ដោយ៖ សុផារី

ភ្នំពេញ៖ វិបត្តិជំងឺកូវីដ-១៩ បានធ្វើឱ្យការវិនិយោគរបស់ចិនលើវិស័យសំណង់ នៅក្នុងប្រទេសកម្ពុជាមានការធ្លាក់ចុះ ប៉ុន្តែយ៉ាងណាក្តី ការវិនិយោគរបស់ចិន នៅតែឈរនៅលេខរៀងទី១ នៃការវិនិយោគសរុបក្នុងប្រទេសកម្ពុជា។​

អ្នកជំនាញថា វិស័យអចលនទ្រព្យ នឹងក្លាយជាគោលដៅអាទិភាព នៃការវិនិយោគរបស់ចិនសាជាថ្មី បន្ទាប់ពីកម្ពុជាគ្រប់គ្រងនូវស្ថានភាពកូវីដ-១៩បានល្អប្រសើរ ហើយដំណើរការសង្គមសេដ្ឋកិច្ចវិលទៅរកប្រក្រតីឡើងវិញ។

លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជា(CVEA) បានឱ្យដឹងនៅថ្ងៃទី១៦ ខែឧសភា ឆ្នាំ២០២២នេះថា វិនិយោគិនចិន អាចនឹងសម្លឹងមើលកម្ពុជា សម្រាប់ការវិនិយោគ​លើវិស័យសំណង់បន្ថែមទៀត ដោយអាចនឹងមានការវិនិយោគបន្ថែម នៅក្នុងខេត្តព្រះសីហនុ រាជធានីភ្នំពេញ និងខេត្តសក្តានុពលមួយចំនួនផ្សេងទៀត។ តាមការព្យាករណ៍ អាចនឹងមានគម្រោងវិនិយោគច្រើននៅចុងឆ្នាំនេះ ដោយសារស្ថានភាពជំងឺកូវីដ១៩នៅប្រទេសចិន នៅមិនទាន់មានភាពល្អប្រសើរខ្លាំង​។

លោកថា “បើមើលពីស្ថានភាពជំងឺកូវីដ១៩ នៅប្រទេសចិនវិញ ទោះបីជាមានស្ថានភាពល្អប្រសើរច្រើន តែយ៉ាងណាក៏ដោយ ប្រទេសចិនមិនទាន់ប្រកាសបើកដំណើរការសេដ្ឋកិច្ចឡើងវិញទាំងស្រុង ដូចនៅប្រទេសកម្ពុជាយើងនោះទេ ជាហេតុនាំឱ្យវិនិយោគិនចិនមួយចំនួន នៅរងចាំមើលស្ថានភាពបន្តិចទៀតសិន​”។

លោកបន្តថា “យ៉ាងណាក៏ដោយ កម្ពុជានៅតែអាចទាក់ទាញបាននូវការវិនិយោគបន្ថែម ពីប្រទេសជាច្រើន ដែលជាដៃគូវិនិយោគស្រាប់របស់ខ្លួន ដោយមិនរំពឹងតែទីផ្សារវិនិយោគពីប្រទេសចិន”។

លោកបានគូសបញ្ជាក់ថា បើយើងក្រឡេកមើលពីស្ថានភាពទិញលក់អចលនទ្រព្យ នៅក្នុងទីផ្សារក្នុងស្រុកយើងវិញ ស្ថានភាពទិញលក់បាននិងកំពុងងើបឡើងវិញជាបណ្ដើរៗហើយ។ ជាក់ស្តែង ការទិញលក់ដីឡូត៍ បុរី និងខុនដូជាដើម ដែលសកម្មភាពទិញលក់ទាំងនេះ ភាគច្រើនជាវិនិយោគិនក្នុងស្រុក។

លោកស្រី Catherine Chan ស្ថាបនិក និងជានាយប្រតិបត្តិនៃគម្រោងខុនដូ Urban Village &Factory Phnom Penh បានលើកឡើងថា ដោយសារការសម្រេចបើកប្រទេសឡើងវិញយ៉ាងឆាប់រហ័ស ពីរាជរដ្ឋាភិបាលកម្ពុជា បានធ្វើឱ្យស្ថានភាពវិស័យសំណង់ខុនដូក្នុងទីផ្សារកម្ពុជា ហាក់មានសកម្មភាពកម្រើកឡើងវិញ ដែលជាឱកាសល្អសម្រាប់វិនិយោគិនបរទេស និងក្នុងស្រុក អាចសម្លឹងមើលឱកាស វិនិយោគក្នុងឧស្សាហ៍កម្មនេះជាបន្តទៀត៕

