លោកស៊ុន ចាន់ថុលៈការធ្វើដំណើរលើផ្លូវល្បឿនលឿនភ្នំពេញ-ក្រុងព្រះសីហនុចំណាយតិចជាងជិះលើផ្លូវជាតិនានា

ដោយៈ សុផារី

ភ្នំពេញៈ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅថ្ងៃទី១៩ ខែកក្កដា ឆ្នាំ២០២២នេះ បានឱ្យដឹងថា ការធ្វើដំណើរពីរាជធានីភ្នំពេញ ទៅកាន់ក្រុងព្រះសីហនុ ដោយប្រើប្រាស់ផ្លូវល្បឿនលឿនភ្នំពេញ-ក្រុងព្រះសីហនុ នឹងមានការចំណាយតិចជាងជិះលើផ្លូវជាតិធម្មតា ទោះបីត្រូវបង់ប្រាក់បន្ថែមក្តី។

ក្នុងឱកាសពិនិត្យសកម្មភាព និងវឌ្ឍនភាពសាងសង់ផ្លូវល្បឿនលឿនភ្នំពេញ-ក្រុងព្រះសីហនុ លោក ស៊ុន ចាន់ថុល បានឱ្យដឹងថា ការធ្វើដំណើរលើផ្លូវល្បឿនលឿនភ្នំពេញ -ក្រុងព្រះសីហនុ នៅក្នុងឆ្នាំទី១ ដែលជាឆ្នាំដំបូង មានតម្លៃតិចជាង៨សេន និងទៅតាមប្រភេទឡាន ដែលមាន៥ប្រភេទ ក្នុងនោះប្រភេទឡានទេសចរណ៍ (ឡានតូច) យក១២ដុល្លារក្នុងមួយលើក និងចំពោះឡានធំ (ឡានដឹកទំនិញធុនធំ) យក៦០ដុល្លារ។

លោករដ្ឋមន្ត្រីបានបន្ថែមថា បើប្រៀបធៀបផ្លូវជាតិ និងផ្លូវល្បឿនលឿន ដែលបង់១២ដុល្លារនេះ គឺមានការចំណាយតិចជាងការជិះ នៅតាមផ្លូវជាតិ ដោយសារការប្រើផ្លូវជាតិ ប្រើសាំងច្រើនជាង ដោយសារការកកស្ទះ ហើយសម្រាប់ការខូចខាតក៏មានច្រើន ក្នុងនោះបញ្ហាសុវត្ថិភាព ក៏មិនសូវមានសុវត្ថិភាពដូចផ្លូវល្បឿនលឿនផងដែរ ដែលជារួមទោះជាការបង់តម្លៃនៅក្នុងផ្លូវល្បឿនលឿន ក៏មានការចំនេញជាផ្លូវជាតិផងដែរ។

លោកបានមានប្រសាសន៍ថា “បើប្រៀបធៀបផ្លូវជាតិ និងផ្លូវល្បឿនលឿន ដែលបង់១២ដុល្លារនេះ ការប្រើប្រាស់សាំង នៅលើផ្លូវជាតិប្រើច្រើនជាង ដោយសារបើកផងឈប់ផងៗ ឡានឆាប់ខូច ម៉ាស៊ីនឆាប់ខូច ហ្រ្វាំងក៏មិនសូវស៊ី ហើយក៏មានបញ្ហាសុវត្ថិភាពដែរ កកស្ទះ ខាតពេលវេលា”។

លោកបន្តថា ជារួម ទោះបីជាចំណាយលើផ្លូវល្បឿនលឿន ក៏យើងចំណេញជាងប្រើ នៅលើផ្លូវល្បឿនលឿនដែរ ប៉ុន្តែយើងមិនបង្ខំទេ វាជាការសម្រេចចិត្តរបស់អ្នកប្រើប្រាស់៕

ទំហំវិនិយោគរបស់ចិននៅប្រទេសឡាវ កើនលើស ១៦ពាន់លានដុល្លារអាមេរិក

ដោយៈ សុខុម

វៀងចន្ទន៍: ប្រទេសចិន បន្តក្លាយជាវិនិយោគិនបរទេសធំបំផុតនៅក្នុងប្រទេសឡាវ ដោយទុនវិនិយោគរហូតដល់ទៅ១៦,៤ពាន់លានដុល្លារអាមេរិក ត្រូវបានចាក់បញ្ចូលទៅក្នុងគម្រោងចំនួន៨៣៣គម្រោង។ នេះបើយោងតាមការឱ្យដឹងពីរដ្ឋមន្ត្រីផែនការ និងវិនិយោគ លោក Khamjane Vongphosy។

