អ្នកអភិវឌ្ឍន៍លំនៅឋានចាំបាច់ត្រូវមានចំណេះដឹងសំខាន់ៗចំនួនពីរ ដើម្បីទទួលបានជោគជ័យ

ដោយ៖ វឌ្ឍនៈ

ភ្នំពេញ ៖ អ្នកអភិវឌ្ឍន៍លំនៅឋានថ្មីៗក៏កាន់តែច្រើនបានចូលប្រឡូកនៅក្នុងការអភិវឌ្ឍលំនៅឋាន ដើម្បីបំពេញទៅតាមទីផ្សារនាពេលបច្ចុប្បន្ននិងពេលអនាគត។ អ្នកជំនាញនៃការវិនិយោគអចលនទ្រព្យ និងហិរញ្ញវត្ថុមួយរូប បានលើកឡើងថា អ្នកអភិវឌ្ឍន៍លំនៅឋានត្រូវតែជាអ្នកមានចំណេះដឹងហិរញ្ញវត្ថុផង និងជាអ្នកក្ដោបព័ត៌មានទីផ្សារពូកែផង។

នៅក្នុងកិច្ចសម្ភាសន៍មួយកាលពីពេលថ្មីៗនេះ លោក ង៉ែត ជូ អ្នកជំនាញវិស័យហិរញ្ញវត្ថុជាង២០ឆ្នាំ និងជាអ្នកវិនិយោគលើអចលនទ្រព្យមួយរូប បានឱ្យដឹងថា អ្នកអភិវឌ្ឍន៍គម្រោងលំនៅឋាន ចាំបាច់ត្រូវមានចំណេះដឹងទូលំទូលាយណាស់ និងត្រូវយល់ពីផ្លូវច្បាប់ យល់ពីចរន្តសេដ្ឋកិច្ច យល់ពីតម្រូវការរបស់មនុស្ស ដោយត្រូវសិក្សាស្វែងយល់ច្បាស់លាស់មុននឹងចាប់ផ្ដើមសាងសង់។

លោកបន្តថា អ្នកអភិវឌ្ឍន៍លំនៅឋានជោគជ័យ ជាអ្នកមានធនធានហិរញ្ញវត្ថុខ្ពស់ ពីព្រោះគម្រោងអភិវឌ្ឍន៍មួយ ត្រូវការទុនច្រើន។ ជាក់ស្ដែង គម្រោងខ្លះត្រូវការទុន៥០លានដុល្លារ ៦០លានដុល្លារ និងមានរហូតដល់១០០លានដុល្លារអាមេរិកក៏មាន។

លោកថា ”អ្នកអភិវឌ្ឍន៍លំនៅឋានគម្រោងកាន់តែធំ ហានិភ័យនៃការខាតបង់ក៏កាន់តែធំដែរ បើសិនជាអ្នកអភិវឌ្ឍន៍គម្រោងខ្នាតតូច នៅពេលខាតបង់ក៏តិចដែរ”។

លោកបន្ថែមថា ការវិនិយោគលំនៅឋាន ឬអចលនទ្រព្យ មិនចាំបាច់សុទ្ធតែ មានលុយរាប់លានដុល្លារនោះទេ។ អ្នកខ្លះមានលុយតែប៉ុន្មានម៉ឺនដុល្លារ អាចទិញបានផ្ទះតែមួយល្វែង ក៏អាចវិនិយោគបានដែរ ដោយលក់បន្ត យកប្រាក់ចំណេញ ហើយធ្វើការបែបនេះជាបន្តបន្ទាប់ ដើម្បីរកប្រាក់ចំណេញ។

លោកថា បច្ចុប្បន្ននេះ អ្នកដែលទិញផ្ទះមួយល្វែង ពីរល្វែង ដើម្បីជាការវិនិយោគ មានច្រើន ដោយពួកគាត់ទិញតាំងពីគម្រោងនោះមិនទាន់លេចជារូបរាង ហើយនឹងលក់វិញ នៅពេលគម្រោងផ្ទះនោះ បានសាងសង់រួចរាល់។

លោក លី រស្មី រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានលើកឡើងថា តម្រូវការលំនៅឋាន នៅក្នុងប្រទេសកម្ពុជា កំពុងកើនឡើងជាបន្តបន្ទាប់ ជាពិសេសនៅពេលអនាគតខាងមុខនេះ តម្រូវការនឹងឡើងខ្ពស់នៅក្នុងរាជធានីភ្នំពេញ។ តាមការព្យាករណ៍ អ្នកវិនិយោគលើលំនៅឋាន អាចនឹងបង្កើនការវិនិយោគរបស់ខ្លួនបន្ថែមទៀត ដើម្បីផ្តត់ផ្គង់នៅលើទីផ្សារ។

បច្ចុប្បន្ននេះ ការអភិវឌ្ឍលំនៅឋានក្នុងប្រទេសកម្ពុជាមានច្រើនបែបសណ្ឋាន រួមមាន ការអភិវឌ្ឍជាអគារសហកម្មសិទ្ធិ ឬខុនដូ ប្រភេទផ្ទះវីឡា ផ្ទះល្វែង និងលំនៅឋានតម្លៃសមរម្យជាដើម។ សម្រាប់រាល់គម្រោងណា ដែលមានការកែច្នៃទាក់ទាញ ដល់ប្រជាពលរដ្ឋ គម្រោងនោះកាន់តែមានអ្នកគាំទ្រច្រើន ទោះបីទីតាំងនៅឆ្ងាយពីភ្នំពេញបន្តិចក្ដី៕

