By Yunis Sharifli

After 20 years of negotiations, the construction of the China-Kyrgyzstan-Uzbekistan (CKU) railway is hoped to finally begin next year. An online meeting took place between China, Kyrgyzstan, and Uzbekistan recently and, according to their announcement, feasibility studies will be finished this year. Kyrgyz President Sadyr Japarov said construction will begin in 2023.

Amid the Russia-Ukraine war, the CKU railway presents a number of strategic and economic opportunities for China, especially in the context of land-based trade relations with the European Union. In terms of strategic opportunities, it’s not surprising, first, that the announcement came at a time of increased international sanctions on Russia. Since the war started, different international companies have decided to stop using Russian territory as a transit country, some in response to Russian aggression and others due to the deteriorating business environment in the country. The CKU railway gives China the chance to diversify its trade routes, reduce its dependence on Russian routes, and maintain sustainable rail trade with EU countries in the long term.

Second, the new route will create an opportunity for Beijing not just to reduce its dependency on Russian territory but also to decrease its reliance on Kazakhstan as a transit country. This factor is particularly important because recent domestic turmoil in Kazakhstan showed that reliance on any one country in Central Asia for railway trade may be risky. In this context, the CKU railway can help China diversify its rail routes and switch cargoes from one route to another during future crises.

Finally, in addition to diversifying the route, the new railway can contribute to Kyrgyzstan and Uzbekistan’s economies. They would not only enjoy transit fees but also the railway routes may create new jobs.

New business opportunities in Kyrgyzstan and Uzbekistan are important for China because they help the two Central Asian countries, particularly Kyrgyzstan, maintain resilience and reduce the risk of civil unrest, and thus help China stabilize its Western borders.

Source: DIPLOMAT

ដោយៈ គង់ សូរិយា

       ភ្នំពេញៈ កុងស៊ុលកិត្តិយសរបស់កម្ពុជា ប្រចាំទីក្រុងសេនដាយ ប្រទេ​សជប៉ុន លោកថៃ ស៊ុស៊ុមុ បាននិងកំពុងដើរតួនាទី ដើម្បីបើកផ្លូវឱ្យអ្នកវិនិយោគជប៉ុន ចូលមកវិនិយោគនៅក្នុងប្រទេសកម្ពុជា។

ក្នុងបទសម្ភាសន៍ជាមួយសារព៌តមានក្នុងស្រុកល្បីមួយ លោក ថៃ ស៊ុស៊ុមុ បានបង្ហាញការកត់សម្គាល់របស់លោកថា ចាប់តាំងពីកម្ពុជាបើកស្ថា​នកុងស៊ុលនៅទីក្រុងសេនដាយ ក្នុងឆ្នាំ២០១៩ គឺមានអ្នកវិនិយោគជប៉ុន ចាប់អារម្មណ៍វិនិយោគនៅកម្ពុជាច្រើនណាស់។

លោកបានគូសបញ្ជាក់ថា “បើប្រៀបធៀបរយៈពេលថ្មីៗនេះ នៅពេលប្រទេសកម្ពុជា និងជប៉ុន បានបើកប្រទេសឡើងវិញរៀងខ្លួន ក៏មានអ្នកវិនិយោគជប៉ុនថ្មីៗ បានមកទំនាក់ទំនងខ្ញុំ ដើម្បីសួរយោបល់ពីឱកាសវិនិយោគនៅកម្ពុជា”។

លោកបានអះអាងថា ក្រុមហ៊ុនដែលបានទាក់ទងរូបលោក ដើម្បីវិនិយោគនៅកម្ពុជានោះ មានដូចជាក្រុមហ៊ុនផ្នែកកសិកម្ម សុខាភិបាល និងការនាំពលករទៅបម្រើការងារនៅប្រទេសជប៉ុនជាដើម។ ពេលនេះកម្ពុជាកំពុងរៀបចំបង្កើតសាខា សភាពាណិជ្ជកម្មនៅទីក្រុងសេនដាយ ដើម្បីផ្តល់ការប្រឹក្សាយោបល់ និងព័ត៌មានផ្សេងៗពាក់ព័ន្ធការវិនិយោគនៅកម្ពុជា។

