ដោយ៖ សុផារី

ខេត្តព្រះសីហនុ ៖ ក្រុមហ៊ុន SUNWAH ដែលជាក្រុមហ៊ុនអចលនទ្រព្យហុងកុងធំមួយ គ្រោងវិនិយោគលើវិស័យអចលនទ្រព្យនៅខេត្តព្រះសីហនុនាពេលខាងមុខនេះ ខណៈបច្ចុប្បន្នតំណាងក្រុមហ៊ុន បាននិងកំពុងចុះស្វែងយល់ពីសក្តានុពលវិនិយោគនៅខេត្តនេះ។

ក្នុងជំនួបសំដែងការគួរសម និងស្វែងយល់ពីសក្តានុពលវិនិយោគនៅខេត្តព្រះសីហនុ លោក Jason Choi នាយកក្រុមហ៊ុន SUNWAH បានថ្លែងអំគុណលោកអភិបាលខេត្ត ដែលបានអនុញ្ញាតឱ្យប្រតិភូរបស់លោកចូលជួបសម្តែងការគួរសម និងស្វែងយល់ពីសក្តានុពលវិនិយោគនៅខេត្តព្រះសីហនុ។

លោកមានប្រសាសន៍ថា កន្លងមក ក្រុមហ៊ុន SUNWAH បានធ្វើការវិនិយោគលើអចលនទ្រព្យ នៅលើពិភពលោកដែលមានសាខានៅហុងកុង ចិន វៀតណាម ជប៉ុន កាណាដា ដោយក្រុមហ៊ុនមានគោលបំណងវិនិយោគអចលនទ្រព្យនៅខេត្តព្រះសីហនុ ដែលជាឱកាសដ៏ល្អមួយ និងជាការបើកទំព័រថ្មីផងដែរ។

លោកអភិបាលខេត្ត បានស្វាគមន៍ចំពោះក្រុមហ៊ុន SUNWAH ដែលចង់វិនិយោគ លើវិស័យអចលនទ្រព្យ នៅខេត្តព្រះសីហនុ ស្របពេលដែលខេត្ត បានធ្វើការអភិវឌ្ឍអគារខ្ពស់ជាច្រើន ទោះបីជារយៈពេលពីរឆ្នាំកន្លងមក ខេត្តព្រះសីហនុរងផលប៉ះពាល់ដោយសារជំងឺកូវីដ-១៩ តែខេត្តរបស់យើង នៅតែមានការវិនិយោគលើអចលនទ្រព្យជាបន្តបន្ទាប់។

លោកអភិបាលខេត្ត បានបន្តថា រាជរដ្ឋាភិបាលបានដាក់ចេញនូវគោលនយោបាយប្រែក្លាយខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង និងជាទីក្រុងហិរញ្ញវត្ថុ។ រាជរដ្ឋាភិបាល បានបង្កើតក្រុមការងារអន្តរក្រសួងរៀបចំគ្រប់គ្រងដីធ្លី និងកំពុងប្រមូលព័ត៌មានដីធ្លីសំដៅប្រែក្លាយខេត្តព្រះសីហនុ ជាខេត្តស្នាក់នៅ ទេសចរណ៍ វិនិយោគ និងអចលនទ្រព្យ។

ទន្ទឹមនោះខេត្ដព្រះសីហនុ មានសក្តានុពល ដូចជា អាកាសយានដ្ឋានអន្តរជាតិ មានផ្លូវរត់រហូត ៣៣០០ម៉ែត្រ ស្ថានីយ៍អ្នកដំណើរអាចទទួលភ្ញៀវ ៣លាននាក់ក្នុងមួយឆ្នាំ និងកសាងស្ថានីយ៍ចេញដំណើរកម្រិតអន្តរជាតិ។

