ដោយៈ វិវត្តន៍៍

ភ្នំពេញៈ ទីក្រុងរណបចំនួន៣ បាននិងកំពុងរំលេចវត្តមានបណ្តើរៗ តាមបណ្តោយ​ផ្លូវជាតិលេខ៦អា ដែលវានឹងក្លាយជាទីក្រុងថ្មីដ៏រសរវើកមួយនាពេលអនាគត។

គម្រោងអភិវឌ្ឍន៍ក្រុងរណបធំៗចំនួន៤ រូមមាន ទីក្រុងរណបជ្រោយចង្វារ ទីក្រុងនៃអនាគត ដែលបាននិងកំពុងលេចរូបរាងជាបណ្តើរៗហើយ ជាមួយនឹងសកម្មភាពសាងសង់មជ្ឈមណ្ឌលពាណិជ្ជកម្ម លំនៅដ្ឋាន កន្លែងលក់រាយ និងសាលពិព៌ណនានា។

ទីក្រុងរណប ដែលវិនិយោគដោយក្រុមហ៊ុន OCIC នេះ ដំបូងឡើយគ្រោងអភិវឌ្ឍន៍ជាមួយទុន៣០០០លានដុល្លារ ប៉ុន្តែក្រោយមកត្រូវបានបង្កើនដល់៥០០០លានដុល្លារអាមេរិក ដើម្បីពង្រីកវិសាលភាព និងការគ្របដណ្តប់លើចក្ខុវិស័យ នាពេលអនាគតរបស់តំបន់នេះ។

ទីក្រុងរណបដែលកាលពីអតីតកាល ជាបឹងលេចទឹកនេះមានទំហំផ្ទៃដីជាង១០០ហិកតា ដែលបានបែងចែកហ្សូនអភិវឌ្ឍន៍យ៉ាងច្បាស់លាស់។

ទីក្រុងរណបជ្រោយចង្វារ ទីក្រុងនៃអនាគត
ទីក្រុងរណបជ្រោយចង្វារ ទីក្រុងនៃអនាគត ដែលមានផ្ទៃដីទំហំជាង១០០ហិកតា និងគ្រោងបោះទុនវិនិយោគប្រមាណ៦០០០លានដុល្លារអាមេរិក បាននិងកំពុងចាប់ផ្តើម​បញ្ចេញពន្លឺកាន់តែត្រចះត្រចង់ហើយ ជាមួយអគារពាណិជ្ជកម្មខ្ពស់ៗ លំនៅដ្ឋានបែបអភិជន ភោជនីយកដ្ឋាន ផ្សារលក់រាយ មជ្ឈមណ្ឌលកំសាន្ត សាលសន្និសីទជាដើម។

បច្ចុប្បន្នទីក្រុងនេះ មានភាពរីកចម្រើនយ៉ាងឆាប់រហ័ស ដោយសារការតភ្ជាប់ហេ ដ្ឋារចនាសម្ព័ន្ឋនានាបានបញ្ចប់ និងធ្វើឡើងជាទីក្រុងឆ្លាតវៃ ដែលជាទស្សនទានដើមរបស់ក្រុមហ៊ុន OCIC ដែលជាម្ចាស់គំរោងតម្លៃរាប់ពាន់លានដុល្លារនេះ។

លោកទូច សំណាង អគ្គនាយករងក្រុមហ៊ុន OCIC ធ្លាប់បានមានប្រសាសន៍ឲ្យដឹងថា ទីក្រុងនេះ នឹងរៀបចំឡើងតាមបែបលក្ខណៈពាណិជ្ជកម្មអន្តរជាតិ ប្រៀបដូចជាតំបន់ពាណិជ្ជកម្ម ស្ថិតនៅលើមហាវិថីព្រះមុនីវង្ស និងតំបន់ពាណិជ្ជកម្មដទៃទៀតនៃរាជធានីភ្នំពេញ និងកម្រិតតំបន់។

