ខេត្តសៀមរាបរំពឹងទទួលបានទេសចរសរុបជាង២លាននាក់ក្នុងឆ្នាំនេះ

ដោយ៖ សុផារី

ភ្នំពេញ៖ តាមការព្យាករណ៍សម្រាប់រយៈពេលពេញមួយឆ្នាំ២០២២ ភ្ញៀវទេសចរចូលមកកម្សាន្តក្នុងខេត្តសៀមរាបនឹងឡើងដល់ចំនួន២.២៧៨.៨៥៤នាក់ ខណៈក្នុងរយៈពេល៧ខែឆ្នាំ២០២២នេះ ខេត្តសៀមរាបទាំងមូលទទួលបានភ្ញៀវទេសចរសរុបចំនួន១.២៤២.៨៥៤នាក់រួចទៅហើយ។

លោក ថោង ខុន រដ្ឋមន្ត្រីក្រសួងទេសចរណ៍ បានបញ្ជាក់ថ្ងៃទី១៦ ខែសីហា ឆ្នាំ២០២២ថា “តាមការព្យាករណ៍រយៈពេលពេញមួយ ឆ្នាំ២០២២នេះ ភ្ញៀវទេសចរចូលមកកម្សាន្តក្នុងខេត្តសៀមរាបនឹងឡើងដល់ចំនួន ២.២៧៨.៨៥៤នាក់។ ចំនួនជាង២លាននាក់ដែលជាការំពឹងទុកនេះ នឹងកើនឡើងក្នុងអត្រា៣២៦,៧៥% បើប្រៀបធៀបនឹងឆ្នាំ២០២១ ដែលមានចំនួន៥៣៤.០០៥នាក់។

លោកបានបន្តថា នៅដំណាច់ឆ្នាំ២០២២ខាងមុខនេះ ភ្ញៀវទេសចរជាតិនឹងឡើងដល់ចំនួន២.០៣៩.០០០នាក់ កើនឡើង២៩១,២៦% ហើយភ្ញៀវទេសចរអន្តរជាតិក៏នឹងឡើងដល់ចំនួន២៣៩.៨៥៤នាក់ កើនឡើង១៧៦៣,២៣%។

លោក ថោង ខុន បានបញ្ជាក់ទៀតថា ដើម្បីចូលរួមជំរុញដល់កំណើននេះ ក្រសួងទេសចរណ៍បានកំពុងពិភាក្សាជាមួយក្រសួង/ស្ថាប័នពាក់ព័ន្ធ និងផ្នែកឯកជនអំពីលទ្ធភាព ក្នុងការបង្កើតកញ្ចប់ទស្សនកិច្ចពិសេស ដើម្បីទាក់ទាញឱ្យទេសចរមកទស្សនាខេត្តសៀមរាបច្រើនដង។

នៅក្នុងខេត្តសៀមរាបបច្ចុប្បន្នមានមូលដ្ឋានអាជីវកម្ម និងសេវាកម្មកំពុងបើកដំណើរការអាជីវកម្មសរុបចំនួន៥៤៨កន្លែង ស្មើនឹង៤៦% នៃអាជីវកម្មទេសចរណ៍សរុបក្នុងខេត្តមានចំនួន១.១៨៧កន្លែង។

លោករដ្ឋមន្ត្រីក្រសួងទេសចរណ៍បានយកចិត្តទុកដាក់ ចំពោះធនធានមនុស្សបម្រើឱ្យវិស័យទេសចរណ៍ផងដែរ ដោយបានចាត់ក្រុមការងារក្រសួងទេសចរណ៍ ឱ្យចុះពិនិត្យជំហានទី២ ដើម្បីវាយតម្លៃពីគុណភាព សេវាកម្ម និងបដិសណ្ឋារកិច្ច ក៏ដូចជាផ្ដល់ការបណ្តុះបណ្តាល ពង្រឹងសមត្ថភាពដល់អ្នកបម្រើការក្នុងវិស័យទេសចរណ៍ នៅខេត្តសៀមរាបបន្ថែមទៀត៕

ខេត្តពោធិ៍សាត់បើកដំណើរការគម្រោងទេសចរណ៍តម្លៃជាង ២លានដុល្លារឱ្យទស្សនាដោយមិនគិតថ្លៃ

ដោយ៖ សូរិយា

ពោធិ៍សាត់៖ គម្រោងកែច្នៃតំបន់ព្រៃភ្នំប្រវត្តិសាស្ត្រ “ភ្នំនាគស ឬល្អាងព្រះនាងរំសាយសក់” ដែលស្ថិតក្នុងចំណុចកាច់កង់ភូមិ​ខ្សាច់​ល្អិត ឃុំអន្សាចំបក់ ស្រុកក្រគរ ខេត្តពោធិ៍សាត់ ត្រូវបានសាងសង់ចប់ជាស្ថាពរ ដែលចំណាយអស់ថវិកា​ប្រមាណ​​ជាង២លានដុល្លារអាមេរិក។

