ដោយៈសុខុម

អន្តរជាតិ: ប្រធានធនាគារកណ្តាលរុស្ស៊ី បានព្រមានកាលពីថ្ងៃច័ន្ទ ទី១៨ ខែមេសា ថា ផលវិបាកនៃទណ្ឌកម្មជុំទិសរបស់លោកខាងលិច ទើបតែចាប់ផ្តើមបញ្ចេញឥទ្ធិពលប៉ុណ្ណោះ ហើយអភិបាលក្រុងមូស្គូនិយាយថា ការងារចំនួន២០០.០០០កន្លែង កំពុងប្រឈមហានិភ័យបាត់បង់គ្រាន់តែនៅក្នុងទីក្រុងនេះ។

យោងតាមការចុះផ្សាយរបស់សារព័ត៌មាន Nytimes បង្ហាញថា ការទទួលស្គាល់ការពិតយ៉ាងមុតមាំទាំងនេះ ហាក់ផ្ចាញ់បុរសខ្លាំង វ៉្លាឌីមៀ ពូទីន ដែលបានអះអាងថា ទណ្ឌកម្មនានាមិនបានធ្វើឱ្យសេដ្ឋកិច្ចរុស្ស៊ី អស្ថិរភាព។

ការវាយតម្លៃដ៏ក្រៀមក្រំ ពីសំណាក់មន្ត្រីជាន់ខ្ពស់ទាំង២រូបខាងលើនេះ គឺស្របគ្នាទៅនឹងការព្យាករណ៍ របស់អ្នកជំនាញជាច្រើន ដែលលើកឡើងថា ប្រទេសរុស្ស៊ី ប្រឈមមុខនឹងការធ្លាក់ចុះសេដ្ឋកិច្ចយ៉ាងខ្លាំង ខណៈស្តុកទំនិញ និងគ្រឿងបន្លាស់នាំចូលនៅសល់តិចតួច។

ប្រតិកម្មរបស់ពលរដ្ឋរុស្ស៊ី តបទៅនឹងការលំបាកផ្នែកហិរញ្ញវត្ថុ ដែលបណ្តាលមកពីបុរសខ្លាំង វ៉្លាឌីមៀ ពូទីន បញ្ឆេះសង្គ្រាមចូលឈ្លានពានប្រទេសអ៊ុយក្រែនមួយអន្លើ នឹងធ្វើឱ្យការក្ដោបក្តាប់អំណាចរបស់មេដឹកនាំរុស្ស៊ី រូបនេះចុះខ្សោយជាងមុន ឬបំផ្លាញការគាំទ្រសម្រាប់សង្គ្រាមនេះ។

សេដ្ឋកិច្ចរបស់រុស្ស៊ី បានជៀសផុតពីការដួលរលំ ជាបណ្ដោះអាសន្ន ប៉ុន្តែការដាក់ទណ្ឌកម្មបន្ថែមទៀត កំពុងតែត្រៀមមកដល់ដែលនឹងធ្វើឱ្យសេដ្ឋកិច្ចដាំក្បាលចុះកាន់តែខ្លាំង។

សហភាពអឺរ៉ុប កំពុងបង្កើតផែនការទប់ស្កាត់ ការនាំចូលប្រេងពីប្រទេសរុស្ស៊ី។

មន្ត្រីរតនាគារមួយរូបបានទម្លាយឱ្យដឹងថា រដ្ឋមន្ត្រីរតនាគារអាមេរិក លោកស្រី Janet L. Yellen ត្រូវបានរំពឹងថានឹងអំពាវនាវឱ្យបណ្ដាសម្ព័ន្ធមិត្តរបស់សហរដ្ឋអាមេរិក បង្កើនការដាក់សម្ពាធសេដ្ឋកិច្ចលើប្រទេសរុស្ស៊ី នៅឯកិច្ចប្រជុំរបស់ធនាគារពិភពលោក (World Bank) និងមូលនិធិរូបិយវត្ថុអន្តរជាតិ (IMF) ក្នុងរដ្ឋធានីវ៉ាស៊ីនតោន នៅសប្តាហ៍នេះ។

ស្ថាប័នហិរញ្ញវត្ថុអន្តរជាតិនានាបានប៉ាន់ប្រមាណថា សេដ្ឋកិច្ចរុស្ស៊ី នឹងធ្លាក់ចុះចន្លោះពី១០%ទៅ១៥%នៅឆ្នាំនេះ។ កាលពីថ្ងៃច័ន្ទ ទី១៨ ខែមេសា ធនាគារកណ្តាលរុស្ស៊ី បាននិយាយលើគេហទំព័ររបស់ខ្លួនថា តម្លៃទំនិញប្រើប្រាស់ជាមធ្យម គឺខ្ពស់ជាង១៦,៧%បើធៀបនឹងឆ្នាំមុន។

*តើប្រទេសណាខ្លះនៅតែបន្តទិញប្រេងរុស្ស៊ី ហើយប្រទេសណាខ្លះដែលបានឈប់ទិញ?
ប្រទេសអូស្ត្រាលី អង់គ្លេស កាណាដា និងសហរដ្ឋអាមេរិក បានដាក់បម្រាមទាំងស្រុង លើការទិញប្រេងពីរុស្ស៊ី បន្ទាប់ពីរដ្ឋាភិបាលក្រុងមូស្គូ បញ្ឆេះសង្គ្រាមចូលឈ្លានពានអ៊ុយក្រែន ប៉ុន្តែសហភាពអឺរ៉ុប នៅតែខ្វែងគំនិ​ត​គ្នាជុំវិញបម្រាមនេះ។ នេះបើយោងតាមទីភ្នាក់ងារព័ត៌មាន Reuters ចុះផ្សាយកាលពីកាលពីថ្ងៃទី៦ ខែមេសា។

