ដោយៈ គង់ សូរិយា

       ភ្នំពេញៈ ទីប្រឹក្សាផ្ទាល់សម្តេចតេជោហ៊ុន សែននាយករដ្ឋមន្រ្តីនៃកម្ពុជា និងជារដ្ឋលេខាធិការក្រសួងព៌តមាន បានសរសេរលើបណ្តាញទំនាក់ទំនងសង្គមថា “ការគ្រប់គ្រងរដ្ឋបានយូរ គឺអាស្រ័យដោយយកបេះដូងរាស្រ្តបាន”។

លោកបានសរសេរលើបណ្តាញទំនាក់ទំនងសង្គមនាព្រឹកថ្ងៃទី២៧ កក្កដានេះថា ម្តេចតេជោហ៊ុនសែនគឺជាមេដឹកនាំខ្មែរមួយរូប ដែលត្រូវបានប្រវត្តិសាស្ត្រកត់ត្រា ពីការធ្វើពលិកម្មដោយមិនស្តាយស្រណោះ សូម្បីតែជីវិតខ្លួន។ ចាប់តាំងពីតរុណវ័យមក សម្តេចបានបូជាកាយ និងប្រាជ្ញាស្មារតីជូនជាតិ និងប្រជាជន ដោយមិនគិតពីសេចក្តីសុខរបស់ខ្លួន និងក្រុមគ្រួសារឡើយ ។

លោកបន្តថា “ភាពជោគជ័យលើវិថីនយោបាយ របស់សម្តេចតេជោហ៊ុន សែនគឺការឆក់យក “បេះដូងរាស្ត្របាននេះឯង”។

លោកជុំ កុសលបានបន្ថែមថា បទពិសោធន៍ប្រវត្តិសាស្ត្រជាតិបានបង្ហាញអោយយើងឃើញច្បាស់ថា អ្នកនយោបាយដែលយកបានតែអំណាចរដ្ឋមកគ្រប់គ្រង ដោយមិនបានយកបេះដូងរាស្ត្រ គឺគ្មានវាសនាដឹកនាំបានយូរឡើយ ។ ជាក់ស្តែងលោក លន់ ណុល ក្រោយពីធ្វើរដ្ឋប្រហាររំលាយរបបរាជានិយម សម្តេចព្រះនរោត្តមសីហនុឆ្នាំ១៩៧០ ប្រសិនបើលន់ ណុលត្រូវបានទទួលការគាំទ្រពេញទំហឹង ពីប្រជាពលរដ្ឋក៏គ្មានថ្ងៃ១៧ មេសា ឆ្នាំ១៩៧៥ដែរ។

ឯប៉ុលពតក៏ដូចគ្នា បើគេដឹកនាំដោយមានការគាំទ្រពីប្រជាពលរដ្ឋក៏គ្មានទីអវសានថ្ងៃ៧ មករា ឆ្នាំ១៩៧៩ដែរ។

លោកជុំ កុសលបានបន្តថា “ចំពោះសម្តេចតេជោហ៊ុនសែន ការដឹកនាំរបស់លោកគឺកើតចេញពីការគោរព ស្រលាញ់ គាំទ្រពេញបេះដូងពីប្រជាពលរដ្ឋ ទើបអំណាចរបស់លោក មិនអាចមានគូប្រជែងនយោបាយណាមកគាស់រំលើងបានជាដាច់ខាត!”។ លោកបន្ថែមថា “សម្តេចតេជោហ៊ុន សែនគឺជាមេដឹកនាំដែលមិនអាចខ្វះបានរបស់កម្ពុជា”៕

ដោយៈ សុផារី

ភ្នំពេញៈ សម្ដេចតេជោហ៊ុន សែននាយករដ្ឋមន្រ្តីនៃកម្ពុជាបានសម្រេចរៀបចំសមាសភាពក្រុមការងារតម្រង់ទិស ដើម្បីដោះស្រាយបញ្ហាសំណង់ខុសច្បាប់ និងដីធ្លី ក្នុងតំបន់រមណីដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រង របស់អាជ្ញាធរជាតិអប្សរា។