នេះបើតាមការចុះផ្សាយរបស់រដ្ឋបាលខេត្តខេត្តពោធិ៍សាត់ នៅថ្ងៃទី១៥ ខែសីហា ឆ្នាំ ២០២២ បានឱ្យដឹងថា ដោយមានការជួយឧត្ថម្ភពីឯកឧត្តម អេង គន្ធា អគ្គនាយករងអគ្គិសនីកម្ពុជា និងជាប្រធានក្រុមការងារចុះ​ជួយឃុំ​អន្សា​ចំបក់ គម្រោងកែច្នៃតំបន់នេះ ត្រូវបានសាងសង់អស់រយៈពេល ៣ឆ្នាំ ចាប់ផ្តើមតាំងតែពីឆ្នាំ២០១៩ មក។

ក្រោយការសាងសង់រួច រមណីយដ្ឋាន “ភ្នំនាគស ឬល្អាងព្រះនាងរំសាយសក់” គឺជារមណីយដ្ឋានពិសេសមួយ ក្នុង​ចំណោម​រមណីយដ្ឋានជាច្រើនទៀត ក្នុងខេត្តពោធិ៍សាត់ ដែលផ្តល់កន្លែងដើរលេងកម្សាន្ត លំហែអារម្មណ៍​បែប​ធម្មជា​តិ ដោយមិនគិតថ្លៃឡើយ។

រមណីយដ្ឋានដ៏ស្រស់ត្រកាលនេះ រួមមានដូចជា ចម្លាក់ព្រះពុទ្ធរូប រូបព្រះអង្គតូច ព្រះអង្គធំ រូបអ្នកមានបារមី ចាស់ព្រឹទ្ធាចារ្យ ទីលានយន្ដហោះ សួនផ្កាចម្រុះព័ណ៌ ផ្លូវបេតុង ផ្លូវកៅស៊ូ កន្លែងអង្គុយលេងកំសាន្ត កន្លែងបាញ់ទឹក រូបសំណាក​សត្វចម្រុះលើផ្ទាំងថ្មតូចធំ ដែលមានម្លប់ដើមឈើត្រឈឹងត្រឈៃ លំអរដោយភ្លើងអគ្គីសនី ភ្លើងសូឡា​ព្រោងព្រាត ប្រៀបបានទៅនឹងទីក្រុងតូចមួយ ផុសនៅចំកណ្ដាលទ្រូងព្រៃ។

លោក អេង គន្ធា អគ្គនាយករងអគ្គិសនីកម្ពុជា បានឱ្យដឹងថា រមណីយដ្ឋាននេះ ជារមណីយដ្ឋានពិសេសមួយ ក្នុងចំណោមរមណីយដ្ឋានជាច្រើនទៀត ក្នុងខេត្តពោធិ៍សាត់ ដែលផ្តល់កន្លែងដើរលេងកម្សាន្ត លំហែអារម្មណ៍បែបធម្មជាតិ ដោយមិនគិតថ្លៃ និងដើម្បីឱ្យបងប្អូនពុកម៉ែប្រជាពលរដ្ឋ បានសិក្សាស្វែងយល់អំពីវប្បធម៌ ប្រវត្តិសាស្ត្រ ដែលមាននៅតំបន់នេះ។

លោកបានបន្ថែមទៀតថា ថ្មីៗនេះប៉មទស្សនា៣៦០ដឺក្រេ កម្ពស់៥ជាន់ ត្រូវបានស្ថាបនាជិតរួចរាល់ ដែលអាចទាក់ទាញទេសចរ ចូលមកមើលទេសភាពព្រៃ ភ្នំ បឹងទន្លេសាប និងតំបន់ទីប្រជុំជន ដែលជាការរួមចំណែកយ៉ាងសំខាន់ដល់ការអភិវឌ្ឍវិស័យទេសចរណ៍ផងដែរ ហើយរំពឹងថា ជាកន្លែងលេងកំសាន្តដ៏ពេញនិយមមួយ សម្រាប់ភ្ញៀវទេសចរណ៍ មកពីទីជិតឆ្ងាយ ពិសេសនៅក្នុងឱកាសបុណ្យកាន់បិណ្ឌភ្ជុំបិណ្ឌ នាពេលខាងមុខ៕

