ដោយៈគង់ សូរិយា

       ភ្នំពេញៈ ការរៀបចំMaster Planមានសារៈសំខាន់ណាស់ សំរាប់ការអភិវឌ្ឍទីក្រុងរណបមួយ ឬទីក្រុង១ ដើម្បីសម្រេចបាននូវការរីកចម្រើនប្រកបដោយចីរភាព។

ការអភិវឌ្ឍ​នៅ​តំបន់​ភាគខាងត្បូង​ក្រុងភ្នំពេញ កំពុង​ដើរ​តាម​ផែនការមេ​របស់​ទីក្រុង​រណប ING CITY ដែលជា​ទីក្រុង​រណប​ធំជាងគេ​នៅ​រាជធានី​ភ្នំពេញ បាននិងកំពុង​ដើរ​តាម​ផែនការមេ​របស់ខ្លួន ខណៈ​តម្លៃ​ដីធ្លី​នៅ​តំបន់​នេះ​មាន​កំនើន​យ៉ាងខ្ពស់ ជាមួយ​គំរោង​សាងសង់​បុរី មជ្ឈមណ្ឌល​ពាណិជ្ជកម្ម​លំដាប់​អន្តរជាតិ​នានា កំពុង​លេចចេញ​ជា​រូបរាង​ឡើងបណ្តើរ។

យោងតាម​ផែនការមេ​របស់​ក្រុមហ៊ុន ING Holding ដែល Propertyarea.asia ទទួលបាន​ឲ្យ​ដឹងថា ទីក្រុង​រណប ING CITY គ្របដណ្តប់​លើ​ផ្ទៃដី​ជាង ២០០០ហិកតា ដែលមាន​វិសាលភាព​ដ៏​ធំ​មួយ និង​ជាទី​ក្រុង​រណប​ធំជាងគេ​នៅ​រាជធានី​ភ្នំពេញ។ តាម​គំរោង​ក្រុមហ៊ុន​គ្រោង​អភិវឌ្ឍន៍​តំបន់​នេះ ជា​តំបន់​មានការ​អភិវឌ្ឍ​បែប​បៃតង និង​គោរព​តាម​គោលការណ៍​បរិស្ថាន។

ឯកសារ​ដដែល​បាន​ឲ្យ​ដឹងថា ក្រុមហ៊ុន​គ្រោង​អភិវឌ្ឍន៍​តំបន់​នេះ ជា​មជ្ឈមណ្ឌល​លំនៅដ្ឋាន មជ្ឈមណ្ឌល​ពាណិជ្ជកម្ម កន្លែង​ចំណត​យានយន្ត ជា​សហគមន៍​សម្រាប់​និវត្តន៍​ជនជាតិ​ចិន មជ្ឈមណ្ឌល​កីឡា​ជាដើម។

ជាមួយនឹង​ទស្សនវិស័យ​ចំពោះមុខ និង​រៀបចំ​តំបន់​ដែល​ទើប​អភិវឌ្ឍន៍​ថ្មី​នេះ សាលា​រាជធានី​ភ្នំពេញ រួមជាមួយ​សាលាក្រុង​ប៉ារីស​ដើម្បី​សិក្សា​រួមគ្នា​ពី​ការអភិវឌ្ឍ និង​ដោះស្រាយ​បញ្ហា​ប្រឈម​ចំពោះមុខ ទាក់ទង​នឹង​ការកើនឡើង​នូវ​យានយន្ត ការបំពុល​ទឹក​កខ្វក់ និង​ហេ​ដ្ឋា​រចនា​ស​ម្ព័​ន្ឋ​នានា ដើម្បី​ធ្វើយ៉ាងណា​ឲ្យ​តំបន់​នេះ​សមស្រប​ជា​តំបន់ ដែលមាន​ភាព​បៃតង និង​ត្រៀម​រៀបចំ​នគរូបនីយកម្ម​ឲ្យ​មាន​ភាពល្អប្រសើរ និង​អាចឆ្លើយតប​នឹង​កំនើន​ប្រជាសាស្ត្រ​នៅ​តំបន់​នេះ។