យោងតាមសេចក្ដីសម្រេចរបស់ រាជរដ្ឋាភិបាល ចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី២០ ខែកក្កដា ឆ្នាំ២០២២នេះ បានឱ្យដឹងថា សមាសភាពក្រុមការងារតម្រង់ទិសនេះ មានលោកជា សុផារ៉ា ឧបនាយករដ្ឋមន្ដ្រី រដ្ឋមន្ដ្រីក្រសួងរៀបចំដែនដី នគររូបនីយកម្ម និងសំណង់ ធ្វើជាប្រធាន ព្រមទាំងមានអនុប្រធាន និងសមាជិក មួយចំនួនទៀត ដើម្បីដោះស្រាយបញ្ហាសំណង់ខុសច្បាប់ និងដីធ្លី ក្នុងតំបន់រមណីដ្ឋានអង្គរ និងតំបន់ដទៃទៀត៕

ដោយ: លាងហួរ

អាមេរិក: មន្រ្តីសេតវិមានបានបង្ហើបឱ្យដឹង នៅថ្ងៃអង្គារម្សិលមិញនេះថា ភាពតានតឹងនៅដែនកោះតៃវ៉ាន់ ក៏ដូចជា សង្គ្រាមឈ្លានពានរបស់រុស្ស៊ីអាចជាប្រធានបទ ដែលត្រូវលើកយកមកសន្ទនា រវាងលោកចូ បៃដិនប្រធានាធិបតីអាមេរិក និងប្រធានាធិបតីចិនលោកស៊ី ជីនពីង។

អ្នកនាំពាក្យសន្តិសុខជាតិសេតវិមានលោក John Kirby បានប្រាប់អ្នកយកព័ត៌មានថា ការគ្រប់គ្រងការប្រកួតប្រជែងសេដ្ឋកិច្ច រវាងចិននិងអាមេរិក ក៏ត្រូវលើកយកមកពិភាក្សាគ្នាផងដែរ។

នេះជាការសន្ទនាគ្នាតាមទូរស័ព្ទលើកទី៥ហើយ រវាងប្រធានាធិបតីនៃប្រទេសទាំង២ ខណៈដែលប្រទេសចិន បានធ្វើការព្រមានយ៉ាងខ្លាំងដល់រដ្ឋបាលលោកចូ បៃដិន ជុំវិញដំណើរទស្សនកិច្ច របស់ប្រធានសភាអាមេរិក លោកស្រី Nancy Pelosi ទៅកោះតៃវ៉ាន់។

លោកJohn Kirby បានបង្ហើបឱ្យដឹងអំពីប្រធានបទ ដែលត្រូវពិភាក្សាគ្នា រួមមាន ភាពតានតឹងលើកោះតៃវ៉ាន់ សង្រ្គាមនៅអ៊ុយក្រែន ព្រមទាំងវិធីគ្រប់គ្រង ការប្រកួតប្រជែងផ្នែកសេដ្ឋកិច្ច រវាងប្រទេសទាំងពីរឱ្យកាន់តែប្រសើរឡើង ។

លោកបានមានប្រសាសន៍បន្តថា “នេះគឺជាការសន្ទនាមួយ ដែលបានគ្រោងទុកជាយូរយារណាស់មកហើយ និងមានរបៀបវារៈដ៏រឹងមាំមួយសម្រាប់មេដឹកនាំទាំងពីរពិភាក្សាគ្នា”។

ក្រោមគោលនយោបាយចិនតែមួយ សហរដ្ឋអាមេរិកមិនមានទំនាក់ទំនងការទូតជាផ្លូវការជាមួយតៃវ៉ាន់ទេ ប៉ុន្តែសហរដ្ឋអាមេរិកបានបង្កើតច្បាប់ការពាររបស់ខ្លួន ដើម្បីការពារដល់ដែនកោះមួយនេះ៕

សមាគមមូលនិធិគ្រួសារខ្មែរបានប្រកាសបើកសម្ពោធជាផ្លូវការកម្មវិធី “កម្ពុជាផ្ទះទី២របស់ខ្ញុំ”