ព្រមាន អាជ្ញាធរអំពាវនាវឱ្យម្ចាស់ទីលំនៅនិងខ្ទម​ខុស​ច្បាប់ចាកចេញដោយប្រញាប់ពីតំបន់សេដ្ឋកិច្ចពិសេសក្រុងព្រះសីហនុ

ដោយ៖ សូរិយា

ខេត្តព្រះសីហនុ ៖ អាជ្ញាធរខេត្តព្រះសីហនុ បានធ្វើការអំពាវនាវឱ្យប្រជាពលរដ្ឋដែលបានតាំងទីលំនៅ និងកំពុងសាងសង់ខ្ទមរាប់រយខ្នងដោយ​ខុស​ច្បាប់​នៅក្នុងតំបន់សេដ្ឋកិច្ចពិសេសក្រុងព្រះសីហនុ ត្រូវចាកចេញជាប្រញាប់។ នេះបើតាមសេចក្តីប្រកាសពត៌មាន​ចុះថ្ងៃ​ទី​១២ ខែសីហា ឆ្នាំ២០២២។

កន្លងមកអាជ្ញាធរមានសមត្ថកិច្ច បានផ្សព្វផ្សាយ ពន្យល់ និងណែនាំប្រជាពលរដ្ឋអំពីការទន្ទ្រាន​ដោយខុសច្បាប់​លើទីតាំង​ដីតំបន់សេដ្ឋកិច្ចពិសេស ហើយប្រជាពលរដ្ឋមួយចំនួនធំ បានរុះរើខ្ទមចេញពីទីតាំងទាំងនោះដោយស្ម័គ្រចិត្ត។

ប៉ុន្តែនៅមានប្រជាពលរដ្ឋមួយចំនួនតូចនៅបន្តទន្ទា្រនកាន់កាប់ដីដោយខុសច្បាប់ដដែល ហើយមានប្រជាពលរដ្ឋមួយចំនួនទៀត​បាន​ជឿតាមការបំផុសបំផុលរបស់មេខ្យល់ឱ្យទៅរស់នៅ និងសាងសង់ខ្ទមដោយខុសច្បាប់លើដីក្នុតំបន់សេដ្ឋកិច្ចនោះ។

ហេតុនេះ អាជ្ញាធរខេត្តព្រះសីហនុ សូមស្នើឱ្យប្រជាពលរដ្ឋទាំងនោះ ចាកចេញដោយស្ម័គ្រចិត្តពីទីតាំងទាំងនោះភ្លាម មិនដូច្នោះទេ អាជ្ញាធរខេត្តនឹងចាត់វិធានការរដ្ឋបាល និងវិធានការច្បាប់ជាធរមានជាក់ជាមិនខាន៕

China supports several private developers with bond guarantee: Sources

HONG KONG: Chinese regulators have instructed state-owned China Bond Insurance to provide guarantees for onshore bond issuance by a few private property developers including Longfor Group and CIFI Holdings, according to four sources with knowledge of the matter.

The support from the state comes amid mounting concerns that a deepening debt crisis and defaults in the sector could impact property developers that have been regarded as financially sound.

Property developers’ shares surged on Tuesday following the news, with Longfor, CIFI and top developer Country Garden all jumping over 15 per cent. The Hang Seng Mainland Properties Index firmed 9.2 per cent, versus a 0.6 per cent gain in the main Hang Seng Index.

China Bond Insurance Co, which provides financial guarantee services, will provide “full amount, unconditional and irrevocable joint liability guarantee” to these medium-term notes, the sources said. The guarantee provides more protection than credit risk management tools, they said.

Two of the sources said Longfor has already sold three-year and five-year medium-term notes totalling up to 1.5 billion yuan with a guarantee from China Bond Insurance Co.

Financial information provider REDD first reported the plan to provide a guarantee for issuers on Monday evening. Its report said policymakers had drawn up a list of half a dozen developers regarded as financially stronger, including Gemdale Corporation and Country Garden Holdings, whose bond issues would receive guarantees.

REDD also said policymakers were considering asking state investors to subscribe to new notes issued by developers. The issuers would have to provide collateral for the state guarantee but the use of proceeds would be flexible, it said.

CIFI, Country Garden and Longfor declined to comment. China Bond Insurance Co Ltd and Gemdale were unavailable for comment.

Reuters reported authorities had also helped some financially sound developers to boost liquidity in May, when it encouraged Country Garden, Longfor and Midea Real Estate to issue bonds, while also requesting securities firms to provide credit risk management tools for potential investors in the bonds.