ទីផ្សារឃ្លាំងជួលប្រឈមការប្រកួតប្រជែងខ្ពស់ ខណៈកំណើនតម្រូវការបន្តនៅតិចតួច

ដោយ៖ សុផារី

ភ្នំពេញ៖ ការរីកចម្រើនវិស័យឧស្សាហកម្ម បាននិងកំពុងបន្តកើនឡើង ធ្វើឲ្យមានតម្រូវការអចលនទ្រព្យដីធ្លីគួរ។

យ៉ាងណាក្តី អ្នកជំនាញមើលឃើញថា តម្រូវការឃ្លាំងផ្ទុកទំនិញ នៅតាមបណ្តាតំបន់ជាយក្រុង និងខេត្តជាយក្រុង នៅមិនទាន់មានកំណើន គួរឱ្យកត់សម្គាល់នោះឡើយ ស្របទៅនឹងកំណើនរោងចក្រសហគ្រាសនោះទេ។

លោកប៉ូ អ៊ាវគង់ អគ្គនាយកក្រុមហ៊ុនអចលនទ្រព្យ Advance បានឱ្យដឹងថា តម្រូវការឃ្លាំងជួល នៅមិនទាន់មានកំណើនគួរឱ្យកត់សម្គាល់ទេ ដោយសារយើងអាចមើលឃើញពីបរិមាណនៃកំណើនឧស្សាហកម្ម មានភាពប្រដំប្រសងគ្នា ពីមួយឆ្នាំទៅមួយឆ្នាំ។

លោកមានប្រសាសន៍ថា “ទាក់ទងនឹងគម្រោងការប្រើប្រាស់រោងចក្រ ទិន្នន័យការបិទការបើករោងចក្រ ហាក់ដូចជាស្ថិតនៅក្នុងលក្ខខណ្ឌមួយ មិនមានការប្រែប្រួលខ្លាំងណាស់ណានោះទេ។ កំណើនឃ្លាំង អាចមើលឃើញថា ក៏មិនមានតម្រូវការខ្លាំងណាស់ណានោះទេ”។

អ្នកជំនាញរូបនេះមើលឃើញថា តម្លៃជួលឃ្លាំងក៏មិនមានការប្រែប្រួលខ្លាំងខុសពីឆ្នាំ២០២១នោះទេ ដោយម្ចាស់អាជីវកម្មខ្លះបានប្រើប្រាស់វិធីសាស្ត្រក្នុងការបញ្ចុះតម្លៃជូនដល់អតិថិជន ដែលជួលក្នុងរយៈពេលវែង ដើម្បីលើកទឹកចិត្ត និងទាក់ទាញ ជំរុញចរន្តនៃការជួលឃ្លាំងឡើងវិញ ក្រោយប្រឈមផលប៉ះពាល់ ដោយសារវិបត្តិជំងឺ។

លោកថា “តម្លៃនៃការជួលឃ្លាំងហាក់ដូចជាដូចជាមួយឆ្នាំទៅទេ។ មានកន្លែងខ្លះ ក្នុងលក្ខខណ្ឌលើកទឹកចិត្ត គេឃើញមានការ Discount ជូនអតិថិជន ដែលជួលក្នុងរយៈពេលវែង នៅក្នុងទីតាំងរបស់គេ ជាពិសេសតាំងពីសម័យកូវីដ១៩ឆ្នាំ២០២០មក ដើម្បីទាក់ទាញគម្រោងឧស្សាហកម្ម វាយនភណ្ឌ ក៏ដូចជាការប្រើប្រាស់ឃ្លាំងស្តុកទំនិញផ្សេងៗ ដើម្បីឱ្យមានចរន្តជួលឡើងវិញ”។

លោកបន្តថា “នាពេលបច្ចុប្បន្ននេះ រោងចក្រមានបើក មានបិទ តែក្នុងការផ្សព្វផ្សាយមានតែការបើកគម្រោងតែប៉ុណ្ណោះ។ តាមការសិក្សា ក្នុងដំណាក់កាលនេះ វាមានកំណើននៃការបើក ក៏មានកំណើននៃការបិទដូចគ្នា តែកំណើននៃការបើកថ្មីមានចំនួនច្រើនជាងបន្ទិច”។

បើតាមអ្នកជំនាញរូបនេះបានឱ្យដឹងថា កំណើននៃរោងចក្រនៅក្នុងតំបន់សេដ្ឋកិច្ចនានាមានកំណើន ដែលបណ្តាលឱ្យមានការប្រកួតប្រជែង ក្នុងការទាក់ទាញទៅតាមតំបន់នីមួយៗ។

លោកប៊ុន ហួត អគ្គនាយកក្រុមហ៊ុនភីស៊ីវ ប្រភើធី បានមានប្រសាសន៍ឱ្យដឹងថា នៅតាមបណ្តោយផ្លូវជាតិលេខ៥១ ដែលជាតំបន់ប្រមូលផ្ដុំដោយរោងចក្រ សហគ្រាស និងគម្រោងអភិវឌ្ឍន៍នានា គេសង្កេតឃើញថា ចំនួនរោងចក្រ នៅបន្តហូរចូលមកជាបន្តបន្ទាប់ ប៉ុន្តែតម្រូវការឃ្លាំងជួល នៅមិនទាន់មានច្រើនណាស់ណានោះទេ៕

តើប្រទេសណាដែលមានតម្លៃប្រេងថោកបំផុតក្នុងពិភពលោក?