ដោយសារ​ជា​តំបន់​ថ្មី ងាយស្រួល​ហេ​ដ្ឋា​រចនា​ស​ម្ព័​ន្ឋ និង​កំនើន​ប្រជាសាស្ត្រ​នៅ​តំបន់​នេះ ទើប​អ្នកវិនិយោគ​ជាតិ អន្តរជាតិ​បាននិងកំពុង​វិនិយោគ​គំរោង​លំនៅដ្ឋាន​ធំៗនៅ​តំបន់​នេះ ពិសេស​ផ្សារ​ទំនើប​លំដាប់​អន្តរជាតិ២កំពុង​បាន​សាងសង់ឡើង ក្នុងចំណោម​ផ្សារ​ទំនើបធំៗចំនួន​បី។ អ្វី​កាន់តែ​ពិសេស​ផ្សារ​ទំនើប AEON MALL3 នឹង​សាងសង់​នៅ​តំបន់​នេះ​នាពេល​អនាគត ខណៈ​ក្រុមហ៊ុន AEON GROUP បាន​ទិញ​ដី​នៅ​តំបន់​នេះ​ទុក​រួចទៅហើយ។

អតីត​វីរ​ស្ថា​ត្យ​ករ​កម្ពុជា លោក​បណ្ឌិត​វណ្ណ ម៉ូលីវណ្ណ​ធ្លាប់​បានផ្តល់​អនុសាសន៍​ឲ្យ​អភិវឌ្ឍន៍​រាជធានី​ភ្នំពេញ​ឆ្ពោះទៅកាន់​ភាគខាងត្បូង ដោយសារ​តំបន់​ភាគខាងត្បូង​មាន​ដី​ទំនេរ​ច្រើន មាន​សណ្ឋាន​ដី​ខ្ពស់​មិន​ប្រឈម​នឹង​ការ​លិច​ទឹក និង​ងាយស្រួល​រៀបចំ​ហេ​ដ្ឋា​រចនា​ស​ម័​ន្ឋ​នានា ដោយសារ​ជា​តំបន់​មានការ​អភិវឌ្ឍ​ថ្មី៕

ដោយៈសុខុម

អាមេរិក: ខណៈការឡើងថ្លៃទំនិញរាប់ចាប់ពីឧស្ម័នហ្គាស រហូតដល់គ្រឿងទេស កំពុងបង្កការលំបាកដល់ពលរដ្ឋអាមេរិក អ្នកជំនាញមួយចំនួនបានមើលឃើញវិធានការដ៏ងាយស្រួលមួយ ដែលរដ្ឋាភិបាលអាមេរិក អាចអនុវត្តន៍បានដើម្បីបន្ធូរសម្ពាធនេះ នោះគឺការដកទណ្ឌកម្មពន្ធលើប្រទេសចិន ដែលដាក់ដោយអតីតប្រធានាធិបតី ដូណាល់ ត្រាំ។

អតិផរណា បានហក់ឡើងខ្ពស់ដល់ទៅ៨,៥%ក្នុងខែមីនា ដែលជាកម្រិតខ្ពស់បំផុត មិនធ្លាប់មាននៅសហរដ្ឋអាមេរិក ចាប់តាំងពី “វិបត្តិអតិផរណា” ដ៏អាក្រក់ក្នុងទសវត្សរ៍ឆ្នាំ១៩៧០។ នេះបើយោងតាមសារព័ត៌មាន CNA ចុះផ្សាយកាលពីថ្ងៃព្រហស្បតិ៍ ទី១៩ ខែឧសភា។

