ដោយៈ គង់ សូរិយា

ភ្នំពេញៈ ទោះជាមានការកើនឡើងនូវភាពតានតឹង រវាងរុស្ស៊ី និងអ៊ុយ ក្រែន ប៉ុន្តែអ្នកវិនិយោគក្នុងស្រុកជាច្រើន នៅតែបន្តវិនិយោគលើដីធ្លី ពិសេ​សនៅតាមបណ្តាខ័ណ្ឌមួយចំនួនជាយក្រុងភ្នំពេញ។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) លោកច្រឹក សុខនីម បានមានប្រសាសន៍ឲ្យដឹងកាលពីចុងសប្តាហ៍មុនថា ទីផ្សារអចលនទ្រព្យ ចាប់ផ្តើមកំរើកបន្តិចម្តងៗហើយ បន្ទាប់ពីវិបត្តិកូវីដបានបញ្ចប់ ពិសេសចរន្តជួលហាង ទិញលំនៅដ្ឋាន និងដីធ្លីបន្តមានការកើនឡើង។

លោកបន្តថា “ដីនៅខ័ណ្ឌដង្កោ ពោធ៍សែនជ័យ និងខ័ណ្ឌព្រែកព្នៅមានចរន្តទិញលក់ច្រើនជាងគេ ប៉ុន្តែតម្លៃមិនទាន់កំរើកឡើង​ច្រើននោះទេ”។ លោកបន្តថា “ការរីកចម្រើននៃការទីញ លក់ដីធ្លីបានចាប់ផ្តើម ដោយសារការវិនិ​យោគដីធ្លីនៅតែមានផលចំណេញ”។

លោកពន្យល់ថា មូលហេតុដែលតម្រូវការទិញ លក់ដីធ្លីកើនឡើងនៅក្នុងមូលដ្ឋានខាងលើ ដោយសារខ័ណ្ឌទាំងនេះ មានដីសល់ទំនេរច្រើន ដីស្ថិតនៅក្នុងតម្លៃសមរម្យនៅឡើយ បើធៀបជាមួយបណ្តាខ័ណ្ឌរីកចម្រើនខ្លាំងនៅតំបន់កណ្តាលក្រុង។

លោកច្រឹក សុខនីម បានបន្តថា ទីផ្សារដីធ្លីនៅជាយក្រុងភ្នំពេញ នៅតែដំណើរការល្អប្រសើរ ប៉ុន្តែស្ថានភាពនៅតាមបណ្តាខេត្តនានា ហាក់បីដូចជាមានភាពស្ងប់ស្ងាត់នៅឡើយ ប៉ុន្តែទោះជាយ៉ាងណាក្តី អ្វីៗនឹងឈានទៅ​រកភាពល្អប្រសើរឡើងនាពេលខាងមុខនេះ៕

ដោយ សហការី

ភ្នំពេញ៖ អស់ក្តីបារម្ភ សម្រាប់អតិថិជនដែលចង់បានគេហដ្ឋានទិញភ្លាម ចូលនៅភ្លាម ពេលនេះ បុរី ប៉េង ហួត បានផ្តល់ជូនតាមតម្រូវការជាមួយនឹងការផ្តល់ជូន ការបញ្ចុះតម្លៃរហូតដល់ 6% លើ 4 គម្រោងព្រមគ្នា លើគម្រោងដ៏មានសក្តានុពលសម្រាប់ការរស់នៅ និងប្រកបអាជីវកម្ម។

បុរី ប៉េង ហួត បានគិតគូយ៉ាងល្អិតល្អន់ ក្នុងការសហការជាមួយធនាគារជាដៃគូ ដើម្បីផ្តល់ជម្រើសហិរញ្ញវត្ថុកាន់តែសម្បូរបែប ជូនដល់អតិថិជន ដោយការបង់រំលស់ជាមួយធនាគារដៃគូដោយអត្រាការប្រាក់ចាប់ពី 4.39% ឡើងទៅ ទំហំកម្ចីរហូតដល់ 100% និងរយៈពេលកម្ចីបានរហូតដល់ 25ឆ្នាំទៀតផង។

