បច្ចេកវិទ្យាឌីជីថលកំពុងជំរុញការទិញលក់អចលនទ្រព្យកាន់តែច្រើនក្នុងប្រទេសកម្ពុជា

ដោយ៖ វឌ្ឍនៈ

ភ្នំពេញ៖ ការទិញលក់អចលនទ្រព្យតាមបច្ចេកវិទ្យាឌីជីថលនៅលើពិភពលោក បាននិងកំពុងមានការពេញនិយមកាន់តែខ្លាំង ហើយបច្ចេកវិទ្យានេះក៏បានចាប់ផ្ដើមប្រើប្រាស់នៅក្នុងប្រទេសកម្ពុជា ក្នុងការជំរុញដល់ការលក់អចលនទ្រព្យផងដែរ។

លោក បុង រ៉ាយានិត នាយកប្រតិបត្តិនៃក្រុមហ៊ុន Zillion United បានមានប្រសាសន៍ឱ្យដឹងថា នៅលើពិភពលោកនេះ មានអាជីវកម្មជាច្រើនកំពុងបង្កើតផ្លេតហ្វមឌីជីថល ដើម្បីសម្រួលកិច្ចការដោះដូរ ឬការប្រើប្រាស់ភ្ញៀវទាំងអស់គ្នា។ ក្នុងវិស័យងចលនទ្រព្យក៏ដូចគ្នាដែរ គឺយើងប្រើប្រាស់បច្ចេកវិទ្យាឌីជីថល ដូចជាផ្លេតហ្វមក្នុងវែបសាយ និង Mobile Application សម្រាប់សម្រួលដល់ការជួញដូរបស់អតិថិជន នៅលើពិភពលោក គឺធ្វើយ៉ាងណា ដើម្បីឱ្យអ្នកទិញអ្នកលក់កាន់តែមានភាពងាយស្រួល ចំណាយពេលតិច និងចំណេញថវិកា។

លោកបន្តថា “ជាធម្មតា ការដោះដូរអចលនទ្រព្យ ត្រូវការពេលវេលាច្រើន ត្រូវការទុនច្រើន ដើម្បីឱ្យការដោះដូរអាចប្រព្រឹត្តិទៅបាន។ បញ្ហាប្រឈមមួយទៀតរបស់អចលនទ្រព្យ គឺព័ត៌មាន ដូច្នេះអ្នកត្រូវការទិញអចលនទ្រព្យ ត្រូវការស្វែងរកដីធ្លី តាមរយៈការចុះទៅមើលដីដល់ទីតាំងផ្ទាល់ និងត្រូវឆែកឯកសារផ្សេងៗនៅលើដីនោះផ្ទាល់ ដែលត្រូវការប្រើពេលវេលា”។

លោកថា “នៅពេលយើងមានផ្លេតហ្វមឌីជីថល គឺ យើងមានភាពងាយស្រួល ក្នុងការទិញលក់អចលនទ្រព្យ និងអាចជំរុញការទិញលក់លើអចលនទ្រព្យ កាន់តែមានភាពងាយស្រួលកាន់តែខ្លាំង”។

លោកបន្ថែមថា “អចលនទ្រព្យធំៗ ដែលមានតម្លៃខ្ពស់ៗ គឺពិតជាពិបាកក្នុងការស្វែងរកអ្នកទិញ ដោយសារតែទុនវាធំ ហើយវាពិបាកណាស់ក្នុងការរកទុន ឬប្រមូលទុនមកទិញអចលនទ្រព្យ ដែលមានតម្លៃខ្ពស់នោះ។ បើសិនជាមានវត្តមានផ្លេតហ្វមឌីជីថល វានឹងជួយឱ្យប្រតិបត្តិការទិញលក់អចលនទ្រព្យកាន់តែប្រសើរ និងងាយស្រួលជាងមុន ជាពិសេស ម្ចាស់ទ្រព្យ និងអ្នកទិញកាន់តែមានទំនុកចិត្ត ទៅលើផ្លេតហ្វមថ្មីនេះ”។

លោក គុយ វ៉ាត ប្រធានក្រុមប្រឹក្សាអភិបាល នៃក្រុមហ៊ុន VTrust Group ឱ្យដឹងផងដែរថា នៅបណ្ដាប្រទេសរីកចម្រើន ការទិញលក់អចលនទ្រព្យ គេស្ទើរតែលែងជួបគ្នាទៅហើយ ហើយរាល់ប្រតិបត្តិការទិញលក់ គឺធ្វើឡើងតាមឌីជីថល តាមអនឡាញ។ សម្រាប់ប្រទេសកម្ពុជា យើងត្រូវពេលវេលាបន្តិច ដើម្បីដើរទៅលើផ្លូវហ្នឹងដែរ៕

អ្នកជំនាញសេដ្ឋកិច្ចៈកត្តាបីយ៉ាងធ្វើឱ្យអចលនទ្រព្យប៉ូលសៀមរាបនិងមណ្ឌលគិរីមានកំណើនទាបជាងភ្នំពេញ និងក្រុងព្រះសីហនុ

ដោយៈ សុផារី

ភ្នំពេញៈ ប៉ូលសេដ្ឋកិច្ចទាំងបួន សុទ្ធតែមានសក្តានុពលរីកចម្រើនខ្លាំង ខុសៗគ្នាតាមផ្នែក។ សម្រាប់វិស័យអចលនទ្រព្យ អ្នកជំនាញសេដ្ឋកិច្ចមើលឃើញថា ប៉ូលសៀមរាប និងប៉ូលមណ្ឌលគិរី ហាក់មានកំណើនទាប បើប្រៀបធៀបនឹងប៉ូលភ្នំពេញ និងព្រះសីហនុ ដែលបណ្តាលមកពីកត្តាជំរុញសំខាន់ៗចំនួនបី។

លោកបណ្ឌិត ហុង វណ្ណៈ អ្នកជំនាញសេដ្ឋកិច្ច នៃរាជបណ្ឌិត្យសភាកម្ពុជា បានមានប្រសាសន៍ឲ្យដឹងថា ការរីកចម្រើនវិស័យអចលនទ្រព្យនៅក្នុងតំបន់មួយ ផ្អែកលើកត្តាសំខាន់ៗចំនួនបី រួមមាន ចំណូលសេដ្ឋកិច្ច និងកំណើនប្រជាជន (Population Growth) កំណើនសេដ្ឋកិច្ច (Economic Growth) និងកំណើនការវិនិយោគ (Investment Growth)។