ទីក្រុងរណបដីបូតានិកស៊ីធី
អភិវឌ្ឍន៍ដោយម្ចាស់បុរីអ័រគីដេ ទីក្រុងដឺបូតានិកស៊ីធី បាននិងកំពុងពង្រីកផ្ទៃដីកាន់តែធំ នៅតំបន់ព្រែកលាភ ក្នុងខ័ណ្ឌជ្រោយចង្វារ ដែលបច្ចុប្បន្នគំរោងនេះបាននិងកំពុងបញ្ចេញម៉ូតផ្ទះបែបអភិជន លំដាប់ប្រណីត ជាមួយនឹងធម្មជាតិខៀវស្រងាត់ អមដោយផ្ទៃបឹងធម្មជាតិ និងបឹងសម្បនិម្មិតដ៏ទាក់ទាញ។

ដឺបូតានិកស៊ីធី បាននិងកំពុងក្លាយជាទីក្រុងរណបយ៉ាងស្ងប់ស្ងាត់ ជាមួយមហិច្ឆតាធំ និងកំពុងធ្វើឲ្យតំបន់នេះកាន់តែមានភាពរសរវើក និងទាក់ទាញក្រុមអភិជនទៅរស់នៅកាន់តែច្រើន ដោយសារបរិយាកាស ខ្យល់អាកាសល្អ បរិសុទ្ឋ ព្រោះមានដងទន្លេរពីរអមសងខាង និងមិនសូវប្រឈមនឹងការកកស្ទះចរាចរណ៍ខ្លាំងនាពេលបច្ចុប្បន្ន ក៏ដូចជាពេលអនាគត ដោយសារមានស្ពានជាច្រើនបានបញ្ចប់ និងកំពុងសាងសង់។

ទីក្រុងមរតកសម្តេចតេជោ
វាជាទីក្រុងថ្មីមួយ ដែលមានទំហំធំជាងគេនៅតំបន់នេះ ដោយបច្ចុប្បន្នហេដ្ឋារចនាសម្ព័ន្ឋកម្រិតជាតិជាច្រើនកំពុងសាងសង់ និងបញ្ចប់ការសាងសង់ រួមមាន វិមានប្រវត្តិ​សាស្រ្តឈ្នះ ឈ្នះ ពហុកីឡដដ្ឋានមរតកតេជោ សួនទឹកកំសាន្តលំដាប់អន្តរជាតិ ដែលបានវិនិយោគដោយក្រុមហ៊ុនលី យ៉ុងផាត់គ្រុប គំរោងខុនដូ និងទីក្រុងមិត្តភាពកម្ពុជា ចិន និងបុរីលំនៅដ្ឋានជាច្រើនទៀតកំពុងរំលេចវត្តមានបណ្តើរៗនៅតំបន់នេះ។

ទីក្រុងរណបធំនេះ នឹងស្វាគមន៍នូវព្រឹត្តិការណ៍ស៊ីហ្គេម ជាប្រវត្តិសាស្រ្ត ដែលកម្ពុជារៀបចំធ្វើជាម្ចាស់ផ្ទះជាលើកដំបូង នៅឆ្នាំ២០២៣ខាងមុខនេះ។

លោកច្រឹក សុខនីម ប្រធានសមគមអ្នកវាយតម្លៃ និងភ្នាក់ងារអចលនវត្ថុកម្ពុជាបានមានប្រសាសន៍ថា តំបន់កណ្តាលក្រុងភ្នំពេញ នឹងប្រែក្លាយជាតំបន់បណ្តុំដោយអាគារពាណិជ្ជកម្ម និងការិយាល័យ ដោយសាររដ្ឋាភិបាលគាំទ្រឱ្យមានការអភិវឌ្ឍអាគារខ្ពស់ៗនៅទីក្រុងភ្នំពេញ ហើយរដ្ឋាភិបាលមានគោលនយោបាយ ក្នុងការពង្រីកទីក្រុងរណបថ្មីៗ។

លោកបានថ្លែងថា “យើងមើលឃើញថា រាជធានីភ្នំពេញបានពង្រីកចូលទៅតំបន់មួយចំនួននៅកណ្តាល និងនៅតាមបណ្តោយផ្លូវជាតិលេខ៥ និងលេខ៦ ត្រូវបានពង្រីកការប្រើប្រាស់ដី នៅជុំវិញរាជធានីភ្នំពេញ។ ការដូច្នេះ គឺដើម្បីបំពេញតម្រូវការវិនិយោគរបស់វិនិយោគិន ដែលបានចូលវិនិយោគនៅកម្ពុជា”។