គួរបញ្ជាក់ថា គម្រោង4 ធំៗរបស់បុរី ប៉េង ហួត ដែលពោរពេញដោយសក្ដានុពល ទិញភ្លាម ចូលនៅភ្លាម នោះមានដូចជា៖

គម្រោង ដឹស្តា ដាយមិន 1 និងដាយមិន 2 ស្ថិតនៅតាមបណ្ដោយមហាវិថីសម្ដេច តេជោ ហ៊ុន សែន (ផ្លូវ60ម៉ែត្រ) ជាគម្រោងមួយក្នុងតំបន់ដ៏មានសក្តានុពល ដែលពោរពេញទៅដោយគម្រោងអភិវឌ្ឍអចលនទ្រព្យចម្រុះនានា ព្រមទាំង គម្រោងអភិវឌ្ឍផ្សារទំនើប និងតំបន់ពាណិជ្ជកម្ម ប្រមូលផ្តុំគ្នា នៅលើតំបន់តែមួយ ដែលធ្វើអោយការរស់នៅដ៏ប្រសើរបំផុត ដែលបានបែងចែកជាតំបន់សម្រាប់ការរស់នៅ និងតំបន់សម្រាប់ពាណិជ្ជកម្ម ជាពិសេសផ្សារទំនើប ភី អេច ដាយមិនផ្លេស ត្រូវបានសាងសង់ឡើងជាមួយនឹងរចនាបថដ៏ប្រណីតដ៏ល្អឥតខ្ចោះ បែបទាន់សម័យសមស្របទៅតាមស្តង់ដារអន្តរជាតិ រួមទាំងសាលសន្និសីទ ក្លឹបហាត់ប្រាណ អាងហែលទឹក អមទៅដោយសួនច្បារ ដែលពោរពេញដោយសោភ័ណភាព បែបធម្មជាតិពណ៌បៃតងដ៏ស្រស់បំព្រងផងដែរ។

គម្រោង ដឹស្តា មេរាហ្កាដិន ស្ថិតនៅបណ្ដោយផ្លូវក្រវាត់ក្រុងទី2 (ផ្លូវ50ម៉ែត្រ) ជាបណ្តុំសហគមន៍ទំនើបសម្រាប់ការរស់នៅដ៏ល្អប្រសើរនិងការអភិវឌ្ឍ ចម្រុះ ជាមួយ អគារពាណិជ្ជកម្មទំនើប សមស្របទៅតាមស្តង់ដារអន្តរជាតិ រុក្ខវិថីពោរពេញទៅដោយ លំហធម្មជាតិបៃតង ព្រមជាមួយក្លឹបហាត់ប្រាណបែបទំនើបទាន់សម័យ សួនច្បារធំជាងគេដ៏ស្រស់បំព្រង វេទិកាសិល្បៈកណ្តាលសួនច្បារ ទីធ្លាកីឡា ទីតាំងពិចនិចសម្រាប់គ្រួសារនិងសួនកុមារ ផ្តល់ជូននូវបរិយាកាសបរិសុទ្ធ ដែលពិតជាធ្វើ ឱ្យការរស់នៅប្រកបដោយផាសុកភាព និងភាពស្រស់ថ្លាទ្វេដង។

និងគម្រោង ដឹស្តា មុនីរ៉ាហ៍ ស្ថិតនៅតាមបណ្ដោយផ្លូវជាតិលេខ 6A ស្ថិតនៅលើទីតាំងភូមិសាស្ត្រល្អ និង អាកាសធាតុអំណោយផល អមទៅដោយទន្លេសងខាង ប្រកបដោយបរិយាកាសបរិសុទ្ធបែបធម្មជាតិ ព្រមទាំងមានការរៀបចំហេដ្ឋារចនាសម្ព័ន្ធផ្លូវថ្នល់ធំទូលាយ ប្រព័ន្ធទឹក ប្រព័ន្ធអគ្គិសនី សួនច្បារបៃតង សួនកំសាន្ដ ក្លឹបហាត់ប្រាណ ធានាបាននូវការទទួលយកបទពិសោធ៏រស់នៅល្អឥតខ្ចោះ លើសពីរំពឹងទុក។