យោងតាមសារព័ត៌មាន The Nation ចុះផ្សាយកាលពីថ្ងៃអង្គារ ទី១៩ ខែកក្កដាបានឱ្យដឹងថា វិស័យដែលប្រទេសចិន បោះទុនវិនិយោគគឺចម្រុះគ្នា ដោយប្រទេសចិន បានចាក់បញ្ចូលទុនវិនិយោគ ទៅក្នុងអាជីវកម្មខ្នាត និងមធ្យម (SME) អាជីវកម្មខ្នាតធំ សហគ្រាសរដ្ឋ និងក្រុមហ៊ុនឯកជន។

លោករដ្ឋមន្ត្រី Khamjane Vongphosy បានថ្លែងថា មួយចំណែកធំនៃទុនវិនិយោគទាំងនេះ ត្រូវបានផ្ដល់ដល់គម្រោងផ្លូវដែកឡាវ -ចិន (Laos-China Railway) ផ្លូវល្បឿនលឿនវៀងចន្ទន៍-វ៉ាងវៀង (Vientiane-Vangvieng Expressway) តំបន់អភិវឌ្ឍន៍សាយសេដ្ឋា (Saysettha Development Zone) តំបន់សេដ្ឋកិច្ចពិសេសបូតេន-បូហាន (Boten-Bohan Special Economic Zone) បណ្តាញបញ្ជូនថាមពលអគ្គិសនី និងរោងចក្រវារីអគ្គីសនី ដែលបានផ្ដល់អត្ថប្រយោជន៍យ៉ាងច្រើនដល់ប្រទេសឡាវ និងប្រទេសចិន។

ថ្លែងក្នុងកិច្ចប្រជុំមន្ត្រីរដ្ឋាភិបាលឡាវ និងមន្ត្រីរដ្ឋាភិបាលចិន ព្រមទាំងប្រតិបត្តិករអាជីវកម្ម លោកបានលើកឡើងថា “ក្នុងឱកាសនេះ ខ្ញុំចង់ពិភាក្សារិះរកវិធីលើកកម្ពស់ និងគ្រប់គ្រងការវិនិយោគ របស់វិស័យឯកជននៅក្នុងប្រទេសឡាវ និងនៅក្រៅប្រទេសនាពេលអនាគត”។

លោកបានបន្ថែមថា “មានអ្នកចាប់អារម្មណ៍ច្រើន គួរឱ្យកត់សម្គាល់លើការវិនិយោគក្នុងវិស័យរ៉ែ។ ដូចនេះនៅក្នុងដំណើរការ នៃការពិចារណា និងការអនុម័តគម្រោង វាពិតជាសំខាន់ណាស់ ដែលត្រូវផ្ដោតលើលក្ខខណ្ឌដែលកំណត់ដោយវិនិយោគិន”៕ The Nation៕

ក្រចេះទទួលបានគម្រោងវិនិយោគជាង ៨០លានដុល្លារអាមេរិក លើគម្រោងផលិតបន្ទះសូឡា

ដោយៈ វឌ្ឍនៈ

ក្រចេះ បណ្ដាខេត្តនានា ដែលនៅដាច់ឆ្ងាយពីភ្នំពេញ ចាប់ផ្ដើមទទួលបានការចាប់អារម្មណ៍ លើការបណ្ដាក់ទុនវិនិយោគជាបន្តបន្ទាប់ ក្រោយពីរដ្ឋាភិបាលបានកសាងហេដ្ឋារចនាសម្ព័ន្ធ នានាតភ្ជាប់ពីភ្នំពេញ ទៅកាន់ខេត្តនោះ និងបណ្ដាខេត្តមួយទៅកាន់ខេត្តមួយ។

ជាក់ស្ដែងក្រចេះ ទទួលបានគម្រោងវិនិយោគ ក្នុងទំហំទឹកប្រាក់ជាង៨០លានដុល្លារអាមេរិក ដើម្បីសង់រោងចក្រផលិតបន្ទះសូឡា។

យោងតាមសេចក្ដីប្រកាសព័ត៌មាន របស់ក្រុមប្រឹក្សាអភិវឌ្ឍន៍កម្ពុជាកាលពីពេលថ្មីៗនេះឱ្យដឹងថា ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងវិនិយោគមួយរបស់ក្រុមហ៊ុន L-Q New Energy CO., LTD បង្កើតរោងចក្រផលិតបន្ទះសូឡា ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស យូ ប៊ី អ៊ី ស្នួល ខេត្តក្រចេះ ជាមួយទុនវិនិយោគចំនួន ៨៤,៥ លានដុល្លារអាមេរិក និងបង្កើតការងារបានចំនួនប្រមាណ ១.០០០នាក់ ។

