តើទីសក្ការៈ Itsukushima នៅប្រទេសជប៉ុន មានអ្វីពិសេសទើបក្លាយជាបេតិកភ័ណ្ឌពិភពលោក?

ដោយៈ គង់ សូរិយា

ភ្នំពេញៈ សម្បត្តិបេតិកភ័ណ្ឌពិភពលោកនិមួយៗ សុទ្ឋតែមានលក្ខណៈពិសេស និងប្លែកៗពីគ្នាអាស្រ័យលើវប្បធ៌ម និងអរិយធ៌មនៃជនជាតិនៃមួយៗ។

ទីសក្ការៈបូជា Itsukushima គឺជាទីសក្ការៈបូជារបស់សាសនាស៊ីនតូនៅលើកោះអ៉ិតស៊ុគុស៊ីម៉ា ស្ថិតក្នុងទីក្រុងហាត់ស៊ុកៃជិ (Hatsukaichi) ក្នុងខេត្តហ៊ីរ៉ូស៊ីម៉ាប្រទេសជប៉ុន ហើយត្រូវបានដាក់បញ្ចូលក្នុងបញ្ជីសម្បត្តិបេតិកភណ្ឌពិភពលោក របស់អង្គការយូណេស្កូ (UNESCO) ក្នុងឆ្នាំ១៩៩៦។

កោះអ៉ិតស៊ុគុស៊ីម៉ា ត្រូវបានជនជាតិជប៉ុន និយមហៅថាកោះមីយ៉ាជីម៉ា (Miyajima) ដែលមានន័យថា “កោះទីសក្ការៈ”។ ទីសក្ការៈបូជាអ៉ីតស៊ុគុស៊ីម៉ា មានភាពល្បីល្បាញបំផុត ដោយសារច្រកទ្វារតូរី (torii gate) ដ៏ធំកម្ពស់ប្រហែល១៦ ម៉ែត្រអណ្តែតទឹករបស់វា។

ដោយសារតែទីសក្ការៈបូជាអ៉ីតស៊ុគុស៊ីម៉ា គឺត្រូវបានគេសាងសង់ឡើងនៅក្នុងទឹក ដូច្នេះភ្ញៀវទេសចរណ៍ អាចមើលឃើញទីសក្ការៈ ដូចជាអណ្តែតនៅលើទឹក នៅពេលដែលមានទឹកជំនោរខ្ពស់ ហើយចំណែកនៅពេលមានជំនោរទាបវិញ ភ្ញៀវទេសចរណ៍ អាចដើរចេញទៅជិតច្រកទ្វានោះ ដើម្បីថតរូបបាន។

យោងតាមឯកសារប្រវត្តិសាស្ត្របានបញ្ជាក់ថា អគារទីសក្ការៈបូជាដំបូងនៅទីនេះ ប្រហែលជាត្រូវបានសាងសង់នៅសតវត្សរ៍ទី៦។ ដោយឡែកទីសក្ការៈបូជាបច្ចុប្បន្ន មានតាំងពីសតវត្សរ៍ទី១២ ហើយបរិវេណនៅក្នុងទីសក្ការៈនេះ មានអគារជាច្រើនរួមទាំងសាលបួងសួង សាលធំ និងឆាកសម្រាប់សម្តែងល្ខោន ដែលត្រូវបានតភ្ជាប់គ្នា ដោយផ្លូវដើរមានសសរលើកខ្ពស់ផុតពីទឹកសមុទ្រផងដែរ។

អគារទាំងអស់ ត្រូវបានរៀបចំយ៉ាងស៊ីមេទ្រីគ្នា ដែលបង្ហាញពីការរៀបចំប្លង់ស្ថាបត្យកម្មដ៏ប៉ិនប្រសព្វ៕

មជ្ឈមណ្ឌលពាណិជ្ជកម្មកំពស់កប់ពពកតម្លៃជិត ១២០០លានដុល្លារ ចាប់ផ្តើមសាងសង់នៅទីក្រុងកោះពេជ្រ

ដោយៈ ជេស៊ីកា

ភ្នំពេញៈ បន្ទាប់ពីហ៊ុំរបងទុកចោលរយៈពេលប្រមាណ៣ឆ្នាំ នៅពេលនេះក្រុ​មហ៊ុនចិន បាននិងកំពុងចាប់ផ្តើមសកម្មភាព ការដ្ឋានសាងសង់មជ្ឈមណ្ឌលពាណិជ្ជកម្មរបស់ខ្លួន នៅទីក្រុងកោះពេជ្រហើយ។

មជ្ឈមណ្ឌលពាណិជ្ជកម្មលំដាប់ពិភពលោកនេះ គ្របដណ្តប់លើផ្ទៃដីប្រមាណ៥ហិកតា ដែលស្ថិតនៅតំបន់អតីតផ្សាររាត្រី និងជាកន្លែងក្មេងលេងនៅទីក្រុងរណបមួយនេះ។

តាមរយៈការធ្វើដំណើរឆ្លងកាត់តំបន់ខាងលើនេះ យើងឃើញមានសកម្មភាពគ្រឿងចក្រ និងរថយន្តដឹកសម្ភារៈ និងកម្មករជាច្រើន បាននិងកំពុងធ្វើសកម្មភាពនៅតាមការដ្ឋាននានាក្នុងបរិវេណទីតាំង ដែលបាននិងកំពុងហ៊ុំព័ទ្ឋដែកព៌ណ ស នាពេលបច្ចុប្បន្ននេះ។

អគ្គនាយករងក្រុមហ៊ុនOCIC លោកទូច សំណាងបានមានប្រសា​សន៍ឲ្យដឹងកាលពីពេលថ្មីៗនេះថា តាមអ្វីដែលលោកបានដឹង គឺក្រុមហ៊ុននោះទទួលបានការអនុម័ត ពីក្រុមប្រឹក្សាអភិវឌ្ឍន៍កម្ពុជារួចហើយ ដោយក្រុមហ៊ុននោះ នឹងសាងសង់មជ្ឈមណ្ឌលពាណិជ្ជកម្មចម្រុះ ដែលអាគារមេក្នុងគំរោងនេះមានកំពស់ប្រមាណ៤០០ម៉ែត្រ។

លោកបន្តថា “យ៉ាងណាក៏ដោយ ខ្ញុំមិនបានចាំឈ្មោះក្រុមហ៊ុននេះនោះទេ”។

តាមប្រភពព៌តមានពីអ្នករកស៊ី ក្នុងវិស័យអចលនទ្រព្យធំមួយបានឲ្យដឹងក្នុងលក្ខខ័ណ្ឌមិនបញ្ចេញឈ្មោះថា ក្រុមហ៊ុនវិនិយោគគំរោងនេះបានទិញដី សម្រាប់សាងសង់គំរោងរបស់ខ្លួន ក្នុងតម្លៃរហូតដល់៧០០០ដុល្លារអាមេរិក ក្នុងមួយម៉ែត្រការ៉េ។

យ៉ាងណាក៏ដោយរហូតមកទល់ពេលនេះ ក្រុមហ៊ុនសាងសង់នេះមិនទាន់បានបង្ហាញពីរូបរាងអាគារពាណិជ្ជកម្មលើជញ្ជាំង ដែលបាននិងកំពុងហ៊ុំព័ទ្ឋការដ្ឋាននេះនៅឡើយទេ។

