ដោយៈស្រីលីស

ទីក្រុងឡុងដ៍: ចក្រភពអង់គ្លេសនៅថ្ងៃព្រហស្បត៍ ម្សិលម៉ិញនេះ បាននិយាយថា ខ្លួនបានអនុម័តលើកិច្ចព្រមព្រៀងពាណិជ្ជកម្ម ឌីជីថលជាមួយ ស៊ីងហ្គាពួ។ ពាណិជ្ជកម្មដំបូងគេដែលផ្ដោតលើឌីជីថល បានចុះហត្ថលេខាព្រមព្រៀងដោយប្រទេសអ៊ឺរ៉ុប។

ចក្រភពអង់គ្លេសបាននិយាយថា កិច្ចព្រមព្រៀងជាគោលការណ៍នឹងកែប្រែច្បាប់ពាណិជ្ជកម្មហួសសម័យ និងបើកឱកាសនៅក្នុងប្រទេសសិង្ហបុរី ដែលត្រូវបានចាត់ទុក ជាប្រទេសឈានមុខគេលើពិភពលោក ក្នុងវិស័យឌីជីថល។

រដ្ឋមន្ត្រីក្រសួងពាណិជ្ជកម្ម Anne-Marie Trevelyan បាននិយាយថា “វាគឺជាកិច្ចព្រមព្រៀងពាណិជ្ជកម្មឌីជីថលដំបូងគេ ដែលបានចុះហត្ថលេខាដោយប្រជាជាតិអឺរ៉ុប ហើយនឹងកាត់ខ្សែក្រហម កាត់បន្ថយការចំណា​យ និងគាំទ្រការងារដែលទទួលប្រាក់ខែល្អ នៅទូទាំងចក្រភពអង់គ្លេស”។

កាលពីខែមុន ក្រុមប្រឹក្សាភិបាលពាណិជ្ជកម្ម របស់ចក្រភពអង់គ្លេសបាននិយាយថា កិច្ចព្រមព្រៀងសេដ្ឋកិច្ចឌីជីថល ជាមួយសិង្ហបុរីនឹងបង្ហាញពីសក្តានុពល សម្រាប់ច្បាប់ពាណិជ្ជកម្មឌីជីថល ដល់អ្នកដទៃនៅក្នុងអង្គការពាណិជ្ជកម្មពិភពលោក។

ចក្រភពអង់គ្លេសបាននិយាយថាទំនាក់ទំនងពាណិជ្ជកម្មជាមួយសិង្ហបុរីមានតម្លៃ 16 ពាន់លានផោន (21 ពាន់លានដុល្លារ) ក្នុងឆ្នាំ 2020 ។

លោកស្រី Catherine McGuinness ប្រធានគោលនយោបាយសាជីវកម្មទីក្រុងឡុងដ៍បាននិយាយថា “ខណៈពេលដែលយើងរង់ចាំព័ត៌​មានលម្អិតបន្ថែមទៀត អំពីរបៀបដែលការផ្តល់ទាំងនេះ នឹងដំណើរការសម្រា​ប់ក្រុមហ៊ុនជាក់ស្តែង យើងក៏ទន្ទឹងរង់ចាំឃើញកិច្ចព្រមព្រៀង ស្រដៀងគ្នា ដែលបានប្រកាសនៅឆ្នាំ 2022 ជាមួយដៃគូ និងមិត្តភ័ក្តិរបស់យើងនៅទូទាំងពិភពលោក”៕ ប្រភព: Bangkok post៕

ដោយៈសហការី

ភ្នំពេញ: កម្មវិធីពានរង្វាន់អចលនទ្រព្យប្រចាំទ្វីបអាស៊ី Property Guru Asia Property Awards ២០២១ត្រូវបានបញ្ចប់ការវាយតម្លៃផ្តាច់ព្រ័ត្ត និងប្រកាសជ័យលាភីកាលពីយប់ថ្ងៃទី០៩ ខែធ្នូ ឆ្នាំ២០២១ ម្សិលមិញ នេះជាមោទនភាពដ៏អស្ចារ្យសម្រាប់ប្រទេសកម្ពុជា ដែលអ្នកអភិវឌ្ឍន៍ក្នុងស្រុកយើងបានយកឈ្នះអ្នកអភិវឌ្ឍន៍ល្បីៗក្នុងតំបន់ជាច្រើនជាង១០ប្រទេស ព្រមទាំងទទួលបានជ័យលាភីល្អដាច់គេប្រចាំទ្វីបអាស៊ី។

