ដោយ:លាងហួរ

ភ្នំពេញ: លោក ជា ចាន់តូ ទេសាភិបាលធនាគារជាតិនៃកម្ពុជា (NBC) បានមានប្រសាសន៍ថា សេដ្ឋកិច្ចរបស់កម្ពុជាត្រូវបានព្យាករណ៍ថានឹងកើនឡើង៥,៣ភាគរយ នៅឆ្នាំ២០២២នេះ។

លោកបានថ្លែងបែបនេះនៅក្នុងសុន្ទរកថា បិទកិច្ចប្រជុំប្រចាំឆ្នាំរបស់ធនាគារជាតិថា កំណើនសេដ្ឋកិច្ចនេះ នឹងត្រូវបានគាំទ្រជាចម្បងដោយការកើនឡើង នៃការនាំចេញផ្នែកផលិតកម្ម ការកើនឡើងនៃសំណង់ និងអចលនទ្រព្យ ព្រមទាំងវិស័យកសិកម្ម និងការងើបឡើងវិញបន្តិចម្តងៗនៃវិស័យទេសចរណ៍។

សេដ្ឋកិច្ចរបស់ប្រទេសកម្ពុជា ជាប្រពៃណី ពឹងផ្អែកលើការនាំចេញសម្លៀកបំពាក់ ស្បែកជើង និងទំនិញធ្វើដំណើរ សំណង់ និងអចលនទ្រព្យ កសិកម្ម និងទេសចរណ៍។

អនុរដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម លោក ប៉ែន សុវិជាតិ មានប្រសាសន៍ថា ភាពជាដៃគូសេដ្ឋកិច្ចគ្រប់ជ្រុងជ្រោយ ក្នុងតំបន់ (RCEP) និង FTA កម្ពុជា-ចិន (CCFTA) ដែលចូលជាធរមាននៅថ្ងៃទី១ខែមករា បាននិងកំពុងជំរុញកំណើនសេដ្ឋកិច្ចរបស់កម្ពុជា។

តាមរយៈកិច្ចព្រមព្រៀង RCEP និង CCFTA  យើងមានទំនុកចិត្តថា ទំហំនាំចេញរបស់កម្ពុជាទៅកាន់ប្រទេសចិន និងប្រទេសសមាជិក RCEP ដទៃផ្សេងទៀតនឹងកាន់តែធំ ជាពិសេសការនាំចេញកសិផល ដែលមានសក្តានុពលដូចជាអង្ករ ដំឡូងមី ចេក និងស្វាយ ផលិតផលឧស្សាហកម្ម និងទំនិញកែច្នៃរបស់កម្ពុជាទៅកាន់ទីផ្សារ។

កិច្ចព្រមព្រៀងពាណិជ្ជកម្មក្នុងតំបន់ដ៏ធំនេះ (RCEP)នឹងលើកលែងពន្ធរហូតដល់៩០ភាគរយ លើទំនិញដែលត្រូវបាននាំចេញ ទៅក្នុងចំណោមប្រទេស ដែលជាហត្ថលេខីរបស់ខ្លួន ក្នុងរយៈពេល២០ឆ្នាំខាងមុខ៕

SHANGHAI: China has fast-tracked the approval of construction projects worth more than 380 billion yuan (US$56.22 billion) after relaxing its environmental rules last month, but will still show “zero tolerance” to law-breaking firms, an official said on Thursday (Jul 21).

The Ministry of Ecology and Environment (MEE) announced in late June that it had simplified China’s environmental impact assessment (EIA) system in order to speed up the approval process for major projects in sectors like infrastructure and transportation.

It promised to “make every effort” to support major construction projects, including those aimed at boosting coal and water supplies.

MEE official Liu Zhiquan told reporters at a regular briefing on Thursday that the move was aimed at “stimulating market vitality”, and 16 major projects had already been approved under the new system.

Last month’s policy announcement said new construction in key sectors like energy and transportation would no longer be judged on how much pollution they emit, and some projects could be exempt from the EIA process entirely.

The move led to concerns China was backsliding on its environmental commitments, but Liu said companies violating environmental rules by submitting fraudulent environmental information would still be severely punished.

