ការបោះលក់សញ្ញាប័័ណ្ណរដ្ឋាភិបាលទំហំ ៣០០លានដុល្លារ អាចនឹងចាប់ផ្តើមនៅចុងត្រីមាសទី២ឆ្នាំនេះ

ដោយៈ ជេស៊ីកា

ភ្នំពេញៈ គម្រោងបោះផ្សាយលក់សញ្ញាប័ណ្ណ ឬប័ណ្ណបំណុលរបស់រ ដ្ឋាភិបាល ដែលមានទឹកប្រាក់រហូតដល់៣០០លានដុល្លារ អាចនឹងចាប់ផ្តើមនៅចុងត្រីមាសទី២ឆ្នាំនេះ។

ប្រតិភូរាជរដ្ឋាភិបាលទទួលបន្ទុកអគ្គនាយក នៃទីផ្សារមូលបត្រកម្ពុជា លោកហុង សុហួរបានមានប្រសាសន៍ឲ្យដឹង តាមបណ្តាញតេឡេក្រាមកាលពីល្ងាចថ្ងៃទី១៥ មិនាថា រហូតមកទល់ពេលនេះ ក្រសួងសេដ្ឋកិច្ចនិងហិរញ្ញវត្ថុនឹងចេញសេចក្តីប្រកាសថ្មីមួយ ដើម្បីឈានទៅដំណើរការ​បោះផ្សាយលក់សញ្ញាប័ណ្ណរបស់រដ្ឋាភិបាល ប៉ុន្តែយើងនៅត្រូវរៀបចំនិតិវិធីមួយចំនួនទៀត ទើបអាចដំណើរការបាន។

លោកបន្តថា “មើលទៅរយៈពេលពីរឬបីខែទៀត យើងអាចចេញដំនើរបានហើយ”។

លោកហុង សុហួរ បានបន្តថា ​​ផ្សារមូលបត្រកម្ពុជាមានការរីកចម្រើននៅដើមឆ្នាំនេះ ជាកំណើនគួរឲ្យកត់សំគាល់ បើធៀបនឹងឆ្នាំ២០២០ និងឆ្នាំ២០២១កន្លងមក ខណៈក្រុមហ៊ុនកំពុងបោះផ្សាយលក់សញ្ញាប័ណ្ណ និង​មូលបត្របានកើនឡើងដល់១៥ ក្នុងនោះក្រុមហ៊ុនបោះផ្សាយលក់ភាគហ៊ុនចំនួន៩ និងក្រុមហ៊ុនបោះផ្សាយលក់សញ្ញាប័ណ្ណ ឬប័ណ្ណបំណុលចំនួន៦។

លោកបន្តថា “នាពេលខាងមុខនេះ នឹងមានក្រុមហ៊ុនបោះផ្សាយលក់សញ្ញាប័ណ្ណ និងក្រុមហ៊ុនរដ្ឋចុះបញ្ជីរមួយចំនួនទៀត នៅក្នុងផ្សារហ៊ុនកម្ពុជា”៕

អ្នកឧកញ៉ាលី ហួរ បង្ហើបពីគម្រោងវិនិយោគបុរី និងផ្សារនៅទីរួមខេត្តត្បូងឃ្មុំ

ដោយៈគង់ សូរិយា

ភ្នំពេញៈ ប្រធានបុរីវិមានភ្នំពេញ អ្នកឧកញ៉ាលី ហួរ បានបង្ហើបពីគំរោងវិនិយោគបុរី និងផ្សារនៅទីរួមខេត្តត្បូងឃ្មុំ ដែលនឹងធ្វើឡើងនៅពេលខាងមុខនេះ។

អ្នកឧកញ៉ាបានមានប្រសាសន៍ឲ្យដឹង តាមទូរស័ព្ទកាលពីសប្តាហ៍មុនថា កាលពីពេលថ្មីៗនេះ លោកបានអភិវឌ្ឍន៍ និងវិនិយោគបុរិវិមានភ្នំពេញ នៅទីរួមស្រុកស្នូល ក្នុងខេត្តក្រចេះ ដើម្បីផ្តល់លំនៅដ្ឋានដែលមានស្តង់ដា ផាសុខភាព និងអាចប្រកបអាជីវកម្មសំរាប់ប្រជាពលរដ្ឋ ប៉ុន្តែសំរាប់គំរោងនៅទីរួមខេត្តត្បូងឃ្មុំថ្មី យើងនឹងរៀបចំនាពេលខាងមុខនេះ។

លោកបន្តថា “យើងត្រូវសិក្សាទីផ្សារឲ្យបានច្បាស់លាស់ ព្រោះដីយើងមានរួចហើយ ហេតុនេះបើស្ថានភាពសេដ្ឋកិច្ចល្អ ចប់សង្រ្គាមរវាងរុស្ស៊ី និងអ៊ុយក្រែន យើងនឹងរៀបចំគំរោងអភិវឌ្ឍន៍នៅទីនោះ”។

នៅពេលសួរថា តើគំរោងអាចនឹងចាប់ផ្តើមឡើងនៅពេលណា? អ្នកឧកញ៉ាលី ហួរ បានមានប្រសាសន៍ថា គំរោងវិនិយោគនៅមូលដ្ឋានខាងលើនេះ អាចនឹងចាប់ផ្តើមនៅរយៈពេល២ទៅ៣ឆ្នាំខាងមុខនេះ។