ក្រៅពីនេះ ខេត្តមានកំពង់ផែអន្តរជាតិទឹកជ្រៅ រាជរដ្ឋាភិបាលកម្ពុជា បានសហការជាមួយរដ្ឋាភិបាលជប៉ុន ដើម្បីអភិវឌ្ឍកំពង់ផែទឹកជ្រៅជំហានទីមួយ និងទីពីរនៅឆ្នាំ២០២៥ អាចឱ្យនាវាដែលមានជម្រៅទឹក១៣,៥០ម៉ែត្រ អាចចូលចតបាន ដែលធ្វើឱ្យតម្លៃដឹកជញ្ជូនអាចប្រកួតប្រជែង។ ខេត្តក៏មានផ្លូវល្បឿនលឿន ដែលអាចបើកឱ្យដំណើរការនៅខែកក្កដា ឆ្នាំ២០២២ខាងមុខ ដែលជាសក្តានុពលគាំទ្រដល់ការអភិវឌ្ឍខេត្តព្រះសីហនុ៕

ដោយ៖ សហការី

ភ្នំពេញ៖ នៅថ្ងៃទី១៨ ខែកុម្ភៈ ឆ្នាំ២០២២ គេហទំព័រ Propertyarea.asia ដែលមានលោក យិន លាងគង់ ជាសហស្ថាបនិក និងជាអគ្គនាយក បានចុះអនុស្សរណៈនៃការយោគយល់គ្នាជាមួយ សមាគមវិនិយោគិនខ្មែរ-អន្តរជាតិ ដែលមានលោកឧកញ៉ាប៊ី សុក្របណ្ឌិតជាប្រធានសមាគម ដើម្បីសហការគ្នាលើការផ្លាស់ប្តូរព័ត៌មាន និងការសហការគ្នាក្នុងភាពជាដៃគូលើពាណិជ្ជកម្មរួមគ្នា។

សហស្ថាបនិក និងជាអគ្គនាយកគេហទំព័រPropertyarea.asia លោកយិន លាងគង់បានមានប្រសាសន៍ ក្នុងពិធីចុះហត្ថលេខានេះថា តាមរយៈអនុស្សរណៈនៃការយោគយល់គ្នានេះ ស្ថាប័នទាំងពីរបានសហការគ្នា លើមូលដ្ឋាន ក្នុងការគាំទ្រគ្នាទៅវិញទៅមក ក្នុងការផ្សព្វផ្សាយពីសក្តានុពល និងកិត្តិនាមរបស់ស្ថាប័នទាំងពីរ។

លោកបានបន្តថា ភាគីទាំងពីរនឹងជួយពង្រីកការផ្សព្វផ្សាយពីស្ថាប័នទាំងពីរ ក្នុងកម្រិតជាតិ និងអន្តរជាតិ។ ក្នុងនោះ គេហទំព័រ Propertyarea.asia នឹងជួយផ្សាយពាណិជ្ជកម្ម ដល់សមាជិកសមាគម ជួយដល់ការទ្រទ្រង់គេហទំព័រ Propertyarea.asia ដោយសមាគមនឹងបរិច្ចាកទឹកប្រាក់នៃកញ្ចប់ពាណិជ្ជកម្មសរុបនីមួយៗ ក្នុងទំហំ៣០ភាគរយ ដើម្បីជួយទ្រទ្រង់សកម្មភាពរបស់សមាគមផងដែរ។

លោកបានមានប្រសាសន៍បន្ថែមថា គេហទំព័រ Propertyarea.asia នឹងចូលរួមដើរតួនាទីផ្សព្វផ្សាយ ពីសកម្មភាពសមាគម ដោយឥតគិតថ្លៃ និងជួយរកមូលនិធិជួយសមាគម តាមលទ្ឋភាពដែលអាចធ្វើទៅបាន។

