សហរដ្ឋអាមេរិកក្លាយជាអ្នកផ្គត់ផ្គង់ឧស្ម័នធំបំផុតរបស់ពិភពលោកក្នុងឆមាសទី១ ដើមឆ្នាំ២០២២

ដោយៈ សុខុម

ហ៊ូស្តុន: ស្ងាត់ៗ សហរដ្ឋអាមេរិក បានក្លាយជាអ្នកនាំចេញឧស្ម័នធម្មជាតិរាវ LNG (ហ្គាស) ធំបំផុតរបស់ពិភពលោកក្នុងឆមាសទី១ ដើមឆ្នាំ២០២២ ខណៈប្រទេសរុស្ស៊ី កំពុងទទួលរងទណ្ឌកម្មជុំទិស ហើយសហភាពអឺរ៉ុប កំពុងតែត្រូវការឧស្ម័នហ្គាសយ៉ាងច្រើនជាចាំបាច់។

នេះបើយោងតាមរដ្ឋបាលព័ត៌មានថាមពល (EIA) របស់សហរដ្ឋអាមេរិក ដែលបានដកស្រង់ទិន្នន័យ ពីសមាគមន៍អន្តរជាតិ ទទួលបន្ទុកផ្ដល់ព័ត៌មានអំពីឧស្ម័នធម្មជាតិ CEDIGAZ ខណៈសហរដ្ឋអាមេរិក សម្រុកបង្កើ​នការផ្គត់ផ្គង់ដល់អឺរ៉ុប ស្របពេលមានវិបត្តិអ៊ុយក្រែន។

EIA និយាយថា ការនាំចេញឧស្ម័ន LNG របស់សហរដ្ឋអាមេរិក បានកើនឡើង១២% ដល់កម្រិតជាមធ្យម៣១៧លានម៉ែត្រគូ បក្នុងមួយថ្ងៃក្នុងឆមាសទី១ ដើមឆ្នាំនេះ បើធៀបនឹងឆមាសទី២ ចុងឆ្នាំ២០២១។ ការបង្កើនសមត្ថភាពនាំចេញឧស្ម័ន LNG តម្លៃ និងតម្រូវការហក់ឡើងកាន់តែខ្ពស់ជាពិសេសពីអឺរ៉ុប បានជួយជំរុញការនាំចេញនេះ។

ការនាំចេញឧស្ម័ន LNG បានកើនឡើងយ៉ាងខ្លាំង ក្នុងរយៈពេលប៉ុន្មានឆ្នាំចុងក្រោយនេះ ខណៈប្រទេសនានាជុំវិញពិភពលោក ស្វះស្វែងធ្វើពិពិធកម្មថាមពល ដើម្បីងាកចេញពីរោងចក្រថាមពល ដើរដោយធ្យូថ្មដែលបំពុលដល់បរិស្ថានខ្លាំង។

EIA បញ្ជាក់ថា ប្រមាណ៧១%នៃការនាំចេញឧស្ម័ន LNG របស់សហរដ្ឋអាមេរិក គឺនាំចេញទៅកាន់សហភាពអឺរ៉ុប និងអង់គ្លេស អំឡុងរយៈពេល៥ខែដើមឆ្នាំនេះ។

អឺរ៉ុប កំពុងប្រឹងប្រែងយ៉ាងខ្លាំង ធ្វើយ៉ាងណាស្តុកទុកឧស្ម័នឱ្យបានគ្រប់គ្រាន់នៅមុនរដូវរងាចូលមកដល់ ដោយសារតែរុស្ស៊ីបានកាត់បន្ថយយ៉ាងខ្លាំង នូវការនាំចេញឧស្ម័នតាមបំពង់បង្ហូរឧស្ម័ន ទៅកាន់ទ្វីបនេះ បន្ទា​ប់ពីសហរដ្ឋអាមេរិក និងបណ្ដាសម្ព័ន្ធមិត្តបានដាក់ទណ្ឌកម្ម លើរដ្ឋាភិបាលក្រុងមូស្គូ ចំពោះការបញ្ឆេះសង្គ្រាមចូលឈ្លានពានអ៊ុយក្រែន៕ Reuters៕

រដ្ឋាភិបាលអនុម័តគំរោងវិនិយោគចំនួនជាង១៥០០លានដុល្លារលើគំរោងចំនួន១២៧

ដោយៈគង់ ម៉ាលីនណា

ភ្នំពេញៈ ក្រុមប្រឹក្សាអភិវឌ្ឍន៍កម្ពុជា (CDC) ដែលជាសេនាធិការរបស់រដ្ឋាភិបាល បានអនុម័តម្រោងវិនិយោគរបស់សិង្ហបុរី នៅកម្ពុជាមានចំនួន១២៧គម្រោង ក្នុងទំហំទឹកប្រាក់១៥៣០លានដុល្លារអាមេរិក គិតត្រឹមខែមិថុនា ឆ្នាំ២០២២នេះ។

យោងតាមសេចក្តីប្រកាសព័ត៌មាន CDC នៅថ្ងៃទី២៦ ខែកក្កដាកន្លងមកបានឲ្យដឹងថា នៅថ្ងៃទី២៦ ខែកក្កដា ឆ្នាំ២០២២ CDC និងសហព័ន្ធធុរកិច្ចសិង្ហបុរី (SBF) ការគាំទ្រពីស្ថានទូតសិង្ហបុរីប្រចាំនៅកម្ពុជា និងស្ថានទូតកម្ពុជាប្រចាំនៅសិង្ហបុរី បានរៀបចំសិក្ខាសាលាស្វែងយល់ពីកម្ពុជា “ការយល់ដឹងពីកាលានុវត្តភាពធុរកិច្ចនៅកម្ពុជា”។

