ដោយ: ម៉ាលីស

សៀមរាប: សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មការសាងសង់វិមានឈ្នះឈ្នះ បានថ្លែងថា ទឹកដីនៅស្រុកអន្លង់វែង ខេត្តឧត្តរមានជ័យ នឹងទទួលបាននូវសមិទ្ធិផលថ្មីមួយទៀត គឺ វិមានអនុស្សាវរីយ៍នយោបាយឈ្នះឈ្នះ។

សម្តេច ទៀ បាញ់ ថ្លែងយ៉ាងនេះក្នុងឱកាសអញ្ជើញជាអធិបតីក្នុងពិធីប្រកាសសមាសភាពអនុគណៈកម្មការសាងសង់ស្តូប អនុស្សាវរីយ៍នយោបាយឈ្នះឈ្នះ នៅស្រុកអន្លង់វែង ខេត្តឧត្តរមានជ័យ កាលពីព្រឹកថ្ងៃទី១០ ខែមករា ឆ្នាំ២០២២នេះ។

ការកសាងសមិទ្ធផលនេះ សំដៅបង្ហាញពីវប្បធម៌កត្តញ្ញូ សម្តែងការដឹងគុណ និងការចងចាំរំឭកដល់វីរភាពស្នាដៃ និងភាពឈ្លាសវៃដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន ដែលបានស្វែងរកសន្តិភាព ធ្វើឱ្យប្រទេសជាតិមានភាពរីកចម្រើនលើគ្រប់វិស័យ នាពេលបច្ចុប្បន្ន។

ទឹកដីអន្លង់វែងជាទីតាំងការពារខ្លួនចុងក្រោយរបស់ពួកខ្មែរក្រហម ដែលបានក្លាយជាកន្លែងទីមួយសម្រាប់ស្វែងយល់អំពីដំណើរការផ្សះផ្សា និងការកសាងសន្តិភាពក្នុងប្រទេសកម្ពុជា៕

SHANGHAI: Shimao Group Holdings has put on sale all of its real estate projects, including both residential and commercial properties, as the cash-strapped Chinese property developer accelerates asset disposals, Caixin reported.

Shimao, which defaulted on a trust loan last week, has asked agents since late December to help seek buyers for its properties, Caixin reported over the weekend.

The company didn’t immediately respond to a request for comment.

Shimao Group is largely focused on residential property development, with Shanghai Shimao Construction being its main China business platform. Shanghai Shimao Co Ltd, controlled by Shimao Group, mainly develops commercial properties.

Shimao has struck a preliminary deal with a Chinese state-owned company to sell its Shimao International Plaza Shanghai, a commercial property on Shanghai’s Nanjing Road, for more than 10 billion yuan, Caixin reported.

The property developer said last week that it has defaulted on a trust loan payment, while its unit Shanghai Shimao Construction has proposed extensions on maturities for two asset-backed securities (ABS) due this month.

Shimao has 34.2-billion-yuan worth of outstanding ABS, as well as US$5.72 billion worth of dollar bonds, according to Caixin.

Source: Reuters

ដោយ៖ វឌ្ឍនៈ

ភ្នំពេញ ៖ នៅរសៀលថ្ងៃទី ១០ មករា ២០២២នេះ ធនាគារអេស៊ីលីដា បានសម្រេចវិនិយោគ៣០លានដុល្លារអាមេរិកលើមូលបត្របំណុលនៃគម្រោងអភិវឌ្ឍន៍អាកាសយានដ្ឋានអន្តរជាតិតេជោ។

ពិធីចុះហត្ថលេខារវាងធនាគារអេស៊ីលីដា និងក្រុមហ៊ុនអភិវឌ្ឍន៍ព្រលានយន្តហោះ Cambodia Airport Investment Co.,Ltd មានការចូលរួមពីលោកបណ្ឌិត អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា និងអ្នកឧកញ៉ា ពុង ឃាវសែ ប្រធានក្រុមប្រឹក្សាភិបាល OCIC។