រីឯប្រភេទគេហដ្ឋានមានច្រើនជម្រើសចាប់ពី ខុនដូ ហ្សបហោស៍ (ផ្ទះអាជីវកម្ម) វីឡាកូនកាត់ វីឡាភ្លោះ រហូតដល់វីឡាទោល ដែលសុទ្ធតែត្រូវបានច្នៃប្រឌិតឡើងជាមួយម៉ូដ និងរចនាបទទាន់សម័យ ប្រកាន់ខ្ជាប់ដោយគុណភាព សោភ័ណភាព និងផាសុកភាពនៃការរស់នៅសម្រាប់អតិថិជនគ្រប់ស្រទាប់វណ្ណៈ។

ប្រញាប់ឡើង! សូមកុំឱ្យឱកាសដ៏ចំណេញនេះរំលងហួស! ការផ្ដល់ជូននេះមានត្រឹមដំណាច់ខែឧសភាប៉ុណ្ណោះ!
សូមអញ្ជើញមកកាន់គ្រប់ការិយាល័យលក់របស់បុរី ប៉េង ហួត ដើម្បីសាកសួរព័ត៌មានលម្អិត ឬទាក់ទងតាមលេខទូរសព្ទ 𝟎𝟗𝟖 / 𝟎𝟏𝟔 / 𝟎𝟏𝟕 𝟓𝟗𝟔 𝟕𝟖𝟗 ឬចូលរួមជាមួយ 𝐓𝐞𝐥𝐞𝐠𝐫𝐚𝐦 𝐂𝐡𝐚𝐧𝐧𝐞𝐥 https://t.me/boreypenghuoth ៕

ដោយៈ សហការី

ភ្នំពេញៈ លោកឧកញ៉ា ម៉ន សុខា ប្រធានសមាគមអ្នកអភិវឌ្ឍន៍ដីឡូត៍កម្ពុជាបានរៀបចំកម្មវិធី “វេទិកាប្រឹក្សាយោបល់ និងផ្តល់ដំណោះស្រាយ អាជីវកម្មអចលនវត្ថុ” ក្រោមប្រធានបទ៖ ការត្រៀមខ្លួន ប្រកាសស្របច្បាប់តាមស្តង់ដារពន្ធដារកម្ពុជា។

កម្មវិធីនេះមានការអញ្ជើញចូលរួម និងសហការគាំទ្រ ពីវាគ្មិនកិត្តិយស លោក_អ៊ុំ_សារ៉ាវុធ_អគ្គនាយកក្រុមហ៊ុន_U.S.R.V International Business Consultancy Co., Ltd. និងអ្នកសម្របសម្រួល ដ៏មានថ្វីមាត់ និងមានវោហាសព្ទ លោក ជា សំអាន (Spy) ស្ថាបនិកក្រុមហ៊ុនGold 7D Property Co., Ltd. បានអង្រួនកម្មវិធីនេះ មានភាពគគ្រឹកគគ្រេង យ៉ាងក្រៃលែង។

លោកឧកញ៉ាម៉ន សុខាបានមានប្រសាសន៍ថា គោលបំណងនៃការបង្កើតកម្មវិធីនេះឡើង គឺដើម្បីអោយបងប្អូន សមាជិកសមាគមដែលជាអ្នកអភិវឌ្ឍ គម្រោង លំនៅដ្ឋាន អ្នកអភិវឌ្ឍដីឡូត៍ ជាពិសេសអ្នកដែលប្រកបអាជីវកម្ម ក្នុងវិស័យអចលនទ្រព្យ យល់ដឹងកាន់តែស៊ីជម្រៅ អំពីកាតព្វកិច្ចពន្ធផ្សេងៗពាក់ព័ន្ធនឹងវិស័យអចលនទ្រព្យ។

