ដោយៈវឌ្ឍនៈ

ភ្នំពេញៈ បណ្ដាខេត្តមួយចំនួន នៃព្រះរាជាណាចក្រកម្ពុជាកំពុងក្លាយជាចំណាប់អារម្មណ៍ ដ៏ទាក់ទាញរបស់វិនិយោគិន ក្នុងការអភិវឌ្ឍលើវិស័យអចលនទ្រព្យ ក្នុងនោះខេត្តចំនួនពីរ ត្រូវបានរដ្ឋាភិបាលយកចិត្តទុកដាក់ក្នុងការអភិវឌ្ឍហេដ្ឋារចនាសម្ព័ន្ធ ដែលធ្វើឱ្យខេត្តទាំងពីរ កាន់តែមានសក្ដានុពល ក្នុងការទាក់ទាញវិនិយោគលើអចលនទ្រព្យកាន់តែខ្លាំង។

ខេត្តទាំងពីរ ដែលកំពុងតែបង្ហាញសាច់ដុំ ក្នុងការទាក់ទាញវិនិយោគិនបណ្ដាក់ទុនវិនិយោគនោះ យើងឃើញយ៉ាងច្បាស់ គឺខេត្តព្រះសីហនុ នៃតំបន់ឆ្នេររបស់កម្ពុជា និងខេត្តសៀមរាប នៃតំបន់ទេសចរណ៍វប្បធម៌ប្រវត្តិសាស្ត្ររបស់កម្ពុជា ហើយខេត្តទាំងពីរនេះ ត្រូវបានរាជរដ្ឋាភិបាលបោះទុនវិនិយោគរាប់រយលានដុល្លារអាមេរិក ក្នុងការកសាងហេដ្ឋារចនាសម្ព័ន្ធរាប់ខ្សែ ដើម្បីសម្រួលដល់ការវិនិយោគ និងសម្រួលដល់ការធ្វើដំណើររបស់វិនិយោគិនក្នុងការស្វែងរការវិនិយោគផងដែរ ។

លោកច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានមានប្រសាសន៍ឲ្យដឹងនារសៀលថ្ងៃទី៤ មេសានេះថា  ខេត្តទាំងពីរ គឺខេត្តសៀមរាប និងខេត្តព្រះសីហនុ សុទ្ធតែមានសក្ដានុពលក្នុងការទាក់ទាញការវិនិយោគ ប៉ុន្តែរវាងខេត្តទាំងពីរនេះ គឺខេត្តព្រះសីហនុចាត់ទុកជាខេត្តមួយមានការអភិវឌ្ឍរួចទៅហើយ និងជាខេត្តបណ្ដុំដោយឧស្សាហកម្ម សម្រាប់សៀមរាបជាខេត្តទេសចរណ៍ ដូច្នេះការទាក់ទាញការវិនិយោគក៏ទៅលើវិស័យទេសចរណ៍ដែរ ។

លោកបន្តថា  “អ្នកវិនិយោគដែលឆ្ពោះទៅកាន់ខេត្តព្រះសីហនុ គឺគាត់សម្លឹងមើលឃើញពីគោលដៅ វិនិយោគរបស់គាត់ត្រឹមត្រូវ គឺអាចជារោងចក្រឧស្សាហកម្ម ឃ្លាំងស្តុកទំនិញ ផែស្ងួតជាដើម ពីព្រោះខេត្តនេះមានកំពង់ផែទឹកជ្រៅមួយរបស់កម្ពុជា ហើយសៀមរាបវិញអ្នកវិនិយោគគឺអាចសង់សណ្ឋាគារ ផ្ទះសំណាក់សម្រាប់បម្រើដល់ភ្ញៀវទេសចរជាតិ និងអន្តរជាតិ”។

នៅព្រឹកថ្ងៃទី ៤ មេសា ២០២២នេះ សម្ដេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការនូវផ្លូវ៣៨ខ្សែ ក្នុងក្រុងសៀមរាបដែលជាសមិទ្ធផលដ៏ធំធេងមួយសម្រាប់កម្ពុជា ក៏ដូចជាខេត្តសៀមរាប ហើយសមិទ្ធផលនេះ នឹងក្លាយជាប្រយោជន៍ដល់កម្ពុជាទាំងមូល ជាពិសេសការស្រូបទាញទេសចរជាតិអន្តរជាតិ និងវិនិយោគិនចូលបណ្ដាក់ទុនបន្ថែមក្នុងខេត្តនេះ៕