កាលពីពេលថ្មីៗនេះ សម្តេចតេជោហ៊ុន សែននាយករដ្ឋមន្រ្តីនៃកម្ពុជា ទើបបានសម្ភោធ ដាក់ឲ្យប្រើប្រាស់មន្ទីរពេទ្យមិត្តភាពកម្ពុជា ចិន ដែលជាអំណោយរបស់រដ្ឋាភិបាលចិន នៅទីរួមខេត្តត្បូងឃ្មុំ ដែលចំណាយទុនវិនិយោគអស់ប្រមាណ៥០លានដុល្លារអាមេរិក។ មន្ទីរពេទ្យនេះ នឹងដើរតួនាទីសំរាប់កម្រិតតំបន់ផងដែរ មិនត្រឹមតែបំរើការពិនិត្យ ព្យាបាល និងថែរទាំអ្នកជំងឺនៅខេត្តត្បូងឃ្មុំតែមួយនោះទេ។

ខេត្តត្បូងឃ្មុំ ត្រូវបានរដ្ឋាភិបាលបំបែកចេញពីខេត្តកំពង់ចាម ដោយផ្នែកខាងត្បូងទន្លេមេគង្គ រួមមាន ក្រុងសួង ស្រុកពញ្ញាក្រែក ដំបែរ មេបត់ ក្រូចឆ្មារ ស្រុកអូរាំងឳ ត្រូវបានកាត់បញ្ចួលមកកាន់ខេត្តត្បូងឃ្មំ ពិសេសទីរួមខេត្តនេះ ស្ថិតនៅទីប្រជុំ ឬចំណុចប្រសព្វរវាងក្រុងសួង ស្រុកពញ្ញាក្រែក និងស្រុកដំបែរ៕

អ្នកជំនាញ: ទីផ្សារការិយាល័យក្នុងក្រុងភ្នំពេញងើបឡើងយឺតជាងការរំពឹងទុកក្នុងដើមឆ្នាំ២០២២

ដោយៈ សុផារី

ភ្នំពេញៈ អវត្តមាននៃភ្ញៀវទេសចរណ៍ និងអ្នកវិនិយោគបរទេសដោ​យសារវិបត្តិកូវីដ១៩ ក្នុងរយៈពេលជាង២ឆ្នាំនេះ បានធ្វើឱ្យទីផ្សារជួលមានភាពស្ងប់ស្ងាត់ខ្លាំងជាងទីផ្សារផ្សេងទៀត នៅក្នុងវិស័យអចលនទ្រព្យកម្ពុជា។

អ្នកជំនាញនៃវិស័យអចលនទ្រព្យជាច្រើនរូប បានសំដែលនូវសុទិដ្ឋិ​និយម ចំពោះការងើបឡើងវិញនៃវិស័យអចលនទ្រព្យ នៅដើមឆ្នាំ២០២២នេះ ដែលត្រូវបានជំរុញដោយកំណើនវិនិយោគក្នុងស្រុក និងការបើកប្រទេ​សស្វាគមន៍ភ្ញៀវទេសចរបរទេសឡើងវិញ។

យ៉ាងណាក្តី ស្របពេលលំហូរទេសចរណ៍ ចូលមកកម្ពុជាចាប់ផ្តើមមានសញ្ញាវិជ្ជមានបណ្តើរៗ អ្នកជំនាញនៅតែមើលឃើញពីការងើបឡើងវិញយឺតនៃទីផ្សារជួលនៅកម្ពុជា ជាពិសេសនៅក្នុងរាជធានីភ្នំពេញ។

លោក ប៉ូវ អ៊ាវគង់ អគ្គនាយកក្រុមហ៊ុន បានមានប្រសាសន៍ប្រាប់គេហទំព័រ Property Area Asia កាលពីសប្តាហ៍មុនថា ការអូសបន្លាយនៃជំងឺកូវីដ១៩បានធ្វើឱ្យទីផ្សារជួល ជាពិសេសការជួលការិយាល័យមិនទាន់មានអ្វីប្រែប្រួលខ្លាំងនោះឡើយ។ យើងគិតថា វាដូចជាសញ្ញាវិជ្ជមាន ដែលកើតមានឡើងនៅក្នុងដើមឆ្នាំ២០២២នេះ តែគ្រប់យ៉ាងត្រូវបានអូសបន្លាយព្រោះតែអូមីក្រុង។

បើសង្កេតលើអត្រាជួល (Occupancy Rate) នៃអគារការិយាល័យដែលនៅទំនេរចាប់ពីចុងឆ្នាំ២០២១ រហូតដល់ដើមខែមីនា លោកមើលឃើញថា អត្រានៃការជួលមានតិចតួចណាស់។

លោកមានប្រសាសន៍បន្ថែមថា ស្របពេលដែលពិភពលោកកំពុងប្រឈមនឹងកូវីដ១៩ ប្រភេទបំប្លែងថ្មីអូមីក្រុង នៅក្នុងខែកុម្ភៈនេះ សង្គ្រាមរវាងរុស្សី និងអ៊ុយក្រែនបានធ្វើឱ្យរង្គើរ ដល់ប្រព័ន្ធថាមពលពិភពលោក និងស្តុកមួយចំនួនផងដែរ។

លោកបន្តថា បញ្ហាខាងលើនេះបណ្តាល ឱ្យប៉ះពាល់ដល់ចរន្តនៃការទូទាត់ក្នុងប្រព័ន្ធហិរញ្ញវត្ថុ និងអារម្មណ៍របស់មនុស្សទូទៅ។ មិនថាអ្នកវិនិយោគក្រៅស្រុកឬក្នុងស្រុកនោះទេ បញ្ហានេះបណ្តាលឱ្យទិសដៅនៃការប្រើប្រាស់ទុនវិនិយោគ កាន់តែមានការប្រុងប្រយ័ត្នបន្ថែមទៀត ដែលសាងទៅជារបាំងមួយថ្មីក្នុងវិស័យអចលនទ្រព្យ។