“Environmental departments at all levels have always adopted an attitude of ‘zero tolerance’ towards EIA fraud,” he said, adding that 265 firms and 217 individuals had been put on a blacklist since 2021, with some facing criminal penalties.

China’s environmental and decarbonisation plans have come under scrutiny as the government tries to guarantee energy supplies following a wave of power outages last September and revive an economy hit by punishing COVID-19 lockdowns.

It has continued to promote an ambitious renewable energy rollout, with new solar installations more than doubling in the first half of this year, but new coal-fired power plant approvals have also soared.

ដោយៈ សុផារី

ក្រុងព្រះសីហនុៈ តម្លៃអចលនទ្រព្យក្នុងក្រុងព្រះសីហនុ បានការកើនឡើងខ្ពស់ស្ទើរមិនគួរឱ្យជឿ ក្នុងរយៈពេលប៉ុន្មានឆ្នាំចុងក្រោយ ដែលជំរុញដោយវិនិយោគិនជនជាតិចិន និងលំហូរនៃអាជីវករចិន ចូលមករកស៊ីលើរបរនានា។

កំណើនតម្លៃនេះ កើនឡើងតែមួយរយៈខ្លីតែប៉ុណ្ណោះ ព្រោះរហូតមកដល់ពេលនេះ អ្វីៗហាក់មានសភាពស្ងប់ស្ងាត់វិញហើយ។

លោក​ច្រឹក សុខនីម ​ប្រធាន​សមាគម​អ្នកវាយតម្លៃ និ​ងភ្នាក់ងារ​អចល​នវត្ថុបានមានប្រសាសន៍ឱ្យដឹង កាលពីថ្ងៃទី២១ កក្កដាថា តម្លៃអចលនទ្រព្យមានការកើនឡើង ឬចុះ អាស្រ័យលើកត្តាតម្លៃពិតនៃសេដ្ឋកិច្ច និងការបំប៉ោងតម្លៃឬការកើនឡើងដោយឈ្មួញ ដែលធ្វើឱ្យកើនតម្លៃ។ អចលនទ្រព្យនៅក្រុងព្រះសីហនុ កើនឡើងដោយសារតែការបំប៉ោងតម្លៃពីសំណាក់ឈ្មួញជនជាតិចិន ដែលបានចូលមកវិនិយោគ នៅក្នុងខេត្តជាប់មាត់សមុទ្រមួយនេះ ហើយបានធ្វើឱ្យមានការផ្អើល លើ់សកម្មភាពទិញ លក់អចលនវត្ថុក្នុងតម្លៃថ្លៃ លើសពីទីផ្សារសេដ្ឋកិច្ចពិតជាក់ស្តែង ដែលមាននៅក្នុងមូលដ្ឋាន។

លោកបន្តថា “នៅក្នុងក្រុងព្រះសីហនុ គឺមិនមែនជាតម្លៃសេដ្ឋកិច្ចទេ គឺជាការបំប៉ោងតម្លៃ តាមយន្តការនៃក្រុមអ្នករកស៊ីល្បែង Gaming”។ លោកអះអាងថា “កំណើនតម្លៃនេះកើតឡើង ដោយសារឈ្មួញខាងលើមកជួលអចលនទ្រព្យ ក្នុងតម្លៃថ្លៃកប់ពពក ដែលមិនស័ក្តិសមនឹងតម្លៃពិត”។

ប្រៀបធៀបនឹងពពុះសាប៊ូ និងប្រដូចទៅនឹងការលេងផ្សារហ៊ុនStock Exchange អ្នកជំនាញរូបនេះអះអាងថា កំណើនតម្លៃអចលនទ្រព្យក្នុងក្រុងព្រះសីហនុ​​ ជាតម្លៃឡើងតែមួយភ្លែតតែប៉ុណ្ណោះ ព្រោះតម្លៃនេះមិនមែនជាតម្លៃរយៈពេលវែងបាននោះទេ។

