អ្នកលេងទឹកកំសាន្តនៅឆ្នេរព្រះសីហនុកាន់តែមានសុវត្ថិភាពក្រោយរដ្ឋបាលខេត្តដាក់ប៉មចំនួន១២សំរាប់ឆ្មាំឆ្នេរសមុទ្រ

ដោយ: ម៉ាលីស

ព្រះសីហនុ: ប៉មយាមឆ្មាំឆ្នេរសមុទ្រ នៅតាមបណ្តោយឆ្នេរសមុទ្រក្នុងក្រុងព្រះសីហនុ មានចំនួន១២ប៉មត្រូវបានរៀបចំពិធីសម្ពោធ ដាក់ឲ្យប្រើប្រាស់ជាផ្លូវការ នាថ្ងៃទី១៤ មីនា ២០២២កន្លងមកនេះ។

អភិបាល នៃគណៈអភិបាលខេត្តព្រះសីហនុលោកគួច ចំរើន និងអ្នកឧកញ៉ាទ្រី ភាព អញ្ជើញចូលរួមក្នុងពិធីប្រគល់ ទទួលប៉មយាមចំនួន១២ប៉ម នៅឆ្នេរអូរឈើទាល២ ស្ថិតក្នុងសង្កាត់លេខ៤ ក្រុងព្រះសីហនុ ដោយមានការចូលរួមពីលោកអភិបាលរងខេត្ត លោកអភិបាលក្រុងព្រះសីហនុ ប្រធានមន្ទីរ អង្គភាព កងកម្លាំងប្រដាប់អាវុធ បុគ្គលិកសម្អាតឆ្នេរ និងឆ្មាំឆ្នេរសមុទ្រ។

លោកគួច ចំរើន បានមានប្រសាសន៍ថា ថ្ងៃនេះយើងធ្វើពិធីសម្ពោធដាក់ឱ្យប្រើប្រាស់ជាផ្លូវការនូវប៉ុស្តិ៍យាម ឬប៉មយាមឆ្មាំឆ្នេរសមុទ្ររបស់យើងនៅតាមបណ្តោយឆ្នេរសមុទ្រ ក្នុងក្រុងព្រះសីហនុមានចំនួន១២ប៉ម។ ដោ​យសារការខិតខំរបស់រាជរដ្ឋាភិបាល បានសម្រេចអនុញ្ញាតឱ្យយើងប្រើប្រាស់នូវថវិកាសម្រាប់ធ្វើការអភិវឌ្ឍខេត្តព្រះសីហនុ។

លោកអភិបាលមានប្រសាសន៍ថា​ ពីមុនឆ្នេរនេះ ត្រូវបានប្រើប្រាស់របស់ឯកជន ពុំមានលំហរសាធារណ: ក្រោយកិច្ចខិតខំប្រឹងប្រែងរបស់យើង បានធ្វើឱ្យឆ្នេរនេះ ក្លាយជាលំហរសាធារណៈមានជាង១៦គីឡូម៉ែត្រ និងពយជាង៤គីឡូម៉ែត្រ។ យើងបានរៀបចំដាក់ពោងសុវត្ថិភាព ដើម្បីបែងចែកតំបន់សម្រាប់អ្នកហែលទឹកលេង ឱ្យមានសុវត្ថិភាព ពីទូក កាណូត ឬមធ្យោបាយផ្សេងៗ និងជារបាំងសុវត្ថិភាពនៅពេលមានខ្យល់ ឬប្រការណាមួយ៕

ខេត្តត្បូងឃ្មុំគ្រោងយកតំបន់ប្រវត្តិសាស្ត្រដើមពោធិ៍ទុំទាវ ធ្វើជារមណីយ   ដ្ឋានទាក់ទាញភ្ញៀវទេសចរណ៍ជាតិនិងអន្តរជាតិ

ដោយៈកុសមា

ត្បូងឃ្មុំ: តំបន់ប្រវត្តិសាស្រ្តដើមពោធិ៍ទុំទាវ ក្នុងខេត្តត្បូងឃ្មុំ នឹងត្រូវរៀបចំអភិវឌ្ឍន៍ កែលម្អជារមណីយដ្ឋានប្រវត្តិសាស្ត្រ ទាក់ទាញភ្ញៀវទេស​ចរណ៍ជាតិ និងអន្តរជាតិ។

លោកជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ និងលោកស្រី ម៉េង វ៉ាន់ដានីន កាលពីចុងសប្តាហ៍កន្លងទៅនេះ បានដឹកនាំម   ន្ត្រីជំនាញចុះពិនិត្យ សិក្សាអំពីទីតាំងប្រវត្តិសាស្រ្តដើមពោធិ៍ទុំទាវ ស្ថិតនៅភូមិជើងខាល ឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ។

ជាមួយនឹងការចុះពិនិត្យនេះ លោកបណ្ឌិតអភិបាលខេត្តក៏បានណែ​នាំដល់មន្ត្រីជំនាញទាំងអស់ ត្រូវសិក្សារៀបចំទីតាំងប្រវត្តិសាស្រ្តមួយនេះអោយក្លាយទៅជាតំបន់ទេសចរណ៍ប្រវត្តិសាស្ត្រ សម្រាប់បងប្អូនប្រជាពលរដ្ឋមកទស្សនាកំសាន្ត និងសិក្សាពីប្រវត្តិសាស្ត្រ ទាំងភ្ញៀវជាតិ និងអន្តរជាតិ។

ជំហានដំបូងត្រូវសិក្សាធ្វើរបងព័ទ្ធជុំវិញ និងដាំកូនឈើបន្ថែមលើបរិវេ​ណដើមពោធិ៍ប្រវត្តិសាស្ត្រមួយនេះ ក្នុងនោះក៏ត្រូវរៀបចំឲ្យមានបង្គន់អនាម័យផងដែរ ។