ដោយ: វឌ្ឍនៈ

ភ្នំពេញ ៖ ពិភពលោកកំពុង ជួបប្រឈមនឹង វិបត្តិប្រេងឥន្ធនៈហក់ឡើង ខ្ពស់ដោយសារតែ វិបត្តិសង្គ្រាមរវាងរុស្ស៊ី និងអ៊ុយក្រែន ធ្វើឱ្យប្រទេសជាច្រើន លើពិភពលោកនេះ មានបញ្ហាខ្វះប្រេង និងប្រេងហក់ឡើងខ្ពស់ រួមទាំងកម្ពុជាផងដែរ ។

បើក្រលេកទៅមើលប្រទេស មួយចំនួនទៀតលើពិភពលោក នេះបែរជាមានតម្លៃប្រេងសាំង ទាបមិនគួរឱ្យជឿ ក្នុងនោះប្រទេសមួយនោះតម្លៃសាំងត្រឹមតែ២សេន ប៉ុណ្ណោះក្នុងមួយលីត្រ។

យោងតាម Global Prol Prices បានបង្ហាញ ពីតម្លៃប្រេងនៅតាមប្រទេស នីមួយៗលើពិភពលោក តែថ្ងៃនេះ យើង នឹងលើកយក ប្រទេស ចំនួន ១០ ដែលមានតម្លៃប្រេង ទាបជាង គេ ។ តម្លៃនេះ គឺ គិតនៅដើមខែឧសភា ២០២២ ។

1. ប្រទេស វេណេហ្ស៊ុយអេឡា តម្លៃប្រេងត្រឹមតែ ២សែន ដុល្លារ ក្នុងមួយលីត្រ
2. ប្រទេស លីប៊ី តម្លៃប្រេងកាលពីដើមខែឧសភា ត្រឹមតែ៣,១សេន ដុល្លារ ក្នុងមួយលីត្រ
3. ប្រទេស អ៊ីរ៉ង់ តម្លៃប្រេង ត្រឹមតែ ៥,៣សេន ដុល្លារ ក្នុងមួយលីត្រ

4. ប្រទេស ស៊ីរី តម្លៃប្រេង ត្រឹមតែ ២៨សេន ដុល្លារ ក្នុងមួយលីត្រ
5. ប្រទេស អាល់ហ្សេរី តម្លៃប្រេង ត្រឹមតែ ៣១សេនដុល្លារ ក្នុងមួយលីត្រ

6. ប្រទស គុយវ៉េត តម្លៃប្រេង ត្រឹមតែ ៣៤សេន ដុល្លារ ក្នុងមួយលីត្រ
7. ប្រទេស អង់ហ្កោឡាតម្លៃប្រេង ត្រឹមតែ៣៩ សេនដុល្លារ ក្នុងមួយលីត្រ

8 ប្រទេស តួកមេនីស្ថាន តម្លៃប្រេង ត្រឹមតែ ៤២សេនដុល្លារ ក្នុងមួយលីត្រ
9 ប្រទេស នីហ្សេរីយ៉ា តម្លៃប្រេងត្រឹមតែ ៤៤សែន ដុល្លារ ក្នុងមួយលីត្រ
10. ប្រទេស ម៉ាឡេស៊ី តម្លៃប្រេងត្រឹមតែ ៤៦សេនដុល្លារក្នុងមួយលីត្រ៕

ថ្លៃឈ្នួលផ្ទះនៅសង្កាត់ Manhattan ដ៏ល្បីល្បាញរបស់សហរដ្ឋអាមេរិក ហក់ឡើងខ្ពស់មិនធ្លាប់មាន

ដោយ សុខុម

ញូវយ៉ក: ថ្លៃឈ្នួលផ្ទះនៅសង្កាត់ Manhattan ដ៏ល្បីល្បាញនៃក្រុងញូវយ៉ក សហរដ្ឋអាមេរិក បានហក់ឡើងខ្ពស់មិនធ្លាប់មានរយៈពេល៣ខែជាប់គ្នា។ នេះបើយោងតាមសារព័ត៌មាន CNN ចុះផ្សាយកាលពីសប្ដាហ៍មុន។

ផ្អែកតាមរបាយការណ៍បស់ក្រុមហ៊ុនអចលនទ្រព្យអាមេរិកចំនួន២ គឺក្រុមហ៊ុន Douglas Elliman និងក្រុមហ៊ុន Miller Samuel Real Estate Appraisers & Consultants បង្ហាញថា ថ្លៃឈ្នួលខុនដូ ឬអាផាតម៉ិនក្នុងសង្កាត់ Manhattan ជួលក្នុងមួយខែ៣.៨៧០ដុល្លារ ក្នុងខែមេសា ដោយហក់ឡើងរហូតដល់ទៅ៣៩%ធៀបនឹងថ្លៃឈ្នួល២.៧៩១ដុល្លារ ក្នុងឆ្នាំ២០២១។

លោក Jonathan Miller ប្រធាន និងជានាយកប្រតិបត្តិក្រុមហ៊ុន Miller Samuel បានថ្លែងថា “ថ្លៃឈ្នួលផ្ទះបានហក់ឡើងខ្ពស់ខ្លាំងក្នុងខែមេសា ដោយហក់ឡើងជិត៤០%” ខណៈការផ្គត់ផ្គង់ធ្លាក់ចុះខ្លាំង។

លោកគូសបញ្ជាក់ថា ការហក់ឡើងថ្លៃឈ្នួលនេះក៏ប្រហែលជាទទួលរងឥទ្ធិពលពីស្ថានភាពក្នុងទីផ្សារទិញលំនៅដ្ឋានផងដែរ នោះគឺការកើនឡើងអត្រាការប្រាក់សម្រាប់កម្ចីទិញផ្ទះ។

