ដោយៈ សុផារី

ភ្នំពេញៈ តាមរយៈផែនការក្នុងការពង្រីកផ្ទៃដី រាជធានីភ្នំពេញរបស់រដ្ឋាភិបាល ក្នុងកាំរង្វង់៣០គីឡូម៉ែត្រក្រឡា នៅត្រឹមឆ្នាំ២០៣៥ នឹងធ្វើឱ្យផ្នែកខ្លះនៃខេត្តនៅជុំវិញរាជធានីភ្នំពេញ ត្រូវបានកាត់បញ្ចូលមកក្នុងដែនដីនៃរាជធានីភ្នំពេញ ហើយបានជំរុញកំណើនការអភិវឌ្ឍ លើហេដ្ឋារចនាសម្ព័ន្ឋ អចលនទ្រព្យ ព្រមទាំងគុណភាពជីវិតរបស់ប្រជាជននៅក្នុងមូលដ្ឋាន។

តំបន់អរិយក្សត្រ ដែលស្ថិតនៅត្រើយម្ខាងនៃក្រុងភ្នំពេញ មានទីតាំងមិនឆ្ងាយប៉ុន្មានឡើយ ពីចំណុចកណ្តាលក្រុងនៃរាជធានីភ្នំពេញ ប៉ុន្តែឧប​សគ្គខាងផ្លូវទឹក ដែលតម្រូវឱ្យមានការឆ្លងពីត្រើយម្ខាង ទៅត្រើយម្ខាងទៀត បានធ្វើឱ្យតំបន់នេះ ក្លាយជាទីតាំងដែលត្រូវបានគិតថា មានចម្ងាយឆ្ងាយទៅវិញ។

ក្រោយរដ្ឋាភិបាលប្រកាសពីគម្រោង នៃការសាងសង់ស្ពានតភ្ជាប់ពីរាជធានីភ្នំពេញ ទៅកាន់តំបន់អរិយក្សត្រ បានជំរុញឱ្យឧបសគ្គអភិវឌ្ឍន៍តំបន់ខាងលើកំពុងតែផុតរលត់ទៅ។ តើតំបន់អរិយក្សត្រអាចនឹងត្រូវកាត់ចូលជាផ្នែកមួយនៃរាជធានីភ្នំពេញដែរឬទេ?។

លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអច​លនវត្ថុ បានមានប្រសាសន៍ថា ជាទូទៅនៅក្នុងវិស័យអចលនទ្រព្យ មានការរីកចម្រើនគួបផ្សំនឹងគោលនយោបាយ និងផែនការយុទ្ធសាស្ត្ររបស់រាជរដ្ឋាភិបាល ដែលគាំទ្រគ្នាទៅវិញទៅមក។

លោកមានប្រសាសន៍ថា “គោលនយោបាយរបស់រាជរដ្ឋាភិបាលកម្ពុជាធ្វើការអភិវឌ្ឍបែប៣៦០ដឺក្រេ តាមគោលនយោបាយអភិវឌ្ឍន៍ផ្លូវក្រវាត់ក្រុងទី៣ ផ្លូវក្រវាត់ក្រុងទី៤ នៅក្នុងពេលបច្ចុប្បន្ននេះ ការអភិវឌ្ឍដីធ្លីមានវិសាលភាពនៅក្នុងចន្លោះហ្នឹង នៅក្នុងក្រវាត់ក្រុងទី៣ ក្រវាត់ក្រុងទី៤។ ផុតពីក្រវាត់ក្រុងហ្នឹងទៅ មិនសូវជាមានការអភិវឌ្ឍច្រើនទេ”។លោកបញ្ជាក់ថា “តំបន់អរិយក្សត្រ អាចចាត់ទុកជាតំបន់ពិសេសមួយ បើធៀបនឹងផ្នែកផ្សេងទៀត ដោយសារត្រូវការប្រព័ន្ធនៃការដឹកជញ្ជូនប្រព័ន្ធ នៃការធ្វើដំណើរ គួរតែមានភាពល្អប្រសើរជាងនេះ”។