លោកថៃ ស៊ុស៊ុមុ រំពឹងថា តាមរយៈសាខាសភាពាំណិជ្ជកម្មនេះ នឹងរួមចំណែកទាក់ទងអ្នកវិនិយោគជប៉ុន កាន់តែច្រើនថែមទៀតមកកាន់ប្រទេសកម្ពុជា។

លោកថៃ ស៊ុស៊ុមុ បានបញ្ជាក់ថា ឥឡូវនេះមានច្រើនណាស់ គេកំពុងតែចាប់អារម្មណ៍ ចាំឱកាសដែលយើងបើកសម្ពោធជាផ្លូវការ នោះគេនឹងមកចូលរួមជាសមាជិក របស់តំណាងសាខាសភាពាណិជ្ជកម្មរបស់យើង នៅប្រទេសជប៉ុន។ យើងរំពឹងថា នឹងមានអ្នកវិនិយោគជប៉ុនកាន់តែច្រើនឡើង តាមរយៈការបើកការិយាល័យ តំណាងសាខាសភាពាណិជ្ជកម្មរបស់យើងនៅប្រទេសជប៉ុន។

ពាក់ព័ន្ធមូលហេតុ និងកត្តាដែលនាំឱ្យអ្នកវិនិយោគជប៉ុន កាន់តែច្រើនចាប់អារម្មណ៍វិនិយោគនៅកម្ពុជា បុរសជនជាតិជប៉ុនរូបនេះ បានបង្ហាញនូវកត្តាចំនួន៤។ កត្តាទាំង៤នោះរួមមាន៖ សុខសន្តិភាព និងស្ថេរភាពនយោ​បាយ, ជាប្រទេសមានសេដ្ឋកិច្ចលូតលាស់ថ្មីនៅអាស៊ាន, មានកម្លាំងពលកម្មវ័យក្មេងច្រើន និងទំនាក់ទំនងល្អរវាងរដ្ឋាភិបាលនៃប្រទេសទាំងពីរ។

លោកថៃ ស៊ុស៊ុមុ បានបញ្ជាក់ឲ្យដឹងថា ចំណុចទី១ ដោយសារមានការដឹកនាំដ៏វៃឆ្លាតរបស់សម្តេចតេជោ ដែលលោកបង្កើតស្ថេរភាព សុវត្ថិភាពដល់ប្រជាជនកម្ពុជា។ មួយវិញទៀត យើងមានស្ថេរភាពនយោបាយល្អ ចំណុចនេះហើយ ដែលទាក់ទាញឱ្យវិនិយោគិន ក្រឡេកមើលឱកាសវិនិយោគនៅកម្ពុជា ដោយសារប្រទេសយើងមានសន្តិភាព ហើយយើងអត់មានសង្គ្រាមដូចប្រទេសគេទេ។

ដូច្នេះចំណុចទី១ ដែលសំខាន់ហ្នឹង គឹយើងមានសន្តិភាពល្អ យើងរក្សាសុវត្ថិភាពឱ្យអ្នកវិនិយោគ គេសម្លឹងឃើញឱកាសនេះ។ អ៊ីចឹងចំណុចនេះ ខ្ញុំគិតថា សំខាន់ជាងគេ។

ចំណុចទី២ ប្រទេសយើង ជាប្រទេសដែលសេដ្ឋកិច្ចកំពុងលូតលាស់នៅក្នុងអាស៊ាន។ ជាប្រទេសចាប់ផ្តើមលូតលាស់ថ្មី ផ្នែកសេដ្ឋកិច្ចលេចធ្លោជាងគេក្នុងអាស៊ាន។ អាចថាកំណើនសេដ្ឋកិច្ចរបស់យើង លូតលាស់ខ្ពស់ជាងបណ្តាប្រទេសមួយចំនួនក្នុងអាស៊ាន។

ចំណុចទី៣ ប្រទេសកម្ពុជាយើងពោរពេញ ដោយយុវជនវ័យក្មេង មានកម្លាំងពលំ ទាំងកម្លាំងប្រាជ្ញា ទាំងកម្លាំងកាយ ជាពិសេសយុវជនរបស់យើង បានដើរទាន់យុគ្គសម័យបច្ចេកវិទ្យាថ្មី ដូចជាសម័យ AI ឬតិចណូឡូជីជាដើម។ ចំណេះដឹងក៏មាន កម្លាំងពលំក៏មានទៀត ដូច្នេះជាចំណុចទាក់ទាញអ្នកវិនិយោគជប៉ុនដែរ។