ជាងនេះទៅទៀត លោក អ៊ុំ សារ៉ាវុធ បានធ្វើបទបង្ហាញយ៉ាងក្បោះក្បាយ និងស៊ីជម្រៅ អំពីកាតព្វកិច្ចសារពើពន្ធថាតើ ការធ្វើអាជីវកម្មមួយ ត្រូវចុះបញ្ជីនៅរដ្ឋបាលសារពើពន្ធនៅពេលណា ឬនៅឯណា, នរណាខ្លះមានបន្ទុកជាអ្នកជាប់ពន្ធ ប្រភេទពន្ធក្នុងវិស័យអចលនទ្រព្យ មានប៉ុន្មាន ការធ្វើសវនកម្មពន្ធដារ និងការដាក់ពិន័យ ឬទោសទណ្ឌជាដើម។

បន្ទាប់ពីធ្វើបទបង្ហាញ និងបញ្ចប់វេទិកា សំណួរ-ចម្លើយពីវាគ្មិន និងអ្នកសម្របសម្រួល រួចមក សមាជិក សមាគម ក៏បានថ្លែងចំណាប់អារម្មណ៍ ចំពោះកម្មវិធីនេះ ដោយសម្តែងនូវអំណរសាទរចំពោះថ្នាក់ដឹកនាំ និងក្រុមលេខាធិការដ្ឋានសមាគម ដែលបានរៀបចំកម្មវិធីដ៏មានសារៈសំខាន់នេះឡើង ដែលកម្មវិធីនេះ ផ្តល់ជាចំណេះដឹង និងជាចំណីចក្ខុថ្មីមួយទៀត សម្រាប់ម្ចាស់អាជីវកម្ម ជាពិសេសអ្នកដែលប្រកបរបរក្នុងវិស័យអចលនទ្រព្យ ហើយក៏សូមសំណូមពរអោយមានកម្មវិធីនេះ ធ្វើឡើងជាបន្តបន្ទាប់ទៀតផងដែរ៕

ដោយៈវឌ្ឈនៈ

ភ្នំពេញៈ ស្របពេលគម្រោងអភិវឌ្ឍន៍ ហេដ្ឋរចនាសម្ព័ន្ធរបស់រដ្ឋបានចាប់ផ្ដើមមមាញឹកនៅក្នុងតំបន់អង្គស្នួល គម្រោងក្រុងថ្មីដីមាសសំរោងលើរបស់ក្រុមហ៊ុនអភិវឌ្ឍន៍អចលនទ្រព្យ KH Land ក៏បានចាប់ផ្ដើមក្នុងការអភិវឌ្ឍហេដ្ឋារចនាសម្ព័ន្ធរបស់ខ្លួន នៅក្នុងគម្រោងនោះផងដែរ ដោយបានត្រៀមរៀបចំ ចាប់ផ្ដើមចាក់បេតុងផ្លូវមេ១៥ម៉ែត្រ ដើម្បជាការផ្ដល់ទំនុកចិត្តដល់អតិថិជន។

បច្ចុប្បន្ននេះ គម្រោងអភិវឌ្ឍន៍របស់ក្រុមហ៊ុន KH Land ឃើញថាបានពង្រីកខ្លួនជាបន្តបន្ទាប់ ហើយក៏ទទួលបានជោគជ័យ និងមានការគាំទ្រពីអតិថិជន ពីប្រជាពលរដ្ឋកម្ពុជាជាច្រើនផងដែរ ។ សម្រាប់គម្រោងក្រុងថ្មីដីមាសសំរោងលើ ដែលអភិវឌ្ឍន៍ទៅលើដីឡូត៏ និងលំនៅឋានក៏ទទួលបានការចាប់អារម្មណ៍ខ្លាំង ពីប្រជាពលរដ្ឋនិងអតិថិជនរបស់ខ្លួនដែរ ដោយសព្វថ្ងៃនេះ គម្រោងក្រុងថ្មីដីមាសសំរោងលើរបស់ KH Land បានរៀបចំរចនាសម្ព័ន្ធ ផ្លូវមេ ផ្លូវក្នុងគម្រោង រៀបចំប្រព័ន្ធលូ ស្របពេលផ្លូវរដ្ឋនៅជុំវិញនោះ ក៏កំពុងមមាញឹកក្នុងការពង្រីកផ្លូវ និងចាក់បេតុងផងដែរ។