លោកបន្ថែមថា “តម្លៃជួលកើនឡើង ធ្វើឱ្យតម្លៃទិញលក់អចលនទ្រព្យកើនឡើងដូចគ្នា ដែលកាលនោះ កំនើនតម្លៃបានកើនឡើងហួស ​ពីការរំពឹងទុកនៃសេដ្ឋកិច្ច”។ លោកបានបញ្ជាក់ថា “មិនមែនអ្នកណាជួលផ្ទះតម្លៃ១៥,០០០ដុល្លារទេ គឺមិនអាចរកស៊ីចំណេញឡើយ។

លោកបានបន្ថែមថា “នេះជាផលប៉ះពាល់ខ្លាំង នៅក្នុងតំបន់ឬសកលលោក គេមានការប្រុងប្រយ័ត្នខ្លាំងជាងគេ គឺអ្វីៗមានសភាពដូចគ្នា​នឹងផលប៉ះពាល់ ក្នុងខេត្តព្រះសីហនុហ្នឹង។

លោកបានពន្យល់ថា “នៅពេលណា ដែលឈ្មួញមានទឹកប្រាក់ច្រើន គាត់ចាប់ផ្តើមប្រមូលទិញៗ ធ្វើឱ្យអចលនទ្រព្យឡើងថ្លៃខ្លាំង ហួសពីតម្លៃពិតនៃសេដ្ឋកិច្ច ហើយនៅពេលដែលគាត់បញ្ចេញទៅវិញ អ្នកដែលរងគ្រោះជាងគេ គឺអ្នកដែលទិញនៅពេលថ្លៃហ្នឹងឯង”៕

ដោយ៖ វឌ្ឍនៈ

សៀមរាប ៖ ខេត្តសៀមរាបជាតំបន់មួយ ដែលទាក់ទាញការវិនិយោគខ្ពស់មួយ លើវិស័យអចលនទ្រព្យនៅមុនវិបត្តិកូវីដ១៩ ប៉ុន្តែដល់វិបត្តិកូវីដ១៩ចូលមកដល់ធ្វើឱ្យសកម្មភាព ការវិនិយោគមួយចំនួនធំនៅក្នុងខេត្តនេះត្រូវជួបប្រទះនឹងបញ្ហា។ មកដល់ពេលនេះ ទោះបីជាស្ថានភាពបានប្រសើរឡើងក្ដី តែការវិនិយោគក្នុងខេត្តទេសចរណ៍មួយនេះនៅតែមិនទាន់បានប្រសើរឡើងវិញនៅឡើយ។

លោក សំ សីហា ប្រធានក្រុមហ៊ុនអចលនទ្រព្យ Century 21 Zillion Holding ប្រចាំខេត្តសៀមរាប បានមានប្រសាសន៍តាមទូរសព្ទនៅរសៀលថ្ងៃទី២១ ខែកក្កដានេះឱ្យដឹងថា ក្នុងរយៈពេលជាងកន្លះឆ្នាំមកនេះ វិស័យអចលនទ្រព្យ នៅក្នុងខេត្តសៀមរាប ហាក់មិនមានការប្រែប្រួលអ្វីគួរឱ្យកត់សម្គាល់នោះទេ ទោះបីជាទេសចរណ៍ក្នុងខេត្តនេះបានប្រសើរឡើងវិញ ហើយផ្លូវ៣៨ខ្សែក្នុងក្រុងសៀមរាបក៏ត្រូវបានដាក់ដំណើរការឡើងវិញក្ដី។

លោកបន្តថា ថ្វីត្បិតតែភ្ញៀវទេសចរចូលមកទស្សនា និងសម្រាកកម្សាន្តនៅក្នុងខេត្តសៀមរាបច្រើនក៏ពិតមែន តែនៅតែមិនបានដូចកាលមុននៅឡើយទេ។ ចំនួនភ្ញៀវទេសចរបរទេសចូលមកខេត្តសៀមរាបនៅមានចំនួនតិចតួចនៅឡើយ ស្របនឹងភ្ញៀវទេសចរជាតិក៏មានចំនួនតិចតួច មិនដូចមុនកូវីដ១៩។