ចំណុចទី៤ ខ្ញុំគិតថា ទំនាក់ទំនងល្អរវាងរដ្ឋាភិបាលទាំងពីរ។ ទំនាក់ទំនងល្អរវាងរដ្ឋាភិបាលទាំងពីរនេះហើយ ដែលធ្វើឱ្យប្រជាជនប្រទេសទាំងពីរមានទំនាក់ទំនងគ្នាល្អដែរ។ ជាពិសេសយើងឃើញហើយថា ប្រជាជនជប៉ុន និងប្រជាជនកម្ពុជា មិនដែលមានទំនាស់អ្វីនឹងគ្នាទេ គឺយើងស្រឡា​ញ់គ្នា រាប់អានគ្នា ជាមិត្តភាពនឹងគ្នាយូរអង្វែងជាំងប្រទេសណាៗទាំងអស់។

យោងតាមរបាយការណ៍បានបង្ហាញថា ក្នុងឆ្នាំ២០២១ កន្លងទៅ កម្ពុជា និងជប៉ុន មានទំហំពាណិជ្ជកម្មសរុបជាង១,៧០០លានដុល្លារអាមេរិក។ កម្ពុជា នាំទៅជប៉ុនមានជាង១ពាន់លានដុល្លារ ហើយកម្ពុជា នាំពីជប៉ុនវិញមានជាង៦០០លានដុល្លារ។ Freshnews៕

ដោយៈ សុផារី

ភ្នំពេញៈ  រដ្ឋាករទឹកស្វយ័តភ្នំពេញ បានចាប់ផ្តើមការដ្ឋានខួងបាតទន្លេរ​សាប ដើម្បីដាក់បំពង់មេនាំទឹកស្អាតទំហំ២០០០មម ក្រោមបាតទន្លេសាបចេញពីរោងចក្រផលិតទឹកស្អាតបាក់ខែង មកកាន់រាជធានីភ្នំពេញ ដែលជាប្រវត្តិសាស្រ្តមិនធ្លាប់មានពីមុនមក។

នេះបើតាមយោងតាមប្រសាសន៍របស់លោក ឡុង ណារ៉ូ អគ្គនាយករដ្ឋាករទឹកភ្នំពេញ នៅថ្ងៃទី២១ ខែកក្កដា ឆ្នាំ២០២២ ក្នុងឱកាសដឹកនាំក្រុមការងារចុះត្រួតពិនិត្យ គម្រោងនៅការដ្ឋានសាងសង់ រោងចក្រប្រព្រឹត្តកម្មទឹកស្អាតបាក់ខែង និងការដ្ឋានខួងឆ្លងកាត់ក្រោមបាតទន្លេសាប ដាក់បំពង់មេនាំទឹកស្អាត។

គម្រោងមួយនេះ ទទួលការងារដោយក្រុមហ៊ុនម៉ៅការសាងសង់បារាំង Vinci Construction Grands Projets និងក្រុមការងារទីប្រឹក្សាបច្ចេកទេស Safege Consulting Engineers។

លោក ឡុង ណារ៉ូ បានឱ្យដឹងថា ពេលនេះក្រុមការងារសាងសង់រោងចក្រ ផលិតទឹកស្អាតបានង្រីកបំពង់មេនាំទឹក  ដែលមានមុខកាត់២ម៉ែត្រ ចុះទៅក្រោម៣០ម៉ែត្រ ជីករូងឆ្លងបាតទន្លេសាប ដើម្បីនាំទឹកពីរោងចក្រទៅចែកចាយក្នុងរាជធានីភ្នំពេញ។