ដូច្នេះ មិនយូរទៀតនោះទេតំបន់ជុំវិញ គម្រោងក្រុងថ្មីដីមាសសំរោងលើរបស់ KH Land នឹងកាន់តែទាក់ទាញ និងមានមនុស្សទៅរស់នៅកាន់តែច្រើន ។

សក្ដានុពលដែលនឹងជំរុញ ឱ្យគម្រោងនេះទទួលបានការគាំទ្រនិងរំពឹងថា ពលរដ្ឋកាន់តែច្រើនគាំទ្របន្ថែមទៀតនោះ ជាតំបន់ដែលនៅជិតផ្សារ គឺខាងក្រោយផ្សារអង្គស្នួល ជិតផ្លូវល្បឿនលឿន ស្ថិតនៅក្នុងភូមិត្រពាំងទម្លាប់ ឃុំសំរោងលើ ស្រុកអង្គស្នួល ខេត្តកណ្ដាល និងមិនឆ្ងាយពីរាជធានីភ្នំពេញប៉ុន្មាននោះដែរ ។

លោកផូន សុអុនដែនប្រធានផ្នែកទីផ្សារនៃក្រុមហ៊ុន KH Land បានឱ្យដឹងថា ទោះបីជាស្ថិតនៅក្នុងស្ថានភាពបែបណាក៏ដោយ ក៏គម្រោងអភិវឌ្ឍន៍ របស់ KH Land នៅតែបន្តសកម្មភាពយ៉ាងមមាញឹក ជាក់ស្ដែងពេលនេះ គម្រោងក្រុងថ្មីដីមាសសំរោងលើរបស់យើង ក៏បាននិងកំពុងមមាញឹកក្នុងការអភិវឌ្ឍ ដើម្បីបញ្ជាក់ពីទំនុកចិត្តរបស់យើង ទៅកាន់អតិថិជន ។

អ្នកជំនាញនៃវិស័យអចលនទ្រព្យក៏បានផ្ដល់ជាទស្សនថា បើចង់វិនិយោគដីធ្លី ដែលទទួលបានផលចំណេញ គួរងាកទៅកាន់តំបន់ជាយក្រុង ទើបអាចទទួលបានចំណេញ ពីព្រោះដីនៅជិតក្រុងឬកណ្ដាលក្រុងវាបានហក់ឡើងខ្ពស់ និងពិបាកនឹងឡើងថ្លៃបន្តទៀតណាស់៕

ដោយៈសុខុម

ប៉េកាំង: ប្រាក់កម្ចីលើវិស័យអចលនទ្រព្យ ដែលមិនទាន់សងរបស់ប្រទេសចិន មានចំនួនសរុបរហូតដល់ទៅ៥៣,២២ទ្រីលានយ័ន (៧,៩៦ទ្រីលានដុល្លារអាមេរិក) គិតត្រឹមដំណាច់ត្រីមាសទី១ ដើមឆ្នាំ២០២២ ដោយកើនឡើង៦%បើធៀបនឹង២០២១។ នេះបើយោងតាមសេចក្តីថ្លែងការណ៍របស់ធនាគារកណ្តាលចិន កាលពីថ្ងៃសុក្រ ទី៦ ខែឧសភា។

ទីភ្នាក់ងារព័ត៌មាន Reuters បានធ្វើការគណនាដោយផ្អែកលើទិន្នន័យរបស់ធនាគារកណ្តាលចិន ហើយរកឃើញថា ប្រាក់កម្ចីអចលនទ្រព្យថ្មីៗ បានកើនឡើងរហូតដល់១,០៥ទ្រីលានយ័ន (១៥៧,៤ពាន់លានដុល្លារអាមេរិក) ក្នុងត្រីមាសទី១ បើធៀបនឹង៧៧០ពាន់លានយ័ន (១១៥,៤ពាន់លានដុល្លារអាមេរិក) ក្នុងត្រីមាសទី៤ ឆ្នាំ២០២១។