អ្នកជំនាញនៃវិស័យអចលនទ្រព្យមួយរូបទៀតគឺ លោកស្រី តាំង ហ៊ួរ ដែលជាអគ្គនាយិកាក្រុមហ៊ុន Amatak Property Service Co, Ltd បានមានប្រសាសន៍កាលពីពេលថ្មីៗនេះថា ទីផ្សារជួលក្នុងរាជធានីភ្នំពេញនៅដើមឆ្នាំ២០២២នេះ បានត្រលប់មកវិញ តែស្ថិតនៅក្នុងអត្រាទាប។

លោកស្រីបានមានប្រសាសន៍ថា “Office Space មិនសូវមានគេសួររកនោះទេ ភាគច្រើនគេសួររកឃ្លាំង ផ្ទះក្នុងក្រុងដើម្បីធ្វើអាជីវកម្មច្រើនជាង”។ លោកស្រីបន្តថា “ទាក់ទងនឹងតម្រូវការ office space មិនសូវមានតម្រូវការទេ មានតិច មិនទាន់មានភាពប្រសើរនោះទេ”។

កន្លងមក ទីផ្សារជួលអចលនទ្រព្យ នៅក្នុងប្រទេសកម្ពុជាភាគច្រើនពឹងផ្អែកលើអតិថិជន ដែលជាជនជាតិបរទេស។

យោងតាមរបាយការណ៍របស់ក្រុមហ៊ុន CBRE Cambodia បានធ្វើព្យាករណ៍ថា នៅក្នុងឆ្នាំ ២០២២នេះ ការផ្គត់ផ្គង់ការិយាល័យនឹងធ្លាក់ចុះពីពាន់ម៉ែត្រការ៉េ នៅក្នុងឆ្នាំ២០២១ ដល់៩៧ពាន់ម៉ែត្រការ៉េ៕

ដំណឹងល្អៈស្ពានអាកាសចោមចៅនឹងដាក់ឲ្យប្រើ់ប្រាស់ពេញលេញ នៅថ្ងៃទី១៩មិនាខាងមុខ

ដោយៈ គង់ សូរិយា

       ភ្នំពេញៈ ការស្ថាបនាស្ពានអាកាស និងផ្លូវក្រោមដីរង្វង់មូលចោមចៅ នៅពេលនេះសម្រេចបាន៩៩ភាគរយហើយ ដោយនឹងដាក់ឱ្យដំណើរការ ឱ្យប្រើប្រាស់ជាបណ្ដោះអាសន្ននៅថ្ងៃទី១៩ ខែមីនា ខាងមុខនេះ។

អភិបាលរាជធានីភ្នំពេញលោកឃួង ស្រេងបានមានប្រសាសន៍ឲ្យដឹងថា រដ្ឋបាលរាជធានីភ្នំពេញ នឹងរៀបចំពិធីបើកដំណើរការដាក់ឱ្យប្រើប្រាស់ជាផ្លូវការនាពេលឆាប់ៗនេះ ក្រោមអធិបតីភាពសម្ដេច ហ៊ុន សែន នាយករដ្ឋមន្រ្តីកម្ពុជា។

គម្រោងស្ថាបនាស្ពានអាកាស និងផ្លូវក្រោមដីចោមចៅនេះ ជាគម្រោ​ងរបស់រដ្ឋាភិបាលកម្ពុជា និងម៉ៅការសាងសង់ដោយក្រុមហ៊ុន OCIC ដោយប្រើប្រាស់ការសាងសង់ ក្នុងរយៈពេល៣០ខែ និងចំណាយថវិកា២២លានដុល្លារ។

នៅពេលដែលសាងសង់រួចគម្រោងនេះ នឹងមានអាយុកាលប្រមាណជា ១០០ ឆ្នាំ ។

យោងទៅតាមផែនការមេ គម្រោងស្ថាបនានេះរួមមានផ្នែកសណខាន់ៗ​ចំនួន៤ រួមមានដូចជា ទី១ ស្ពានអាកាសមេតភ្ជាប់ចរាចរ ពីមហាវិថីសហព័ន្ធរុស្ស៊ី មកផ្លូវជាតិលេខ៣ មានប្រវែងសរុប៤០៨ម៉ែត្រ ទទឹង១៥,៨ម៉ែត្រ ដែលមានចរាចរ២គន្លងទៅ២គន្លងមក និងជម្រាលស្ពាន៤,៥ម៉ែត្រ ។ ទី២ ស្ពានអាកាសទីពីរ បំបែកចេញពីស្ពានអាកាសមេ បត់ឆ្វេងតភ្ជាប់ចរាចរពីមហាវិថីសហព័ន្ធរុស្ស៊ី ឆ្ពោះទៅវេងស្រេងប្រវែង៤០ម៉ែត្រ ។ ទី៣ ជាស្ពានតភ្ជាប់ចរាចរពីផ្លូវវេងស្រេង មកផ្លូវជាតិលេខ៣ មានប្រវែង៦០ម៉ែត្រ ទទឹង៥,២៥ម៉ែត្រ ។

ទី៤ ផ្លូវនិងផ្លូវក្រោមដី ជាផ្លូវកោង តភ្ជាប់ចរាចរពីផ្លូវវេងស្រេង មកផ្លូវជាតិលេខ៤ មានប្រវែងសរុប១៣០ម៉ែត្រ និងទទឹង៨,៥ម៉ែត្រ សម្រាប់ចរាចរមួយទិស ដែលមាន២គន្លងរថយន្ត និង១គន្លងទោចក្រយានយន្ត៕

Experts say land along Street 51 still exist investment activities

By: Sotheary

Phnom Penh: The real estate market, which focuses on land along National Road 51, is still active in terms of investment, as land in the area is still affordable and many large development projects are popping up.