លោកបន្ថែមថា “សកម្មភាពជីករូងទៅក្រោមទន្លេរ កំពុងចាប់ផ្ដើម និងបានបញ្ជូនមនុស្សមុជទឹក ចុះបិទសំណង់កុំឱ្យមានទឹកជ្រាបពីទន្លេចូល និងបានទិញម៉ាស៊ីនជីករូងដីពីប្រទេសអាល្លឺម៉ង់ ដើម្បីត្រៀមតភ្ជាប់ពីត្រើយខាងកើតទន្លេរទៅខាងលិច”។លោកបញ្ជាក់ថា “យើងសង្ឃឹមថាកម្មវិធីត្រូវបានធ្វើតាមការគ្រោងទុកហើយ យើងសង្ឃឹមថានឹងបានភ្ជាប់បំពង់ទឹក ពីត្រើយខាងលិច ទៅភ្ជាប់នឹងបំពង់ក្នុងរាជធានីភ្នំពេញទាំងអស់”។

ជាមួយគ្នានេះ លោក Cedric Roude នាយកគ្រប់គ្រងក្រុមហ៊ុនម៉ៅការសាងសង់ Vinci Construction Grands Projets បានមានប្រសាសន៍ថា “ចាត់ទុកថាជាប្រវត្តិសាស្រ្តសម្រាប់កម្ពុជា គឺការខួងជម្រៅ៣០ម៉ែត្រ ក្រោមទន្លេសាប ដើម្បីនាំទឹកស្អាតតាមបំពង់មុខកាត់២ម៉ែត្រពីត្រើយខាងកើត មកកាន់ស្ពានព្រែកព្នៅ។ នេះជាបច្ចេកវិទ្យា និងជាបច្ចេក​ទេសថ្មីមួយ សម្រាប់គម្រោងនេះ”។

លោកឡុង ណារ៉ូ បានឱ្យដឹងថា បច្ចុប្បន្នការសាងសង់រោងចក្រផលិតទឹកស្អាតបាក់ខែងជំហានទី១ សម្រេចបាន៦៦ភាគរយ នឹងគ្រោងបញ្ចប់ក្នុងឆ្នាំ២០២៣ខាងមុខ ខណៈដែលជំហានទី២សម្រេចបាន៤២ភាគរយផងដែរ។

លោកបន្ថែមថា បន្ទាប់សាងសង់រួចរោងចក្រ ប្រព្រឹត្តិកម្មទឹកស្អាតបាក់ខែងមានសមត្ថភាព ផលិតទឹកបាន៣៩០.០០០ម៉ែត្រគូប ក្នុងមួយថ្ងៃ ជំហានទី១ផលិតបាន១៩៥.០០០ម៉ែត្រគូប និងជំហានទី២ ផលិតបាន១៩៥.០០០ម៉ែត្រគូបក្នុងមួយថ្ងៃ នឹងបំពេញសេចក្តីត្រូវការនិងការប្រើប្រាស់របស់ប្រជាពលរដ្ឋក្នុងរាជធានីភ្នំពេញ ឱ្យបានគ្រប់គ្រាន់នៅចុងឆ្នាំ២០២៣ ឬឆ្នាំ២០២៤ខាងមុខ៕

ដោយៈ សុខុម

ប៉េកាំង: បន្ទាប់ពីចរចាគ្នារយៈពេលរហូតដល់ទៅ២០ឆ្នាំ នៅទីបំផុតការសាងសង់ផ្លូវដែកចិន -កៀហ្ស៊ីស៊ីស្ថាន-អ៊ូបេគីស្ថាន (China-Kyrgyzstan-Uzbekistan (CKU)) ត្រូវបានរំពឹងថា នឹងចាប់ផ្តើមនៅឆ្នាំ២០២៣។ នេះបើយោងតាមសារព័ត៌មាន The Diplomat ចុះផ្សាយកាលពីសប្ដាហ៍មុន។

កិច្ចប្រជុំតាមអនឡាញមួយ ត្រូវបានធ្វើឡើងរវាងប្រទេសចិន ប្រទេសកៀហ្ស៊ីស៊ីស្ថាន និងប្រទេសអ៊ូបេគីស្ថាន កាលពីពេលថ្មីៗនេះ ហើយយោងតាមការប្រកាសរបស់ប្រទេសទាំងនេះបានឱ្យដឹងថា ការសិក្សាសមិទ្ធលទ្ធភាពនឹងត្រូវបញ្ចប់នៅឆ្នាំនេះ។