រដ្ឋាភិបាលចិន បានបន្ធូរបន្ថយការរឹតបន្តឹងមួយចំនួន លើហិរញ្ញប្បទាន សម្រាប់វិស័យអចលនទ្រព្យ ក្នុងគោលបំណងជំរុញកំណើនសេដ្ឋកិច្ច ដែលទទួលរងផលប៉ះពាល់ ដោយសារការបិទខ្ទប់ទ្រង់ទ្រាយធំ ដើម្បីទប់ស្កាក់ការឆ្លងរីករាលដាលវីរុសកូវីដ-១៩។

ធនាគារកណ្តាលចិន និយាយថា ប្រាក់កម្ចីទិញផ្ទះបុគ្គលដែលមិនទាន់សងមានចំនួន៣៨,៨៤ទ្រីលានយ័ន (៥,៨២ទ្រីលានដុល្លារអាមេរិក) គិតត្រឹមដំណាច់ត្រីមាសទី១ ដើមឆ្នាំ២០២២ ដោយកើនឡើង៨,៩%បើធៀបនឹងឆ្នាំមុន។

តួលេខនេះបង្ហាញថា ប្រាក់កម្ចីទិញផ្ទះថ្មីៗបានធ្លាក់ចុះ មកនៅត្រឹម៥២០ពាន់លានយ័ន (៧៨ពាន់លានដុល្លារអាមេរិក) ក្នុងត្រីមាសទី១ ដោយធ្លាក់ចុះពី៩៥០ពាន់លានយ័ន (១៤២,៥ពាន់លានដុល្លារអាមេរិក) ក្នុងត្រីមាសទី៤ ចុងឆ្នាំ២០២១។

ធនាគារកណ្តាលចិន និយាយថា អត្រាការប្រាក់សម្រាប់កម្ចីទិញផ្ទះបុគ្គលថ្មីៗស្ថិតក្នុងអត្រា៥,៤២%ក្នុងខែមីនា ដោយធ្លាក់ចុះ១៧ពិន្ទុកាលពីដើមឆ្នាំ។

ធនាគារនេះនិយាយទៀតថា ប្រាក់កម្ចីអភិវឌ្ឍន៍អចលនទ្រព្យ ដែលមិនទាន់សងមានចំនួន១២,៥៦ទ្រីលានយ័ន (១,៨៨ទ្រីលានដុល្លារអាមេរិក) គិតត្រឹមដំណាច់ត្រីមាសទី១ ដោយធ្លាក់ចុះ០,៤%បើធៀបនឹងឆ្នាំមុន៕ Reuters៕

ដោយៈ សុផារី

ភ្នំពេញៈ តាមរយៈផែនការក្នុងការពង្រីកផ្ទៃដី រាជធានីភ្នំពេញរបស់រដ្ឋាភិបាល ក្នុងកាំរង្វង់៣០គីឡូម៉ែត្រក្រឡា នៅត្រឹមឆ្នាំ២០៣៥ នឹងធ្វើឱ្យផ្នែកខ្លះនៃខេត្តនៅជុំវិញរាជធានីភ្នំពេញ ត្រូវបានកាត់បញ្ចូលមកក្នុងដែនដីនៃរាជធានីភ្នំពេញ ហើយបានជំរុញកំណើនការអភិវឌ្ឍ លើហេដ្ឋារចនាសម្ព័ន្ឋ អចលនទ្រព្យ ព្រមទាំងគុណភាពជីវិតរបស់ប្រជាជននៅក្នុងមូលដ្ឋាន។

តំបន់អរិយក្សត្រ ដែលស្ថិតនៅត្រើយម្ខាងនៃក្រុងភ្នំពេញ មានទីតាំងមិនឆ្ងាយប៉ុន្មានឡើយ ពីចំណុចកណ្តាលក្រុងនៃរាជធានីភ្នំពេញ ប៉ុន្តែឧប​សគ្គខាងផ្លូវទឹក ដែលតម្រូវឱ្យមានការឆ្លងពីត្រើយម្ខាង ទៅត្រើយម្ខាងទៀត បានធ្វើឱ្យតំបន់នេះ ក្លាយជាទីតាំងដែលត្រូវបានគិតថា មានចម្ងាយឆ្ងាយទៅវិញ។

