេតុនេះទើបយើងបាន និងកំពុងបន្តគិតគូរៀបចំ ឲ្យមានស្តង់ដាត្រឹមត្រូវ”។ លោកបន្តថា “យើងកំពុងគិតគូរធ្វើយ៉ាងណាឲ្យអ្នកទិញដីនៅទីនេះ អាចមកប្រកបអាជីវកម្ម អាចមកលំហែរ និងរស់នៅបាន តាមរយៈហេដ្ឋារចនាសម្ព័ន្ឋចាំបាច់នានា ដែលក្រុមហ៊ុនផ្តល់ជូន”។

លោកCooler Tanបានបន្តថា ទស្សនទាននៃការអភិវឌ្ឍរបស់យើង គឺធ្វើយ៉ាងណាជួយដល់ការអភិវឌ្ឍសេដ្ឋកិច្ច សង្គម និងជាគំរោងអភិវឌ្ឍន៍ប្រកបដោយនិរន្តរភាព និងការទទួលខុសត្រូវសង្គម ពិសេសយើងរួមចំណែ​កអភិវឌ្ឍន៍ទេសចរណ៍ ដោយគំរោងបូកគោលែនបី នឹងររៀបចំឡើងជាសហគមន៍ទេសចរណ៍ថ្មីមួយ ដែលអ្នកទៅលេងកំសាន្តនៅខេត្តកំពត អាចចូលទស្សនា និងលេងកំសាន្តនៅក្នុងគំរោងនេះបាន ព្រោះគំរោងនេះមានដាំផ្កាសាគូរ៉ា៤០០ដើម រៀបចំផ្លូវថ្មើជើងប្រវែង៥០០ម៉ែត្រលើចង្កេះភ្នំ និងរៀបចំសួនទឹកកំសាន្ត ពិសេសហេដ្ឋារចនាសម្ព័ន្ឋនានា មានភាពងាយស្រួល ធំទូលាយ និងផ្តល់ូវផាសុខភាពពិតប្រាកដដល់អ្នករស់នៅ៕

ដោយៈ សុខុម

ហុងកុង: ប្រភពទម្លាយថា ក្រុមហ៊ុនអភិវឌ្ឍន៍អចលនទ្រព្យចិន China Evergrande Group កំពុងទាក់ទងម្ចាស់បំណុលរបស់ខ្លួន នៅឯនាយសមុទ្រ ឱ្យជួយគាំទ្រខ្លួនទប់ទល់ នឹងបណ្តឹងក្នុងតុលាការនៅក្រុងហុងកុង ដែលដាក់ប្ដឹងក្នុងគោលបំណងរំលាយក្រុមហ៊ុននេះចោល។

យោងតាមសារព័ត៌មាន CNA ចុះផ្សាយកាលពីថ្ងៃច័ន្ទ ទី៤ ខែកក្កដា ឱ្យដឹងថា ក្រុមហ៊ុន Evergrande ដែលខកខានទូទាត់បំណុលរបស់ខ្លួននៅឯនាយសមុទ្រ រហូតដល់ទៅជិត២៣ពាន់លានដុល្លារ និងកំពុងខ្នះខ្នែងរៀបចំឥណទានឡើងវិញ មានបំណងដាក់ញត្តិសុំការជួយគាំទ្រ ពីម្ចាស់បំណុលរបស់ខ្លួន ដើម្បីទុកធ្វើជាភ័ស្តុតាងបង្ហាញដល់តុលាការ នៅមុនសវនាការដំបូងនៅថ្ងៃទី៣១ ខែសីហា ខាងមុខនេះ។

កាលពីសប្តាហ៍មុន ក្រុមហ៊ុន Top Shine Global Ltd ជាវិនិយោគិនមួយ នៅក្នុងក្រុមហ៊ុនFangchebao ដែលជាបុត្រសម្ព័ន្ធរបស់ Evergrande បានអះអាងថា ខ្លួនបានដាក់ពាក្យបណ្ដឹងប្ដឹង ក្រុមហ៊ុនអភិវឌ្ឍន៍នេះ ដោយសារតែក្រុមហ៊ុននេះ មិនគោរពតាមកិច្ចសន្យាទិញយកវិញ នូវភាគហ៊ុនពីក្រុមហ៊ុនTop Shine ដែលមាននៅក្នុងក្រុមហ៊ុន Fangchebao។

ប្រសិនបើពាក្យបណ្ដឹងនេះ ទទួលបានលទ្ធផលជោគជ័យ វាអាចបង្កផលប៉ះពាល់ដល់ ផែនការរៀបចំឥណទានឡើងវិញ របស់ក្រុមហ៊ុន Evergrande ដែលធ្វើឱ្យចុះនូវតម្លៃទ្រព្យសកម្មនៅបរទេស ដែលមានសារៈសំខាន់ ចំពោះផលប្រយោជន៍របស់ម្ចាស់បំណុលនៅឯនាយសមុទ្រ។