តាមរយៈគម្រោងវិនិយោគនេះបានសបញ្ជាក់ថា ខេត្តដែលមិនសូវមានសក្ដានុពល ក្នុងការទាក់ទាញវិនិយោគ ក៏ចាប់ផ្ដើមមានការចាប់អារម្មណ៍ខ្លាំងទៅលើការវិនិយោគនានា ហើយខេត្តមួយនេះ ដើមឡើយឬប៉ុន្មានឆ្នាំមុន វាគ្រាន់តែតំបន់ដែលមានសក្ដានុពលខ្លាំង ទៅលើវិស័យកសិកម្ម កសិ-ឧស្សាហកម្ម តែពេលនេះវិញបានប្តូរសក្ដានុពលក្នុងការវិនិយោគ ។

លោកព្រាប កុល ប្រធានក្រុមប្រឹក្សាភិបាលនៃក្រុមហ៊ុន Century 21 Zillion Holding បានមានប្រសាសន៍ថា ការអភិវឌ្ឍនៅតាមបណ្ដាខេត្តឬតំបន់ដាច់ស្រយាល និងតំបន់មូលដ្ឋានតាមបណ្ដាខេត្ត នឹងទាក់ទាញបញ្ញាវ័ន្ត អ្នកចេះដឹង និងអ្នកវិនិយោគទៅកាន់តំបន់នោះកាន់តែច្រើន ហើយនឹងធ្វើឱ្យតំបន់ ដែលមិនសូវមានការទាក់ទាញ ក្លាយជាតំបន់ដែលមានការអភិវឌ្ឍ និងទាក់ទាញកាន់តែខ្លាំងបន្ថែម ។

លោកបន្តថា “តាមពិតទៅតាមបណ្ដាខេត្តនានា សុទ្ធតែមានសក្ដានុពលទៅលើវិស័យដីធ្លី វាគ្រាន់តែមានសកក្ដានុពល ទៅតាមតំបន់និងខេត្តនីមួយៗប៉ុណ្ណោះ”។ លោកបន្តថា “ម្យ៉ាងទៀតបើសិនជាយើងចូលរួមក្នុងការអភិវឌ្ឍទាំងអស់គ្នា បណ្ដាខេត្តនឹងកាន់តែមានសក្ដានុពល កាន់តែខ្លាំង នាពេលអនាគត។

សម្ដេចអគ្គមហាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍នាពេលកន្លងមក ដោយជំរុញឱ្យមន្ត្រីពាក់ព័ន្ធពិនិត្យ និងសិក្សាសាងសង់ផ្លូវ ទៅកាន់បណ្ដាខេត្តជាប់ព្រំដែន និងបង្កើតតំបន់សេដ្ឋកិច្ចពិសេសឱ្យបានច្រើន ដើម្បីជំរុញការវិនិយោគនៅតាមខេត្តជាប់ព្រំដែន រួចផលិតនិងនាំចេញទៅកាន់ក្រៅប្រទេសវិញ៕

ផែនការពង្រីកក្រុងទទួលបានជោគជ័យត្រូវការអភិវឌ្ឍរចនាសម្ព័ន្ធចំនួនបីធំៗជាមុនសិន

ដោយៈវឌ្ឈនៈ

ភ្នំពេញៈ រដ្ឋាភិបាលបានពង្រីកផ្ទៃដីរាជធានីភ្នំពេញ ជាបន្តបន្ទាប់ ស្របនឹងកំណើនប្រជាសាស្ត្រនៅក្នុងរាជធានីភ្នំពេញ។

វិធីសាស្ត្រតែមួយដែល រដ្ឋាភិបាលពង្រីកក្រុងភ្នំពេញនោះ គឺការកាត់យកចំណែកខ្លះនៃខេត្តជាប់ភ្នំពេញ មកក្រោមការគ្រប់គ្រងរបស់រដ្ឋបាលរាជធានី ដោយកន្លងមកគឺកាត់យកខេត្តកណ្ដាល។ ទៅមុខតទៀតផែនការពង្រីកក្រុងភ្នំពេញនឹងកាន់តែធំ ដូច្នេះដើម្បីឱ្យផែនការនេះ ទទួលបានជោគជ័យគឺត្រូវការអភិវឌ្ឍហេដ្ឋាសម្ព័ន្ធ៣ធំៗជាមុនសិន ។

លោកប៉ូ អ៊ាវគង់ អគ្គនាយកក្រុមហ៊ុនអចលនទ្រព្យ Advance បានមានប្រសាសន៍ឲ្យដឹងតាមទូរស័ព្ទ កាលពីថ្ងៃទី១៩ កក្កដាថា ការអភិវឌ្ឍនិងពង្រីកក្រុងភ្នំពេញ ដោយទទួលបានជោគជ័យ និងអាចទាក់ទាញមនុស្សទៅរស់នៅកាន់តែច្រើន គឺត្រូវការអភិវឌ្ឍផ្លូវទឹកនិងភ្លើង។