ក្នុងសេចក្តីប្រកាសព័ត៌មាន សិក្ខាសាលាស្វែងយល់ពីកម្ពុជា “ការយ​ល់ដឹងពីកាលានុវត្តភាពធុរកិច្ចនៅកម្ពុជា”CDC បានលើកឡើងថា សិក្ខាសាលានេះ រៀបចំឡើងក្រោមការចូលរួមពីលោក សុខ ចិន្តាសោភា រដ្ឋមន្រ្តីប្រតិភូអមនាយករដ្ឋមន្រ្តី អគ្គលេខាធិការ CDC បានថ្លែងអំណរគុណដល់វិនិយោគិន និងធុរជនសិង្ហបុរីដែលបានជ្រើសយកកម្ពុជា ក្នុងការបណ្តាក់ទុននាពេលកន្លងមក។

លោកបានថ្លែងថា “បរិស្ថានវិនិយោគនៅកម្ពុជា មានភាពអំណោយផលជាមូលដ្ឋានគ្រឹះដ៏រឹងមាំ សម្រាប់រង់ចាំទទួលការវិនិយោគរបស់សិង្ហបុរី ដើម្បីច្បាមយកនូវកាលានុវត្តភាពដ៏លើសលុប ក្នុងវិស័យកសិចំណីអាហារ សេវាកម្ម និងកម្មន្តសាល”។ លោកបន្តថា “ការវិនិយោគសិង្ហបុរីនៅកម្ពុជា ពិតជាមានសារៈសំខាន់ សូមអំពាវនាវឱ្យមានការវិនិយោគកាន់តែច្រើនថែមទៀត ពីវិនិយោគិនសក្តានុពលសិង្ហបុរី ដែលនឹងរួមចំណែកដល់ការស្តារឡើងវិញ និងអភិវឌ្ឍន៍សេដ្ឋកិច្ចកម្ពុជាបានយ៉ាងឆាប់រហ័ស”។

លោករដ្ឋមន្រ្តីបានបញ្ជាក់ពីសារៈសំខាន់ នៃច្បាប់ស្តីពីវិនិយោគនៃកម្ពុជា ដែលបានអនុម័តកាលពីខែតុលា ឆ្នាំ២០២១ កន្លងទៅ ដែលផ្តល់ការលើកទឹកចិត្ត ដល់វិនិយោគិនដែលអនុវត្តអភិក្រមប្រតិបត្តិធុរកិ ច្ចប្រកបដោ​យការទទួលខុសត្រូវ និងបរិយាប័ន្នក្នុងការវិនិយោគ និងធុរកិច្ចប្រចាំថ្ងៃរបស់ខ្លួន។

ឯកអគ្គរាជទូតកម្ពុជាប្រចាំនៅសិង្ហបុរី លោកសុខ ខឿនបានលើកឡើងពីយុទ្ធសាស្ត្រការទូតសេដ្ឋកិច្ច ឆ្នាំ២០២១-២០២៣ ដែលបានដាក់ចេញនៅដើមឆ្នាំ២០២១ មានគោលបំណងជំរុញពាណិជ្ជកម្ម វិនិយោគ ទេសចរណ៍ និងវប្បធម៌ ដើម្បីចូលរួមចំណែកអភិវឌ្ឍន៍សេដ្ឋកិច្ចជាតិ និងលើកកម្ពស់កម្ពុជាក្នុងឆាកតំបន់ និងអន្តរជាតិ។
លោកបានបញ្ជាក់ថា “មន្ត្រីការទូតកម្ពុជាបាននិងបំពេញការងារ និងពង្រឹងកិច្ចខិតខំប្រឹងប្រែងរបស់ខ្លួនក្នុងការជំរុញ និងអនុវត្តយុទ្ធសាស្រ្តការទូតសេដ្ឋកិច្ចនេះ ធ្វើយ៉ាងណាទាក់ទាញការវិនិយោគ និងភ្ញៀវទេសចរមកកម្ពុជាឱ្យកាន់តែច្រើនថែមទៀត”។

សហព័ន្ធធុរកិច្ចសិង្ហបុរី ជាសភាធុរកិច្ចកំពូល និងជាស្ថាប័នឈានមុខគេក្នុងការ គាំទ្រផលប្រយោជន៍ សហគមន៍ធុរកិច្ចនៅសិង្ហបុរី លើផ្នែកពាណិជ្ជកម្ម វិនិយោគ និងទំនាក់ទំនងឧស្សាហកម្ម។ ក្នុងកម្រិតជាតិ SBF ធ្វើសកម្មភាព ជាស្ពានតភ្ជាប់រវាងរដ្ឋាភិបាល និងធុរកិច្ចនៅសិង្ហបុរី ដើម្បីបង្កើតបរិស្ថានធុរកិច្ច ប្រកបដោយភាពអំណោយផល។

ក្នុងកម្រិតអន្តរជាតិ SBF តំណាងសហគមន៍ធុរកិច្ចក្នុងវេទិកាទ្វេភាគីតំបន់ និងពហុភាគី ក្នុងគោលបំណងពង្រីកបណ្តាញពាណិជ្ជកម្ម និងធុរកិច្ច​៕