លោកជាម ច័ន្ទសោភ័ណ មានប្រសាសន៍លើកឡើងបន្តថា ទីតាំងប្រវត្តិសាស្ត្រដើមពោធិ៍ទុំទាវ ដែលស្ថិតនៅភូមិជើងខាល ឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ នេះគឺជាទីតាំងប្រវត្តិសាស្រ្ត ដ៏ទាក់ទាញមួយសម្រាប់ភ្ញៀវទេសចរជាតិអន្តរជាតិ ប៉ុន្តែដោយកន្លងមកយើងមិនទាន់បានរៀបចំឲ្យមានសោភ័ណភាពល្អ។ ម្យ៉ាងទៀតភ្ញៀវទេសចរណ៍មួយចំនួន មិនស្គាល់ទីតាំងច្បាស់លាស់ផងនោះ ទើបធ្វើឲ្យតំបន់ទេសចរណ៍ប្រវត្តិសាស្រ្តមួយនេះត្រូវបានមើលរំលង ប៉ុន្តែចាប់ពីពេលនេះតទៅអាជ្ញាធរខេត្ត និងរៀបចំតំបន់ប្រវត្តិសាស្ត្រមួយនេះ អោយក្លាយទៅជាតំបន់ដ៏ទាក់ទាញ សម្រាប់ភ្ញៀវទេសចរជាតិអន្តរជាតិ ចូលមកទស្សនាកំសាន្ត និងស្គាល់ពីប្រវត្តិសាស្ត្រទុំទាវ ។

កាលពីពេលកន្លងទៅថ្មីៗនេះ ដើមពោធិ៍ក្នុងតំបន់ប្រវត្តិសាស្ត្រទុំទាវដ៏ធំមួយ ដែលគេឲ្យឈ្មោះថាដើមពោធិ៍អ្នកតាក្រហមក ត្រូវបានខ្យល់កន្ត្រាក់បោកដួលរលំ ហើយត្រូវបានអាជ្ញាធរខេត្តរៀបចំដាំឡើងវិញ។

ក្រោយការដួលរលំដើមពោធិ៍ដ៏ធំមួយនេះ តំបន់ប្រវត្តិសាស្រ្តទុំទាវត្រូវបានបងប្អូនប្រជាពលរដ្ឋ មានការចាប់អារម្មណ៍ចង់ឃើញ និងស្គាល់ ដោយបានចូលទៅទស្សនាបន្ទប់បន្ទាប់ ពិសេសបងប្អូនប្រជាពលរដ្ឋដែលមកពីបណ្ដាខេត្តផ្សេងៗផងដែរ៕

តម្រូវការដីនៅតាមបណ្ដោយមហាវីថីឈ្នះឈ្នះមានការកើនឡើង ខណៈបុរីជាច្រើនឆ្ពោះទៅតំបន់នេះ

ដោយៈវឌ្ឍនៈ

ភ្នំពេញៈ ការអភិវឌ្ឍសំណង់អចលនទ្រព្យ នៅតំបន់តាមបណ្ដោយមហាវិថីឈ្នះ ឈ្នះ ប៉ែកខាងលិចរាជធានីភ្នំពេញ មួយរយៈពេលចុងក្រោយនេះមានកំណើនកាន់តែច្រើនឡើងៗ ដែលធ្វើឱ្យតម្លៃ ដីនិងការទិញលក់នៅទីនោះនៅតែមានសកម្មភាពទោះបីជាកម្ពុជាជួបនឹងវិបត្តិកូវីដ១៩ក្ដី។

លោកប៉ូ អ៊ាវគង់ អគ្គនាយកក្រុមហ៊ុនអចលនទ្រព្យ Advance បានមានប្រសាសន៍ឲ្យដឹងតាមទូរស័ព្ទនារសៀលថ្ងៃទី១៤ មិនានេះថា កំណាត់ផ្លូវមហាវិថីឈ្នះឈ្នះ ឃើញថាជាតំបន់ដែលមានសកម្មភាព មមាញឹកមួយក្នុងចំណោមផ្លូវក្រវ៉ាត់ក្រុងទី៣ ដែលតភ្ជាប់ពីផ្លូវជាតិលេខ១ ដល់មហាវិថីឈ្នះឈ្នះ ដោយក្នុងនោះយើងឃើញថា តំបន់នៅតាមបណ្ដោយផ្លូវឈ្នះឈ្នះ ជាផ្លូវដែលតភ្ជាប់ទៅផ្លូវជាតិសំខាន់ៗ ឆ្ពោះទៅកាន់បណ្ដាខេត្តនានា ដូចជាទៅកាន់កំពង់ផែទឹកជ្រៅ នៃខេត្តព្រះសីហនុ ខេត្តកំពត និងតំបន់ច្រកទ្វារអន្តរជាតិកម្ពុជា ថៃ ជាដើម ។

លោកបន្តថា “នៅពេលតម្រូវការប្រើប្រាស់ដីធ្លី កាន់តែច្រើនវានឹងជំរុញឱ្យតម្លៃដីធ្លីនៅតំបន់នោះ កាន់តែមានហាងឆេង និងកើនឡើងខ្ពស់”។

សព្វថ្ងៃនេះតំបន់តាមបណ្ដោយផ្លូវឈ្នះឈ្នះ មានតម្លៃរង្វង់ប្រមាណ១២០ដុល្លារ ទៅ១៥០ដុល្លារអាមេរិកក្នុងមួយម៉ែត្រការ៉េ អាស្រ័យទៅលើទំហំដី និងជាប្រភេទដីនៅជាប់ផ្លូវធំ ។ នៅពេលពេលអនាគត តំបន់តាមបណ្ដោយផ្លូវឈ្នះ ឈ្នះ នឹងកាន់តែមានសក្ដានុពលបន្ថែមទៀត ហើយនឹងទាក់ទាញដល់ការវិនិយោគកាន់តែច្រើនបន្ថែមទៀតផងដែរ ។

