ដោយៈ សុផារី

ភ្នំពេញៈ មន្រ្តីជាន់ខ្ពស់កម្ពុជាបានស្នើភាគីជាមិត្តចិន មកវិនិយោគនៅកម្ពុជាលើវិស័យជាច្រើន និងជម្រុញបង្កើនការនាំចេញអង្ករពីកម្ពុជា។

នេះបើតាមការលើកឡើង ដោយលោកឧបនាយករដ្ឋមន្រ្តីហោ ណាំហុង នៅក្នុងកិច្ចប្រជុំគណៈកម្មការសម្របសម្រួល អន្តររដ្ឋាភិបាល កម្ពុជា-ចិន ដើម្បីអនុវត្តកិច្ចសហប្រតិបត្តិការ ភាពជាដៃគូយុទ្ធសាស្ត្រគ្រប់ជ្រុងជ្រោយ សម្រាប់រយៈពេល២ឆ្នាំបន្តទៀត (ឆ្នាំ២០២២-២០២៤) និងលោក វ៉ាង យី (Wang Yi) ទីប្រឹក្សារដ្ឋ និងជារដ្ឋមន្ត្រីក្រសួងការបរទេសចិន នៅថ្ងៃទី១៤ ខែកក្កដា ឆ្នាំ២០២២។

លោកឧបនាយករដ្ឋមន្ត្រី ហោ ណាំហុង បានឱ្យដឹងថា តាមរយៈកិច្ចសហប្រតិបត្តិការរវាងប្រទេសទាំងពីរ ពាក់ព័ន្ធនឹងពាណិជ្ជកម្ម និងវិនិយោគ ភាគីកម្ពុជា ស្នើជំរុញឱ្យវិនិយោគិនចិនមកវិនិយោគនៅកម្ពុជា ក្នុងវិស័យអាទិភាពក្នុងវិស័យចិញ្ចឹមសត្វ វារីវប្បកម្ម កៅស៊ូ សម្រាប់នាំទៅប្រទេសចិន និង ជំរុញរដ្ឋបាលគយចិន និងក្រសួងពាក់ព័ន្ធទាំងពីរ រៀបចំពិធីសារអនាម័យនិង ភូតគាមអនាម័យលើផលិតផលកសិកម្ម មួយចំនួនជាកញ្ចប់តែម្តងជាជាងធ្វើពិធីសារសម្រាប់តែ ផលិតផលមួយមុខៗម្តង។

បន្ថែមលើសនេះ កម្ពុជាស្នើរដ្ឋបាលគយចិន ពន្លឿននីតិវិធីចុះហត្ថលេខាលើពិធីសារអនាម័យ និងភូតគាមអនាម័យលើផលិត ផលផ្លែមៀន គ្រាប់ស្វាយចន្ទី និងសំបុកត្រចៀកកាំជាដើម និងស្នើភាគីចិនបន្តនាំចូលអង្ករពីកម្ពុជា ដែលមានកូតា៤០ម៉ឺនតោន ដោយរួចពន្ធតាមការសម្រេចរបស់ ថ្នាក់ដឹកនាំនៃប្រទេសទាំងពីរ កម្ពុជា-ចិន។

ជាពិសេស ភាគីទាំងពីរពង្រីកទំហំពាណិជ្ជកម្មទ្វេភាគី ឲ្យសម្រេចបានគោលដៅ១៥ប៊ីលានដុល្លារ នៅឆ្នាំ២០២៥៕

The Interior Ministry said on Wednesday that its move to allow foreigners who invest 40 million baht for at least three years to purchase a residence on 1 rai of land will be in line with existing laws and additional ministerial regulations.

ts statement came after Deputy Interior Minister Nipon Boonyamanee’s announcement on Tuesday that the ministry would ask the Cabinet to approve the move in a bid to boost real estate sales and stimulate the economy.

The ministry said it would introduce additional ministerial regulations with certain criteria, including that foreigners must be in one of four groups to be eligible.

The four are wealthy people, retirees, people who want to work in the country and those with special skills.

The ministry added that failure to comply with the criteria would result in the rights of foreigners being revoked, while they would be ordered to sell their land.

The ministry will grant the right to own land under existing laws, including that foreigners can purchase only 49 per cent of rooms in each condominium under the Condominium Act, it said.