លោកបានថ្លែងថា “ទីក្រុងថ្មី (ទីក្រុងរណប) នឹងក្លាយជាតំបន់លំនៅដ្ឋាន ដើម្បីឆ្លើយតបនឹងការអភិវឌ្ឍ និងកាត់បន្ថយការកកស្ទះនាអនាគត”។

ជាមួយគ្នានេះ លោកឡុង គឹមសួគ៌ នាយកប្រតិបត្តិរបស់ក្រុមហ៊ុន Century 21 Advanced Property បានមានប្រសាសន៍ឲ្យដឹងផងដែរថា តំបន់ ឬខណ្ឌជ្រោយចង្វារទទួលបានការគម្រោង អភិវឌ្ឍន៍អចលនទ្រព្យធំៗជាច្រើន ពិសេសគម្រោងលំនៅដ្ឋានធំៗ។

លោកបានបន្តថា ទីក្រុងភ្នំពេញបច្ចុប្បន្ននៅទំហំតូចនៅឡើយ ហើយដើម្បីឆ្លើយតបនឹងចំនួនប្រជាជននៅទីក្រុងបច្ចុប្បន្ន និងអនាគត វាទាមទាមការឱ្យមានការអភិវឌ្ឍន៍ក្រុងរណបបន្ថែម ដើម្បីជួយសម្រួលដល់ការរស់នៅរបស់ប្រជាជាន និងការកើនឡើងនៃចំនួនប្រជាជនពីមួយថ្ងៃទៅមួយថ្ងៃ៕

ដោយៈ ជេស៊ីកា

កណ្តាល/កំពង់ស្ពឺៈ តំបន់ស្ថិតនៅតាមបណ្តោយផ្លូវជាតិលេខ៤១ និងផ្លូវជាតិលេខ៥១ បានក្លាយជាតំបន់ពេញនិយមបំផុត លើការវិនិយោគអចលនទ្រព្យ ពិសេសការទិញលក់ដីធ្លី ក្នុងរយៈពេលពីរឆ្នាំចុងក្រោយនេះ ដោយសារហេតុផលសំខាន់ៗជាច្រើន។

ហេតុអ្វីបានជាចរន្តនៃការវិនិយោគក្នុងស្រុក បានបុកសំដៅទៅតំបន់នេះច្រើនជាងគេ? យើងសាកល្បង មើលទៅលើចំណុចសំខាន់ៗដូចខាងក្រោមនេះ។

គោលនយោបាយរបស់រដ្ឋាភិបាល
ជាមួយនឹងការធ្វើពិពិធកម្ម តំបន់ឧស្សាហកម្មរបស់រដ្ឋាភិបាល ស្របតាមនិន្នាការរីកចម្រើននៃសេដ្ឋកិច្ចសង្គម បានធ្វើឲ្យរដ្ឋាភិបាលចាប់ផ្តើមគិត ពីផែនការអភិវឌ្ឍន៍ហេដ្ឋារចនាសម្ព័ន្ឋ ពិសេសផ្លូវក្រវ៉ាត់ក្រុងនានា ដើម្បីធ្វើឲ្យសេដ្ឋកិច្ចរីកចម្រើន និងធ្វើឲ្យចរន្តសាច់ប្រាក់ ហូរចូលហោប៉ៅប្រជាពលរដ្ឋដោយផ្ទាល់ ក្នុងគោលដៅពីរ ទី១ ដើម្បីកាត់បន្ថយភាពក្រីក្រផង ទី២ ដើម្បីពង្រីកផែនការអភិវឌ្ឈហេដ្ឋារចនាសម្ព័ន្ឋផង។