Factories, enterprises, and industrial parks have been located along this national highway.

The President of Cambodian Valuers and Estate Agents Association (CVEA), Mr. Chrek Soknim, said this morning that the area of National Road 51 at this time continues to have normal trading activities, although less, revolving like before the Covid-19 eruption in the community and land prices are still cheap.

“The important thing is that the land area in this area is still large, not inferior to other areas, which can make it easier to buy and develop any large project, while this area is also becoming an industrial area,” he said. “The suburbs are home to factories, enterprises, warehouses and regional markets.”

Mr. Chrek Soknim said that the Phnom Penh Capital Administration has set factories and enterprises to move out of the city to reduce traffic congestion, most of which were fired at the area on Street 51, which makes the price here. Prices will continue to rise at the end of 20219, especially in areas with economic potential and urban areas next to the main road.

He said the price of land on this road ranges from 40 to 100 US dollars per square meter, depending on the type of topography and location.

“Currently, there is still a lot of vacant land in the area next to Street 51 and if you buy now, it may be a little cheaper because in Covid-19 crisis, no buyer can raise the price,” he said .

“But, if you wait later, sooner or later, after the Covid-19 calms down, the price may increase to another level, especially after there are more big projects to develop in this area,” he continues.

Mr. Phon So Onden , Sales Manager of KH Land, said that in the next 5 years, Street 51 will have the same potential as the current Win-Win Boulevard.

“If you want to make a profit in the future, you can invest in Street 51, but if you wait for the next five years, the price of land will rise and it will be very difficult to buy land to invest,” he said.

PM Hun Sen: Sihanoukville is very different from the past and will grow even more

By: Sotheary

Preah Sihanouk: On the afternoon of March 15, Samdech Techo Hun Sen wrote on Facebook that in recent years, Sihanoukville has been rapidly changing its face through the presence of many skyscrapers, infrastructure, bridges, flyovers, roads in the cities of this developing country.

Samdech saw that the view of Sihanoukville of Cambodia as of March 2022 is very different from the past. Samdech wrote that Sihanoukville in the future will also grow more and more.

“This shows that in recent years, Sihanoukville has been rapidly changing its image through the presence of skyscrapers, infrastructure, bridges, flyovers and roads in the cities of the country,” he wrote.

“The presence of high-rise buildings, infrastructure, bridges, flyovers, roads have happened more and more, all of this is a reflection of Cambodia’s great achievements that have been achieved and never before,” he wrote.

In the vision of turning Sihanoukville into a smart city through the development of key infrastructure such as the Phnom Penh-Sihanoukville Expressway, which has invested about $ 2 billion, 37 roads and three wastewater treatment plants, which cost a total of $ 300 million and a deep-sea port project etc.

In recent year, Chinese has been the number one investors in Sihanoukville, but recently the provincial administration and provincial authorities have been considering promotions and facilitations to attract tourists as well as other foreign investors from ASEAN and European markets as well.

សម្តេចតេជោៈ ខេត្តព្រះសីហនុពិតជាខុសគ្នាដាច់ស្រឡះពីអតីតកាល ហើយនឹងកាន់តែរីកចម្រើនថែមទៀត

ដោយៈ សុផារី

ក្រុងព្រះសីហនុ៖ សម្តេចតេជោ ហ៊ុន សែន នៅរសៀលថ្ងៃទី១៥ ខែមីនានេះ បានសរសេរនៅលើបណ្តាញសង្គមហ្វេសប៊ុកថា ប៉ុន្មានឆ្នាំចុងក្រោ​យនេះខេត្តព្រះសីហនុបាន និងកំពុងផ្លាស់ប្តូរមុខមាត់យ៉ាងលឿន តាមរយៈវត្តមានអគារខ្ពស់ៗកប់ពពក ហេដ្ឋារចនាសម្ព័ន្ធ ស្ពាន ស្ពានអាកាស ផ្លូវថ្នល់ កាន់តែច្រើននៅក្នុងទីក្រុង នៃប្រទេសកំពុងមានការអភិវឌ្ឍមួយនេះ។

សម្តេចបានមើលឃើញថា ទិដ្ឋភាពនៃខេត្តព្រះសីហនុរបស់កម្ពុជា គិតត្រឹមនៅខែមីនា ឆ្នាំ២០២២នេះ ពិតជាខុសគ្នាដាច់ស្រឡះពីអតីតកាល។ សម្តេចបានសរសេរថា ក្រុងព្រះសីហនុទៅអនាគតក៏នឹងកាន់តែរីកដុះដាលច្រើន និងល្អៗជាងនេះថែមទៀត។