Source: Reuters

China to boost economic demand, speed up infrastructure – state planner

BEIJING : China will boost economic demand in a strong, reasonable and moderate manner and accelerate infrastructure construction in the third quarter of the year, officials from the state planner said on Tuesday.

The comments came after bleak data for July, which showed the world’s second-biggest economy unexpectedly slowed and property investment falling at the fastest clip this year.

“China will optimize policies for sustained economic recovery, macro policies should expand demand actively in a strong, reasonable and moderate manner,” Yuan Da, a spokesperson at the National Development and Reform Commission (NDRC), told a news conference.

China will step up the use of special local government bonds and new credit granted by policy banks, Yuan added.

NDRC in July approved eight fixed-asset investment projects worth 236.8 billion yuan ($34.89 billion).

As of July 31, China had issued most of the 3.45 trillion yuan in special bonds earmarked for infrastructure, Luo Guosan, an official at the NDRC’s infrastructure development department told the same news conference. That was part of the 2022 annual special bond quota of 3.65 trillion yuan.

China is stepping up spending on infrastructure projects to prop up the flagging economy, which has been hobbled by strict COVID-19 restrictions, a troubled property market and weak consumption.

Infrastructure investment grew 7.4 per cent in the first seven months of the year from the same period a year earlier, data from the statistics bureau showed on Monday.

“Youth employment has been under greater pressure this year due to overlap of structural, cyclical and seasonal factors,” Yuan also said.

“China will roll out practical measures to support youth start-up businesses and job employment.”

The employment situation remained fragile. Official data on Monday showed that the nationwide survey-based jobless rate eased slightly in July from June, while youth unemployment stayed stubbornly high, reaching a record 19.9 per cent in July.

Source: Reuters

មហាយក្សចិន ចេញមុខជួយបណ្ដាក្រុមហ៊ុនអភិវឌ្ឍន៍អចលនទ្រព្យតាមរយៈការធានាលើការបោះផ្សាយមូលបត្របំណុល

សុខុម

ហុងកុង: ក្រុមនិយ័តករនៃប្រទេសចិន បានណែនាំក្រុមហ៊ុនធានារ៉ាប់រងមូលបត្របំណុល China Bond Insurance ដែលគ្រប់គ្រងដោយរដ្ឋជួយផ្តល់ការធានាសម្រាប់ការបោះផ្សាយមូលបត្របំណុលក្នុងស្រុកដោយក្រុមហ៊ុនអភិវឌ្ឍន៍អចលនទ្រព្យចិន ដើម្បីសម្រាលវិបត្តិ។

ប្រភពចំនួន៤ដែលដឹងរឿងនេះបានទម្លាយឱ្យដឹងថា ក្រុមហ៊ុនអភិវឌ្ឍន៍អចលនទ្រព្យឯកជនមួយចំនួនរួមមានទាំងក្រុមហ៊ុន Longfor Group និងក្រុមហ៊ុន CIFI Holdings ផងដែរ ស្ថិតក្នុងចំណោមក្រុមហ៊ុនដែលទទួលបានការធានាលើការបោះផ្សាយមូលបត្របំណុលនេះ។

ការអន្តរាគមន៍ជួយគាំទ្រពីរដ្ឋចិន នេះឡើងចំពេលមានការព្រួយបារម្ភកាន់តែខ្លាំងឡើងថា វិបត្តិបំណុលកាន់តែជ្រៅទៅៗ និងការខកខានទូទាត់បំណុលក្នុងវិស័យអចលនទ្រព្យប្រទេសចិន អាចធ្វើឱ្យបណ្ដាក្រុមហ៊ុនអភិវឌ្ឍន៍អចលនទ្រព្យមានវិបត្តិហិរញ្ញវត្ថុកាន់តែធ្ងន់ធ្ងរ ឈានដល់ការរលំរលាយ។

ក្រោយដំណឹងដ៏ល្អនេះត្រូវបានចុះផ្សាយ ភាគហ៊ុនរបស់បណ្ដាក្រុមហ៊ុនអភិវឌ្ឍន៍អចលនទ្រព្យបានហក់ឡើងស្រឺតៗនៅថ្ងៃអង្គារ ទី១៦ ខែសីហា នេះ ដោយភាគហ៊ុនរបស់ក្រុមហ៊ុន Longfor ក្រុមហ៊ុន CIFI និងក្រុមហ៊ុនអភិវឌ្ឍន៍ធំបំផុតប្រចាំប្រទេសចិន Country Garden សុទ្ធតែបានហក់ឡើងជាង១៥%។ ហើយទន្ទឹមនេះសន្ទស្សន៍ផ្សារហ៊ុនអចលនទ្រព្យចិន Hang Seng Mainland Properties Index បានហក់ឡើង៩,២% បើធៀបនឹងផ្សារហ៊ុនចិន Hang Seng Index ដែលបានហក់ឡើងត្រឹមតែ០,៦%។