ពីមុនមកទីក្រុង មិនសូវមានសកម្មភាពសេដ្ឋកិច្ច ទើបរដ្ឋាភិបាលបានអនុញ្ញាត្តឲ្យមានរោងចក្រ សហគ្រាសប្រមូលផ្តុំនៅក្នុងទីក្រុង ដើម្បីធ្វើឲ្យមនុស្សចូលមករស់នៅទីក្រុងច្រើន និងធ្វើឲ្យសេដ្ឋកិច្ចក្នុងទីក្រុងរសរវើក ប៉ុន្តែពេលបច្ចុប្បន្នការរីកចម្រើននៃនគរូបនីយកម្ម កំនើនប្រជាសាស្រ្ត បានធ្វើឲ្យទីក្រុងជួបការកកស្ទះចរាចរណ៍  និងធ្វើឲ្យទីក្រុងបាត់បង់សណ្តាប់ធ្នាប់ ពិសេសធ្វើឲ្យបំពុលបរិស្ថាន ដោយសារផ្សែងពុលពីរោងចក្រ សហគ្រាសនានា។

ហេតុនេះ ទើបរដ្ឋាភិបាលបានដាក់ចេញគោលនយោបាយថ្មី ដើម្បីកាត់បន្ថយបញ្ហាសង្គមផ្សេង ហើយរុញរោងចក្រ សហគ្រាសទីជនបទ ឬជាយក្រុង ដែលគោលនយោបាយនេះ ប្រៀបបីដូចជា ព្រួញមួយបាញ់បានសត្វបី ទី១ ធ្វើឲ្យតំបន់ជនបទកាន់តែរីកចម្រើន ទី២ ធ្វើឲ្យជីវភាពប្រជាពលរដ្ឋកាន់តែប្រសើរឡើង និងទី៣ រុញទីតំបន់ជនបទកាន់តែខិតកៀកនឹងទីក្រុង ពិសេសកាត់បន្ថយការហូរចូលប្រជាពលរដ្ឋ ចូលមករស់នៅក្នុងទីក្រុងច្រើនពេក។
តំបន់អាចនឹងកាត់ចូលក្នុងរដ្ឋបាលក្រុងភ្នំពេញ

យោងតាមមន្រ្តីជាន់ខ្ពស់ក្រសួថសាធារណៈការ និងដឹកជញ្ជូនបានឲ្យដឹងថា តំបន់ផ្លូវក្រវ៉ាត់ក្រុងទី៤ ដែលស្ថិតនៅស្របតាមផ្លួវជាតិសំខាន់ៗទាំងពីរនេះ នឹងត្រូវកាត់មួយផ្នែកចូលមកក្នុងដែលរដ្ឋបាលរាជធានីភ្នំពេញ។

ការកាត់តំបន់ណាមួយចូលមករាជធានីភ្នំពេញ នឹងធ្វើឲ្យតំបន់នោះមានការរីកចម្រើ​នលឿន ដូចជា  ការកសាងហេដ្ឋារចនាសម្ព័ន្ឋពីរដ្ឋាភិបាល ការតបណ្តាញទឹកស្អាតកាន់តែលឿន ធ្វើឲ្យវិស័យឯកជនងាកទៅវិនិយោគ នៅតំបន់នោះកាន់តែច្រើន ពិសេសធ្វើឲ្យតម្លៃដីធ្លីហក់ឡើងខ្ពស់។

តំបន់អភិវឌ្ឍន៍ឧស្សាហកម្ម
ស្រដៀងនឹងការលើកឡើងខាងលើ តំបន់ផ្លូវជាតិសំខាន់ៗទាំងពីរ បាននិងកំពុងរីកចម្រើន ដោយទាក់ទាញរោងចក្រ សហគ្រាស ផែស្ងួត សំណង់លំនៅដ្ឋាន បុរី ពិសេសទាក់ទាញមនុស្សទៅរស់នៅកាន់តែច្រើន ហើយនៅពេលណាមនុស្សចូលមករស់នៅកាន់កាន់តែច្រើន នឹងធ្វើឲ្យតំបន់នោះមានតម្លៃដីធ្លីកើនឡើង សកម្មភាពសេដ្ឋកិច្ចកាន់តែរសរវើកមិនខាន។

តំបន់ណាក៏ដោយ គ្មានមនុស្សរស់នៅ គឺតម្លៃដីធ្លីមិនកើនឡើងនោះទេ ដោយសារគ្មានមនុស្ស នៅពេលគ្មានមនុស្សក៏គ្មានសកម្មភាពសេដ្ឋកិច្ចនោះឡើយ។

