គម្រោង ដឹ អាណាចក្រ (HANUMAN Estate) នឹងបើកលក់មុនសម្ពោធ ដើមឆ្នាំ២០២២ នេះ! ទីតាំងដំបូង ទីតាំងល្អៗ កំពុងរង់ចាំលោកអ្នក!

ថ្មីៗនេះ យើងសង្កេតឃើញថា មានក្រុមហ៊ុន​អចលនទ្រព្យថ្មីមួយ គឺក្រុមហ៊ុន ហនុមាន អ៊ីស្ទេត (Hanuman Estate) បានកំពុងប្រកាសជាសាធារណៈ​អំពីឧត្តមភាពនៃការអភិវឌ្ឍន៍គម្រោងទី១ នៅតាមបណ្តោយផ្លូវជាតិលេខ៥ ដែលមានឈ្មោះថា​ គម្រោង ដឹ អាណាចក្រ (The ANAJAK) ដែលមានទំហំផ្ទៃដីជាង៣០០ហិកតា ស្ថិតក្នុងសង្កាត់ព្រែកព្នៅ រាជធានីភ្នំពេញ បែរមុខទៅរកទន្លេសាប។

ដូចដែលលោកអ្នកបានជ្រាបរួចមកហើយថា ផ្លូវជាតិលេខ៥ ជាផ្លូវតភ្ជាប់រវាងប្រទេសសមាជិកអាស៊ានជាមួយប្រទេសកម្ពុជា ដែល រាជដ្ឋាភិបាលកំពុងដាក់ក្នុងផែនការអភិវឌ្ឍន៍ជាអាទិភាព។ ដូច្នេះ ស្ថាប័នរដ្ឋ និងស្ថាប័នឯកជនជាច្រើន បានកំពុងផ្លាស់ប្តូរទីតាំងព្រមទាំងបង្កើតថ្មីនៅលើតំបន់សក្តានុពលសេដ្ឋកិច្ចមួយចំនួន​ ជាពិសេសគឺផ្លូវជាតិលេខ៥ ស្ថិតនៅទិសខាងជើងរាជធានីភ្នំពេញ ដើម្បីឆ្លើយតបទៅនឹងកំណើនប្រជាជនក្នុងទីក្រុង ដែលកំពុងតែកើនឡើងជារៀងរាល់ឆ្នាំ។

គម្រោង​ ដឹ អាណាចក្រ របស់ក្រុមហ៊ុន​ ហនុមាន អ៊ីស្ទេត គឺជាគម្រោងទី១ ដែលបង្កើតឡើងដោយរួមបញ្ចូលនូវគំនិតច្នៃប្រឌិតខ្ពស់ពីក្រុមអ្នកបច្ចេកទេសជាតិនិងអន្តរជាតិ ព្រមទាំងបន្ថែមនូវបរិបទថ្មីនៃការរស់នៅស្របទៅតាមសម័យកាលចុងក្រោយ។ គម្រោងថ្មីមួយនេះ បានរៀបចំអោយមានហេដ្ឋារចនាសម្ព័ន្ធចម្រុះ ជាពិសេសមានផ្ទះវីឡាដ៏ល្អប្រណិតៗរួមជាមួយរចនាបទនៃសួនច្បារធំៗស្រស់ស្អាតជាច្រើនកន្លែង ក្នុងនោះមានផ្លូវទំហំដល់ទៅ៣៤ម៉ែត្រ មានផ្លូវសម្រាប់ជិះកង់ និងទីធ្លាធ្វើលំហាត់ប្រាណដ៏ធំ។ ក្នុងនោះក៏មានផ្ទះអាជីកម្មជាច្រើនប្រភេទសម្រាប់បង្កើតសហគមន៍រស់នៅចម្រុះ និងមានអគារសម្រាប់ប្រារព្ធពិធីអាពាហ៍ពិពាហ៍ រឺ សម្រាប់ការប្រជុំលក្ខណៈផ្លូវការនានា មានសាលប្រជុំតន្ត្រីដ៏ធំមហាសាលសម្រាប់ការជួបជុំកំសាន្ត​ ដែលទាំងនេះនឹងអាចបង្កើតបានជាទីបណ្ដុំសេដ្ឋកិច្ចដ៏សកម្មមួយ និងបរិយាកាសរស់នៅយ៉ាងសម្បូរបែប។