លោកបណ្ឌិតមានប្រសាសន៍ថា “វិស័យអចលនទ្រព្យផ្អែកលើកត្តាចំណូលសេដ្ឋកិច្ចរបស់ប្រជាពលរដ្ឋ កំណើនប្រជាជន។ ប្រសិនបើមិនមានចំណូលសេដ្ឋកិច្ច និងកំណើនប្រជាជននោះទេ មិនសូវជាមានកំណើនទេ”។

លោកបណ្ឌិតថា ជាក់ស្តែង វិស័យអចលនទ្រព្យនៃខេត្តសៀមរាប ដែលជាខេត្តប៉ូលសេដ្ឋកិច្ចមួយ នៅតែមានសភាពយឺត ដោយសារតែកំណើនប្រជាជនមានចំនួនតិច ទោះបីជាចំណូលសេដ្ឋកិច្ចមានច្រើនក្តី តែភាគច្រើនជាចំណូល ដែលបានពីអ្នកទៅពីភ្នំពេញ និងខេត្តផ្សេងទៀត ហើយត្រូវបានអ្នកវិនិយោគទាំងនោះ បង្វែរទៅកាន់ទិសដីវិនិយោគផ្សេងទៀត។

លោកបណ្ឌិតបន្តថា “កំណើនអចលនទ្រព្យមានច្រើន តែមិនសូវជាជោគជ័យ ប៉ុន្តែមិនមែនមានន័យថា លក់មិនដាច់នោះទេ វាមានពេលវេលារបស់វា មិនដូចជា ក្នុងក្រុងភ្នំពេញ ឬក្រុងព្រះសីហនុ នៅពេលដែលមានកំណើនចិន ឬកំណើនទេសចរទៅច្រើន”។

ចំណែកខេត្តមណ្ឌលគិរី ដែលជាខេត្តប៉ូលសេដ្ឋកិច្ចថ្មីមួយទៀត ក៏នៅបន្តទាមទារការអភិវឌ្ឍបន្ថែមលើគ្រប់វិស័យ ជាពិសេសលើវិស័យទេសចរណ៍ ដើម្បីទាក់ទាញទេសចរមកកំសាន្ត និងប្រជាជនទៅរស់នៅឱ្យបានច្រើន។

លោកបណ្ឌិតថា “ខេត្តមណ្ឌលគិរី លុះត្រាតែមានការបោះទុនវិនិយោគខ្លាំងៗលើវិស័យទេសចរណ៍ ដូចជាខេត្តដាឡាត់ ប្រទេសវៀតណាម ប្រហែលជាអាចមើលឃើញសញ្ញា កើនឡើងខ្លាំងនៃវិស័យអចលនទ្រព្យ”។

រាជរដ្ឋាភិបាលកម្ពុជា ក្នុងផែនការមេអភិវឌ្ឍន៍វិស័យទេសចរណ៍ខេត្តមណ្ឌលគិរី (២០២១-២០៣៥) បានកំណត់ដាក់ចេញទិសដៅយុទ្ធសាស្ត្រចំនួន៦ តាមរយៈការកំណត់តំបន់អាទិភាព អភិវឌ្ឍន៍វិស័យទេសចរណ៍ ការអភិវឌ្ឍផលិតផលទេសចរណ៍ និងវិនិយោគក្នុងវិស័យទេសចរណ៍ ការពង្រឹងគុណភាពទេសចរណ៍ និងធនធានមនុស្ស ការអភិវឌ្ឍហេដ្ឋារចនាសម្ព័ន្ធអន្តរវិស័យ និងការតភ្ជាប់ការធ្វើដំណើរតាមផ្លូវគោក ផ្លូវអាកាស និងផ្លូវទឹក ដើម្បីជំរុញឱ្យភូមិភាគនេះ ក្លាយទៅជាគោលដៅអេកូទេសចរណ៍លំដាប់អន្តរជាតិ៕

តម្លៃដីធ្លីនៅតំបន់ភ្នំប្រសិទ្ឋកើនឡើងខ្ពស់ ស្របពេលផែនការពង្រីកក្រុងនឹងអាចកាត់តំបន់នេះចូលក្នុងរដ្ឋបាលរាជធានី

ដោយៈគង់ សូរិយា

កណ្តាលៈ ស្របពេលការអភិវឌ្ឍហេដ្ឋារចនាសម្ព័ន្ឋ របស់រដ្ឋាភិបាលកាន់តែប្រសើរឡើង ផ្លូវលេខបេ១៣០បានបញ្ចប់ ការចាក់ដីបំពេញផ្នែកខ្លះនៃបឹងតាមោឃបាន និងកំពុងជម្រុញឲ្យទីផ្សារដីធ្លីកើនឡើង នៅតំបន់ភ្នំប្រសិទ្ឋ និងតំបន់ជុំវិញ។

យោងតាមការសិក្សា របស់ក្រុមហ៊ុនអចលនទ្រព្យលំដាប់អន្តរជាតិមួយបានបង្ហាញថា ខ័ណ្ឌចំនួន៣នៅរាជរាជធានីភ្នំពេញ នឹងកើនឡើងក្នុងរង្វង់៣០ភាគរយក្នុងមួយឆ្នាំ ដែលខ័ណ្ឌទាំងនោះ រួមមាន ខ័ណ្ឌព្រែកព្នៅ ខ័ណ្ឌពោធិសែនជ័យ និងខ័ណ្ឌដង្កោ។

ជាមួយនឹងលក្ខខ័ណ្ឌទីតាំងភូមិសាស្រ្ត មានភាពអំណោយផល តំបន់ភ្នំប្រសិទ្ឋ ដែលផ្នែកខ្លះស្ថិតក្នុងខ័ណ្ឌព្រែកព្នៅ និងផ្នែកខ្លះស្ថិតក្នុងស្រុកពញាឮ បាននិងកំពុងមានសកម្មភាព អភិវឌ្ឍន៍លំនៅដ្ឋានលក្ខបុរី សំណង់ផ្ទះល្វែងជាច្រើន ដែលជំរុញឲ្យតំបន់នេះកាន់តែមានភាពរីកចម្រើន និងទាក់ទាញការទិញដីលក់យកចំណេញ។