ប្រធានាធិបតីកៀហ្ស៊ីស៊ីស្ថាន លោក Sadyr Japarov បានបញ្ជាក់ថា “ការសាងសង់ផ្លូវដែកនេះ នឹងចាប់ផ្តើមនៅឆ្នាំ២០២៣”។

ចំពេលសង្រ្គាមរុស្ស៊ី- អ៊ុយក្រែន ផ្លូវដែកCKU បង្ហាញពីឱកាសជាយុទ្ធសាស្ត្រ និងឱកាសសេដ្ឋកិច្ចក្រាស់ក្រែលមួយ សម្រាប់មហាយក្សចិន ជាពិសេសក្នុងបរិបទនៃទំនាក់ទំនងពាណិជ្ជកម្ម តាមផ្លូវគោកជាមួយសហភាពអឺរ៉ុប។

និយាយពីឱកាសជាយុទ្ធសាស្ត្រ វាគ្មានអ្វីគួរឱ្យភ្ញាក់ផ្អើលទេ ព្រោះទី១ ការប្រកាសនេះ ធ្វើឡើងក្នុងគ្រាដែលសហគមន៍អន្តរជាតិ បង្កើនការដាក់ទណ្ឌ​ក​ម្មកាន់តែច្រើនឡើងៗលើប្រទេសរុស្ស៊ី ចំពោះការបញ្ឆេះសង្គ្រាមចូលឈ្លានពានអ៊ុយក្រែន។

ចាប់តាំងពីសង្រ្គាមអ៊ុយក្រែន បានផ្ទុះមក បណ្ដាក្រុមហ៊ុនអន្តរជាតិបានសម្រេចចិត្តឈប់ប្រើប្រាស់ទឹកដីរុស្ស៊ី ជាប្រទេសឆ្លងកាត់ ដោយក្រុមហ៊ុនខ្លះធ្វើបែបនេះ ជាការឆ្លើយតបនឹងការឈ្លានពានរបស់រុស្ស៊ី ហើយក្រុមហ៊ុនខ្លះទៀតធ្វើបែបនេះ ដោយសារតែបរិយាកាសពាណិជ្ជកម្ម កាន់តែយ៉ា​ប់​យ៉ឺនទៅនៅក្នុងប្រទេសរុស្ស៊ី។

ផ្លូវដែកCKU ផ្តល់ឱកាសឱ្យប្រទេសចិន អាចធ្វើពិពិធកម្មផ្លូវពាណិជ្ជកម្មរបស់ខ្លួន កាត់បន្ថយការពឹងផ្អែកលើផ្លូវដឹកជញ្ជូនរបស់រុស្ស៊ី និងរក្សាពាណិជ្ជ​កម្មផ្លូវដែក ប្រកបដោយនិរន្តរភាព ជាមួយបណ្តាប្រទេសសហភាពអឺរ៉ុប ក្នុងរយៈពេលវែង។

ទី២ ផ្លូវដែកថ្មីនេះ នឹងបង្កើតឱកាសមួយសម្រាប់រដ្ឋាភិបាល ក្រុងប៉េកាំង មិនត្រឹមតែកាត់បន្ថយការពឹងផ្អែករបស់ខ្លួន លើទឹកដីរុស្ស៊ី ប៉ុណ្ណោះទេ ប៉ុន្តែថែមទាំងកាត់បន្ថយ ការពឹងផ្អែកលើប្រទេសកាហ្សាក់ស្ថាន ជាប្រទេសឆ្លងកាត់ផងដែរ។

កត្តានេះមានសារៈសំខាន់ខ្លាំងណាស់ ដោយសារភាពចលាចលកាលពីពេលថ្មីៗនេះ នៅក្នុងប្រទេសកាហ្សាក់ស្ថាន បានបង្ហាញថា ការពឹងផ្អែកលើប្រទេសតែមួយ នៅតំបន់អាស៊ីកណ្តាល សម្រាប់ពាណិជ្ជកម្មតាមផ្លូវដែក គឺមានហានិភ័យខ្ពស់ណាស់។