ក្នុងសេចក្ដីប្រកាសព័ត៌មានរបស់ក្រុមហ៊ុនអភិវឌ្ឍន៍ព្រលានយន្តហោះអន្តរជាតិតេជោឱ្យដឹងថា ទឹកប្រាក់វិនិយោគដែលទទួលបានពីការលក់សញ្ញាបណ្ណនេះ នឹងត្រូវប្រើប្រាស់សម្រាប់សាងសង់និងការអភិវឌ្ឍន៍គម្រោងសាងសង់អាកាសយានដ្ឋានអន្តរជាតិតេជោ នៅខេត្តកណ្ដាល។

បច្ចុប្បន្ន គម្រោងអាកាសយានដ្ឋានអន្តរជាតិបច្ចុប្បន្នសម្រេចបានប្រមាណ២៨ភាគរយ ត្រូវនឹងទឹកប្រាក់សរុបប្រមាណ៣៧៥លានដុល្លារអាមេរិក មិនទាន់រាប់បញ្ចូលនូវតម្លៃដីដែលបានវិនិយោគរួចហើយនោះទេ។

ក្រុមហ៊ុន OCIC ជាក្រុមហ៊ុនវិនិយោគក្នុងស្រុកមួយធំជាងគេនៅប្រទេសកម្ពុជា ដែលមានជំនាញនៅក្នុងការអភិវឌ្ឍលើវិស័យហេដ្ឋារចនាសម្ព័ន្ធ អចលនទ្រព្យសំណង់ ការគ្រប់គ្រងអចលនទ្រប្យ ការអប់រំ វេជ្ជសាស្ត្រ ផ្សារទំនើប សណ្ឋាគារ រោងម៉ាស៊ីនកិនស្រូវ និងសង្វាក់ផលិតកម្មជាដើម ជាមួយនឹងគម្រោងសំខាន់ៗ ជាច្រើនដូចជាអាកាសយានដ្ឋានអន្តរជាតិតេជោ ទីក្រុងកោះពេជ្រ កោះនរា ទីក្រុងរណបជ្រោយចង្វារ និងទីក្រុងទំនើប អូឡាំព្យាជាដើម៕

ធនាគារអេស៊ីលីដាវិនិយោគ៣០លានដុល្លារអាមេរិកលើមូលបត្របំណុលនៃព្រលានយន្តហោះអន្តរជាតិតេជោ

ដោយ៖ វឌ្ឍនៈ

ភ្នំពេញ ៖ នៅរសៀលថ្ងៃទី ១០ មករា ២០២២នេះ ធនាគារអេស៊ីលីដា បានសម្រេចវិនិយោគ៣០លានដុល្លារអាមេរិកលើមូលបត្របំណុលនៃគម្រោងអភិវឌ្ឍន៍អាកាសយានដ្ឋានអន្តរជាតិតេជោ។

ពិធីចុះហត្ថលេខារវាងធនាគារអេស៊ីលីដា និងក្រុមហ៊ុនអភិវឌ្ឍន៍ព្រលានយន្តហោះ Cambodia Airport Investment Co.,Ltd មានការចូលរួមពីលោកបណ្ឌិត អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា និងអ្នកឧកញ៉ា ពុង ឃាវសែ ប្រធានក្រុមប្រឹក្សាភិបាល OCIC។

ក្នុងសេចក្ដីប្រកាសព័ត៌មានរបស់ក្រុមហ៊ុនអភិវឌ្ឍន៍ព្រលានយន្តហោះអន្តរជាតិតេជោឱ្យដឹងថា ទឹកប្រាក់វិនិយោគដែលទទួលបានពីការលក់សញ្ញាបណ្ណនេះ នឹងត្រូវប្រើប្រាស់សម្រាប់សាងសង់និងការអភិវឌ្ឍន៍គម្រោងសាងសង់អាកាសយានដ្ឋានអន្តរជាតិតេជោ នៅខេត្តកណ្ដាល។