កាលពីចុងខែធ្នូ ឆ្នាំ២០១៩ ក្រុមប្រឹក្សាអភិវឌ្ឍន៍កម្ពុជាបានអនុម័តគំរោងរបស់ក្រុមហ៊ុន​“BOCC​ DEVELOPMENT​ CO​.,LTD​.” គម្រោង​សាងសង់​ និង​អាជីវកម្ម​សណ្ឋាគារ​ថ្នាក់​ផ្កាយ៥​ចំនួន​៥០០បន្ទប់​ Service​ Hotel​ Apartment​ ថ្នាក់​ផ្កាយ៤​ ចំនួន១.៦០០​units​ និង​មជ្ឈមណ្ឌល​ពាណិជ្ជកម្ម​ ដែល​មាន​ទីតាំង​វិនិយោគ ​ស្ថិតនៅ​សង្កាត់​ទន្លេបាសាក់​ ខណ្ឌចំការមន​ រាជធានី​ភ្នំពេញ​ “លើ​កោះ​ពេជ្រ​” មាន​ទុន​វិនិយោគ​ប្រមាណ​១,១៨១ពាន់​លាន​ដុល្លារ​អាមេរិក​ និង​អាចប​ង្កើត​ការងារ​បាន​ចំនួន៦.៣៧០កន្លែង​៕

តើក្រុមប្រឹក្សាអភិវឌ្ឍន៍កម្ពុជាដើរតួនាទីបែបណា ជាមួយរដ្ឋាភិបាលបែបណាក្នុងការទាក់ទាញការវិនិយោគ?

ដោយៈ គង់ សូរិយា

ភ្នំពេញៈ ក្រុមប្រឹក្សា​អភិវឌ្ឍន៍​កម្ពុជា (CDC) ជា​ស្ថាប័ន​ជាន់ខ្ពស់​មួយ​របស់​រដ្ឋាភិបាល​ក​ម្ពុ​ជា ដែលបាននិងកំពុងដើរតួនាទីដ៏សំខាន់មួយ ក្នុងនាម ជាសេនាធិការបស់រដ្ឋាភិបាល ដើម្បីទាក់ទាញការវិនិយោគ។

ស្ថាប័ននេះមាន​តួនាទី និង​ភារកិច្ច​ក​ក្នុងការ​ប្រមូលផ្តុំ និង​ជា”ច្រកចេញ-ចូល​តែមួយ” ក្នុងការ​ទាក់ទង​រវាង​រាជរដ្ឋាភិបាល​ជាមួយ នឹង​ដៃគូ​អភិវឌ្ឍន៍ និង​អង្គការ​មិនមែន​រដ្ឋាភិបាល ដែល​ផ្តល់​ហិរញ្ញប្បទាន​សហប្រតិ​បត្តិកា​រ​ឥត​សំណង​ដល់​កម្ពុជា និង​ធ្វើជា​ចំនុច​ប្រមូលផ្តុំ និង​ជា “ច្រកចេញ-ចូល​តែមួយ” ក្នុងការ​ទាក់ទង​រវាង​ស្ថាប័ន​នានា ​នៃ​រាជរដ្ឋាភិបាល ដើម្បី​សម្របសម្រួល​ការទទួល និង/ឬ​ការគ្រប់គ្រង​ហិរញ្ញប្បទាន​សហប្រតិបត្តិកា​រទាំង​នេះ។

យោងតាម​អនុក្រឹត្យ​របស់​រដ្ឋាភិបាល​បាន​បញ្ជាក់ថា ក្រុមប្រឹក្សា​អភិ​វ ឌ្ឍន៍​កម្ពុ​ជាមាន​តួនាទី​រៀបចំ និង​អនុវត្ត​យុទ្ធសាស្ត្រ​ស្តីពី ការគ្រប់គ្រង​កិច្ចសហប្រតិបត្តិការ​អភិវឌ្ឍ​ន៍ ​ដើម្បី​ពង្រឹង​ភាពជា​ម្ចាស់ និង​ភាព​ដឹកនាំ​របស់​រាជរដ្ឋាភិបាល ក្នុង​កិច្ចអភិវឌ្ឍន៍​ព្រមទាំង​ពង្រឹង ​ភាពជា​ដៃគូ​ជាមួយ​សហគមន៍​ដៃគូ​អភិវឌ្ឍន៍។

ស្ថាប័នថ្នាក់ជាតិនេះ ដើរតួនាទីលើផ្នែកសំខាន់ៗជាច្រើនរួមមានដូជា ទី១ កៀរគរ និង​វិភាជន៍​ហិរញ្ញប្បទាន​សហប្រតិបត្តិកា​រ សម្រាប់​អនុវត្ត​ន៍បណ្តា​គោលដៅ​អាទិភាព​ដែលមាន​ចែង​ក្នុង ផែនការ​យុទ្ធសាស្ត្រ​អភិវឌ្ឍន៍​ជាតិ និង​ផែនការអភិវឌ្ឍន៍​តាម​វិស័យ។ ទី២ ដឹកនាំ​ផ្ទាល់​កិច្ចការ​សុខដុម​នីយកម្ម នៃ​ការអនុវត្ត​របស់​ដៃគូ​អភិវឌ្ឍន៍ ដើម្បី​បង្កើន​ប្រសិទ្ធភាព និង​ភាព​ស​ក្កិ​សិទ្ធិ នៃ​ហិរញ្ញប្បទាន​សហប្រតិបត្តិកា​រ។

ទី៣ ផ្តល់​ការគាំទ្រ​ផ្នែក​បច្ចេកទេស ដល់​គណ:ក​ម្មា​ធិ​ការសម្របសម្រួល រវាង​រាជរដ្ឋាភិបាល និង​ដៃគូ​អភិវឌ្ឍន៍ ដែលជា​យន្តការ​សម្រាប់​ពិភាក្សា កំរិត​គោលនយោបាយ និង​ផ្តល់​ការគាំទ្រ​នានា សម្រាប់​ពង្រឹង​យន្តការ​របស់ ក្រុមការងារ​បច្ចេកទេស​ចម្រុះ។ ទី៤ ចូលរួម​រៀបចំ​ផែនការ​សេដ្ឋកិច្ច សង្គមកិច្ច និង​ផែនការ​តាម​ផ្នែក​សម្រាប់​អភិវឌ្ឍន៍​កម្ពុជា។

ទី៥ ចូលរួម​គ្រប់គ្រង​កិច្ចការ​វិនិយោគសាធារណៈ ដោយ​សហការ​យ៉ាង​ជិតស្និទ្ធ​ជាមួយនឹង​ក្រសួង និង​ស្ថាប័ន​ទាំងឡាយ ​ដែលមាន​ការពាក់ព័ន្ធ។ ការងារ​នេះ​ពាក់ព័ន្ធ​សំខាន់ ​ទៅនឹង​ការសម្របសម្រួល និង​ការ​តំរង់ទិស​ក្នុងការ​បែងចែក និង​ការប្រើប្រាស់​ធនធាន​នៅក្នុង​ប្រទេស និង​ធនធាន​ដែល​បានមកពី​ក្រៅប្រទេស ដើម្បី​កិច្ច​ស្តារ និង​អភិវឌ្ឍន៍​កម្ពុជា។