ក្រុមអ្នកជំនាញសេដ្ឋកិច្ចបានមើលឃើញថា ការកើនឡើងអតិផរណានេះ បណ្ដាលមកពីកត្តាចម្រុះ ដែលកើតឡើងដំណាលគ្នាជាច្រើន រួមទាំងផ្នែកតម្រូវការ និងការផ្គត់ផ្គង់ផងដែរ។ ទី១ ការធូរស្បើយពីវិបត្តិកូវីដ-១៩ ទីផ្សារការងារងើបឡើងវិញ តម្រូវការកម្លាំងពលកម្មខ្ពស់មិនធ្លាប់មាន និងការឡើងថ្លៃអចលនទ្រព្យ សុទ្ធតែបានរួមចំណែកធ្វើឱ្យតម្រូវការសរុប នៅសហរដ្ឋអាមេរិក កើនឡើងយ៉ាងរហ័ស។

ទន្ទឹមនេះ សង្គ្រាមរុស្ស៊ី ចូលឈ្លានពានប្រទេសអ៊ុយក្រែន និងទណ្ឌ​កម្មដាក់លើរុស្ស៊ី ជាបន្តបន្ទាប់ដូចទឹកបាក់ទំនប់ បានធ្វើឱ្យការផ្គត់ផ្គង់ធ្លាក់ចុះ ហើយជំរុញឱ្យថ្លៃថាមពល និងស្បៀងអាហារហក់ឡើងយ៉ាងគំហុក។ ហើយស្ថានភាពដ៏អាក្រក់នេះ កាន់តែធ្ងន់ធ្ងរឡើង ដោយសារការពន្យារពេលដោះស្រាយបណ្ដាលមកពីកូវីដ-១៩ គោលនយោបាយរូបិយវត្ថុធូររលុង និងហេដ្ឋារចនាសម្ព័ន្ធវ័យចាស់ទ្រុឌទ្រោម និងបញ្ហាផ្សេងៗទៀត។

មិនថាយ៉ាងណាក៏ដោយចុះ ការឡើងថ្លៃទំនិញបានធ្វើឱ្យរដ្ឋាភិបាលសហរដ្ឋអាមេរិក ជួបទ្វេគ្រោះដែលពិបាកនឹងដោះស្រាយ។

ផ្អែកតាមសូចនាករបានចង្អុលបង្ហាញថា សេដ្ឋកិច្ចអាមេរិកនៅពេលនេះកំពុងរីកលូតលាស់ទៅមុខ ប៉ុន្តែទន្ទឹមនេះ ក៏កំពុងប្រឈមអតិផរណាកើនឡើងយ៉ាងរាលដាលផងដែរ។

ប្រធានាធិបតី ចូ បៃឌិន បាននិយាយកាលពីខែឧសភាបានថ្លែងថា លោកអាចដឹងពីការខកចិត្តរបស់ពលរដ្ឋអាមេរិក។ លោកដឹងយ៉ាងច្បាស់ថា លោកត្រូវតែធ្វើអ្វីម្យ៉ាង ដើម្បីដោះស្រាយវិបត្តិអតិផរណា ឱ្យបានមុនការបោះឆ្នោតពាក់កណ្តាលអាណត្តិខែវិច្ឆិកា បើមិនដូច្នោះទេ ក្រុមប្រជាធិបតេយ្យនឹងប្រឈមហានិភ័យ បាត់បង់អំណាចគ្រប់គ្រងនៅរដ្ឋសភា និងព្រឹទ្ធសភា។

ដូចនេះសំណួរចោទឡើងថា ហេតុអ្វីបានជាលោក ចូ បៃឌិន ដែលបានរិះគន់វិធានការពន្ធក្នុងសម័យលោក ដូណាល់ ត្រាំ អំឡុងយុទ្ធនាការឃោសនាបោះឆ្នោតប្រធានាធិបតីរបស់លោក មិនចាប់យកឱកាសនេះដើម្បីបន្ធូរទាំងបញ្ហាពន្ធ និងអតិផរណា?៕ CNA៕

ដោយៈសុខុម

អន្តរជាតិ: ឧបនាយករដ្ឋមន្រ្តរុស្ស៊ី លោក Alexander Novak បានប្រកាសជំហរយ៉ាងម៉ឺងម៉ាត់ កាលពីថ្ងៃព្រហស្បតិ៍ ទី១៩ ខែឧសភា ថា ប្រទេសរុស្ស៊ី នឹងបញ្ជូនប្រេងដែលបណ្តាប្រទេសអឺរ៉ុប មិនទទួលយក មកកាន់អាស៊ី និងតំបន់ផ្សេងទៀត។

