ដោយៈវិវឌ្ឍន៍

       កោះកុងៈ អភិបាលខេត្តកោះកុង លោកជំទាវភូថង មិថុនាបានបង្កើតក្រុមការងារ ពិសេសមួយដើម្បីទប់ស្កាត់ និងបង្រ្កាបការរំលោភដីធ្លីខុសច្បាប់ក្នុងតំបន់ការពារធម្មជាតិជាង១២ម៉ឺនហិកតា និងតំបន់គម្របព្រៃទំហំ ២ម៉ឺនហិកតា នៅខេត្តកោះកុង។

យោងតាមសេចក្តីសម្រេចចុះថ្ងៃទី៤ ខែមីនាកន្លងមកបានឲ្យដឹងថា ក្រុមការងារនេះ បង្កើតឡើងដើម្បីបង្កើនប្រសិទ្ធភាពអនុវត្តច្បាប់ ទប់ស្កាត់ និងបង្ក្រាបបទល្មើស កាប់រានទន្រ្ទានយកដីរដ្ឋខុសច្បាប់ ក្នុងតំបន់ការងារអនុក្រឹត្យលេខ៣០ អនក្រ.បក អនុក្រឹត្យលេខ៤៦ អនក្រ.បក និងដីរដ្ឋរបស់ខេត្ត។

ដីស្ថិតនៅតំបន់ការពារធនធានធម្មជាតិទាំងនោះ មួយចំណែកត្រូវបានរដ្ឋបាលខេត្តកោះកុង ចុះកិច្ចព្រមព្រៀងជាមួយក្រសួងបរិស្ថាន សម្រា​ប់រក្សាទុកជាគម្រោងរេដបូក តំបន់ជួរភ្នំក្រវាញខាងត្បូង និងមួយចំណែកទៀតត្រូវរក្សាទុកជាទ្រព្យសម្បត្តិឯកជនរបស់រដ្ឋ។

ក្រុមការងារនេះ ដឹកនាំដោយលោកជំទាវ មិថុនា ភូថង អភិបាលខេត្តកោះកុង និងមានសមភាពមន្ទីរពាក់ព័ន្ធ អង្គភាពកងកម្លាំងមានសមត្ថកិច្ច និងចៅសង្កាត់ និងមេឃុំ។

តាមសេចក្តីជូនដំណឹងដដែលបានឲ្យដឹងថា ក្រុមការងារ នឹងចាប់ផ្ដើមចុះល្បាត ទប់ស្កាត់ និងបង្រ្កាបបទល្មើសជាក់ស្តែង និងកសាងសំណុំរឿងទៅតុលាការ ក្នុងករណីចាប់បានបទល្មើស៕

ដោយៈគង់ សូរិយា

ភ្នំពេញៈ លោកអភិបាលរាជធានីភ្នំពេញបានបញ្ជាក់ថា គិតត្រឹមដើមឆ្នាំ២០២២នេះនៅរាជធានីភ្នំពេញ មានសំណង់បុរី និងបណ្ដុំផ្ទះល្វែងជាង ៣០០កន្លែង អគារខ្ពស់ៗជាង១៦០០អគារ និងមានគម្រោងសង់ថ្មីជាង ១ពាន់គម្រោង ដែលគិតជាទឹកប្រាក់សរុប មានតម្លៃចំនួនប្រមាណជាង ២,២៦ ពាន់លានដុល្លាអាមេរិក។

មានប្រសាសន៍នៅក្នុងពិធី បើកការដា្ឋនសាងសង់ និងបើកលក់ជាផ្លូវការលំនៅឋាន-ដីឡូត៍មួយ នាព្រឹកថ្ងៃទី១០ ខែមីនា ឆ្នាំ២០២២នេះ លោក ឃួង ស្រេង អភិបាលនៃគណ:អភិបាលរាជធានីភ្នំពេញ បានឲ្យដឹងថា ដោយសារវឌ្ឍនភាព ក៏ដូចជានិន្នាការជាវិជ្ជមាន កំណើនសេដ្ឋកិច្ចកម្ពុជាត្រូវបានប៉ាន់ស្មានថា នឹងបន្តងើបឡើងវិញនាបណ្ដាឆ្នាំខាងមុខយ៉ាងឆាប់រហ័ស ស្របតាមការកើនឡើងនូវតម្រូវការសកល និងទំនុកចិត្តរបស់វិនិយោគគិនទាំងក្នុងស្រុក និងបរទេស ដែលជាសក្តានុពលដ៏ធំសម្រាប់ការវិនិយោគក្នុងវិស័យអចលនទ្រព្យ ជាពិសេស អគារពាណិជ្ជកម្ម សណ្ឋាគារៈសំណង់បុរី ដីឡូតិ៍ អគារស្នាក់នៅរួម និងខុនដូទំនើបៗ។