ទី៦ តាម​ការប្រគល់សិទ្ធិ​ពី​នាយករដ្ឋមន្ត្រី ចុះហត្ថលេខា​តាងនាម​រាជ​រដ្ឋ​ភិ​បាល​ជាមួយនឹង​ដៃគូ​អភិវឌ្ឍន៍ ដើម្បី​ទទួល​និង/ឬ​បែងចែក​ហិរញ្ញប្ប​ទាន​ទាំងនោះ។ ទី៧ ដឹកនាំ​ការងារ​ក្នុងការ​រៀបចំ​ ឯកសារ​ចាំបាច់​នានា សម្រាប់​កិច្ចប្រជុំ​កម្រិត​គោលនយោបាយ ជាមួយ​ដៃគូ អភិវឌ្ឍន៍​ដូចជា “វេទិកា​សម្រាប់​កិច្ចសហប្រតិបត្តិការ​អភិវឌ្ឍ​ន៍​កម្ពុជា” ជាដើម ដោយ​សហការ​ជាមួយ បណ្តា​ក្រសួង និង​ស្ថាប័ន​ដែលមាន​ការពាក់ព័ន្ធ។

ធ្វើ​របាយការណ៍​ប្រចាំឆមាស និង​ប្រចាំឆ្នាំ​ជូន​រាជរដ្ឋាភិបាល ដើម្បី​រាជរដ្ឋាភិបាល​ពិនិត្យ និង លើកឡើង​នូវ វិធានការ​ចាំបាច់​សម្រាប់​កែលំអ និង​តម្រង់ទិស​ការងារ​នីតិ​សម្ប​ទា និង​អភិវឌ្ឍន៍៕

ជំទាវឧកញ៉ាគង់ សំណាង៖ ចំណេះដឹងគោល៤យ៉ាង ដើម្បីក្លាយជាភ្នាក់ងារលក់អចលនទ្រព្យជោគជ័យ

ដោយ៖ សុផារី

ភ្នំពេញ៖ ការរីកចម្រើននៃវិស័យអចលនទ្រព្យបានបង្កើតឱកាសវិនិយោគ និងឱកាសរីកចម្រើនដល់អ្នកប្រកបរបរក្នុងវិស័យនេះជាច្រើន ជាពិសេសអ្នកមានអាជីពជាភ្នាក់ងារអចលនទ្រព្យ។ ដើម្បីក្លាយជាអ្នកលក់អចលនទ្រព្យដ៏ជោគជ័យម្នាក់ ភ្នាក់ងារអចលនទ្រព្យត្រូវមានចំណេះដឹង និងប្រកាន់ភ្ជាប់នូវវិជ្ជាជីវៈចំនួន០៤ចំណុច។

លោកជំទាវឧកញ៉ាគង់ សំណាង អគ្គនាយិកានៃបុរីវិមានសំណាង បានចែករំលែកបទពិសោធន៍ ជោគជ័យលើភាពជាភ្នាក់ងារអចលនទ្រព្យមួយរូបថា ដើម្បីក្លាយខ្លួនជាភ្នាក់ងារអចលនទ្រព្យ ដែលជោគជ័យមួយរូប អ្នកលក់គ្រប់រូបត្រូវមានចំណេះដឹងទូទៅសំខាន់ៗចំនួន០៤ចំណុច។

ចំណុចទី១ ចំណេះដឹងអំពីទីផ្សារដីធ្លីថានៅក្នុងតំបន់ ដែលលក់ដូរនេះ មានតម្លៃប៉ុន្មាន តើទិញដីនេះក្នុងតម្លៃក្រោម ឬលើទីផ្សារ? តើអ្វីជាសក្តានុពលនៃតំបន់ខាងលើនេះ?

ចំណុចទី២ ចំណេះដឹងច្បាប់ ស្តីពីប្លង់រឹង ប្លង់ទន់ និងការផ្ទេរកម្មសិទ្ធិ ជាដើម។

ចំណុចទី៣ ត្រូវមានក្រមសីលធម៌វិជ្ជាជីវៈជាអ្នកលក់ ដែលជាចំណុចសំខាន់បំផុត។ ភ្នាក់ងារលក់ត្រូវផ្តល់ព័ត៌មានពិត និងធ្វើការប្រកបដោយចំណេះដឹងត្រឹមត្រូវ។

ចំណុចទី៤ ត្រូវបានសមត្ថភាពក្នុងការសម្របសម្រួលរវាងអ្នកទិញ និងអ្នកលក់។

លោកជំទាវឧកញ៉ាគូសបញ្ជាក់ថា “ត្រូវធ្វើការដោយប្រើប្រាស់ចំណេះដឹង ផ្តល់ព័ត៌មានដល់ភ្ញៀវឱ្យបានច្បាស់លាស់ ផ្តល់តម្លៃទៅឱ្យភ្ញៀវ ផ្តល់តម្លៃទៅឲ្យអ្នកលក់”។

លោកជំទាវបន្ថែមទៀតថា “ជាភ្នាក់ងារត្រូវមានក្រមសីលធម៌ជាអ្នកលក់ឱ្យច្បាស់លាស់។ មិនមែនលក់ដើម្បីយកតែលុយទេ ព្រោះរុញគេបានតែម្ដង ២ដងតែប៉ុណ្ណោះ”៕

Why is the world worried about China’s property crisis?

BEIJING: China’s troubled property sector suffered another blow this month when frustrated homebuyers stopped making mortgage payments on units in unfinished projects.

 

The boycott came with many developers struggling to manage mountains of debt, and fears swirling that the crisis could spread to the rest of the Chinese – and global – economy.

 

HOW BIG IS CHINA’S PROPERTY SECTOR?

Colossal. Property and related industries are estimated to contribute as much as a quarter of China’s Gross Domestic Product (GDP).

The sector took off after market reforms in 1998. There was a breathtaking construction boom on the back of demand from a growing middle class that saw property as a key family asset and status symbol.

 

The bonanza was fuelled by easy access to loans, with banks willing to lend as much as possible to both developers and buyers.

 

Mortgages make up almost 20 per cent of all outstanding loans in China’s entire banking system, according to a report by ANZ Research this month.

 

Many developments rely on “pre-sales”, with buyers paying mortgages on units in projects yet to be built.

 

Unfinished homes in China amount to 225 million sq m of space, Bloomberg News reported.

 

WHY DID IT PLUNGE INTO CRISIS?

As property developers flourished, housing prices also soared.

 

That worried the government, which was already concerned about the risk posed by debt-laden developers.

 

It launched a crackdown last year, with the central bank capping the proportion of outstanding property loans to total lending by banks to try to limit the threat to the entire financial system.

 

This squeezed sources of financing for developers already struggling to handle their debts.

 

A wave of defaults ensued, most notably by China’s biggest developer, Evergrande, which is drowning in liabilities of more than US$300 billion.

 

On top of the regulatory clampdown, Chinese property firms were also hit by the COVID-19 crisis – the economic uncertainty forced many would-be homebuyers to rethink their purchase plans.

HOW HAVE HOMEBUYERS REACTED?

Evergrande’s decline had sparked protests from homebuyers and contractors at its Shenzhen headquarters in September last year.

 

In June this year, a new form of protest emerged: The mortgage boycott.

 

People who had bought units in still-unfinished projects announced they would stop making payments until construction resumed.

 

Within a month, the boycott spread to homebuyers in more than 300 projects in 50 cities across China.

 

Many of the unfinished projects were concentrated in Henan province, where mass protests in response to rural bank fraud broke out and were suppressed.

 

Chinese lenders said last week that the affected mortgages account for less than 0.01 per cent of outstanding residential mortgages, but analysts say the fear is how far the boycotts will spread.

 

WHY IS THERE GLOBAL CONCERN?

China is the world’s second-largest economy, with deep global trade and finance links.

 

If the property crisis spreads to China’s financial system, the shock would be felt far beyond its borders, analysts say.

 

“Should defaults escalate, there could be broad and serious economic and social implications,” Fitch Ratings wrote in a note on Monday (Jul 18).