មន្រ្តីជាន់ខ្ពស់ក្រសួងដឹកជញ្ជូនកម្ពុជា ថៃជម្រុញពន្លឿនការសាងសង់ហេដ្ឋារចនាសម្ព័ន្ឋនៅច្រកស្ទឹងបត់ ណងអៀន

ដោយៈគង់ សូរិយា

ភ្នំពេញៈ មន្រ្តីជាន់ខ្ពស់កម្ពុជាដឹកនាំដោយលោកជំទាវកុយ សុដានីរដ្ឋលេខាធិការក្រសួងសាធារណៈការ និងដឹកជញ្ជូន បានធ្វើទស្សនកិច្ចនៅប្រទេសថៃ ដើម្បីជួបពិភាក្សាកិច្ចការសំខាន់ៗជាច្រើន ទាក់ទងការដឹកជញ្ជូ​នរវាងប្រទេសទាំងពីរ។

អ្នកនាំពាក្យ និងជាអនុរដ្ឋលេខាធិការក្រសួងសាធារណៈការ លោកវ៉ាស៊ីម សូរិយាបានមានប្រសាសន៍ឲ្យដឹងនារសៀលថ្ងៃទី២៦ កក្កដាថា លោកទើបបានត្រលប់មកពី អមដំណើរជាមួយលោកជំទាវកុយ សុដានីដែលបានអញ្ជើញទៅកាន់ប្រទេសថៃ ដើម្បីពិភាក្សាការងារសំខាន់ៗចំនួន២ដូចជា ទី១ ពិភាក្សាជាមួយមន្រ្តីជាន់ខ្ពស់ក្រសួងហិរញ្ញវត្ថុថៃ ដើម្បីជម្រុញការកសាង​ហេដ្ឋារចនាសម្ព័ន្ឋ និងការតភ្ជាប់ការដឹកជញ្ជូនរវាងប្រទេសទាំងពីរ។

ទី២ មន្រ្តីជាន់ខ្ពស់ក្រសួងសាធារណៈការ រវាងប្រទេសទាំងពីរ ជម្រុញការកសាងហេដ្ឋារចនាសម្ព័ន្ឋ លើច្រកព្រំដែនស្ទឹងបត់ណង អៀន ដែល​រហូតមកទល់ពេលនេះ ភាគីកម្ពុជាសម្រេចបាន៥០ភាគរយ និងភាគីថៃ​សាងសង់បានតិចជាងនេះ។

លោកវ៉ាស៊ីម សូរិយាបានបន្តថា ជាមួយគ្នានេះ ភាគីទាំងពីរចង់ឲ្យមានជំនួបរវាងរដ្ឋមន្រ្តីដឹកជញ្ជូនប្រទេសទាំងពីរ នៅច្រកខាងលើនេះ ដើម្បីពិភាក្សា និងចចារឡើងវិញលើការដឹកជញ្ជូនឆ្លងកាត់ រវាងប្រទេសទាំងពីរ នៅពេលច្រកព្រំដែននេះបើកដំណើរការ។

លោកបន្តថា ការបើកដំណើរការ​ច្រកព្រំដែនស្ទឹង បត់ ណងអៀននឹងជួយសម្រួលការដឹកជញ្ជូនទំនិញ និងចូលរួមកាត់បន្ថយការកកស្ទះចរាចរណ៍ នៅច្រកទ្វារអន្តរជាតិប៉ោយប៉ែតនា ពេលខាងមុខនេះ៕

ស្ពានតភ្ជាប់ពីទីក្រុងកោះនរា ទៅកាន់ផ្លូវជាតិលេខ១ គ្រោងបើកដំណើរការនៅខែកញ្ញាខាងមុខនេះ

ដោយៈ ជេស៊ីកា

ភ្នំពេញៈ ជាដំណឹងរីករាយមួយ សម្រាប់អ្នកធ្វើដំណើរឆ្លងកាត់ផ្លូវជាតិលេខ១ ដោយស្ពានតភ្ជាប់ពីទីក្រុងកោះនរា ទៅកាន់ផ្លូវជាតិលេខ១នឹងបើកដំណើរការនៅខែកញ្ញា ឬតុលា ឆ្នាំ២០២២ខាងមុខនេះហើយ។

អគ្គនាយករងក្រុមហ៊ុនOCIC លោកទូច សំណាងបានមានប្រសា​សន៍ឲ្យដឹងតាមទូរស័ព្ទកាលពីរសៀលថ្ងៃទី២៦ កក្កដាថា ដំណើរការសាងសង់ ស្ពាននេះ បាននិងកំពុងសម្រេចបានវឌ្ឍនភាពតាមការគ្រោងទុក ដោយផែន​ការរបស់យើង នឹងបើកដំណើរការតាមការលើកឡើងខាងលើនេះ ដើម្បី​ឲ្យប្រជាពលរដ្ឋធ្វើដំណើរពីផ្លូវជាតិលេខ១ មកឆ្លងសាឡាងដែលតភ្ជាប់ពី​កោះនរា មកកាន់ទីក្រុងកោះពេជ្រ។

លោកបន្តថា “ស្ពាននេះនឹងដើរតួនាទីសំខាន់ ក្នុងការសម្រួលការកកស្ទះចរាចរណ៍មួយផ្នែក នៅលើផ្លូវជាតិលេខ១ផងដែរ”។