អត្រាការប្រាក់សម្រាប់កម្ចីទិញផ្ទះដែលមានអត្រាថេររយៈពេល៣០ឆ្នាំ បានហក់ឡើងលើស៥%កាលពីខែមុន ហើយរំពឹងថានឹងបន្តហក់ឡើងថែមទៀតដែលបង្ខំឱ្យអ្នកដែលមានគម្រោងទិញផ្ទះត្រូវផ្អាកទិញសិន ឬគ្មានលទ្ធភាពទិញ ខណៈការបង់រំលស់ប្រចាំខែ ដែលកើនឡើងខ្ពស់ ធ្វើឱ្យពួកគេជាច្រើនបាត់បង់លទ្ធភាពទិញ។

លោក Jonathan Miller បានបន្ថែមទៀតថា “ការកើនឡើងអត្រាការប្រាក់សម្រាប់កម្ចីទិញផ្ទះបានធ្វើឱ្យអ្នក ដែលបម្រុងទិញផ្ទះ ត្រូវផ្អាកទិញ ហើយហក់ចូលក្នុងទីផ្សារជួល ជាហេតុធ្វើឱ្យថ្លៃឈ្នួល និងតម្រូវការផ្ទះជួលហក់ឡើងខ្ពស់មិនធ្លាប់មាន”៕ CNN៕

ទីផ្សារលំនៅដ្ឋានសិង្ហបុរី ចាប់ផ្ដើមមានស្ថិរភាពឡើងវិញ ក្រោយរដ្ឋាភិបាលដាក់ចេញវិធានការបន្តបន្ទាប់

ដោយសុខុម

សិង្ហបុរី: ក្រុមអ្នកវិភាគក្នុងវិស័យអចលនទ្រព្យបានលើកឡើងថា ការលក់លំនៅដ្ឋានឯកជនថ្មីនៅក្នុងប្រទេសសិង្ហបុរី “ហាក់ចាប់ផ្ដើមមានស្ថិរភាព” ឡើងវិញគួរឱ្យសាទរ បន្ទាប់ពីរដ្ឋាភិបាលបានដាក់ចេញវិធានការ កាលពីចុងឆ្នាំ២០២១។

ដោយមិនទាន់ទាំងរាប់បញ្ចូលខុនដូ Executive Condominium (ប្រភេទខុនដូសម្រាប់អ្នកមានវណ្ណៈកណ្ដាល) ក្រុមហ៊ុនអភិវឌ្ឍន៍លំនៅដ្ឋាននានាលក់ផ្ទះបានចំនួន៦៥៣យូនីតក្នុងខែមេសា បើធៀបនឹងចំនួន៦៥៤យូនីតដែលលក់បានក្នុងខែមីនា។ នេះបើយោងតាមទិន្នន័យពីអាជ្ញាធរអភិវឌ្ឍន៍ទីក្រុង (URA) បានបង្ហាញ កាលពីថ្ងៃអង្គារ ទី១៧ ខែឧសភា។

ផ្ទះដែលលក់បានទាំងនេះ គឺភាគច្រើនស្ថិតនៅក្នុងតំបន់ Rest of the Central Region (RCR) ដែលលក់បានចំនួន២៨៩យូនីត ខណៈនៅតំបន់ Core Central Region (CCR) លក់បានចំនួន២០៦យូនីត ហើយនៅតំបន់ Outside Central Region (OCR) លក់បានចំនួន១៥៨យូនីត។

ទោះជាយ៉ាងណា បើធៀបនឹងអត្រាប្រចាំឆ្នាំ ចំនួនយូនីតដែលបានលក់បានកាលពីខែមេសា បានធ្លាក់ចុះប្រហែល៤៨%%។

កាលពីខែធ្នូ ចុងឆ្នាំ២០២១ រដ្ឋាភិបាលសិង្ហបុរី បានប្រកាសដាក់ចេញវិធានការរឹតបន្តឹងជាច្រើន ស្របពេលតម្លៃអចលនទ្រព្យហក់ឡើងខ្ពស់ មិនធ្លាប់មានគួរឱ្យព្រួយបារម្ភ ហើយការលក់ផ្ទះបានធ្លាក់ចុះខ្លាំង។

ចាប់តាំងពីពេលនោះមក ចំនួននៃការលក់ផ្ទះថ្មីប្រចាំខែបានរក្សាភាពថេរក្នុងរង្វង់៦០០យូនីត លើកលែងតែក្នុងខែកុម្ភៈ ដែលនៅពេលនោះបានធ្លាក់ចុះក្រោម៦០០យូនីត៕

តើក្រុមហ៊ុនអាកាសចរណ៍ល្អបំផុតលំដាប់ទី២ មានយន្តហោះច្រើនប៉ុណ្ណា?

ដោយ៖ សុផារី

សិង្ហបុរី៖ ប្រទេសសឹង្ហបុរី មានក្រុមហ៊ុនអាកាសចរណ៍មួយឈ្មោះ Singapore Airlines ដែលជាក្រុមហ៊ុនអាកាសចរណ៍ល្អបំផុតលំដាប់កំពូលពិភពលោក នៅលេខរៀងទី២។

តើក្រុមហ៊ុនអាកាសចរណ៍ របស់ប្រទេសសឹង្ហបុរីមួយនេះ មានយន្តហោះប៉ុន្មានគ្រឿង ខណៈប្រជាជាតិដ៏តូចមួយនេះមានប្រជាជនតែ៦លាននាក់តែប៉ុណ្ណោះ? ក្រុមហ៊ុនអាកាសចរណ៍មួយនេះ មានយន្តហោះចំនួន ១៥១ គ្រឿង ដែលជាចំនួនដ៏ច្រើនលើសលុបបំផុត។

ក្រុមហ៊ុនរបស់សឹង្ហបុរីមួយនេះ ក៏ជាប់ឈ្មោះជា ក្រុមហ៊ុនអាកាសចរណ៍មានយន្តហោះរត់លើផ្លូវអាកាសឆ្ងាយបំផុត នៅក្នុងពិភពលោក ដែលមានចំងាយ៩.៥៣៧ ម៉ាយពីសឹង្ហបុរីដល់ទីក្រុងញូវយ៉ក ដោយមិនឈប់។