នៅក្នុងបរិបទនេះ ផ្លូវដែក CKU អាចជួយប្រទេសចិន ធ្វើពិពិធកម្មផ្លូវដែករបស់ខ្លួន និងផ្លាស់ប្តូរទំនិញពីផ្លូវមួយទៅផ្លូវមួយទៀត យ៉ាងងាយស្រួ​លអំឡុងពេលមានវិបត្តិនាពេលអនាគត។

ជាចុងក្រោយ បន្ថែមពីលើការធ្វើពិពិធកម្មផ្លូវដឹកជញ្ជូន ផ្លូវដែកថ្មីនេះអាចរួមចំណែកដល់សេដ្ឋកិច្ច របស់ប្រទេសកៀហ្ស៊ីស៊ីស្ថាន និងប្រទេសអ៊ូបេគីស្ថាន។ ប្រទេសទាំងនេះមិនត្រឹមតែរីករាយ នឹងការទទួលបានថ្លៃសេវាដឹកជញ្ជូនប៉ុណ្ណោះទេ ប៉ុន្តែផ្លូវដែកនេះ ថែមទាំងជួយបង្កើតការងារថ្មីៗទៀតផង។

ឱកាសអាជីវកម្មថ្មីៗ នៅប្រទេសកៀហ្ស៊ីស៊ីស្ថាន និងប្រទេសអ៊ូបេគីស្ថាន មានសារៈសំខាន់សម្រាប់ប្រទេសចិន ព្រោះវាជួយប្រទេសអាស៊ីក ណ្តាលទាំង២នេះ ជាពិសេសប្រទេសកៀហ្ស៊ីស៊ីស្ថាន រក្សាភាពធន់ទ្រាំ និងកាត់បន្ថយហានិភ័យនៃចលាចលស៊ីវិល ហើយធ្វើដូច្នេះវានឹងជួយប្រទេសចិន រក្សាស្ថិរភាពព្រំដែនខាងលិចរបស់ខ្លួន។

ផ្លូវដែក CKU ក៏នឹងបង្កើតឱកាសសេដ្ឋកិច្ច សម្រាប់ប្រទេសចិនផងដែរ​ដោយផ្អែកលើកត្តាជាយុទ្ឋសាស្រ្តមួយចំនួន ដូចជា ទី១ រដ្ឋាភិបាលក្រុងប៉េកាំង អាចបញ្ជូនផលិតផលរបស់ខ្លួន ទៅកាន់ទាំងទីផ្សារតំបន់មជ្ឈិមបូព៌ា និងអឺរ៉ុប តាមរយៈផ្លូវថ្មីនេះ។

យោងតាមផែនការ ផ្លូវដែក CKU នឹងក្លាយជាផ្លូវខ្លីបំផុតមួយ នៅក្នុងការបញ្ជូនទំនិញទៅកាន់តំបន់ទាំងពីរ ព្រោះវានឹងកាត់បន្ថយចម្ងាយផ្លូវធ្វើដំណើរដឹកទំនិញ បានដល់ទៅ៩០០គីឡូម៉ែត្រ និងកាត់បន្ថយរយៈពេលដឹកជញ្ជូនមកនៅត្រឹម៧ ទៅ៨ថ្ងៃ។

ទី២ ផ្លូវដែក CKU ក៏អាចជួយរដ្ឋាភិបាលក្រុងប៉េកាំង ឱ្យដឹងច្បាស់ពីផែនការកំណើនសេដ្ឋកិច្ចរបស់ខ្លួន នៅក្នុងតំបន់ភាគកណ្តាល និងភាគខាងលិចនៃប្រទេសចិនផងដែរ។

តំបន់អាស៊ីកណ្ដាល (Central Asia) មាន៥ប្រទេស រួមមាន ប្រទេសកាហ្សាក់ស្ថាន ប្រទេសកៀហ្ស៊ីស៊ីស្ថាន ប្រទេសតាហ្ស៊ីគីស្ថាន ប្រទេសតួកមេនីស្ថាន និងប្រទេសអ៊ូបេគីស្ថាន៕  The Diplomat៕