ដោយៈ សុផារី

ភ្នំពេញៈ តម្លៃនៃអចលនទ្រព្យ នៅក្នុងរាជធានីភ្នំពេញ ជាយក្រុងភ្នំពេញ និងខេត្តសំខាន់ៗមានការកើនឡើងយ៉ាងខ្លាំង នៅក្នុងរយៈពេលប៉ុន្មានឆ្នាំចុងក្រោយនេះ។ ខណៈពេលដូចគ្នា មានបណ្តាខេត្តមួយចំនួនមានភាពស្ងប់ស្ងាត់ហើយតម្លៃនៃ អចលនទ្រព្យក៏មិនមនាការកើនឡើងខ្ពស់ផងដែរ។

តើមូលហេតុអ្វីបានជាបណ្តាលឱ្យតម្លៃ នៃអចលនទ្រព្យនៅក្នុងតំបន់មួយមានតម្លៃកើនឡើងខុសៗគ្នាបែបនេះ?

លោក វ៉ា វីរៈ គ្រូបង្វឹកប្រចាំក្រុមហ៊ុនCentury21 Zillion Holding និងជាអ្នកជំនាញអចលនទ្រព្យអន្តរជាតិ (CPIS) បានពន្យល់ថា មានកត្តាធំៗចំនួនបី ដែលជម្រុញឱ្យតម្លៃនៃអចនទ្រព្យ មានការកើនឡើងខ្ពស់នាពេលបច្ចុប្បន្ននេះ។ កត្តាទាំងនោះមានដូចជា តម្រូវការនៃការសាងសង់ កំណើនប្រជាជន និងកត្តាហេដ្ឋរចនាសម្ព័ន្ធ។

កត្តាទី១ គឺតម្រូវការនៅក្នុងការសាងសង់អគារច្រើន បម្រើឱ្យវិស័យនានា។ ការកើនឡើងខ្លាំង នៃតម្លៃអចលនទ្រព្យ អាស្រ័យនឹងតម្រូវការនៅក្នុងទីផ្សារនៃវិស័យនេះ។ កាលណាមានតម្រូវការ នោះនឹងធ្វើឱ្យអចលនទ្រព្យមានការចង់បានខ្ពស់ ហើយជម្រុញឱ្យតម្លៃនៃអចលនវត្ថុ មានការកើនឡើងខ្ពស់។ តម្រូវការនៃអចលនទ្រព្យបច្ចុប្បន្ន មានលើវិស័យអាជីវកម្ម ពាណិជ្ជកម្ម។

កត្តាទី២ គឺកំណើនប្រជាជននៅក្នុងតំបន់នោះ ដោយកាលណាមានប្រជាជនចូលទៅរស់នៅ ក្នុងតំបន់នាមួយច្រើន នោះតម្លៃនៃដីធ្លីនិងតម្រូវការក៏មានកំណើនផងដែរ។ ដីធ្លីនៅក្នុងរាជធានីភ្នំពេញ ជាយរាជធានីភ្នំពេញ នៅតាមបណ្តាខេត្តជុំវិញ និងបណ្តាខេត្តធំៗ មានការកើនឡើងដោយសារប្រជាជនចូលមករស់នៅ បណ្តាលឱ្យមានតម្រូវការ ក្នុងការកសាងអាគារខ្ពស់ៗ លំនៅដ្ឋាន រោងចក្រ ឃ្លាំង ភោជនីយដ្ឋាន ជាដើម។

កត្តាដែលសំខាន់មួយទៀតនោះគឺ ហេដ្ឋារចនាសម្ព័ន្ធផ្លូវថ្នល់នានា ហេដ្ឋារចនាសម្ព័ន្ធ ក៏ជាកត្តាជម្រុញឱ្យតម្លៃអចលនទ្រព្យ នៅក្នុងតំបន់មួយឱ្យមានការកើនឡើងខ្លាំងផងដែរ។