សម្តេចសរសេរថា ”តាមរយៈទិដ្ឋភាពនេះ បានបង្ហាញអោយឃើញថា  ប៉ុន្មានឆ្នាំចុងក្រោយនេះ ខេត្តព្រះសីហនុបាន និងកំពុងផ្លាស់ប្តូរមុខមាត់យ៉ាងលឿន តាមរយៈវត្តមានអគារខ្ពស់ៗកប់ពពក ហេដ្ឋារចនាសម្ព័ន្ធ ស្ពាន ស្ពានអាកាស ផ្លូវថ្នល់ កាន់តែច្រើននៅក្នុងទីក្រុង នៃប្រទេសកំពុងមានការអភិវឌ្ឍមួយនេះ”។

សម្តេចបានសរសេរបន្តថា “ការបង្ហាញវត្តមានអគារខ្ពស់ៗ ហេដ្ឋារចនា​សម្ព័ន្ធ ស្ពាន ស្ពានអាកាស ផ្លូវថ្នល់ បានកើតឡើងជាបន្តបន្ទាប់ កាន់​តែ​ច្រើនទាំងអស់នេះ គឺបានឆ្លុះបញ្ចាំងពីសមិទ្ធផលធំៗរបស់កម្ពុជា ដែលសម្រេចបាន និងមិនធ្លាប់មានពីមុនមក”។

ក្នុងចក្ខុវិស័យប្រែក្លាយក្រុងព្រះសីហនុ ជាទីក្រុងឆ្លាតវៃ តាមរយៈការអភិវឌ្ឍលើហេដ្ឋារចនាសម្ព័ន្ធសំខាន់ ដូចជា ផ្លូវល្បឿនលឿនភ្នំពេញ-ព្រះសីហនុ ដែលចំណាយការវិនិយោគប្រមាណ២ពាន់លានដុល្លារ ផ្លូវចំនួន ៣៧ខ្សែ និងអាងប្រព្រឹត្តកម្មទឹកកខ្វក់ចំនួន៣ ដែលចំណាយសរុបប្រមាណ៣០០លានដុល្លារអាមេរិក និងគម្រោងកំពង់ផែទឹកជ្រៅជាដើម។

កន្លងមក ជនជាតិចិនគឺជាវិនិយោគិនលំដាប់លេខមួយ នៅក្នុងក្រុងព្រះសីហនុ ប៉ុន្តែក្នុងរយៈពេលចុងក្រោយនេះរដ្ឋបាលខេត្ត និងអាជ្ញាធរបានខេត្តបាន និងកំពុងគិតគូរពីការផ្សព្វផ្សាយ និងការសម្របសម្រួលនានា ដើម្បីទាញយកទេសចរណ៍ ក៏ដូចជាអ្នកវិនិយោគរទេសផ្សេងទៀត ដូចជាទីផ្សារអាស៊ាននិងអឺរ៉ុបផងដែរ៕

បណ្ឌិតគីម ហ៊ាងៈ កត្តាសំខាន់៥នឹងទាក់ទាញការវិនិយោគទុនវិនិយោគដោយផ្ទាល់ពីបរទេសកាន់តែច្រើន

ដោយៈវឌ្ឍនៈ

ភ្នំពេញៈ ពីមួយឆ្នាំទៅមួយឆ្នាំ កំណើនវិនិយោគពីបរទេសចូលមកកម្ពុជាកាន់តែច្រើនៗឡើង ហើយទោះបីជាកម្ពុជាជួបប្រទះ នឹងវិបត្តិកូវីដ១៩ក្ដី ក៏កម្ពុជា នៅតែទទួលបានការវិនិយោគពីប្រទេសដដែល។

លោកបណ្ឌិតគីម ហ៊ាងប្រធានKW Cambodia និងជាអ្នកជំនាញនៃវិស័យអចលនទ្រព្យកម្ពុជា និងជាអ្នកវិនិយោគមួយរូបលើវិស័យអចលនទ្រព្យបានបង្ហាញពីកត្តា៥ ដែលជំរុញឱ្យមានការទាក់ទាញវិនិយោគិនបរតេសកាន់តែច្រើន។

លោកបណ្ឌិតបានមានប្រសាសន៍ថា កត្តានយោបាយដែលមានស្ថិរភាពរឹងមាំ បានធ្វើឱ្យវិនិយោគិនជឿទុកលើកម្ពុជា និងបន្តចូលមកស្វែងរកការវិនិយោគ កាន់តែច្រើនពីមួយឆ្នាំទៅមួយឆ្នាំ។ ប្រទេសជិតខាងកម្ពុជាមានការផ្លាស់ប្តូរមេដឹកនាំ ជាញឹកញាប់ពីរបីឆ្នាំត្រូវផ្លាស់ប្តូរ ប្រទេសខ្លះ៥ឆ្នាំ តែសម្រាប់កម្ពុជាយើង មានមេដឹកនាំដែលមានបទពិសោធន៍។ ដូច្នេះហើយទើបនយោបាយយើងមានស្ថិរភាពរឹងមាំ មានការជឿទុកចិត្តពីអ្នកវិនិយោគក្នុងនិងបរទេស ដែលធ្វើឱ្យកម្ពុជាកាន់តែទាក់ទាញ ការវិនិយោគពីប្រទេសជាច្រើន។

លោកបណ្ឌិតបន្តថា កត្តាទី២គឺកត្តាសេដ្ឋកិច្ច ដែលសេដ្ឋកិច្ចរបស់កម្ពុជាមានការរីកចម្រើនរៀងរាល់ឆ្នាំ ក្នុងរង្វង់៧ភាគរយក្នុងមួយឆ្នាំ និងកម្រមានប្រទេសណា លើពិភពលោកកើនឡើងក្នុងរង្វង់ប៉ុណ្ណឹងណាស់។ ប៉ុន្តែក្នុងរយៈពេល២ឆ្នាំមកនេះ កំណើនសេដ្ឋកិច្ចបានថមថយបន្តិច ដោយសារតែកូវីដ១៩ ហើយមិនមែនតែកម្ពុជាទេ ដែលរងផលប៉ះពាល់គឺប្រទេសទាំងអស់ទូទាំងពិភពលោកតែម្ដង។