ជាពិសេសទោះបីជាស្ថិត ក្នុងបរិបទកូវីដ១៩យ៉ាងណាក៏ដោយ គិតត្រឹមដើមឆ្នាំនេះ នៅរាជធានីភ្នំពេញមានសំណង់បុរី និងបណ្ដុំផ្ទះល្វែងចំនួន ៣១០កន្លែង និង អគារខ្ពស់ៗចំនួន១.៦០៣អគារ ក្នុងនោះអគារកម្ពស់ចាប់ពី ២០ជាន់ឡើងទៅមានចំនួន ២២៥អគារ ខណៈឆ្នាំ២០២១ កន្លងទៅ កម្ពុជាទទួលបានគម្រោងសាងសង់ថ្មីៗពីវិស័យឯកជនចំនួន ១.០៥០គម្រោង លើផ្ទៃក្រឡាសំណង់សរុបជាង៤,៦៣ លានម៉ែត្រក្រឡា។ បន្ថែមទៀត ធ្វើឲ្យរាជធានីភ្នំពេញ កាន់តែមានភាពស្រស់បំព្រង មិនចាញ់បណ្តាទីក្រុងនៃប្រទេសក្បែរខាង និងក្នុងតំបន់អាស៊ានឡើយ។

លោកឃួង ស្រេងបានបន្តថា “ការបណ្តាក់ទុនវិនិយោគក្នុងវិស័យមួយនេះនៅរាជធានីភ្នំពេញ ពិតជាបានឆ្លុះបញ្ចាំងឱ្យឃើញ នូវភាពជោគ​ជ័យថ្មីមួយទៀត នៃការអនុវត្តកម្មវិធីនយោបាយ និងយុទ្ធសាស្ត្រចតុកោណ ដំណាក់កាលទី៤ របស់រាជរដ្ឋាភិបាល ក្នុងការខិតខំទាក់ទាញការវិនិយោគទាំងក្នុងនិងក្រៅប្រទេស ជាពិសេសគឺការខិតខំបង្កើនជំនឿជឿជាក់ជូនដល់ពាណិជ្ជករ វិនិយោគិន និងធុរជន ដើម្បីបណ្តាក់ទុនធ្វើអាជីវកម្មនៅកម្ពុជា សំដៅរួមចំណែកជំរុញឱ្យមានកំណើនសេដ្ឋកិច្ច បង្កើតការងារ កាត់បន្ថយភាពក្រីក និងអភិវឌ្ឍរាជធានីភ្នំពេញឱ្យកាន់តែរីកចម្រើនបន្ថែមទៀត។

ជាមួយគ្នានេះ លោកស្រី អ៊ាន អេឡែន នាយិកាគម្រោង តាមោកស៊ីធឺលែន បានមានប្រសាសន៍ថា គម្រោងនេះ មានផ្ទៃដីចំនួន៤៤ហិកតា ជាប់ផ្លូវ៦០ម៉ែត្រ និងមហាវិថីឈ្នះឈ្នះ មានចំងាយពីស្ពានព្រែកព្នៅ ៤គីឡូម៉ែត្រ។ លោកស្រីបានបន្តថា ដើម្បីរួមចំណែកក្នុងការអភិវឌ្ឍវិស័យអចលនទ្រព្យនៅកម្ពុជាឲ្យកាន់តែរីកចម្រើន គម្រោងលំនៅដ្ឋាន និងដីឡូតិ៍តាមោក ស៊ីធីឡេនដែលមានផ្ទៃដីជាង ២៤ហិកតា ត្រូវបានចាប់ផ្ដើមដំណើរការសាងសង់ និងលក់ជូនអតិថិជនហើយ ជាទីតាំងដែលមានសក្តានុពលខ្ពស់ ធំទូលាយ បរិយាកាសល្អ ងាយស្រួលក្នុងការរស់នៅ និងប្រកបអាជីវកម្មផ្សេងៗ។