តាមរយៈការផ្សាយផ្ទាល់ចេញពីគេហទំព័រផ្លូវការនៃកម្មវិធីអន្តរជាតិដ៏ធំ Property Guru Asia Property Awards បានប្រកាសថា បុរី មេគង្គលែន ឈ្នះពានរង្វាន់អ្នកអភិវឌ្ឍន៍គំនិតច្នៃប្រឌិតល្អដាច់គេទូទាំងទ្វីអាស៊ី Best Breakthrough Developer Asia ប្រចាំឆ្នាំ២០២១។ គួររំលឹកផងដែរ មេគង្គលែន ម្ចាស់ជ័យលាភីទ្វីបអាស៊ីនេះ ទើបតែបានឈ្នះពានរង្វាន់ប្រចាំប្រទេសកម្ពុជាកាលពីថ្ងៃទី ១២ ខែវិច្ឆិកា ឆ្នាំ២០២១ ចំនួន២ពានរង្វាន់ និងរង្វាន់ទទួលស្គាល់ខ្ពស់បំផុត ៣រង្វាន់ រួចបន្តការប្រកួតប្រជែងវគ្គផ្តាច់ព្រ័ត្តជាមួយអ្នកអភិវឌ្ឍន៍អចលនទ្រព្យកំពូលៗដែលជាជ័យលាភីពីប្រទេសឯទៀតក្នុងទ្វីបអាស៊ី។ នេះពិតជាសមិទ្ធផលដ៏គួរអោយកោតសសើរ ដែលបញ្ជាក់យ៉ាងច្បាស់ពីការអភិវឌ្ឍន៍អចលនទ្រព្យប្រទេសកម្ពុជាយើងទៅលើ គុណភាព ស្តង់ដារ គំនិតច្នៃប្រឌិត ម៉ូតផ្ទះស្អាត គឺទទួលបានការវាយតម្លៃខ្ពស់ជាងប្រទេសផ្សេងៗក្នុងតំបន់ ។

កម្មវិធីប្រកួតប្រជែងអន្តរជាតិដ៏ល្បី ពានរង្វាន់អចលនទ្រព្យ Property Guru ២០២១ ទ្វីបអាស៊ី នេះគឺជាកម្មវិធីប្រកួតប្រជែង ដោយមានការចូលរួមពីជ័យលាភីអចលនទ្រព្យផ្តាច់គេប្រចាំប្រទេស ច្រើនជាង១០ប្រទេសក្នុងទ្វីបអាស៊ី មានដូចជា ប្រទេស សិង្ហបុរី ម៉ាឡេស៊ី ថៃ វៀតណាម ហ្វីលីពិន ល។ ហើយការវាយតម្លៃនេះគឺឆ្លងកាត់ការសម្រិតសម្រាំងពីអ្នកជំនាញអន្តរជាតិដោយផ្អែកទៅលើស្តង់ដារ និងវិជ្ជាជីវៈកម្រិតពិភពលោក ដើម្បីស្វែងរកជ័យលាភីល្អផ្តាច់គេទូទាំងទ្វីបអាស៊ី។

ដើម្បីអោយកាន់តែច្បាស់ សូមទស្សនា វីដេអូការប្រកាសចេញពីផេកផ្លូវការ Property Guru Asia Property Awards ។

ដោយៈ សុធារី

កោះកុងៈ លោកកែវ រតនៈ រដ្ឋមន្រ្តីប្រតិភូអមនាយករដ្ឋមន្រ្តី និងជាអគ្គនាយកអគ្គិសនីកម្ពុជាបានមានប្រសាសន៍ថា អគ្គិសនីកម្ពុជាបានបញ្ចប់ការសាងសង់ ធ្វើតេស្ត និងដាក់ឱ្យដំណើការអនុស្ថានីយ អគ្គិសនីកោះកុង ស្ថិតក្នុងភូមិកោះប៉ោ ឃុំបាក់ខ្លង ស្រុកមណ្ឌលសីមា អនុស្ថានីយអគ្គិសនីក្រុងខេមរភូមិន្ទ និងខ្សែបញ្ជូនអគ្គិសនីតង់ស្យុងខ្ពស់២៣០គីឡូវ៉ុល តភ្ជាប់រវាងអនុស្ថានីយទាំងពីរប្រវែងប្រមាណ២០គីឡូម៉ែត្រ ក្នុងខេត្តកោះកុង។