ដោយៈសហការី

ភ្នំពេញៈ សមាគមមូលនិធិគ្រួសារខ្មែរ បានប្រកាសបើកសម្ពោធជាផ្លូវការកម្មវិធី “កម្ពុជាផ្ទះទី២របស់ខ្ញុំ” ក្រោមអធិបតីភាពដ៏ខ្ពង់ខ្ពស់របស់​លោកនាយឧត្ដមសេនីយ៍គៀត ច័ន្ទថារិទ្ធ អគ្គនាយកនៃអគ្គនាយកដ្ឋានអន្តោប្រវេសន៍ តំណាងក្រសួងមហាផ្ទៃ។

ការអញ្ជើញចូលរួមនេះ ជាការឆ្លើយតបតាមការអញ្ជើញរបស់ លោកនូវ សុខភាព ប្រធានសមាគមមូលនិធិគ្រួសារខ្មែរ នៅសណ្ឋាគារសូហ្វីតែលភ្នំពេញ ភូគីត្រាកាលពីសប្តាហ៍មុន។

នៅក្នុងពិធីដ៏មហោឡារិក និងអធិកអធមនេះផងដែរ លោកនូវ សុខភាព ប្រធានសមាគមមូលនិធិគ្រួសារខ្មែរ និងនាយឧត្ដមសេនីយ៍ គៀត ច័ន្ទថារិទ្ធ អគ្គនាយកនៃអគ្គនាយកដ្ឋានអន្តោប្រវេសន៍ បានផ្ដល់មតិស្វាគមន៍ និងថ្លែងសុន្ទរកថាបើកកម្មវិធី ព្រមទាំងផ្ដល់កិត្តិយសកាត់ខ្សែបូរ បើកសម្ពោធជាផ្លូវការកម្មវិធីកម្ពុជាផ្ទះទី២របស់ខ្ញុំ។

កម្មវិធីនេះ មានការចូលរួមពីមន្រ្តីពាក់ព័ន្ឋមកពីក្រសួងអប់រំ យុវជន និងកីឡា ក្រសួងទេសចរណ៍ ក្រសួងសេដ្ឋកិច្ច និងហិរញ្ញវត្ថុ ក្រសួងការងារ និងបណ្ដុះបណ្ដាលវិជ្ជាជីវៈ និងក្រសួងពាណិជ្ជកម្ម ផងដែរ ។

លោកនូវ សុខភាព ប្រធានសមាគមមូលនិធិគ្រួសារខ្មែរ បានថ្លែងនៅក្នុងពិធីសម្ពោធជាផ្លូវការកម្មវិធីកម្ពុជាផ្ទះទី២របស់ខ្ញុំថា កន្លងមក សមាគមមូលនិធិគ្រួសារខ្មែរ បានសិក្សាក្នុងការរៀបចំកែតម្រូវយុទ្ធសាស្ត្រទីផ្សារ និងបានរៀបចំពិធីសម្ពោធជាផ្លូវការ ក្នុងការដាក់ឲ្យប្រើប្រាស់នូវកម្មវិធីកម្ពុជាផ្ទះទី២របស់ខ្ញុំនាពេលនេះ ក្នុងគោលបំណងជម្រុញឲ្យមានការផ្សព្វផ្សាយអំពីទិសដៅ និងបេសកកម្មរបស់សមាគមឲ្យកាន់តែផុលផុស ព្រមទាំងបង្កើននូវសេចក្ដីជឿជាក់ និងទំនុកចិត្ត ដើម្បីទាក់ទាញវិនិយោគិន ដែលមានធនធានឲ្យចូលមកវិនិយោគ នៅក្នុងព្រះរាជាណាចក្រកម្ពុជា ដូចជាវិស័យអចលនទ្រព្យ ផ្ដោតសំខាន់លើលំនៅឋាន និងលំហែជាដើម។