ប្រភពដដែលបានឱ្យដឹងទៀតថា ក្រុមហ៊ុន China Bond Insurance Co ដែលផ្តល់សេវាធានាលើហិរញ្ញវត្ថុនឹងផ្តល់ “ការធានាលើបំណុលគ្រប់ចំនួនដោយគ្មានលក្ខខណ្ឌ” សម្រាប់ការបោះផ្សាយមូលបត្របំណុលរយៈពេលមធ្យម។ ប្រភពអះអាងថា ការធានានេះផ្តល់នូវការការពារច្រើនជាងឧបករណ៍គ្រប់គ្រងហានិភ័យឥណទាន។

ប្រភព២ក្នុងចំណោមប្រភពទាំង៤បាននិយាយថា ក្រុមហ៊ុន Longfor បានបោះផ្សាយមូលបត្របំណុលរយៈពេលមធ្យមពី៣ឆ្នាំដល់៥ឆ្នាំដែលមានចំនួនសរុបរហូតដល់ទៅ១,៥ពាន់លានយ័ន (២២១លានដុល្លារអាមេរិក) រួចទៅហើយ ដោយមានការធានាពីក្រុមហ៊ុន China Bond Insurance Co.៕ Reuters៕

ប្រទេសចិន គ្រោងនឹងបង្កើនល្បឿន ការសាងសង់ហេដ្ឋារចនាសម្ព័ន្ធដើម្បីស្តារសេដ្ឋកិច្ចឡើងវិញ

ដោយ:លាងហួរ
ប៉េកាំង:មន្ត្រីមកពីអ្នករៀបចំផែនការរដ្ឋបាននិយាយនៅថ្ងៃអង្គារនេះថា ប្រទេសចិននឹងស្តារសេដ្ឋកិច្ចឡើងវិញព្រមទាំងពន្លឿនការសាងសង់ហេដ្ឋារចនាសម្ព័ន្ធនៅក្នុងត្រីមាសទីបីនៃឆ្នាំ២០២២នេះ។

ការអត្ថាធិប្បាយនេះបានធ្វើឡើងបន្ទាប់ពីទិន្នន័យមិនច្បាស់លាស់សម្រាប់ខែកក្កដា បានបង្ហាញថាសេដ្ឋកិច្ចរបស់ប្រទេសចិនបានធ្លាក់ចុះដោយមិននឹកស្មានដល់ ។

តួយ៉ាងការវិនិយោគអចលនទ្រព្យបានធ្លាក់ចុះក្នុងល្បឿនលឿនបំផុតនៅឆ្នាំ២០២២នេះ។

លោក Yuan Da អ្នកនាំពាក្យនៃគណៈកម្មការកំណែទម្រង់និងអភិវឌ្ឍជាតិ(NDRC)មានប្រសាសន៍ថា
ប្រទេសចិននឹងបង្កើនការប្រើប្រាស់ប័ណ្ណបំណុលរដ្ឋាភិបាលក្នុងស្រុកពិសេស និងឥណទានថ្មីដែលផ្តល់ដោយធនាគារគោលនយោបាយ។

គណៈកម្មការកំណែទម្រង់និងអភិវឌ្ឍជាតិ(NDRC)បានអនុម័តគម្រោងវិនិយោគទ្រព្យសកម្មថេរចំនួនប្រាំបីដែលមានតម្លៃ២៣៦,៨ពាន់លានយ័ន(៣៤,៨៩ពាន់លានដុល្លារ)កាលពីខែកក្កដាកន្លងទៅ។

គិតត្រឹមថ្ងៃទី៣១ខែកក្កដា ប្រទេសចិនបានចេញប័ណ្ណបំណុលពិសេសចំនួន៣,៤៥ពាន់ពាន់លានយ័នសម្រាប់គម្រោងសាងសង់ហេដ្ឋារចនាសម្ព័ន្ធ។

ប្រទេសចិនកំពុងបង្កើនការចំណាយលើគម្រោងហេដ្ឋារចនាសម្ព័ន្ធ ដើម្បីជំរុញនិងស្តារសេដ្ឋកិច្ចដែលកំពុងជាប់គាំងដោយសារការបន្តរាតត្បាតនៃជំងឺកូវីដ ទីផ្សារអចលនទ្រព្យមានបញ្ហា និងការប្រើប្រាស់ធ្លាក់ចុះ៕