ជាមួយគ្នានេះ លោកច្រឹក សុខនីមប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា ក៏បានលើកឡើងផងដែរថា តំបន់ប៉ែកខាងលិចក៏មាន គម្រោងអភិវឌ្ឍន៍ហេដ្ឋារចនាសម្ព័ន្ធច្រើនដែរ ដូច្នេះហើយទើបធ្វើឱ្យមានតម្រូវការ នៃការអភិវឌ្ឍអចលនទ្រព្យដូចជា បុរីលំនៅឋាន ឃ្លាំងស្ដុកទំនិញ ផ្សារជាដើម ។

លោកបានបន្តថា តាមពិតទៅតំបន់ជុំវិញរាជធានីភ្នំពេញ មានសក្ដានុពលដូចតែគ្នា វាគ្រាន់តែការអភិវឌ្ឍមានទំនោរខុសៗគ្នា បន្តិចបន្តួចប៉ុណ្ណោះ ។ ហើយការវិនិយោគនៅតំបន់ជាយៗ រាជធានីភ្នំពេញនឹងអាចផ្ដល់ប្រយោ​ជន៍ត្រលប់មកវិញឆាប់ៗផងដែរ៕

ADBផ្តល់ហិរញ្ញប្បទានជិត១០លានដុល្លារលើកកំពស់សោភ័ណភាព ក្រុងពោធិសាត់

 ដោយៈគង់ សូរិយា

       ភ្នំពេញៈ ផ្លូវសំខាន់ៗចំនួន៤បានបញ្ចប់ការសាងសង់ ក្នុងក្រុងពោធិ៍សាត់ បានស្ថាបនារួចរាល់ជាស្ថាពរហើយ ខណៈនៅមួយចំនួនតូចទៀតប៉ុណ្ណោះ កំពុងបន្តស្ថាបនា។

តាមការឲ្យដឹងពីរដ្ឋបាលខេត្តពោធិ៍សាត់ កាលពីថ្ងៃទី១៣ ខែមីនា ឆ្នាំ២០២២កន្លងមកបានឲ្យដឹងថា គម្រោងដែលបានបញ្ចប់ទាំងនោះ រួមមាន ទីលានទុកដាក់សម្រាម អាងប្រព្រឹត្តកម្មទឹកកខ្វក់ ប្រព័ន្ធលូរំដោះទឹកភ្លៀង និងផ្លូវក្រាលស៊ូDBST ព្រមទាំងផ្លូវប៉េតុងជុំវិញផ្សារថ្មីពោធិ៍សាត់។

ដោយឡែក ខ្សែផ្លូវមួយចំនួនតូចទៀត គ្រោងនឹងបញ្ចប់ការដ្ឋាន នៅអំឡុងខែមីនា ឆ្នាំ២០២២នេះផងដែរ។

គម្រោងហេដ្ឋារចនាសម្ព័ន្ធទាំងនេះ ស្ថិតក្នុងគម្រោងគ្រប់គ្រងបរិស្ថានជុំវិញបឹងទន្លេសាប ដែលជាកម្ចីហិរញ្ញប្បទានពីធនាគារ ADB ៩,៩៣លានដុល្លារ និងអនុវត្តដោយក្រសួងសាធារណការ និងដឹកជញ្ជូន៕

 

លោកបណ្ឌិតហ៊ុន ម៉ាណែតៈកំណើនគ្រឹះស្ថានធនាគារនិងហិរញ្ញវត្ថុជាការរួមចំណែកលើកកំពស់បរិយាប័ណ្ណហិរញ្ញវត្ថុ

 ដោយៈគង់ សូរិយា

       ភ្នំពេញៈ លោកបណ្ឌិតហ៊ុន ម៉ាណែតអគ្គមេបញ្ជាការកងទ័ពជើងគោកបានមានប្រសាសន៍ថា កំណើនគ្រឹះស្ថានធនាគារ និងហិរញ្ញវត្ថុនៅកម្ពុជា ក្នុងរយៈពេល២០ឆ្នាំចុងក្រោយនេះ ជាការចូលរួមចំណែកយ៉ាងសំខាន់ ក្នុងការលើកកម្ពស់បរិយាប័ន្នហិរញ្ញវត្ថុនៅកម្ពុជា។

លោកហ៊ុន ម៉ាណែតបានបញ្ជាក់បែបនេះក្នុងពេលអញ្ជើញជាអធិតបីក្នុងពិធីសម្ភោធសាខាធនាគារវីង ខ័ណ្ឌសែនសុខនាព្រឹកថ្ងៃទី១៤ មិនានេះ។

លោកបណ្ឌិតបានថា “បរិយាប័ន្នហិរញ្ញវត្ថុត្រូវបានទទួលស្គាល់ថា បានដើរតួនាទីយ៉ាងសំខាន់ ក្នុងការរួមចំណែកផ្តល់លទ្ធភាពដល់ប្រជាជន ក៏ដូចជាសហគ្រាសធុនតូច និងមធ្យម ឲ្យទទួលបានសេវាហិរញ្ញវត្ថុលឿនរហ័ស ងាយស្រួល និងមានតម្លៃសមរម្យ ជាការធានាបាននូវការពង្រីកសក្តានុពលសកម្មភាពសេដ្ឋកិច្ចលើគ្រប់វិស័យ និងការកាត់បន្ថយភាពក្រីក្រនៅក្នុងសង្គម”។

ជាមួយគ្នានេះ លោក ហ៊ុន ម៉ាណែត បានសម្តែងនូវការអបអរសាទរចំពោះជោគជ័យ និងសមិទ្ធផលទាំងឡាយ ដែលក្រុមហ៊ុននឹងខិតខំសម្រេ​ចបានក្នុងរយៈពេល១៣ឆ្នាំ កន្លងមកនេះ ដែលជាដំណើរជោគជ័យគួរជាទីមោទនៈ មួយទៀតរបស់ក្រុមហ៊ុនក្នុងស្រុក។