ដោយៈជេស៊ីកា

       ភ្នំពេញៈ រដ្ឋាភិបាលតាមរយៈក្រសួងសាធារណៈការ និងដឹកជញ្ជូនបាននិងកំពុងសហការជាមួយក្រុមហ៊ុនYCH ដើម្បីសិក្សាលើគំរោងអភិវឌ្ឍន៍​ហេដ្ឋារចនាសម្ព័ន្ឋធំៗចំនួន៥។

ព៌តមាននេះ ត្រូវបានលើកឡើងដោយ លោកទេសរដ្ឋមន្ត្រីស៊ុន ចាន់ ថុល ​រដ្ឋមន្រ្តីក្រសួងសាធារណៈការ និងដឹកជញ្ជូនក្នុងកិច្ចប្រជុំកាលពីថ្ងៃទី២១ កក្កដាកន្លងមកនេះ។

លោកបន្តថា ក្រសួងសាធារណការ និងដឹកជញ្ជូន បានសហការជាមួយក្រុមហ៊ុន YCH លើគម្រោង សិក្សាអភិវឌ្ឍន៍មជ្ឈមណ្ឌលភស្តុភារកម្មភ្នំពេញ គម្រោងសិក្សាអភិវឌ្ឍន៍មជ្ឈមណ្ឌលភស្តុភារកម្ម ក្រុងព្រះសីហនុ គម្រោងសិក្សាអភិវឌ្ឍផ្លូវនាវាចរណ៍ទន្លេបាសាក់ គម្រោងសិក្សាធ្វើទំនើបកម្មផ្លូវរថភ្លើងល្បឿនលឿន គម្រោងសាងសង់ផ្លូវល្បឿនលឿនភ្នំពេញ-បាវិត ការជំរុញនិងណែនាំដ៏ខ្ពង់ខ្ពស់ ពីសំណាក់សម្ដេចតេជោនាយករដ្ឋមន្ត្រី ក្នុងការកសាងផ្លូវកំពង់ធំ-កំពង់ឆ្នាំង បាត់ដំបង-សៀមរាប ដែលជាប្រព័ន្ធភស្តុភារកម្មប្រកបដោយប្រសិទ្ធភាព។

លោកទេសរដ្ឋមន្រ្តី ក៏បានណែនាំឱ្យអង្គភាពពាក់ព័ន្ធទាំងអស់ ផ្តល់ធាតុចូលឱ្យបានឆាប់ ទៅលើសេចក្តីព្រាងផែនការមេ គ្រប់ជ្រុងជ្រោយស្ដីពី ប្រព័ន្ធដឹកជញ្ជូន អន្តរមធ្យោបាយកម្ពុជាឆ្នាំ២០២២-២០៣០ ដែលរៀបចំឡើងដោយឧត្តមក្រុមប្រឹក្សាសេដ្ឋកិច្ចជាតិ និងបន្ថែមនូវចំណុចដែលខ្វះខាតនានា ដោយផ្អែកលើផែនការមេ អន្តរកាលដែលបានអនុម័ត ជាផ្លូវការដោ​យក្រុមប្រឹក្សាជាតិភ័ស្តុភាកម្មកាលពីខែមករា ២០២០។

លោកទេសរដ្ឋមន្ត្រីស៊ុន ចាន់ថុលបានថ្លែងកត់សម្គាល់អំពីគោលនយោបាយអភិវឌ្ឍន៍ វិស័យឧស្សាហកម្មឆ្នាំ២០១៥-២០២៥ របស់កម្ពុជា ដែលផ្តោតជាសំខាន់លើ ការងារអាទិភាពចំនួនបួន ដើម្បីប្រែក្លាយកម្ពុជាទៅជាប្រទេសមានចំណូលមធ្យមកម្រិតទាប នៅឆ្នាំ២០៣០ និងចំណូលមធ្យមកម្រិតខ្ពស់នៅឆ្នាំ២០៥០ ដែលការងារ អាទិភាពទាំងនោះរួមមានទី ១ ការបញ្ចុះតម្លៃអគ្គិសនីឱ្យនៅកម្រិតទាប ទី២ ការអភិវឌ្ឍធនធានមនុស្សល្អ ទី៣ ការបញ្ចុះតម្លៃភស្តុភាកម្ម និងដឹកជញ្ជូន និងទី៤ ការរៀបចំខេត្តព្រះសីហនុទាំងមូលឱ្យក្លាយជាតំបន់សេដ្ឋកិច្ចពិសេស៕​