បន្ទាប់មកទៀត អ្នកអភិវឌ្ឍន៍ឬអ្នកវិនិយោគ នឹងត្រូវអភិវឌ្ឍន៍បន្តនូវតម្រូវការចាំបាច់នានា ដើម្បីបម្រើសេវាកម្មជូនប្រជាពលរដ្ឋ ។

លោកប៉ូ អ៊ាវគង់បានបន្តថា នៅពេលតំបន់ណាមួយ មានការអភិវឌ្ឍហេដ្ឋារចនាសម្ព័ន្ធជាមុនសិន នៅពេលដែលមានហេដ្ឋារចនាសម្ព័ន្ធ នឹងសម្រួលដល់ការរស់នៅរបស់ពលរដ្ឋ ហើយវានឹងអាចទាក់ទាញ ដល់ម្ចាស់ក្រុមហ៊ុនអភិវឌ្ឍន៍លំនៅឋានបុរីនានាទៅកាន់តំបន់នោះ ។

សម្រាប់បច្ចុប្បន្ននេះ ការអភិវឌ្ឍនៅតំបន់ជាយក្រុ ងឬតំបន់ដែលមិនទាន់កាត់ចូលក្រុង ក៏កំពុងតែទទួលបានចំណាប់អារម្មណ៍ខ្លាំង ពីសំណាក់វិនិយោគិនក្នុងស្រុកដែរ ។

លោកអ៊ាវគង់បន្ថែមថា ការរៀបចំផែនការមេរបស់រដ្ឋាភិបាល ក្នុងការកាត់ផ្នែកខ្លះនៃខេត្តជាប់ភ្នំពេញ នឹងអាចជំរុញឱ្យការអភិវឌ្ឍលឿនរហ័ស និងមិនមានបញ្ហាអ្វីជាឧបសគ្គ ដូចជាការត្រៀមអភិវឌ្ឍន៍ផ្លូវធំៗ មានប្រព័ន្ធ លូ ប្រព័ន្ធទឹកស្អាត និងបណ្ដាញអគ្គិសនីបានគ្រប់គ្រាន់ ។

ជាមួយគ្នានេះ លោកសន សៀបនាយកប្រតិបត្តិក្រុមហ៊ុនអចលនទ្រព្យ ឃី រៀលអ៊ីស្ទើតបានលើកឡើងផងដែរថា វិនិយោគិនលើដីធ្លី ដែលចង់បានចំណេញ គួរងាកទៅរកតំបន់ជាយក្រុង ហើយនៅពេលមានការអភិវឌ្ឍទៅដល់នោះ វានឹងនឹងធ្វើឱ្យតម្លៃដីធ្លីនៅតំបន់នោះ ហក់ឡើងមួយកម្រិតទៀត ហើយនឹងមានការអភិវឌ្ឍកាន់តែខ្លាំងថែមទៀតផង។

ពីព្រោះថានៅភ្នំពេញពេលនេះ ដីធ្លីនៅទំនេរគេមិនអាចទិញទុកចំណេញនៅពេលអនាគតនោះទេ ។ ដីនៅភ្នំពេញទិញហើយត្រូវការអភិវឌ្ឍភ្លាមៗជាអគារខ្ពស់ៗខុនដូ ការិយាល័យ ផ្សារទំនើបជាដើម ។

ជាមួយគ្នានេះ លោកឧកញ៉ាកាង សុធីអគ្គនាយកក្រុមហ៊ុនCentury21 Land Station ដែលជាអ្នកជំនាញនៃដីធ្លីមួយរូប ក៏បានលើកទឹកចិត្តដល់វិនិយោគិនក្នុងការទិញដីធ្លី នៅតំបន់ខេត្តជាប់ភ្នំពេញ ដើម្បីប្រាក់ចំនេញផងដែរ ។

លោកឧកញ៉ាបន្តថា ដីធ្លីនៅជិតគម្រោងព្រលាន យន្តហោះអន្តរជាតិភ្នំពេញ កាលពីមុនជាដីដែលមិនសូវមានការចាប់អារម្មណ៍ទេ តែបច្ចុប្បន្ននេះ បានក្លាយជាដីដែលមានហាងឆេងខ្ពស់ និងមានការចាប់អារម្មណ៍ខ្លាំងពីវិនិយោគិន៕

រដ្ឋមន្រ្តីប្រាប់ពីវិធីចំនួន២ សម្រាប់ការបង់ប្រាក់ក្នុងការធ្វើដំណើរលើផ្លូវល្បឿនលឿនភ្នំពេញ-ក្រុងព្រះសីហនុ

ដោយៈ សុផារី

ព្រះសីហនុៈ បងប្អូនប្រជាពលរដ្ឋ ដែលធ្វើដំណើរលើផ្លូវល្បឿនលឿនភ្នំពេញ ក្រុងព្រះសីហនុ អាចបង់ប្រាក់ក្នុងការប្រើប្រាស់ផ្លូវនេះបាន ដោយរបៀបចំនួន០២ ដែលត្រូវបានរៀបចំដោយក្រុមហ៊ុនផ្លូវល្បឿនលឿន។