Only Thais have the right to receive a 0.01 per cent transfer and mortgage fee for residences or condominiums costing no more than 3 million baht.

By : THE NATION

ដោយ៖ សុផារី

ភ្នំពេញ៖ ប្រទេសចិន តាមរយៈកិច្ចសហប្រតិបត្តិការហិរញ្ញប្បទានសម្រាប់ការអភិវឌ្ឍ (China ODA) រយៈពេល២ឆ្នាំ (២០២០-២០២២) បានផ្តល់ថវិកាជាង៦១០លានដុល្លារដល់កម្ពុជាសម្រាប់អភិវឌ្ឍន៍ហេដ្ឋារចនាសម្ព័ន្ធ។

ក្នុងនោះ ឥណទានសម្បទាន ប្រមាណជាង៤៣២លានដុល្លារ និងក្របខ័ណ្ឌហិរញ្ញប្បទានឥតសំណង ចំនួន១៧៧,៨៤លានដុល្លារអាមេរិក ដល់កម្ពុជា សម្រាប់គម្រោងអភិវឌ្ឍន៍ហេដ្ឋារចនាសម្ព័ន្ធ និងវិស័យអាទិភាពផ្សេងទៀត។

នេះបើយោងតាមលទ្ធផលនៃកិច្ចប្រជុំពេញអង្គរបស់គណៈកម្មាធិការសម្របសម្រួលអន្តររដ្ឋាភិបាល កម្ពុជា-ចិន ដើម្បីអនុវត្តកិច្ចសហប្រតិបត្តិការ ភាពជាដៃគូយុទ្ធសាស្ត្រគ្រប់ជ្រុងជ្រោយ សម្រាប់រយៈពេល២ឆ្នាំបន្តទៀត (ឆ្នាំ២០២២-២០២៤)។

កម្មវិធីនេះមានការចូលរួមពី លោកឧបនាយករដ្ឋមន្រ្តី ហោ ណាំហុង សហប្រធាន នៃគណៈកម្មាធិការសម្របសម្រួលអន្តររដ្ឋាភិបាល កម្ពុជា-ចិន និងលោក វ៉ាង យី (Wang Yi) ទីប្រឹក្សារដ្ឋ និងជារដ្ឋមន្ត្រីក្រសួងការបរទេសនៃសាធារណរដ្ឋប្រជាមានិតចិន និងជាសហប្រធានខាងភាគីចិន នៅថ្ងៃទី១៤ ខែកក្កដា ឆ្នាំ២០២២។

លោកឧបនាយករដ្ឋមន្ត្រី ហោ ណាំហុង បានឱ្យដឹងថា តាមរយៈកិច្ចសហប្រតិបត្តិការរវាងប្រទេសទាំងពីរ ភាគីទាំងពីរបានសម្រេចលើ ក្របខ័ណ្ឌហិរញ្ញប្បទានឥតសំណង និង ក្របខណ្ឌឥណទានសម្បទានសរុបចំនួន១៣គម្រោង។

ក្នុងក្របខណ្ឌក្របខ័ណ្ឌហិរញ្ញប្បទានឥតសំណង ភាគីមិត្តចិនបានផ្តល់ចំនួន២,៧០០លានយ័ន (ប្រមាណ១៧៧,៨៤លានដុល្លារអាមេរិក) ដោយសម្រេចលើបញ្ជីគម្រោងជាអាទិភាព សម្រាប់ការអភិវឌ្ឍផ្លូវ ថ្នល់ សាលារៀន មន្ទីរពេទ្យ ដូចជា (១) គម្រោងធ្វើឱ្យប្រសើរឡើងកំណាត់ ផ្លូវជាតិលេខ៧ (២) ស្នើភាគីមិត្តជំរុញការសិក្សាសមិទ្ធិលទ្ធភាព និងដើម្បីបន្តនីតិវិធីជាបន្តទៀត សម្រាប់គម្រោងសាងសង់ ប្រព័ន្ធចម្រោះទឹកកខ្វក់នៅក្រុងព្រះសីហនុ (៣) គម្រោងកាត់បន្ថយភាពក្រីក្រ កម្ពុជា-ចិន ជំហានទី២ (៤) គម្រោងកែលម្អផ្លូវជនបទ និងផ្គត់ផ្គង់ទឹក ជំហានទី៣ (៥) ស្នើបន្តគាំទ្រសកម្មភាពលុបបំបាត់ គ្រាប់មីននៅកម្ពុជា។