លោក Alexander Novak បានសង្កត់ធ្ងន់បន្ថែមទៀតថា អឺរ៉ុប នឹងត្រូវស្វែងរកការផ្គត់ផ្គង់ជំនួស ដែលមានតម្លៃថ្លៃជាងប្រេងរុស្ស៊ី។

គណៈកម្មការអឺរ៉ុប កាលពីថ្ងៃពុធ ទី១៨ ខែឧសភា បានបង្ហាញផែនការចំណាយ២២០ពាន់លានដុល្លារសម្រាប់អឺរ៉ុប បញ្ចប់ការពឹងផ្អែករបស់ខ្លួនលើឥន្ធនៈហ្វូស៊ីលរបស់រុស្ស៊ី នៅត្រឹមឆ្នាំ២០២៧ និងដើម្បីពន្លឿនការផ្លាស់ប្តូរឆ្ពោះទៅរកការប្រើប្រាស់ថាមពលកកើតឡើងវិញ។

លោក Alexander Novak បាននិយាយថា អឺរ៉ុបទទួលយកប្រេងរុស្ស៊ី ប្រហែល៤លានបារ៉ែលក្នុងមួយថ្ងៃ ហើយថា រុស្ស៊ីបានត្រៀមខ្លួនរួចជាស្រេច ដើម្បីបង្វែរការផ្គត់ផ្គង់ទាំងនោះមកកាន់អាស៊ី និងតំបន់ផ្សេងទៀត ហើយជាលទ្ធផលអឺរ៉ុប នឹងត្រូវស្វែងរកប្រភពផ្គត់ផ្គត់ជំនួស ដែលមានតម្លៃថ្លៃជាងប្រេងរុស្ស៊ី។

ទណ្ឌកម្មដែលលោកខាងលិចដាក់លើរុស្ស៊ី បន្ទាប់ពីកងទ័ពរុស្ស៊ី បញ្ឆេះសង្គ្រាមចូលឈ្លានពានអ៊ុយក្រែន កាលពីថ្ងៃទី២៤ ខែកុម្ភៈ បានបង្ខំឱ្យអ្នកទិញប្រេងមួយចំនួនពន្យារពេល ឬបដិសេធមិនទទួលយកប្រេងរុស្ស៊ី ជាហេតុធ្វើឱ្យផលិតកម្មប្រេងរបស់រុស្ស៊ី ធ្លាក់ចុះខ្លាំង។

ឧបនាយករដ្ឋមន្ត្រីរូបនេះនិយាយថា ផលិតកម្មប្រេងរបស់រុស្ស៊ី គឺទាបជាងប្រហែល១លានបារែលក្នុងមួយថ្ងៃ ក្នុងខែមេសា ប៉ុន្តែបានកើនឡើងចន្លោះពី២០០.០០០ ទៅ៣០០.០០០បារ៉ែលក្នុងមួយថ្ងៃ ក្នុងខែឧសភា នេះ ហើយតាមការរំពឹងទុក ចំនួនផលិតកម្មនឹងកើនឡើងបន្ថែមទៀតនៅខែក្រោយ។

លោកបានបន្តថា ការនាំចេញប្រេងរបស់រុស្ស៊ី កំពុងងើបឡើងវិញជាបណ្តើរៗហើយ ហើយប្រទេសនេះ នឹងអាចស្វែងរកទីផ្សារនាំចេញថ្មីៗ ឱ្យបាន ដោយសារធនធានថាមពលរបស់ខ្លួន មានការប្រកួតប្រជែងខ្ពស់៕ Reuters៕