 

This echoed a warning by the US Federal Reserve, which said in May that while China has managed to contain the fallout so far, a worsening property crisis could impact the country’s financial system too.

 

The crisis could spread and impact global trade and risk sentiment, the Fed said in its May 2022 Financial Stability Report.

 

WHAT CAN CHINA DO TO FIX IT?

A bailout or rescue fund for the entire property sector is unlikely, even as mortgage boycotts mount, analysts say, as those would mean the government is admitting to the scale of the crisis.

 

A major bailout may also encourage developers and home buyers to continue with risky decisions as they would see the government and banks taking on responsibility.

 

But pressure has been building on Chinese banks to help ease the situation. China’s banking regulator said Thursday that it would help ensure that projects are completed and units handed over to buyers.

 

Some intervention has happened at the local level in Henan province, where a bailout fund was set up in collaboration with a state-backed developer to help stressed projects.

 

Chen Shujin at Jefferies Hong Kong said local governments, developers and homeowners might also be able to negotiate interest waivers and suspension of mortgage payments for a certain period on a case-by-case basis.

 

Source: AFP

អ្នកជំនាញលើកឡើងពីផលវិជ្ជមាន និងអវិជ្ជមានពីការកសាងហេដ្ឋារចនាសម្ព័ន្ឋនិងការពង្រីករាជធានី

ដោយៈ វឌ្ឍនៈ

ភ្នំពេញៈ ស្របទៅតាមកំណើនប្រជាជន នៅក្នុងទីក្រុងបានកើនឡើងជាបន្តបន្ទាប់ ជាពិសេសប្រជាពលរដ្ឋរស់នៅរាជធានីភ្នំពេញ បានធ្វើឱ្យរដ្ឋាភិបាល ត្រូវរៀបផែនការពង្រីកទីក្រុងជាបន្តបន្ទាប់។

ការពង្រីកទីក្រុងនេះផងដែរ ជាទូទៅបានជះឥទ្ធិពលវិជ្ជមាន ទៅលើតម្លៃដីធ្លី និងបានធ្វើឱ្យតម្លៃដីធ្លីកើនឡើងជាងមុន ប៉ុន្តែយ៉ាងណាក្ដីការពង្រី​ករាជធានីភ្នំពេញ ក៏អាចធ្វើឱ្យតម្លៃដីធ្លីធ្លាក់ចុះទៅវិញ។

លោកច្រឹក សុខនីមប្រធានសមាគមអ្នកវាយតម្លៃ និងភ្នាក់ងារអចល​នវត្ថុកម្ពុជាបានមានប្រសាសន៍ឲ្យដឹង កាលពីព្រឹកថ្ងៃទី២៥ កក្កដានេះថា កំណើនប្រជាជនរស់នៅទីក្រុង បានធ្វើឱ្យរដ្ឋាភិបាល ត្រូវពង្រីកផ្ទៃដីនៅទីក្រុងកាន់តែធំឡើងៗ ជាពិសេសពលរដ្ឋរស់នៅក្នុងរាជធានីភ្នំពេញ ពីមួយឆ្នាំទៅមួយឆ្នាំ បានកើនឡើងជាបន្តបន្ទាប់ ហើយរដ្ឋភិបាលក៏បានពង្រីកក្រុងភ្នំពេញក៏កាន់តែធំ ដោយកាត់យកចំណែកខ្លះ នៃខេត្តកណ្តាលជាប់ភ្នំពេញ មកក្រោមការគ្រប់គ្រងរបស់រដ្ឋបាលក្រុងភ្នំពេញផងដែរ ។

លោកបន្តថា “ផែនការពង្រីកទីក្រុងពេលខ្លះ ក៏ធ្វើឱ្យដីធ្លីឡើងថ្លៃហើយពេលខ្លះក៏ធ្វើឱ្យដីធ្លីនៅថេរ និងអាចធ្វើឱ្យធ្លាក់ចុះថ្លៃទៅវិញ”។ លោកពន្យល់ថា “ជាទូទៅនៅពេលមានការពង្រីកក្រុង ដីនៅតំបន់ឆ្ងាយពីក្រុងនឹងត្រូវអភិវឌ្ឍន៍ឱ្យដូចនឹងដីនៅក្រុងដែរ ពេលនោះនឹងមានការអភិវឌ្ឍជាហេដ្ឋារចនាសម្ព័ន្ធ  ផ្ទះ និងតំបន់ឧស្សាហកម្មជាដើម ដូច្នេះដីនៅតំបន់នោះនឹងមានការឡើងថ្លៃ តែសម្រាប់ដីដែលត្រូវបានកំណត់ធ្វើជាផ្លូវ ឬដីដែលមានការសង់ស្ពានអាកាសពីលើ នឹងមិនឡើងថ្លៃនោះទេ”។

កំណើនតម្លៃដីធ្លីខ្ពស់ពេក ក៏រារាំងដល់ផែនការអភិវឌ្ឍន៍មួយផ្នែកផងដែរ ឧទាហរណ៍ការចំណាយលើសំណងដល់ប្រជាពលរដ្ឋ ដើម្បីសាងសង់អ្វីមួយ អ្នកវិនិយោគមិនមានលទ្ឋភាពចាប់ផ្តើមគំរោងរបស់ពួកគេជាដើម។

លោកច្រឹក សុខនីមបានបន្ថែមថា ជាធម្មតា ផែនការពង្រីកក្រុងត្រូវមានការអភិវឌ្ឍ៣ ដំណាក់កាលសំខាន់ៗ ទី១ ការអភិវឌ្ឍហេដ្ឋារចនាស   ម្ព័ន្ធជាមុន ដូចជាផ្លូវ ទឹក ភ្លើង ទី២ គឺការអភិវឌ្ឍលំនៅឋាន ។ នៅពេលដែលមានការអភិវឌ្ឍហេដ្ឋារចនាសម្ព័ន្ធរួចរាល់ អ្នកអភិវឌ្ឍន៍លំនៅឋាននឹងចូលទៅអភិវឌ្ឍន៍ ដើម្បីផ្គត់ផ្គង់ទៅតាមតម្រូវការ ពីព្រោះថាពេលមានការពង្រីកក្រុង នឹងធ្វើឱ្យលំនៅឋាននៅតំបន់ជាយៗក្រុង ឬតំបន់អភិវឌ្ឍន៍ថ្មីនឹងមានតម្រូវការ ពេលនោះគឺជាឱកាសរបស់អ្នកអភិវឌ្ឍន៍។

ទី៣ ការអភិវឌ្ឍតំបន់ឧស្សាហកម្មឬពាណិជ្ជកម្ម ពីព្រោះថានៅពេលមានមនុស្សរស់នៅកាន់តែច្រើន តម្រូវការទៅលើសេវាកម្មផ្សេងៗ ដែលជាកត្តាចាំបាច់ សម្រាប់ការរស់នៅរបស់មនុស្ស នឹងកើនឡើងដូចគ្នា។ ដូច្នេះហើយការអភិវឌ្ឍឧស្សាហកម្ម និងពាណិជ្ជកម្មនឹងមានសន្ទុះកំណើននៅ តំបន់ថ្មីៗទាំងនោះ។