លោកឧកញ៉ាប៊ី សុក្របណ្ឌិតជាប្រធានសមាគមវិនិយោគិនខ្មែរ-អន្តរជាតិ បានមនាប្រសាសន៍ថា សមាគមនិងគេហទំព័រមានគោលដៅនិងចក្ខុវិស័យរួមគ្នាក្នុងការផ្សព្វផ្សាយពីសក្តានុពលវិស័យអចលនទ្រព្យកម្ពុជា និងដើម្បីទាក់ទាញការវិនិយោគពីវិនិយោគិនជាតិនិងអន្តរជាតិ។

លោកបណ្ឌិតបានបន្តថា សមាគមបាននិងកំពុងធ្វើការរួមគ្នាជាមួយនឹងថ្នាក់ដឹកនាំសមាគម និងក្រុមហ៊ុនជាច្រើន ដើម្បីរួមគ្នាធ្វើយ៉ាងណារួមចំណែកអភិវឌ្ឍសេដ្ឋកិច្ចសង្គមកម្ពុជាឱ្យកាន់តែមានភាគរីកចម្រើនបន្ថែមទៀត ក្រោមការដឹកនាំដ៏ឈ្លាសវៃរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

កិច្ចព្រមព្រៀងនៃអនុស្សរណៈ នៃការយោគយល់គ្នានេះ ធ្វើឡើងដោយមានការឯកភាព និងព្រមព្រៀងពីភាគីទាំងសងខាង និងមានសុពលភាពចាប់ពីថ្ងៃចុះហត្ថលេខានេះតទៅ៕

Marriott International Inc on Tuesday announced plans to expand its portfolio across Asia Pacific, aiming to open its 1,000th property in the region by late 2022.

The company said in a press statement that it expects to open nearly 100 properties in the region this year.

Craig S Smith, Group President, International for Marriott International, said the firm is signing an average two new development deals per week, with deals clinched in 13 different markets across the region.

“This year, we expect to continue to drive demand and growth, which is a testament to our talented teams committed to operational excellence, and the relationships we have with the customers we’re privileged to serve and the developers, owners, franchisees and partners we’re honoured to do business with,” Smith said.

Greater China remains an engine for Marriot International’s growth, as it accounts for more than half of the company’s anticipated luxury openings in Asia Pacific in 2022.

Ritz-Carlton Reserve anticipates expanding its highly curated portfolio in Greater China, debuting its first rare estate in the historic Jiuzhaigou valley later this year. Additional expected luxury openings in 2022 include JW Marriott Hotel Changsha and W Macau-Studio City, the company said.

Research by the World Travel & Tourism Council (WTTC) suggests that leisure travel demand is now booming at an accelerating rate. Marrriot said it was poised to strengthen its presence across several leisure destinations as leisure demand continues to outpace business travel this year. In South Korea, the company expects to bring its JW Marriott brand to Jeju with the opening of JW Marriott Jeju Resort & Spa in May 2022. Meanwhile, the scheduled opening of W Sydney in late 2022 will mark the third W hotel in Australia.

With wellness and well-being remaining a continued priority for many travellers, the company’s leading wellness brand, Westin Hotels & Resorts, is due to celebrate two new debuts in Japan’s Yokohama and Vietnam’s Cam Ranh in 2022.

Marriott’s select service portfolio is driving momentum for growth, providing a wide range of amenities and offerings across well-established brands such as Courtyard by Marriott, Fairfield by Marriott, Four Points by Sheraton, AC Hotels and Moxy Hotels. In Greater China, the openings of select service hotels will further expand consumers’ travel choices, bringing guests a diverse range of experiences in emerging Chinese destinations. Four Points by Sheraton expects to continue its growth with five planned openings throughout the year, while Moxy Hotels anticipates continuing to share its playful spirit in destinations such as Suzhou and Xi’an.

Outside of Greater China, the company expects to debut its AC Hotels brand in South Korea with AC Hotel Seoul Gangnam and in Australia with AC Hotel Melbourne Southbank. In Japan, Fairfield by Marriott expects to continue to strengthen its presence with six new properties planned to open across Nara, Hokkaido and Hyogo along “Michi-no-Eki” roadside stations aimed at revitalising the country’s local sightseeing spots and well-hidden rural destinations, the press statement said.