លោកបណ្ឌិតគីម ហ៊ាងបានបន្តថា “វិនិយោគិនលើពិភពលោកគេចូលចិត្តទៅវិនិយោគប្រទេសណា ដែលមានកំណើនសេដ្ឋកិច្ចខ្ពស់ដូចជាកម្ពុជា ”។

លោកបណ្ឌិតបានបន្ថែមផងដែរថា កត្តាសំខាន់ទី៣ ដែលធ្វើឱ្យវិនិយោគិនចង់មកកម្ពុជានោះ គឺកំណើនប្រជាសាស្ត្ររបស់កម្ពុជា ។ ប្រជាជនកម្ពុជាបច្ចុប្បន្ននេះ មានចំនួនសរុបជាង១៦លាននាក់ ហើយប្រជាជនភាគច្រើនគឺជាយុវជន ដែលកើតក្រោយសម័យខ្មែរក្រហម។ ប្រទេសមួយដែលមានប្រជាជនពី៦៨ ទៅ៧០ភាគរយជាយុវជន គឺជាប្រទេសមួយដែលមានអំណាចនៃការទិញ និងកំលាំងពលកម្ម។ អំណាចនៃការទិញ គឺការចាយលុយ ហើយកំលាំងពលកម្មក៏មិនខ្វះដែរ។

រោងចក្រភាគច្រើន ដែលមកកម្ពុជាគឺតែងតែកោតសរសើរពីកម្ពុជាដោយមិនខ្វះកំលាំងពលកម្ម សម្រាប់បំពេញការងារក្នុងរោងចក្រគេទេ ។

លោកបន្ថែមទៀតថា ប្រទេសជាច្រើននៅលើពិភពលោក កំពុងមានបញ្ហានូវកង្វះខាតកំលាំងពលកម្ម សម្រាប់ធ្វើការដូចជានៅប្រទេសជប៉ុន ហើយសម្រាប់កម្ពុជា មានធនធានមនុស្សច្រើន ចង់បានប៉ុន្មានក៏បានដែរ ហេតុនេះហើយ ទើបធ្វើឱ្យបរទេសចង់មកបណ្ដាក់ទុនវិនិយោគនៅកម្ពុជា។

កត្តាទី៤ដែលសំខាន់នោះ គឺកត្តាភូមិសាស្តៈ កម្ពុជាជាប្រទេសមួយនៅក្នុងតំបន់អាស៊ាន និងក្នុងទ្វីបអាស៊ី ហើយជាប្រទេសមួយដែលមានអំណោយផលកត្តាភូមិសាស្ត្រពីធម្មជាតិ ហើយកម្ពុជាជាប្រទេសមួយដែលសឹងតែគ្មានគ្រោះធម្មជាតិ ដូចជារញ្ជួយដី ខ្យល់ព្យុះ ទឹកជំនន់ បន្ទុះភ្នំភ្លើង ខណៈប្រទេសជាច្រើនមានតែខ្មែរគ្មាន។ ក្នុងនោះដែរកម្ពុជាជាប្រទេសដែលមានផ្ទៃដីរាបស្មើ៧៥ភាគរយ។ ដូច្នេះដីកម្ពុជាអាចធ្វើកសិកម្ម និងសាងសង់ផ្សេងៗទៀត។ កម្ពុជាក៏មានភ្នំ មានទន្លេ ឆ្នេរសមុទ្រក៏មាន សរុបទៅកម្ពុជាប្រទេសមានសណ្ឋានដីល្អឥតខ្ចោះ ។

លោកបញ្ជាក់ថា កត្តាទី៥ ដែលទាក់ទាញវិនិយោគិននោះ គឺប្រជាជនកម្ពុជា ជាប្រជាជនដែលមានភាពរួសរាយរាក់ទាក់។ នៅពេលបរទេសចូលមកស្រុកខ្មែរ គេតែងតែសរសើរពីអត្តចរឹករបស់ប្រជាជនកម្ពុជា គឺតែងតែញញឹមរួសរាយដល់ភ្ញៀវ និងជនបរទេស ដែលចូលមកទាំងទេសចរ និងវិនិយោគិន។ អ្វីដែលសំខាន់ប្រជាជនកម្ពុជា ដែលទៅបរទេសគួរតែនិយាយល្អពីកម្ពុជា ទៅកាន់បរទេស ដើម្បីឱ្យបរទេសចូលកម្ពុជា កាន់តែច្រើនថែមទៀត៕

ការឈ្លានពានរបស់ពូទីនចូលទឹកដីអ៊ុយក្រែន នឹងធ្វើឱ្យសេដ្ឋកិច្ចរុស្ស៊ីដើរថយក្រោយយ៉ាងតិច៣០ឆ្នាំ

ដោយៈសុខុម

វ៉ាស៊ីនតោន: សង្គ្រាមដែលបុរសខ្លាង វ្លាឌីមៀ ពូទីន បានបញ្ឆេះឡើងដើម្បីចូលឈ្លានពានប្រទេសអ៊ុយក្រែន និងដែលបណ្ដាលឱ្យមានប្រតិកម្មឆ្លើយតបជាសកលយ៉ាងចាស់ដៃ នឹងធ្វើឱ្យសេដ្ឋកិច្ចប្រទេសរុស្ស៊ី ដើរថយក្រោយយ៉ាងតិច៣០ឆ្នាំ។