បច្ចុប្បន្ន គម្រោងអាកាសយានដ្ឋានអន្តរជាតិបច្ចុប្បន្នសម្រេចបានប្រមាណ២៨ភាគរយ ត្រូវនឹងទឹកប្រាក់សរុបប្រមាណ៣៧៥លានដុល្លារអាមេរិក មិនទាន់រាប់បញ្ចូលនូវតម្លៃដីដែលបានវិនិយោគរួចហើយនោះទេ។

ក្រុមហ៊ុន OCIC ជាក្រុមហ៊ុនវិនិយោគក្នុងស្រុកមួយធំជាងគេនៅប្រទេសកម្ពុជា ដែលមានជំនាញនៅក្នុងការអភិវឌ្ឍលើវិស័យហេដ្ឋារចនាសម្ព័ន្ធ អចលនទ្រព្យសំណង់ ការគ្រប់គ្រងអចលនទ្រប្យ ការអប់រំ វេជ្ជសាស្ត្រ ផ្សារទំនើប សណ្ឋាគារ រោងម៉ាស៊ីនកិនស្រូវ និងសង្វាក់ផលិតកម្មជាដើម ជាមួយនឹងគម្រោងសំខាន់ៗ ជាច្រើនដូចជាអាកាសយានដ្ឋានអន្តរជាតិតេជោ ទីក្រុងកោះពេជ្រ កោះនរា ទីក្រុងរណបជ្រោយចង្វារ និងទីក្រុងទំនើប អូឡាំព្យាជាដើម៕

ដោយ៖ សុខុម

សៀងហៃ៖ ក្រុមហ៊ុនអភិវឌ្ឍន៍ចិន Shimao Group Holdings បានប្រកាសដាក់លក់គម្រោងអចលនទ្រព្យទាំងអស់របស់ខ្លួនយ៉ាងតក់ក្រហល់ រួមទាំងអចលនទ្រព្យប្រភេទលំនៅដ្ឋាន និងអគារពាណិជ្ជកម្មផងដែរ ខណៈក្រុមហ៊ុននេះកំពុងជាប់កុនលុយខ្លាំង។ នេះបើយោងតាមសារព័ត៌មាន CNA ចុះផ្សាយនៅថ្ងៃច័ន្ទ ទី១០ មករា នេះ។

សារព័ត៌មានចិន Caixin បានទម្លាយឱ្យដឹងកាលពីចុងសប្តាហ៍មុនថា ក្រុមហ៊ុន Shimao Group ដែលបានខកខានសងបំណុលកាលពីសប្ដាហ៍មុន បានប្រកាសឱ្យភ្នាក់ងារនានាជួយស្វែងរកអ្នកទិញអចលនទ្រព្យរបស់ខ្លួន។ ទោះជាយ៉ាងណា ភ្លាមៗក្រុមហ៊ុននេះមិនបានឆ្លើយតបសំណើសុំការបំភ្លឺឡើយជុំវិញរឿងនេះ។

ក្រុមហ៊ុន Shimao ផ្តោតសំខាន់លើការអភិវឌ្ឍអចលនទ្រព្យប្រភេទលំនៅដ្ឋាន ហើយក្រុមហ៊ុនសំណង់ Shanghai Shimao Construction គឺជាបុត្រសម្ព័ន្ធអាជីវកម្មដ៏សំខាន់របស់ខ្លួននៅប្រទេសចិន។ ចំណែក ក្រុមហ៊ុន Shanghai Shimao Co Ltd ដែលគ្រប់គ្រងដោយ Shimao Group ភាគច្រើនអភិវឌ្ឍអគារពាណិជ្ជកម្ម។

សារព័ត៌មានចិន Caixin ចុះផ្សាយថា ក្រុមហ៊ុន Shimao Group បានចុះកិច្ចព្រមព្រៀងបឋមមួយជាមួយក្រុមហ៊ុនរដ្ឋរបស់ចិន ដើម្បីលក់អគារពាណិជ្ជកម្ម Shimao International Plaza Shanghai របស់ខ្លួននៅតាមបណ្ដោយផ្លូវ Nanjing Road ក្នុងក្រុងសៀងហៃ ក្នុងតម្លៃ១,៥៧ពាន់លានដុល្លារអាមេរិក។