ក្នុងក្របខណ្ឌឥណទានសម្បទាន លោកឧបនាយករដ្ឋមន្រ្តី បានបញ្ជាក់ថា កិច្ចសហប្រតិបត្តិការហិរញ្ញប្បទានសម្រាប់ការអភិវឌ្ឍ (China ODA) រយៈពេល ២ឆ្នាំ (2020-2022) ក្របខ័ណ្ឌឥណទានសម្បទាន សម្រេចបានការចុះហត្ថលេខាលើ កិច្ចព្រមព្រៀងឥណទានសម្បទាន ប្រមាណជាង៤៣២លានដុល្លារ សម្រាប់ហិរញ្ញប្បទានគម្រោងចំនួន៤ ក្នុងវិស័យអគ្គីសនី ផ្លូវថ្នល់ និង ប្រព័ន្ធធារាសាស្រ្ត សម្រេចលើបញ្ជីគម្រោងអភិវឌ្ឍន៍ហេដ្ឋារចនាសម្ព័ន្ធ និងវិស័យផ្សេងទៀត ដែលជាអាទិភាព ចំនួន៨ គឺ (១) គម្រោងជំរុញគម្រោងជំរុញផលិតកម្មស្រូវ និងការនាំចេញអង្ករ (២) គម្រោងសាងសង់ស្ពានមេគង្គក្រចេះ និង ផ្លូវតភ្ជាប់ខេត្តក្រចេះ (៣) គម្រោងពង្រីកកំណាត់ផ្លូវជាតិលេខ៧ (៤) គម្រោងពង្រីកខ្សែបញ្ជូនអគ្គិសនីជនបទ (៥) គម្រោងអភិវឌ្ឍន៍អាងទឹកដងកាំបិត ខេត្តកំពង់ធំ (៦) គម្រោងសាងសង់ស្ពានទន្លេបាសាក់ ចាក់អង្រែក្រោម-ព្រែកប្រា (៧) គម្រោងលើកកម្រិតកំណត់ផ្លូវជាតិលេខ៣ (PK181+100-វាលរេញ) (៨)គម្រោងពង្រីកកំណាត់ផ្លូវជាតិលេខ៦ នៅក្រុងសៀមរាប៕

ដោយៈ សុខុម

ភ្នំពេញ: វាជាមោទកភាពថ្មីមួយទៀតសម្រាប់កម្ពុជា និងប្រជាជនខ្មែរ ទាំងអស់ដែលផ្ទះលម្ហែបែបជំរំធម្មជាតិ Shinta Mani Wild បានជាប់ឈ្មោះក្នុងចំណោមផ្ទះលម្ហែដ៏ប្រណីតបំផុតទាំង៨នៅអាស៊ី។ នេះបើយោងតាមសារព័ត៌មានសិង្ហបុរី CNA ចុះផ្សាយនៅថ្ងៃព្រហស្បតិ៍ ទី១៤ ខែកក្កដា នេះ។

ផ្ទះលម្ហែបែបជំរំតង់ដ៏ប្រណីតនេះ សម្ងំលាក់ខ្លួននៅកណ្ដាលព្រៃព្រឹក្សា បង្អួតសម្រស់ធម្មជាតិដ៏ស្រស់ត្រកាល គួរឱ្យគយគន់ជាពន់ពេក និងខ្យល់អាកាសដ៏បរិសុទ្ធ នៃឧទ្យានជាតិគិរីរម្យ ដែលមានចម្ងាយជាង១០០គីឡូម៉ែត្រពីរាជធានីភ្នំពេញ។

យោងតាមការចុះផ្សាយរបស់សារព័ត៌មានក្នុងស្រុកមួយឱ្យដឹងថា ផ្ទះស្នាក់លម្ហែរ ប្រកបដោយផាសុកភាពខ្ពស់ បែបធម្មជាតិពិតៗនេះនៅមាន១៥បន្ទប់ ពោលគឺ១៥ផ្ទះដាច់ដោយឡែកពីគ្នា ដែលមានកម្ពស់ខ្ពស់ជាងទឹករលក និងទឹកជ្រោះ អាចផ្តល់នូវទេសភាព និងបទពិសោធន៍ខុសប្លែកពីរមណីយដ្ឋានឯទៀតនៅអាស៊ី។