លោកស្រីបន្ថែមថា ការបើកដំណើរការសាងសង់គម្រោងនេះ គឺក្នុងគោលបំណង ដើម្បីរួមចំណែកអភិវឌ្ឍន៍មូលដ្ឋាននេះ ឲ្យកាន់តែរីកចម្រើន ក៏ដូចជា រួមចំណែកអភិវឌ្ឍន៍វិស័យអចលនទ្រព្យនៅកម្ពុជា ឲ្យកាន់តែសម្បូរបែប ស្របពេលដែលកម្ពុជាកំពុងឋិត ក្នុងដំណាក់កាលមានសុខសន្តិភាពពេញលេញ ស្ថិរភាពនយោបាយ សន្តិសុខសណ្ដាប់ធ្នាប់ល្អប្រសើរក្រោមការដឹកនាំដ៏ឆ្នើម និងឈ្លាសវៃបំផុតរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា៕

McDonald’s and Starbucks are shutting their restaurants and cafes in Russia, and Coca-Cola is suspending its operations there in response to Russia’s invasion of Ukraine. PepsiCo is also pulling some products from the country.

McDonald’s has decided to temporarily close all our restaurants in Russia and pause all operations in the market,” CEO Chris Kempczinski said in a statement Tuesday.

There were 847 locations of McDonald’s in Russia at the close of last year, according to an investor document.

Globally, most McDonald’s locations are operated by franchise operators. Russia’s restaurants, along with another 108 in Ukraine, all operated by McDonald’s, accounted for 9% of the company’s revenue in 2021, according to the document.

“In Russia, we employ 62,000 people who have poured their heart and soul into our McDonald’s brand to serve their communities. We work with hundreds of local, Russian suppliers and partners who produce the food for our menu and support our brand,” Kempczinski said. “And we serve millions of Russian customers each day who count on McDonald’s. In the thirty-plus years that McDonald’s has operated in Russia, we’ve become an essential part of the 850 communities in which we operate.”

But, he added, “at the same time, our values mean we cannot ignore the needless human suffering unfolding in Ukraine.”

Source: CNN

ដោយ: ម៉ាលីស

អន្តរជាតិ: ក្រុមហ៊ុនអាហាររហ័សទាន់ចិត្តដ៏ធំលើពិភពលោក រាប់ចាប់ពីMcDonald’s និង Starbucks កំពុងបិទហាងរបស់ពួកគេនៅក្នុងប្រទេសរុស្ស៊ី ហើយក្រុមហ៊ុន Coca-Cola កំពុងផ្អាកប្រតិបត្តិការរបស់ខ្លួននៅទីនោះដែរ ដើម្បីឆ្លើយតបទៅនឹងការឈ្លានពានរបស់រុស្ស៊ី លើអ៊ុយក្រែន ខណៈក្រុមហ៊ុន PepsiCo ក៏បានទាញខ្លួនចេញពីប្រទេសនេះផងដែរ។

ក្រុមហ៊ុន“McDonald’s បានសម្រេចចិត្តបិទហាងទាំងអស់របស់ខ្លួនជាបណ្ដោះអាសន្ន នៅក្នុងប្រទេសរុស្ស៊ី និងផ្អាកប្រតិបត្តិការទាំងអស់នៅក្នុងទីផ្សារ” លោក Chris Kempczinski នាយកប្រតិបត្តិបាននិយាយនៅក្នុងសេចក្តីថ្លែងការណ៍មួយកាលពីថ្ងៃអង្គារ។

យោងតាមឯកសារនៃវិនិយោគិនបានឱ្យដឹងថា  ចំនួន McDonald’s មានទីតាំងចំនួន៨៤៧ នៅក្នុងប្រទេសរុស្ស៊ីកាលពីឆ្នាំទៅ។

ឯកសារដដែលបានឱ្យដឹងថា ភោជនីយដ្ឋាននៅរុស្ស៊ី រួមជាមួយនឹងភោជនីយដ្ឋានចំនួន១០៨ ផ្សេងទៀតនៅក្នុងប្រទេសអ៊ុយក្រែន ដែលជា ហ្រេ្វនឆាយ របស់McDonald’s មានទំហំ៩% នៃប្រាក់ចំណូលរបស់ក្រុមហ៊ុនក្នុងឆ្នាំ២០២១។