Source: Nation Thailand

ដោយ សុខុម

បាងកក: ម៉ាកយីហោ ឬ ប៊្រែនសណ្ឋាគារអន្តរជាតិដ៏ល្បីល្បាញ Marriott International Inc កាលពីថ្ងៃអង្គារ ទី១៥ កុម្ភៈ បានប្រកាសផែនការពង្រីកអាជីវកម្មទ្រង់ទ្រាយធំទូទាំងតំបន់អាស៊ី-ប៉ាស៊ីហ្វិក ដោយមានបំណងបើកដំណើរការសាខាទី១.០០០របស់ខ្លួនក្នុងតំបន់នៅចុងឆ្នាំ២០២២ នេះ។

ក្រុមហ៊ុនបដិសណ្ឋារកិច្ចអាមេរិក មួយនេះបានចេញសេចក្តីថ្លែងការណ៍ថា ខ្លួនរំពឹងថានឹងបើកដំណើរការសណ្ឋាគារថ្មីរហូតដល់ទៅជិត១០០សាខាក្នុងតំបន់នៅឆ្នាំនេះ។ នេះបើយោងតាមសារព័ត៌មាន The Nation ចុះផ្សាយកាលពីថ្ងៃព្រហស្បតិ៍ ទី១៧ កុម្ភៈ។

លោក Craig S Smith ប្រធានក្រុមហ៊ុន Marriott International បានគូសបញ្ជាក់ថា ក្រុមហ៊ុននឹងចុះកិច្ចព្រមព្រៀងអភិវឌ្ឍន៍ថ្មីចំនួន២ក្នុងមួយសប្ដាហ៍ៗ ដោយសរុបមានកិច្ចព្រមព្រៀងជាច្រើនក្នុងទីផ្សារចំនួន១៣ផ្សេងគ្នានៅទូទាំងតំបន់។

មហាយក្សចិន ឬ Greater China (រួមបញ្ចូលប្រទេសចិន ក្រុងហុងកុង ម៉ាកាវ និងកោះតៃវ៉ាន់) នៅតែជាក្បាលម៉ាស៊ីនសម្រាប់ជំរុញកំណើនរបស់ក្រុមហ៊ុន Marriot International ព្រោះវាគ្របដណ្ដប់ដល់ទៅជាងពាក់កណ្តាល នៃផែនការបើកដំណើរការសណ្ឋាគារប្រណីតរបស់ក្រុមហ៊ុននេះនៅអាស៊ី-ប៉ាស៊ីហ្វិក ក្នុងឆ្នាំ២០២២ នេះ។

នៅកូរ៉េខាងត្បូង ក្រុមហ៊ុននេះរំពឹងថានឹងបើកដំណើរការសាខាមួយដែលមានឈ្មោះថា JW Marriott Jeju Resort & Spa នៅខែឧសភា ឆ្នាំ២០២២។ ទន្ទឹមនេះក្រុមហ៊ុនក៏គ្រោងបើកដំណើរសាខាមួយមានឈ្មោះថា W Sydney ដែលជាសាខាទី៣ នៅប្រទេសអូស្ត្រាលី ផងដែរ។

ក្រៅពីនេះ ក្រុមហ៊ុនក៏គ្រោងអបអរសាទរការបើកដំណើរការសាខាថ្មី២នៅប្រទេសជប៉ុន និងប្រទេសវៀតណាម នៅក្នុងឆ្នាំ២០២២ នេះផងដែរ៕