សមាជិកទាំង២៧ នៃសហភាពអឺរ៉ុប មិនអាចព្រមព្រៀងលើបម្រាមនេះឡើយ ដោយប្រទេសអាល្លឺម៉ង់ បានព្រមានប្រឆាំងវិធានការដ៏ប្រញាប់ប្រញាល់បែបនេះ ដែលអាចរុញច្រានសេដ្ឋកិច្ចឱ្យធ្លាក់ចូលក្នុងវិបត្តិ ហើយប្រទេសមួយចំនួន ដូចជា ហុងគ្រី ជាដើមបានប្រឆាំងនឹងបម្រាមណាមួយបែបនេះ។

ទោះជាយ៉ាងណា ប្រទេសអាល្លឺម៉ង់ មានបំណងឈប់នាំចូលប្រេងពីរុស្ស៊ី នៅត្រឹមដំណាច់ឆ្នាំនេះ ហើយប្រទេសប៉ូឡូញក៏ដូចគ្នាដែរ។

រហូតមកទល់ពេលនេះ ប្រទេសមួយចំនួនដូចឥណ្ឌា មហាយក្សចិន ក្រិច អ៉ីតាលី ក្រូអាស៊ី ហុងគ្រី និស្លូវាគី ជាដើមនៅតែបន្តទិញប្រេងរុស្ស៊ី រហូតមកទល់ពេលនេះ៕

ដោយ គង់ ម៉ាលីន

ភ្នំពេញៈ អ្នករស់នៅ​ក្នុង​ទីក្រុង​មាន​ក្ដីស្រមៃ​នៃ​អនាគត​មួយ​ដែល​គ្មាន​សំឡេង​កងរំពង និង​ផ្សែង​អាប់អួ​ចេញពី​យានយន្ត​នៅតាម​ដង​វិថី​។ ​ដោយ​ជំនួស​មក​​ជា​ចលនា​ស្ងាត់ជ្រងំ និង​គ្មាន​ផ្សែង​ពុល​ចេញពី​ម៉ូតូ និង​ឡាន​។ ​នេះ​គឺជា​ការផ្លាស់ប្ដូរ​ដ៏​ល្អប្រសើរ​មួយ​សម្រាប់​ពេលអនាគត​ដែល​យានយន្ត​អគ្គិសនី​អាច​នាំ​ក្ដី​ស្រមៃ​មួយ​នេះ ឱ្យក្លាយ​ជាការ​ពិត​បាន​។

ចក្ខុ​វិស័យនេះ ​ទទួល​បាន​ការយកចិត្ត​ទុកដាក់​ខ្ពស់​ពី​រដ្ឋាភិបាល​កម្ពុជា​។ ជាក់ស្ដែង កម្ពុជា​បានក្លាយ​ជា​ប្រទេស​ហត្ថលេខី​នៃ​សេចក្តី​ប្រកាស​ COP26 ស្ដីពី​ការបញ្ចប់​ការប្រើប្រាស់​យានយន្ត ​ប្រើប្រាស់​ឥន្ធនៈ​ត្រឹម​ឆ្នាំ​ ២០៤០ ដោយ​ងាក​ទៅរក​ការប្រើប្រាស់​យានជំនិះ ​គ្មាន​បំភាយ​ចំហេះ​ឥន្ធនៈ​ ១០០% វិញ​។ ​ចំពោះ​ការផ្លាស់ប្ដូរ​ប្រភេទ​យានជំនិះ​ទាំងនេះ ក៏​មាន​កំណើន​គាំទ្រ​ពី​សំណាក់​វិស័យ​ឯកជន​ផងដែរ​។

ទោះជា​មាន​ការប្ដេជ្ញា និង​ការគាំទ្រ​ឱ្យ​ងាក​មកប្រើប្រាស់​ យានយន្ត​អគ្គិសនី​នៅ​កម្ពុជា​នាពេល​អនាគត ប៉ុន្តែ​ដំណើរ​ទៅកាន់​អនាគត​មួយ​នេះ នៅ​​តែមាន​ភាពស្រពេចស្រពិល​ច្រើន​។ ​ដោយហេតុថា នៅមាន​គោលនយោបាយ​សំខាន់ៗ​មួយចំនួន​ ដែល​ប្រទេស​កម្ពុជា​មិនទាន់បាន​សិក្សា និង​អនុម័ត ដូច្នេះ​ប្រទេស​កម្ពុជា​ គួរតែ​រៀនសូត្រ​ពី​បទ​ពិសោធ​ប្រទេស​ដទៃទៀត ​ដែល​បាន​នាំមុខ​ក្នុង​ការដាក់​ប្រើប្រាស់​យានយន្ត​អគ្គិសនី​។

ការពង្រីក​បណ្ដាញ​ស្ថានីយ​បញ្ចូល​អគ្គិសនី
ការពង្រីក​ហេដ្ឋារចនាសម្ព័ន្ធ ​សម្រាប់​យានយន្ត​អគ្គិសនី​ មាន​សារៈសំខាន់​បំផុត​។ស្ថានីយ​បញ្ចូលភ្លើង​ គឺជា​ផ្នែក​ដ៏ចាំបាច់​មួយ​ ហើយ​គួរ​ទទួល​អាទិភាព​ ក្នុង​ការពង្រីក​សាងសង់​ពេញ​ផ្ទៃ​ប្រទេស ​ក្រោម​ការដឹកនាំ​របស់​រាជរដ្ឋាភិបាល​។ ​ក្រសួង​​សាធារណការ និង​ដឹកជញ្ជូន​កំពុង​ពង្រីក​សាងសង់​ស្ថានីយ​បញ្ចូល​អគ្គិសនី​យ៉ាងសកម្ម​ ដោយ​សហការ​ជាមួយ​ UNDP ​និង​ GGGI​។ ​កិច្ច​សហប្រតិបត្តិការ​នេះ ​មាន​គម្រោង​សាងសង់​ស្ថានីយ​ បញ្ចូល​អគ្គិសនី​ចំនួន​៥នៅ​រាជធានី​ភ្នំពេញ និង​តាម​បណ្ដាល​ខេត្តសៀមរាប បាត់ដំបង និង​ព្រះសីហនុ​។