លោក Kempczinski បាននិយាយថា នៅក្នុងប្រទេសរុស្ស៊ី យើងមានបុគ្គលិកចំនួន៦២,០០០នាក់ ដែលបានប្រើបេះដូង និងព្រលឹងរបស់ពួកគេទៅក្នុងប្រេន McDonald’s  ដើម្បីបម្រើសហគមន៍របស់ពួកគេ យើងធ្វើការជាមួយអ្នកផ្គត់ផ្គង់ក្នុងស្រុករបស់រុស្សី និងដៃគូរាប់រយនាក់ ដែលផលិតអាហារសម្រាប់មុខម្ហូបគាំទ្រ ម៉ាកយីហោរបស់យើង ហើយយើងបម្រើអតិថិជនរុស្ស៊ីរាប់លាននាក់ជារៀងរាល់ថ្ងៃ តាមរយៈMcDonald’s ក្នុងរយៈពេលសាមសិបឆ្នាំប្លាយ ដែលMcDonald’s បានដំណើរការនៅក្នុងប្រទេ​សរុស្ស៊ី យើងបានក្លាយជាផ្នែកសំខាន់មួយ នៃសហគមន៍ចំនួន៨៥០កន្លែង ដែលកំពុងដំណើរការ។

លោកបានបន្ថែមថា “ដោយសារគុណតម្លៃរបស់យើង ដូចនេះក្នុងពេលជាមួយគ្នា យើងមិនអាចព្រងើយកន្តើយ ចំពោះទុក្ខវេទនារបស់មនុស្សជាតិដែលមានភាពខ្វះខាត កំពុងកើតមាននៅក្នុងប្រទេសអ៊ុយក្រែននោះទេ”៕ ប្រភព: CNN៕

ដោយ៖ សុផារី

ក្រុងព្រះសីហនុ៖ សម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃ កាលពីថ្ងៃទី០៩ ខែមីនា ឆ្នាំ២០២២ ស្នើឱ្យយកចិត្តទុកដាក់កែលម្អមុខមាត់ខេត្តព្រះសីហនុឡើងវិញ លើបញ្ហាសណ្តាប់ធ្នាប់ និងសន្តិសុខ ដើម្បីជម្រុញទំនុកចិត្តរបស់អ្នកវិនិយោគឡើងវិញ។

សម្តេចក្រឡាហោមបានមានប្រសាសន៍ថា កន្លងមកខេត្តព្រះសីហនុជាប់ឈ្មោះមិនល្អរឿងអសន្តិសុខ បទល្មើសឧក្រិដ្ឋនៅកើតមាន និងមានការលើកឡើងពីការបង្កភាពរញ៉េរញ៉ៃរបស់ជនជាតិចិន ធ្វើបាក់មុខមាត់ខេត្ត ជះឥទ្ធិពលមិនល្អដល់កិត្យានុភាពរបស់ខេត្ត អ្នកវិនិយោគមានការរារែកចិត្ត។

សម្តេចក្រឡាហោមបានមានប្រសាសន៍ថា “តើយើងត្រូវកែមុខមាត់ក្រុងព្រះសីហនុយ៉ាងដូចម្តេច? ទី១ កន្លងមកមានការចោទប្រកាន់ថា វត្តមានរបស់ជនជាតិចិននៅក្នុងក្រុងព្រះសីហនុបានរារាំងការវិនិយោគពីបណ្តាប្រទេសផ្សេងទៀត ដូចជា ប្រទេសជប៉ុន កូរ៉េ បណ្តាប្រទេសអាស៊ាន និងលោកខាងលិចជាដើម”។

សម្តេចក្រឡាហោមបានបន្តថា “យើងត្រូវខិតខំប្រឹងប្រែងដោះស្រាយបញ្ហានេះជាមួយអ្នកពាក់ព័ន្ធ ក្នុងការកែលម្អមុខមាត់”។ សម្តេចក្រឡាហោមបានបន្តថា “កត្តាទី២ បញ្ហាសន្តិសុខសណ្តាប់ធ្នាប់សង្គម ដែលបានកើតឡើងកន្លងមក ដែលដោះស្រាយមិនទាន់បានទោះបីជាមានការបង្ក្រាបជាបន្តបន្ទាប់ក្តី”។

សម្តេចក្រឡាហោមស្នើឱ្យភាគីពាក់ព័ន្ធទាំងឡាយរួមគ្នាក្នុងការដោះស្រាយបញ្ហាទាំងនេះឱ្យបានជាមូលដ្ឋាន។