ប្រធានក្រុមហ៊ុនCPលំដាប់យក្សរបស់ប្រទេសថៃគ្រោងពង្រីកការវិនិយោគនៅកម្ពុជា

ដោយ:លាងហួរ
ភ្នំពេញ:លោក កស័ក្ដិ ឆ័យរ៉ាក់ស្ម៊ីស័ក្ដិ (Korsak Chairasmisak) ប្រធានប្រតិបត្តិក្រុមហ៊ុន ស៊ីភី អល (CP All) បានចូលជួបពិភាក្សាការងារជាមួយសម្តេចតេជោហ៊ុនសែននាយករដ្ឋមន្ត្រីនៃកម្ពុជាដើម្បីស្វែងរកឱកាសវិនិយោគនៅកម្ពុជា។

ជំនួបនេះបានរៀបចំឡើងនៅឯវិមានសន្តិភាពនាព្រឹកថ្ងៃអង្គារ ទី១៦ ខែសីហាឆ្នាំ២០២២នេះ។

ឆ្លៀតក្នុងឱកាសជំនួបនោះ លោក កស័ក្ដិ បានគោរពសម្ដែងនូវការអបអរសាទរជូនចំពោះសម្ដេចតេជោ ដែលបានដឹកនាំកម្ពុជា ទទួលបានការអភិវឌ្ឍលើគ្រប់វិស័យ ជាពិសេស រាជធានីភ្នំពេញ មានការរីកចម្រើនជាលំដាប់ និងឆាប់រហ័សជាទីបំផុត។

លើសពីនោះទៀត លោកក៏បានបញ្ជាក់ថាគោលបំណងរបស់លោកមកកម្ពុជានេះ គឺដើម្បីចូលរួមចំណែកក្នុងការអភិវឌ្ឍធនធានមនុស្ស តាមរយៈការផ្ដល់ជូនសម្ដេចតេជោនៅអាហារូបករណ៍ថ្នាក់បរិញាបត្រចំនួន១០និងអាហារូបករណ៍សម្រាប់ថ្នាក់បច្ចេកទេសចំនួន១១។

លោកបានបញ្ជាក់ថា រាល់ការចំណាយទាំងអស់ លោកនឹងផ្គត់ផ្គង់ជូនសម្រាប់អាហារូបករណ៍ទាំង២០នេះ។

ជាមួយគ្នានេះដែរ លោកក៏បានគោរពជម្រាបជូនសម្ដេចតេជោអំពីល្បែងយុទ្ធសាស្ត្រហ្គោល ដែលជាល្បែងមួយមានប្រភពចេញមកពីប្រទេសចិនប្រមាណជា ៣០០០ឆ្នាំមកហើយ ហើយលោក សព្វថ្ងៃ គឺជាអ្នកបង្ហាត់បង្រៀនល្បែងយុទ្ធសាស្ត្រនេះ ។

លោកក៏បានគោរពជូនសម្ដេចតេជោ នូវការចូលរួមរបស់កុមារចំនួន ៣០នាក់ ទៅរៀនល្បែងយុទ្ធសាស្ត្រនេះនៅប្រទេសថៃ ហើយសម្រាប់ ៣០នាក់នេះ គឺជ្រើសរើសកុមារអាយុចាប់ពី ១០ឆ្នាំដល់ ១២ឆ្នាំ ។

លោកបានគោរពជម្រាបជូនសម្ដេចតេជោដែលថា លោកនឹងផ្ដល់ជូននូវរាល់ការចំណាយទាំងអស់ ពាក់ព័ន្ធនឹងការបញ្ជូនកុមារទៅរៀនលេងល្បែងហ្គោលនៅប្រទេសថៃនេះ។

លោកបានបញ្ជាក់ថា ល្បែងយុទ្ធសាស្ត្រហ្គោលនេះ គឺខ្មែរយើងហៅថា អុកចិន ដែលមានកូនគ្រាប់ពណ៌ខ្មៅ និងពណ៌ស ដែលដើរព័ទ្ធគ្នាដើម្បីយកជ័យជំនះ។

លោក កស័ក្ដិ បានមានប្រសាសន៍បន្តថា ដំណើរទស្សនកិច្ចរបស់លោកមកកាន់កម្ពុជានៅពេលនេះ ដើម្បីស្វែងរកសក្តានុពល ធ្វើការវិនិយោគបន្ថែមនៅក្នុងប្រទេសកម្ពុជាផងដែរ ក្នុងន័យនេះ លោកបានគោរពសុំអនុសាសន៍ពីសម្ដេចតេជោ លើទិសដៅដែលលោកអាចវិនិយោគនៅកម្ពុជាបាន ។