ក្នុងឱកាសចុះពិនិត្យមើលសកម្មភាព និងវឌ្ឍនភាពសាងសង់ផ្លូវល្បឿនលឿនភ្នំពេញ -ក្រុងព្រះសីហនុ នៅថ្ងៃទី១៩ ខែកក្កដា ឆ្នាំ២០២២នេះ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា ការធ្វើដំណើរលើផ្លូវល្បឿនលឿនភ្នំពេញ-ក្រុងព្រះសីហនុ នៅក្នុងឆ្នាំទី១ ដែលជាឆ្នាំដំបូង មានតម្លៃតិចជាង៨សេន និងទៅតាមប្រភេទឡាន ដែលមាន៥ប្រភេទ ក្នុងនោះប្រភេទឡានទេសចរណ៍ (ឡានតូច) យក១២ដុល្លារក្នុងមួយជើង និងចំពោះឡានធំ (ឡានដឹកទំនិញធុនធំ) យក៦០ដុល្លារ។

យោងតាមលោករដ្ឋមន្ត្រី ស៊ុន ចាន់ថុល បងប្អូនអាចជ្រើសរើសក្នុងចំណោមរបៀបចំនួន២ សម្រាប់ការបង់ប្រាក់ ក្នុងការធ្វើដំណើរលើផ្លូវល្បឿនលឿន។

ជម្រើសទី១
ត្រូវទិញកាត់ឱ្យហើយ ដែលជាកាតមានលុយ ក្នុងនឹងជាការស្រេច រួចដាក់នៅខាងមុខឡាន ហើយនៅពេលបងប្អូន បើកដល់បញ្ជរបង់ប្រាក់ យើងមិនបាច់ឈប់នោះទេ ដោយម៉ាស៊ីនស្វ័យប្រវត្តិ នឹងវាចាប់កាត់នឹងចាប់ផ្លាកលេខឡាន ហើយដល់ពេលយើងចេញ ក្នុងកន្លែងបញ្ជរណាមួយ ម៉ាស៊ីន នឹងកាត់លុយដោយស្វ័យប្រវត្ថិ នៅកន្លែងចេញនោះ។

ជម្រើសទី២
ពេលមកដល់បញ្ជរបង់ប្រាក់ណាមួយ ខាងផ្នែកបេឡា និងផ្តល់កាត ឱ្យមួយ ហើយបន្ទាប់ពីការឱ្យកាតនេះ គេនឹងដឹងថាយើងចូលនៅក្នុងទីទាំងណាមួយភ្លាម ហើយគេនឹងគិតលុយទៅតាមចំងាយ ដែលយើងបានជិះពេលចេញនៅតាមបញ្ជរបង់ប្រាក់ណាមួយ។

រហូតមកដល់ពេលនេះ ផ្លូវល្បឿនលឿននេះសម្រេចការសាងសង់បាន៩៥%ហើយ។ ចំណែកនៅសល់៥%ទៀត គឺទាក់ទងនឹងការសាងសង់ ផ្លាកសញ្ញា ដាំដើមផ្កា ដាក់កាមេរ៉ា ។ល។

ផ្លូវនេះ គ្រោងនឹងដាក់ឱ្យប្រើប្រាស់ជាបណ្តោះអាសន្ន នៅថ្ងៃទី១ ខែតុលា ហើយប្រជាពលរដ្ឋនឹងអាចប្រើប្រាស់ផ្លូវ ល្បឿនលឿនភ្នំពេញ-ក្រុងព្រះសីហនុនេះ បានដោយឥតគិតថ្លៃ ក្នុងរយៈពេល១ខែ។ នេះបើយោងតាមប្រសាសន៍របស់លោករដ្ឋមន្ត្រី ស៊ុន ចាន់ថុល៕

តើឡានទេសចរណ៍និងឡានដឹកទំនិញធុនធំជិះផ្លូវល្បឿនលឿនភ្នំពេញ-ក្រុងព្រះសីហនុត្រូវចំណាយប៉ុន្មានក្នុងមួយជើង?