លោកឱ្យដឹងថា ការបើកដំណើរការផ្លូវថ្មីៗនៅក្នុងក្រុងសៀមរាប គឺជាការជួសជុលផ្លូវចាស់ៗខ្លះ និងមានផ្លូវថ្មីៗមួយចំនួន ដូចជាវាមិនអាចជំរុញឱ្យភ្ញៀវចូលមកកាន់ខេត្តនេះបានច្រើនភ្លាមៗទេ។ អ្វីដែលសំខាន់នោះ គឺតម្រូវការសេវាក្នុងខេត្តនេះ នៅមានចំនួនតិចតួច បើសិនជាមានភ្ញៀវចូលមកលេងច្រើន នឹងធ្វើឱ្យតម្រូវការសេវាទេសចរណ៍កើនឡើង នឹងជំរុញឱ្យមានការវិនិយោគលើសណ្ឋាគារបូទិក ផ្ទះសំណាក់អាហារដ្ឋានច្រើនឡើងវិញ។

លោកបានបន្តថា “បច្ចុប្បន្ននេះ ម្ចាស់អាជីវកម្មមួយចំនួននៅក្នុងខេត្តសៀមរាបនៅតែបន្តបាត់បង់ចំណូលរបស់ខ្លួនដដែលទេ ហើយនៅពេលពួកគាត់បាត់បង់ចំណូល ពួកគាត់នឹងមិនពង្រីកអាជីវកម្មបន្ថែមទៀត ដូច្នេះហើយការដោះដូដីធ្លី សម្រាប់ជាទីតាំងអាជីវកម្មក៏មិនអាចទៅរួចដែរ”។

លោក ព្រាប កុល អ្នកជំនាញនៃវិស័យដីធ្លីនៅអចលនទ្រព្យមួយរូប បានមានប្រសាសន៍ថា “ជាធម្មតា នៅពេលមានបញ្ហាអ្វីមួយ ហើយត្រូវគាំងមួយរយៈ ឬត្រូវបន្ថយល្បឿន ដូច្នេះទំរាំតែបានលឿនដូចដើមវិញក៏ត្រូវការពេលវេលាដែរ។

លោកថា “វាមិនខុសពីយានយន្ត ដែលយើងបើកបរនោះទេ នៅពេលវាឈប់ឬបន្ថយល្បឿន ហើយចង់បានលឿនដូចមុន គឺត្រូវការពេលវេលាបន្តិច ដើម្បីឱ្យបានដូចល្បឿនមុនពេលបន្ថយ។ វិស័យអចលនទ្រព្យក៏ដូចជាវិស័យផ្សេងដែរ គឺត្រូវការពេលវេលា ដើម្បីស្ដារឱ្យបានខ្លាំងដូចមុនពេលវេលាដែលមានបញ្ហា”។

លោកសំ សីហា រំពឹងថា វិស័យដីធ្លី និងសក្ដានុពលអចលនទ្រព្យនៅក្នុងខេត្តសៀមរាប ត្រូវការពេលវេលាប្រមាណ២ទៅ៣ឆ្នាំទៀត ដើម្បីឱ្យបានដូចមុនកូវីដ១៩ ហើយក៏ត្រូវប្រើពេលវេលាសន្សឹមៗផងដែរ។

ក្រោយពិភពលោកបានទប់ស្កាត់ការរាលដាល នៃកូវីដ១៩បានមួយកម្រិត ពិភពលោកក៏បានជួបប្រទះនឹងវិបត្តិមួយទៀត គឺសង្គ្រាមរវាងរុស្ស៊ី និងអ៊ុយក្រែន ដែលធ្វើឱ្យអតិផរណាលើពិភពលោកបានកើនឡើង ជាក់ស្ដែងអតិផរណារបស់កម្ពុជាក៏កើនឡើងខ្ពស់មួយកម្រិតដែរ ដែលជាកត្តាមួយគួរពិចារណានិងចូលរួមទប់ស្កាត់។ កត្តានេះបណ្ដាលមកពីតម្លៃប្រេងឡើងសាំង និងធ្វើឱ្យទំនិញផ្សេងៗទៀត ក៏បានកើនឡើង ទៅតាមតម្លៃប្រេងសាំងដែរ៕