ជាមួយគ្នានេះ លោកទូច សំណាងបានបង្ហើបឲ្យដឹងផងដែរថា ចំណែកការ​សា​ងសង់ស្ពានតភ្ជាប់រវាងទីក្រុងកោះនរា និងទីក្រុងកោះពេជ្រ នឹងសម្រេចបាន​តាមផែនការនាពេលខាងផងផងដែរ ដោយស្ពាននេះគ្រោងនឹងបញ្ចប់ និងបើកដំណើរការនៅអំឡុងខែតុលា ឆ្នាំ២០២៣ ប្រសិនជាអ្វីៗមិនមានការប្រែប្រួលទេនោះ។

ទៅក្រុងកោះនរាទំហំ១២៥ហិកតា បាននិងកំពុងពន្លឿនការសាងសង់ហេដ្ឋារចនាសម្ព័ន្ឋក្រោមដី ដូចជាខ្សែកាបអុបទិក ប្រព័ន្ឋលូ ប្រព័ន្ឋទឹកស្អាតជាដើម។

លោកទូច សំណាងធ្លាប់បង្ហើបឲ្យដឹងថា ការចំណាយទុនកសាងហេដ្ឋារចនាសម្ព័ន្ឋទាំងមូល រួមទាំងការចាក់ខ្សាច់បំពេញ គ្រោងចំណាយទឹកប្រាក់រហូតដល់២៥០០លានដុល្លារអាមេរិក៕

ផ្លូវជាតិលេខ១០ឆ្លងកាត់ជ្រលងភ្នំ និងព្រៃក្រាស់កំពុងសម្រុកសាងសង់ ប៉ុន្តែប្រឈមបញ្ហាមួយ

 ដោយៈ គង់ សូរិយា

       ភ្នំពេញៈ ផ្លូវជាតិលេខ១០ បាននិងកំពុងសម្រេចបានវឌ្ឍនភាព ជាមួ​យនឹងការសាងសង់ ដែលប្រឈមបញ្ហាមួយចំនួន ដោយសារផ្លូវនេះត្រូវឆ្លងកាត់ជ្រលងភ្នំ និងព្រៃក្រាស់ៗ។

អនុរដ្ឋលេខាធិការ និងជាអ្នកនាំពាក្យក្រសួងសាធារណៈការ និងដឹកជញ្ជូន លោកវ៉ាស៊ីម សូរិយាបានមានប្រសាសន៍ឲ្យដឹងតាមទូរស័ព្ទ កាលពី​រសៀលថ្ងៃទី២៦ កក្កដាថា ការសាងសង់ផ្លូវដ៏សំខាន់នេះ បាននិងកំពុងសម្រេចបានប្រមាណ៧០ភាគរយហើយ ប៉ុន្តែការដ្ឋានបាននិងកំពុងប្រឈ​ម​ការលំបាក ដោយសារធ្លាក់ភ្លៀងខ្លាំងធ្វើឲ្យមានការរអិលបាក់ដី រំខានដល់​ការសាងសង់មួយចំនួន។

លោកបន្តថា “ផ្លូវនេះមានទេសភាពស្អាត មិនចាញ់ផ្លូវជាតិលេ៥៥ឡើយ និងមានស្ថានភាពផ្លូវ ស្រដៀងគ្នានឹងផ្លូវជាតិលេខ៥៥ ទៅកាន់ស្រុកវាលវែង”។ លោកបន្តថា “ស្ថានភាពផ្លូវនេះ មានការប្រឈមការរអិលបាក់ដីដូចគ្នានឹងផ្លូវជាតិលេខ៥៥ផងដែរ ដោយសារផ្លូវនេះមានភ្នំ ជ្រលងភ្នំ និងឆ្លងកាត់ព្រៃក្រាស់ៗណាស់”។

លោកវ៉ាស៊ីម សូរិយាបានបន្តថា ប្រសិនជាធ្វើដំណើរផ្លូវនេះនៅរដូវ​វស្សា ស្ថានភាពអាកាសថាតុមានភាពមនោរម្យណាស់ ពិសេសទេសភាព ពោរពេញដោយភាពស្រស់បំព្រង គួរជាទីគយគន់ ដែលវាអាចនឹងក្លាយជាកន្លែងទាក់ទាញទេសចរណ៍មួយនាពេលអនាគត។

ផ្លូវជាតិលេខ១០ ជាផ្លូវប្រវត្តិសាស្រ្តមួយ ដែលតភ្ជាប់ពីតំបន់ភូមិភាគពាយ័ព្យមកកាន់តំបន់ឆ្នេរជាលើកដំបូង ដោយផ្លូវនេះបានចាកចេញពីស្រុក​សំឡូត ខេត្តបាត់ដំបង ឆ្ពោះមកកាន់ខេត្តពោធិសាត់ និងតភ្ជាប់ទៅកាន់ខេត្តកោះកុង។

កាលពីពេលថ្មីៗនេះ លោកទេសរដ្ឋមន្រ្តីស៊ុន ចាន់ថុលរដ្ឋមន្រ្តីក្រសួង​សាធារណៈការ និងដឹកជញ្ជូនបានស្នើសុំថវិកា ពីសម្តេចតេជោ៦០លានដុល្លារបន្ថែមទៀត ដើម្បីសាងសង់ផ្លូវនេះវាងជួរភ្នំក្រវ៉ាញ។