អ្វីដែលកាន់តែពិសេសទៀតនោះ គឺថែមទាំងមានខ្សែរ៉តប្រវែង៤០០ម៉ែត្រ ដែលភ្ញៀវទេសចរអាចជិះឆ្លងស្ទឹង និងគយគន់សម្រស់ធម្មជាតិជុំវិញទីនោះយ៉ាងអស្ចារ្យថែមទៀតផង។

ផ្អែកតាមសារព័ត៌មានក្នុងស្រុកដដែលឱ្យដឹងថា គម្រោងផ្ទះលម្ហែដ៏ប្រណីតនេះ បានចំណាយទុនវិនិយោគ រហូតដល់ទៅ១លានដុល្លារអាមេរិក ឯណោះក្នុងការសាងសង់ផ្ទះមួយ។ ចំណែកឯតម្លៃស្នាក់នៅវិញគឺញាក់សាច់តែម្ដង ពោលគឺមានតម្លៃចាប់ពី១.៥០០ដុល្លារ ឡើងទៅក្នុង១យប់។

ផ្ទះលម្ហែប្រណីតបំផុតទាំង៨ប្រចាំតំបន់អាស៊ី រួមមានដូចខាងក្រោម៖

១. ផ្ទះលម្ហែមាត់ឆ្នេរ Fu Bar នៅកោះត្រល់ ប្រទេសវៀតណាម។

២. ផ្ទះលម្ហែ Crowne Plaza Vientiane នៅក្រុងវៀងចន្ទន៍ ប្រទេសឡាវ។

៣. ផ្ទះលម្ហែមាត់ឆ្នេរ Azerai Ke Ga Bay ប្រទេសវៀតណាម ។

៤. ផ្ទះលម្ហែបែបជំរំធម្មជាតិ Shinta Mani Wild ប្រទេសកម្ពុជា។

៥. ផ្ទះលម្ហែមាត់ឆ្នេរ Six Senses Yao Noi ប្រទេសថៃ ។

៦. ផ្ទះលម្ហែមាត់ឆ្នេរ Gaya Island Resort ប្រទេសម៉ាឡេស៊ី។

៧. ផ្ទះលម្ហែព្រៃភ្នំ Amanjiwo ប្រទេសឥណ្ឌូនេស៊ី ។

៨. ផ្ទះលម្ហែមាត់ឆ្នេរ One&Only Desaru Coast ប្រទេសម៉ាឡេស៊ី     ៕ CNA៕

ដោយៈ វឌ្ឍនៈ

ភ្នំពេញៈ  ដីធ្លីសម្រាប់កសិកម្មក៏ជាផ្នែកមួយនៃអចលនទ្រព្យ ដែលនឹងមានតម្រូវការខ្ពស់នៅពេលខាងមុខឆាប់ៗនេះ ស្របពេលនឹងកម្ពុជាបានបើកច្រកទីផ្សារសម្រាប់នាំចេញផលិតផលកសិកម្ម ទៅកាន់បណ្ដាប្រទេសមានទីផ្សារធំៗនៅលើពិភពលោក តាមរយៈកិច្ចព្រមព្រៀងពាណិជ្ជកម្មសេរី។

ជាមួយគ្នានេះ អ្នកវិនិយោគចិនកាន់តែច្រើនបាន និងកំពុងវិនិយោគលើផ្នែកនេះ ដើម្បីផលិតនាំចេញទៅកាន់ប្រទេសចិន និងប្រទេសដទៃទៀត។

លោកឧកញ៉ានួន រឹទ្ធ អគ្គនាយកក្រុមហ៊ុនអចលនទ្រព្យKFA បានមានប្រសាសន៍ឱ្យដឹងកាលពីថ្ងៃទី១៣ កក្កដាថា វិស័យមួយចំនួនដែលបានគាំទ្រឱ្យវិស័យអចលនទ្រព្យនៅកម្ពុជា នៅតែមានកំណើននិងសក្ដានុពលក្នុងនោះដីកសិកម្ម ក៏នឹងមានតម្រូវការ និងការវិនិយោគច្រើននៅពេលឆាប់ៗនេះដែរ ខណៈបច្ចុប្បន្ននេះដីប្រភេទនេះ ក៏មានការបញ្ជាទិញពីអ្នកវិនិយោគសម្រាប់ត្រៀម ក្នុងការវិនិយោគដំណាំ ដើម្បីនាំចេញទៅកាន់ទីផ្សារអន្តរជាតិ ។