ស្ពានមិត្តភាពកម្ពុជាកូរ៉េ ភ្នំពេញ-អរិយក្សត្រ ដែលនឹងសាងសង់ចេញពីចំណុចផ្សាររាត្រី ឆ្ពោះទៅកាន់តំបន់ជ្រោយចង្វារ និងពីតំបន់ជ្រោយចង្វារទៅកាន់អរិយក្សត្រ នឹងចាប់ផ្តើមសាងសង់នៅឆ្នាំ២០២៣។ គម្រោងនេះត្រូវបានអ្នកជំនាញអចលនទ្រព្យ ជាច្រើនរូបមើលឃើញថា នឹងក្លាយជាចលករជំរុញសក្តានុពលអចលនទ្រព្យ នៅក្នុងតំបន់មួយនេះទៅជាតំបន់ពាណិជ្ចកម្មមួយ នាពេលអនាគត។

លោក សុខនីម មានប្រសាសន៍ថា “តំបន់អរិយក្សត្រ លុះត្រាតែមានស្ពានសម្រាប់ឆ្លងកាត់ទន្លេ ដែលផ្តល់នូវភាពងាយស្រួល និងលឿនរហ័ស ទើបអាចត្រូវបាន កាត់ចូលមកជាផ្នែកនៃក្រុងភ្នំពេញបាន”។

លោកបន្តថា “ប្រសិនបើមិនទាន់មានទេ នោះមិនមានភាពងាយស្រួល ក្នុងការអភិវឌ្ឍទេ ដែលការងារនេះ ទាមទារការចូលរួម ការគាំទ្រពីរាជរដ្ឋាភិបាលកម្ពុជា”៕

Dubai has emerged as a haven for wealthy Russians fleeing the impact of western sanctions over the war in Ukraine.

Russian billionaires and entrepreneurs have been arriving in the United Arab Emirates (UAE) in unprecedented numbers, business leaders told the BBC.

Property purchases in Dubai by Russians surged by 67% in the first three months of 2022, a report said.

The UAE has not put sanctions on Russia or criticised its invasion of Ukraine.

It is also providing visas to non-sanctioned Russians while many Western countries have restricted them.

It is estimated that hundreds of thousands of people have left Russia over the last two months – although exact figures are not available.

One Russian economist said as many as 200,000 Russians had left in the first 10 days after the war began.

Virtuzone, which helps companies to set up operations in Dubai, has seen a huge surge of Russian clients.

“We are receiving five times more enquiries from Russians since the war began,” said chief executive George Hojeige.

“They are worried about an economic meltdown that’s coming. That is why they are moving here to secure their wealth,” he added.

The influx of Russian nationals has bolstered demand for luxury villas and apartments across the city. Real estate agents are reporting a surge in property prices, as Russians arriving in Dubai are looking to purchase homes.

Dubai-based real estate agency Betterhomes found property purchases by Russians surged by two thirds in the first three months of 2022.

And another real estate agency, Modern Living, told the BBC it had hired many Russian-speaking agents to cater to rising demand. Chief executive Thiago Caldas said they were receiving numerous calls from Russian nationals looking to relocate to Dubai immediately.

“Russians who are coming down are not buying just for investment, they are looking at Dubai as a second home,” he said.

Source: BBC

ដោយ៖ វឌ្ឍនៈ​

ភ្នំពេញ ៖ មជ្ឈមណ្ឌលភស្តុភារកម្ម និងកំពង់ផែពហុបំណងក្នុងខេត្តកំពតបានបើកការដ្ឋានសាងសង់ជាផ្លូវការកាលពីថ្ងៃទី៥ ខែឧសភា ឆ្នាំ​២០២២ ហើយគ្រោង​ដាក់​ដំណើរ​ការ​នៅអំឡុងឆ្នាំ២០២៥ខាងមុខ។ អ្នកជំនាញលើវិស័យអចលនទ្រព្យកម្ពុជារំពឹងថា គម្រោង​ដ៏ធំមួយនេះ នឹងធ្វើឱ្យ​មាន​កំណើននៃតម្រូវការដីធ្លីសម្រាប់អភិវឌ្ឍន៍មួយកម្រិតទៀតនៅពេលខាងមុខ។