លោកប្រធានសមាគមមូលនិធិគ្រួសារខ្មែរ បានសំណូមពរទៅកាន់ លោកនាយឧត្ដមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្តោប្រវេសន៍ ក៏ដូចជាភាគីពាក់ព័ន្ធទាំងអស់ សូមបន្តផ្ដល់នូវកិច្ចសហការ និងគាំទ្រដល់សមាគម និងកម្មវិធីកម្ពុជាផ្ទះទី២របស់ខ្ញុំ ឲ្យដំណើរការបានដោយរលូន។

នាយឧត្ដមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្តោប្រវេសន៍ ក៏បានផ្ដល់កិត្តិយសថ្លែងសុន្ទរកថា និងមានប្រសាសន៍ផ្ដាំផ្ញើយ៉ាងដូច្នេះថា ដោយមើលឃើញពីកាលានុវត្តភាព និងសក្ដានុពលភាពនៃកម្មវិធីកម្ពុជាផ្ទះទី២របស់ខ្ញុំ ក្រសួងមហាផ្ទៃ បានទទួលស្វាគមន៍ និងលើកទឹកចិត្តដល់សមាគម ក្នុងការអនុវត្តគម្រោងនេះឲ្យលេចចេញជារូបរាង និងផ្លែផ្កាដោយសារក្រសួងមហាផ្ទៃ បានយល់ឃើញថាកម្មវិធីកម្ពុជាផ្ទះទី២របស់ខ្ញុំ អាចនឹងមានផលប្រយោជន៍ជាវិជ្ជមាន សម្រាប់ការរួមចំណែកអភិវឌ្ឍសេដ្ឋកិច្ចសង្គមរបស់ព្រះរាជាណាចក្រកម្ពុជា ដោយជនបរទេសដែលជាគោលដៅអាទិភាពសម្រាប់កម្មវិធីនេះ ជាជនបរទេសដែលមានធនធានទ្រព្យសម្បត្តិ ជាវិនិយោគិន សហគ្រិន អ្នកវិទ្យាសាស្ត្រ អ្នកស្រាវជ្រាវ ឬបញ្ញវ័ន្តដែលមានសមត្ថភាព ចំណេះដឹងខ្ពស់ ដែលជាចលករដ៏សំខាន់ក្នុងការជម្រុញ និងអភិវឌ្ឍប្រទេសជាតិ នៅក្នុងសម័យសកលភាវូបនីយកម្ម និងនវានុវត្តបច្ចេកវិទ្យានាពេលបច្ចុប្បន្ននេះ។

នាយឧត្ដមសេនីយ៍គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្តោប្រវេសន៍ បានផ្ដល់ការឆ្លើយតបជាវិជ្ជមាន ទៅកាន់សំណូមពររបស់ លោកនូវ សុខភាព ប្រធានសមាគមមូលនិធិគ្រួសារខ្មែរ អំពីជំហរគាំទ្រយ៉ាងពេញទំហឹងរបស់ក្រសួងមហាផ្ទៃ ចំពោះគម្រោងកម្ពុជាផ្ទះទី២របស់ខ្ញុំ ព្រមទាំងផ្ដាំផ្ញើ និងសំណូមពរទៅកាន់សមាគម ឲ្យបន្តរក្សាកិច្ចសហការ យ៉ាងជិតស្និទ្ធ ជាមួយក្រសួងស្ថាប័ននានាដែលពាក់ព័ន្ធ សិក្សាស្វែងយល់ទិដ្ឋភាពផ្លូវច្បាប់ ឲ្យបានទូលំទូលាយបន្ថែមទៀត ជាពិសេសគឺច្បាប់ និងបទបញ្ញត្តិដែលត្រូវអនុវត្ត សំដៅធានាបាននូវការសម្របសម្រួលឲ្យភ្ញៀវបរទេសទទួលបានកញ្ចប់សេវាកម្ម ប្រកបដោយការពេញចិត្ត ក្នុងរយៈពេលចេញ-ចូល និងស្នាក់អាស្រ័យនៅក្នុងព្រះរាជាណាចក្រកម្ពុជា។