លោកវ៉ាស៊ីម សូរិយាបានបន្តថា ការសាងសង់ផ្លូវនេះមិនត្រឹមតែជួយ​សម្រួលដល់ការធ្វើចរាចរណ៍ប៉ុណ្ណោះទេ ប៉ុន្តែវាជាការធ្វើសមាហរណកម្មផ្ទៃក្នុងកម្ពុជា ដោយកាត់បន្ថយការពឹងផ្អែក លើការធ្វើពាណិជ្ជកម្មជាមួយប្រទេ​សជិតខាង និងជួយសម្រួលការដឹកជញ្ជូនកសិផល ដែលសម្បូរខ្លាំងនៅភូមិ ភាគពាយ័ព្យប្រទេស មកកាន់កំពង់ផែទឹកជ្រៅ នៅក្នុងខេត្តកោះកុងដើម្បីនាំចេញទៅកាន់ប្រទេសទី៣៕

China’s property crisis burns middle class stuck with huge loans

China’s deepening property bust is sending shock waves through the nation’s 400-million-strong middle class, upending the belief that real estate is a surefire way to build wealth.

 

Now, as property developments stall across the country and house prices fall, many Chinese homeowners are slashing spending, postponing marriage and other life decisions, and, in a growing number of cases, withholding mortgage payments on unfinished homes.

 

Peter, for one, has given up on starting his own business and buying a BMW 5 series after construction on his 2 million yuan (US$300,000) home in Zhengzhou, the capital of Henan province, was halted by China Aoyuan Group. He is now saddled with a mortgage that’s eating up 90 per cent of his disposable income on a home he may never see.

 

“I know every investment comes with a risk and you pay the price for your own choices,” Peter said, asking not to have his full name or any personal details used for fear of reprisal. “But homeowners aren’t the ones to blame and shouldn’t bear the consequences.”

Peter is one of the hundreds of thousands of homebuyers in more than 90 cities across China to boycott a combined 2 trillion yuan in mortgages after firms such as Aoyuan and China Evergrande Group halted projects. A growing number of the nation’s middle class, which has an estimated 70 per cent of its collective wealth tied up in housing, are joining the wildcat actions to refuse payment, posing a threat to the economy and social stability.

 

Chinese authorities are now rushing to defuse the situation, with some proposing a grace period on loan payments and for local governments and banks to step in and rescue the developments.

 

Construction halts may affect 4.7 trillion yuan worth of homes in China, and up to 1.4 trillion yuan, or about 1.3 per cent of the nation’s gross domestic product, may be needed to complete them, Bloomberg Intelligence analyst Kristy Hung estimated.

 

UNIQUE MARKET

China’s housing market is unique in the prevalence of new homes being sold before they are built, with mortgage payments starting immediately after the initial deposit. This presale cash helped fuel a housing boom by allowing developers to begin new projects.

 

While halted real estate projects are not unheard of in China, the depth of the current turmoil is unprecedented. It comes as the economy slows after more than two years of rolling COVID-19 lockdowns and a sweeping crackdown on the private sector in the name of “common prosperity” by President Xi Jinping has pushed youth unemployment to record highs.

 

Home prices have slid for 10 consecutive months, while disposable income per capita growth shrank for the fifth straight quarter at the end of June. It follows a debt boom over the past decade, which saw China’s household leverage rise to 61.6 per cent of its gross domestic product at the end of 2021 from 27.8 per cent at the end of 2011. Still, it’s relatively low compared with major economies like the United States and Japan.

 

Hong Hao, a former China strategist at Bocom International Holdings, said the mortgage refusals will suppress house prices and sales, creating a negative wealth effect that will ripple through the economy.

 

“I don’t think it’s a good bet,” Hong said of the property market. “Many have gotten used to thinking home prices will never fall. But a paradigm shift is here.”

 

Andy Xie, a Shanghai-based independent economist, said the long property cycle had turned.

 

“The high and rising prices were justified on growth, that is, one day income will catch up,” Xie said. “That is no more.”

 

In China, where disposable income per capita is just a fraction of that in the US, it often takes years of savings to afford an apartment, which normally costs a few million yuan in main urban centers. Young couples typically rely on parents and grandparents to help finance purchases – the so-called “six wallets”.

 

Li, a technology firm worker who has taken a 25 per cent pay cut this year, now uses a third of his salary to make a monthly 4,000 yuan mortgage payment on a stalled Evergrande development in Wuhan. This month, he joined about 5,000 others in a boycott to push the local government and the developer to restart construction on the project, which is supposed to house 39 residential skyscrapers.

 

The 26-year-old says he’s “terrified” about his prospects and is afraid to start a relationship because he’s unsure he will own property – seen as a requirement for marriage.

 

LEGAL REMEDIES

Homebuyers are also looking at legal remedies, particularly against banks. Several preceding court rulings were in favour of buyers, nullifying their home purchase contracts and ordering the developers to return down payments and repay the remaining mortgages to banks instead.

 

Guo, the buyer of an Evergrande project in Henan, has sued his bank after the project was halted last year and his lender failed to transfer the funds intended for construction into an escrow account.

 

“It’s the escrow bank and developer that violated the laws, why should home buyers pay the price?” he said.

 

Peter’s bank also failed to transfer money into an escrow account that was supposed to backstop the project, giving the developer free rein to use the funds, he and other home buyers claimed in their mortgage boycott letter.

 

Evergrande and Aoyuan didn’t immediately respond to requests seeking comment.

Not all people are willing to protest or pressure local governments. Tom, who in 2021 bought into an Evergrande project in Jingdezhen, has no plans to stop mortgage payments or join protests for fear it could hurt his credit rating. He’s confident the local government will ensure the project’s completion.