លោកវ៉ា វីរៈបានបន្តថា “អចលនទ្រព្យនៅក្នុងប្រទេសកម្ពុជានាពេលបច្ចុប្បន្ននេះមានការកើនឡើងខ្លាំង ដោយលោកសង្គេតឃើញថា ក្នុងតំបន់ខ្លះ តម្លៃនៃអចលនទ្រព្យមានការកើនឡើងប្រហែល២០ ទៅ៣០ភាគរយក្នុងមួយឆ្នាំឯណោះ ឬ តំបន់ខ្លះទៀតអាចកើនឡើងខ្ពស់ជាងនេះទៅទៀត”។

ជាក់ស្តែង តម្លៃដីធ្លីនៅក្នុងក្រុងភ្នំពេញ នៅខណ្ឌសែនសុខ ដែលគ្រួសារលោកបានទិញ កាលពីកំឡុងឆ្នាំ២០០៨ បានកើនឡើងជាង២២ដងគិតរហូតមកដល់ពេលនេះ៕

On the morning of Sunday, April 3, 2022, Cambodian Heng Sin Real Estate Co., Ltd. held a grand opening ceremony of its new office located opposite Makro Mall to meet the demand for real estate services as well as the economic growth.

Cambodian Heng Xin Real Estate Co., Ltd. is a professional real estate agent company that focuses on project sales. Currently, the company also has some of exclusive projects on hand for Sales.

As a vison of the company, besides providing the professional real estate agent, Heng Xin will develop itself into a project developer in the future.

Mr. LIM Ravuth, Sales and Marketing Director of Cambodian Heng Xin Real Estate Co.,Ltd, said that the company’s mission is to help to reinforce the real estate sector by improving the quality of the real estate agents to become professional and efficiency.

He added that the reason why the company decided to choose this location is because he can see the potential of Sen Sok district. Many Development projects are decided to develop in Sen Sok District, such as Makro Mall, Aeon Mall 2 and Borey Prince.

Ms. Oum Chhom Charya, Channel Director of Cambodian Heng Xin, said that currently Heng Xin has many big projects in hand, at the same time, we also have some exclusive projects and most of the project are easy to sell due to the unique selling point of the project itself likes location, price and return on the investment.

Therefore, Heng Xin is looking for partners who can bring these benefits and good opportunities to customers. As for partners, we do not care whether they are professional agents or freelancer, it’s depending on their commitment to join us.

Charya added, talk about the benefits that Heng Xin will provide to partners, I dare to guarantee that we are the highest in the current market, both commission and other benefits. The more special is that the commission, they will get the commission fast no need to wait the customer paid the full amount or need to wait the commission from the Developers, Heng Xin can pay in advance.

Joining with Cambodian Heng Xin Real Estate, we have a strong and experiences key members in Real Estate sector waiting to provide the real estate training and skills for our partners to company professional agents.

ដោយ៖ សុផារី

ភ្នំពេញ៖ ក្រុមហ៊ុន ខេមបូឌាន ហេងស៊ីន រៀលអ៊ីស្ទត បានបង្ហាញចក្ខុវិស័យរបស់ក្រុមហ៊ុន ក្នុងការផ្តល់សេវាកម្មអចលនទ្រព្យ និងគម្រោងប្រែក្លាយខ្លួនទៅជាអ្នកអភិវឌ្ឍន៍គម្រោងនាថ្ងៃអនាគត។

កាលពីថ្ងៃទី០៣ ខែមេសា ឆ្នាំ២០២២នេះ ក្រុមហ៊ុន ខេមបូឌាន ហេងស៊ីន រៀលអ៊ីស្ទត ដែលជាក្រុមហ៊ុនបំរើការលើសេវាកម្ម អចលនទ្រព្យ ដែលផ្តោតសំខាន់ទៅលើការលក់គម្រោង បច្ចុប្បន្នក្រុមហ៊ុនក៏ទទួលបានគម្រោងមួយចំនួនលក់ផ្តាច់មុខផងដែរនោះ បានរៀបចំកម្មពិធីបើកសម្ពោធការិយាល័យថ្មី ដែលមានទីតាំងនៅទល់មុននឹងផ្សារម៉ាក្រូ ដើម្បីឆ្លើយតបនឹងតម្រូវការលើសេវាកម្មអចលនទ្រព្យ ក៏ដូចជាការងើបឡើងរបស់សេដ្ឋកិច្ចនៅកម្ពុជា។