ចំពោះ​ស្ថានីយ​ចំនួន​៥​ គឺ​គ្រាន់តែ​ជា​ជំហាន​ដំបូង​ប៉ុណ្ណោះ​។ រាជរដ្ឋាភិបាល​គួរតែ​សិក្សា និង​អនុវត្ត​យុទ្ធសាស្ត្រ ​ពង្រីក​បណ្ដាញ​​ស្ថានីយ​បញ្ចូល​អគ្គិសនី​ទូទាំងប្រទេស ដើម្បី​ទ្រទ្រង់​ការប្រើប្រាស់​យានយន្ត​អគ្គិសនី​តាម​គ្រប់​ទីប្រជុំជន និង​តាម​បណ្ដា​ខេត្ត​នានា​។​

វា​ជា​ភ័ព្វសំណាង ​ដែល​ភូមិសាស្ត្រ​ប្រទេស​កម្ពុជា​​ មាន​លក្ខណៈ​ល្អប្រសើរ​ ដោយ​ចម្ងាយ​រវាង​ទីប្រជុំជន​ធំៗ​មិនសូវ​ឆ្ងាយ​ពីគ្នា​ពេក​។ បើ​មិន​ដូច្នេះ​ទេ ប្រាកដ​ជាមាន​បញ្ហា​ក្នុង​ការបង្កើត​ បណ្ដាញ​ស្ថានីយ​ដូច​នៅ​សហរដ្ឋអាមេរិក​ ដែល​ភូមិសាស្ត្រ​ខ្លះ ​មាន​ទីប្រជុំជន​តិច​ ហើយ​នៅ​ដាច់ស្រយាល​ពីគ្នា​ពេក​។

ការចាប់​ដៃគូ​ជាមួយ​ក្រុមហ៊ុន​​ប្រេងឥន្ធនៈ ​ក៏​ជា​ដំណោះស្រាយ​មួយ ​ដែល​យើង​គួរតែ​យកមក​ពិចារណា ព្រោះថា ស្ថានីយ​ប្រេងឥន្ធនៈ​សព្វថ្ងៃ​ អាច​កែច្នៃ​ទៅជា​ទីតាំង​បញ្ចូល​អគ្គិសនី​វិញ​។ ​សហប្រតិបត្តិការ​បែប​នេះ ​នឹង​ចៀសវាង​ការបោះបង់​ ចោល​ស្ថានីយ​ប្រេងឥន្ធនៈ​ចាស់​ និង​ជួយ​ពង្រីក​បណ្ដាញ​បញ្ចូល​អគ្គិសនី​ឱ្យបាន​កាន់តែ​លឿន​។

ទីក្រុង​ណាន​ជីង ​ប្រទេស​ចិន​ កំពុង​សាកល្បង​កែច្នៃ​ស្ថានីយ​ឥន្ធនៈ ​ឱ្យក្លាយ​ទៅជា​ស្ថានីយ​បញ្ចូល​អគ្គិសនី​វិញ ដោយ​ក្រុមហ៊ុន​ប្រេងឥន្ធនៈ ​PetroChina​ សហការ​ជាមួយ CATL ដែល​​ជា​ក្រុមហ៊ុន​ផលិត​ថ្ម​អគ្គិសនី​។

ស្ថានីយ​បញ្ចូល​អគ្គិសនី​ទាំងនេះ ​មិន​ប្រើប្រាស់​ភ្លើងអគ្គិសនី​ផ្គត់ផ្គង់​ពី​រដ្ឋ​នោះទេ ដោយសារ​ក្រុមហ៊ុន CATL ​បាន​បង្កើត​បច្ចេកវិទ្យា​ផលិត និង​ផ្ទុក​អគ្គិសនី​នៅតាម​ទីតាំង​បញ្ចូល​នីមួយៗ ​​ដោយ​ប្រើ​មេតាណុល​។ នេះ​​គឺជា​វិធីសាស្ត្រ​សមស្រប​មួយ ព្រោះ​ការប្រើប្រាស់​មេតាណុល ​ដែលជា​ផលិតផល​ប្រេងកាត​ជួយ​សម្រួល​ឱ្យ​ក្រុមហ៊ុន​ប្រេងឥន្ធនៈ ​ផ្លាស់ប្ដូរ​គម្រោង​អាជីវកម្ម​ប្រេងកាត​ទៅ​អគ្គិសនី​សុទ្ធ​។ ដូច្នេះ​ការពង្រីក​បណ្ដាញ​ស្ថានីយ​បញ្ចូល​អគ្គិសនី ​ត្រូវអនុវត្ត​ក្រោម​យុទ្ធសាស្ត្រ និង​ការដឹកនាំ​របស់​រាជរដ្ឋាភិបាល​គួរតែ​បង្កើត​សហប្រតិបត្តិការ​ជាមួយ ​វិស័យ​ឯកជន​ក្នុង​លក្ខណៈ​សមស្រប​មួយ​។

ជ្រើសរើស​ស្តង់ដា​ដែល​ត្រឹមត្រូវ
ការសាងសង់​ស្ថានីយ​បន្ថែម ​គឺ​គ្រាន់តែ​ជា​ផ្នែក​មួយ​ នៃ​ហេដ្ឋារចនាសម្ព័ន្ធ​របស់​យានយន្ត​អគ្គិសនី​ប៉ុណ្ណោះ រីឯ​ការអនុវត្ត​សំខាន់​មួយទៀត គឺ​ការ​ជ្រើសរើស​យក​ប្រភេទ​មុខ​ខ្សែ​បញ្ចូល​អគ្គិសនី​។ ​ការរើស​យក​ប្រភេទ​មុខ​ខ្សែ​១​ ជា​ស្តង់ដា​មាន​សារៈសំខាន់​ណាស់​ ដើម្បី​ធានា​ភាពងាយស្រួល​ក្នុង​ការប្រើប្រាស់​យានយន្ត​អគ្គិសនី​។ ជាមួយ​គ្នានេះដែរ បច្ចុប្បន្ននេះ ​មាន​ស្តង់ដា​ជាច្រើន​កំពុង​ប្រកួតប្រជែង​គ្នា ដែល​ប្រទេស​កម្ពុជា​ត្រូវ​ជ្រើសរើស​។