 

But many buyers, in particular the elderly, don’t have the luxury to wait. Liu, a retiree in Jingdezhen, couldn’t qualify for a bank loan and used his life savings of about 800,000 yuan on an apartment with an elevator. He has made two visits to the construction site and found no sign of activity.

 

“The best we can hope for is that the government can fix it,” said Liu, who lives on a pension of about 3,500 yuan a month. “But let’s be honest, even that seems like a forlorn hope.”

 

Source: Bloomberg

Saudi Arabia plans $1 trillion mirrored skyscraper in Neom

Saudi Arabia is embarking on an ambitious plan to build the world’s largest structure in the northwest of the kingdom, The Wall Street Journal (WSJ) newspaper reported, after viewing hundreds of pages of confidential planning documents that revealed for the first time the lay-out for the plan.

 

The structure, known as the Mirror Line, will be comprised of two glass reflective buildings measuring up to 488 metres (1,600 feet) high, running parallel for 120 kilometres (75 miles) across coastal, mountain and desert terrain.

 

The two buildings will be connected via walkways, and a high-speed train will run underneath them. The structure is expected to cost a whopping $1 trillion upon completion and is projected to house five million people who will be able to travel end-to-end within a 20-minute stretch.

The documents seen are from 2021, and include concept designs such as integrated vertical farming, a marina for yachts, and a sports stadium built up to 305 metres (1,000 feet) above ground.

 

The structure is the epicentre of Crown Prince and de facto ruler Mohammed bin Salman’s zero-carbon smart city project called Neom, which will cost another $500bn to build and is the size of the US state of Massachusetts.

 

Neom is owned by Saudi Arabia’s sovereign-wealth fund and is part of a framework called Saudi Vision 2030, a plan that seeks to diversify Saudi Arabia’s economy and reduce its dependence on oil.

 

While the deadline to build Neom is 2030, the WSJ reported that an initial impact assessment of the Mirror Line produced in January 2021 said the development would have to be constructed in stages, and could take 50 years to complete.

 

The Mirror Line’s initial design is by the US-based Morphosis Architects, founded by Pritzker Architecture Prize winner Thom Mayne, and involves at least nine other design and engineering consultants.

 

SOURCE: AL JAZEERA

សំណង់រីកចម្រើន បាននិងកំពុងជម្រុញតម្រូវការភ្នាក់ងារលក់ខុនដូនៅកម្ពុជាមានកំណើនខ្ពស់

 ដោយៈ វឌ្ឍនៈ

ភ្នំពេញ ៖ ការអភិវឌ្ឍខុនដូនៅក្នុងប្រទេសកម្ពុជា ត្រូវបានគេឃើញថាចាប់ផ្ដើមមានសកម្មភាពឡើងវិញ ទាំងគម្រោងខុនដូ ដែលបានផ្អាកនិងគម្រោងខុនដូថ្មីៗ ហើយក៏ជាសញ្ញាវិជ្ជមានសម្រាប់ទីផ្សារនេះ ទាំងមូលផងដែរ។

ទន្ទឹមនឹងការរីកចម្រើននេះ តម្រូវការភ្នាក់ងារលក់ខុនដូ នៅក្នុងប្រទេ​សកម្ពុជាក៏ត្រូវបានរំពឹងថា នឹងមានកំណើនឡើងបន្ថែមទៀត។

អគ្គនាយកក្រុមហ៊ុនអចលនទ្រព្យ ERA  Cambodiaលោកខន គង្គា

បានមានប្រសាសន៍ឱ្យដឹងកាលពីសប្តាហ៍មុនថា សញ្ញាវិជ្ជមាននៃជនបរទេ​សហូរចូលមកកម្ពុជា នឹងធ្វើឱ្យតម្រូវការទីផ្សារខុនដូនៅកម្ពុជា មានកំណើនឡើង ហើយទន្ទឹមនឹងនោះដែរ កំណើនភ្នាក់ងារលក់ខុនដូ នៅក្នុងប្រទេសកម្ពុជាក៏នឹងមានតម្រូវការខ្ពស់ដូចគ្នា។

លោកបន្តថា “ក្រុមហ៊ុនរបស់លោក ERA ត្រូវការភ្នាក់ងារបន្ថែម ដើម្បីបំពេញទៅតាមកំណើនអតិថិជន ដែលត្រូវការទិញខុនដូក្នុងប្រទេសកម្ពុជា ជាពិសេសនោះភ្នាក់ងារដែលចេះភាសាចិន គឺមានអាទិភាពខ្ពស់និងអាចរកចំណូលបានច្រើន”។ លោកបបន្តថា “យើងរំពឹងថាជនជាតិនឹងចូលមកកម្ពុជាក្នុងរយៈពេលខ្លីខាងមុខ ដើម្បីស្វែងរកទិញខុនដូនៅក្នុងប្រទេសកម្ពុជា”។

ទន្ទឹមនឹងតម្រូវការនៃភ្នាក់ងារលក់ខុនដូនេះដែរ នៅពេលជនបរទេសចូលមកកម្ពុជាកាន់តែច្រើន បរិមាណខុនដូដែលកម្ពុជាមានស្រាប់ នៅពេលនេះ អាចនឹងមិនគ្រប់គ្រាន់សម្រាប់ផ្គត់ផ្គង់លើទីផ្សារ ពីព្រោះថាប្រជាពល​រដ្ឋក្នុងស្រុករបស់យើង ទិញខុនដូក៏មានកំណើនច្រើនឡើងផងដែរ ពីមួយឆ្នាំទៅមួយឆ្នាំ។ ដូច្នេះបើសិនជាជនបរទេសចូលមកកម្ពុជាឡើងវិញ វានឹងធ្វើឱ្យតម្រូវការខុនដូកាន់តែមានសន្ទុះឡើង ។