លោក ជិន ណារិន នាយកប្រតិបត្តិក្រុមហ៊ុនអចលនទ្រព្យ Sunshine Kampot Real Estate បានឱ្យដឹងថា គម្រោងអភិវឌ្ឍន៍ មជ្ឈមណ្ឌលភស្ដុភារកម្ម និងកំពង់ផែពហុបំណងនៅក្នុងទឹកដីនៃខេត្តកំពតនេះ នឹងធ្វើឱ្យតម្រូវការដីសម្រាប់ប្រើប្រាស់​មានកំណើនទ្វេរដង។

លោកបន្តថា ការសាងសង់កំពង់ផែពហុបំណងនៅក្នុងខេត្តកំពតនេះនឹងធ្វើឱ្យកំណើនអ្នកវិនិយោគ កំណើនប្រជាជន តាមរយៈការផ្ដល់ឱកាសការងារដល់ប្រជាពលរដ្ឋមកពីខេត្តផ្សេងៗ មកកាន់ខេត្តកំពត មានការកើនឡើង និងធ្វើឱ្យភ្ញៀវទេសចរជាតិនិងអន្តរជាតិកាន់តែច្រើនចូលមកទស្សនា នៅក្នុងខេត្តកំពតបន្ថែមទៀត។​ ពេលនោះតម្រូវការការស្នាក់នៅ ការហូបចុក និងការកម្សាន្តក៏មានកំណើនដូចគ្នាដែរ ដែលទាមទារឱ្យមានការវិនិយោគបន្ថែម​។

លោកបន្តទៀតថា “តាមពិតទៅ អ្នកវិនិយោគជាតិនិងអន្តរជាតិជាច្រើនហើយបានចូលមកកាន់ខេត្តកំពត ដើម្បីស្វែងរកការវិនិយោគ គឺចាប់តាំងពីរាជរដ្ឋាភិបាលបានប្រកាសពីការវិនិយោគលើមជ្ឈមណ្ឌលភស្តុភារកម្ម និងកំពង់ផែពហុបំណងមកម្ល៉េះ ។ នៅពេលដែលម្រោងនេះត្រូវបានចាប់ផ្ដើមសាងសង់ បានធ្វើឱ្យអ្នកវិនិយោគកាន់តែមានទំនុកចិត្ត និងបង្កើនល្បឿននៃការវិនិយោគរបស់ខ្លួនបន្ថែមទៀត”។

លោកបន្ថែមថា  សម្រាប់អ្នកសម្របសម្រួលការវិនិយោគដូចជារូបលោកជាដើម បានត្រៀមខ្លួនរួចហើយ ក្នុងការជួយដល់វិនិយោគិនជាតិ និងអន្តរជាតិ ដែលចូលមកក្នុងខេត្តកំពត ដើម្បីស្វែងរកការវិនិយោគ ទាំងទីតាំងសម្រាប់ពួកគាត់វិនិយោគ និងឯកសារផ្លូវច្បាប់នានា។

លោកកែវ សុជាតិ ប្រធានសាខានៃក្រុមហ៊ុន KW Cambodia ប្រចាំខេត្តកំពត ក៏បានឱ្យដឹងផងដែរថា នៅពេលមានគម្រោងវិនិយោគធំៗណាមួយ វានឹងទាក់ទាញដល់ការវិនិយោគនានាមកកាន់តំបន់នោះ ហើយគម្រោងកំពង់ផែពហុបំណងនេះអាចចាត់ទុកជាគម្រោងធំមួយរបស់កម្ពុជា ដែលមានទុនរាប់រយលានដុល្លារអាមេរិក។

លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍ នៅក្នុងពិធីបើកការដ្ឋានសាងសង់កំពង់ផែពហុបំណងនោះថា គម្រោងមជ្ឈមណ្ឌលភស្តុភារកម្ម និងកំពង់ផែពហុបំណងមួយនេះ នឹងក្លាយជាច្រកនាំចេញនាំចូលសំខាន់មួយទៀតរបស់កម្ពុជា និងអាចបំពេញបន្ថែមនូវចំណុចខ្វះខាតរបស់កំពង់ផែ ដែលមានស្រាប់ ដូចជា កំពង់ផែស្វ័យតក្រុងព្រះសីហនុ និងកំពង់ផែស្វយ័តក្រុងភ្នំពេញជាដើម៕