ជាតំបន់កៀកនឹងទីក្រុង
ផលប្រយោជន៍នៃភូមិសាស្រ្ត មានសារៈសំខាន់ណាស់ ព្រោះភូមិសាស្រ្ត គឺជាប់ទាក់ទងគ្នា មិនអាចកាត់ផ្តាច់បានពីការរីកចម្រើនលើផ្នែកអ្វីមួយ។ ពិសេសដូចជាតំបន់ផ្លូវជាតិលេខ៤១ និងផ្លូវជាតិលេខ៥១ ជាផ្លូវជាតិកម្រិតខេត្តឬផ្លូវខេត្ត ដែលតភ្ជាប់ជាមួយនឹងផ្លូវជាតិលេខ២ ផ្លូវជាតិលេខ៣ ផ្លូវជាតិលេខ៤ និងផ្លូវល្បឿនលឿនភ្នំពេញ ព្រះសីហនុ។

ហេតុនេះកត្តាភូមិសាស្រ្ត ឬទីតាំងគឺជាចំណុចសំខាន់ ដែលអ្នកវិនិយោគឆ្លាតវៃតែងតែផ្តោតដោយមិនអាចមើលរំលងនោះឡើយ៕

ដោយៈគង់ សូរិយា

ភ្នំពេញៈ លោកទេសរដ្ឋមន្ត្រី ស៊ុន ចាន់ថុលដឹកនាំកិច្ចប្រជុំគណៈកម្មការអន្តរក្រសួង ដើម្បីពិភាក្សាលើគម្រោងហេដ្ឋារចនាសម្ព័ន្ធ ផ្លូវល្បឿនលឿនតភ្ជាប់ពីរាជធានីភ្នំពេញ ទៅកាន់ក្រុងបាវិត។

លោកស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញ ដឹកនាំកិច្ចប្រជុំគណៈកម្មការអន្តរក្រសួង ដើម្បីពិភាក្សាលើគម្រោងហេដ្ឋារចនាសម្ព័ន្ធផ្លូវល្បឿន លឿនតភ្ជាប់ពីរាជធានីភ្នំពេញ ទៅក្រុងបាវិត ដោយមានការអញ្ជើញចូលរួមដោយផ្ទាល់ និងតាមប្រព័ន្ធ វីដេអូពីចម្ងាយពីថ្នាក់ដឹកនាំក្រសួងទទួលបន្ទុក តំណាងក្រសួង-ស្ថាប័នពាក់ព័ន្ធ មន្ត្រីជំនាញបច្ចេកទេស និងភាគីពាក់ព័ន្ធ។

កិច្ចប្រជុំកម្រិតបច្ចេកទេសនេះ ធ្វើឡើងក្នុងគោលបំណងតាមដានវឌ្ឍនភាព និងពិភាក្សាលើរបាយការណ៍ស្តីពី ការសិក្សាសមិទ្ធិលទ្ធភាពនៃគម្រោងហេដ្ឋារចនាសម្ព័ន្ធ ផ្លូវល្បឿនលឿនតភ្ជាប់ពីរាជធានី ភ្នំពេញទៅក្រុងបាវិត ក៏ដូចជា ដើម្បីប្រមូលមតិយោបល់ និងធាតុចូលពីតំណាងក្រសួង-ស្ថា ប័នពាក់ព័ន្ធសំដៅឱ្យរបាយការណ៍នេះ កាន់តែមានលក្ខណៈគ្រប់ជ្រុងជ្រោយ។

ថ្លែងទៅកាន់អង្គប្រជុំនាឱកាសនោះ លោកទេសរដ្ឋមន្ត្រី បានជំរុញលើកទឹកចិត្តឱ្យមន្ត្រីជំនាញបច្ចេក ទេសពាក់ព័ន្ធមកពីក្រសួង-ស្ថាប័នពាក់ព័ន្ធទាំងអស់ផ្តល់មតិយោបល់ និងពិភាក្សាឱ្យបានស៊ីជម្រៅបន្ថែមទៀតទាក់ទងនឹងបញ្ហាបច្ចេកទេស ដើម្បីបំពេញបន្ថែមចំណុចខ្វះក្នុងរបាយការណ៍នេះ៕