លោកឧកញ៉ាបន្តថា “ផលិតផលកសិកម្មមួយចំនួន កំពុងតែមានទីផ្សារនៅក្រៅប្រទេស និងមានការនាំចេញទៅក្រៅប្រទេស ជាបន្តបន្ទាប់ផងដែរ”។ លោកបន្តថា “នៅពេលខាងមុខស្ទើរតែគ្រប់មុខនេះ ផលិតផលកសិកម្មកម្ពុជា នឹងមានការនាំចេញទៅកាន់ទីផ្សារអន្តរជាតិ សូម្បីតែស្លឹក​  គ្រៃ រមៀតខ្ជាយក៏មានការនាំចេញ ទៅប្រទេសឆ្ងាយៗដែរ ដូច្នេះវិស័យអចលនទ្រព្យជាពិសេសដីធ្លី នឹងមានតម្រូវការខ្ពស់ សម្រាប់ប្រើប្រាស់ក្នុងដាំដុះដើម្បីនាំចេញ”។

លោកឧញ៉ានួន រិទ្ឋីបានបន្ថែមថា កត្តាដែលជំរុញឱ្យកសិកម្មមានសក្ដានុពលកាន់តែខ្ពស់នោះ គឺកម្ពុជាទទួលបាននូវកិច្ចព្រមព្រៀងពាណិជ្ជកម្មសេរីជាមួយប្រទេសមានទីផ្សារធំៗ ដូចជា កិច្ចព្រមព្រៀងពាណិជ្ជកម្មសេរីកម្ពុជា ចិន កិច្ចព្រមព្រៀងពាណិជ្ជកម្មសេរីកម្ពុជា កូរ៉េ និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ជាដើម ។

កាលពីពេលថ្មីៗនេះដែរ កម្ពុជាបានដាក់មុខទំនិញជាង១០មុខទៀតដើម្បីត្រៀមចរចានាំចេញ ទៅកាន់ទីផ្សារប្រទេសចិន តាមរយៈកិច្ចព្រមព្រៀងពាណិជ្ជកម្មសេរី ហើយជំហានបន្តបន្ទាប់ផលិតផលកសិកម្មជាច្រើនទៀតនឹងត្រូវចរចានាំចេញទៅកាន់ទីផ្សារទាំងនោះ។

លោកព្រាប កុល ប្រធានក្រុមប្រឹក្សាភិបាលក្រុមហ៊ុនអចលនទ្រព្យCentury 21 Zillion Holding បានឱ្យដឹងថា គ្រប់បណ្ដាខេត្តទាំងអស់ទូទាំងប្រទេសកម្ពុជា សុទ្ធតែមានសក្ដានុពលទៅលើដំណាំ កសិកម្មគ្រាន់តែខេត្តនីមួយៗ មានសក្ដានុពលទៅលើដំណាំផ្សេងៗគ្នា ដូច្នេះអ្នកវិនិយោគលើកសិកម្ម នឹងទទួលបានផលប្រយោជន៍ និងប្រាក់ចំណូលខ្ពស់នៅពេលខាងមុខ ពីព្រោះថាប្រទេសណា ក៏មានតម្រូវការទៅលើស្បៀងអាហារដែរ ហើយកម្ពុជា ជាប្រទេសផលិតស្បៀងសំខាន់មួយលើពិភពលោក។

ជាមួយគ្នានេះ លោកឧកញ៉ាលឹម ហេងអនុប្រធានសភាពាណិជ្ជកម្មកម្ពុជាបានលើកឡើងថា អ្នកវិនិយោគចិនថ្មីៗជាច្រើនបានចូលមកវិនិយោគ នៅកម្ពុជា ពួកគេផ្តោតលើវិស័យកសិកម្មច្រើន ដើម្បីនាំចេញទៅកាន់ប្រទេសចិន និងបណ្តាប្រទេសដទៃទៀត។