ចំណែកលោកប៉ូ អ៊ាវគង់ អគ្គនាយកនៃក្រុមហ៊ុនAdvance  Real Estate បានមានប្រសសាន៍ផងដែរថា ដើម្បីឱ្យផែនការទទួលបានជោគ​ជ័យ ពិតណាស់រដ្ឋាភិបាលប្រាកដជាមានគម្រោងប្លង់មេ សម្រាប់ការអភិវឌ្ឍ ហើយអនុវត្តទៅតាមគម្រោងប្លង់មេទាំងនោះ ដូចជា ការអភិវឌ្ឍហេដ្ឋារចនាសម្ព័ន្ធ បានត្រឹមត្រូវ និងការចុះបញ្ជីដីធ្លីជូនពលរដ្ឋ ដែលទើបកាត់ចូលមកជាអ្នកក្រុងថ្មីៗបានត្រឹមត្រូវផងដែរ។

រដ្ឋាភិបាលតាមរយៈក្រសួងរៀបចំដែនដី នគរូបនីយកម្ម និងសំណង់កាលពីឆ្នាំមុន បានបង្ហាញពីផែនការប្រើប្រាស់ដីលំអិត និងផែនការពង្រីករាជធានីភ្នំពេញ សម្រាប់ផែនការអភិវឌ្ឍន៍ឆ្នាំ២០២០ ២០៣៥ ដែលផែន​ការនេះ រដ្ឋាភិបាលគ្រោងនឹងពង្រីករាជធានីភ្នំពេញ ​ក្នុងកាំរង្វង់៣០គីឡូ​ម៉ែត្រការ៉េ៕

ហេតុអ្វីពិភពលោកត្រូវព្រួយបារម្ភចំពោះវិបត្តិអចលនទ្រព្យ របស់មហាយក្សចិន?

ដោយៈ សុខុម

ប៉េកាំងៈ វិស័យអចលនទ្រព្យ បាននិងកំពុងជួបវិបត្តិផ្ទួនៗរបស់ប្រទេ​សចិន បានជួបវិបត្តិថ្មីមួយទៀតនៅខែនេះ នៅពេលក្រុមអ្នកទិញផ្ទះបានសម្ដែងការខកចិត្ត និងឈប់ទូទាត់ប្រាក់កម្ចីរបស់ពួកគេ សម្រាប់ផ្ទះក្នុងគម្រោងណាដែលសាងសង់មិនទាន់រួចរាល់។

ការឈប់ទូទាត់ប្រាក់កម្ចីទិញផ្ទះនេះ ធ្វើឡើងស្របពេលក្រុមហ៊ុនអភិវឌ្ឍន៍ចិនជាច្រើន កំពុងជួបវិបត្តិពិបាកគ្រប់គ្រងបំណុល ដែលគរដូចភ្នំ និងការភ័យខ្លាចថា វិបត្តិនេះអាចនឹងរីករាលដាល ដល់សេដ្ឋកិច្ចរបស់ប្រទេសចិន និងពិភពលោកទាំងមូល។

*តើវិស័យអចលនទ្រព្យរបស់ប្រទេសចិនមានទំហំធំប៉ុនណា?

ចម្លើយគឺវាធំមហាសាល! ឧស្សាហកម្មអចលនទ្រព្យ និងឧស្សាហកម្ម ដែលពាក់ព័ន្ធត្រូវបានប៉ាន់ប្រមាណថា មានចំណែករហូតដល់ទៅ១ភាគ៤នៃផលទុនជាតិសរុប (GDP) របស់ប្រទេសចិនទាំងមូល។

វិស័យនេះ បានចាប់ផ្ដើមមានសន្ទុះរីកចម្រើនខ្លាំង បន្ទាប់ពីការធ្វើកំណែទម្រង់ទីផ្សារក្នុងឆ្នាំ១៩៩៨។

វិស័យសំណង់មានការរីកចម្រើនយ៉ាងខ្លាំង ខណៈប្រជាជនចិន ស្ថិតក្នុងវណ្ណៈកណ្តាល មានតម្រូវការទិញផ្ទះកើនឡើងឥតឈប់ឈរ ហើយពួកគេថែមទាំងចាត់ទុកផ្ទះ ជាទ្រព្យដ៏សំខាន់ក្នុងកគ្រួសារ និងជានិមិត្តរូបនៃវណ្ណៈទៀតផង។

វិស័យអចលនទ្រព្យមានសន្ទុះរីកចម្រើនខ្លាំង ក៏ដោយសារតែលក្ខ​ខណ្ឌ​ទទួលបានឥណទានងាយស្រួល ដោយធនាគារព្យាយាមផ្ដល់ប្រាក់កម្ចីដល់ធនាគារអភិវឌ្ឍន៍ និងអ្នកទិញឱ្យបានច្រើនតាម ដែលអាចធ្វើទៅបាន។

យោងតាមរបាយការណ៍មួយរបស់ ANZ Research ក្នុងខែនេះបង្ហាញថា កម្ចីទិញផ្ទះមានចំនួនស្ទើរតែ២០% នៃប្រាក់កម្ចីដែលមិនទាន់ទូទាត់សងទាំងអស់ នៅក្នុងប្រព័ន្ធធនាគារទាំងមូលរបស់ប្រទេសចិន។

គម្រោងអភិវឌ្ឍន៍ជាច្រើនពឹងផ្អែកលើ “ការលក់Pre-sale” ដោយអ្នកទិញបង់រំលស់ផ្ទះ ក្នុងគម្រោងមិនទាន់ចាប់ផ្ដើមសាងសង់នៅឡើយ។

សារព័ត៌មាន Bloomberg News បានចុះផ្សាយថា ផ្ទះដែលមិនទាន់រួចរាល់នៅក្នុងប្រទេសចិន មានទំហំដល់ទៅ២២៥លានម៉ែត្រការ៉េ។

*ហេតុអ្វីបានជាពិភពលោក ត្រូវព្រួយបារម្ភចំពោះវិបត្តិអចលនទ្រព្យរបស់មហាយក្សចិន?

ដូចយើងបានដឹងហើយថា ប្រទេសចិន គឺជាមហាអំណាចសេដ្ឋកិច្ចទី២ របស់ពិភពលោក ដែលមានទំនាក់ទំនងពាណិជ្ជកម្ម និងហិរញ្ញវត្ថុយ៉ាងស៊ីជម្រៅនៅលើពិភពលោក។

ក្រុមអ្នកវិភាគលើកឡើងថា ប្រសិនបើវិបត្តិអចលនទ្រព្យនេះ រីករាលដាលដល់ប្រព័ន្ធហិរញ្ញវត្ថុរបស់ប្រទេសចិន ផលប៉ះពាល់ដ៏ធំធេងរបស់វានឹងរីកដាលដាលដល់ពិភពលោកទាំងមូល។

ទីភ្នាក់ងារដាក់កម្រិតគុណភាពឥណទាន Fitch Ratings បានសរសេរក្នុងកំណត់ត្រាមួយរបស់ខ្លួន កាលពីថ្ងៃច័ន្ទ ទី១៨ ខែកក្កដាកន្លងមក ថា “ប្រសិនបើការខកខានទូទាត់បំណុល (របស់ក្រុមហ៊ុនអភិវឌ្ឍន៍អចលនទ្រព្យចិន) កើនឡើង វាអាចជះផលប៉ះពាល់ធំធេង និងធ្ងន់ធ្ងរដល់សេដ្ឋកិច្ច និងសង្គម”។

ការព្រមាននេះ បន្ទរតាមការព្រមានដោយធនាគារកណ្តាល អាមេរិក (Federal Reserve) ដែលបាននិយាយកាលពីខែឧសភាថា ខណៈប្រទេសចិន នៅគ្រប់គ្រងការខនខានទូទាត់បំណុលនេះ បាននៅឡើយរហូតមកទល់ពេលនេះ វិបត្តិអចលនទ្រព្យកាន់តែធ្ងន់ធ្ងរទៅៗ អាចប៉ះពាល់ដល់ប្រព័ន្ធហិរញ្ញវត្ថុរបស់ប្រទេសនេះផងដែរ។