ក្រោយរដ្ឋាភិបាលប្រកាសពីគម្រោង នៃការសាងសង់ស្ពានតភ្ជាប់ពីរាជធានីភ្នំពេញ ទៅកាន់តំបន់អរិយក្សត្រ បានជំរុញឱ្យឧបសគ្គអភិវឌ្ឍន៍តំបន់ខាងលើកំពុងតែផុតរលត់ទៅ។ តើតំបន់អរិយក្សត្រអាចនឹងត្រូវកាត់ចូលជាផ្នែកមួយនៃរាជធានីភ្នំពេញដែរឬទេ?។

លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអច​លនវត្ថុ បានមានប្រសាសន៍ថា ជាទូទៅនៅក្នុងវិស័យអចលនទ្រព្យ មានការរីកចម្រើនគួបផ្សំនឹងគោលនយោបាយ និងផែនការយុទ្ធសាស្ត្ររបស់រាជរដ្ឋាភិបាល ដែលគាំទ្រគ្នាទៅវិញទៅមក។

លោកមានប្រសាសន៍ថា “គោលនយោបាយរបស់រាជរដ្ឋាភិបាលកម្ពុជាធ្វើការអភិវឌ្ឍបែប៣៦០ដឺក្រេ តាមគោលនយោបាយអភិវឌ្ឍន៍ផ្លូវក្រវាត់ក្រុងទី៣ ផ្លូវក្រវាត់ក្រុងទី៤ នៅក្នុងពេលបច្ចុប្បន្ននេះ ការអភិវឌ្ឍដីធ្លីមានវិសាលភាពនៅក្នុងចន្លោះហ្នឹង នៅក្នុងក្រវាត់ក្រុងទី៣ ក្រវាត់ក្រុងទី៤។ ផុតពីក្រវាត់ក្រុងហ្នឹងទៅ មិនសូវជាមានការអភិវឌ្ឍច្រើនទេ”។លោកបញ្ជាក់ថា “តំបន់អរិយក្សត្រ អាចចាត់ទុកជាតំបន់ពិសេសមួយ បើធៀបនឹងផ្នែកផ្សេងទៀត ដោយសារត្រូវការប្រព័ន្ធនៃការដឹកជញ្ជូនប្រព័ន្ធ នៃការធ្វើដំណើរ គួរតែមានភាពល្អប្រសើរជាងនេះ”។

ស្ពានមិត្តភាពកម្ពុជាកូរ៉េ ភ្នំពេញ-អរិយក្សត្រ ដែលនឹងសាងសង់ចេញពីចំណុចផ្សាររាត្រី ឆ្ពោះទៅកាន់តំបន់ជ្រោយចង្វារ និងពីតំបន់ជ្រោយចង្វារទៅកាន់អរិយក្សត្រ នឹងចាប់ផ្តើមសាងសង់នៅឆ្នាំ២០២៣។ គម្រោងនេះត្រូវបានអ្នកជំនាញអចលនទ្រព្យ ជាច្រើនរូបមើលឃើញថា នឹងក្លាយជាចលករជំរុញសក្តានុពលអចលនទ្រព្យ នៅក្នុងតំបន់មួយនេះទៅជាតំបន់ពាណិជ្ចកម្មមួយ នាពេលអនាគត។

លោក សុខនីម មានប្រសាសន៍ថា “តំបន់អរិយក្សត្រ លុះត្រាតែមានស្ពានសម្រាប់ឆ្លងកាត់ទន្លេ ដែលផ្តល់នូវភាពងាយស្រួល និងលឿនរហ័ស ទើបអាចត្រូវបាន កាត់ចូលមកជាផ្នែកនៃក្រុងភ្នំពេញបាន”។

លោកបន្តថា “ប្រសិនបើមិនទាន់មានទេ នោះមិនមានភាពងាយស្រួល ក្នុងការអភិវឌ្ឍទេ ដែលការងារនេះ ទាមទារការចូលរួម ការគាំទ្រពីរាជរដ្ឋាភិបាលកម្ពុជា”៕