ប្រភពដដែលនិយាយថា ក្រុមហ៊ុនអភិវឌ្ឍន៍នេះ មិនបានពិចារណាការដោះស្រាយក្រៅប្រព័ន្ធតុលាការ ជាមួយក្រុមហ៊ុន Top Shine នោះទេនៅពេលនេះ។

ជុំវិញបញ្ហានេះ ក្រុមហ៊ុន Evergrande ដែលជំពាក់បំណុលសរុបរហូតដល់៣៥០ពាន់លានដុល្លារអាមេរិក បានបដិសេធមិនធ្វើអត្ថាធិប្បាយទេ ហើយក្រុមហ៊ុនTop Shine ក៏មិនអាចទាក់ទង ដើម្បីសុំការឆ្លើយបំភ្លឺបានទេ៕ Reuters៕

ដោយៈ ជេស៊ីកា

ព្រះសីហនុៈ ទីក្រុងរាមដែលមានផ្ទៃដី៨៨០ហិកតា និងគ្រោងបោះទុន​វិនិយោគតម្លៃ១៦ពាន់លានដុល្លារ ដោយក្រុមហ៊ុនPrince Holding Group បាននិងកំពុងចាក់បំពេញខ្សាច់ និងត្រៀមបញ្ចប់ដំណាក់កាលទី១។

គំរោងដែលបាន និងកំពុងចាក់ខ្សាច់ដំណាក់កាលទី១នេះ មានទំហំផ្ទៃដីសរុប៥០ហិកតា ដែលទីក្រុងនេះត្រូវបានចាក់ខ្សាច់បំពេញ នៅលើផ្ទៃសមុទ្រ ក្នុងតំបន់រាម ដែលជាទីតាំងមួយ ស្ថិតនៅក្បែរព្រលានយន្តហោះអន្តរជាតិកងកេង ក្រុងព្រះសីហនុ។

ស្ថាបត្យករលំដាប់អន្តរជាតិមួយរូប បានមានប្រសាសន៍ឲ្យដឹងក្នុងលក្ខខ័ណ្ឌមិនបញ្ចេញឈ្មោះ ដោយសារជាកិច្ចការផ្ទៃក្នុងរបស់ក្រុមហ៊ុនបានឲ្យដឹងកាលពីសប្តាហ៍មុនថា ការចាក់ខ្សាច់បំពេញផ្ទៃដីទីក្រុងនេះ បាននិងកំពុងបន្តធ្វើយ៉ាងសកម្ម ដោយជំហ៊ានដំបូងក្រុមហ៊ុន នឹងធ្វើការអភិវឌ្ឍ​លើផ្ទៃដីក្នុងទំហំនេះជាមុនសិន ប៉ុន្តែការចាក់ខ្សាច់បំពេញគំរោងដំណាក់កាលបន្ទាប់នៅតែបន្តធ្វើ។

លោកបន្តថា “ខ្ញុំមិនអាចនិយាយបានថា តើគំរោងនេះនឹងអភិវឌ្ឍន៍អ្វីខ្លះនោះទេ ដោយសារវាជារឿងសំងាត់នៅឡើយ”។

យោងតាមផែនការមេរបស់ក្រុមហ៊ុនPrince Holding Groupបាន ឲ្យដឹងកន្លងមកថា ទីក្រុងរាមនឹងសាងសង់ឡើង ជាទីក្រុងលំដាប់អន្តរជាតិ ដែលអាចឲ្យប្រជាពលរដ្ឋរស់នៅរាប់ម៉ឺននាក់ ជាមួយនឹងហេដ្ឋារចនាសម្ព័ន្ឋដ៏សម្បូរបែប ស័ក្តិសមជាទីក្រុងដ៏ស៊ីវិល័យមួយនាពេលអនាគត ដែលមិនត្រឹមតែទាក់ទាញ លំហូរទុនវិនិយោគពីបរទេសនោះទេ ប៉ុន្តែវានឹងក្លាយជាទីតាំងទាក់ទាញភ្ញៀវទេសចរណ៍ជាតិ អន្តរជាតិមកកំសាន្ត​និងស្នាក់នៅរយៈពេលវែងនៅកម្ពុជាផងដែរ។

អ្នកនាំពាក្យរដ្ឋបាលខេត្តព្រះសីហនុ លោកឃាង ភារម្យធ្លាប់បានមានប្រសាសន៍ឲ្យដឹងកន្លងមកថា តាមអ្វីដែលលោកបានដឹង និងទទួលព៌តមានគឺគំរោងនេះបាន និងកំពុងបន្តវិវត្តន៍ទៅមុខយ៉ាងប្រសើរ ព្រោះក្រុមហ៊ុន វិនិយោគសាងសង់ទីក្រុងនេះ មិនប្រឈមបញ្ហាកង្វះទុនវិនិយោគឡើយ៕