ធនាគារកណ្ដាលអាមេរិក បានលើកឡើងក្នុងរបាយការណ៍ស្ថិរភាពហិរញ្ញវត្ថុ (Financial Stability Report) របស់ខ្លួនកាលពីខែឧសភា ឆ្នាំ២០២២ថា វិបត្តិនេះអាចរីករាលដាល និងជះប៉ះពាល់ដល់ពាណិជ្ជកម្មទូទាំងពិភពលោក៕ Reuters៕

មន្រ្តីក្រសួងសាធារណៈការពិនិត្យបញ្ហាប្រឈមក្នុងការអនុវត្តគម្រោងធ្វើ ឱ្យប្រសើរឡើងវិញផ្លូវជាតិលេខ២ដែលការសាងសង់យឺតយ៉ាវ

 ដោយៈ គង់ សូរិយា

       ភ្នំពេញៈ ក្រុមមន្រ្តីក្រសួងសាធារណៈការ និងដឹកជញ្ជូនដឹកនាំដោយលោកហេង រត្នពិសិដ្ឋ អគ្គនាយកនៃអគ្គនាយកដ្ឋានសាធារណការនៃក្រសួងសាធារណការ និងដឹកជញ្ជូន និងជានាយកគម្រោងធ្វើឱ្យប្រសើរឡើងផ្លូវជាតិលេខ២ និងលេខ២២។

ជំនួបពិភាក្សាការងារនេះ បានធ្វើឡើងជាមួយលោកស្រី Minnie Chey នាយិកាមូលនិធិសហប្រតិបត្តិការសេដ្ឋកិច្ចកូរ៉េប្រចាំកម្ពុជា(EDCF) ដោយមានការចូលរួម ពីលោកកែន រដ្ឋា នាយករងគម្រោង និងមន្រ្តីពាក់ព័ន្ឋ​មួយចំនួន។

ជំនួបពិភាក្សានេះ ធ្វើឡើងក្នុងគោលបំណង ដើម្បីពិនិត្យបញ្ហាប្រឈមទាក់ទងដឹងការអនុវត្ត គម្រោងធ្វើឱ្យប្រសើរឡើងវិញផ្លូវជាតិលេខ២ និងផ្លូវជាតិលេខ២២ និងស្វែងរកដំណោះស្រាយ ចំពោះបញ្ហាសំដៅធានាដល់ការអនុវត្តគម្រោងដោយភាពរលូន និងបញ្ចប់តាមការគ្រោងទុក។

អង្គប្រជុំបានពិនិត្យ និងពិភាក្សាអំពីរបាយការណ៍លទ្ធផល នៃការចុះអង្កេតគុណភាពផ្លូវជាតិលេខ២ និងផ្លូវជាតិលេខ២២ដោយម៉ាស៊ីនFWD ការផ្ទៀងផ្ទាត់របាយការណ៍បឋម របស់ក្រុមការងារបច្ចេកទេសក្រសួង ជាមួ​យនឹងរបាយការណ៍បឋមរបស់ក្រុមជំនាញការកូរ៉េ។

ក្រុមមន្រ្តីក៏បានពិភាក្សា អំពីតម្រូវការក្រុមបច្ចេកទេសឯករាជ្យមកធ្វើសវនកម្មបច្ចេកទេស (Technical Audit) និងបញ្ហាប្រឈមនានា ដូចជាការដោះស្រាយផលប៉ះពាល់ នៅកំណាត់ផ្លូវនៅក្រុងតាខ្មៅ ការស្នើសុំបន្ថែមការងារមួយចំនួន និងការស្នើសុំពន្យារពេល។

ភាគីទាំងពីរ បានបង្ហាញនូវការខិតខំប្រឹងប្រែងបន្តកិច្ចសហការ និងស្វែងរកវិធីដោះស្រាយ ដើម្បីឱ្យការអនុវត្តគម្រោងសម្រេច បានលទ្ធផលប្រកបដោយប្រសិទ្ធភាព និងមានគុណភាព៕

ទីផ្សារជួលការិយាល័យកម្រិតBនិងCកំពុងមានកំណើនខ្ពស់ ខណៈ កម្រិតAធ្លាក់ចុះបន្តិច

ដោយៈ សុផារី

ភ្នំពេញៈ ជាមួយការត្រលប់មកវិញបណ្តើរៗ នៃអ្នកវិនិយោគិនបរទេស និងការចាប់ផ្តើមអាជីវកម្មឡើងវិញ បានធ្វើឱ្យទីផ្សារជួលការិយាល័យហាក់បង្ហាញសញ្ញាល្អប្រសើរច្រើន ដោយទទួលបានការជួលឡើងវិញ។ ក្នុងនោះ អាគារការិយាល័យកម្រិតB និងCទទួលបានការពេញនិយមខ្ពស់ ខណៈកម្រិតAបានធ្លាក់ចុះបន្តិច។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីមបានមានប្រសាសន៍នៅថ្ងៃទី២៥ ខែកក្កដានេះថា ទីផ្សារជួលអាគារពាណិជ្ជកម្មប្រភេទB និងC ទទួលបានការគាំទ្រកើនឡើងខ្ពស់ជាងប្រភេទA ដែលបានធ្លាក់ចុះបន្តិចបន្តួច ដោយសារបញ្ហាប្រឈមនឹងវិបត្តិសេដ្ឋកិច្ច។

បើតាមការបញ្ជាក់របស់អ្នកជំនាញរូបនេះ អាគារប្រភេទA មានតម្លៃលើសពី២០ដុល្លារអាមេរិក ក្នុងមួយម៉ែត្រការ៉េ អាគារប្រភេទB មានតម្លៃចន្លោះ៨ ទៅ២០ដុល្លារអាមេរិក ក្នុងមួយម៉ែត្រការ៉េ និងអាគារប្រភេទC មានតម្លៃក្រោម៨ដុល្លារអាមេរិកក្នុងមួយម៉ែត្រការ៉េ។

លោកបន្តថា “អាគារពាណិជ្ជកម្មក៏ចាប់ផ្តើមដំណើរការខ្លះៗ ក្នុងនោះអាគារកម្រិតB និងC នៅតែបន្តទទួលបានការគាំទ្រ ពីសំណាក់អតិថិជនរបស់ខ្លួន ខណៈកម្រិតA មានការធ្លាក់ចុះបន្តិចបន្តួច ដោយសារបញ្ហាសេដ្ឋកិច្ច ដែលធ្វើឱ្យម្ចាស់់ក្រុមហ៊ុនមួយចំនួន ព្យាយាមកាត់បន្ថយការចំណាយរបស់ខ្លួនក្នុងកំឡុងវិបត្តិ”។

លោកបានគូសបញ្ជាក់ថា “កម្រិតB និង C នៅតែបន្តទទួលការគាំទ្រ ជួលបានច្រើន ហើយប្រភេទA មានការធ្លាក់ចុះខ្លះ ដោយសារតែបញ្ហាប្រ​ឈ​មនៃវិបត្តិសេដ្ឋកិច្ច ដូច្នេះម្ចាស់ក្រុមហ៊ុន ឬសហគ្រាសមួយចំនួន បានកាត់បន្ថយថ្លៃដើម តែនៅពេលសមរម្យណាមួយ គាត់នឹងត្រឡប់ទៅប្រើប្រាស់អាគារទាំងអស់នេះវិញ”។