“កម្ពុជាផ្ទះទី២របស់ខ្ញុំ” គឺជាកម្មវិធីដែលបង្កើតឡើង ដោយសមាគមមូលនិធិគ្រួសារខ្មែរ និងជាកម្មវិធីផ្លូវការតែមួយគត់ ដែលត្រូវបានអនុម័ត ទទួលបានការគាំទ្រជាគោលការណ៍ និងទទួលស្គាល់ដោយក្រសួងមហា​ផ្ទៃ ដែលអនុញ្ញាតឲ្យជនបរទេស ដែលជាវិនិយោគិនផ្នែកលំនៅឋានលំហែនៅព្រះរាជាណាចក្រកម្ពុជា ទទួលបាននូវកញ្ចប់ទិដ្ឋាការមាសរយៈពេល១០ឆ្នាំ និងអត្ថប្រយោជន៍ដ៏សម្បូរបែបជាច្រើនទៀត។

សមាជិកកម្ពុជាផ្ទះទី២របស់ខ្ញុំដំបូងគេ ចំនួន១៨នាក់ ត្រូវបានអញ្ជើញឲ្យទទួលកាដូរអនុស្សាវរីយ៍ដោយផ្ទាល់ពី លោកនូវ សុខភាពប្រធានសមាគ​មមូលនិធិគ្រួសារខ្មែរ។

សមាគមមូលនិធិគ្រួសារខ្មែរ ក៏បានធ្វើការសម្ពោធបើកការិយាល័យសម្រាប់គម្រោងកម្មវិធីកម្ពុជាផ្ទះទី២របស់ខ្ញុំ នៅក្នុងថ្ងៃជាមួយគ្នានោះផងដែរ ដែលមានទីតាំងស្ថិតនៅអាគារលេខ១៩៩ តាមបណ្ដោយមហាវិថីត្រសក់ផ្អែម កែងផ្លូវ ៣០៦ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។

សម្រាប់ព័ត៌មានបន្ថែមអំពីគម្រោងកម្មវិធីកម្ពុជាផ្ទះទី២របស់ខ្ញុំ៖

• គេហទំព័រ៖ cm2h.com
• លេខទូរស័ព្ទ/តេលេក្រាម៖ ០៦៦ ៥៩០ ១៦៨​, ០៦៩ ៥៩០ ១៦៨
• គេហទំព័រហ្វេសប៊ុក៖​ facebook.com/CambodiaMySecondHome ៕

HOUSTON, July 25 (Reuters) – The United States became the top liquefied natural gas (LNG) exporter in the first half of 2022, the Energy Information Administration (EIA) said, citing data from CEDIGAZ, as the country increased supply to Europe amid the Ukraine crisis.

U.S. LNG exports rose 12% to average 11.2 billion cubic feet per day (bcfd) in the first half of the year compared with the second half of 2021, the EIA said. Increased LNG export capacity, higher prices, and demand, particularly from Europe, helped boost exports.

LNG exports have been growing dramatically over the last several years as countries worldwide seek to diversify away from dirtier coal plants. However, it takes several years to build new facilities; the United States is not expected to add substantial new capacity until at least 2024.

About 71% of U.S. LNG exports went to the European Union and Britain during the first five months of this year, EIA said.

Europe is struggling to sock away enough gas into storage prior to winter because Russia has severely curtailed gas shipments via pipeline to the continent after the United States and allies put sanctions on Moscow.

Installed U.S. LNG export capacity has expanded by about 1.9 bcfd since November 2021, including new trains at Cheniere Energy’s (LNG.A) Sabine Pass, Venture Global’s Calcasieu Pass, and higher LNG production capacity at Sabine Pass and Corpus Christi facilities.

The EIA estimated that liquefaction capacity averaged 11.4 bcfd, as of July, with a shorter-term peak capacity of 13.9 bcfd.

In June, the United States exported 11% less LNG than the 11.4 bcfd average exports during the first five months of 2022, after a fire caused an outage at the Freeport LNG export facility.

Freeport LNG estimates resumption of partial liquefaction operations by early October and a return to full production by year-end.