សហភាព​អឺរ៉ុប​បានដាក់​ជា​ស្តង់ដា ​ឱ្យប្រើប្រាស់​តែ​មុខ​ខ្សែ​ប្រភេទ ​Type2CCS ​តែប៉ុណ្ណោះ​។

នៅ​អាស៊ី​រថយន្ត​អគ្គិសនី​មួយចំនួន ​ប្រើប្រាស់​ខ្សែ CHAde-MO​របស់​ជប៉ុន​។ ​ប្រទេស​ចិន​ដែល​ជា​ទីផ្សារ​រថយន្ត​អគ្គិសនី​ធំ​បំផុត​ បានដាក់​កម្រិត​ប្រើប្រាស់​មុខ GB/T ជា​ស្តង់ដា​។

ផ្ទុយទៅវិញ​នៅ​សហរដ្ឋ​អាមេរិក ​មិនបាន​អនុវត្ត​ស្តង់ដា​នោះទេ មាន​ន័យថា ទោះបីជា​មុខ​ខ្សែ​ប្រភេទ​ Type1 មាន​ការប្រើប្រាស់​ទូលំទូលាយ​ជាងគេ​ក៏ដោយ រថយន្ត​អគ្គិសនី​ដែល​នាំ​មកពី​អាស៊ី និង​អឺរ៉ុប​សុទ្ធតែ​មានមុខ​ខ្សែ​បញ្ចូល​ខុសៗ​គ្នា ​ដែល​បង្កើត​ភាពស្មុគស្មាញ​ដល់​អ្នកប្រើប្រាស់​។​ លើសពីនេះ​ក្រុមហ៊ុន Tesla​ បាន​ប្រើប្រាស់​មុខ​ខ្សែ​ប្លែក​ពី​ស្តង់ដា​ដទៃៗ​ទៀត​ដែល​បណ្ដាលឱ្យ​រថយន្ដ​អគ្គិសនី​ផ្សេងៗ​ទៀត​មិនអាច​បញ្ចូល​អគ្គិសនី​តាម​ស្ថានីយ​ដែល​ Tesla សាងសង់​នោះទេ​។

ដោយសារតែ​រថយន្ត​អគ្គិសនី ​ដែល​ផលិត​នៅ​ប្រទេស​កម្ពុជា​បាន​ទទួល​បរាជ័យ ប្រទេស​កម្ពុជា​នឹង​ត្រូវ​នាំចូល​រថយន្ត​អគ្គិសនី​ពី​អឺរ៉ុប អាស៊ី និង​សហរដ្ឋ​អាមេរិក​ជាដើម​។ ដូច្នេះ ការដាក់​កម្រិតស្តង់ដា​មុខ​ខ្សែ​បញ្ចូល​អគ្គិសនី​ មាន​សារៈសំខាន់​ណាស់ ដើម្បី​បង្កើន​ភាពងាយស្រួល​ នឹង​ជៀសវាង​ភាពស្មុគស្មាញ​ដល់​អ្នកប្រើប្រាស់​។

រថយន្ត​អគ្គិសនី​របស់​ក្រុមហ៊ុន​ MG និង​ក្រុមហ៊ុន​ Jaguar ​ដែល​បាន​ដាក់លក់​ក្នុង​ទីផ្សារ​ប្រទេស​កម្ពុជា​ប្រើប្រាស់​មុខខ្សែ​ Type2CCS​។ ​រីឯ​ក្រុមហ៊ុន​ Tesla នៅ​កម្ពុជា​ប្រើប្រាស់​ស្តង់ដា​ GB/T ​របស់​ប្រទេស​ចិន​។

នាពេល​ខាងមុខ​នេះ ​រថយន្ដ​អគ្គិសនី​មកពី​ប្រទេស​ចិន ​នឹង​មកដល់​ប្រទេស​កម្ពុជា​ហើយ​ប្រាកដជា​ភ្ជាប់​មក​ជាមួយ​នឹង​ស្តង់ដា​ GB/T ​ដែរ​។

ក្នុង​ការជ្រើសរើស​ស្តង់ដា​មុខ​ខ្សែ​ប្រភេទ​ GB/T​ ប្រហែល​ជា​ជម្រើស​ល្អ​ជាងគេ​សម្រាប់​ប្រទេស​កម្ពុជា​។ ​ដោយសារ​តែ​រថយន្ត​អគ្គិសនី​ របស់​ក្រុមហ៊ុន​សហរដ្ឋអាមេរិក និង​អឺរ៉ុប​ចាប់ផ្ដើម​ប្រដាប់​ដោយ​មុខ​ខ្សែ​ GB/T ​រួចមកហើយ​។ ​លើសពីនេះ​ការ​នាំចូល​រថយន្ត​អគ្គិសនី ​ផលិត​នៅ​ប្រទេស​ចិន​ប្រាកដ​ជា​ប្រដាប់​ដោយ​មុខ​ខ្សែ​ប្រភេទ​ GB/T ​ទាំងអស់​។