ជាការឆ្លើយតប សម្ដេចតេជោ ហ៊ុន សែន បានថ្លែងអំណរគុណជូនលោក កស័ក្ដិ ដែលបានសម្ដែងនូវការអបអរសាទរជូនចំពោះការអភិវឌ្ឍរបស់កម្ពុជា ហើយក៏បានថ្លែងអំណរគុណជូនចំពោះលោកការសាក់ដែរ ចំពោះអាហារូបករណ៍ និងការផ្ដល់ឱកាសឱ្យកុមារកម្ពុជា បានទៅរៀនលេងល្បែងយុទ្ធសាស្ត្រដែលឈ្មោះថា ហ្គោល នៅប្រទេសថៃ។ពាក់ព័ន្ធនឹងករណីនេះ សម្តេចតេជោ បានណែនាំឲ្យលោក កស័ក្ដិ បន្តធ្វើការជាមួយឯកឧត្តមរដ្ឋមន្ត្រីប្រតិភូ សុខ ចិន្ដាសោភា ពាក់ព័ន្ធនិងការវិនិយោគនៅកម្ពុជា ។

ពាក់ព័ន្ធនឹងអាហារូបករណ៍ និងល្បែងយុទ្ធសាស្ត្រនេះ សូមធ្វើការជាមួយឯកឧត្ដម បណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា។

ថ្លែងក្នុងជំនួបនោះសម្តេចតេជោ នាយករដ្ឋមន្ត្រី បានផ្ដល់អនុសាសន៍ជូនលោក កស័ក្ដិ ពិនិត្យពិចារណាធ្វើការវិនិយោគលើការផលិតក្រដាសនៅប្រទេសកម្ពុជា ព្រោះថា ក្រដាស គឺជាសម្ភារៈដែលត្រូវការចាំបាច់ ហើយក៏មានតម្រូវការកើនឡើងជាលំដាប់។

ជាមួយគ្នានោះដែរ សម្តេចតេជោ បានស្នើសុំឱ្យលោក កស័ក្ដិ ពិនិត្យមើលការបង្កើតរោងចក្រផលិតជីសរីរាង្គនៅកម្ពុជា៕

រថភ្លើងដឹកទំនិញឆ្លងកាត់ប្រទេសអាសុីចំនួន៣គ្រោងនឹងបើកឱ្យដំណើរការនៅខែតុលាឆ្នាំនេះ

ដោយ:លាងហួរ
អាសុី: រថភ្លើងដឹកទំនិញឆ្លងកាត់ប្រទេសអាសុីចំនួន៣ ឬហៅថា ASEAN Express រវាងប្រទេសម៉ាឡេស៊ី ថៃ និងប្រទេសឡាវ នឹងចាប់ផ្តើមបើកឱ្យដំណើរការនៅខែតុលាឆ្នាំ២០២២នេះ។

យោងតាមសារពត៌មាន The Star បានរាយការណ៍ថា Keretapi Tanah Melayu Berhad (KTMB) ដែលជាក្រុមហ៊ុនប្រតិបត្តិករផ្លូវដែកបានសាកល្បងផ្លូវរថភ្លើងថ្មីកាលពីសប្តាហ៍មុន ដើម្បីសាកល្បងគ្រប់ទិដ្ឋភាពនៃខ្សែរថភ្លើង និងដើម្បីរៀបចំសម្រាប់ការដាក់ឱ្យដំណើរការពាណិជ្ជកម្មនៃសេវាកម្ម។

រដ្ឋមន្ត្រីក្រសួងដឹកជញ្ជូនម៉ាឡេស៊ី លោក Wee Ka Siong បានពិភាក្សាអំពីការតេស្តសាកល្បងដំណើរការដំបូងរបស់រថភ្លើងនេះ។

លោក Wee បានមានប្រសាសន៍ក្នុងអំឡុងពេលនៃការបើកសម្ពោធពិព័រណ៍បច្ចេកវិទ្យាផ្លូវដែក (RTX) នៅប្រទេសម៉ាឡេស៊ីថា នេះគឺពេលវេលាដ៏ល្អដោយសារការអភិវឌ្ឍន៍គម្រោងផ្លូវដែកក្នុងអាស៊ានកំពុងអភិវឌ្ឍយ៉ាងឆាប់រហ័ស ហើយយើងត្រូវចាប់យកឱកាសដើម្បីជ្រៀតចូលទៅក្នុងទីផ្សារអាស៊ាន។