ឈ្មោះរបស់ក្រុមហ៊ុនមួយនេះ អាចនិយាយបានថា នរណាដែលរស់នៅលើភពផែនដីនេះ ធ្លាប់ធ្វើដំណើរតាមយន្តហោះ ច្បាស់ជាស្គាល់ឈ្មោះក្រុមហ៊ុនអាកាសចរណ៍មួយនេះជាមិនខាន។

ក្រុមហ៊ុនមួយនេះ ជាក្រុមហ៊ុនមួយនេះ មានអាយុកាល៤៩ឆ្នាំមកហើយ និងមានបុគ្គលិកចំនួន ១ម៉ឺន៤ពាន់នាក់កំពុងបម្រើការ។ ទីស្នាក់ការនៅអាកាសយានដ្ឋាន Changi Airport ប្រទេសសឹង្ហបុរី។

ចំណែក ប្រាក់ចំណូលនៅឆ្នាំ២០២១កន្លងទៅ អំឡុងវិបត្តិកូវិត១៩ ចំណូលបានធ្លាក់មកត្រឹមតែ ៤,៣ពាន់លានដុល្លារអាមេរិក។ ចំពោះតម្លៃនៃការធ្វើដំណើររបស់ក្រុមមួយនេះចែកចេញជា៣ ដោយមាន First Class Business class និង Premium Economy class។

Airbus A380-800 17 គ្រឿង
Airbus A350-900 52 គ្រឿង
Airbus A350-900ULR 7 គ្រឿង
Boeing 737-800. 9 គ្រឿង
Boeing 737 MAX 8 13 គ្រឿង
Boeing 777-200 1 គ្រឿង
Boeing 777-300ER 26 គ្រឿង
Boeing 787-10 15 គ្រឿង
Airbus A350F. 7 គ្រឿង

រាជរដ្ឋាភិបាលព្យាករថា វិស័យទេសចរណ៍នឹងមានកំណើនប្រមាណ ១៦ភាគរយ ក្នុងឆ្នាំ២០២២ និង ២៣ភាគរយ ក្នុងឆ្នាំ២០២៣

ដោយ: វឌ្ឍនៈ

ភ្នំពេញ: ខណៈដែលវិបត្តិនៃជំងឺកូវីដ-១៩ កំពុងថមថយ វិស័យទេសចរណ៍ចាប់ផ្តើម មានសម្ទុះងើបឡើងវិញជាសកល ដោយប្រទេសភាគច្រើន បានបន្ធូរបន្ថយ នូវវិធានការរឹតបន្តឹងពាក់ព័ន្ធនឹងជំងឺកូវីដ-១៩ និង បានលើកលែង ឬ ដកចេញនូវលក្ខខណ្ឌតម្រូវជាច្រើន សម្រាប់ការធ្វើដំណើរអន្តរជាតិ។

ផ្អែកតាមការព្យាករណ៍ របស់អង្គការទេសចរណ៍ពិភពលោក (WTO) វិស័យទេសចរណ៍សកល នឹងត្រលប់ទៅរកគន្លងកំណើន ដូចពេលមុនវិបត្តិ នៃជំងឺកូវីដ-១៩ នៅឆ្នាំ២០២៤ខាងមុខ។

ជាមួយនឹងកិច្ចអន្តរាគមន៍ដ៏សកម្មរបស់រាជរដ្ឋាភិបាល វិស័យទេសចរណ៍កម្ពុជា ត្រូវបានព្យាករថា នឹងមានកំណើនប្រមាណ១៦% ក្នុងឆ្នាំ២០២២ និង២៣% ក្នុងឆ្នាំ២០២៣។

នេះបើតាមការលើកឡើងរបស់លោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ នៅថ្ងៃទី១៧ ខែឧសភា ឆ្នាំ២០២២នេះ។

លោកបានបញ្ជាក់ថា “ការងើបឡើងនៃវិស័យទេសចរណ៍ ក៏ដូចជាសេដ្ឋកិច្ចទាំងមូល គឺជាលទ្ធផលនៃការដឹកនាំប្រកបដោយយុទ្ធសាស្ត្រច្បាស់លាស់ និងចក្ខុវិស័យ វែងឆ្ងាយរបស់ សម្តេចតេជោនាយករដ្ឋមន្ត្រី ក្នុងការប្រយុទ្ធនឹងជំងឺកូវីដ-១៩ តាមរយៈការអនុវត្តយុទ្ធនាការជាតិចាក់វ៉ាក់សាំង ការដាក់ចេញនូវវិធានការសុខាភិបាល និងរដ្ឋបាលព្រមទាំងវិធានការ អន្តរាគមន៍ ទាន់ពេល និងប្រកបដោយប្រសិទ្ធភាព ដែលអនុញ្ញាតឲ្យមានការបើកដំណើរការទាំងស្រុងឡើងវិញ នូវសកម្មភាពសង្គម-សេដ្ឋកិច្ច កាលពីថ្ងៃទី១ ខែវិច្ឆិកា ឆ្នាំ២០២១ រហូតមកដល់បច្ចុប្បន្ន”។