យោងតាមការចុះសិក្សា និងសាកសួរព៌តមានផ្ទាល់ពីលោកយិន លាងគង់សហស្ថាបនិក និងជាអគ្គនាយកគេហទំព័រPropertyarea.asia បានឲ្យដឹងថា ដីធ្លីនៅតំបន់ភ្នំប្រសិទ្ឋ និងតំបន់ជុំវិញមានតម្លៃចន្លោះ៧០ ទៅ១៥០ដុល្លារក្នុងមួយម៉ែត្រការ៉េ អាស្រ័័យលើទីតាំង ទំហំផ្លូវ និងរូបរាងដី។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីមបានមានប្រសាសន៍ថា សកម្មភាពទិញលក់ដី នៅតំបន់ជាយរាជធានីភ្នំពេញបន្តកើនឡើង បើទោះជាមានវិបត្តិកូវីដ១៩ក្តី ក៏សកម្មភាពទិញលក់ដីនៅតំបន់ជាយក្រុងភ្នំពេញបន្តកើនឡើង។

លោកបន្តថា “ការវិនិយោគដីធ្លីមានភាពច្បាស់លាស់ នឹងទទួលបានផលចំណេញខ្ពស់ និងជាការវិនិយោគមានភាពជាក់លាក់”។លោកបន្តថា “ផែនការពង្រីករាជធានីភ្នំពេញរបស់រដ្ឋាភិបាល និងគោលនយោបាយរបស់រដ្ឋាភិបាល ក្នុងការវិនិយោគលើហេដ្ឋារចនាសម្ព័ន្ឋនានា ជាផ្នែកមួយយ៉ាងសំខាន់ ក្នុងការលើកកំពស់វិស័យអចលនទ្រព្យនៅកម្ពុជា”។

សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានមានប្រសាសន៍ក្នុងពិធីសម្ភោធផ្លូវជាតិលេខ៥១ កាលពីពេលថ្មីៗនេះដោយបានបង្ហើបថា តំបន់ផ្លូវជាតិលេខ៥១ នឹងក្លាយជាតំបន់ក្រវ៉ាត់ក្រុងនាពេលអនាគត។

យោងតាមផែនការប្រើប្រាស់ដីធ្លី លំអិតរបស់រដ្ឋាភិបាលឆ្នាំ២០២០ ២០៣៥បានបង្ហាញថា រដ្ឋាភិបាលមានផែនការអភិវឌ្ឍន៍ និងពង្រីករាជធានីភ្នំពេញ ក្នុងកាំរង្វង៣០គីឡូម៉ែត្រការ៉េ ដែលភាគខាងជើងនៃខេត្តក ណ្តាល នឹងកាត់ចូលរាជធានីភ្នំពេញនាពេលអនាគត៕

គំរោងដីលំហែរកាយតម្លៃជាង១០លានដុល្លារបង្ហាញខ្លួននៅក្រុងកែប

ដោយៈជេស៊ីកា

ក្រុងកែបៈ គំរោងអភិវឌ្ឍន៍ដីលំហែរកាយទំហំ១៥ហិកតា និងបោះទុនវិនិយោគជាង១០លានដុល្លារអាមេរិក បាននិងកំពុងបង្ហាញខ្លួននៅក្រុងកែប និងត្រៀមបើកលក់នៅពេលឆាប់ៗនេះ។

នេះជាគំរោងអភិវឌ្ឍន៍ដីលំហែរ កម្រិតអន្តរជាតិដំបូងគេ នៅក្នុងខេត្តជាប់មាត់សមុទ្រមួយនេះ ដែលស្របនឹងផែនការរបស់រដ្ឋាភិបាល ក្នុងការប្រែក្លាយខេត្តកែបជាតំបន់លំហែរកាយកម្រិតខ្ពស់។

អ្នកនាងឆយ ហ្រ្វីដាអ្នកគ្រប់គ្រងទូទៅនៃគម្រោងដីលំហែរ ដែលដាក់ឈ្មោះ “ឆ្នេរសមុទ្រកោងកាង” បានមានប្រសាសន៍ឲ្យដឹងនាព្រឹកថ្ងៃទី១៦ ឧសភានេះថា ជាមួយនឹងទស្សនទាននៃការអភិវឌ្ឈថ្មី គំរោងឆ្នេរសមុទ្រកោងកាង បាននិងកំពុងផ្តល់ជូននូវការអភិវឌ្ឍ តាមផែនការអភិវឌ្ឍន៍ទេសចរណ៍រយៈពេលវែងឆ្នាំ២០២១ ២០៣០របស់រដ្ឋាភិបាល ក្នុងការប្រែក្លាយខេត្តកែបឈានទៅលំដាប់ថ្មីមួយទៀត។

អ្នកនាងបន្តថា “គំរោងឆ្នេរសមុទ្រកោងកាង ផ្តល់ជូននូវទិដ្ឋភាពដ៏ស្រស់ស្អាតជាមួយឆ្នេរសមុទ្រសក្បុរ ព្រៃកោងកាង ដងព្រែកដែលអាចជិះទូកកំសាន្ត និងអាចផ្សារភ្ជាប់ទៅកាន់សមុទ្រ ពិសេសមានទេសភាពភ្នំ ស្រែអំបិល១៨០ដឺក្រេ”។ អ្នកនាងបន្តថា “យើងក៏ផ្តល់ជូននូវហេដ្ឋារចនាសម្ព័ន្ឋ ផ្លូវធំទូលាយ ដើមឈើខៀវស្រងាត់ ផ្កាសាគូរ៉ាព៌ណផ្កាឈូក និងតំបន់លំហែរកំសាន្តជាច្រើនទៀត”។