លោកបន្ដទៀតថា ការពង្រីកខ្លួនបន្ថែមទៅជាធនាគារពាណិជ្ជ និងការដាក់ឲ្យដំណើរការសាខាចំនួនពីរ ដែលត្រូវបានប្រកាសជាផ្លូវការក្នុងថ្ងៃនេះ ក៏បានឆ្លុះបញ្ចាំងឱ្យឃើញផងដែរអំពីស្ថិរភាព ភាពធន់ និងសក្តានុពលទីផ្សារ នៃវិស័យហិរញ្ញវត្ថុនៅកម្ពុជា ជាពិសេសក្នុងបរិការណ៍នៃការរាតត្បាតសាកលនៃជំងឺកូវីដ-១៩ ដែលបានបង្កផលប៉ះពាល់ ដល់ស្ថានភាពសេដ្ឋកិច្ច-សង្គមទាំងក្នុងកម្រិតសាកល, តំបន់ និងជាតិនីមួយៗ។

ចំណែកលោក រ័ត្ន សុវណ្ណនរៈ អគ្គនាយកត្រួតពិនិត្យ នៃធនាគារជាតិនៃកម្ពុជា បានលើកឡើងថា ការពង្រីកបណ្តាញប្រតិបត្តិការរបស់ធនាគារវីង (ខេមបូឌា) ម.ក តាមរយៈការបើកដំណើរការសាខាសែនសុខ និងសាខាវិមានឯករាជ្យនាពេលនេះ គឺជាសក្ខីភាពមួយបង្ហាញអំពី ការរីកចម្រើនរបស់វិស័យធនាគារនៅកម្ពុជា ព្រមទាំងជំនឿទុកចិត្តរបស់វិនិយោគិនទាំងបរទេ​ស និងក្នុងស្រុកចំពោះវិស័យនេះ បើទោះបីជាស្ថិតក្នុងបរិបទនៃជំងឺកូដ-១៩ ក៏ដោយ។

លោកបន្តថា ទន្ទឹមនេះនិន្នាការធនាគារវីង (ខេមបូឌា) ម.ក ក៏បាន និងកំពុងរួមចំណែកយ៉ាងសំខាន់ ដល់ការលើកកម្ពស់បរិយាប័ន្នហិរញ្ញវត្ថុ តាមរយៈការផ្តល់សេវាហិរញ្ញវត្ថុ ប្រកបដោយការទទួលខុសត្រូវ វិជ្ជាជីវៈ និងប្រសិទ្ធភាព ជូនប្រជាពលរដ្ឋកម្ពុជា។

ធនាគារវីង នឹងប្រើប្រាស់បច្ចេកវិទ្យាទំនើប ដែលផ្តល់ដោយដៃគូលំដាប់ពិភពលោក ដើម្បីកាត់បន្ថយការ ចំណាយលើប្រតិបត្តិការធនាគារ និងកាត់បន្ថយពេលវេលា សម្រាប់ដំណើរការផ្តល់ឥណទាន។

ធនាគារវីង នឹងមាន ផលិតផលសន្សំប្រកបដោយភាពច្នៃប្រឌិត និងមានភាពទាក់ទាញ ដែលមិនត្រឹមតែផ្តល់ឲ្យប្រជាជនកម្ពុជា គ្រប់រូបនូវសមត្ថភាពក្នុងការរៀបចំផែនការ សម្រាប់តម្រូវការហិរញ្ញវត្ថុរបស់ពួកគេប៉ុណ្ណោះទេ ប៉ុន្តែថែមទាំងជួយពួកគេ ឲ្យបង្កើតនូវទំនុកចិត្តឥណទាន តាម   រយៈប្រតិបត្តិការ ដែលពួកគេធ្វើដោយប្រើប្រាស់ប្រព័ន្ធ អេកូរបស់ធនាគារវីង។ ពួកគេប្រើប្រាស់សេវាធនាគារវីងកាន់តែច្រើន ពួកគេកាន់តែអាចទទួលបានពិន្ទុឥណទាន ដើម្បីមានសិទ្ធិទទួលបានកម្ចីរហ័សពីធនាគារវីង។

អ្នកឧកញ៉ាគិត ម៉េងអគ្គនាយកធនាគារវីងបានលើកឡើងថា យើងបានដាក់អាទិភាពខ្ពស់ លើការដោះស្រាយបញ្ហា ប្រឈមរបស់សហគមន៍ និងបានរៀបចំផលិតផលជាច្រើន ដើម្បីធ្វើឲ្យប្រសើរឡើងនូវជីវភាពរស់នៅប្រចាំថ្ងៃរបស់ប្រជាជនកម្ពុជា ដោយផ្តល់ភាពងាយស្រួលដល់ពួកគេ ក្នុងការទទួលសេវាហិរញ្ញវត្ថុដែលចាំបាច់ ទោះបីជាពួកគេរស់នៅក្នុងភូមិដាច់ស្រយាលក៏ដោយ។

លោកបន្តថា “ក្នុងនាមជាក្រុមហ៊ុនក្នុងស្រុក ដែលមានទស្សនវិស័យសកល យើងត្រៀមខ្លួនជាស្រេច ដើម្បីលើកកម្ពស់កំណើនសេដ្ឋកិច្ច និងការកែលម្អ លក្ខខណ្ឌសុខុមាលភាពសង្គម របស់សហគមន៍ក្នុងពេលជំងឺរាតត្បាតបានបញ្ចប់”៕

 

មហាយក្សចិននឹងបញ្ចុះអត្រាការប្រាក់បន្ថែមទៀតដើម្បីជួយរក្សា ស្ថិរភាពសេដ្ឋកិច្ច

ដោយៈសុខុម

ប៉េកាំង: អ្នកជំនាញសេដ្ឋកិច្ចជាន់ខ្ពស់មួយរូបលើកឡើងថា ប្រទេសចិន នឹងបញ្ចុះអត្រាការប្រាក់បន្ថែមទៀត ដើម្បីជួយរក្សាស្ថិរភាពសេដ្ឋកិច្ច បើទោះបីជាទិន្នផលសេដ្ឋកិច្ចរវាងប្រទេសចិន និងសហរដ្ឋអាមេរិក ធ្លាក់ចុះយ៉ាងណាក្ដី។ នេះបើយោងតាមកាសែត China Securities Journal ដែលបានចុះផ្សាយនៅថ្ងៃច័ន្ទ ទី១៤ មីនា។