ដោយ៖ វឌ្ឍនៈ

ភ្នំពេញ៖ តំបន់ប៉ែកខាងត្បូងរាជធានីភ្នំពេញ បានបង្ហាញសកម្មភាព លើការវិនិយោគអចលនទ្រព្យ កាន់តែខ្លាំងឡើង​។ ជាក់ស្ដែង សំណង់អគារ និងហេដ្ឋារចនាសម្ព័ន្ធនានា កំពុងត្រូវបានអភិវឌ្ឍយ៉ាងផុសផុល ស្របពេលស្ថានភាពសេដ្ឋកិច្ច និងស្ថានភាពវិបត្តិកូវីដ១៩ប្រទេសកម្ពុជា បាននិងកំពុងប្រសើរឡើង។

សកម្មភាពរបស់ក្រុមហ៊ុនអភិវឌ្ឍន៍នានា ដែលមានទីតាំងមូលដ្ឋានអាជីវកម្មនៅតំបន់ខាងត្បូង ត្រូវបានមើលឃើញថា មានសកម្មភាពមមាញឹកខ្លាំងជារៀងរាល់ថ្ងៃ ចំណែកការដ្ឋានសំណង់កាន់តែច្រើន និងសកម្មភាព នៃការអភិវឌ្ឍហេដ្ឋារចនាសម្ព័ន្ធរបស់រដ្ឋក៏កាន់តែច្រើនផងដែរ។

អ្នកស្រី អាន សុធីតា អគ្គនាយិកាក្រុមហ៊ុន PropNex Cambodia បានឱ្យដឹងថា បច្ចុប្បន្ន សកម្មភាពនៃការអភិវឌ្ឍនៅប៉ែកខាងត្បូងភ្នំពេញ កាន់តែមានសន្ទុះគួរឱ្យកត់សម្គាល់ ទាំងគម្រោងវិនិយោគរបស់រដ្ឋ និងសកម្មភាពនៃការវិនិយោគរបស់ឯកជន ដូចជា គម្រោងលំនៅឋាន ផ្សារទំនើប អគារខ្ពស់ជាដើម ជាពិសេសនៅជុំវិញតំបន់អភិវឌ្ឍន៍ព្រលានយន្តហោះអន្តរជាតិតេជោ និងគម្រោងអភិវឌ្ឍន៍ផ្សារទំនើបអ៊ីអន៣។

អ្នកស្រីបន្តថា អ្នកវិនិយោគ ដែលចូលទៅកាន់តំបន់ប៉ែកខាងត្បូង ភាគច្រើនផ្ដោតទៅលើ ការអភិវឌ្ឍលំនៅឋាន ដោយឃើញ គម្រោងលំនៅឋានតូចធំជាច្រើន បានចាប់ផ្ដើមបញ្ចេញសកម្មភាព ជាពិសេសក្រោយពេលរដ្ឋាភិបាល ប្រកាសបើកប្រទេសឡើងវិញ និងនៅពេលស្ថានភាពកូវីដ១៩ នៅក្នុងប្រទេសកម្ពុជា មានភាពប្រសើរឡើង។

លោក ទឹម វណ្នី នាយកប្រតិបត្តិនៃបុរីបុស្បា ដែលជាក្រុមហ៊ុនអភិវឌ្ឍន៍លំនៅឋាននៅប៉ែកខាងត្បូង បានបញ្ជាក់ថា ក្រុមហ៊ុនបុរីបុស្បា បានជ្រើសរើសប៉ែកខាងត្បូង ធ្វើជាទីតាំងអភិវឌ្ឍន៍លំនៅឋាន ផ្គត់ផ្គង់ជូនប្រជាពលរដ្ឋ ដោយសារ ក្រុមហ៊ុនបានមើលឃើញថា តំបន់នេះមានការអភិវឌ្ឍ លើហេដ្ឋារចនាសម្ព័ន្ធច្រើន ផ្លូវរដ្ឋធំៗ មានផ្លូវក្រវ៉ាត់ក្រុង គម្រោងព្រលានយន្តហោះ និងផ្សារទំនើប ហើយជាទីតាំងស័ក្តិសមបំផុតសម្រាប់អភិវឌ្ឍន៍លំនៅឋាន។