ដោយៈវឌ្ឍនៈ

ភ្នំពេញៈ បន្ទាប់ពីស្ថានភាពកូវីដ១៩ នៅក្នុងប្រទេសបានធូរស្រាលឡើងវិញ កម្ពុជាបានបង្ហាញកាលានុវត្តភាពវិនិយោគ និងសក្ដានុពលរបស់ខ្លួនទៅកាន់វិនិយោគិនបរទេសជាបន្តបន្ទាប់ ក្នុងនោះដែរកម្ពុជាក៏បានបង្ហាញកាលានុវត្តភាព និងសក្ដានុពល៤ចំនុច ដល់វិនិយោគិនបរទេស ដើម្បីបណ្ដាក់ទុនវិនិយោគនៅកម្ពុជា។

ក្រសួងពាណិជ្ជកម្ម សហការជាមួយក្រុមប្រឹក្សាអភិវឌ្ឍន៍កម្ពុជា ក្រសួងពាណិជ្ជកម្ម នៃសាធារណរដ្ឋប្រជាមានិតចិន ស្ថានឯកអគ្គរដ្ឋទូតចិនប្រចាំកម្ពុជា និងសភាពាណិជ្ជកម្មកម្ពុជាកាលពីថ្ងៃទី១៨ ឧសភាបានរៀបចំវេទិកាធុរកិច្ច និងវិនិយោគកម្ពុជា-ចិន ឆ្នាំ២០២២ ក្រោមប្រធានបទ “ការចែករំលែកកាលានុវត្តភាពអភិវឌ្ឍន៍ និងបង្កើតវិបុលភាពតំបន់” ជាលក្ខណៈពាក់កណ្តាលអនឡាញ។

ក្នុងវេទិកានោះ ក៏មានការធ្វើបទបង្ហាញដោយក្រសួង-ស្ថាប័នពាក់ព័ន្ធរបស់ភាគីកម្ពុជានានាផងដែរ ហើយបទបង្ហាញទាំងនោះ ផ្ដោតលើប្រធានបទសំខាន់មួយចំនួន រួមមាន ទី១- បទបង្ហាញស្តីពីស្ថានភាពទូទៅនៃសេដ្ឋកិច្ច និងកិច្ចព្រមព្រៀងពាណិជ្ជកម្មសេរីរបស់កម្ពុជា ដោយថ្នាក់ដឹកនាំនៃក្រសួងពាណិជ្ជកម្មកម្ពុជា ទី២ -បរិយាកាស និងការលើកកម្ពស់គោលនយោបាយវិនិយោគកម្ពុជា ដោយប្រធាននាយកដ្ឋានទំនាក់ទំនងសាធារណៈ និងការជំរុញគម្រោងវិនិយោគឯកជន នៃក្រុមប្រឹក្សាអភិវឌ្ឍន៍កម្ពុជា។

ទី៣-គុណសម្បត្តិនៃការនាំចេញផលិតផលកសិកម្ម ដោយតំណាងក្រសួងកសិកម្ម រុក្ខាប្រមាញ់និងនេសាទ និងទី៤-បរិយាកាសនៃការវិនិយោគនៅខេត្តព្រះសីហនុ ដោយអភិបាលរងនៃគណៈអភិបាល ខេត្តព្រះសីហនុ បន្ទាប់មកទៀត ក៏មានការធ្វើបទបង្ហាញពីវិស័យឯកជនរបស់ចិន ដែលកំពុងធ្វើធុរកិច្ច និងវិនិយោគក្នុងប្រទេសកម្ពុជាផងដែរ។