លោកបន្ថែមថា អ្នកអភិវឌ្ឍន៍ខុនដូនៅក្នុងប្រទេសកម្ពុជា ក៏មានការបែងចែកទៅតាមប្រភេទនៃអតិថិជន និងគោលដៅអតិថិជនរបស់ខ្លួនផងដែរ ដោយអ្នកអភិវឌ្ឍន៍ខ្លះ គាត់អភិវឌ្ឍន៍លើតែអតិថិជនបរទេស គាត់អភិ​វឌ្ឍន៍ខុនដូកម្រិតខ្ពស់ ហើយបើអ្នកអភិវឌ្ឍន៍ ដែលផ្ដោតទៅលើអតិថិជនក្នុងស្រុក អាចអភិវឌ្ឍន៍ត្រឹមកម្រិតកណ្ដាល ឬចំណូលមធ្យមជាដើម ។

ប្រធានផ្នែកលក់នៃគម្រោងខុនដូមួយនៅ តំបន់ជាយក្រុងភ្នំពេញ បានឱ្យដឹងថា លោកកំពុងតែប្រកាសរកភ្នាក់ងារខុនដូ សម្រាប់អ្នកមានចំណូលក្រោមមធ្យម និងមធ្យមក្នុងការស្នាក់នៅ ហើយវារឹតតែពិបាកក្នុងការប្រកា​សស្វែងរកណាស់ ទោះបីជាយើងផ្ដល់នូវប្រាក់កម្រៃជើងសារ និងប្រាក់ខែជូនខ្ពស់ក្ដី

បើតាមលោកជូ វណ្ណៈអគ្គនាយកនិយ័តករអចលនវត្ថុនិងបញ្ចាំ នៃក្រ​សួងសេដ្ឋកិច្ច និងហិរញ្ញវត្ថុបានលើកឡើងថា វិស័យអចលនទ្រព្យរីកចម្រើន មានក្រុមហ៊ុននិងភ្នាក់ងារ ធ្វើអាជីវកម្មលើវិស័យច្រើន ប៉ុន្តែមួយចំនួននៅមិនទាន់បានចុះបញ្ជី ទៅតាមច្បាប់ទម្លាប់ច្បាស់លាស់នៅឡើយទេ។ ដូច្នេះដើម្បីផ្ដល់ទំនុកចិត្តដល់វិនិយោគិនជាតិ និងអន្តរជាតិក៏ដូចជាការប្រកួតប្រជែងដោយស្មើភាព អ្នកប្រកបរបរទាំងនោះ គួរមានច្បាប់ទម្លាប់ត្រឹមត្រូវ និងលើកទឹកចិត្តឱ្យចុះបញ្ជីនៅក្រសួង ដើម្បីឱ្យក្រសួងអាចជួយពួកគេបានវិញ៕

អារ៉ាប៊ីសាអូឌីតគ្រោងចំណាយ១ទ្រីលានដុល្លារសាងសង់អគារកប់ពពកធំបំផុតក្នុងពិភពលោក

ដោយៈ សុខុម

ក្រុងរីយ៉ាដ: ប្រទេសអារ៉ាប៊ីសាអូឌីត កំពុងចាប់ផ្តើមផែនការដ៏ធំមហិមាមួយ ពោលគឺការសាងសង់អគារ ដែលធំបំផុតរបស់ពិភពលោកនៅភាគពាយ័ព្យនៃព្រះរាជាណាចក្រមួយនេះ។ នេះបើយោងតាមការចុះផ្សាយរបស់កាសែត The Wall Street Journal (WSJ)។

ផ្អែកតាមសារព័ត៌មាន Aljazeera ដែលបានចុះផ្សាយកាលពីថ្ងៃច័ន្ទ ទី២៥ ខែកក្កដា ឱ្យដឹងថា សំណង់អគារដែលមានឈ្មោះថា Mirror Line ខាងលើនេះ នឹងមានអគារកញ្ចក់ភ្លោះ មានកម្ពស់រហូតដល់ទៅ៤៨៨ម៉ែត្រនៅភូមិសាស្ត្រដែលមានតំបន់ឆ្នេរ តំបន់ភ្នំ និងវាលខ្សាច់។

អគារភ្លោះនេះ នឹងត្រូវតភ្ជាប់គ្នាដោយស្ពានថ្មើរជើង ហើយរថភ្លើងល្បឿនលឿន នឹងរត់ពីក្រោមអគារនេះយ៉ាងអស្ចារ្យ។ កាមការរំពឹងទុក គម្រោងសំណង់អគារនេះ នឹងត្រូវបានសាងសង់ក្រោមទុនវិនិយោគមហាសាលរហូតដល់ទៅ១ទ្រីលានដុល្លារអាមេរិកឯណោះ។

គម្រោងនេះរួមបញ្ចូលទាំងការឌីហ្សាញ ដូចជា កសិកម្មបែបបញ្ឈរ (Vertical Farming) ដែលជាការដាំដំណាំជាលក្ខណៈបញ្ឈរ ផែសម្រាប់នាវាកម្សាន្តចូលចត និងពហុកីឡដ្ឋានដែលនឹងសាងសង់ កម្ពស់៣០៥ម៉ែត្រផុតពីដីផងដែរ។