លោក លឹម រ៉ាវុធ អគ្គនាយកផ្នែកលក់ និងទីផ្សាររបស់ក្រុមហ៊ុន ខេមបូឌាន ហេងស៊ីន រៀលអ៊ីស្ទេត លោកលើកឡើងថា បេសកកម្មចំបងរបស់ក្រុមហ៊ុន គឺយើងនឹងជួយពង្រឹងវិស័យអចលនទ្រព្យអោយរីកចម្រើន តាមរយៈការពង្រឹងគុណភាពរបស់ភ្នាក់ងារអចលនទ្រព្យអោយការមានប្រសិទ្ធិភាព ប្រកបដោយវិជ្ជាជីវៈ។

លោកបន្តលើកឡើងថា មូលហេតុដែលក្រុមហ៊ុនសំរេចជ្រើសយកទីតាំងនេះ ដោយសារលោកបានសម្លឹងឃើញពីសក្តានុពលរបស់ខណ្ឌសែនសុខ។ គម្រោងធំៗជាច្រើនបានបញ្ចប់នឹងកំពុងដំណើរការនៅក្នុងតំបន់ខណ្ឌសែនសុខ ដូចជាផ្សារម៉ាក្រូ ផ្សារទំនើប អ៊ីអន២ គម្រោងបុរីព្រីន ជាដើម។

កញ្ញា អ៊ុ ឆោមចរិយា នាយកផ្នែកបណ្តាញអតិថិជន បង្ហើបប្រាប់ថា បច្ចុប្បន្ននេះក្រុមហ៊ុន ហេងស៊ីន កំពុងមានគម្រោងធំៗជាច្រើននៅក្នុងដៃ ស្របពេលគ្នានេះដែរពួកយើងក៏មានគម្រោងផ្តាច់មុខមួយចំនួនផងដែរ ហើយគម្រោងទាំងអស់នេះសុទ្ធសឹងជាគម្រោង ដែលងាយលក់ដោយសារតែសក្តានុពលរបស់គម្រោងផ្ទាល់ ទៅលើទីតាំង តម្លៃ និងអត្ថប្រយោជន៍ជូនដល់អតិថិជន។

កញ្ញា បន្តថា ដូច្នេះហើយក្រុមហ៊ុន ហេងស៊ីន កំពុងតែស្វែងរកដៃគូសហការដែលអាចនាំគុណប្រយោជន៍ និងឱកាសល្អៗទាំងនេះទៅដល់អតិថិជនបាន។ ចំពោះដៃគូសហការ គឺពួកយើងមិនប្រកាន់ថាតើពួកគាត់ជាភ្នាក់ងារស្រាប់ ឬជាអ្នកលក់ឯករាជ្យនោះឡើយ សំខាន់គឺទឹកចិត្តរបស់ពួកគាត់ដែលចង់ចូលរួមជាមួយពួកយើង។

កញ្ញាបាននិយាយថា “ងាកមកមើលអត្ថប្រយោជន៍ដែល ក្រុមហ៊ុន ហេងស៊ីននឹងផ្តល់អោយដៃគូសហការ ខ្ញុំហ៊ានធានាថាខ្ពស់ជាងគេក្នុងទីផ្សារបច្ចុប្បន្ន ទាំងកម្រៃជើងសារ ទាំងអត្ថប្រយោជន៍ផ្សេងៗទៀត។ អ្វីដែលពិសេសជាងនេះ នោះគឺកម្រៃជើងសារ ពួកគាត់នឹងទទួលបានតួលេខសរុបតែម្តងនៅពេលដែលអតិថិជនបំពេញកិច្ចសន្យារួចរាល់ ដោយមិនចាំបាច់រង់ចាំដល់អតិថិជនបង់លុយអស់នោះទេ”។

កញ្ញាបន្ថែមថា “ចូលរួមជាមួយ ក្រុមហ៊ុន ហេងស៊ីន ពួកយើងមានបុគ្គលខ្លាំងៗនៅក្នុងវិស័យនេះ រង់ចាំបំពាក់បំប៉ននូវចំណេះដឹងទីផ្សារអចលនទ្រព្យ ព្រមទាំងជំនាញសំខាន់ៗដើម្បីអោយដៃគូរសហការក្លាយជាអ្នកជំនាញកំពូលជាងមុនទៀតក្នុងវិស័យអចលទ្រព្យតែម្តង”៕