គម្រោង ដឹ អាណាចក្រ​ ត្រូវបានបែងចែកជា៥ផ្នែកធំៗ ដោយដំណាក់កាលទី១ នៃផ្នែកទី១ កំពុងរៀបចំបើកលក់មុនសម្ពោធ នាដើម ឆ្នាំ២០២២នេះ​ ជាមួយទីតាំងដំបូង ទីតាំងល្អៗ សម្រាប់ដំណាក់កាលដំបូង មានផ្ទះ​ ៣ ប្រភេទ ដូចជា ផ្ទះអាជីវកម្ម SOVANN លើផ្លូវធំ, វីឡាភ្លោះហ្គ្រែន 8M និង វីឡាភ្លោះ 5M ដែលនឹងមានតម្លៃចន្លោះចាប់ពី $14ម៉ឺនដុល្លារឡើងទៅ អាស្រ័យតាមទីតាំង ជាមួយការផ្តល់ជូន ការបញ្ចុះតម្លៃរហូតដល់ 12% សម្រាប់ឱកាសនៃការបើលលក់មុនសម្ពោធផងដែរ។ មិនតែប៉ុណ្ណោះ លក្ខខណ្ឌការបង់ប្រាក់ពិតជាពិសេសនិងងាយស្រួលបំផុត ជាមួយរយៈពេលវែង ហើយមិនមានការប្រាក់ទៀតផង។ រឹតតែពិសេស សម្រាប់អតិថិជនដែលសាកសួរព័ត៌មាននិងជាវបានមុន ក្រុមហ៊ុននឹងមានការផ្តល់ជូនកាដូបន្ថែម ក្នុងឱកាសលក់មុនសម្ពោធទៀតផង។

បទពិសោធន៍រស់នៅថ្មីដ៏ល្អដែលកម្រមានបែបនេះ នឹងមាននៅតាមបណ្តោយផ្លូវជាតិលេខ៥ ក្នុងគម្រោង ដឹ អាណាចក្រ ដែលអភិវឌ្ឍន៍ដោយ ក្រុមហ៊ុន​ ហនុមាន អ៊ីស្ទេត (The ANAJAK by Hanuman Estate)។

កុំអោយរំលងនូវឱកាសដ៏ពិសេសនេះ សូមទំនាក់ទំនងមកកាន់អ្នកប្រឹក្សាយោបល់ផ្នែកលក់ ឥលូវនេះ៖ 095 339 339 / 098 339 339

Oxford: វ៉ាក់សាំងចំនួនពីរប្រភេទ មិនអាចការពារប្រឆាំងនឹងមេរោគអូមីក្រុងបានឡើយ

ដោយ: ម៉ាលីស

អន្តរជាតិ: ការសិក្សាថ្មីមួយចេញកាលពីថ្ងៃច័ន្ទ ពីអ្នកស្រាវជ្រាវនៅសាកលវិទ្យាល័យOxford បន្ថែមលើភស្តុតាងដែលថា វ៉ាក់សាំងសំខាន់ៗចំនួនពីរ ដែលត្រូវបានដាក់ពង្រាយប្រឆាំងនឹង Covid-19 គឺវ៉ាក់សាំង AstraZeneca ត្រូវបានគេប្រើយ៉ាងទូលំទូលាយ នៅក្នុងចក្រភពអង់គ្លេស និងជុំវិញពិភពលោក តែមិនប្រើនៅសហរដ្ឋអាមេរិកទេឯវ៉ាក់សាំង ប្រភេទ Pfizer/BioNTechមិនអាចការពារមេរោគអូមីក្រុងបានឡើយ។

មេរោគអូមីក្រុង ជាមេរោគឆ្លងកំពុងរីករាលដាល យ៉ាងឆាប់រហ័សនៅក្នុងប្រទេសមួយចំនួន ដែលវាត្រូវបានគេរកឃើញ។  ទោះបីជាវាការបង្កជាជំងឺស្រាលក៏ដោយ ហើយទោះមិនទាន់មានភាពភាព ជាក់លាក់ណាមួយ នៅតែអាចមានន័យថា មនុស្សជាច្រើនបានស្ថិតនៅក្នុងមន្ទីរពេទ្យ និងស្លាប់ហើយដែរ។