យោងតាមរបាយការណ៍របស់ក្រុមហ៊ុនCBRE Cambodia ចេញផ្សាយនៅថ្ងៃទី៧ ខែកក្កដា ឆ្នាំ២០២២នេះស្តីអំពី បច្ចុប្បន្នភាពទីផ្សារអចលនទ្រព្យនៅកម្ពុជា ក្នុងឆមាសទី២ ឆ្នាំ២០២២នេះបានបង្ហាញថា ក្នុងឆ្នាំ២០២២ទាំងមូល ទីផ្សារការិយាល័យរំពឹងទទួលបាន ការផ្គត់ផ្គង់សរុបចំនួន១០០.០០០ម៉ែត្រក្រឡា ប៉ុន្តែតាមរយៈការសិក្សាបានបង្ហាញថា ប្រមាណ៦០ភាគរយនៃការផ្គត់ផ្គង់ ដែលរំពឹងទុកនោះ ត្រូវបានពន្យារពេលរហូតដល់ឆ្នាំ២០២៣។

អ្នកនាងជិន ដាលុច្ស ប្រធានផ្នែកវាយតម្លៃនៃក្រុមហ៊ុន CBRE Cambodia បានមានប្រសាសន៍ឲ្យដឹងថា ទីផ្សារជួលការិយាល័យនៅក្នុងប្រទេសកម្ពុជាមានភាពធន់ខ្ពស់ ដោយសារសញ្ញានៃការធ្លាក់ចុះ នៃការផ្គត់ផ្គង់ និងការមិនមានគម្រោងថ្មី ដែលជួយគាំទ្រឱ្យអត្រាគ្រប់គ្រងការិយាល័​យមានស្ថិរភាព។

អ្នកនាងសង្គត់ធ្ងន់ថា “ការបន្ថយល្បឿនការផ្គត់ផ្គង់ការិយាល័យនេះជាសញ្ញាល្អមួយ ដើម្បីជួយឱ្យទីផ្សារមួយនេះ មានពេលគ្រប់គ្រាន់ ក្នុងការស្រូបយកការិយាល័យដែលទំនេរ ដោយអត្រាការិយាល័យ ដែលបានគ្រប់គ្រងរួច ក្នុងឆមាសទី២ឆ្នាំនេះ ប្រមាណ៦៧ភាគរយ ស្មើនឹងឆមាសទី១ ឆ្នាំ២០២២ដែរ”។

អ្នកនាងបន្តថា គ្រប់ការិយាល័យ នៅក្នុងតំបន់អភិវឌ្ឍន៍ចម្រុះ (CBD) នៅបន្តរក្សាបានអត្រាតម្លៃ និងការជួលរបស់ខ្លួនដូចក្នុងត្រីមាសទី១ នៃឆ្នាំ២០២២ដែរ ប៉ុន្តែសម្រាប់ការជួលអាគារ ដែលស្ថិតនៅក្រៅតំបន់អភិវឌ្ឍន៍ចម្រុះ មានការធ្លាក់ចុះ។

អ្នកនាងបានឱ្យដឹងថា ម្ចាស់អាគារអាគារក្រៅតំបន់អភិវឌ្ឍន៍ចម្រុះ បានទម្លាក់ថ្លៃជួលការិយាល័យកម្រិតB និងកម្រិតC ក្នុងចន្លោះពី៣ភាគរយ ទៅ៨,៧ភាគរយ ដើម្បីទាក់ទាញអតិថិជន ដែលកំពុងមានបំណងពង្រីកទំហំការិយាល័យរបស់ខ្លួន ហើយចាកចេញពីអាគារការិយាល័យនៅក្នុងតំបន់អភិវឌ្ឍន៍ចម្រុះ ទៅកាន់ក្រៅតំបន់តំបន់អភិវឌ្ឍន៍ចម្រុះ ដើម្បីរកទីតាំងជួលមានតម្លៃទាបជាងមុន។

អ្នកនាងបន្ថែមថា ជាពិសេស អាគារការិយាល័យកម្រិតB ដែលស្ថិតនៅក្រៅតំបន់អភិវឌ្ឍន៍ចម្រុះ ទទួលបានការពេញនិយម ហើយបានស្រូបយកចំណែកទីផ្សារពីប្រភេទផ្សេងទៀត៕

ឡាម៉េហ្សុង ផ្លាហ្សាបើកសម្ពោធដំណើរការគម្រោងអភិវឌ្ឍផ្ទះអាជីវកម្ម ជាមួយទីតាំងយ៉ាងល្អប្រណិត

ដោយៈ លីថូ

ភ្នំពេញៈ គំរោងលំនៅដ្ឋានឡាម៉េហ្សុង ផ្លាហ្សា បានបើកសម្ពោធដំណើរការជាផ្លូវការ នូវគម្រោងអភិវឌ្ឍផ្ទះអាជីវកម្មរបស់ខ្លួន ដែលមានទីតាំងប្រកបដោយសក្តានុពលខ្ពស់ ស្ថិតនៅជាប់រង្វង់មូលអប្សរា មហាវិថីឈ្នះឈ្នះ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។

ពិធីសម្ពោធនេះកាលពីថ្ងៃទី២៤ កក្កដាកន្លងមកនេះ មានការអញ្ជើញចូលរួមជាអធិបតីពីសំណាក់ លោកកើត ឆែ អភិបាលរងរាជធានីភ្នំពេញ និងជាតំណាងដ៏ខ្ពង់ខ្ពស់លោកឃួង ស្រេង អភិបាលនៃគណៈអភិបាលរាជធានីភ្នំពេញ អាជ្ញាធរពាក់ព័ន្ធ តំណាងដៃគូវិនិយោគ ភ្ញៀវកិត្តិយសជាតិនិងអន្តរជាតិជាច្រើននាក់ ដោយកម្មវិធីនេះប្រារព្ធធ្វើឡើង នៅសាលប្រជុំ ដឹព្រេមៀរសែនសុខ រាជធានីភ្នំពេញ ។

ឡាម៉េហ្សុងផ្លាហ្សា គឺជាគម្រោងអភិវឌ្ឍផ្ទុះអាជីវកម្ម ដែលប្រមូលផ្ដុំដោយហាងលក់ទំនិញ ហាងផ្តល់សេវាកម្ម ភោជនីយដ្ឋាន ហាងលក់ម្ហូបអាហារនិងភេសជ្ជៈរហ័សជាដើម។ ពិសេសបានរៀបចំឲ្យដំណើរការពេញ ២៤ម៉ោង ប្រាំពីរថ្ងៃក្នុងមួយសប្តាហ៍ ។ ហ្សបហោស៍ ទាំងអស់បានរចនាតាមបែបស្ថាបត្យកម្មប៉ារីស នៃប្រទេសបារាំង ស្ថិតក្នុងរាជកាលស្តេចណាប៉ូលេអុង សម្រាប់គ្រួសារអភិជននាសម័យនោះ។ រចនាបថនេះ ក៏បានពន្លេចឡើងវិញផងដែរ ពីឧត្តមភាពនៃប្រទេសកម្ពុជា នាទសវត្ស៦០ ដែលគេស្គាល់ថា ជា “ប៉ារីសនៃអាស៊ីខាងកើត” ។