សម្តេចក្រឡាហោមបានបន្ថែមថា រូបភាពនៃបទឧក្រិដ្ឋទាំងនោះធ្វើឱ្យប៉ះពាល់ដល់កិត្តិយសរបស់ខេត្តព្រះសីហនុ ក៏ដូចជាប្រទេសកម្ពុជាផ្ទាល់ ដែលបណ្តាលឱ្យប៉ះពាល់ដល់ទំនុកចិត្តនៃអ្នកវិនិយោគ។ សម្តេចក្រឡាហោមបានបង្ហាញពីការប្តេជ្ញាចិត្តរបស់ភាគីពាក់ព័ន្ធក្នុងការរួមគ្នាបង្ក្រាបឱ្យបាននូវរាល់ឧក្រិដ្ឋកម្ម ដែលកើតមានឡើងនៅក្នុងក្រុងព្រះសីហនុ៕

ដោយៈសុខុម

ប៉េកាំង: ពិតណាស់ថា វិបត្តិសង្រ្គាម ដែលកំពុងផ្ទុះឡើងនៅអ៊ុយក្រែន បានធ្វើឱ្យកក្រើកពិភពលោកទាំងមូល។ ទោះជាយ៉ាងណា វិបិត្តនេះនឹងមិនអាចរារាំងមហាយក្សចិន មិនឱ្យវ៉ាឈ្នះសហរដ្ឋអាមេរិក ក្លាយជាមហាអំណាចសេដ្ឋកិច្ចធំបំផុតរបស់ពិភពលោក នៅត្រឹមឆ្នាំ២០៣០បានឡើយ។

អតីតអនុប្រធានធនាគារពិភពលោក លោក Justin Lin Yifu ដែលបច្ចុប្បន្នជាសាស្ត្រាចារ្យ បង្រៀននៅសកលវិទ្យាល័យប៉េកាំង (Peking University) ព្រមទាំងមានឋានៈជាទីប្រឹក្សាជាន់ខ្ពស់ នៃរដ្ឋាភិបាលក្រុងប៉េកាំង ផងនោះបានបង្ហាញសុទិដ្ឋិនិយម ដោយភាពជឿជាក់មោះមុតនៅស ប្ដាហ៍នេះថា គ្មានអ្វីអាចរារាំងមហាយក្សចិនបានឡើយ ទោះបីជាក្រុមវិនិយោគិន នៅក្រៅប្រទេសសម្រុកលក់ ចេញមូលបត្របំណុលរបស់ចិន កាលពីពេលថ្មីៗនេះយ៉ាងណាក្ដី។

យោងតាមសារព័ត៌មាន South China Morning Post ចុះផ្សាយកាលពីថ្ងៃពុធទី៩ មីនា ឱ្យដឹងថា ក្រុមវិនិយោគិននៅក្រៅប្រទេសបានសម្រុកលក់ចេញមូលបត្របបំណុលចិន រហូតដល់ទៅ១០,៦ពាន់លានដុល្លារអាមេរិកកាលពីខែមុន។

ទីប្រឹក្សាជាន់ខ្ពស់រូបនេះបានលើកឡើងថា “ខ្ញុំជឿជាក់យ៉ាងមុតមាំលើការព្យាកររបស់ខ្ញុំថា ប្រទេសចិននឹងវ៉ាឈ្នះសហរដ្ឋអាមេរិក នៅត្រឹមឆ្នាំ២០៣០”។

លោកបានបន្ថែមទៀតថា “សង្គ្រាមរុស្ស៊ី-អ៊ុយក្រែន នឹងជះផលប៉ះពាល់មកលើប្រទេសចិន ប៉ុន្តែវាក៏នឹងជះផលប៉ះពាល់ លើសហរដ្ឋអាមេរិក ដូចគ្នា។ គ្រប់ប្រទេសទាំងអស់ នឹងមានសន្ទុះកំណើនសេដ្ឋកិច្ចយឺតជាងមុន”។

ការឈ្លានពានរបស់រុស្សី ចូលក្នុងប្រទេសអ៊ុយក្រែន កើតឡើងក្នុងគ្រាដែលសម្ពាធសេដ្ឋកិច្ចថមថយ និងភាពតានតឹងកើនឡើងជាមួយមហាអំណាចលោកខាងលិច សម្រាប់ប្រទេសចិន ព្រមទាំងស្ថានការណ៍មិនប្រាកដប្រជាទូទាំងពិភពលោក ដែលបណ្តាលមកពីសង្រ្គាមនៅអ៊ុយក្រែន និងការរាំងស្ទះនានា ដែលកំពុងកើតមាន ដោយសារការរីករាលដាលវីរុសកូវីដ-១៩ ផងដែរ៕ South China Morning Post៕