វាបានសម្លាប់មនុស្សយ៉ាងហោចណាស់ម្នាក់ នៅក្នុងចក្រភពអង់​គ្លេ​ស និងមនុស្ស១០នាក់ទៀត ដែលសំរាកព្យាបាលនៅក្នុងមន្ទីរពេទ្យ ដែលភាគច្រើននៃពួកគេ គឺធ្លាប់បានចាក់វ៉ាក់សាំងរួចហើយ នេះបើយោងតាមអាជ្ញាធររដ្ឋាភិបាល។

អង្គការសុខភាពពិភពលោកបាននិយាយ នៅក្នុងសន្និសីទបច្ចេក​ទេសមួយកាលពីសប្តាហ៍មុនថា “វារីករាលដាលលឿនជាងមេរោគDelta នៅអាហ្រ្វិកខាងត្បូង ដែលទីនោះមេរោគDelta ស្ថិតក្នុងកម្រិតមួយទាប ប៉ុន្តែក៏ហាក់ដូចជារីករាលដាលលឿនជាង នៅក្នុងប្រទេសផ្សេងទៀត ដែលមេរោគDelta នៅទីនោះវាមានកម្រិតខ្ពស់ ដូចជានៅចក្រភពអង់គ្លេសជាដើម”។

អង្គការសុខភាពពិភពលោកបានបន្ថែមថា “ដោយសារទិន្នន័យដែលមាននាពេលបច្ចុប្បន្ន វាទំនងជាថាអូមីក្រុង នឹងលឿនជាងDelta ដែលការរីករាលដាលនៅតាមសហគមន៍មានការកើនឡើង” ។

“អ្វីដែលយើងដឹងឥឡូវនេះអំពី អូមីក្រុង គឺថា វាបានរីករាលដាលក្នុងអត្រាលឿន ដែលយើងមិនធ្លាប់ឃើញពីមុនមក។ វាកើនឡើងទ្វេរដងរៀងរាល់ ២ទៅ ៣ថ្ងៃក្នុងការឆ្លង” ។នេះបើតាមរដ្ឋមន្ត្រីសុខាភិបាលចក្រភពអង់គ្លេស Sajid Javic បានប្រាប់ Sky News របស់ចក្រភពអង់គ្លេសកាលពីថ្ងៃចន្ទ។

លោកបន្តថា ” យើងកំពុងប្រឈមមុខ នឹងរលកនៃការឆ្លងមេរោគជាថ្មីម្តងទៀត នៅក្នុងការប្រណាំងរវាងវ៉ាក់សាំង និងមេរោគ”៕

ដំណឹងល្អៈរដ្ឋាភិបាលបន្តលើកលែងព​ន្ឋប្រថាប់ត្រាផ្ទះតម្លៃ៧ម៉ឺនដុល្លារចុះសំរាប់ឆ្នាំ២០២២

ដោយៈគង់ សូរិយា

       ភ្នំពេញៈ រដ្ឋាភិបាលបានបន្តលើកលែងពន្ធប្រថាប់ត្រាសម្រាប់ផ្ទះ ឬខុនដូ ដែលមានថ្លៃទាបជាង ឬស្មើ ៧ម៉ឺនដុល្លារអាមេរិកសម្រាប់ឆ្នាំ២០២២ ដែលនេះជាផ្នែកមួយនៃវិធានការគ្រប់គ្រងផលប៉ះពាល់ និងស្តារសេដ្ឋកិច្ចឡើងវិញក្នុងបរិបទកូវីដ១៩។

លោកផាន់ ផល្លា រដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុបាន​ថ្លែងឲ្យដឹងបែបនេះ ក្នុងសន្និសីទសារព័ត៌មានស្តីពី ការយុទ្ធសាស្រ្តស្តារសេដ្ឋកិច្ច តាមគន្លងប្រក្រតីថ្មី នៅថ្ងៃទី១៤ ខែធ្នូ។

លោកបន្តថា ការលើកលែងពន្ធប្រថាប់ត្រា សម្រាប់អ្នកទិញផ្ទះដែលមានថ្លៃទាបជាង ឬស្មើ៧ម៉ឺនដុល្លារអាមេរិកនឹងត្រូវបន្តទៀត ប៉ុន្តែមិនបានបញ្ជាក់ថានឹងបន្ដរយៈពេលប៉ុន្មានទេ ដោយត្រូវរង់ចាំប្រកាសផ្លូវការពីអគ្គនាយកដ្ឋានពន្ធដា។