ដំណោះស្រាយ​កាកសំណល់​ថ្ម និង​អាគុយ​រថយន្ត​អគ្គិសនី
ដើម្បី​ត្រៀមខ្លួន ​ក្នុងការ​ដាក់ឱ្យ​ប្រើប្រាស់​រថយន្ត​អគ្គិសនី​ឱ្យ​ទូលំទូលាយ បញ្ហា​កាកសំណល់​ថ្ម និង​អាគុយ ​ក៏​ជា​កត្តា​ប្រឈម​មួយ​ដែល​កម្ពុជា​ត្រូវ​គិតគូរ​។ បើ​គ្មាន​ដំណោះស្រាយ​ ចំពោះ​បញ្ហា​សំណល់​ខាងលើនេះ​ទេ នោះ បញ្ហា​បរិស្ថាន​បណ្ដាលមកពី​កាកសំណល់​ថ្ម និង​អាគុយ​នឹង​បង្ក​ទៅជា​ការបំពុល​វិញ​។

ប្រទេស​ចិន ​ដែលជា​ទីផ្សារ​រថយន្ត​អគ្គិសនី​ច្រើន​បំផុត ​ត្រូវ​ប្រឈមមុខ​ដោះស្រាយ​កាកសំណល់​ថ្ម​ជាង ២០០ ០០០ តោន​ក្នុង​ឆ្នាំ​ ២០២០​។ ​អាស្រ័យ​​ហេតុនេះ​នៅ​ឆ្នាំ​ ២០១៨ ក្រសួង​ឧស្សាហកម្ម និង​ទូរគមនាគមន៍​នៃ​ប្រទេស​ចិន ​បានអនុម័ត​គោលនយោបាយ​ដោះស្រាយ​ កាកសំណល់​ថ្ម​ដែល​ពឹង​ផ្អែកលើ​ទ្រឹស្ដី EPR ឬ​ការទទួល​ខុសត្រូវ​បន្ថែម​លើ​អ្នក​ផលិត​។ គោលដៅ​របស់ EPR គឺ​ដើម្បី​រុញ​កាតព្វកិច្ច​កែច្នៃ​ថ្ម​ឡើងវិញ​ ទៅលើ​ក្រុមហ៊ុន​ផលិត​រថយន្ត​អគ្គិសនី និង​​ក្រុមហ៊ុន​ផលិត​ថ្ម​។ ការបង្កើត​ច្បាប់​បែបនេះ ​នឹង​ជំរុញ​ឱ្យ​ក្រុមហ៊ុន​ផលិត​ថ្ម​ ចាប់យក​ស្តង់ដា​បច្ចេកទេស​ផលិត​ថ្ម​មួយ​ ដែល​នាំឱ្យមាន​ភាពងាយស្រួល​ក្នុង​ការកែច្នៃ​វា​។

នៅក្រោម​គម្រោង​នេះ ក្រុមហ៊ុន​ផលិត​ថ្ម​នឹង​ប្រើប្រាស់​ស្តង់ដា ​បច្ចេកទេស​មួយ​សម្រាប់​ផលិត​ថ្ម ហើយ​ផ្ដល់ជំនួយ​បច្ចេកទេស​ ទៅដល់​ក្រុមហ៊ុន​ផលិត​រថយន្ត​អគ្គិសនី ដើម្បី​បំបែក និង​កែច្នៃ​ថ្មគោល​ឡើងវិញ​ដោយ​សុវត្ថិភាព​។
ជំនួយ​នេះ ​នឹង​បង្កើត​ភាពងាយស្រួល​ ក្នុង​ការរៀបចំ​បណ្ដាញ​ទទួលយក​ថ្ម​ចាស់ៗ និង​កែច្នៃ​វា​ឡើងវិញ​។

ប្រទេស​កម្ពុជា​គួរ​អនុវត្ត​គោលនយោបាយ ​ដែល​ប្រើប្រាស់​យុទ្ធសាស្ត្រ EPR ​ដែរ ដើម្បី​បង្កើត​បណ្ដាញ​ទទួលយក និង​កែច្នៃ​ថ្ម​ចាស់ៗ​វា​ឡើងវិញ​។

ក្រុមហ៊ុន​នាំចូល​រថយន្ដ​អគ្គិសនី​មក​ប្រទេស​កម្ពុជា ​គួរ​មាន​កាតព្វកិច្ច​រៀបចំ​សេវាកម្ម​ប្ដូរ​ថ្ម​ចាស់ៗ និង​យកទៅ​កែច្នៃ​ឡើងវិញ​។ លើសពីនេះ រាជរដ្ឋាភិបាល​គួរ​លើកទឹកចិត្ត​ជំរុញ ​ការបង្កើត​ក្រុមហ៊ុន​ផ្សេងៗ​ទៀត​ ដែលមាន​ជំនាញ​ក្នុង​ការកែច្នៃ​កាកសំណល់​ថ្ម និង​អាគុយ និង​កាកសំណល់​អេឡិចត្រូនិក​ជាដើម​។

នៅក្នុងពេល​ឆាប់ៗ​នេះ ​ប្រទេស​កម្ពុជា​ត្រូវ​ប្រឈមមុខ​នឹង​កាកសំណល់​ថ្ម និង​អាគុយ​ពី​ប្រភេទ​រថយន្ត​ Hybrid​ ជំនាន់​ដំបូង​ដែល​ត្រូវ​បញ្ចប់​ការប្រើប្រាស់ ហើយ​ជា​ប្រភេទ​រថយន្ត​មាន​ប្រជាប្រិយភាព​ខ្លាំងជាងគេ​នៅ​ប្រទេស​កម្ពុជា​។

ដូច្នេះ​វិបត្តិ​កាកសំណល់​ថ្ម និង​អាគុយ​គឺជា​បញ្ហា​បន្ទាន់​មួយ​ តែ​វា​ក៏​ជា​ឱកាស​មួយ​សម្រាប់​ចាប់ផ្ដើម​ទាញយក​បទពិសោធន៍ ​ក្នុង​ការរៀបចំ​ប្រព័ន្ធ​ប្រមូលយក និង​កែច្នៃ​សំណល់​ថ្ម និង​អាគុយ​ដែរ​។