លោកបានបញ្ជាក់យ៉ាងដូច្នេះថា ខ្សែបញ្ជូន និងអនុស្ថានីយថ្មីនេះ ជាផ្នែកមួយ នៃគម្រោងកិច្ចសហប្រតិបត្តិការ រវាងព្រះរាជាណាចក្រកម្ពុជា និងសាធារណរដ្ឋបារាំង តាមរយៈទីភ្នាក់ងារអភិវឌ្ឍន៍បារាំង (AFD) ដែលផ្តល់ឥណទានសម្បទានដល់អគ្គិសនីកម្ពុជា ដើម្បីសាងសង់ហេដ្ឋារចនាសម្ព័ន្ធអគ្គិសនី បង្កើនវិសាលភាពនៃការផ្គត់ផ្គង់ ប្រកបដោយគុណភាព ស្ថិរភាព និងនិរន្តរភាព។

គម្រោងនេះ ត្រូវបានសិក្សាត្រួតពិនិត្យសាងសង់ ដោយវិស្វកររបស់អគ្គិសនីកម្ពុជា តាំងពីឆ្នាំ២០១៨ ដោយមានការជួយពីទីប្រឹក្សាបច្ចេកទេសអន្តរជាតិ របស់ក្រុមហ៊ុនអគ្គិសនីបារាំង (EDF) ហើយសាងសង់ដោយក្រុមហ៊ុនធំៗ របស់ប្រទេសចិន រួមមាន ZTT សម្រាប់ខ្សែបញ្ជូន២៣០kV និង TBEA សម្រាប់អនុស្ថានីយ ដែលក្រុមហ៊ុនទាំងពីរនេះ ទទួលបានជ័យលាភីក្នុងការដេញថ្លៃ ជាលក្ខណៈអន្តរជាតិ ដោយមានការត្រួតពិនិត្យពីអគ្គិសនីកម្ពុជា និងទីភ្នាក់ងារបារាំងសម្រាប់ការអភិវឌ្ឈន៍ (AFD) ។

លោកបន្តថា គម្រោងនេះ មិនត្រឹមតែឱ្យយើងទទួលបាន នូវហេដ្ឋារច​នា​សម្ព័ន្ធជាតិ បញ្ជូនអគ្គិសនីថ្មីប៉ុណ្ណោះទេ គឺបានផ្តល់និងផ្ទេរចំណេះដឹង (Capacity Building) ពីបណ្តាជំនាញបច្ចេកទេសដែលមានបទពិសោ​ធន៍ខ្ពស់ទាំងពីប្រទេសបារាំង ក៏ដូចជាប្រទេសចិន ដល់វិស្វករ និងក្រុមហ៊ុនម៉ៅការ សាងសង់បន្តរបស់ប្រទេសកម្ពុជា ដើម្បីមានលទ្ធភាពសាងសង់ដោ​យខ្លួនឯងនៅពេលអនាគត។

លោករដ្ឋមន្រ្តីប្រតិភូអមនាយករដ្ឋមន្រ្តីបានបន្តថា ហេដ្ឋារចនាសម្ព័ន្ធជាតិ ដែលជាសមិទ្ធផលផ្លែផ្កាថ្មីបន្ថែមទៀតនេះ កើតចេញពីការសហការគ្នាយ៉ាងល្អ ពីរាជរដ្ឋាភិបាលនៃប្រទេសកម្ពុជា និងរដ្ឋាភិបាលនៃសាធារណរដ្ឋបារាំង ដោយក្នុងនោះអនុស្ថានីយអគ្គិសនីកោះកុង មានតួនាទីយ៉ាងសំខាន់ ក្នុងការប្រមូលយកថាមពលអគ្គិសនី ដែលផលិតពីបណ្ដាវារីអគ្គិសនីក្នុងតំបន់រួមមាន វារីអគ្គិសនីតាតៃ វារីអគ្គិសនីឬស្សីជ្រំក្រោម វារីអគ្គិសនីអាតៃ ប្រមាណជាង៧០០MW និងវារីអគ្គិសនីតាតៃលើ១៥០MW កំពុងរៀបចំសាងសង់ បញ្ជូនមកផ្គត់ផ្គង់ដល់រាជធានីភ្នំពេញ ក៏ដូចជាបែងចែកមកខេត្តកោះកុង។