លោកបានបញ្ជាក់ថា ទោះបីជាវិស័យទេសចរណ៍ បានបង្ហាញនូវសញ្ញានៃការងើបឡើងវិញ គួរឲ្យកត់សម្គាល់ក្តី សហគ្រាសនៅក្នុងវិស័យនេះ នៅបន្តជួបប្រទះនូវបញ្ហា ប្រឈមជាច្រើន ជាអាទិ៍ ការខ្វះសមត្ថភាពចាប់យកម៉ូដែលអាជីវកម្ម (business model) បែបឌីជីថល ការស្ថិតនៅក្រៅប្រព័ន្ធរបស់សហគ្រាសភាគច្រើន ការខ្វះជំនាញបដិសណ្ឋារកិច្ចច្បាស់លាស់ និង ការខ្វះទុន រួមទាំងទុនបង្វិល និងទុនវិនិយោគ សម្រាប់រក្សាលំនឹង កែលម្អ និងពង្រីកប្រតិបត្តិការអាជីវកម្មរបស់ខ្លួន។

លោក អូន ព័ន្ធមុនីរ័ត្ន បានគូសបញ្ជាក់ថា សម្រាប់រាជរដ្ឋាភិបាល ការស្វែងរកនូវដំណោះស្រាយចំពោះបញ្ហាប្រឈមទាំងនេះ គឺជាកត្តាចាំបាច់ ដើម្បីគាំទ្រដល់វិស័យទេសចរណ៍កម្ពុជា ក្នុងការសម្របខ្លួន ទៅនឹងការប្រែប្រួល នៃបរិយាកាសប្រកួតប្រជែងសកល ជាពិសេស ដើម្បីគាំទ្រដល់សហគ្រាសនៅក្នុងវិស័យទេសចរណ៍ ក្នុងការទាញយកផលប្រយោជន៍ជាអតិបរមាពីកាលានុវត្តភាពនានា ក្រោយវិបត្តិនៃជំងឺកូវីដ-១៩៕

ក្រសួងសាធារណការ នឹងដាក់គម្រោងសាកល្បងប្រព័ន្ធដឹកជញ្ជូនឆ្លាតវៃលើផ្លូវជាតិលេខ៤

ដោយ: សុផារី

ភ្នំពេញ: ក្រសួងសាធារណការ និងដឹកជញ្ជូនបានឲ្យដឹងថា កម្ពុជា គ្រោងនឹងដាក់គម្រោងសាកល្បងប្រព័ន្ធដឹកជញ្ជូនឆ្លាតវៃ (ITS Pilot Project) លើផ្លូវជាតិលេខ៤នាពេលខាងមុខនេះ។

នេះបើតាមការប្រជុំស្ដីពីការផ្សព្វផ្សាយរបាយការណ៍ផែនការមេនៃប្រព័ន្ធដឹកជញ្ជូនឆ្លាតវៃរបស់វិទ្យាស្ថាន KRIHS កាលថ្ងៃទី១៦ ខែឧសភា ឆ្នាំ ២០២២។

លោក គង់ សុផល អគ្គនាយករងនៃអគ្គនាយកដ្ឋានដឹកជញ្ជូនផ្លូវគោក ក្រសួងសាធារណការ និងដឹកជញ្ជូន បានឲ្យដឹងថា កិច្ចប្រជុំនេះធ្វើឡើងក្នុងគោលបំណងបង្ហាញពីវឌ្ឍនភាពគម្រោងផែនការមេប្រព័ន្ធដឹកជញ្ជូនឆ្លាតវៃ និងគម្រោងសាកល្បងប្រព័ន្ធដឹកជញ្ជូនឆ្លាតវៃ (ITS Pilot Project) លើផ្លូវជាតិលេខ៤ ដោយមានការចូលរួមធ្វើបទបង្ហាញពីអ្នកជំនាញរបស់កូរ៉េអំពីគ្រោងឆ្អឹងរបស់ផែនការមេ និងគម្រោងសាកល្បង។

ក្រសួងសាធារណការ និងដឹកជញ្ជូនបានឲ្យដឹងថា កម្ពុជា គ្រោងនឹងដាក់គម្រោងសាកល្បងប្រព័ន្ធដឹកជញ្ជូនឆ្លាតវៃ (ITS Pilot Project) លើផ្លូវជាតិលេខ៤នាពេលខាងមុខនេះ។ នេះបើតាមការប្រជុំស្ដីពីការផ្សព្វផ្សាយរបាយការណ៍ផែនការមេនៃប្រព័ន្ធដឹកជញ្ជូនឆ្លាតវៃរបស់វិទ្យាស្ថាន KRIHS កាលថ្ងៃទី១៦ ខែឧសភា ឆ្នាំ ២០២២។

នេះជាកិច្ចប្រជុំលើកទី២ហើយ រវាងអ្នកជំនាញមកពីវិទ្យាស្ថាន KRIHS របស់ប្រទេសកូរ៉េ និងក្រសួងសាធារណការ និងដឹកជញ្ជូន។ តាមគម្រោងផែនការមេប្រព័ន្ធដឹកជញ្ជូនឆ្លាតវៃនឹងត្រូវបញ្ចប់នៅក្នុងខែកក្កដាខាងមុខនេះ។

តាមរយៈកិច្ចប្រជុំនេះបានឲ្យដឹងទៀតថា អ្នកជំនាញកូរ៉េបានបង្កើតកម្មវិធីទូរស័ព្ទ (Application) និងបំពាក់ CCTV Cameras និង Variable Message Signs (VMS) សម្រាប់ប្រមូល និងបង្ហាញព័ត៌មានកំពុងកើតមាន (Real-Time Information) នៅលើកំណាត់ផ្លូវជាតិលេខ៤ ដែលនឹងត្រូវអនុវត្តចាប់ពីឆ្នាំ២០២៣ ដល់ឆ្នាំ២០២៥៕

ទិញផ្ទះ ចាប់ឆ្នោតយកឡាន Lexus LX600 ថ្មី១គ្រឿង!