គម្រោងនេះ នឹងចាប់ផ្តើមបើកទទួលលុយកក់ ចាប់ពីថ្ងៃទី២៣ ខែឧសភាខាងមុខនេះ។

អ្នកនាងឆយ ហ្រ្វីដាបានបន្តថា ជាមួយនឹងបទពិសោធន៍ក្នុងការធ្វើគំរោងដីឡូត៍លំហែរបាយទទួលជោគជ័យកន្លងមក យើងបាននិងកំពុងផ្តល់នូវទំនុកចិត្ត ការលំហែរតាមស្តង់ដាអន្តរជាតិចេញពីគំរោងរបស់យើង ពិសេសអតិថិជន ក៏នឹងទទួលបានផលចំណេញពីការវិនិយោគផងដែរ ព្រោះគំរោងនេះជាគំរោងដំបូងគេ ធំជាងគេ និងមានស្តង់ដាលំដាប់អន្តរជាតិដំបូងគេក្នុងក្រុងកែប។

ខេត្តកែប ត្រូវបានគណកម្មាធិការវាយតម្លៃទីក្រុងស្អាតអាស៊ាន ផ្តល់ពានរង្វាន់បីលើករួចមកហើយ ក្នុងនាមជាខេត្តដែលមានខ្យល់ស្អាត ទឹកស្អាត និងដីស្អាត ពិសេសជាខេត្តដែលមានឧទ្យានជាតិ នៅកណ្តាលក្រុងតែមួយគត់់ ក្នុងចំណោមរាជធានី ខេត្តចំនួន២៥នៅកម្ពុជា។

លោកCooler Tanអគ្គនាយកក្រុមហ៊ុនYoungsia Real Estateដែលបានវិនិយោគគំរោងនេះ បានមានប្រសាសន៍ឲ្យដឹងផងដែរថា គម្រោងដីឡូតិ៏លំហែរ “ឆ្នេរសមុទ្រកោងកាង” នឹងមានការដាំផ្កាសាគូរ៉ាចំនួន៣០០ដើម ជាមួយនឹងដងព្រែកអាចជិះទូកកំសាន្ត នៅក្នុងគំរោងផ្ទាល់ និងជិះទៅកំសាន្ត ស្ទូចត្រី នៅតាមបណ្តាកោះនានា ក្នុងទឹកដីខេត្តកែប ចេញពីគម្រោងនេះផងដែរ។

លោកបន្តថា “ដោយមើលឃើញសក្តានុពលក្រុងកែប មានភាពសម្បូរបែប និងស្រស់ស្អាត ជាមួយនឹងធម្មជាតិខៀវស្រងាត់ ទើបយើងវិនិយោគគំរោងនេះឡើង ដើម្បីឆ្លើយតបនឹងការនិយម ឬរសនិយមរបស់ប្រជាពលរដ្ឋសម័យថ្មី ដែលចូលចិត្តផ្សារភ្ជាប់ជីវិតជាមួយធម្មជាតិ”។ លោកបន្តថា “ទស្សនទាននៃការអភិវឌ្ឍន៍របស់យើង គឺផ្តល់ឲ្យនូវអ្វីដែលល្អលើសពីការគិតរបស់អតិថិជន និងជាគំរោងងាយស្រួលលក់ ងាយស្រួលចំណេញ និងផ្សារភ្ជាប់ជាមួយទស្សនទាន នៃការអភិវឌ្ឍប្រកបដោយចីរភាព”៕

ហេតុអ្វីបានជាអចលនទ្រព្យនៅលើផ្លូវជាតិលេខ៥២ មិនសូវមានភាពទាក់ទាញ

ដោយៈជេស៊ីកា

កំពង់ស្ពឺៈ ផ្លូវជាតិលេខ៥២ និងផ្លូវលេខ៥២ មានចម្ងាយមិនឆ្ងាយពីគ្នាប៉ុន្មានឡើយ ប៉ុន្តែកម្រិតនៃការអភិវឌ្ឍមានភាពខុសគ្នា យ៉ាងដាច់ស្រឡះ ទាំងរោងចក្រ សហគ្រាស និងការអភិវឌ្ឍអចលនទ្រព្យ។

ប្រសិនជាមើលនិន្នាការ និងការតភ្ជាប់ផ្លូវនេះទៅកាន់បណ្តាផ្លូវជាតិនានា ក៏ជាបញ្ហាមួយផងដែរ ដែលតំបន់នេះមិនសូវទទួលបានការចាប់អារម្មណ៍ច្រើន។

អភិបាលខេត្តកំពង់ស្ពឺ លោកវ៉ី សំណាងបានមានប្រសាសន៍ឲ្យដឹងតាមទូរស័ព្ទកាលពីចុងសប្តាហ៍មុនថា កត្តាសំខាន់ដែលយើងផ្តោតលើការអភិវឌ្ឍបច្ចុប្បន្ន គឺផ្លូវជាតិលេខ៤១ និងផ្លូវជាតិលេខ៥១ ដែលជាផ្លួវសំខាន់ ងាយស្រួលតភ្ជាប់ក្នុងការដឹកជញ្ជូន និងជាតំបន់មានមនុស្សរស់នៅច្រើន។

លោកបន្តថា “ការរៀបចំតំបន់អភិវឌ្ឍន៍មួយ មានសារៈសំខាន់ណាស់ព្រោះយើងត្រូវរៀបចំនូវសណ្តាប់ធ្នាប់ របៀបរៀបរយ សិក្សាពីកត្តាប្រជាសាស្រ្ត និងផលប៉ះពាល់បរិស្ថានផងដែរ”។

ទាក់ទងផ្លូវជាតិលេខ៥២ លោកវ៉ី សំណាងបានមានប្រសាសន៍ឲ្យដឹងថា ផ្លូវជាតិនេះ ពិតជាមិនសូវមានរោងចក្រ សហគ្រាស និងផែនការអភិវឌ្ឍ ន៍ច្រើនពិតមែន ព្រោះផ្លូវនេះមិនមានការតភ្ជាប់ទៅផ្លូវជាតិ សំខាន់ៗច្រើន និងជាតំបន់មិនសូវមានមនុស្សរស់នៅច្រើន ដែលពិបាករកមនុស្សមកធ្វើការនៅតាមរោងចក្រ សហគ្រាសនានា។