ការអត្ថាធិប្បាយរបស់លោក Yu Yongding អតីតទីប្រឹក្សាធនាគារកណ្តាលចិន និងដែលបច្ចុប្បន្នជាអ្នកជំនាញសេដ្ឋកិច្ច ដ៏មានឥទ្ធិពលនៅបណ្ឌិត្យសភាវិទ្យាសាស្ត្រសង្គមចិន (CASS) ធ្វើឡើងស្របពេលមានការរំពឹងទុកខ្ពស់ថា ធនាគារកណ្តាលអាមេរិក (Federal Reserve) នឹងដំឡើងអត្រាការប្រាក់នៅសប្តាហ៍នេះ ចំពេលអតិផរណាកើនឡើង ខណៈអ្នកខ្លះរំពឹងថា ធនាគារកណ្ដាលចិន នឹងបញ្ចុះអត្រាការប្រាក់កម្ចីរយៈពេលមធ្យមថ្ងៃអង្គារ ស្អែកនេះ។

អតីតសមាជិកគណៈកម្មាធិការគោលនយោបាយរូបិយវត្ថុ នៃធនាគារកណ្ដាលចិន រូបនេះបានប្រាប់កាសែតខាងលើថា ទោះបីជាធនាគារកណ្តាលអាមេរិក ដំឡើងអត្រាការប្រាក់គោលរបស់ខ្លួនដល់២%ក្ដី ក៏អត្រាការប្រាក់ពិតប្រាកដ នឹងនៅតែអវិជ្ជមាន ដោយសារអតិផរណាខ្ពស់ ដែលផ្ទុយគ្នាស្រឡះពីអត្រាវិជ្ជមាននៅក្នុងប្រទេសចិន។

លើសពីនេះ ប្រទេសចិន មានឧបករណ៍គោលនយោបាយ ដើម្បីទប់ស្កាត់រំហូរមូលធនចេញក្រៅយ៉ាងគំហុក ខណៈពេលភាពបត់បែននៃរូបិយប័ណ្ណយ័ន អាចកាត់បន្ថយផលប៉ះពាល់ពីលំហូរមូលធនឆ្លងព្រំដែន។

ប្រទេសចិន បានកំណត់គោលដៅកំណើន GDP របស់ខ្លួនជាថ្មីមកនៅត្រឹមប្រមាណ៥,៥%សម្រាប់ឆ្នាំ២០២២ នេះ។

កាលពីថ្ងៃសុក្រសប្ដាហ៍មុន ទិន្នន័យបង្ហាញថា កម្ចីឥណទានធនាគា​រថ្មីៗនៅក្នុងប្រទេសចិន បានធ្លាក់ចុះខ្លាំងលើសពីការរំពឹងទុក ក្នុងខែកុម្ភៈ ដោយដាក់សម្ពាធកាន់តែខ្លាំង ឱ្យធនាគារកណ្ដាលចិន ចាត់វិធានការបន្ធូរបន្ថយគោលនយោបាយបន្ថែមទៀត ដើម្បីជួយទ្រទ្រង់សេដ្ឋកិច្ច ដែលកំពុងមានសន្ទុះយឺតយ៉ាវ។

បណ្ដាធនាគារចិន បានបញ្ចេញឥណទានថ្មីៗ ជារូបិយប័ណ្ណយ័ន ចំនួន១,២៣ទ្រីលានយ័ន (១៩៤ពាន់លានដុល្លារអាមេរិក) ក្នុងខែកុម្ភៈ ដោយធ្លាក់ចុះខ្លាំង បើធៀបនឹងចំនួនឥណទានច្រើន លើសលប់៣,៩៨ទ្រីលានយ័ន (៦២៦ពានលានដុល្លារអាមេរិក) ក្នុងខែមករា៕  South China Morning Post៕

ផ្លូវជាតិលេខ១០តភ្ជាប់ពីតំបន់ពា័ព្យប្រទេសទៅកាន់តំបន់ឆ្នេរជាលើកដំបូងសម្រេចបាន៦០ភាគររយហើយ

ដោយៈសុផារី

កោះកុងៈ គម្រោងសាងសង់ផ្លូវជាតិលេខ១០ ពីស្រុកសំឡូតខេត្តបាត់ដំបង មកកាន់ក្រុងខេមរៈភូមិន្ទ ខេត្តកោះកុង សាងសង់សម្រេចបានជិត៦០ភាគរយហើយ គិតត្រឹមខែមីនាឆ្នាំ២០២២នេះ។

លោកស្រី មិថុនា ភូថង បានមានប្រសាសន៍ក្នុងសន្និបាតបូកសរុបលទ្ធ​ផលការងារប្រចាំឆ្នាំ២០២១ និងលើកទិសដៅការងារឆ្នាំ២០២២ រប​ស់​រដ្ឋបាលខេត្តកោះកុង នៅថ្ងៃទី១៤ ខែមីនានេះថា ផ្លូវជាតិលេខ១០ ឬផ្លូវជាតិលេខ១៥៥១ ដែលតភ្ជាប់ពីតំបន់ស្រុកសំឡូត ខេត្តបាត់ដំបង កាត់តាមពោធិ៍សាត់ មកកាន់ស្រុកក្រុងខេមរៈភូមិន្ទ ខេត្តកោះកុង គឺជាសរសៃឈាមសេដ្ឋកិច្ចមួយយ៉ាងសំខាន់ សម្រាប់ខេត្តតំបន់សមុទ្រមួយនេះ។

លោកស្រីបន្តថា “នៅពេលដែលផ្លូវមួយនេះ ស្ថាបនារួចរាល់និងដាក់ដំណើរការនោះ នឹងជួយដល់ការធ្វើដំណើររបស់ប្រជាពលរដ្ឋ ភ្ញៀវទេសចរក៏ដូចជាការដឹកជញ្ជូនកសិផលផ្សេងៗ ឱ្យកាន់តែមានភាពលឿនរហ័សចំណេ​ញពេលវេលាផងដែរ”។