ដោយ សហការី

⦁ អតិថិរជនទាំងអស់ នឹងបានឱកាសចាប់ឆ្នោតយករង្វាន់ជា Lexus LX600 សេរីឆ្នាំ ២០២២ ចំនួន១គ្រឿង!
⦁ អតិថិរជនទាំងអស់ អាចបង់ប្រាក់ត្រឹម ៣០% ក្នុងរយះពេល ២៤ខែ ដោយគ្មានការប្រាក់!
⦁ អតិថិរជនទាំងអស់ ដែលបង់ប្រាក់គ្រប់ភ្លាម និងទទួលបានការបញ្ចុះតម្លៃ ១០% ភ្លាម!

បុរី វិមានសំណាង ជាលំនៅដ្ឋានបែបអភិជន ស្ថិតនៅលើមហាវិថីឈ្នះឈ្នះ និងផ្លូវឡុងឈិន ចំងាយ ២៥០០ម ពីក្រសួងដែនដី គឺមានផ្ទះអាជីវកម្មតែ២០ផ្ទះ (Shophouse) ក្រៅពីនោះសុទ្ធតែវីឡាព្រីន (Prince Villa) វីឡាឃ្វីន (Queen Villa) វីឡាឃីង (King Villa) និងវីឡារ៉ូយាល់ (Royal Villa)! ម្ចាស់ផ្ទះវីឡានិមួយៗនៅក្នុងបុរី វិមានសំណាង មានការងារ មុខរបរ និងអាជីវកម្មផ្សេងៗគ្នានៅខាងក្រៅ តែពេលត្រលប់មកដល់ផ្ទះវីឡារបស់ខ្លួន គឺដើម្បីស្នាក់នៅ ក្នុងបរិយាកាសស្ងៀមស្ងាត់ សុវត្ថិភាព និងផាសុខាភាពបែបអភិជន ហើយជាបុរីលំដាប់អភិជន ដែលមាន ឧកញ៉ាបណ្ឌិត គីម ហ៊ាង ជាម្ចាស់គំរោង និងជាអ្នកអភិវឌ្ឍន៌ដោយផ្ទាល់!

ផ្ទះអាជីវកម្មបែបក្លាសិក (Classic Shophouse) ឬបែបបារាំង មានតែ ២០ផ្ទះប៉ុណ្ណោះលើដី ២៥ហិកតា បានលក់អស់ ១៨ផ្ទះ ដែលត្រូវចំណាយថ្លៃសាងសង់ច្រើនជាង និងប្រណិតជាងផ្ទះទូទៅ លើដីទំហំ 4.20m x 23m និងទំហំផ្ទះ 4.20m x 16m កំពស់៤ជាន់ មាន៥បន្ទប់គេង ៦បន្ទប់ទឹក ដែលសាកសមបំផុតសម្រាប់បើកអាជីវកម្មនានា ដើម្បី ផ្គត់ផ្គង់ដល់ប្រជាជនក្នុងតំបន់ ពិសេសផ្គត់ផ្គង់ដល់ម្ចាស់ផ្ទះវីឡាធំៗជាង ៤០០ទៀតក្នុងបុរីតែម្តង!

វីឡាព្រីន បែបក្លាសិក (Classic Prince Villa) ឬបែបបារាំង ដែលចំណាយថ្លៃសាងសង់ច្រើនជាង និងប្រណិតជាងការសាងសង់វីឡាបែបទំនើប លើដីទំហំ ១២ម គុណ ២២ម កំពស់៣ជាន់ មាន៦បន្ទប់គេង ៧បន្ទប់ទឹក សួនច្បារ និងមានកន្លែងចតឡានធំទូលាយ ដែលសាកសមបំផុតសម្រាប់គ្រួសារវ័យក្មេង បែបអភិជននៅកម្ពុជាស្នាក់នៅប្រចាំថ្ងៃ!

វីឡាឃ្វីន បែបក្លាសិក (Classic Queen Villa) ឬបែបបារាំង ដែលចំណាយថ្លៃសាងសង់ច្រើនជាង និងប្រណិតជាងការសាងសង់វីឡាបែបទំនើប លើដីទំហំ ១៨ម គុណ ២២ម កំពស់៣ជាន់ មាន៦បន្ទប់គេង ៧បន្ទប់ទឹក សួនច្បារធំ មានកន្លែងចតឡានធំទូលាយ ដែលសាកសមបំផុតសម្រាប់គ្រួសារវ័យកណ្តាល បែបអភិជននៅកម្ពុជាស្នាក់នៅប្រចាំថ្ងៃ!

វីឡាឃីង បែបក្លាសិក (Classic King Villa) ឬបែបបារាំង ដែលចំណាយថ្លៃសាងសង់ច្រើនជាង និងប្រណិតជាង ការសាងសង់វីឡាបែបទំនើប លើដីទំហំ ២០ម គុណ ៣០ម កំពស់៣ជាន់ មាន៨បន្ទប់គេង ៨បន្ទប់ទឹក មានសួនច្បារធំ កន្លែងជប់លៀង និងមានកន្លែងចតឡានធំទូលាយ ដែលសាកសមបំផុតសម្រាប់គ្រួសារធំ បែបអភិជននៅកម្ពុជាស្នាក់នៅប្រចាំថ្ងៃ ហើយវីឡាឃីងទាំងអស់សុទ្ធបែទៅមាត់ព្រែក!

រ៉ូយាល់វីឡា បែបក្លាសិក (Classic Royal Villa) ឬបែបបារាំង ដែលមានមួយគត់នៅកម្ពុជា លើផ្ទៃដីពី ២៥០០ម៉ែត្រការ៉េ ដល់ ៣០០០ម៉ែត្រការ៉េ កំពស់៣ជាន់ មាន១០បន្ទប់គេង ១២បន្ទប់ទឹក មានសួនច្បារធំ កន្លែងជប់លៀង និងមានកន្លែងចតឡានធំទូលាយ ដែលសាកសមបំផុតសម្រាប់គ្រួសារធំ បែបអភិជនកំពូលៗនៅកម្ពុជាស្នាក់នៅប្រចាំថ្ងៃ!