លោកបន្តថា ការយកមនុស្សមកពីតំបន់ផ្សេងៗ ដឹកជញ្ជូនតាមរថយន្ត ពិតជាមានបញ្ហាច្រើនណាស់ទាំងគ្រោះថ្នាក់ចរាចរណ៍ និងការឆ្លងជំងឺផ្សេងៗ ប៉ុន្តែដោយសាររដ្ឋាភិបាលបានស្រោចវ៉ាក់សាំង និងកម្មករ កម្មការិនី ចេះអនាម័យ និងបានចាក់វ៉ាក់សាំងគ្រប់ៗគ្នា បានធ្វើឲ្យអត្រាឆ្លងជំងឺកូវីដត្រូវបានកាត់បន្ថយ និងអាចគ្រប់គ្រងបានដែលវាលែងជាបញ្ហា រហូតមកទល់បច្ចុប្បន្ននេះ៕

អភិបាលខេត្តកំពង់ស្ពឺៈ រោងចក្រ សហគ្រាសកាន់តែច្រើនបង្ហាញវត្តមាននៅលើផ្លូវជាតិសំខាន់ៗចំនួនពីរ

ដោយៈគង់ សូរិយា

កំពង់ស្ពឺៈ អភិបាលនៃគណៈអភិបាលខេត្តកំពង់ស្ពឺ លោកវ៉ី សំណាងបានថ្លែងថា រោងចក្រ សហគ្រាសជាច្រើនបាន និងកំពុងបង្ហាញខ្លួននៅលើផ្លូវជាតិលេខ៤១ និងផ្លូវជាតិលេខ៥១។

លោកបានមានប្រសាសន៍ឲ្យដឹង តាមទូរស័ព្ទកាលពីចុងសប្តាហ៍មុនថា រោងចក្រជាច្រើនបានចូលមកកាន់ខេត្តនេះ ដែលរោងចក្រមួយចំនួនជាការពង្រីកបន្ថែមរបស់ក្រុមហ៊ុនផ្សេងៗ និងរោងចក្រមួយចំនួនទៀតជាការវិនិយោគរបស់វិនិយោគិនថ្មីៗ ដែលពួកគេទទួលបានសិទ្ឋអនុញ្ញាត្តពី CDC ។

លោកបន្តថា “ទន្ទឹមនឹងនេះ មានអ្នកវិនិយោគថ្មីៗបានចុះមកសិក្សាពីសក្តានុពល និងឱកាសវិនិយោគក្នុងខេត្តជាបន្តបន្ទាប់ផងដែរ ប៉ុន្តែរហូតមកទល់ពេលនេះ យើងមិនទាន់ឃើញពួកគាត់សម្រេចបែបណានៅឡើយ”។

ខេត្តកំពង់ស្ពឺក្នុងរយៈពេល៥ឆ្នាំចុងក្រោយនេះ មានភាពទាក់ទាញការវិនិយោគកាន់តែច្រើនលើវិស័យរោងចក្រ សហគ្រាស អចលនទ្រព្យ ដោយសាររដ្ឋាភិបាលបានដាក់ចេញ នូវគោលនយោបាយជម្រុញរផងចក្រ សហគ្រាសនានាចេញពីទីក្រុង ឆ្ពោះមកកាន់ខេត្តកំពង់ស្ពឺ ដែលមានភាពងាយស្រួលក្នុងការដឹកជញ្ជូន។

ផ្លូវជាតិលេខ៤១ និងផ្លូវជាតិលេខ៥១បាននិងកំពុងដើរតួនាទីសំខាន់ ក្នុងការតភ្ជាប់ការដឹកជញ្ជូនទៅកាន់តំពង់ផែទឹកជ្រៅ នៅខេត្តព្រះសីហនុ តាមរយៈផ្លូវជាតិលេខ៣ ផ្លូវជាតិលេខ៤ ផ្លូវល្បឿនលឿនភ្នំពេញ ព្រះសីហនុ និងការតភ្ជាប់ជាមួយផ្លូវជាតិលេខ៥ ដែលជាផ្លូវហាយវេរបស់អាស៊ានផងដែរ។

លោកច្រឹក សុខនីមប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានមានប្រសាសន៍ថា ការផ្លាស់ប្តូររោរងចក្រ សហគ្រាសចេញពីរាជធានីភ្នំពេញ ជានិន្នាការធម្មតារបស់បណ្តាប្រទេស កំពុងអភិវឌ្ឍន៍នានា ដែលតាមធម្មតា នៅពេលរាជធានី ឬទីក្រុងមានមនុស្សរស់នៅកាន់តែច្រើន ការផ្លាស់ប្តូររោងចក្រ ទៅកាន់ជាយរាជធានី ឬជាយក្រុងគឺជាគោលនយោបាយថ្មីរបស់រដ្ឋាភិបាល ដើម្បីពង្រីកសក្តានុពលសេដ្ឋកិច្ច និងធ្វើពិពិធកម្មតំបន់សេដ្ឋកិច្ច ឧស្សាហកម្មរបស់ខ្លួនឲ្យកាន់តែសម្បូរបែប៕

ធនាគារពិភពលោកៈសេដ្ឋកិច្ចប្រទេសឡាវកំពុងប្រឈមនឹងវិបត្តិដោយសារបំណុលនិងកង្វះខាតប្រេង

ដោយៈ សុផារី

ឡាវៈ ខណៈសេដ្ឋកិច្ចកំពុងចាប់ផ្តើមងើបឡើងវិញ ពីឥទ្ធិពលនៃកូវីដ១៩ ប្រទេសឡាវកំពុងប្រឈមមុខនឹងវិបត្តិដ៏តឹងរ៉ឹង នៃអតុល្យភាពម៉ាក្រូសេដ្ឋកិច្ចរយៈពេលវែង ជាពិសេសដោយសារបំណុល និងកង្វះប្រេង។

នេះបើយោងតាមរបាយកាណ៍បច្ចុប្បន្នភាពសេដ្ឋកិច្ចឡាវ របស់ធនាគារពិភពលោក រាយការណ៍ដោយ Laotian Times។

អ្នកតាមដានសេដ្ឋកិច្ចឡាវបានឱ្យដឹងថា កំណើនបំណុលសាធារណៈ និងការកើនឡើងតម្លៃថាមពលជាសកល កំពុងបង្កបញ្ហាដល់ស្ថិរភាពម៉ាក្រូសេដ្ឋកិច្ច និងគំរាមកំហែងដល់កម្រិតជីវភាពរស់នៅ។