ដោយ៖ សុផារី

ភ្នំពេញ៖ ការធ្វើដំណើរលើផ្លូវល្បឿនលឿនភ្នំពេញ-ក្រុងព្រះសីហនុ នៅក្នុងឆ្នាំទី១ ដែលជាឆ្នាំដំបូង មានតម្លៃតិចជាង៨សេន និងទៅតាមប្រភេទឡាន ដែលមាន៥ប្រភេទ ក្នុងនោះប្រភេទឡានទេសចរណ៍ (ឡានតូច) យក១២ដុល្លារក្នុងមួយជើង និងចំពោះឡានធំ (ឡានដឹកទំនិញធុនធំ) យក៦០ដុល្លារ។

នេះបើយោងតាមប្រសាសន៍ របស់លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅថ្ងៃទី១៩ ខែកក្កដា ឆ្នាំ២០២២នេះ ក្នុងឱកាសដឹកនាំក្រុមការងារ និងមន្ត្រីជំនាញបន្តចុះពិនិត្យមើលសកម្មភាព និងវឌ្ឍនភាពសាងសង់ផ្លូវល្បឿនលឿនភ្នំពេញ-ក្រុងព្រះសីហនុ ដោយមានការចូលរួមពីមន្ត្រីជំនាញពាក់ព័ន្ធ តំណាងក្រុមហ៊ុនសាងសង់ តំណាងក្រុមហ៊ុនត្រួតពិនិត្យ បច្ចេកទេស និងភាគីពាក់ព័ន្ធជាច្រើនរូបផងដែរ។

សម្រាប់តម្លៃនៃការជិះលើផ្លូវល្បឿនលឿន ចាប់ពីឆ្នាំទី២តទៅ លោកទេសរដ្ឋមន្ត្រី បញ្ជាក់ថា គឺចាប់ផ្តើមយកតម្លៃទៅតាមកិច្ចព្រមព្រៀងសម្បទាន ដែលបានចុះកិច្ចសន្យាជាមួយក្រុមហ៊ុន។

លោកទេសរដ្ឋមន្ត្រី ស៊ុន ចាន់ថុល បានថ្លែងថា “សម្រាប់តម្លៃនៃការជិះលើផ្លូវល្បឿនលឿននេះ នៅក្នុងឆ្នាំទី១នេះ គឺយកតិចជាង៨សេន និងទៅតាមប្រភេទឡាន ដែលមាន៥ប្រភេទ ក្នុងនោះប្រភេទឡានទេសចរណ៍ឡានតូច គឺយក១២ដុល្លារក្នុងមួយជើង។ ចំពោះឡានធំឡានដឹកទំនិញ យក៦០ដុល្លារ តាមប្រភេទឡានពី១២ដុល្លារ ឡើងដល់៦០ដុល្លារ។ ចាប់ពីឆ្នាំទី២ តទៅ គឺចាប់ផ្តើមយកតម្លៃទៅតាមកិច្ចព្រមព្រៀងសម្បទាន ដែលបានចុះកិច្ចសន្យាជាមួយក្រុមហ៊ុន”៕

Swire buys Coca-Cola bottlers in Vietnam, Cambodia for $1bn

HONG KONG — Swire Pacific is expanding its Coca-Cola bottling business into Southeast Asia. The Hong Kong-listed British conglomerate announced on Monday after trading hours that it is spending $1.01 billion to acquire full stake in bottlers in Vietnam and Cambodia, currently owned by Coca-Cola (Japan), which is a full subsidiary of Coca-Cola of the U.S.

“This acquisition marks a major milestone for Swire Coca-Cola, significantly expanding our operating footprint and population served to a new region,” Patrick Healy, who serves on Swire’s board of directors and as chairman of both the group’s Coca-Cola business and Cathay Pacific Airways, said in a statement.

“This expansion of territories is part of a broader strategy to expand the global scale, volume and revenues of our bottling business,” he added.

According to the filing to the Hong Kong Exchange, after-tax profit of the Vietnamese Coca-Cola operation was $32 million, while the Cambodian unit’s was $3.8 million, both declining by 12% and 65%, respectively, from the year before. However, those units are the largest carbonated soft drink players in each country, holding three bottling facilities in Vietnam and one in Cambodia.

Swire is the fifth-largest Coca-Cola bottler in the world by volume. It has been a bottler for the iconic American beverage brand since 1965, when it acquired a majority stake in the Hong Kong operation.

The franchise area where it has exclusive rights to manufacture, market and distribute the product has gradually expanded to include Taiwan, 13 states in the U.S., and 11 provinces and the city of Shanghai in mainland China. By adding Vietnam and Cambodia, the franchise population increases by 15% to cover about 876 million people.

Swire’s revenue is predominantly derived from its operations in mainland China, Hong Kong and the U.S. It has a property development projects in Vietnam, but no significant footprint in Cambodia so far, according to the company’s latest annual report published in April.

Coca-Cola business has been one of the bright spots in Swire’s business portfolio. Cathay Pacific has been sinking in red for the last two years due to the lingering pandemic, while Swire’s long loss-making offshore oil support unit was sold off in March. But the beverage unit and Swire’s property business were the main engines to pull the group back to net profit of 3.36 billion Hong Kong dollars ($428 million) in 2021, from a first-ever net loss of HK$10.99 billion in 2020, the company’s first drop into the red since its stock market debut in 1959.