ដោយៈ សុខុម

អន្តរជាតិ: ក្រុមរដ្ឋមន្ត្រីថាមពលនៃសហភាពអឺរ៉ុប បានឯកភាពគ្នាឱ្យបណ្ដាប្រទេសជាសមាជិក កាត់បន្ថយការប្រើប្រាស់ឧស្ម័នហ្គាស ដោយសា​របារម្ភខ្លាចប្រទេសរុស្ស៊ី កាត់ផ្ដាច់ការផ្គត់ផ្គង់ក្នុងរដូវរងាដ៏ខ្លីខាងមុខ។ នេះបើយោងតាមការចុះផ្សាយរបស់សារព័ត៌មាន BBC។

បន្ទាប់ពីកិច្ចពិភាក្សាកាលពីថ្ងៃអង្គារ ទី២៦ ខែកក្កដា បណ្ដាប្រទេសជាសមាជិកសហភាពអឺរ៉ុប បានឈានដល់ការព្រមព្រៀងគ្នាថា ប្រទេសនានា គួរតែកាត់បន្ថយការប្រើប្រាស់ឧស្ម័ន ដោយស្ម័គ្រចិត្តចំនួន១៥%ចាប់ពីខែសីហា ឆ្នាំនេះដល់ខែមីនា ដើមឆ្នាំ២០២៣។

សាធារណរដ្ឋឆែក ដែលជាប្រធានប្ដូរវេននៃសហភាពអឺរ៉ុប បានលើកឡើងតាមបណ្ដាញទំនាក់ទំនងសង្គម Twitter អំពីកិច្ចព្រមព្រៀងកាត់បន្ថយការប្រើប្រាស់ឧស្ម័នហ្គាសនេះថា “នេះមិនមែនជាបេសកកម្ម ដែលមិនអាចទៅរួចនោះទេ!”។

ទោះជាយ៉ាងណា យោតាមឯកសារទទួលបាន ដោយសារព័ត៌មាន BBC បង្ហាញថា កិច្ចព្រមព្រៀងនេះ ត្រូវបានបន្ធូរបន្ថយច្រើនជាងមុន ដោយប្រទេសនានា អាចស្វះស្វែងស្នើសុំការលើកលែងបានក្នុងករណីពិសេស។

សហភាពអឺរ៉ុប និយាយថា “គោលបំណងនៃការកាត់បន្ថយតម្រូវការឧស្ម័នហ្គាសនេះ គឺដើម្បីសន្សំហ្គាសទុក មុនពេលរដូវរងាចូលមកដល់ ជាការត្រៀមលក្ខណៈទុកជាមុន ក្នុងករណីមានការកាត់ផ្ដាច់ការផ្គត់ផ្គង់ឧស្ម័នហ្គាសពីសំណាក់ប្រទេសរុស្ស៊ី ដែលបាននិងកំពុងបន្តប្រើប្រាស់ការផ្គត់ផ្គង់ថាមពលធ្វើជាអាវុធ”។

កិច្ចព្រមព្រៀងនេះកំណត់ថា ការកាត់បន្ថយតម្រូវការឧស្ម័នហ្គាសនេះនឹងក្លាយជាកាតព្វកិច្ចដែលត្រូវអនុវត្តជាកំហិត ប្រសិនបើការផ្គត់ផ្គង់ឈានដល់កម្រិតវិបត្តិ។

ទោះជាយ៉ាងណា សហភាពអឺរ៉ុប បញ្ជាក់ថា ប្រទេសមួយចំនួនដែលមិនត្រូវបានតភ្ជាប់ ទៅបណ្តាញបំពង់ឧស្ម័នហ្គាស របស់រដ្ឋជាសមាជិកផ្សេងទៀត នឹងត្រូវបានលើកលែងពីការតម្រូវជាកំហិតនេះ ពីព្រោះតែប្រទេ​ស​ទាំងនោះ មិនអាចស្វែងរកប្រភពផ្គត់ផ្គង់ជំនួសបាន៕ BBC៕