ក្រុមហ៊ុនអភិវឌ្ឍន៍អចលនទ្រព្យមួយនេះបាននិយាយកាលពីសប្តាហ៍មុនថា ខ្លួនបានខកខានសងបំណុល ខណៈក្រុមហ៊ុនបុត្រសម្ព័ន្ធរបស់ខ្លួន Shanghai Shimao Construction បានស្នើសុំពន្យារសងបំណុលមូលបត្ររបស់ខ្លួនដែលដល់ពេលកំណត់ត្រូវទូទាត់សងនៅខែនេះ។

យោងតាមសារព័ត៌មាន Caixin ឱ្យដឹងថា ក្រុមហ៊ុន Shimao Group មានបំណុលច្រើនរហូតដល់ទៅ១១,០៨ពាន់លានដុល្លារអាមេរិក៕

ដោយៈគង់ ម៉ាលីនណា

ភ្នំពេញៈ ផ្លូវល្បឿនលឿនភ្នំពេញ ព្រះសីហនុនឹងបញ្ចប់នៅខែកញ្ញាខាងមុខនេះ បន្ទាប់់ពីចំណាយពេលប្រមាណ៣ឆ្នាំ និងជាការសាងសង់លឿនជាងផែនការ។

សមិទ្ឋផលប្រវត្តិសាស្រ្តនេះ មិនធ្លាប់មាននៅកម្ពុជា ហើយប្រជាជនកម្ពុជាភាគច្រើន មិនដែលបានបើកបរលើផ្លួវបែបនេះទេ ដែលទាមទារឲ្យមានការអប់រំបន្ថែមទៀត។

តើគេគួរបើកបែបណា? សំណួររនៅទីនេះបើខ្ញុំជិះហួសច្រកចេញ តើខ្ញុំអាចថយឡានទៅក្រោយទេ?

យោងតាមផេកបណ្តាញទំនាក់ទំនងសង្គមផ្លូវការ របស់់ផ្លូល្បឿនលឿនភ្នំពេញ ព្រះសីហនុបានឲ្យដឹងថា ប្រាកដជាមិនបានដាច់ខាត។ យើងត្រូវចាប់អារម្មណ៍ ទៅលើរាល់ស្លាកចរាចរណ៍ទាំងអស់ ដែលចង្អុលបង្ហាញច្រកចេញនៅលើផ្លូវល្បឿនលឿន។

ផេកដដែលបានបញ្ជាក់ថា “បើជិះហួសច្រកចេញ អ្នកត្រូវតែបើកបន្តទៅមុខ រកច្រកចេញបន្ទាប់ ការថយឡានទៅក្រោយគឺ គ្រោះថ្នាក់ខ្លាំងណាស់”៕

ដោយ៖ សុផារី

បាត់ដំបង៖ ថ្លែងនៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវកំណាត់ផ្លូវជាតិលេខ៥ ពីខេត្តបាត់ដំបង ទៅខេត្តបន្ទាយមានជ័យ នៅថ្ងៃទី១០ ខែមករានេះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានថ្លែងថា សម្តេចបានដាល់ចេញនូវគោលដៅអភិវឌ្ឍន៍២ចំណុច បន្ទាប់ពីការបញ្ចប់សង្រ្គាមនៅថ្ងៃទី ២៩ ខែធ្នូ ឆ្នាំ ១៩៩៨ មកដល់ពេលនេះ សម្រេចបានលើស៩០ភាគរយទៅហើយ។