ជម្រើស​មួយទៀត​ដែល​គួរតែ​ពិចារណា​មើល​គឺ​ថ្ម និង​អាគុយ​ចាស់​ដែល​នៅ​ដំណើរការ​អាចយ​កមក​ប្រើប្រាស់ ​ក្នុង​បណ្ដាញ​ផ្ទុក​ថាមពល​អគ្គិសនី​។ ​នៅក្នុង​ដំណើរការ​បែបនេះ ថ្ម​រថយន្ត​​ចាស់ៗ​អាច​បន្តជីវិត​ប្រើប្រាស់​បាន​ហើយ ជួយ​កាត់បន្ថយ​តម្រូវការ​កែច្នៃ​ផងដែរ​។ ក្រុមហ៊ុន B2U ផ្ដល់​សេវាកម្ម​ផ្ទុក​ថាមពល​អគ្គិសនី​នៅ​រដ្ឋ​កាលីហ្វ័រ​នីញ៉ា​។ ​

ក្រុមហ៊ុន​នេះ ​ប្រើប្រាស់​ថ្ម​ចាស់​ពី​រថយន្ត​អគ្គិសនី​ម៉ាក​ NissanLeaf ដើម្បី​ផ្ទុក​ថាមពល​អគ្គិសនី​នៅពេល​ផលិត​ងាយស្រួល ហើយ​លក់​ចេញ​ទៅវិញ​ពេល​មាន​តម្រូវការ​អគ្គិសនី​ខ្ពស់​។ ​ដោយសារតែ​តម្លៃ​ទាប​ក្នុង​ការទិញ​ថ្ម​ចាស់ៗ ​នឹង​ដំណើរការ​​គម្រោង​មាន​លក្ខណៈសាមញ្ញ គំរូ​អាជីវកម្ម​នេះ​ទទួលផល​ចំណេញ​ហើយ​មិនសូវ​ជួប​ហានិភ័យ​នោះទេ​។
ដំណោះស្រាយ​ដ៏​ឈ្លាសវៃ​នេះ​ ក៏​អាចជួយ​ប្រទេស​កម្ពុជា​ ដើម្បី​បំផ្លាស់​ទៅ​ការប្រើប្រាស់​ថាមពល​កកើត​ឡើងវិញ​ផងដែរ​។ វា​ជា​កត្តា​សំខាន់​មួយ ​ដើម្បី​កុំឱ្យ​រថយន្ត​អគ្គិសនី​បង្កើត​ឧស្ម័ន​កាបូន​ដោយ​ប្រយោល​។

សរុបសេចក្តី
រថយន្ត​អគ្គិសនី​ ជា​ក្ដីសង្ឃឹម​នៃ​បរិយាកាស​ស្ងប់ស្ងាត់ និង​ស្អាត​បរិសុទ្ធ​នាពេល​អនាគត​។ ​យ៉ាងណាមិញ ​ចំពោះ​ការប្រើប្រាស់ និង​ទ្រទ្រង់​រថយន្ត​អគ្គិសនី​ មាន​បញ្ហា​ប្រឈម​មួយចំនួន​ដែល​កម្ពុជា​ត្រូវ​គិតគូរ​ឱ្យ​បានល្អ​ជាមុនសិន​។

អំឡុង​ពេលដែល​រដ្ឋាភិបាល វិស័យ​ឯកជន និង​អ្នកប្រើប្រាស់​ព្យាយាម​ងាក​ទៅរក​រថយន្ត​អគ្គិសនី ពួកគាត់ ​គួរ​សិក្សា​ពី​បទ​ពិសោធ​របស់​ប្រទេស​ដទៃ​ផងដែរ ដើម្បី​ចៀសវាង​កំហុស​​ច្រំ​ដែល​។ ​ដើម្បីឱ្យ​រថយន្ត​អគ្គិសនី ​ក្លាយទៅជា​ជម្រើស​ប្រកបដោយ​និរន្តរភាព ប្រទេស​កម្ពុជា​គួរតែមាន​គំនិត​លើស​​ពី​គោលនយោបាយ​សាមញ្ញ​ទូទៅ​ និង​​រុករក​យុទ្ធសាស្ត្រ ដើម្បី​ចាប់ផ្ដើម​ទ្រទ្រង់​ និង​កែច្នៃ​។ ​មានតែ​ការគ្រោង​ទុកជាមុន​ឱ្យបាន​ហ្មត់ចត់​តែប៉ុណ្ណោះ ​ដែល​អាច​ចៀសវាង​ការ​ងាក​ចេញ ពី​ប្រភព​បំពុល​ទៅរក​ប្រភព​បំពុល​មួយទៀត​៕
សែស អរុណសក្ដា អ្នកស្រាវជ្រាវ​អង្គការ​វេទិកា​អនាគត៕

ដោយៈគង់ សូរិយា

ភ្នំពេញៈ ក្នុងចំណុចនៃយុទ្ឋសាស្រ្តទី៩ នៅក្នុងផែនការអភិវឌ្ឍន៍វិស័យទេសចរណ៍រយៈពេលវែងឆ្នាំ២០២១ ២០៣៥ នៅខេត្តមណ្ឌលគិរី រដ្ឋាភិបាលមានផែនការរៀបចំ ទីក្រុងសែនមនោរម្យគួរត្រូវបានសិក្សាអភិវឌ្ឍន៍ជាទីក្រុងឆ្លាតវៃ (Smart City) និងបញ្ចូលបច្ចេកវិទ្យាឆ្លាតវៃនានា។

នៅក្នុងផែនការទិសដៅយុទ្ឋសាស្រ្តនៃការតភ្ជាប់ រដ្ឋាភិបាលក៏បាននិយាយអំពីការតភ្ជាប់ ការសម្រួលការធ្វើដំណើរ និងការធ្វើសមាហរណកម្មក្នុងក្របខណ្ឌជាតិ និងតំបន់ ដែលត្រង់ចំណុចនេះមានពន្យល់បន្ថែមថា ការតភ្ជាប់ការធ្វើដំណើរនេះគឺមានមធ្យោបាយចំនួន៣ដូចជា៖