ដោយៈវឌ្ឍនៈ

ភ្នំពេញៈ ភ្នាក់ងារអចលនវត្ថុកម្ពុជាមានចំនួនកាន់តែច្រើន ហើយអ្នកណាៗ ក៏អាចក្លាយជាភ្នាក់ងារអចលនទ្រព្យបាន ប៉ុន្តែក្នុងចំណោមភ្នាក់ងារអចលនវត្ថុទាំងនោះ មានមួយចំនួនតូចប៉ុណ្ណោះ ដែលមានក្រមសីលធ៌មនិងវិជ្ជាជីវៈត្រឹមត្រូវ ។

តើដើម្បីក្លាយជាភ្នាក់ងារអចលនទ្រព្យ ដែលមានវិជ្ជាជីវៈ ត្រូវមានលក្ខណៈសម្បត្តិអ្វីខ្លះ?។

លោកច្រឹក សុខនីមប្រធានសមាគមអ្នកវាយតម្លៃ និងភ្នាក់ងារអច​លនវត្ថុកម្ពុជា បានមានប្រសាសន៍ថា ដើម្បីក្លាយជាភ្នាក់ងារអចលនទ្រព្យអាជីព ទី១ ត្រូវមានចំណេះដឹងនិងចំណេះធ្វើ ។ ដូចយើងដឹងស្រាប់ហើយដើម្បីប្រឡូកក្នុងការងារនេះ បានត្រូវមានចិត្តអំណត់ និងត្រូវកសាងទំនុកចិត្តដល់អតិថិជនរបស់ពួកយើង។

មួយទៀតយើងត្រូវដឹងថា ការផ្ដល់ប្រឹក្សាជូនអតិថិជនដោយប្រើចំណេះដឹង និងជំនាញគឺមានសារសំខាន់បំផុត។ ទី២ ត្រូវស្វែងរកប្រភពព័ត៌មានល្អៗ ពីវិស័យអចលនទ្រព្យ ដើម្បីបំពេញទៅនឹងតម្រូវការអតិថិជនរបស់ពួកយើង ឬក៏ពួកយើងគឺជាដៃគូ នៅក្នុងការងារមួយនៃការវិនិយោគរបស់ពួកគាត់។

លោកបន្តថា “ភ្នាក់ងារអាជីព ផ្ដើមឡើងដោយសារទំនាក់ទំនង ចំនេះដឹងនិងជំនាញ ហើយជាបទពិសោធន៍ផ្ទាល់របស់លោក ទំនាក់ទំនងចំនេះដឹងនិងជំនាញ បានធ្វើឱ្យលោកទទួលបានការជឿទុកចិត្តពីអតិថិជន ដែលមានតម្រូវការលើអចលនទ្រព្យ”។

ចំណែកលោកព្រាប កុល គ្រូបណ្ដុះបណ្ដាលជំនាញអចលនទ្រព្យប្រចាំក្រុមហ៊ុនល្បីមួយបានឱ្យដឹងថា ការកសាងទំនុកចិត្ត គឺមានសារសំខា​ន់ណាស់ ក្នុងការប្រឡូកវិស័យអចលនទ្រព្យ ដើម្បីទទួលបានជោគជ័យខ្ពស់ ហើយមុននឹងយើងអាចកសាងទំនុកចិត្តនេះបាន យើងក៏ត្រូវតែបង្កើតទំនាក់ទំនង រក្សាការទាក់ទងជាប់ជាប្រចាំ ជាមួយនឹងអតិថិជនទាំងអ្នកលក់និងអ្នកទិញអចលនទ្រព្យ ។

នៅក្នុងសៀវភៅមួយ ដែលនិពន្ធដោយលោកម៉ាន់ ច័ន្ធឌី អ្នកវិនិយោគលើអចលនទ្រព្យ និងជាភ្នាក់ងារអចលនទ្រព្យដែរនោះ បានបង្ហាញថា អ្នកចង់ប្រកបរបរជាភ្នាក់ងារអចលនទ្រព្យ គឺត្រូវតែលះបង់ទាំងពេលវេលា និងការងារផ្សេងទៀត ហើយត្រូវផ្ដោតលើវិស័យអចលនទ្រព្យឱ្យបានច្រើន។