សេដ្ឋកិច្ចរបស់ប្រទេសឡាវ ត្រូវបានព្យាករណ៍ថា នឹងកើនឡើង៣,៨ភាគរយនៅឆ្នាំ២០២២ កើនឡើងពីអត្រា២,៥ភាគរយក្នុងឆ្នាំ២០២១ ដោយមានសុទិដ្ឋិនិយមថា ការចរចាបំណុលនឹងទទួលបានជោគជ័យ ហើយនឹងមិនមានវិធានការទប់ស្កាត់កូវីដ១៩ដ៏តឹងរ៉ឹងទៀតនោះទេ។

ក្នុងរយៈពេល៤ខែដើមឆ្នាំ២០២២ អតិផរណាបានលើនឡើងខ្ពស់ដល់៩,៩ភាគរយ កើនឡើងពីក្រោម ២ភាគរយកាលពីឆ្នាំ២០២១ ខណៈការបាត់បង់ការងាររយៈពេលវែង និងការបិទអាជីវកម្ម ដែលបណ្តាលមកពីការរីករាលដាលនៃកូវីដ១៩ បន្តដាក់សម្ពាធលើប្រាក់ចំណូលគ្រួសារ។

លោក Alex Kremer អ្នកគ្រប់គ្រងធនាគារពិភពប្រចាំប្រទេសឡាវបានឱ្យដឹងថា ” បញ្ហាសេដ្ឋកិច្ចបណ្តាលមកពី ការបិទខ្ទប់ប្រទេសរយៈពេលពីរឆ្នាំ ការរឹតបន្តឹងដោយសារវិបត្តិជំងឺ រួមផ្សំនឹងការកើនឡើងនៃតម្លៃប្រេងឥន្ធនៈ និងម្ហូបអាហារ ដែលបណ្តាលមកពីសង្រ្គាមរុស្ស៊ី-អ៊ុយក្រែន និងការធ្លាក់ថ្លៃយ៉ាងឆាប់រហ័សនៃប្រាក់គីប”។

លោកបន្តថា “សម្រាប់ប្រទេសឡាវ បំណុលរដ្ឋាភិបាល និងការប្រមូលចំណូលពន្ធមិនសូវល្អ ក៏បានក្លាយជាបញ្ហាប្រឈមមួយ។ ដូច្នេះគោលនយោបាយអាទិភាពចំបង គឺការបង្កើនប្រាក់ចំណូលសាធារណៈ ដោយពិនិត្យមើលការលើកលែងពន្ធ”។

របាយការណ៍នេះ បានផ្តល់អនុសាសន៍ ឱ្យស្តារស្ថិរភាពម៉ាក្រូសេដ្ឋកិច្ចជាចម្បង តាមរយៈការបង្កើនទាំងការប្រមូលចំណូល និងប្រសិទ្ធភាពចំណាយ ពង្រឹងការគ្រប់គ្រងបំណុល និងតម្លាភាព ធ្វើឱ្យប្រសើរឡើងនូវស្ថិរភាពនៃវិស័យហិរញ្ញវត្ថុ តាមរយៈឧបករណ៍ច្បាប់ និងបទប្បញ្ញត្តិ និងពង្រីកការផ្ទេរសាច់ប្រាក់ តាមគោលដៅទៅកាន់ជនក្រីក្រ។

អ្នកឃ្លាំមើលសេដ្ឋកិច្ច ក៏ស្នើឱ្យមានកំណែទម្រង់មួយចំនួន ដែលអាចកាត់បន្ថយហានិភ័យ និងបង្កើនអត្ថប្រយោជន៍ជាអតិបរមា នៃការវិនិយោគធំៗលើផ្លូវថ្នល់ និងផ្លូវដែក ដូចជា ការកសាងផ្លូវតភ្ជាប់ ដើម្បីធានាថាកសិករ និងអាជីវកម្ម អាចទទួលបានហេដ្ឋារចនាសម្ព័ន្ធថ្មី ធានាពាណិជ្ជកម្មឆ្លងព្រំដែនកាន់តែមានប្រសិទ្ធភាព និងការកែលម្អបរិយាកាសធុរកិច្ច ដើម្បីទាក់ទាញការវិនិយោគ និងបង្កើតការងារ។

របាយការណ៍ក៏បញ្ជាក់ថា ប្រទេសឡាវក៏គួរតែលើកកម្ពស់វិស័យ ដែលខ្លួនមានអត្ថប្រយោជន៍ច្រើន ដូចជា វិស័យផលិតកម្ម ដែលមានតម្លៃបន្ថែមខ្ពស់ ផលិតផលកសិកម្ម និងទេសចរណ៍ធម្មជាតិជាដើម៕

CLDA ចុះ MOU ជាមួយសមាគម Long Island Board of REALTORS នៅអាមេរិក

ដោយៈ សហសេវិក

អាមេរិកៈ សមាគមអ្នកអភិវឌ្ឍន៍ដីឡូត៍កម្ពុជា (CLDA) តំណាងដោយ ឧកញ៉ា ម៉ាន់ ច័ន្ទឌី ទីប្រឹក្សាសមាគម បានចុះអនុស្សរណៈយោគយល់គ្នា(MoU) ជាមួយសមាគម Long Island Board of REALTORS (LIBOR) ដែលពិធីនេះបាន ធ្វើឡើងនៅទីក្រុងញូយ៉ក ទឹកដីសហរដ្ឋអាមេរិក។

ពិធីចុះអនុស្សរណៈយោគយល់គ្នារវាង CLDA និង LIBOR នេះ បានធ្វើឡើងដោយការផ្តល់អោយ ការទទួលយក ដោយគ្មានការតព្វកិច្ចហិរញ្ញវត្ថុរវាងសមាគមទាំងពីរ និងមានការបញ្ជាក់យ៉ាងត្រឹមត្រូវ ពីឯកសារផ្លូវច្បាប់រវាងសមាគមទាំងពីរ ក្នុងគោលបំណង ដើម្បីផ្តល់អោយនូវការពង្រីកអាជីវកម្មអចលនទ្រព្យ ដល់ដៃគូដែលជាសមាជិក អោយកាន់តែទូលំទូលាយ ហើយក៏ឱកាសក្នុងការស្វែងយល់ ការសិក្សាកាន់តែស៊ីជម្រៅអំពីការធ្វើទីផ្សារអចលនទ្រព្យ និងការគៀងគរបណ្តាវិនិយោគិន ពីដៃគូអន្តរជាតិនៅក្រៅប្រទេសជាដើម។