លោកស្រីមានប្រសាសន៍ថា ជាមួយនឹងវិស័យផ្សេងៗ ដែលយើងអាចទទួលបាន មានសំណង់ហេដ្ឋារចនាសម្ព័ន្ធផ្សេងៗ សំខាន់នោះគឺវិស័យសាធារណការ និងដឹកជញ្ជូន ដែលយើងបានទទួលនូវបណ្តាញផ្លូវជាតិសំខាន់ៗ ដែលផ្សារភ្ជាប់សរសៃឈាមសេដ្ឋកិច្ច ខេត្តកោះកុង ទៅនឹងតំបន់ផ្សេងៗ ដោយយើងមានផ្លូវជាតិលេខ១០ ឬហៅថាផ្លូវ១៥៥១ តភ្ជាប់ពីក្រុងខេមរៈភូមិន្ទនៃខេត្តកោះកុង ទៅស្រុកសំឡូតខេត្តបាត់ដំបង អាចថាបន្ទាប់ពីតំបន់ផ្នែកកណ្ដាល នៃប្រទេសកម្ពុជាមកនៅមាត់សមុទ្រ។

ផ្លូវជាតិដ៏សំខាន់នេះ បានបើកការដ្ឋានសាងសង់កាលពីថ្ងៃទី៩ ខែមីនាឆ្នាំ២០២០ ហើយគ្រោងប្រើពេលសាងសង់៤៨ខែ គិតចាប់ពីខែធ្នូឆ្នាំ២០១៩ រហូតដល់ខែធ្នូឆ្នាំ២០២៣។

លោកអន ដាវុធ ប្រធានមន្ទីរសាធារណការ និងដឹកជញ្ជូនខេត្តកោះ​កុងបានឱ្យដឹងដែរថា គិតត្រឹមខែមីនាឆ្នាំ២០២២ ការសាងសង់ផ្លូវជាតិលេខ១០ សម្រេចបានជិត៦០ភាគរយហើយ។

លោកបានបន្តថា ផ្លូវនេះមិនត្រឹមតែផ្តល់អត្ថប្រយោជន៍ ក្នុងការធ្វើដំណើរឆ្លងកាត់ និងសម្រួលដល់ការដឹកជញ្ជូន កសិផលផ្សេងៗប៉ុណ្ណោះទេ ប៉ុន្តែវាអាចជាផ្នែកមួយ នៃការទាក់ទាញអ្នកទេសចរ ដែលចូលចិត្តធ្វើដំណើរកម្សាន្ត អាចគយគន់ធម្មជាតិដ៏ស្រស់ត្រកាល ដោយសារផ្លូវនេះមានតំបន់ធម្មជាតិជាច្រើន ពិសេសព្រៃឈើក្រាស់យ៉ាងស្រស់ស្អាតផងដែរ។

លោកមានប្រសាសន៍ថា “ឥឡូវនេះ យើងកំពុងដំណើរការបានប្រហែ​លជិត៦០ភាគរយហើយ បើសិនជាផ្លូវជាតិលេខ១០នេះ បានភ្ជាប់ពីសំឡូតមកដល់វាលវែង ហើយពីវាលវែងមកដល់ខេត្តកោះកុងនេះ គឺផ្លូវនេះនឹងផ្តល់អត្ថប្រយោជន៍ជាច្រើន ពិសេសនាំភោគផលពីតំបន់ខាងលិច នៅខេត្តបន្ទាយមានជ័យ ខេត្តបាត់ដំបង ពោធិ៍សាត់ ចូលមកខេត្តកោះកុង ហើយផ្លូវនេះក៏បម្រើវិស័យទេសចរណ៍ដែរ ដែលយើងអាចនាំភ្ញៀវទេសចរពីខេត្តផ្សេងមកខេត្តកោះកុងទៅកាន់ឆ្នេរតារាសាគរ ក៏ដូចជាកំពង់សោមដែរ”។

ផ្លូវជាតិលេខ១០ គឺជាសរសៃឈាមសេដ្ឋកិច្ចជាតិ ដ៏មានសក្តានុពលរបស់កម្ពុជា អាចជួយសម្រួលដល់ការតភ្ជាប់ ទំនាក់ទំនងគមនាគមន៍ធ្វើសមាហរណកម្មតភ្ជាប់ផ្ទៃក្នុងប្រទេស និងជាតំបន់ និងរួមចំណែកក្នុងការលើកកម្ពស់ប្រសិទ្ធភាព នៃការដោះដូរពាណិជ្ជកម្ម វិនិយោគ ដំណាំកសិផល កសិ-ឧស្សាហកម្ម និងទេសចរណ៍បានឆាប់រហ័ស និងចំណាយតិច ជាពិសេ​សជាមួយប្រទេសជិតខាង៕

ក្រុមហ៊ុនអភិវឌ្ឍន៍ធំមួយចាប់ផ្តើមគម្រោងបុរីបែបសហគមន៍ដំបូងគេក្នុងខណ្ឌព្រែកព្នៅ

ដោយ៖ សុផារី

ភ្នំពេញ៖ ក្រុមហ៊ុនព្រីនស៍ ហ័នយូ រៀលអ៊ីស្ទេតគ្រុប ដែលជាក្រុមហ៊ុនអភិវឌ្ឍអចលនទ្រព្យដ៏ឆ្នើមមួយនៅកម្ពុជា នៅថ្ងៃទី១៣ ខែមីនា ឆ្នាំ២០២២ បានប្រារព្ធពិធីបញ្ចុះបឋមសិលាសាងសង់គម្រោងបុរីលើកទីមួយរបស់ខ្លួននៅក្នុងខណ្ឌព្រែកព្នៅ។