ទី១ ការតភ្ជាប់តាមផ្លូវអាកាស
ខណៈដែលបច្ចុប្បន្នរាជរដ្ឋាភិបាល កំពុងត្រៀមអនុវត្តន៍ការសាងសង់ព្រលានយន្តហោះខេត្តមណ្ឌលគិរី ដែលមិនត្រឹមតែតភ្ជាប់រវាងព្រលានយន្តហោះក្នុងប្រទេសប៉ុណ្ណោះទេ ថែមទាំងឈានទៅដល់ការតភ្ជាប់ជាមួយបណ្ដាប្រទេសជិតខាង ដូចជា វៀតណាម ឡាវ ថៃជាដើម។ តាមការបញ្ជាក់ពីរដ្ឋលេខាធិការដ្ឋានអាកាសចរណ៍ស៉ីវិល នឹងបញ្ចប់គម្រោងសាងសង់ព្រលានយន្តហោះនេះនៅចុងឆ្នាំ២០២៣។

ទី២ ក្រុងសែនមនោរម្យ ជាតំបន់ប្រមូលផ្ដុំទៅដោយសកម្មភាពពហុបំណង។ ទី៣ តំបន់ស្រុកអូររាំង ភ្ជាប់ជាមួយគម្រោងអភិវឌ្ឍព្រលានយន្តហោះខេត្តមណ្ឌលគិរី ដែលអាចអភិវឌ្ឍន៍ ទៅជាតំបន់រណបភ្ជាប់ជាមួយក្រុងសែនមនោរម្យ។

ទី៤ តំបន់ប្រជុំជននៃស្រុកកោះញែក មានសក្តានុពលក្នុងការរៀបចំអភិវឌ្ឍជាមណ្ឌលទេសចរណ៍ និងការតភ្ជាប់ផ្លូវទឹកនាពេលអនាគត។ ទី៥តំបន់តាមច្រកព្រំដែនទាំង៤ គឺច្រកទ្វារព្រំដែនទ្វេភាគីជឿមៀត ណាមលៀរ ដាក់ដាំ និងឡាប៉ាខេ ដែលអនុញ្ញាតឲ្យមានការអភិវឌ្ឍន៍ជាតំបន់ទេសចរណ៍សមាហរណពិសេស៕

ដោយៈគង់ សូរិយា

ភ្នំពេញៈ ជាដំណឹងដ៏រីករាយសម្រាប់ប្រជាពលរដ្ឋនានា ដែលតម្លៃប្រេងឥន្ឋនៈលក់រាយនៅតាមស្ថានីយ៍លក់ប្រេងនានា នឹងចុះថ្លៃថែមទៀតនៅថ្ងៃទី២០មេសានេះ។

លោក ប៉ែន សុវិជាតិ បានឱ្យដឹងកាលពីថ្ងៃទី១៩ មេសាថា តម្លៃប្រេងសាំងអាចនឹងចុះថ្លៃបន្តិច ដោយផ្អែកលើទីផ្សារអន្តរជាតិចុះតិចតួចដែរ។ លោកបញ្ជាក់ថា បើទីផ្សារប្រេងឥន្ធនៈ នៅប្រទេសសិង្ហបុរីចុះថ្លៃ នោះប្រេងលក់រាយនៅកម្ពុជា ក៏ចុះដូចគ្នា ព្រោះកម្ពុជានាំចូលប្រេងពីប្រទេសសិង្ហបុរី។

លោកបន្តថា គិតមកដល់ពេលនេះ តម្លៃនៅលើទីផ្សារអន្តរជាតិ មិនសូវជាមានការប្រែប្រួលខ្លាំងទេ បានន័យថាចុះដែរ តែមិនសូវមានការចុះខ្លាំងទេ។ ដូច្នេះមកដល់ពេលនេះ យើងកំពុងគិតគូថ្លៃលក់រាយឡើងវិញ ដោយយើងសង្ឃឹមថា អាចមានការចុះថ្លៃបន្តិច តែមិនច្រើនទេ។

លោកប៉ែន សុវិជាតិ បញ្ជាក់ថា រដ្ឋាភិបាលធ្វើយ៉ាងណា មិនឱ្យមានការខ្វះខាតប្រេង ក្នុងការប្រើប្រាស់ឡើយ។ ជាក់ស្តែងលោកបញ្ជាក់ថា ថ្ងៃពិធីបុណ្យចូលឆ្នាំខ្មែរ មានត្រូវការប្រេងខ្ពស់ ប៉ុន្តែប្រេងមិនខ្វះក្នុងការផ្គត់ផ្គង់នោះទេ។

បច្ចុប្បន្នលោកថា ក្រសួងពាណិជ្ជកម្ម និងក្រសួងសេដ្ឋកិច្ច កំពុងបន្តជជែកពិភាក្សាជាមួយវិស័យឯកជន អំពីវិធានការស្តុកប្រេង តាមអនុសា​សន៍របស់សម្តេចតេជោ ហ៊ុន សែន ដើម្បីសម្រួលស្ថានការ នៅពេលប្រេងឡើងថ្លៃ នៅថ្ងៃអនាគត។

ចាប់ពីថ្ងៃទី ១០-២០ ខែមេសា ប្រេងសាំងធម្មតាលក់ក្នុងតម្លៃ ១លីត្រ ៥០៥០រៀល ខណៈម៉ាស៊ូត៥១០០រៀល។ តម្លៃ នឹងមានការប្រកាសជាថ្មី នៅក្រោយថ្ងៃទី២០ ខែមេសា៕