The beverage business has been one of the main areas where the group’s investment resources has been allocated. Guy Bradley, Swire’s chairman, told reporters at the annual earnings briefing in March that it was making a 900-million-yuan ($134 million) investment in a new factory in Zhengzhou in the central Chinese province of Henan. “We will continue to invest in Swire Coca-Cola to create a strong and sustainable business,” he then said.

Source: Nikkei

Russia fines Google 369 mln USD for not removing banned info

MOSCOW, July 18 (Xinhua) — A court in Moscow ruled on Monday to fine Google LLC 21.077 billion rubles (about 369 million U.S. dollars) for repeated failure to delete content prohibited in Russia.

The administrative fine amounts to one tenth of the revenue of Google and its affiliated companies registered with the tax authorities in Russia.

The verdict has not entered into force and can be appealed within a time frame.

Google-owned YouTube “purposefully contributes to the distribution of unreliable information about the progress of the (Russian) special military operation in Ukraine; materials promoting extremist views and the ideology of terrorist organizations” among other things, Russia’s telecom watchdog Roskomnadzor said in a statement last month.

In December, a Moscow court fined Google for the first time 7.2 billion rubles (some 126 million U.S. dollars) for its failure to remove banned information.

In addition, the U.S. tech giant was fined 15 million rubles (about 260,000 U.S. dollars) last month for repeated refusal to localize the personal data of Russian users.

Source: Xinhua

ប្រទេសរុស្ស៊ីផាកពិន័យក្រុមហ៊ុន Google ចំនួន៣៦៩លានដុល្លារ ដោយសារមិនលុបព័ត៌មានហាមឃាត់

ដោយ៖ លាងហួរ

រុស្ស៊ី៖ តុលាការនៅទីក្រុងមូស្គូបានសម្រេចកាលពីថ្ងៃច័ន្ទ ដើម្បីពិន័យក្រុមហ៊ុន Google LLC ចំនួន២១,០៧៧ពាន់លានរូប្ល (ប្រហែល៣៦៩លានដុល្លារអាមេរិក) សម្រាប់ការខកខានម្តងហើយម្តងទៀត ក្នុងការលុបមាតិកា ដែលហាមឃាត់នៅក្នុងប្រទេសរុស្ស៊ី។

ការផាកពិន័យផ្នែករដ្ឋបាលមានចំនួនដល់ទៅមួយភាគដប់ នៃប្រាក់ចំណូលរបស់ Google និងក្រុមហ៊ុនពាក់ព័ន្ធ ដែលបានចុះឈ្មោះជាមួយអាជ្ញាធរពន្ធដារ នៅក្នុងប្រទេសរុស្ស៊ី។ ចំណែកសាលក្រមមិនទាន់ចូលជាធរមានទេ ហើយអាចប្តឹងឧទ្ធរណ៍ ក្នុងរយៈពេលកំណត់បាន។

អ្នកឃ្លាំមើល ក្នុងវិស័យទូរគមនាគមន៍ Roskomnadzor របស់រុស្ស៊ី បាននិយាយនៅក្នុងសេចក្តីថ្លែងការណ៍មួយថា YouTube ដែលគ្រប់គ្រងដោយ Google បានរួមចំណែកក្នុងគោលបំណងក្នុងការចែកចាយព័ត៌មាន ដែលមិនគួរឱ្យទុកចិត្តអំពីវឌ្ឍនភាពនៃប្រតិបត្តិការយោធាពិសេស របស់រុស្ស៊ីនៅអ៊ុយក្រែន សម្ភារៈផ្សព្វផ្សាយទស្សនៈជ្រុលនិយម និងមនោគមវិជ្ជានៃអង្គការភេរវករ ក្នុងចំណោមបទចោទផ្សេងៗទៀត។

កាលពីខែមុន តុលាការក្រុងមូស្គូបានពិន័យក្រុមហ៊ុន Google ជាលើកដំបូងចំនួន៧,២ពាន់លានរូប្លែ (ប្រហែល១២៦លានដុល្លារអាមេរិក) សម្រាប់ការខកខានរបស់ខ្លួន ក្នុងការលុបព័ត៌មានហាមឃាត់ដោយរុស្ស៊ី។

លើសពីនេះទៀត ក្រុមហ៊ុនបច្ចេកវិទ្យាយក្សរបស់សហរដ្ឋអាមេរិក ត្រូវបានពិន័យជាប្រាក់ចំនួន១៥លានរូប្លែ (ប្រហែល២៦.០០០ដុល្លារអាមេរិក) កាលពីខែមុន ដោយសារក្រុមហ៊ុនបដិសេធ ម្តងហើយម្តងទៀត ក្នុងការធ្វើមូលដ្ឋានីយកម្មទិន្នន័យផ្ទាល់ខ្លួនរបស់អ្នកប្រើប្រាស់រុស្ស៊ី៕