លោកបន្តថា “មូលហេតុដែលចិន ផ្តោតលើការវិនិយោគកសិកម្ម ដោយសារតម្លៃដីនៅកម្ពុជាមានតម្លៃទាប និងជាដីមានជីវជាតិល្អ ដែលធ្វើ ឲ្យផលិតផលកសិកម្មមានគុណភាព និងរសជាតិឆ្ងាញ់”៕

ដោយៈ គង់ សូរិយា

       ភ្នំពេញៈ សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានជម្រុញឲ្យមន្រ្តីពាក់ព័ន្ឋយកព្រឹត្តិការណ៍ស៊ីហ្គេម និងប៉ារ៉ាហ្គេមជាយុទ្ឋនាការទស្សនាកម្ពុជាឆ្នាំ​២០២៣។

សម្តេចបានថ្លែងក្នុងពិធីបិទសន្និបាត ការងារក្រសួងទេសចរណ៍នាព្រឹក​ថ្ងៃទី១៤ កក្កដានេះថា ដោយកម្ពុជាត្រូវធ្វើជាម្ចាស់ផ្ទះរៀបចំការប្រកួត កីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ខ្ញុំស្នើឱ្យយកព្រឹត្តិការណ៍កីឡាទេសចរណ៍ដ៏ធំនេះ ដាក់ចេញជាយុទ្ធនាការ ទស្សនាកម្ពុជាឆ្នាំ ២០២៣ (Visit Cambodia Year 2023) ដើម្បីបង្កើនការផ្សព្វផ្សាយទេសចរណ៍កម្ពុជា”។

សម្តេចបន្តថា សូមក្រសួង-ស្ថាប័នពាក់ព័ន្ធ និងប្រជាពលរដ្ឋគ្រប់រូប ចូលរួមយុទ្ធនាការ  “កម្ពុជាស្អាត” និង “ទីក្រុងស្អាត រមណីយដ្ឋានស្អាតសេវាល្អ និងបដិសណ្ឋារកិច្ចល្អ”  ដើម្បីលើកកម្ព​ស់មុខមាត់កម្ពុជាផង  និងអបអរសាទរការរៀបចំព្រឹត្តិការណ៍កីឡាស៊ី ហ្គេម និងអាស៊ានប៉ារ៉ាហ្គេមឆ្នាំ២០២៣ផង។

សម្តេចតេជោ ហ៊ុន សែនបានបន្តទៀតថា ប្រទេសកម្ពុជាជាប្រទេសដំបូងគេមួយនៅក្នុងតំបន់ ដែលបានបើកចំហ ដោយកាត់បន្ថយរបាំងទទួលទេសចរអន្តរជាតិ ក្នុងការចូលមកកាន់ប្រទេសកម្ពុជា។

សម្តេចបានថ្លែងបន្តថា កាលពីខែមីនា ឆ្នាំ២០២២ កម្ពុជាក៏បានសម្រេចបើកការធ្វើដំណើរតាម ច្រកទ្វារអន្តរជាតិឡើងវិញ និងផ្តល់ទិដ្ឋាការនៅពេលមកដល់ (Visa on arrival) និងលុបចោលលក្ខខណ្ឌតម្រូវឱ្យបង្ហាញលទ្ធផលPCR តេស្តអវិជ្ជមាន និងមិនតម្រូវឱ្យធ្វើតេស្តរហ័ស នៅពេលមកដល់ ដោយគ្រាន់តែបង្ហាញបណ្ណ ឬព័ត៌មាននៃការចាក់វ៉ាក់សាំងគ្រប់ដូស។

សម្តេចបានផ្តល់អនុសាសន៍ឱ្យពង្រឹង និងបង្កើនលទ្ធភាពនៃការតភ្ជាប់មកកាន់កម្ពុជា ទាំងតាមផ្លូវអាកាស ផ្លូវគោក និងផ្លូវទឹក ដើម្បីជំរុញការតភ្ជាប់ប្រភពទីផ្សារទេសចរណ៍សំខាន់ៗមកកម្ពុជា ។