លោកបន្តថា “បន្ទាប់ពីអភិវឌ្ឍគម្រោងទី១រួចរាល់ ក្រុមហ៊ុននឹងអនុវត្តន៍គម្រោងបន្តបន្ទាប់ទៀតនៅក្បែរនោះ ដើម្បីបំពេញតម្រូវការលំនៅឋានជូនប្រជាពលរដ្ឋកម្ពុជា ខណៈតម្រូវការលំនៅឋាននៅភ្នំពេញ នៅតែមានចំនួនខ្ពស់”។

ក្រៅពីគម្រោងអភិវឌ្ឍន៍នៅពេលបច្ចុប្បន្ន នៅតំបន់ខាងត្បូងភ្នំពេញ ក៏មានគម្រោងធំៗជាច្រើន ដែលមានទឹកប្រាក់រាប់ពាន់លានដុល្លារ ត្រៀមនឹងបញ្ចេញសកម្មភាព និងជំរុញឱ្យសកម្មភាពនៅតំបន់នោះកាន់តែមមាញឹក ហើយក្លាយជាតំបន់ពាណិជ្ជកម្មដ៏មានសក្ដានុពល នៅពេលខាងមុខនេះដែរ ៕

Editing by Jacqueline Wong and Christopher Cushing

HONG KONG :China’s property sales in April fell at their fastest pace in around 16 years as COVID-19 lockdowns further cooled demand despite more policy easing steps aimed at reviving a key pillar of the world’s second-largest economy.

Property sales by value in April slumped 46.6 per cent from a year earlier, the biggest drop since August 2006, and sharply widening from the 26.17 per cent fall in March, according to Reuters calculations based on data from the National Bureau of Statistics (NBS) released on Monday.

Property sales in January-April by value fell 29.5 per cent year-on-year, compared with a 22.7 per cent decline in the first three months.

A further cut in mortgage loan interest rates for some home buyers announced by Chinese authorities on Sunday did little to convince investors and analysts that it could revive sluggish property demand.

The sector, a major economic growth driver, has been in a severe slump since last year after the authorities clamped down on excessive borrowing by developers, spooking many would-be home buyers who feared projects would not be completed.

More than 80 cities have taken steps to boost demand since the beginning of the year, including subsidies, reductions in mortgage rates and smaller down payments.

However, the property outlook has remained bleak amid protracted COVID-19 curbs in dozens of cities, including Shanghai, currently in its seventh week of lockdown.

“With no reopening in sight, a small cut to the lower limit for mortgage rates provides little support to potential first-time home buyers,” Nomura chief China economist Ting Lu said.

“Although we expect this cut to provide a benefit, the positive impact could be quite limited, as stringent anti-COVID measures appear set to continue for an unspecified time,” Lu said in a note on Monday.

He added that uncertainty, a lack of confidence, an increase in the unemployment rate and falling income growth have all contributed to the slump in new home sales.

Japanese construction equipment maker Komatsu reported a 16.6 per cent fall in the use of its machines in China in April, extending a 17.3 per cent decline in March.

Source: Reuters

ដោយ : លាងហួរ

ចិន : ការលក់អចលនទ្រព្យនៅខែមេសារបស់ប្រទេសចិន បានធ្លាក់ចុះក្នុងល្បឿនដ៏លឿនបំផុត ដែលមិនធ្លាប់មានក្នុងរយៈពេល១៦ឆ្នាំមកនេះ។

បើយោងតាមការធ្វើការគណនារបស់ Reuters ដោយផ្អែកលើទិន្នន័យពីការិយាល័យស្ថិតិជាតិ ( NBS) ចេញផ្សាយកាលពីថ្ងៃចន្ទនេះ បានឱ្យដឹង​ថា នៅក្នុងខែមេសា ឆ្នាំ២០២២នេះ ការលក់អចលនទ្រព្យ បានធ្លាក់ចុះ៤៦,៦ភាគរយធៀបនឹងឆ្នាំមុន ដែលជាល្បឿនលឿនបំផុតចាប់តាំងពីឆ្នាំ២០០៦។