សំណង់អគារនេះ គឺចំណុចស្នូលនៃគម្រោងទីក្រុងឆ្លាតវៃគ្មានកាបូនដែលមានឈ្មោះថា Neom របស់ព្រះអង្គម្ចាស់រាជទាយាទ Mohammed bin Salman។

គម្រោងទីក្រុងឆ្លាតវៃគ្មានកាបូន ដែលតាមការអះអាថា មានទំហំធំប៉ុនរដ្ឋ Massachusetts របស់សហរដ្ឋអាមេរិក នេះគ្រោងចំណាយទុនវិនិយោគ រហូតដល់ទៅ៥០០ពាន់លានដុល្លារអាមេរិក បន្ថែមទៀត៕ Aljazeera៕

សម្ដេចតេជោអនុវត្តន៍នូវយុទ្ធសាស្ត្រពីរក្នុងការទាក់ទាញវិនិយោគិនបរទេសមកកម្ពុជា

ដោយៈ សុផារី

ភ្នំពេញៈ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានអនុវត្តន៍នូវយុទ្ធសាស្ត្រចំនួនពីរ ក្នុងការទាក់ទាញនូវវិនិយោគិនបរទេស មកកាន់ប្រទេសកម្ពុជា។

យុទ្ធសាស្ត្រទី១ គឺ “ត្រីណាមកដល់មុន គឺចាប់យកត្រីនោះ” និងទី២ “ត្រូវធ្វើយ៉ាងណាឱ្យក្រុមហ៊ុនទាំងអស់ដែលមកកម្ពុជា មានជំនឿចិត្តចំពោះកម្ពុជា”។

នេះបើយោងតាមការថ្លែងរបស់សម្តេចតេជោ ហ៊ុន សែន នៅថ្ងៃទី២៦ ខែកក្កដា ឆ្នាំ២០២២ ក្នុងឱកាសអនុញ្ញាតឱ្យលោក យ៉ូស៊ីហ៊ីសា កៃនុម៉ា (Yoshihisa Kainuma) នាយកប្រតិបត្តិក្រុមហ៊ុនមីនីបៀ (Minebea Mitsumi) ចូលជួបសម្តែងការគួរសម និងពិភាក្សាកិច្ចការមួយចំនួនពាក់ព័ន្ធការវិនិយោគរបស់ក្រុមហ៊ុននៅកម្ពុជា។

លោក កៃនូម៉ា បានរាយការណ៍ថា ក្រុមហ៊ុនមីនីបៀ បានដាក់ទុនវិនិយោគសរុបប្រមាណ១,១២៤ពាន់លានយ៉េន នៅទូទាំងពិភពលោក ដែលមាន៩៥កន្លែង។ ក្រុមហ៊ុនយកចិត្តទុកដាក់ខ្លាំង ទៅលើគុណភាព តម្លៃ សេដ្ឋកិច្ច សេវាល្អ និងល្បឿនលឿន និងជាពិសេសទៅលើវិស័យបរិស្ថាន។

លោក កៃនូម៉ា បានបន្ថែមថា រោងចក្ររបស់លោកផលិតភ្លើងអំពូលអិលអ៊ីឌី១០០% នៅកម្ពុជា ហើយនាំចេញទៅលើទីផ្សារទូទាំងពិភពលោក។ នៅក្នុងប្រទេសកម្ពុជា ក្រុមហ៊ុនបានតំឡើងអំពូលLED បានចំនួន18.880អំពូល ដោយបានកាត់បន្ថយការប្រើប្រាស់អគ្គិសនី និងការសាយភាយឧស្ម័នកាបូនិច និងការចំណាយលើអគ្គិសនី ប្រមាណ១លានដុល្លារក្នុង១ឆ្នាំផងដែរ។

លោកក៏បានគោរពអញ្ជើញសម្ដេចតេជោ ជាអធិបតីក្នុងពិធីខួបទី១០ឆ្នាំនៃវត្តមានរបស់ក្រុមហ៊ុន មីនីបៀនៅកម្ពុជាផងដែរ។

ជាការឆ្លើយតបសម្ដេចតេជោ បានសម្ដែងនូវការរីករាយ និងសាទរជូនចំពោះក្រុមហ៊ុន ដែលរយៈពេល១០ឆ្នាំកន្លងមក បានទទួលជោគជ័យក្នុងការពង្រីកសកម្មភាពរបស់ខ្លួនជាបន្តបន្ទាប់។

សម្ដេចតេជោ ក៏បានរំឭកអំពីប្រវត្តិក្រុមហ៊ុនមីនីបៀ ជាពិសេសនៅពេល ដែលក្រុមហ៊ុនសម្រេចចិត្តមកវិនិយោគនៅកម្ពុជា។

សម្តេចបានមានប្រសាសន៍ថា ពេលនោះសម្ដេចបានអនុវត្តនូវយុទ្ធសាស្ត្រចំនួន២គឺ “ត្រីណាមកដល់មុនគឺចាប់យកត្រីនោះ” និង“ត្រូវធ្វើយ៉ា​ងណាឱ្យក្រុមហ៊ុនទាំងអស់ ដែលមកកម្ពុជាមានជំនឿចិត្តចំពោះកម្ពុជា”៕