លោកអេង លីឃ័ង អគ្គនាយកក្រុមហ៊ុន Cambestate Management Co., Ltd. និងជាម្ចាស់គម្រោងឡាម៉េហ្សុង ផ្លាហ្សាមានប្រសាសន៍ថា ឡាម៉េហ្សុងផ្លាហ្សា ជាគម្រោងអភិវឌ្ឍរួមគ្នា រវាងក្រុមហ៊ុន Pacrim Camblossom Development Co. Ltd (PCD Group) តំណាងដោយលោក Wang Fu-Chang និងក្រុមហ៊ុន LCH Investment Group Co., Ltd. (LCH Group) តំណាងដោយលោក តាន់ កាក់ឃុន ជាសម្ព័ន្ធក្រុមហ៊ុន បានប្រតិបត្តិអាជីវកម្មក្នុងវិស័យអចលវត្ថុនៅកម្ពុជា ដែលមានបទពិសោធន៍ ជាយូរឆ្នាំណាស់មកហើយ ព្រមទាំងទទួលស្គាល់ដោយធុរជន និងវិនិយោគគិនជាច្រើនទាំងក្នុង និងក្រៅប្រទេស។

ជាមួយគ្នានោះលោក អេង លីឃ័ង បានបញ្ជាក់ថា  “ចក្ខុវិស័យរបស់គម្រោង គឺផ្តោតទៅលើការបង្កើតមណ្ឌលពាណិជ្ជកម្ម២៤ម៉ោង ក្នុងប្រាំពីរថ្ងៃ ដែលប្រមូលផ្តុំដោយធុរកិច្ចចម្រុះ ដើម្បីបំពេញតម្រូវការប្រជាពលរដ្ឋ ដែលរស់នៅ ក្នុងខណ្ឌទាំង៤ រួមមាន៖ខណ្ឌឫស្សីកែវ ខណ្ឌសែនសុខ ខណ្ឌព្រែកព្នៅ និងខណ្ឌជ្រោយចង្វារ”។ លោកបន្តថា អ្វីពិសេសជាងនេះ គឺផ្តល់ឱកាស ឱ្យធុរជនអាចធ្វើធុរកិច្ច និងរស់នៅក្នុងគេហដ្ឋានរបស់ខ្លួនឯងផ្ទាល់តែម្តង ដោយពុំចាំបាច់ចំណាយបន្ថែមលើការជួលទីកន្លែងផ្សេងគ្នា”។

លើសពីនេះទៀតលោក អគ្គនាយកក្រុមហ៊ុន បានបន្ថែមថា  គម្រោងផ្ទះអាជីវកម្ម ឡាម៉េហ្សុងផ្លាហ្សា មានផ្លូវធំទូលាយ ទីធ្លា និងកន្លែងចតយានយន្តទូលាយ មានផ្លូវថ្មើរជើង សួនច្បារ កន្លែងអង្គុយ និងបន្ទប់ទឹកសាធារណះយ៉ាងល្អស្អាត។ នៅតាមដងផ្លូវនីមួយៗ មានដាំលម្អដោយដើម ផ្កាអង្គាបុស្ស ដើម្បីបន្ថែមបរិយាកាសធម្មជាតិ ពណ៍បៃតង ផ្តល់អារម្មណ៍ស្រស់ស្រាយ ទន់ភ្លន់ និងអន្លង់អន្លោចដល់ធុរជន អ្នក រស់នៅ និងភ្ញៀវទាំងឡាយដែលបានចូលមកដល់។

នៅជុំវិញគម្រោង ឡាម៉េហ្សុង ផ្លាហ្សា មានមហាវិថី ផ្លូវជាតិ និងផ្លូវរដ្ឋធំតូចយ៉ាងតិច១០ខ្សែព័ទ្ធប្រជុំគ្នា ជាពិសេសគឺមានផ្លូវរដ្ឋ២០ម៉ែត្រ ឆ្លងកាត់គម្រោងតែម្តង គឺចាប់ពីរង្វង់មូលអប្សរា (អតីតរង្វល់ មូលព្រែកព្នៅ) រហូតដល់ក្រសួងរៀបចំដែនដីនគរូបនីយកម្ម និងសំណង់ ព្រមទាំងមាន ហេដ្ឋារចនាសម្ព័ន្ធរូបវន្តបង្កលក្ខណៈ ងាយស្រួល (physical infrastructure-accessibility) ដូចជាស្ថាប័នរដ្ឋ សហគ្រាសឯកជន និងបុរីធំៗជាច្រើនកុះករ។

ចំណែកលោក Wang Fu-Chang ប្រធានក្រុមប្រឹក្សាភិបាលក្រុមហ៊ុន PCD Group បានមានប្រសាសន៍ថា អ្វីដែលជាភាពល្អឯក នៃគម្រោងឡាម៉េហ្សុងផ្លាហ្សា មានដូចជា ទី១ ទីតាំងគម្រោងមានសក្តានុពល ស្ថិតនៅចំកណ្តាល នៃទីតាំងភូមិសាស្ត្រភាគខាងជើង រាជធានីភ្នំពេញ។ ទី២ គឺរចនាបថ ហ្សបហៅស៍ បែបស្ថាបត្យកម្មប៉ារីសនៃប្រទេសបារាំង មានរូបរាងស្ទាតសមសួនឥតខ្ចោះ មានភាពបត់បែនក្នុងការប្រើប្រាស់លម្អនិងទី៣៖គឺពហុមុខងារហ្សបហៅស៍ ដែលផ្តល់ឱកាសឱ្យធុរជនអាចធ្វើធុរកិច្ច និងរស់ នៅក្នុងគេហដ្ឋានតែមួយ ។

លើសពីនេះ ហ្សបហៅស៍ អាចឱ្យវិនិយោគិន ទទួលបានចំណូលពីការជួលផ្ទះ និងចំណេញមូលធន ពីការឡើងថ្លៃផ្ទះផងដែរ។ ជាពិសេសគឺបានបន្ថែមដោយបទដ្ឋានគ្រប់គ្រងគម្រោងដ៏ល្អ ដែលអាចធានាបាននូវវឌ្ឍនភាព និង និរន្តរភាពសម្រាប់គ្រប់ធុរកិច្ច។

ជាមួយគ្នានោះលោក Wang Fu-Chang ក៏បានគូសបញ្ជាក់ផងដែរថា គម្រោងឡាម៉េហ្សុង ផ្លាហ្សា សម្រាប់ជនបរទេស ក៏អាចក្លាយជាម្ចាស់កម្មសិទ្ធិស្របច្បាប់នៃអាជីវកម្មដ៏ប្រណិតភាព និងមានសក្តានុពល នេះផងដែរ ។

នៅក្នុងពិធីសម្ពោធបើកដំណើរការគម្រោង ឡាម៉េហ្សុង ផ្លាហ្សាក៏មានការចុះហត្ថលេខា លើអនុស្សរណៈយោគយល់គ្នា(MOU)រវាងលោក អេង លីឃ័ង អគ្គនាយកក្រុមហ៊ុន និងជាម្ចាស់គម្រោងឡាម៉េហ្សុង ផ្លាហ្សា ជាមួយលោកChu, Che-Yi ប្រធានក្រុមប្រឹក្សាភិបាល និងជាតំណាងក្រុមហ៊ុន Grand Cathay Investiment Trust (Cambodia) Plc. លើកិច្ចសហប្រតិបត្តិការ ក្នុងភាពជាដៃគូ សម្រាប់ផ្ដល់សេវា បរធនបាលកិច្ចជូនជនបរទេស ឱ្យអាចទិញផ្ទះដោយស្របច្បាប់នៅគម្រោង ឡាម៉េហ្សុងផ្លា  ហ្សានេះផងដែរ៕