ដោយ៖ វឌ្ឍនៈ​

ភ្នំពេញ ៖ ការសាងសង់លំនៅឋានក្នុងប្រទេសកម្ពុជាគេឃើញថានៅតែមានភាពល្អប្រសើរ ដោយក្រុមហ៊ុនអភិវឌ្ឍន៍ជាច្រើននៅតែអនុវត្តន៍គម្រោងរបស់ខ្លួនក្នុងឆ្នាំ២០២១កន្លងទៅនិងឆ្នាំ២០២២នេះ។ កត្តាមួយចំនួនដែលមើលឃើញថាបានធ្វើទីផ្សារនៅតែមានភាពស្ថិតស្ថេររួមមានការផ្ដល់កម្ចីទៅលើអចលនទ្រព្យពីធនាគារ និងកំណើននៃប្រាក់ចំណូលរបស់យុវជនកម្ពុជាកាន់តែច្រើនឡើងជាដើម។

យោងតាមការសិក្សារបស់ក្រុមហ៊ុនអចលនទ្រព្យកម្ពុជាជាច្រើនបានបង្ហាញថា ស្ថិតនៅក្នុងវិបត្តិនៃកូវីដ១៩យ៉ាងនេះ តែបណ្ដាធនាគារពាណិជ្ជធំៗ នៅតែបន្តផ្ដល់កម្ចីទៅដល់អតិថិជនក្នុងទិញអចលនទ្រព្យដូចជាការផ្ដល់កម្ចីសម្រាប់ទិញលំនៅឋានជាដើម។

ការសិក្សារបស់ក្រុមហ៊ុន Century 21 Zillion Holding បានបង្ហាញថាក្នុងឆ្នាំ២០២០កម្ចីសម្រាប់ទិញផ្ទះពីប្រព័ន្ធធនាគារមានតែជាង៥ពាន់លានដុល្លារអាមេរិក តែគិតត្រឹមដំណាច់ឆ្នាំ ២០២១ កម្ចីទិញផ្ទះបានកើនឡើងដល់៦,៤ពាន់លានដុល្លារអាមេរិកដែលមានកំណើនជិត៣០ភាគរយ ។ កំណើននៃកម្ចីក្នុងវិស័យអចលនទ្រព្យនេះបានឆ្លុះបញ្ចាំងយ៉ាងច្បាស់ពីទំនុកចិត្តរបស់គ្រឹះស្ថានធនាគារ និងហិរញ្ញវត្ថុចំពោះទីផ្សារអចលនទ្រព្យនៅកម្ពុជា។

លោក ឡុង គឹមសួគ៌ អ្នកជំនាញនៃវិស័យអចលនទ្រព្យមួយរូបបានបញ្ជាក់ថា ទីផ្សារលំនៅឋានក្នុងប្រទេសកម្ពុជា ថ្វីត្បិតតែមានបញ្ហាមែន តែវាមិនប៉ះពាល់ធ្ងន់រហូតដល់ផ្អាកគម្រោងទាំងស្រុងនោះទេ។ ម្ចាស់គម្រោងខ្លះនៅតែបន្តគ្រាន់តែចំនួននៃការអនុវត្តបានថយចុះ ជាមួយបរិមាណផ្ទះដែលត្រូវសាងសង់ជាដើម។

លោកបន្ត ការផ្ដល់កម្ចីពីធនាគារនិងការសម្រួលលក្ខខណ្ឌនៃការបង់រំលស់ផ្ទះពីម្ចាស់គម្រោងបានធ្វើឱ្យការសាងសង់និងការផ្គត់ផ្គង់នៅក្នុងប្រទេសនៅតែបន្តរីកចម្រើន ហើយកំណើននៃប្រាក់ចំណូលរបស់ពលរដ្ឋជាពិសេសយុវជនដែលទើបរៀបការហើយច្រើន គឺមានតម្រូវការផ្ទះសម្រាប់ស្នាក់នៅក្នុងនោះដែរ ការសាងសង់លំនៅឋានតម្លៃសមរម្យក៏មានអាទិភាពក្នុងទីផ្សារដែរ។