សម្តេចបានមានប្រសាសន៍ថា “មេរៀនរបស់យើងគ្រប់គ្រាន់ហើយ ដែលបានជួបពីអតីតកាល ដែលយើងត្រូវតែចូលរួមការពារសន្តិភាព។ ប្រសិនបើរក្សាសន្តិភាពមិនបានទេ កុំនិយាយរឿងផ្សេងឱ្យសោះ ដូចនៅបណ្ដាប្រទេសផ្សេងៗ ដែលកំពុងមានសង្រ្គាម តើអាចនិយាយអំពីសិទ្ធិមនុស្ស និយាយអំពីប្រជាធិបតេយ្យ និយាយអំពីសិទ្ធិបញ្ចេញមតិកើតដែរទេ នៅក្រោមគ្រាប់បែក គ្រាប់ផ្លោងបែបនេះ? ដូច្នេះត្រូវចាប់ផ្ដើមពីសិទ្ធិរស់រានមានជីវិត សិទ្ធិទទួលបានសេចក្តីសុខ កុំឱ្យមានការគំរាមកំហែងពីសង្គ្រាមសិន”។

សម្តេចតេជោ មានប្រសាសន៍ថា បន្ទាប់ពីការបញ្ចប់សង្រ្គាមនៅថ្ងៃទី ២៩ ខែធ្នូ ឆ្នាំ ១៩៩៨ សម្តេចបានដាក់ចេញនូវគោលដៅពីរសំខាន់គឺ ទី១ ប្រែក្លាយអតីតតំបន់សមរភូមិឱ្យក្លាយទៅជាទីផ្សារ ទៅជាតំបន់នៃការអភិវឌ្ឍ។ ទី២ ប្រែក្លាយតំបន់ព្រំដែនជាមួយប្រទេសជិតខាង ឱ្យទៅជាព្រំដែនមិត្តភាព សន្តិភាព និងកិច្ចសហប្រតិបត្តិការ និងការអភិវឌ្ឍ។

សម្តេចតេជោ ហ៊ុន សែន អះអាងថា គោលដៅទាំងពីរនេះអនុវត្តបានច្រើនណាស់ហើយ ក្នុងនោះបានប្រែក្លាយតំបន់អតីតសមរភូមិឱ្យទៅជាទីផ្សារ ជាតំបន់អភិវឌ្ឍន៍ មកដល់ពេលនេះ យើងអាចនិយាយបានថា លើស៩០ភាគរយទៅហើយ។

ចំណុចដែលសេសសល់ គឺ គ្រាប់មីន និងគ្រាប់មិនទាន់ផ្ទុះនៅមិនទាន់បំផ្លាញអស់ ហើយប្រសិនបើនៅឆ្នាំ ២០២៥ ដែលជាឆ្នាំគោលដៅ “សូន្យគ្រាប់មីន” ត្រូវបានអនុវត្តសម្រេចបានជោគជ័យ ការដាក់ចេញជាគោលនយោបាយប្រែក្លាយតំបន់អតីតសមរភូមិឱ្យទៅជាតំបន់អភិវឌ្ឍន៍ ទៅជាទីផ្សារ ទៅជាកន្លែងដាំដុះ ទៅជាកន្លែងផល្លិតកម្ម ជាកន្លែងទេសចរណ៍ នឹងសម្រេចជោគជ័យ។

បញ្ហាព្រំដែនជាមួយប្រទេសជិតខាង កម្ពុជាក៏បានខិតខំដើម្បីធ្វើកិច្ចសហប្រតិបត្តិការជាមួយប្រទេសជិតខាង ដែលពីអតីតកាលប្រជាជនតែងតែមានការភ័យខ្លាចពីការប្រយុទ្ធគ្នា ប៉ុន្តែពេលនេះបានក្លាយទៅជាតំបន់នៃការដោះដូរទំនិញ ហើយជាមួយថៃ ទំហំពាណិជ្ជកម្មបានកើនឡើងរហូតដល់១០ពាន់លានដុល្លារ ជាមួយវៀតណាមបានកើនឡើងជាង៩ពាន់លានដុល្លារ។ ដោយឡែកជាមួយឡាវបានកើនឡើងជាង ១០០លានដុល្លារ ហើយទំហំនេះអាចនឹងមានការកើនឡើងថែមទៀត៕