សមាគមអ្នកអភិវឌ្ឍន៍ដីឡូត៍កម្ពុជា (CLDA) បានចុះបញ្ជីស្របច្បាប់នៅអគ្គនាយកដ្ឋានចុះបញ្ជីអង្គការសមាគម នៃក្រសួងមហាផ្ទៃ និងទទួលបានប្រកាសជាផ្លូវការនៅថ្ងៃទី១៧ ខែកក្កដា ឆ្នាំ២០២០ ដែលដឹកនាំដោយលោកឧកញ៉ាម៉ន សុខា ជាប្រធានសមាគម ហើយក៏ជាសមាគមដែលដើរតួនាទីយ៉ាងសំខាន់ ក្នុងការជួយផ្សព្វផ្សាយគោលការណ៍ ប្រកាស និងបញ្ញតិថ្មីៗរបស់ក្រសួងពាក់ព័ន្ធ ជូនសមាជិក និងអ្នកអភិវឌ្ឍន៍ដីឡូត៍ទូទាំងព្រះរាជាណាចក្រកម្ពុជា ព្រមទាំងចូលរួមដោះស្រាយបញ្ហា ៣៦០ដឺក្រេនៃវិស័យដីឡូត៍ និងចូលរួមអភិវឌ្ឍន៍សេដ្ឋកិច្ចប្រទេស តាមរយៈភាពជាដៃគូជាមួយរាជរដ្ឋាភិបាលកម្ពុជា ដោយបច្ចុប្បន្នមានដៃគូ ដែលជាសមាជិកប្រមាណ ៥០ក្រុមហ៊ុននៅក្នុងប្រទេសកម្ពុជា។

LIBOR គឺជាសមាគមក្នុងតំបន់ឈានមុខគេមួយ ដោយបានប្រកាសធម្មនុញ្ញជាមួយ National Association of REALTORS (NAR) ចាប់តាំងពីឆ្នាំ ១៩១៦មកម្លេះ។ បន្ថែមលើនេះទៅទៀត បច្ចុប្បន្ន LIBOR មានសមាជិក ជាអ្នកជំនាញ ក្នុងវិស័យអចលនទ្រព្យជាង២៨,០០០ នាក់ ដែលមកពីបណ្តាក្រុមហ៊ុនប្រមាណជាង២៦៣០ស្ថាប័ន និងបានចុះកិច្ចព្រមព្រៀងជាមួយបណ្តាដៃគូអន្តរជាតិផ្សេងទៀត ប្រមាណ១៩ស្ថាប័នទូទាំងពិភពលោក។

✍️ពត៌មានលម្អិតនៅទីនេះ https://www.facebook.com/105290901289573/posts/519221163229876/?sfnsn=mo
🎯-សូមសមាជិក សមាជិកាចុច Like និង Following ផេក ដើម្បីទទួលបានព័ត៌មានបន្ថែម។ សូមអរគុណ៕

អ្នកជំនាញៈ រយៈពេល ២ទៅ៣ឆ្នាំខាងមុខ វិនិយោគិនបរទេសនឹងចូលទៅកាន់ ខេត្តព្រះសីហនុឡើងវិញ

ដោយៈវឌ្ឍនៈ

ព្រះសីហនុៈ ការវិនិយោគនៅក្នុងខេត្តព្រះសីហនុ ក្នុងរយៈពេល ប៉ុន្មានឆ្នាំចុងក្រោយ នេះ ហាក់មិនមាន អ្វីធំដុំ គួរឱ្យកត់សម្គាល់ទេ។

អ្នកជំនាញនៃវិស័យអចលនទ្រព្យកម្ពុជារំពឹងថា កំណើនវិនិយោគិន បរទេស នឹង ចូលមកកាន់ តំបន់សមុទ្រមួយនេះ នៅរយៈ ពេល ២ឬ៣ឆ្នាំខាងមុខ។

អ្នកស្រីអាន សុធីតា អគ្គនាយិកាក្រុមហ៊ុនអចលនទ្រព្យ PropNex Cambodia បានមានប្រសាសន៍ថា ក្នុង ពេលបច្ចុប្បន្ននេះ អគារជាច្រើននៅក្នុងខេត្តព្រះសីហនុ មិនទាន់មានតម្រូវការ ក្នុងកា រជួល នោះទេ ហើយ អគារ ទាំង នោះ ដែ លសាងសង់រួច ក៏នៅទំនេរ ពីព្រោះតែមិនមាន វិនិយោគិន បរទេស ចូលទៅកាន់តំបន់ នោះ ដើម្បីស្វែង«២«រកការវិនិយោគនៅឡើយ ។

អ្នកស្រីបន្តថា បច្ចុប្បន្ន នេះ ស្ថានភាពកូវីដ ១៩ នៅកម្ពុជា បានប្រសើ រហើយ តែនៅបណ្ដាប្រទេស មួយចំនួន ទៀត ដូចជា នៅប្រទេស ចិន និងបណ្ដាប្រទេសមួយចំនួននៅ មានស្ថានភាពធ្ងន់ធ្ង រនៅឡើយ ហើយ ពិភពលោ ក ក៏ បាន ជួបប្រទះ នឹង វិបត្តិ សេដ្ឋកិច្ច មួយទៀត ដោយសារតែសង្គ្រាមរវាង រុស្ស៊ី និងអ៊ុយក្រែន ដែល នាំឱ្យ ទំនិញ ជាពិសេស ប្រេង ឥន្ធនៈ បានហក់ឡើង ខ្ពស់ ដែលនាំឱ្យ មានបញ្ហា មួយបន្ថែមទៀត សម្រាប់ការ វិនិយោគ នៅ កម្ពុជា ។