ដោយៈ សុខុម

សៀងហៃ: មហាយក្សចិន បានសម្រុកអនុម័តគម្រោងសាងសង់នានា ដែលមានតម្លៃសរុបដល់ទៅ៥៦,២២ពាន់លានដុល្លារអាមេរិក បន្ទាប់ពីប្រទេសនេះ បន្ធូរបន្ថយច្បាប់បរិស្ថានរបស់ខ្លួនកាលពីខែមុន។

ប៉ុន្តែទោះជាយ៉ាងណា រដ្ឋាភិបាលចិននឹងនៅតែ “មិនអត់ឱនដាច់ខាត” ចំពោះក្រុមហ៊ុនដែលបំពានច្បាប់។ នេះបើយោងតាមមន្ត្រីមួយរូបបានទម្លាយឱ្យដឹងកាលពីថ្ងៃព្រហស្បតិ៍ ទី២១ ខែកក្កដា។

ក្រសួងបរិស្ថានចិន បានប្រកាសកាលពីចុងខែមិថុនាកន្លងមកថា ខ្លួនបានកែសម្រួល ប្រព័ន្ធវាយតម្លៃផលប៉ះពាល់បរិស្ថាន (EIA) របស់ប្រទេសចិន ដើម្បីពន្លឿនដំណើរការអនុម័ត សម្រាប់គម្រោងធំៗក្នុងវិស័យ ដូចជា ហេដ្ឋារចនាសម្ព័ន្ធ និងដឹកជញ្ជូនជាដើម។

ក្រសួងនេះបានសន្យា “ខិតខំប្រឹងប្រែងឱ្យអស់សមត្ថភាព” ដើម្បីជួយគាំទ្រដល់គម្រោងសាងសង់ធំៗ រួមទាំងគម្រោងជំរុញការផ្គត់ផ្គង់ធ្យូងថ្ម និងការផ្គត់ផ្គង់ទឹកផងដែរ។

លោក Liu Zhiquan ដែលជាមន្ត្រីក្រសួងបរិស្ថានបានប្រាប់ក្រុមអ្នកសារព័ត៌មាន ក្នុងសន្និសីទមួយកាលពីថ្ងៃព្រហស្បតិ៍ ទី២១ ខែកក្កដាកន្លងមកថា ចំណាត់ការនេះមានគោលបំណង “ជំរុញភាពរឹងមាំនៃទីផ្សារ” ហើយគម្រោងធំៗចំនួន១៦ ត្រូវបានអនុម័តរួចហើយក្រោមប្រព័ន្ធថ្មីនេះ។

សេចក្តីប្រកាសគោលនយោបាយ កាលពីខែមុនបញ្ជាក់ថា ការសាងសង់ថ្មីៗក្នុងវិស័យសំខាន់ៗ ដូចជា វិស័យថាមពល និងដឹកជញ្ជូននឹងមិនត្រូវបានវិនិច្ឆ័យលើបរិមាណនៃការបំពុល ដែលគម្រោងទាំងនោះនឹងមិនបញ្ចេញដូចមុនឡើយ ហើយគម្រោងមួយចំនួន អាចត្រូវបានលើកលែងពីដំណើរការវាយតម្លៃផលប៉ះពាល់បរិស្ថាន (EIA) ទាំងស្រុង។

ចំណាត់ការនេះបាននាំឱ្យមានការព្រួយបារម្ភថា ប្រទេសចិន កំពុងដើរត្រលប់ក្រោយ ហើយងាកចេញពីការប្តេជ្ញាចិត្តរបស់ខ្លួនផ្នែកបរិស្ថាន ប៉ុន្តែលោក Liu Zhiquan និយាយថា ក្រុមហ៊ុនដែលបំពានច្បាប់បរិស្ថានតាមរយៈការដាក់ជូនព័ត៌មានបរិស្ថានក្លែងបន្លំ នឹងនៅតែត្រូវទទួលការផ្តន្ទាទោសយ៉ាងធ្ងន់ធ្ងរ៕ Reuters៕