គម្រោងអភិវឌ្ឍន៍លំនៅឋានក្នុងរាជធានីភ្នំពេញ ត្រូវបានមើលឃើញថាមានការរីកទៅកាន់តំបន់ជាយក្រុង ដោយសារតែតំបន់ជាយក្រុងតម្លៃនៅទាប ដែលអាចឱ្យវិនិយោគិនអាចទិញដីសង់ផ្ទះលក់បានចំណេញតែបើសិនជានៅកណ្ដាលក្រុងវិញ តម្លៃដីខ្ពស់មិនអាចទិញហើយសង់ផ្ទះជាន់ផ្ទាល់ដីនោះទេ។ ភាគច្រើនអ្នកទិញដីកណ្ដាលក្រុងគឺទុកអភិវឌ្ឍន៍ជាអគារខ្ពស់ៗ ជាអគារការិយាល័យ អគារខុនដូ អាផាត់មិនជាដើម៕

ដោយ: សុផារី

ភ្នំពេញៈ និន្នា​ការ​នៃ​ការទិញ​ លក់​​ដីឡូតិ៍​ធ្លាប់​មាន​សកម្ម​ភាព​មមាញឹក​យ៉ាងខ្លាំង​ ប៉ុន្តែ​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ​ អ្នក​ជំនាញ​នៃ​វិស័យ​អចលនទ្រព្យ​មើល​ឃើញ​ថា អាជីវកម្ម​នេះ​ចាប់​ផ្តើម​មាន​សភាព​ស្ងប់ស្ងាត់ទាំង​អ្នក​អភិវឌ្ឍន៍និង​អតិថិជន ហើយ​កើតមាន​នូវ​និន្នាការ​ថ្មី​មួយ​ទៀត គឺ​​អ្នក​អភិវឌ្ឍន៍ដីឡូតិ៍​វិវត្ត​ខ្លួន​ទៅ​ជា​អ្នកអភិវឌ្ឍលំនៅឋាន​វិញ។​

លោក​ឧកញ៉ា នួន រឹទ្ធី អគ្គនាយក​ក្រុមហ៊ុន KFA បានមានប្រសាសន៍ប្រាប់​ Property Area Asia កាល​ពី​សប្តាហ៍មុនថា វិស័យដីឡូត៍នៅក្នុងប្រទេសកម្ពុជានាពេលបច្ចុប្បន្ននេះមានកម្រិតថមថយហើយ ហើយ​អ្នកអភិវឌ្ឍន៍ដីឡូតិ៍មួយចំនួនធំបានប្រែខ្លួនក្លាយទៅជាអ្នកអភិវឌ្ឍបុរីអស់ហើយ។

បើតាម​លោក​ឧកញ៉ា ភាពធ្លាក់ចុះថមថយនេះ ដោយសារភាពបត់បែននិងការអនុគ្រោះរបស់រាជរដ្ឋាភិបាទៅលើអ្នកអភិវឌ្ឍន៍និងអាជីវកម្មអភិវឌ្ឍន៍ដីឡូតិ៍មិនសូវមានទៀតឡើយ។

លោក​ឧកញ៉ា មាន​ប្រសាសន៍ថា “ជាក់ស្តែងអ្នកអភិវឌ្ឍន៍ដីឡូតិ៍ត្រូវសុំច្បាប់និងលិខិតអនុញ្ញាតអាជីវកម្មនានាពីរដ្ឋាភិបាលជាមុនសិនមុននឹងអាចមានសិទ្ធិក្នុងការពុះដីឡូលក់។ អ្នកអភិវឌ្ឍន៍ដីឡូតិ៍ចាំបាត់ត្រូវរៀបចំនូវហេដ្ឋារចនាសម្ព័ន្ធនៅក្នុងគម្រោងរបស់ខ្លួន។ លើសពីនេះ ដីពុះឡូតិ៍ទំាងនោះត្រូវមានប្លង់គោលច្បាស់លាស់ ក៏ជាចំណែកកំណត់ដោយច្បាប់ផងដែរ។ ជាពិសេស ប្រព័ន្ធសម្រួលភាពងាយស្រួលផ្សេងៗទៀតដូចជាប្រព័ន្ធលូ ប្រព័ន្ធទឹក ប្រព័ន្ធភ្លើង ត្រូវតែរៀបចំជូនអតិថិជន”។