លោកបានសរសេរថា “យើងក៏ត្រូវចាំទុកផងដែរថា ក្នុងរបរនេះមិនអាចឱ្យយើងទទួលបានប្រាក់កម្រៃ មកវិញភ្លាមៗទេ។ យើងត្រូវការពេលវេលា៦ខែ ហើយអ្នកខ្លះអាចដល់១ឆ្នាំ ទើបអាចរកប្រាក់កម្រៃត្រលប់មកវិញ”។

ភ្នាក់ងារអចលនទ្រព្យ ដែលខ្លះគឺបានចុះសិក្សាលម្អិត ពីព័ត៌មានអចលនទ្រព្យ នៅក្នុងតំបន់ដែលពួកគេត្រូវលក់ ហើយពេលប្រមូលព័ត៌មានបានគ្រប់គ្រាន់ហើយ ការយកទៅផ្ដល់ជូនអតិថិជន នឹងធ្វើឱ្យអតិថិជនមានជំនឿទុកចិត្តកាន់តែខ្លាំងបន្ថែមទៀត៕

ដោយៈសហសេវិក

ភ្នំពេញៈ សុទិដ្ឋិនិយមសម្រាប់ប្រទេស ដែលកំពុងអភិវឌ្ឍន៏ក្នុងពិភពលោក ការរីចម្រើនពាណិជ្ជកម្ម បានឆ្លងកាត់ដំណាក់កាល៤ប្រភេទ ជំនាន់១ជាផ្សារដែលគ្មានសណ្តាប់ធ្នាប់ ជំនាន់២ជាហាងលក់ទំនិញ ជំនាន់៣ជាមជ្ឈមណ្ឌលទិញទំនិញ រហូតដល់ជំនាន់៤ ដែលជាទីកន្លែងបទពិសោជន៏នៃការប្រើប្រាស់នាពេលអនាគត់។

រ៉ូយ៉ាល់លៀវវីងផ្លាហ្សា បាននាំពាណិជ្ជកម្មជំនាន់ថ្មីចូលមកកាន់ពិភពលោកនាពេលអនាគត បង្កើតផ្សារទំនើបទាន់សម័យ និង “ជីវភាពរស់នៅដ៏រីករាយ” បទពិសោជន៏នៃការប្រើប្រាស់ទីកន្លែងកម្សាន្ត គឺដូចជាផ្សារទំនើបអ៊ីអន ដែលមានបរិយាកាសប្រកបដោយផាសុខភាព។

G1ជាលំនៅដ្ឋានរស់នៅ G2ជីវភាពដ៏ស្រស់បំព្រង G3ជីវភាពឆើតឆាយ នៅមានSKYSHOP ដ៏ប្រណិតកម្ពស់១៧៨ម៉ែត្រ បានបំពេញនៅទីផ្សារក្នុងទីក្រុងភ្នំពេញ ហើយបានក្លាយជាជម្រើសនៃការជួបជុំ សម្រាប់ជនបរទេសនឹងអ្នកមានទ្រព្យ។

1. ទីតាំងល្អ អតិថិជនច្រើន៖ ផ្សារទួល​ទំពូង មានជនបរទេស និងអ្នកមានលុយខុនដូរ៉ូយ៉ាល់​ស្កាយ​លែនមានមនុស្សរស់នៅ5000នាក់។
2. ផ្សារទំនើបល្អ ភ្ញៀវជួលច្រើន៖ បទពិសោជន៏នៃការប្រើប្រាស់ផ្សារទំនើបលំដាប់ខ្ពស់អាជីវករដណ្តើមជួល។
3. ស្តង់ដាខ្ពស់ តម្លៃជួលខ្ពស់ បរិយាកាសដើរទិញទំនិញការប្រើប្រាស់មានគ្រប់លំដាប់តម្លៃជួលខ្ពស់ជាងផ្ទះល្វែង។
4. ប្លង់រឹង SKYSHOP ទេសភាពគ្មានគូរប្រៀបនៅលើអគារកម្ពស់១៧៨ម៉ែត្រ បរិយាកាសល្អប្រណិត។
5. GROUND SHOP ប្លង់រឹងហាងG1កម្ពស់4M អាចចែកជា២ជាន់បានទទួលបានតម្លៃជួល២ដង ចំណូលទ្វេគុណ៕