អ្នកស្រីថា “ស្ថានភាពវិនិយោគនៅកម្ពុជារួមទាំង នៅ ខេត្តព្រះសីហនុ ផងដែរ នោះ នឹងអាចប្រើពេល២ទៅ៣ឆ្នាំខាងមុខ ទើប វិនិយោគិនបរទេសចូលមកម្ពុជាដើម បណ្ដាក់ទុនវិនិយោគ ឡើងវិញ និង កាន់ តែ ច្រើន” ។
អ្នកស្រី បន្ថែមថា វិនិយោគិន បរទេស នឹង ចូលមកកម្ពុជា លុះត្រាតែគេ បានរៀបចំ ប្រទេស គេរួចរាល់ ឬស្ដារ ប្រទេ ស ពីវិបត្តិ កូវីដ ១៩ជាមុន សិន ពីព្រោះស្ទើរតែគ្រប់ប្រទេស លើ ពិភពលោក បានជួបនឹង វិបត្តិកូវីដ ១៩ ដូ ច្នេះ ហើយ គេ ក៏ ត្រូវ គិតពីប្រទេស គេដូចគ្នា ។

យ៉ាង ណាក្ដី វិនិយោគិន បរទេស មួយចំនួនបានចូលមកកម្ពុជា និងស្វែងរកការ វិនិយោគ ជា បន្តបន្ទា ប់ ហើយ ផង ដែរ និង មានក្រុមហ៊ុន បរទេស មួយចំនួនទៀត បានទៅកាន់ ខេត្តព្រះសីហនុ ដើម្បី សិក្សា ពីសក្ដានុពលក្នុងការ វិនិ យោ គ របស់ ខ្លួន។

អ្នកនាំពាក្យរដ្ឋបាលខេត្តព្រះសីហនុ លោកឃាង ភារម្យបានមានប្រសាសន៍កាលពីចុងសប្តាហ៍មុនថា រហូតមកទល់ពេលនេះ អ្នកវិនិយោគបរទេសបានចេញ ចូលមកកាន់ខេត្តព្រះសីហនុបណ្តើរៗហើយ ប៉ុន្តែមិនទាន់មានចំនួនច្រើននៅឡើយទេ ខណៈអ្នកទេសចរណ៍៍បរទេសក៏មិនទាន់មានចំនួនច្រើន ប៉ុន្តែអ្វីដែលគួរឲ្យកត់សំគាល់ គឺភ្ញៀវទេសចរណ៍វៀតណាមបានមកទស្សនាខេត្តព្រះសីហនុច្រើនជាងគេ៕

ស្ពានយោលថ្មើរជើងដ៏សែនព្រឺព្រួច និងវែងបំផុតរបស់ពិភពលោកដែលសម្រាប់តែអ្នកក្លាហានដើរឆ្លង

ដោយ សុខុម

ឆេក: មើលទៅមុខឃើញឆ្ងាយសន្លឹមចន្លោះពីភ្នំមួយទៅភ្នំមួយ ហើយបើសម្លឹងចុះទៅក្រោមគឺឃើញតែបាតទ្រលងភ្នំដ៏សែនខ្ពស់គួរឱ្យព្រឺព្រួច តើអ្នកមានសេចក្ដីអង់អាចគ្រប់គ្រាន់ហ៊ានដើរឆ្លងស្ពានយោលដែលខ្ពស់បំផុតរបស់ពិភពលោកមួយនេះដែរឬទេ?

សម្រាប់អ្នកក្លាហានប្រហែលជាគ្មានបញ្ហាឡើយចំពោះការដើរឆ្លងស្ពានយោល ដែលមានឈ្មោះថា Sky Bridge 721 នៅរមណីយដ្ឋានលម្ហែកាយ Dolní Morava ក្នុងសាធារណរដ្ឋឆេក នេះ ប៉ុន្តែសម្រាប់អ្នកខ្លាចទីខ្ពស់ ឬអ្នកខ្សោយបេះដូងធានាថានឹងទន់ជង្គង់ រាកនោមទៅមុខលែងរួចជាមិនខាន បន្ទាប់ពីដើរឆ្លងស្ពាននេះបានប៉ុន្មានជំហាន ព្រោះវាល្ហល្ហេវពេក និងខ្ពស់ខ្លាំងពេក។

ស្ថិតក្រោមដំណើរការសាងសង់រយៈពេល២ឆ្នាំមកនេះ ស្ពានយោលដែលមានប្រវែងរហូតដល់ទៅ៧២១ម៉ែត្រ និងទទឹង១,២ម៉ែត្រនេះត្រូវបានសម្ពោធដាក់ឱ្យប្រើប្រាស់នៅកាលពីថ្ងៃសុក្រ ទី១៣ ខែឧសភា។

ស្ពានយោលខ្សែកាបនេះនេះមានកម្ពស់ពីបាតជ្រលងភ្នំ៩៥ម៉ែត្រ និងមានកម្ពស់ចន្លោះពីជាង១.១១០ម៉ែត្រទៅ១.១១៦ម៉ែត្រពីលើកម្រិតទឹកសមុទ្រ។ ស្ពានយោលនេះគឺជាស្ពានយោលថ្មើរជើង ដូចនេះគឺសម្រាប់តែដើរប៉ុណ្ណោះ។

បច្ចុប្បន្នទេសចរដែលចង់ទៅដើរឆ្លងស្ពានយោលនេះ ត្រូវធ្វើការកក់សំបុត្រជាមុនលើគេហទំព័ររបស់រមណីយដ្ឋានលម្ហែកាយ Dolní Morava ដោយថ្លៃសំបុត្រសម្រាប់មនុស្សធំចាប់ពី១៤,៦០ដុល្លារ ឡើងទៅ។

យោងតាមសារព័ត៌មាន CNN ឱ្យដឹងថា ស្ពានយោល Sky Bridge 721 ដែលស្ថិតនៅក្នុងសាធារណរដ្ឋឆេក នេះខ្ពស់ជាង១៥៤ម៉ែត្របើធៀបនឹងស្ពានយោលថ្មើរជើង Baglung Parbat Footbridge នៅក្នុងខេត្ត Gandaki ប្រទេសនេប៉ាល់ ដែលជាអ្នកគ្រងកំណត់ត្រាឯតទគ្គកម្មពិភពលោក Guinness World Record៕ CNN៕

1...1,4481,4491,450...3,288 Page 1,449 of 3,288