លិខិត​ជូនដំណឹង​របស់​ក្រសួង​សេដ្ឋកិច្ច​និង​ហិរញ្ញវ​ត្ថុ ចុះ​ថ្ងៃទី៨ ខែមេសា ឆ្នាំ​២០២០នេះ បាន​តម្រូវ​ឲ្យ​អ្នក​ពុះដី​ឡូត៍​ទាំងអស់ ត្រូវ​ស្នើ​លិខិត​អនុញ្ញាត​អាជីវកម្ម​អភិវឌ្ឍ​ដីឡូត៍ ពីមន្ទីរសេដ្ឋកិច្ច​និង​ហិរញ្ញ​វត្ថុ​រាជ​ធានី​-ខេត្ត សម្រាប់ដីឡូត៍៍​ដែលមាន​ទំហំ​ក្រោម ០១ហិកតា ឬ ១ម៉ឺន​ម៉ែត្រ​ការ៉េ។

ចំណែក​ឯ​ដីឡូត៍​ដែល​ទំហំ​ចាប់​ពី ១ម៉ឺន​ម៉ែត្រ​ការ៉េ ឬ​ ០១ហិកតា ឡើងទៅ ត្រូវ​តម្រូវ​ឲ្យ​ស្នើសុំ​អាជ្ញាប័ណ្ណ​អភិវឌ្ឍ​ដីឡូត៍ ពីក្រសួង​សេដ្ឋកិច្ច​ និងហិរញ្ញវត្ថុ។

លោកឧកញ៉ាបញ្ជាក់ថា “មិនអាចធ្វើដូចមុនទៀតបានទេ ដោយគ្រាន់តែយកដីមកចាក់ហើយពុះជាដីឡូតិ៍សំរាប់លក់បានឡើយ។ ហើយត្រូវមានប្លង់បំបែកក្បាលដីទៀត មិនអាចចេះតែពុះឡូតិ៍ៗ ហើយមិនដឹងថាប្លង់ធំនៅឯណាបាននោះទេ”។

លោកឧកញ៉ាព្យាករណ៍ថាក្នុងឆ្នាំ២០២២នេះ អាជីវកម្មអភិវឌ្ឍន៍ដីឡូត៍ពុះលក់និងមានការធ្លាក់ចុះមួយចំនួនធំ។ យ៉ាងណាក៏ដោយសម្រាប់អ្នកអភិវឌ្ឍន៍លើវិស័យដីឡូតិ៍ពុះលក់ធំៗ នៅតែបន្តសកម្មភាពដោយសារក្រុមហ៊ុនធំៗទាំងនោះអភិវឌ្ឍអាជីវកម្មដីឡូតិ៍ស្រដៀងទៅនឹងអាជីវកម្មនៅឋានប្រភេទបុរី ដោយប្រកបដោយប្លង់រឹង កន្លែងកម្សាន្តសួនឧទ្យាននានា។

លោកឧកញ៉ាថា “អ្នកអភិវឌ្ឍន៍ធំៗលោកនៅតែអាចធ្វើបានព្រោះអ្វីដែលគាត់ធ្វើជារចនាសម្ព័ន្ធមួយដូចបុរីអញ្ចឹង។ គាត់មានប្លង់រឹង កន្លែងកម្សាន្ត សួនឧទ្យាន ជាដើម។ តែបើអ្នកពុះតូចតាចទៅមិនរួចទេ ព្រោះត្រូវប្រឈមមុខនឹងផ្លូវច្បាប់ច្រើន”៕