អនុស្ថានីយអគ្គិសនីខេមរភូមិន្ទ ទទួលថាមពលពីអនុស្ថានីយខេត្តកោះ​កុង ដែលជាប្រភពអគ្គិសនីជាតិយើង បញ្ជូនតាមរយៈខ្សែបញ្ជូន ២៣០kV ថ្មីនេះ មកផ្គត់ផ្គង់ក្នុងក្រុងខេមរភូមិន្ទ ក៏ដូចជាតំបន់សេដ្ឋកិច្ចពិសេស និងបណ្ដាស្រុកជុំវិញ គឺជាការយកប្រភពអគ្គិសនីមកជិតតំបន់ប្រើប្រាស់ ដើម្បីបង្កើនស្ថិរភាព និងគុណភាពនៃការផ្គត់ផ្គង់ ដែលពីមុនតំបន់ទាំងនេះ ផ្គត់ផ្គង់ចេញពីប្រភពវារីអគ្គិសនី និងប្រភពដែលមកពីប្រទេសថៃដែលមានចំងាយឆ្ងាយរាប់សិបគីឡូម៉ែត្រ តាមរយៈខ្សែបណ្តាញតង់ស្យុងមធ្យម ២២kV ដែលធ្វើឲ្យមានការរអាក់រអួលជារឿយៗ។

លោករដ្ឋមន្ត្រីបន្តថា ខ្សែបញ្ជូន២៣០kVថ្មីនេះ ត្រូវបានសាងសង់​ឆ្លងកាត់ដៃសមុទ្រ ក្នុងខេត្តកោះកុងដោយប្រើប្រាស់ បង្គោលប្រភេទខ្ពស់ចំនួន៤បង្គោល ដែលក្នុងនោះបង្គោលបីដើម មានកំពស់រហូតដល់១៦៨ម៉ែត្រ ដែលបច្ចុប្បន្ននេះ ជាបង្គោលខ្ពស់ជាងគេក្នុងប្រទេសកម្ពុជា៕

ដោយៈសហការី

       ភ្នំពេញៈ តារាចំរៀងដ៏ល្បីល្បាញលោក Chhorn Sovannareach ជាតំណាងទូសុឆន្ទៈរបស់ ROYAL LIVING PLAZA និន្នាការពិភពលោក“ រីករាយជីវភាពកម្រិតខ្ពស់ ផ្សារទំនើបពាណិជ្ជកម្មគឺការរំពឹងទុក ជាផ្សារទំនើបតំណាងទីក្រុងនាពេលអនាគត់។

បរិយាកាសល្អ អាជីវករកម្រិតខ្ពស់ បានក្លាយជាកន្លែងកម្សាន្តសប្បាយ និងជាជម្រើសដំបូងគេសម្រាប់ការជួបជុំ របស់ជនបរទេ​សនិងអ្នកមានលុយនៅទីក្រុងភ្នំពេញនាពេលអនាគត។

នៅជុំវិញផ្សារទួលទំពូង ជួបជុំដោយជនបរទេស១៥ម៉ឺននាក់និងអ្នកមានលុយ​ ម្យ៉ាងវិញទៀតខុនដូ ROYAL SKY LAND ផ្ទាល់មានប្រជានជនរស់នៅ៥០០០នាក់ អតិថិជនច្រើន អាជីវកម្មល្អដោយស្វ័យប្រវត្តិ អាជីវករដណ្តើមជួលហាងពាណិជ្ជកម្ម តម្លៃជួលខ្ពស់ដោយស្វ័យប្រវត្តិ៖ ROYAL LIVING PLAZA គឺជាជម្រើសដំបូងសម្រាប់ការវិនិយោគអចលនទ្រព្យ។