ការលើកលែងពន្ធប្រថាប់ត្រាសម្រាប់ផ្ទះ និងខុនដូតម្លៃទាបជាង ៧ម៉ឺនដុល្លារ ប្រកាសជាលើកដំបូងដោយសម្ដេចហ៊ុន សែន នៅខែ កុម្ភៈ ឆ្នាំ ២០២០ ដោយលើកលែង១ ឆ្នាំដល់ មករា ២០២១ និងបន្តលើកលែងដល់​ឆ្នាំ២០២២៕

 

GCCគ្រុបប្រកាសបើកដំណើរការកម្មវិធីថ្មីមួយសម្រាប់អ្នកចង់ក្លាយជាដៃគូគម្រោងផ្សារជីស៊ី អូរឫស្សី

 

ភ្នំពេញ: ថ្ងៃទី 13 ខែធ្នូ ឆ្នាំ 2021 GCC បានប្រកាសអំពីការដំណើរការនៃកម្មវិធីថ្មីមួយសម្រាប់អ្នកដែលចង់ក្លាយជាដៃគូនៃគម្រោងផ្សារជីស៊ី អូរឫស្សី គឺកម្មវិធី “ក្លាយជាដៃគូរបស់យើង(Be a Boss)”។

លោកកាំង នីន នាយកផ្នែកលក់នៃផ្សារជីស៊ី អូរឫស្សីបានថ្លែងថា៖ កម្មវិធីក្លាយជាដៃគូ គម្រោងផ្សារជីស៊ី អូរឫស្សី ជាកម្មវិធី មួយដែលបង្កើតឡើងដើម្បីឲ្យអ្នកដែលរស់នៅក្នុងតំបន់ឆ្ងាយៗ ឬខេត្តនានាដែលនៅក្បែរទីក្រុងភ្នំពេញកាន់តែបានស្គាល់ច្បាស់អំពីគម្រោងផ្សារជីស៊ី អូរឫស្សី ក៏ដូចជាការស្វែងរកបន្ថែមនូវដៃគូ ឬភ្នាក់ងារសម្រាប់គម្រោងផ្សារជីស៊ី អូរឫស្សីនៅក្នុងតំបន់ទាំងរបស់ពួកគាត់ផ្ទាល់។ លោកបានបន្តទៀតថា៖ ”យើងចង់ឲ្យប្រជាពលរដ្ឋកាន់តែច្រើនបានយល់ដឹងអំពីសក្ដានុពលនៃផ្សារជីស៊ី អូរឫស្សី ជាពិសេសប្រជាពលរដ្ឋដែលរស់នៅជាយក្រុង ពិបាកក្នុងការអញ្ជើញមកកាន់ការិយាល័យតាំងបង្ហាញ គម្រោងផ្សារជីស៊ី អូរឫស្សី ដើម្បីទទួលបានព័ត៌មានលម្អិតអំពីគម្រោងផ្សារ ដូច្នេះពួកគេអាចធ្វើការកក់តូបផ្សារជីស៊ី អូរឫស្សី ពីតំបន់របស់ពួកគាត់ផ្ទាល់។”

ផ្សារជីស៊ី អូរឫស្សីជាផ្សារបោះដុំ និងលក់រាយដែលមានកម្ពស់ រហូតដល់៦ជាន់ ត្រូវបានរចនាឡើងយ៉ាងពិសេស ប្លែកពីគេដោយបានរួមបញ្ចូលគ្នានូវរចនាបទដែលជាកម្ចីពី ប្រវត្តិសាស្រ្តផងដោយបម្លែងឲ្យទៅជារចនាបទទំនើប ប៉ុន្តែនៅរក្សាបាននូវស្ថាបត្យកម្មប្រពៃណីខ្មែរបុរាណ។ ផ្សារក្នុងស្រុកនេះត្រូវបានបង្កើតឡើងជាពិសេសស្របទៅតាមបរិបទរស់នៅនៃប្រជាជនក្នុងស្រុក បរិយាកាស និងឥរិយាបទអ្នកប្រើប្រាស់ ហើយការរចនាក៏បានយកចិត្តទុកដាក់លើដំណើរការនៃលំហូរខ្យល់ និងបែងចែកពន្លឺធម្មជាតិបានកាន់តែប្រសើរឡើង ដែលនេះជាកត្តាដ៏សំខាន់មួយសម្រាប់ធាតុអាកាសក្នុងតំបន់ត្រូពិច ក្នុងការធ្វើយ៉ាងណាឲ្យមានម្លប់ច្រើន និងការពារផ្នែកខាងក្នុងពីទឹកភ្លៀង។។អគារនេះមានការរៀបចំដែលប្លែកពីគេ ដោយទុកចន្លោះដ៏ធំទូលាយនៅផ្នែកកណ្ដាលគ្រប់ជាន់ទាំងអស់។