លោក ស៊ាង ថៃ រដ្ឋលេខាធិការក្រសួងពាណិជ្ជកម្មកម្ពុជាបានវាយតម្លៃខ្ពស់ ចំពោះការអនុវត្តនូវគោលនយោបាយជាយុទ្ធសាស្ត្រ តាមគំនិត ផ្តួចផ្តើមរបស់ ប្រធានាធិបតីចិន លោកស៊ី ជិនពីងក្នុងការកែទម្រង់ស៊ីជម្រៅលើអភិបាលកិច្ចប្រទេសចិន និងការដាក់ចេញនូវយុទ្ធសាស្រ្តខ្សែក្រវ៉ាត់និងផ្លូវ សម្រាប់កិច្ចសហប្រតិបត្តិការអន្តរជាតិ ដែលដើរតួនាទីជាគន្លឹះក្នុងការ ជំរុញកំណើនសេដ្ឋកិច្ច និងពាណិជ្ជកម្មចិន ហើយទំនាក់ទំនង នៃភាពជាដៃគូយុទ្ធសាស្ត្រគ្រប់ជ្រុងជ្រោយ រវាងកម្ពុជា-ចិន លើគ្រប់វិស័យត្រូវបានពង្រឹង និងពង្រីកជាលំដាប់ពីមួយឆ្នាំទៅមួយឆ្នាំ។

លោកបន្តថា “កិច្ចសហប្រតិបត្តិការពាណិជ្ជកម្មកម្ពុជា-ចិន ត្រូវបានពង្រឹង និងពង្រីកជាបន្តបន្ទាប់ក្រោមការដឹកនាំប្រកប ដោយចក្ខុវិស័យ និងស្មារតីសហប្រតិបត្តិការរបស់ថ្នាក់ដឹកនាំកំពូល នៃប្រទេសកម្ពុជា-ចិន ក្នុងនោះក្រោមក្របខ័ណ្ឌតំបន់”។លោកបន្តថា “ភាគីទាំងពីរបានចូលរួមបង្កើតកិច្ចព្រមព្រៀងពាណិជ្ជកម្មសេរីអាស៊ាន-ចិន និងជំរុញឱ្យសម្រេចបាននូវកិច្ចព្រមព្រៀងភាពជាដៃគូ សេដ្ឋកិច្ចគ្រប់ជ្រុងជ្រោយតំបន់ (RCEP)”។

ក្រោមក្របខ័ណ្ឌទ្វេភាគី កម្ពុជា-ចិន បានចុះហត្ថលេខាលើកិច្ចព្រមព្រៀងពាណិជ្ជកម្មសេរីកម្ពុជា-ចិន កាលពីខែតុលា ឆ្នាំ២០២០ និងបានចូលជាធរមានកាលពីខែមករា ឆ្នាំ២០២២កន្លងទៅនេះ ដែលបានត្រួសត្រាយផ្លូវសម្រាប់ភាពជាដៃគូយុទ្ធសាស្ត្រ និងជំរុញកិច្ចសហប្រតិបត្តិការសេដ្ឋកិច្ច-ពាណិជ្ជកម្ម រវាង កម្ពុជា និងសាធារណរដ្ឋប្រជាមានិតចិន។

ជាមួយគ្នានេះ លោក Qian Keming អនុរដ្ឋមន្ត្រីក្រសួងពាណិជ្ជកម្មចិន បានឱ្យដឹងថា ចិនគឺនៅតែជាដៃគូពាណិជ្ជកម្ម ដ៏ធំបំផុតរបស់កម្ពុជា ហើយបានក្លាយជាគោលដៅនាំចេញអង្ករ និងចេកដ៏ធំបំផុតរបស់កម្ពុជា ជាក់ស្ដែងភាគីទាំងពីរ បានសម្រេចគោលដៅទំហំពាណិជ្ជកម្មទ្វេភាគី ចំនួន ១០ពាន់លានដុល្លារ ពីរឆ្នាំមុនពេលកំណត់។

លោកថា “កិច្ចសហប្រតិបត្តិការវិនិយោគ រវាងភាគីទាំងពីរពាក់ព័ន្ធនឹងវិស័យជាច្រើនដូចជា កសិកម្ម ថាមពលអគ្គិសនី វាយនភណ្ឌ និងទំនាក់ទំនង ហើយតំបន់សេដ្ឋកិច្ចពិសេសក្រុងព្រះសីហនុ ដែលបានវិនិយោគ និងសាងសង់ដោយសហគ្រាសចិន បានបង្កើតការងារប្រមាណ៣ម៉ឺនកន្លែងសម្រាប់តំបន់”៕