តម្លៃសរុប $22000 ហាងពាណិជ្ជកម្មមានប្លង់រឹង

តម្លៃទាប ផ្ទុះការចាប់អារម្មណ៏ពេញទីក្រុង

កម្មវិធីប្រម៉ូលសិនសម្រាប់បុណ្យណូអែលនិង ចូលឆ្នាំសកលជិតចូលមកដល់

 ក្រុមហ៊ុនមីងយូគ្រុប៖ ក្រុមហ៊ុនបុត្រសម្ព័ន្ធ ធានាបាន “ឧត្តមគតិសាងសង់ផ្ទះល្អ”

ក្រុមហ៊ុនមីងយូគ្រុបបានគ្រប់គ្រងពាណិជ្ជកម្មដែលគ្មានដែនកំណត់ចាប់តាំងពីឆ្នាំ២០១១ នៅឆ្នាំ២០១៣បានបង្កើតក្រុមហ៊ុនអចលនទ្រព្យ ភីងយូ នៅឆ្នាំ២០១៦បានបង្កើតក្រុមហ៊ុន ហ្វូលូដែលប្រមូលផ្តុំដោយបទពិសោធន៏សម្បូរបែបនៃការគ្រប់គ្រងពាណិជ្ជកម្ម គ្រប់គ្រងពាណិជ្ជកម្ម បទពិសោធន៏នៃការគ្រប់គ្រងខុនដូ ព្រមទាំងបានបង្កើតប្រព័ន្ធគ្រប់គ្រងគុណភាព។ ដូចនេះក្រុមហ៊ុនបុត្រសម្ព័ន្ធក៏បានមកដល់ទីក្រុងភ្នំពេញជាមួយ មីងយូគ្រុប ដើម្បីផ្តល់សេវាកម្មគាំទ្រប្រកបដោយវិជ្ជាជីវៈ សម្រាប់គម្រោងអភិវឌ្ឍន៏។

ការវិនិយោគបង្រួបបង្រួមគ្រប់គ្រងពាណិជ្ជកម្មគ្មានដែនកំណត់របស់ក្រុមហ៊ុនបុត្រសម្ព័ន្ធ  សម្រាប់ផ្លូវពាណិជ្ជកម្ម ផ្លាហ្សាពាណិជ្ជកម្ម និងទម្រង់អចលនទ្រព្យផ្សេងទៀគឺជាការវិនិយោគរួម ប្រតិបត្តិការប្រកបដោយវិជ្ជាជីវៈនិង ការរួមបញ្ចូលធនធាន បានបង្កើត“គេត្តនាមពាណិជ្ជកម្មទីក្រុង” ដោយជោគជ័យនៅក្នុងប្រទេសចិន ប្លុកផ្លូវថ្មើរជើង ជីងហួយប៉ាង ព្រមទាំងគម្រោងពាណិជ្ជកម្មផ្សេងទៀតជាច្រើន។ ការដាក់មូលដ្ឋានគ្រឹះដ៏រឹងមាំសម្រាប់ការវិនិយោគ និងប្រតិបត្តិការរបស់ ROYAL LIVING PLAZA ក្នុងរាជធានីភ្នំពេញ គឺជាគម្រោងពាណិជ្ជកម្មជាបន្តបន្ទាប់ ជ្រើសរើសអ្នកជួលដ៏ល្អបំផុតសម្រាប់ម្ចាស់ផ្ទះ ធ្វើការងារយ៉ាងល្អក្នុងការគ្រប់គ្រង និងប្រតិបត្តិការនៃផ្សារទំនើប និងទទួលបានការជួលជាទីពេញចិត្ត។

ជ្រើសរើសក្រុមហ៊ុនទីផ្សារលក់ ,Freelance ខុនដូងាយស្រួលលក់ កំរៃជើងសារខ្ពស់ រង់ចាំអ្នកទាំងអសKhmer:010-382-684(Mr.POVCHIVINH)Chinese&English:076-222-1880 (Mr.Stanley)៕