បុរីភូមិសំរោង ដែលជាបុរីបែបសហគមន៍ធំជាងគេនៅក្នុងខណ្ឌព្រែកព្នៅ ក្នុងទំហំសរុប២៧០ហិកតា គឺជាគម្រោងសហការពីក្រុមហ៊ុនស្ថាបត្យកម្មស្វីសគឺក្រុមហ៊ុន Aerne Architects & Associates Co., Ltd. និងក្រុមហ៊ុនប្រឹក្សាអចលនទ្រព្យឈានមុខគេ គឺក្រុមហ៊ុនភ័ញធើ ប្រផឹធី (Pointer Property Co., Ltd.)។

បុរីភូមិសំរោង មានទីតាំងស្ថិតនៅតាមបណ្ដោយផ្លូវជាតិលេខ៥ដែលមានចំងាយត្រឹមតែ១៥នាទីពីផ្សារអ៊ីអន សែនសុខ និងពហុកីឡដ្ឋានមរតកតេជោ និងជិតផ្សារព្រែកព្នៅ ជាទីតាំងមួយដែលកំពុងមានសក្ដានុពលខ្លាំង និងហេដ្ឋារចនាសម្ព័ន្ធខ្វែងខ្វាត់កាត់ដល់ផ្លូវក្រវ៉ាត់ក្រុងទី៣និងទី៤។

នៅក្នុងបុរីមានផ្លូវរដ្ឋទទឹង៣០ម៉ែត្រដែលតភ្ជាប់ពីផ្លូវជាតិលេខ៥ រហូតដល់ផ្លូវទំនប់កប់ស្រូវ និងច្រកឡើងផ្លូវល្បឿនលឿនទៅក្រុងព្រះសីហនុ ដែលនឹងផ្ដល់ភាពអ៊ូអរ និងរស់រវើកដល់ផ្ទះអាជីវកម្មរបស់បុរីភូមិសំរោងនាពេលអនាគតទាំងនៅលើផ្លូវជាតិលេខ៥ និងផ្លូវ៣០ម៉ែត្រផ្ទាល់។

លោក ចាង រួយជុន ថ្នាក់ដឹកនាំជាន់ខ្ពស់ នៃក្រុមហ៊ុនព្រីនស៍ ហ័នយូ រៀលអ៊ីស្ទេតគ្រុប បានថ្លែងថា “បុរីភូមិសំរោង គឺជាគម្រោងបុរីលើកទីមួយរបស់ក្រុមហ៊ុនព្រីនស៍ ហ័នយូ រៀលអ៊ីស្ទេត គ្រុប ដែលមានវិសាលភាពដល់ទៅ២៧០ហិកតា ដោយដំណាក់កាលទី១ នឹងត្រូវធ្វើការសាងសង់លើផ្ទៃដីទំហំ៣៣ហិកតា”។

លោកបន្តថា “យើងផ្តោតសំខាន់ទៅលើបែបបទនៃការរស់នៅកាន់តែប្រសើរជាងមុន ការរស់នៅជាសហគមន៍តែមួយ អមដោយរុក្ខជាតិបៃតងដ៏ស្រស់បំព្រងដល់ទៅ៤០%នៃគម្រោងទាំងមូល គួបផ្សំនឹងហេដ្ឋារចនាសម្ព័ន្ធ និងគ្រឿងបរិក្ខារយ៉ាងសម្បូរបែបរបស់គម្រោង”៕

How important is the Property Valuation in real estate?

by: Sophary

Phnom Penh: Property Valuation is a process of determining the market value of a particular property. It provides information and the market value of properties, including the detailed features, build-cost, cost-benefit analysis, location, zoning, highest and best use, and the real estate market trends. The property valuation helps make the right decision in property investment, development, mortgage processes, lease and sale.

Property Valuation supports various purposes and uses, including buying and selling, joint venture, development, performance, loan security, transfer of shares, lease review, due diligence, accounting, auditing, and insurance.

However, the lack of property trading and the limited assessment of property transactions on the market makes it challenging for real estate investors, owners and buyers to understand the value of their properties, primarily due to the change periodically of the market value and rent on the market.

For Real Estate Buyers, Property Valuation helps property buyers to know the actual value of the property, allowing them to make the right deal, guiding for better decision making, and preventing them from paying high-price schemes.

To the bank offering home Loan, the bank can decide on the loan amount with different mortgage terms and conditions after knowing the value of the collateral property.

Moreover, Property Valuation helps Real Estate sellers understand the current market price for the building and prevent low-balled buyers. Having the property valuation report in hand will ensure sellers from pushing for lower than the prevailing market prices and causing a loss. It also gives sellers the right advice in selling or holding back on properties.

 

For Insurance Company and Clients, Property Valuation provides an understanding of the insurance value to see if it is sufficient for future damages due to any hazard or accident. The accurate Property Valuation ensures that the coverage cost is reasonable without the risk of having or providing low or high insurance coverage.

For Lessors and Lessees, Property owners create a continuous income-generating stream from renting the property. The Property Valuation provides the market rent and the property’s rental potential, helping lessors and lessees to negotiate a better rental deal. It also provides the rent trend on the market and the expected amount that buyers and sellers can anticipate for their investment.

For Accounting & Financial Reporting, Property Valuation determines the asset’s value for financial reporting. Therefore, it is necessary to generate accurate and reliable financial statements of the company’s assets.

ការវាយតម្លៃអចលនទ្រព្យមានសារៈសំខាន់យ៉ាងណាខ្លះ?