ក្នុងន័យនេះ ក្រសួងទេសចរណ៍ និងក្រសួង-ស្ថាប័នពាក់ព័ន្ធ ត្រូវបន្តសហការគ្នាឱ្យបានល្អ ប្រកបដោយស្មារតីបុរេសកម្ម និងអន្តរសកម្ម ព្រមទាំងប្រកាន់ខ្ជាប់ នូវអភិក្រម “ជីវភាពនៃប្រព័ន្ធតួអង្គតែមួយ” ដើម្បីបង្កលក្ខណៈងាយស្រួល សម្រាប់ការតភ្ជាប់ចូលមកកម្ពុជា ពីប្រភពទីផ្សារទេសច​រណ៍សំខាន់ៗ នៅក្នុងតំបន់ និងសកលលោក។

យោងតាមទិន្នន័យរបស់ក្រសួងទេសចរណ៍ ពេញមួយឆ្នាំ២០២២នេះ កម្ពុជា អាចទទួលបានភ្ញៀវទេសចរអន្តរជាតិជាង១លាននាក់ និងប្រមាណ២លាននាក់ នៅឆ្នាំ២០២៣ ដែលជាឆ្នាំកម្ពុជាធ្វើជាម្ចាស់ផ្ទះព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម៕

ដោយ: លាងហួរ

ភ្នំពេញ: អ្នកជំនាញបាននិយាយកាលពីថ្ងៃពុធថា កិច្ចព្រមព្រៀងពាណិជ្ជកម្មសេរី (FTAs) បានផ្តល់សន្ទុះទៅក្នុងកំណើនសេដ្ឋកិច្ចរបស់កម្ពុជា ដោយទាក់ទាញការវិនិយោគ និងផ្តល់លទ្ធភាពទទួលបានទីផ្សារធំជាងមុនចំពោះផលិតផលដែលផលិតក្នុងប្រទេសកម្ពុជា។

លោក Hoe Ee Khor ប្រធានសេដ្ឋវិទូនៃអាស៊ាន(សមាគមប្រជាជាតិអាស៊ីអាគ្នេយ៍) +3 ការិយាល័យស្រាវជ្រាវម៉ាក្រូសេដ្ឋកិច្ច (AMRO) បាននិយាយថា ភាពជាដៃគូសេដ្ឋកិច្ចទូលំទូលាយក្នុងតំបន់ (RCEP) FTA កម្ពុជា-ចិន (CCFTA) និង FTA កម្ពុជា-កូរ៉េខាងត្បូង (CKFTA) បាននិងកំពុងផ្តល់ឱកាសដ៏ល្អសម្រាប់កម្ពុជា ក្នុងការពង្រឹងលំហូរវិនិយោគ និងពង្រីកផលិតផល ទៅកាន់ទីផ្សារនាំចេញផ្សេងទៀត ក្រៅពីសហរដ្ឋអាមេរិក និងសហភាពអឺរ៉ុប។

ទោះបីជាកំពុងប្រឈមមុខ នឹងបរិយាកាសដ៏លំបាកក៏ដោយ លំហូរវិនិយោគផ្ទាល់ពីបរទេស (FDI) ចូលមកកម្ពុជាត្រូវបានគេរំពឹងថា នឹងនៅតែមានស្ថិរភាព។

យោងតាមការព្យាករណ៍ចុងក្រោយរបស់ AMRO បានឱ្យដឹងថា សេដ្ឋកិច្ចកម្ពុជា ត្រូវបានគេរំពឹងថានឹងងើបឡើងវិញជាលំដាប់ ពោលគឺនឹងកើនឡើង៤,៩ភាគរយនៅឆ្នាំ២០២២ ដែលជាយុទ្ធសាស្ត្ររបស់ប្រទេសក្នុងការរស់នៅជាមួយកូវីដ១៩ និងអត្រាការចាក់វ៉ាក់សាំងខ្ពស់បានជួយសម្រួលដល់ការបើកអាជីវកម្មឡើងវិញ ជាពិសេសក្នុងវិស័យសេវាកម្ម។

អតិផរណារបស់កម្ពុជាត្រូវបានគេព្យាករណ៍ថា នឹងកើនឡើងដល់៦,៤ភាគរយនៅឆ្នាំនេះ ដែលខ្ពស់ជាង២,៩ភាគរយកាលពីឆ្នាំមុន ដោយ​សារតែការកើនឡើងនៃតម្លៃប្រេងសកល៕