ដោយៈសុខុម

សឹង្ហបុរី: ក្រុមហ៊ុនសឹង្ហបុរី Sunseap Group នឹងសាងសង់រោងចក្រថាមពលសូឡា និងរោងចក្រស្តុកថាមពលទ្រង់ទ្រាយធំនៅលើប្រជុំកោះឥណ្ឌូនេស៊ី Riau Islands ក្រោមអនុស្សរណៈនៃការយោគយល់គ្នា (MoU) ដែលបានចុះហត្ថលេខាជាមួយរដ្ឋបាលខេត្តនេះនៅថ្ងៃអង្គារ ទី១៩ ខែមេសា នេះ។

ក្រុមហ៊ុនខាងលើនេះ បានចេញសេចក្តីប្រកាសព័ត៌មានមួយថា “MOU  នេះគ្របដណ្តប់លើលទ្ធភាព ទទួលបានដីចំនួន៣.០០០ហិកតាសម្រាប់ក្រុមហ៊ុន Sunseap សាងសង់រោងចក្រថាមពលសូឡា និងប្រព័ន្ធស្តុកថាមពល (ESS)”។ ក្រុមហ៊ុននេះបានបន្ថែមទៀតថា រោងចក្រនេះនឹងផ្គត់ផ្គង់អគ្គិសនីដល់កោះ Riau Islands និងប្រទេសសិង្ហបុរី។

ក្រុមហ៊ុនដដែលនិយាយថា ខ្លួនបានធ្វើការស្ទង់មតិ ធ្វើផែនទីបង្ហាញទីតាំង ធ្វើប្លង់បច្ចេកទេសព្រមទាំងធ្វើការវិភាគ ពីផលប៉ះពាល់បរិស្ថាន និងសង្គមនៅលើកោះមួយចំនួន ក្នុងខេត្ត Riau Islands រួមទាំងកោះ Combol និងកោះ Citlim ផងដែរ។

លោក Frank Phuan សហស្ថាបនិក និងជានាយកប្រតិបត្តិការអាជីវកម្មនៃក្រុមហ៊ុន Sunseap ថ្លែងថា “គម្រោងទាំងនេះ នឹងផ្គត់ផ្គង់ថាមពលស្អាតតម្លៃធូរថ្លៃ ដល់សហគមន៍ជនជាតិឥណ្ឌូនេស៊ី ដែលនៅជុំវិញ និងប្រទេសសិង្ហបុរី ហើយអ្វីដែលសំខាន់ វានឹងជួយបង្កើតការងាររាប់ពាន់កន្លែង នៅក្នុងឧស្សាហកម្ម ដែលកំពុងរីកចម្រើនយ៉ាងឆាប់រហ័សសម្រាប់ខេត្ត Riau Islands”។

លោកបានធ្វើការកត់សម្គាល់ថា បច្ចុប្បន្នតម្លៃអគ្គិសនី នៅលើប្រជុំកោះនេះបានហក់ឡើងថ្លៃខ្ពស់ ដោយសារតែការផលិត និងការផ្គត់ផ្គង់អគ្គិសនីមានទ្រង់ទ្រាយតូច៕ CNA៕

By: Property Area Asia Staff

Phnom Penh: When you walk into The Bridge Mall, you would feel frightening. If you fear ghosts, you may be stunned by the tranquility of three stories high The Bridge Mall, which is located under the building of a 45-story “The Bridge” condo.

The three-story shopping mall is all closed except for the front store, which is rented and operated by most Chinese people, and on the west side is a cafe that has opened to this day.

The staff of Huawei Mobile Phone Shop, which is the only store that opened, told last week that the mall is unactive except for the front, and all the booths inside were closed a long time ago.

“Even the elevator has been closed for a long time and no one dares to go up because it is so dark,” she said, pointing to the elevator escort.

SOHO Residential and Commercial Building (Office Plus Condo) is a joint venture between World Bridge Land Group and Oxley Holding, a Singapore-based company with an investment of approximately US $ 300 million.

The supply of supermarkets in Phnom Penh has increased to about 800,000 square meters. This increase has increased competition as a result, some local standard supermarkets have closed, such as Savanna Mall, Paragon Mall, and City Mall partially closed while some markets have closed and are facing closure.

At the same time, the mall in The Bridge does not seem to have studied the clear standards and does not meet the needs of tastes and leisure standards enough to meet international standards.

Turning to the skyscraper project, which was delayed by more than a year, the 55-story The Peak project, which cost $ 550 million and was also invested by construction company The Bridge, is also resolving compensation issues for condo buyers, supermarket booths owners and office buyers in this project as well.

The Capital, Singapore’s international supermarket management company, withdrew from the project and was replaced by the family-run Blue Bell Group.

An international supermarket expert, who called himself Sunny, said that The Peak’s shopping malls may be difficult to succeed because of insufficient parking and the narrow front. The second reason is that the market stalls are sold to customers, which is difficult for the company to manage the mall because buyers want to be independent in setting up their booths.

Another new challenge for The Peak is that EAON Mall Group has been investing about $ 60 million to upgrade and expand its retail space at the nearby AEON Mall1.

Due to disputes with the construction company, The Peak project has been delayed for about two years, so far construction has been slow and may take longer, with the pace of preparation likely to be completed by the end of this year, if possible, postponed until 2023.
Neak Oknha Sea Rithy, CEO of World Bridge Land Group, said last year that The Peak project would be completed as planned, but as a result, did not go as planned.

Talking to the founder and CEO of Property Area Asia, Neak Oknha said that he did not need to speak to the local press because it would “lower his standards”.

“The international press is welcomed because it enhances his reputation but talking to local journalists is dragging down his image,” he said.

An Sothida, CEO of PropNex Cambodia, once said that investing in supermarkets pays off quickly, but investors need to modernize every three to five years to keep them up-to-date and attractive.

“However, nowadays the size of the supermarket has already exceeded the demand, which makes the size of the supply beyond what the market can absorb,” she said.

A veteran real estate expert, who asked not to be named, said that most supermarkets in Cambodia are substandard and that competition is increasing, so small or medium-sized supermarkets should focus on selling their exclusive products like clothes or electronics.