សម្រាប់ព័ត៌មានលម្អិតសូមអញ្ជើញទំនាក់ទំនងតាម Facebook: Borey Vimean Samnang បុរី វិមានសំណាង ឬទូរស័ព្ទទំនាក់ទំនង៖ 095 96 2000 និង 070 96 2000 លើមហាវិថីឈ្នះឈ្នះ ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
Facebook Page: https://www.facebook.com/Borey.VimeanSamnang.KH
Google Map: https://bit.ly/3rBzGAQ

ផ្លូវតភ្ជាប់ពីទីក្រុងបូកគោទៅកាន់ផ្លូវជាតិលេខ៤បាននិងកំពុងឆ្ពោះទៅមុខ

ដោយៈ ជេស៊ីកា

កំពតៈ ផ្លូវហាយវេតភ្ជាប់ពីទីក្រុងបូកគោ តភ្ជាប់ទៅកាន់ផ្លូវជាតិលេខ៤ត្រង់គីឡូម៉ែត្រលេខ១៥៨ បាននិងកំពុងសាងសង់យ៉ាងសកម្ម ដែលរហូតមកទល់ពេលនេះ ការសាងសង់សម្រេចបាននិងកំពុងឆ្ពោះទៅមុខ។

អ្នកបច្ចេកទេសដឹកនាំកសាងផ្លូវនេះ បានមានប្រសាសន៍ឲ្យដឹងកាលពីល្ងាចថ្ងៃទី១៦ ឧសភាកន្លងមកបានឲ្យដឹងថា ការសាងសង់ផ្លូវដែលត្រូវពុះភ្នំ បំបែកផ្ទាំងថ្មជាច្រើន បាននិងកំពុងឆ្ពោះទៅមុខ ដោយយើងសាងសង់បានសម្រេចទាំងលំបាក។

លោកបន្តថា “ការសាងសង់ផ្លូវនេះ ត្រូវបំបែកផ្ទាំងថ្មធំៗ ដែលបង្កឧបសគ្គ និងចំណាយពេលច្រើន មុនពេលផ្លូវនេះសម្រេចតាមជំហ៊ាននិមួយៗ”។លោកបន្តថា “ការសាងសង់ផ្លូវបានជួបនូវអូរទឹកធំៗ ជ្រោះ និងផ្ទាំងថ្មជាបន្តបន្ទាប់ ដែលយើងត្រូវចំណាយពេលយូរ ហេតុនេះការសាងសង់ផ្លូវនេះចេញទៅកាន់ផ្លូវជាតិលេខ៤ អាចមិនបញ្ចប់នៅចុងឆ្នាំនេះនោះទេ”។

ផ្លូវដ៏សំខាន់នេះ នឹងជួយសម្រួលការដឹកជញ្ជូន និងធ្វើដំណើរកំសាន្តរបស់ប្រជាពលរដ្ឋ តភ្ជាប់ពីផ្លូវជាតិលេខ៤ មកកាន់ទីក្រុងបូកគោ ដែលកំពុងមានការអភិវឌ្ឍយ៉ាងច្រើន ដែលរួមមានផ្ទះអាជីវកម្ម ផ្ទះវីឡាប្រណីត និងវីឡាលំហែរកាយជាច្រើន។

ផ្លូវហាយវេនេះ បាននិងកំពុងសាងសង់តភ្ជាប់ពីចំណុច វាលស្រែ៥០០ ដែលមានចម្ងាយសរុប១២០គីឡូម៉ែត្រ ដោយផ្លូវនេះត្រូវបំបែកជាពីរ គិតពីចំណុចគីឡូលេខ៣៣ ដោយមួយខ្សែនឹងតភ្ជាប់ទៅកាន់ផ្លូវជាតិលេខ៤ និងមួយខ្សែទៀតតភ្ជាប់ទៅកាន់តំបន់កំពូលភ្នំពេជ្រនិល។

អ្នកឧកញ៉ាសុខ គង់ប្រធានក្រុមហ៊ុនសុខាអូតែលបានមានប្រសាសន៍ឲ្យដឹងកាលពីពេលថ្មីៗនេះថា ការអភិវឌ្ឍទីក្រុងបូកគោ ត្រូវការចំណាយប្រាក់ច្រើនណាស់ ដែលមានទំហំចន្លោះ១០ ទៅ២០ពាន់លានដុល្លារ និងចំណាយពេលពី២០ ទៅ៣០ឆ្នាំមិនទាន់ចប់នៅឡើយ។

ជាមួយគ្នានេះ អ្នកឧកញ៉ាបានស្នើសុំបន្តការគាំទ្រ រាជពីរដ្ឋាភិបាល ដើម្បីធ្វើយ៉ាងណា ឲ្យការអភិវឌ្ឍន៍ទីក្រុងបូកគោបានលឿន ដើម្បីចូលរួមលើកកំពស់សេដ្ឋកិច្ចជាតិ។

ទីក្រុងបូកគោ ស្ថិតក្នុងតំបន់ឧទ្យានជាតិព្រះមុនីវង្ស ដែមានផ្ទៃដីទំហំរហូតដល់៣០,០០០ហិកតា នៃផ្ទៃដីឧទ្យានជាតិដែលមានទំហំសរុបរហូតដល់១៤០, ០០០ហិកតា៕

1...1,4451,4461,447...3,288 Page 1,446 of 3,288