ការលក់អចលនទ្រព្យ ក្នុងខែមករាដល់ខែមេសា ដោយតម្លៃ បានធ្លាក់ចុះ២៩,៥ភាគរយ ពីមួយឆ្នាំទៅមួយឆ្នាំ បើធៀបនឹងការធ្លាក់ចុះ២២,៧ភាគរយ ក្នុងរយៈពេលបីខែដំបូង ក្នុងឆ្នាំ​២០២២។

វិស័យអចលនទ្រព្យរបស់ប្រទេសចិន ដែលជាកត្តាជំរុញកំណើនសេដ្ឋកិច្ចដ៏សំខាន់មួយ បានឈានដល់ក្នុងការធ្លាក់ចុះយ៉ាងធ្ងន់ធ្ងរ ចាប់តាំងពីឆ្នាំមុន បន្ទាប់ពីអាជ្ញាធរបានគៀបសង្កត់លើអ្នកអភិវឌ្ឍន៍ ដែលជំពាក់បំណុល ដោយធ្វើឱ្យអ្នកទិញផ្ទះជាច្រើន ភ័យខ្លាចថា គម្រោងសាងសង់នឹងមិនត្រូវបានបញ្ចប់រួច។

ទីក្រុងជាង៨០បានចាត់វិធានការ ដើម្បីជំរុញតម្រូវការតាំងពីដើមឆ្នាំ រួមទាំងការឧបត្ថម្ភធនធាន ការកាត់បន្ថយអត្រាកម្ចីទិញផ្ទះ និងការបង់រំលោះតូចៗ។

ទោះជាយ៉ាងណាក៏ដោយ ទស្សនវិស័យអចលនទ្រព្យនៅតែមិនច្បាស់លាស់ ចំពេលមានកា ទប់ស្កាត់ជំងឺកូវីដ១៩ដ៏អូសបន្លាយនៅក្នុងទីក្រុងជាច្រើន រួមទាំង ទីក្រុងស៊ាងហៃ ផងដែរ។ អាជ្ញាធរហិរញ្ញវត្ថុចិន កាលពីថ្ងៃអាទិត្យ បានអនុញ្ញាតឱ្យកាត់បន្ថយអត្រាការប្រាក់កម្ចីកម្ចីទិញផ្ទះបន្ថែមទៀត សម្រាប់អ្នកទិញផ្ទះលើកដំបូង ដើម្បីជំរុញឱ្យមានតម្រូវការ៕

ដោយ៖ សហការី

ភ្នំពេញ៖ មហាវិថីសម្តេចតេជោ ឬផ្លូវ60ម៉ែត្រ ដែលត្រូវបានគេចាត់ទុកថា ជាតំបន់គ្រាប់ពេជ្រ នាភាគខាងត្បូងនៃរាជធានីភ្នំពេញ កំពុងទទួលបានការអភិវឌ្ឍនូវគម្រោងធំៗ ឥតឈប់ឈរ ទាំងគម្រោងអភិវឌ្ឍលំនៅដ្ឋាន មន្ទីរពេទ្យអន្តរជាតិ សាលាអន្តរជាតិ និងផ្សារទំនើប នឹងក្លាយជាទីក្រុងរណប ក្នុងពេលឆាប់ៗនេះ។

បុរី ប៉េង ហួត ដែលជាក្រុមហ៊ុនអភិវឌ្ឍអចលនទ្រព្យឈានមុខគេមួយក្នុងប្រទេសកម្ពុជា បានអភិវឌ្ឍគម្រោងចំនួនពីរ គឺគម្រោង ដឹស្តាដាយមិន ១ និង​២ ហើយក្រុមហ៊ុនអភិវឌ្ឍអចលនទ្រព្យធំៗជាច្រើនផ្សេងទៀត ក៏បានសម្រុកមកអភិវឌ្ឍគម្រោងលំនៅដ្ឋានរបស់ខ្លួនយ៉ាងគគ្រឹកគគ្រេង ដែលញ៉ាំងឱ្យតំបន់ភាគខាងត្បូងនេះក្លាយជាតំបន់សក្តានុពលទាំងការរស់នៅ និងពាណិជ្ជកម្ម។