ដោយ : លាងហួរ

ហ្វីលីពីន : វិស័យអចលនទ្រព្យការិយាល័យ នៅក្នុងប្រទេសហ្វីលីពីន បានកើនឡើង៧៥ភាគរយ ពី៧៥.៧១៣ម៉ែត្រការ៉េ នៅក្នុងត្រីមាសទី៤ឆ្នាំ២០២១ ដល់១៣២.៣៨៥ម៉ែត្រការ៉េ ក្នុងត្រីមាសទីមួយនៃឆ្នាំ២០២២នេះ។

នេះបើតាមការបញ្ជាក់របស់លោក Janlo de los Reyes ប្រធានផ្នែកស្រាវជ្រាវ និងប្រឹក្សាយុទ្ធសាស្ត្ររបស់ក្រុមហ៊ុន JLL ដែលមានមូលដ្ឋាននៅក្នុងប្រទេសហ្វីលីពីន។

លោកថា ទីផ្សារអចលនទ្រព្យមានការស្ទុះងើបឡើងវិញ ដោយបរិមាណជួលការិយាល័យនៅក្នុងប្រទេសហ្វីលីពីនបានកើនឡើងរហូតដល់ទៅ៧៥ភាគរយ ពី៧៥.៧១៣ម៉ែត្រការ៉េនៅក្នុងត្រីមាសទី៤ ឆ្នាំ២០២១ ដល់១៣២.៣៨៥ម៉ែត្រការ៉េ ក្នុងរយៈពេលដូចគ្នា។

វិស័យអចលនទ្រព្យការិយាល័យ នៅតំបន់អាស៊ីប៉ាស៊ីហ្វិក នៅតែត្រូវគេចាត់ទុកជាវិស័យមួយដ៏លេចធ្លោបំផុត។ ជាក់ស្តែង ការវិនិយោគដោយផ្ទាល់ទៅក្នុងវិស័យនេះបានកើនឡើង៩ភាគរយ ពីមួយឆ្នាំទៅមួយឆ្នាំ ក្នុងទំហំដល់ទៅ១៧,៣ពាន់លានដុល្លារ ក្នុងត្រីមាសទីមួយក្នុងឆ្នាំ២០២២នេះ។

លោកស្រី Lizanne Tan នាយកទីប្រឹក្សាជួលការិយាល័យរបស់ JLL Philippines បានបន្ថែមថា មានក្រុមហ៊ុនជាច្រើន បាននិងកំពុងវាយតម្លៃ ពីរបៀបឆ្ពោះទៅមុខ ជាមួយនឹងការវិលត្រឡប់ទៅធ្វើការនៅការិយាល័យ។

លោកស្រីបានលើកឡើងពីប្រភេទនៃអាជីវកម្ម និងមុខងាររបស់បុគ្គលិកជាកត្តាមួយចំនួន ដែលអង្គការពិចារណានៅក្នុងគោលនយោបាយ RTO របស់ពួកគេ៕

BONN- The World Bank said on Wednesday it will make $30 billion available to help stem a food security crisis threatened by Russia’s war in Ukraine, which has cut off most grain exports from the two countries.

The total will include $12 billion in new projects and over $18 billion funds from existing food and nutrition-related projects that have been approved but have not yet been disbursed, the bank said.

“Food price increases are having devastating effects on the poorest and most vulnerable,” said World Bank Group President David Malpass said in a statement. “To inform and stabilize markets, it is critical that countries make clear statements now of future output increases in response to Russia’s invasion of Ukraine.”

The bank said the new projects are expected to support agriculture, social protection to cushion the effects of higher food prices on the poor, and water and irrigation projects. The majority of resources going to Africa and the Middle East, Eastern Europe and Central Asia, and South Asia.

These areas are among the hardest hit by the impact of the war in Ukraine on grain supplies. Countries such as Egypt are highly dependent on Ukrainian and Russian wheat and are scrambling for supplies as Russia has blockaded Ukraine’s agricultural exports from Black Sea ports and has imposed domestic export restrictions.