ផ្លូវដែក ក្នុង ប្រទេស ម៉ាឡេស៊ី ក៏ នឹង មាន ការ តភ្ជាប់ ទៅ ខេត្តនានា ក្នុង ប្រទេស ចិន រួម មាន Kunming, Chengdu និង ទៅ Chongqing តាមរយៈ ស្ថានីយ Tanalengក្នុងទីក្រុងវៀងចន្ទន៍។

ក្នុងរយៈពេល៧២ម៉ោង រថភ្លើងដឹកទំនិញធ្វើដំណើរបាន២២០៦គីឡូម៉ែត្រពីប្រទេសម៉ាឡេស៊ីទៅកាន់ប្រទេសឡាវ។

នៅចុងខែសីហានេះ មន្ត្រីមកពីប្រទេសថៃនឹងធ្វើទស្សនកិច្ចនៅប្រទេសឡាវ ដើម្បីពិភាក្សាអំពីការសាងសង់ផ្លូវរថភ្លើងរវាងប្រទេសថៃ និងផ្លូវដែកឡាវ-ចិន៕

រដ្ឋាភិបាលប្រទេសកូរ៉េខាងត្បូងគ្រោងនឹងផ្គត់ផ្គង់ផ្ទះថ្មីចំនួន២,៧លានខ្នងក្នុងរយៈពេល៥ឆ្នាំខាងមុខ

ដោយ:លាងហួរ
សេអ៊ូល:រដ្ឋាភិបាលរបស់ប្រទេសកូរ៉េខាងត្បូងបាននិយាយនៅថ្ងៃអង្គារនេះថា ខ្លួននឹងផ្គត់ផ្គង់ផ្ទះថ្មីចំនួន២,៧លានខ្នងនៅទូទាំងប្រទេសក្នុងរយៈពេល៥ឆ្នាំខាងមុខ។

ការផ្គត់ផ្គង់បន្ថែមនេះធ្វើឡើងខណៈពេលដែល ទីក្រុងធំៗជាច្រើននៅប្រទេសកូរ៉េខាងត្បូងកំពុងខ្វះខាតនូវចំនួនផ្ទះថ្មីជាញឹកញាប់ដោយសារការកើនឡើងតម្លៃផ្ទះយ៉ាងលឿនរហ័ស។

ក្រសួងដែនដី ហេដ្ឋារចនាសម្ព័ន្ធ និងដឹកជញ្ជូនបានឱ្យដឹងនៅក្នុងសេចក្តីថ្លែងការណ៍មួយថា រដ្ឋាភិបាលគ្រោងនឹងផ្គត់ផ្គង់ផ្ទះចំនួន៥សែនខ្នង នៅក្នុងទីក្រុងសេអ៊ូល ក្នុងរយៈពេល៥ឆ្នាំ ពោលគឺកើនឡើងជាង៥០ភាគរយពីចំនួនដែលបានផ្គត់ផ្គង់ក្នុងរយៈពេល៥ឆ្នាំកន្លងមកនេះ។

ប្រធានាធិបតីកូរ៉េខាងត្បូង លោក Yoon Suk-yeol ដែលបានចូលកាន់តំណែងសម្រាប់អាណត្តិរយៈពេល៥ឆ្នាំនៅដើមខែឧសភាបានសន្យាថា រដ្ឋាភិបាលនឹងបង្កើនការផ្គត់ផ្គង់ផ្ទះនៅក្នុងតំបន់ដែលមានតម្រូវការខ្ពស់ ដោយរដ្ឋាភិបាលថ្មីបានរិះគន់គោលនយោបាយរបស់អ្នកកាន់តំណែងមុនរបស់លោកថាមិនលើកទឹកចិត្តការទិញផ្ទះនៅក្នុងតំបន់រដ្ឋធានី។

ក្រសួងដែនដីក៏បានប្រកាសផងដែរថា ខ្លួននឹងផ្គត់ផ្គង់ផ្ទះថ្មីចំនួន៥២មុឺនខ្នងផ្សេងទៀតនៅក្នុងទីក្រុងធំៗផ្សេងទៀតក្នុងរយៈពេល៥ឆ្នាំខាងមុខ។

ក្រសួងបានបន្ថែមថា រដ្ឋាភិបាលនឹងផ្តល់អត្ថប្រយោជន៍ផ្នែកហិរញ្ញវត្ថុ រដ្ឋបាល និងពន្ធផ្សេងៗដល់យុវជន និងអ្នកដែលមានប្រាក់ចំណូលទាបនៅពេលពួកគេទិញ ឬជួលផ្ទះ៕