បច្ចុប្បន្ននេះ គម្រោងដឹស្តាដាយមិន ដែលជាគម្រោងអភិវឌ្ឍប្រភេទលំនៅដ្ឋានដ៏សម្បូរបែប ដំណើរការសាងសង់សម្រេចបានជាង 80% នៃគម្រោងទាំងមូល ទទួលបានការកោតសរសើរពីសំណាក់អតិថិជន ដែលបានចូលស្នាក់នៅជាបន្តបន្ទាប់ថា ជាគម្រោងស័ក្តិសមបំផុតសម្រាប់ការរស់នៅ ប្រកបដោយផាសុកភាព សុខសុវត្ថិភាព និងសុភមង្គល។

គម្រោងដឹស្តាដាយមិន គ្របដណ្តប់លើផ្ទៃដីរហូតដល់៤០ហិចតា ជាតំបន់ដ៏មានសក្តានុពលពោរពេញទៅដោយគម្រោងអភិវឌ្ឍអចលនទ្រព្យចម្រុះនានា រួមមាន ​គម្រោងអភិវឌ្ឍផ្សារទំនើប និងតំបន់ពាណិជ្ជកម្ម ប្រមូលផ្តុំគ្នានៅលើតំបន់តែមួយ ដែលធ្វើឱ្យការរស់នៅរបស់លោកអ្នក កាន់តែមានភាពសម្បូរបែប។

គម្រោងនេះផ្ទាល់ជាបណ្តុំសហគមន៍ទំនើប សម្រាប់ការរស់នៅដ៏ល្អប្រសើរបំផុត ជាមួយនឹងការអភិវឌ្ឍន៍ចំរុះ ដែលបានបែងចែកជាតំបន់សម្រាប់ការរស់នៅ និងតំបន់សម្រាប់ពាណិជ្ជកម្ម ជាពិសេសផ្សារទំនើប ភី​អេច ដាយមិនផ្លេស ត្រូវបានសាងសង់ឡើង ជាមួយនឹងរចនាបថដ៏ប្រណីត ដ៏ល្អឥតខ្ចោះ បែបទាន់សម័យសមស្រប ទៅតាមស្តង់ដារអន្តរជាតិ ដែលមានភាពលេចធ្លោជាងគេក្នុងតំបន់ ផ្តល់​ជូន​លោកអ្នក​នូវ​ការ​កម្សាន្ត និង​ជម្រើស​ហាង​ទំនិញ សេវាកម្ម​រាប់​រយ​ប្រភេទ រួមទាំងសាលសន្និសីទ ក្លឹបហាត់ប្រាណ អាងហែលទឹក អមទៅដោយសួនច្បារ ដែលពោរពេញដោយសោភ័ណភាព បែបធម្មជាតិពណ៌បៃតងដ៏ស្រស់បំព្រងផងដែរ។

តំបន់ភាគខាងត្បូងរាជធានីភ្នំពេញ ជាច្រកសេដ្ឋកិច្ចដ៏សំខាន់ សម្រាប់តភ្ជាប់ពីផ្លូវជាតិលេខ១ លេខ២ លេខ៣ និងលេខ៤ ទៅកាន់បណ្តាខេត្តនានា ជាពិសេសមានទីតាំងនៅជិតព្រលានយន្តហោះថ្មី ដែលត្រូវសាងសង់នៅលើ​ផ្ទៃដី​រហូត​ដល់​២៦០០​ហិចតា មិនឆ្ងាយប៉ុន្មានឡើយពីរាជធានីភ្នំពេញ ធ្វើឱ្យតំបន់នេះមានដីធំទូលាយច្រើន។ នេះគឺជាកត្តាធ្វើឲ្យដីនៅតំបន់នេះឡើងថ្លៃខ្លាំងផងដែរ។

សម្រាប់ព័ត៌មានបន្ថែមពីគម្រោងដឹស្តាដាយមិន សូមអញ្ជើញមកកាន់គ្រប់ការិយាល័យលក់របស់បុរី ប៉េង ហួត ដើម្បីសាកសួរព័ត៌មានលម្អិត ឬទាក់ទងតាមលេខទូរសព្ទ​ 𝟎𝟗𝟖 / 𝟎𝟏𝟔 / 𝟎𝟏𝟕 𝟓𝟗𝟔 𝟕𝟖𝟗 ឬចូលរួមជាមួយ 𝐓𝐞𝐥𝐞𝐠𝐫𝐚𝐦 𝐂𝐡𝐚𝐧𝐧𝐞𝐥 https://t.me/boreypenghuoth៕