The World Bank’s plans were the largest component of a U.S. Treasury Department report summarizing food security action plans from international financial institutions released on Wednesday.

The European Bank for Reconstruction and Development plans to make 500 million euros ($523.50 million) available for food security and trade finance for agricultural and food products, out of a 2 billion euro package for Ukraine and neighboring countries affected by the war, the Treasury report said. Ukraine would get 200 million euros and neighboring countries would get 300 million euros.

The International Monetary Fund will provide financing support through its normal channels, which are limited by countries’ shareholdings and whether their debt is deemed sustainable.

Source: Reuters

ដោយ៖ វឌ្ឍនៈ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នឹងដឹកនាំប្រតិភូជាន់ខ្ពស់ទៅចូលរួមកិច្ចប្រជុំប្រចាំឆ្នាំ២០២២ របស់វេទិកាសេដ្ឋកិច្ចពិភពលោកនៅប្រទេសស្វីស នៅថ្ងៃទី២១ឧសភា២០២២ តាមការការអញ្ជើញរបស់លោក ក្លោស ឆ្វាប់ ស្ថាបនិកនិងប្រធានប្រតិបត្តិវេទិកាសេដ្ឋកិច្ចពិភពលោក។

នេះបើយោងតាមសេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ នៅថ្ងៃទី ១៩ ឧសភា ២០២២នេះ។

សេចក្ដីប្រកាសឱ្យដឹងថា វេទិកាសេដ្ឋកិច្ចពិភពលោកប្រចាំឆ្នាំ២០២២នេះ ផ្ដោតទៅលើប្រធានបទ “ការត្រៀមខ្លួន សម្រាប់យុគសម័យក្រោយជំងឺកូវីដ” ដែលនឹងប្រព្រឹត្តិទៅនៅថ្ងៃទី២២ ដល់ថ្ងៃទី ២៦ ឧសភា ២០២២នៅទីក្រុងដាវ៉ស-ក្លូស្ទ័រ ប្រទេសស្វីស។

អមដំណើរសម្ដេចតេជោ នៅក្នុងកិច្ចប្រជុំនោះ រួមមាន លោកស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូន លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងមន្ត្រីជាន់ខ្ពស់ នៃរាជរដ្ឋាភិបាលកម្ពុជា ជាច្រើនរូបផ្សេងទៀត ព្រមទាំងសមាជិករបស់សភាពាណិជ្ជកម្មកម្ពុជាផងដែរ។

ក្នុងសេចក្ដីប្រកាសព័ត៌មានដដែលថា សម្ដេចតេជោនឹងអញ្ជើញថ្លែងសុន្ទរកថាប្រកប ដោយអត្ថន័យខ្លឹមសារនៅក្នុងពិធីបិទកិច្ចពិភាក្សាជាមួយភាគីពាក់ព័ន្ធ​ ក្រោមប្រធានបទ “ទស្សនវិស័យយុទ្ធសាស្ត្រលើអាស៊ាន” និងការនៅក្នុងកម្មវិធីអាហារថ្ងៃត្រង់ក្រៅផ្លូវការ ជាមួយថ្នាក់ដឹកនាំសេដ្ឋកិច្ចពិភពលោក ក្រោមប្រធានបទ “ការស្ដារសន្តិភាព និងសណ្ដាប់ធ្នាប់ឡើងវិញ”។

សម្ដេចតេជោ ក៏រំពឹងថានឹងមានជំនួបពិភាក្សាការងារ ជាមួយថ្នាក់ដឹកនាំប្រទេសមួយចំនួន និងទទួលការចូលរួមសម្ដែងការគួរសមពីសំណាក់ឥស្សរជននយោបាយ និងធុរជនពិភពលោកផងដែរ ។ សម្ដេចតេជោ ក៏នឹងជួបសំណេះសំណាល ជាមួយបងប្អូនប្រជាពលរដ្ឋខ្មែរ ដែលរស់នៅប្រទេសស្វីស និងបណ្ដាប្រទេសអឺរ៉ុបផងដែរ៕