ក្រុមអ្នកជំនាញសេដ្ឋកិច្ច វិនិយោគិន និងអ្នកការទូតបានព្យាករណ៍ថា សេដ្ឋកិច្ចរុស្ស៊ី នឹងដាំក្បាលចុះខ្លាំងជិតដល់កម្រិត អំឡុងសម័យសហភាពសូវៀត ដែលវានឹងធ្វើឱ្យកម្រិតជីវភាពរបស់ប្រជាជនរុស្ស៊ី ធ្លាក់ចុះយ៉ាងហោចណាស់៥ឆ្នាំ។ នេះបើយោងតាមសារព័ត៌មាន CNBC ចុះផ្សាយកាលពីថ្ងៃច័ន្ទ ទី១៤ មីនា។

លោកខាងលិច និងបណ្ដាសម្ព័ន្ធមិត្ត បានបង្កើនការដាក់ទណ្ឌកម្មឥតឈប់ឈរទៅលើប្រទេសរុស្ស៊ី ពោលគឺធ្វើយ៉ាងណាឱ្យសេដ្ឋកិច្ចរុស្ស៊ី ឈានដល់ការរលំរលាយ តាមរយៈការដករុស្ស៊ីចេញពីទីផ្សារពិភពលោក និងការបង្កកទ្រព្យសម្បត្តិនៅទូទាំងពិភពលោក។

ជាលទ្ធផល ប្រព័ន្ធហិរញ្ញវត្ថុ និងរូបិយប័ណ្ណរបស់រុស្ស៊ី កំពុងដួលរលំជាបណ្ដើរៗហើយ ដោយបង្ខំឱ្យវិមានក្រឹមឡាំង (រុស្ស៊ី) បិទផ្សារហ៊ុន និងពង្រឹងការប្រើប្រាស់រូបិយប័ណ្ណជាតិ រ៉ូប៊ល (Rouble) នៅក្នុងព្រំដែនរបស់ខ្លួន។

ជាការពិតណាស់ កិច្ចខិតខំប្រឹងប្រែងរយៈពេល៤០ឆ្នាំរបស់រុស្ស៊ី ក្នុងការកសាងសេដ្ឋកិច្ចដ៏រុងរឿង សម្បូរស ប្បាយដោយផ្អែកលើទីផ្សារសេរី ដែលបានចាប់ផ្តើមចាប់តាំង ពីក្រោមការដឹកនាំរបស់អតីតមេដឹកនាំលោក មីកាអ៉ិល ហ្គោបាឆេវ (Mikhail Gorbachev) បានបរាជ័យរួចទៅហើយ ។

ការឈ្លានពានដ៏ឃោរឃៅរបស់ប្រធានាធិបតី ពូទីន ទៅលើអ៊ុយក្រែន កាន់តែធ្វើឱ្យសេដ្ឋកិច្ចរុស្ស៊ី បរាជ័យកាន់តែខ្លាំងថែមទៀត។

*ទណ្ឌកម្មដ៏ធ្ងន់ធ្ងរ២ដែលធ្វើឱ្យសេដ្ឋកិច្ចរុស្ស៊ី ដុនដាបខ្លាំង

ទណ្ឌកម្មដ៏ធ្ងន់ធ្ងរបំផុត២ បានធ្វើឱ្យសេដ្ឋកិច្ចរុស្ស៊ី ដុនដាបខ្លាំងស្ទើរតែរលំរលាយ។

ទី១ ការដកធនាគារធំៗបំផុតរបស់រុស្ស៊ី ចេញពីបណ្ណាញទូទាត់សក​ល (SWIFT)ដែលធ្វើឱ្យរុស្ស៊ី ពិបាកនឹងធ្វើប្រតិបត្តិការទូទាត់ នៅក្រៅប្រទេស។

ទី២ ការបង្កកទុនបម្រុងអន្តរជាតិ រាប់រយពាន់លានដុល្លារអាមេរិក ដែលរក្សាទុកដោយធនាគារកណ្តាលរុស្ស៊ី។ ប្រាកដណាស់ថា បើគ្មានទុនបម្រុងអន្តរជាតិ ដើម្បីជួយគាំទ្រដល់រូបិយប័ណ្ណជាតិ រ៉ូប៊លទេនោះ សេដ្ឋកិច្ចរុស្ស៊ី អាចនឹងឈានដល់ការរលំរលាយ។

ទន្ទឹមនឹងនេះ សហរដ្ឋអាមេរិក និងអង់គ្លេស ក៏កំពុងបញ្ឈប់ការនាំចូលប្រេង និងឧស្ម័នរបស់រុស្ស៊ីផងដែរ។ មិនតែប៉ុណ្ណោះ សហរដ្ឋអាមេរិក ក៏បានរឹតបន្តឹង លើការនាំចេញឧបករណ៍បច្ចេកវិទ្យាជាន់ខ្ពស់ និងទំនិញប្រណីតៗផងដែរ ខណៈប្រទេសកាន់តែច្រើនឡើង បានរារាំងនាវារុស្ស៊ីមិន ឱ្យចូលចតកំពង់ផែរបស់ពួកគេ៕  CNBC៕