ផ្លូវល្បឿនលឿនភ្នំពេញ-ក្រុងព្រះសីហនុ ផ្លាស់ប្តូរកាលបរិច្ឆេទដាក់ឱ្យប្រើប្រាសជាបណ្តោះអាសន្នដល់ខែតុលា

ដោយ៖ សុផារី

ព្រះសីហនុ៖ ផ្លូវល្បឿនលឿនភ្នំពេញ-ក្រុងព្រះសីហនុ ដែលគ្រោងបញ្ចប់ការសាងសង់ក្នុងរយៈពេល០២ខែក្រោយ គ្រោងនឹងដាក់ឱ្យប្រើប្រាសជាបណ្តោះអាសន្ននៅដើមខែតុលា ដោយបងប្អូនប្រជាពលរដ្ឋអាចប្រើប្រាស់ផ្លូវនេះដោយមិនគិតថ្លៃ ក្នុងមួយខែពេញ។

នេះបើយោងតាមការឱ្យដឹងរបស់លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នាថ្ងៃទី១៩ ខែកក្កដា ឆ្នាំ២០២២នេះ ក្នុងឱកាសដឹកនាំក្រុមការងារ និងមន្ត្រីជំនាញ បន្តចុះពិនិត្យមើលសកម្មភាព និងវឌ្ឍនភាពសាងសង់ផ្លូវល្បឿនលឿនភ្នំពេញ-ក្រុងព្រះសីហនុ ដោយមានការចូលរួមពីមន្ត្រីជំនាញពាក់ព័ន្ធ តំណាងក្រុមហ៊ុនសាងសង់ តំណាងក្រុមហ៊ុនត្រួតពិនិត្យបច្ចេកទេស និងភាគីពាក់ព័ន្ធ។

លោកទេសរដ្ឋមន្ត្រី ស៊ុន ចាន់ថុល បានបញ្ជាក់ថា ផ្លូវល្បឿនលឿននេះសម្រេចការសាងសង់បាន៩៥%ហើយ នៅសល់៥% ទៀត ទាក់ទងផ្លាកសញ្ញា ដាំដើមផ្កា ដាក់កាមេរ៉ា ។ល។ ផ្លូវនេះគ្រោងនឹងដាក់ឱ្យប្រើប្រាស់ជាបណ្តោះអាសន្ន នៅថ្ងៃទី០១ ខែតុលា ហើយប្រជាពលរដ្ឋនឹងអាចប្រើប្រាស់ផ្លូវល្បឿនលឿនភ្នំពេញ-ក្រុងព្រះសីហនុនេះ បានដោយឥតគិតថ្លៃ ក្នុងរយៈពេល១ខែ។

លោករដ្ឋមន្ត្រី បានបន្ថែមទៀតថា មុននឹងដាក់ឱ្យប្រើប្រាស់ផ្លូវនេះ ក្រសួងនឹងរៀបចំធ្វើស្តតផ្សព្វផ្សាយ ដើម្បពន្យល់ដល់ប្រជាពលរដ្ឋ ដែលមិនធ្លាប់ប្រើផ្លូវល្បឿនលឿន ពីមុនមក ឱ្យបានដឹងពីរបៀបប្រើប្រាស់ផ្លូវនេះផងដែរ

កន្លងមក មានការពន្យារពេលក្នុងការដាក់ដំណើរការផ្លូវមួយនេះជាច្រើនលើក ដោយមន្ត្រីជំនាញបានលើកឡើងថា ដោយសារលទ្ធផលសាងសង់នៅមិនទាន់បានបញ្ចប់រួចរាល់១០០ភាគរយ ក្នុងនោះបញ្ហាស្លាកសញ្ញាចរាចរណ៏មិនទាន់បានបំពាក់អោយបានគ្រប់គ្រាន់នៅឡើយ ហើយរបងការពារសុវត្ថិភាពផ្លូវទើបបានជាង៧០%។ រនាំងទ្រូងផ្លូវនិងសួនច្បារទើបបានប្រហែល៨០% ស្ពានរំលងអាកាសមួយចំនួនពុំទាន់បានរួចរាល់ និងចំនុចចាប់ផ្តើមដើមទីចុងទីពុំទាន់បានបញ្ចប់ជាស្ថាពរនៅឡើយ។ ម្យ៉ាងទៀត ទីតាំងចំណតទាំង៤កន្លែងនៅពុំទាន់រួចរាល់១០០% បរិក្ខាមួយចំនួនទៀតពុំទាន់បានបំពាក់រួចរាល់ និង បញ្ហាផ្សេងៗជាដើម៕

1...1,4541,4551,456...3,382 Page 1,455 of 3,382