ដោយ៖ សុផារី

ភ្នំពេញ៖ ការវាយតម្លៃអចលនទ្រព្យ គឺជាដំណើរការនៃការផ្តល់នូវព័ត៌មាននិងតម្លៃទីផ្សារនៃអចលនទ្រព្យ រួមទាំងព័ត៌មានអំពីលក្ខណៈលម្អិតរបស់ទ្រព្យ ការចំណាយលើការសាងសង់ ការចំណាយនានា ទីតាំង តំបន់ ភាពសាកសមនៃការប្រើប្រាស់ និងនិន្នាការទីផ្សារ។

របាយការណ៍វាយតម្លៃអចលនទ្រព្យជួយដល់ការសម្រេចចិត្តឱ្យបានត្រឹមត្រូវ ក្នុងការវិនិយោគ ការអភិវឌ្ឍ ដំណើរការកម្ចី ការជួល និងការលក់អចលនទ្រព្យផ្សេងៗ។

លើសពីនេះទៅទៀត ការវាយតម្លៃអចលនទ្រព្យ គឺសម្រាប់ប្រើប្រាស់ក្នុងគោលបំណងជាច្រើន មានដូចជា ការទិញលក់អចលនទ្រព្យ ការបណ្តាក់ទុនរួមគ្នា ការអភិវឌ្ឍ ការអនុវត្ត សុវត្ថិភាពប្រាក់កម្ចី ការផ្ទេរភាគហ៊ុន ការពិនិត្យឡើងវិញនៃតម្លៃជួល គណនេយ្យ សវនកម្ម និងការធានារ៉ាប់រង ជាដើម។

សម្រាប់អ្នកទិញអចលនទ្រព្យ ការវាយតម្លៃអចលនទ្រព្យជួយឱ្យអ្នកទិញ ដឹងអំពីតម្លៃជាក់ស្តែងនៃអចលនទ្រព្យដែលត្រូវទិញ ជួយដល់ការធ្វើកិច្ចព្រមព្រៀងទិញលក់ដ៏ត្រឹមត្រូវណែនាំដល់ការធ្វើការសម្រេចចិត្តបានល្អប្រសើរ និងការពារពួកគេពីការទិញអចលនទ្រព្យក្នុងតម្លៃខ្ពស់ជាងទីផ្សារ។

សម្រាប់ធនាគារដែលផ្តល់ប្រាក់កម្ចីទិញផ្ទះ ធនាគារអាចសម្រេចចិត្តលើចំនួនកម្ចីជាមួយនិងលក្ខខណ្ឌនៃការបញ្ចាំ បន្ទាប់ពីដឹងពីតម្លៃទ្រព្យបញ្ចាំ។

ចំណែកអ្នកលក់អចលនទ្រព្យអាចប្រើប្រាស់ការវាយតម្លៃអចលនទ្រព្យជួយឱ្យដឹងពីតម្លៃទីផ្សារ បច្ចុប្បន្នភាពនៃអចលនទ្រព្យ និងការពារពួកគេពីការលក់អចលនទ្រព្យក្នុងតម្លៃទាប ដែលបណ្ដាលឱ្យមានការខាតបង់។ វាក៏ផ្ដល់ជូននូវដំបូន្មានដ៏ត្រឹមត្រូវដល់អ្នកលក់ក្នុងការ សម្រេចចិត្តលក់ឬរក្សាទុកបន្តទៀត។

ការវាយតម្លៃអចលនទ្រព្យ ក៏មានសារសំខាន់ផងដែរដល់ក្រុមហ៊ុនធានារ៉ាប់រងនិងអតិថិជនរបស់ក្រុមហ៊ុន ព្រោះវាបានផ្តល់នូវការយល់ដឹងអំពីតម្លៃធានារ៉ាប់រងដើម្បីមើលថា តើតម្លៃនេះសាកសមសម្រាប់ការខូចខាតនានា ដោយសារគ្រោះថ្នាក់ណាមួយ នាពេលអនាគតដែរឬទេ។ ការវាយតម្លៃអចលនទ្រព្យត្រឹមត្រូវធានាបានថាតម្លៃធានារ៉ាប់រងគឺសមហេតុផល នឹងគ្មានហានិភ័យដល់ការផ្ដល់ ឬទទួលបាននូវការធានារ៉ាប់រងទាប ឬខ្ពស់ខ្លាំង។

ជាពិសេសសម្រាប់ម្ចាស់អចលនទ្រព្យនិងអ្នកជួល ការវាយតម្លៃអចលនទ្រព្យផ្តល់នូវព័ត៌មានអំពីតម្លៃជាក់ស្តែងនៃតម្លៃជួល ជួយសម្រួលដល់ម្ចាស់អចលនទ្រព្យនិងអ្នកជួលក្នុងការចរចានិងធ្វើកិច្ចព្រមព្រៀងជួលនានាឱ្យកាន់តែប្រសើរ។

របាយការណ៍វាយតម្លៃអចលនទ្រព្យក៏ផ្ដល់ជូនផងដែរនូវព័ត៌មានអំពីនិន្នាការជួលនៅលើទីផ្សារ ចំនួនប្រាក់ចំណេញ ជួយដល់អ្នកទិញ និង អ្នកលក់ក្នុងការធ្វើការព្យាករណ៍ការវិនិយោគផងដែរ។

របាយការណ៍គណនេយ្យនិងហិរញ្ញវត្ថុ ការវាយតម្លៃអចលនទ្រព្យ កំណត់តម្លៃនៃទ្រព្យ សម្រាប់របាយការណ៍ហិរញ្ញវត្ថុ។ ដូច្នេះ វាជាភាពចាំបាច់ក្នុងការបង្កើតរបាយការណ៍ហិរញ្ញវត្ថុនៃអចលនទ្រព្យរបស់ក្រុមហ៊ុនមួយដ៏ត្រឹមត្រូវនិងអាចទុកចិត្តបាន។

ទោះជាយ៉ាងណាក៏ដោយ កង្វះខាតនៃការជួញដូរ និងការទទួលបានព័ត៌មានពីអចលនទ្រព្យនៅលើទីផ្សារបានផ្តល់នូវផលពិបាកដល់អ្នកវិនិយោគ ម្ចាស់អចលនទ្រព្យនិងអ្នកទិញ ជាច្រើនក្នុងការដឹងពីតម្លៃអចលនទ្រព្យរបស់ពួកគេ ជាពិសេសនៅពេលដែលតម្លៃទិញលក់និងជួលនៅលើទីផ្សារមានការប្រែប្រួលជាប្រចាំ៕