អ្នកជំនាញថា ដីធ្លីនៅតាមបណ្តោយផ្លូវលេខ៥១នៅតែបន្តមាន សកម្មភាពវិនិយោគ

   ដោយៈវឌ្ឍនៈ

ភ្នំពេញៈ ទីផ្សារអចលនទ្រព្យ ដែលផ្តោតសំខាន់លើប្រភេទដីធ្លីស្ថិតនៅតាមបណ្តោយផ្លូវជាតិលេខ៥១ នៅតែមានសកម្មភាពលើការវិនិយោគ ដោយសារដីធ្លីនៅតាមតំបន់នេះ នៅមានតម្លៃសមរម្យ និងមានគម្រោងអភិវឌ្ឍន៍ធំៗជាច្រើន បានបង្ហាញវត្តមានជាបន្តបន្ទាប់។

រោងចក្រ សហគ្រាស និងតំបន់សួនឧស្សាហកម្ម បាននឹងកំពុងបោះទីតាំងនៅតាមបណ្តោយផ្លូវជាតិមួយនេះ។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) លោក ច្រឹក សុខនីម បានមានប្រសាសន៍ឲ្យដឹងនាព្រឹកថ្ងៃទី១៥ មិនានេះថា តំបន់ផ្លូវជាតិលេខ៥១ នៅពេលបច្ចុប្បន្ននេះ នៅតែបន្តមានសកម្មភាពទិញលក់ជាធម្មតា ទាស់ត្រង់ថា មិនសូវផុសផុលដូចមុនពេលផ្ទុះកូវីដក្នុងសហគមន៍ ហើយតម្លៃដីធ្លីក៏នៅធូរថ្លៃ។

លោកបន្តថា “អ្វីដែលសំខាន់គឺទំហំដីនៅតំបន់នេះ នៅមានវិសាលភាពធំទូលាយ មិនចាញ់តំបន់ផ្សេងៗនោះឡើយ ដែលអាចបង្កភាពងាយស្រួលក្នុងការ ទិញ ត្រៀមអភិវឌ្ឍន៍គម្រោងធំៗណាមួយ ខណៈដែលតំបន់នេះ ក៏កំពុងក្លាយជាតំបន់ឧស្សាហកម្មជាយក្រុង ដែលប្រមូលផ្តុំទៅដោយរោងចក្រ សហគ្រាស ឃ្លាំងស្តុកទំនិញ និងផ្សារតំបន់ផងដែរ”។

លោកច្រឹក សុខនីម បានបន្តថា រដ្ឋបាលរាជធានីភ្នំពេញ បានកំណត់ឱ្យរោងចក្រ សហគ្រាសផ្សេងៗ រើទីតាំងចេញពីទីក្រុង  ដើម្បីកាត់បន្ថយកកស្ទះចរាចរណ៍ ដែលភាគច្រើន គម្រោងទាំងនោះបានបាញ់ឆ្ពោះ ទៅកាន់នៅតំបន់ផ្លូវ៥១នេះ ដែលធ្វើឱ្យតម្លៃនៅទីនេះ កាន់តែឡើងថ្លៃជាបន្តបន្ទាប់កាលពីចុងឆ្នាំ២០២១៩ ជាពិសេសតំបន់ ដែលមានសក្តានុពលសេដ្ឋកិច្ច និងជាទីបណ្តុំប្រជុំជននៅជាប់ផ្លូវធំតែម្ដង។

លោកថ្លែងបន្តថា តម្លៃដីនៅតាមផ្លូវនេះមានតម្លៃចាប់ ៤០ រហូតដល់ ១០០ ដុល្លារអាមេរិកក្នុងមួយម៉ែត្រការ៉េ អាស្រ័យទៅតាមប្រភេទនៃសណ្ឋា​នដី និងទីតាំងរបស់ដី។ បច្ចុប្បន្នទាំងនៅតំបន់ជាប់ផ្លូវ៥១ និងតំបន់ក្បែរគ្នាគឺនៅមានដីទំនេរច្រើន ហើយបើទិញនាពេលបច្ចុប្បន្ននេះ អាចនៅមានតម្លៃធូរថ្លៃបន្តិច ព្រោះក្នុងវិបត្តិកូវីដ គ្មានអ្នកទិញមិនអាចតម្លើងតម្លៃបាន ប៉ុន្តែបើរង់ចាំទៅថ្ងៃខាងមុខបន្តិចទៀត  ឬក្រោយស្ងប់ស្ងាត់បញ្ហាកូវីដ តម្លៃវាអាចនឹងកើនឡើងមួយកម្រិតទៀត ជាពិសេសបន្ទាប់ពីមានគម្រោងធំចូលទៅអភិវឌ្ឍន៍នៅតំបន់នេះកាន់តែច្រើន។

ជាមួយគ្នានេះ លោក ផូន សុអុនដែន ប្រធានផ្នែកលក់នៃក្រុមហ៊ុន  KH Land បានឱ្យដឹងថា នៅក្នុងរយៈពេល៥ឆ្នាំខាងមុខផ្លូវ៥១នឹងមានសក្ដានុពលដូចជា ផ្លូវមហាវិថីឈ្នះ ឈ្នះនាពេលបច្ចុប្បន្ននេះ ហើយលោកក៏បានផ្ដល់ជាទស្សនៈថា បើចង់បានប្រាក់ចំណេញ នៅពេលអនាគតអាចវិនិយោគនៅផ្លូវ៥១ តែបើរង់ចាំ៥ឆ្នាំខាងមុខ នោះតម្លៃដីធ្លីនឹងកើនឡើងខ្ពស់និងពិបាកក្នុងការទិញដីដើម្បីវិនិយោគណាស់៕