អត្ថប្រយោជន៍ដ៏ច្រើនលើសលប់នឹងត្រូវបានផ្តល់ជូនដៃគូ ផ្សារ ជីស៊ី អូរឫស្សី បន្ទាប់ពីក្លាយជាដៃគូជាមួយក្រុមហ៊ុនចម្រុះជាតិសាសន៍ដ៏ធំបំផុតមួយស្ថិតនៅក្នុងប្រទេសកម្ពុជា ដែលមានស្តង់ដារអន្តរជាតិ

លោកអ្នកនឹងទទួលបាននាមប័ណ្ណតំណាងឱ្យផ្សារ ជីស៊ី អូរឫស្សី ក្នុងជានាយកអភិវឌ្ឍអាជីវកម្មស្ថិតនៅក្នុងតំបន់របស់លោកអ្នក។ លោក កាំង នីន បានសង្កត់​ធ្ងន់ទៀតថា៖ ” អត្ថប្រយោជន៍ផ្សេងៗជាច្រើនទៀតក៏ត្រូវបានផ្តល់ជូនផងដែរ ដូចជា៖អត្ថប្រយោជន៍កម្រៃជើងសារខ្ពស់ដោយផ្អែកលើចំនួននៃការលក់ក្នុងមួយខែៗ ផ្តល់ជូនការបណ្តុះបណ្តាល និងការវាយតម្លៃ ដើម្បីធានាបានគុណភាពនៃពាណិជ្ជកម្មរវាងភាគីទាំង 2 ភាពទាក់ទាញ និងភាពល្អប្លែកគេនៃគម្រោងផ្សារ ដែលមានតម្រូវការខ្ពស់ ក៏ដូចជាការចុះទៅផ្តល់ប្រឹក្សាដោយផ្ទាល់រៀងរាល់សប្តាហ៍នៅទីតាំងរបស់លោកអ្នក ឬក៏ប្រជុំតាមកម្មវិធីហ្សូមនៅពេលចាំបាច់  និងព្រមទាំងផ្តល់ជំនួយការប្រឹក្សា តាមទូរស័ព្ទ24 ម៉ោងដើម្បីជួយលោកអ្នកជោគជ័យក្នុងការលក់គម្រោង។

លោក កាំង នីន ក៏​បាន​លើក​ឡើងទៀតថា៖  លើសពីនេះទៀតយើងនឹងផ្តល់​ការ​គាំទ្រ​ ​​លើ​សម្ភារៈផ្សព្វផ្សាយដ៏សម្បូរបែប ឧទាហរណ៍​ដូចជាការ​ផ្តល់ជូនតូប​គម្រូទាំងមូល​នៅ​ទីតាំងរបស់លោកអ្នក​ និងតូបចល័តរបស់ផ្សារជីស៊ី អូរឫស្សី ។

ដូច្នេះសម្រាប់ភ្នាក់ងារនៅតាមបណ្តាខេត្តនានា និងជាយក្រុងដែលមានបំណងចង់ក្លាយជាដៃគូជាមួយ ផ្សារ ជីស៊ី អូរឫស្សី អាចមកចុះឈ្មោះក្នុងកម្មវិធីក្លាយជាដៃគូ គម្រោងផ្សារជីស៊ី អូរឫស្សី និងចូលរួមកម្មវិធីចែករំលែកផងដែរ។ លោកអ្នកដែលជាដៃគូទាំងអស់ អាចបំពេញទម្រង់ពាក្យសុំដោយផ្ទាល់ ឬតាមប្រព័ន្ធអនឡាញ ដើម្បីឲ្យក្រុមការងារ ផ្សារ ជីស៊ី អូរឫស្សី ទំនាក់ទំនងផ្តល់ជូនព័ត៌មានលម្អិតនៃឯកសារដែលត្រូវការ កិច្ចព្រមព្រៀង ការបណ្តុះបណ្តាល និងជំនួយផ្នែកទីផ្សារ។ សម្រាប់លោកអ្នក ដែលមានបំណងចង់សិក្សាលម្អិត ឬចង់ចូលរួមក្នុងកម្មវិធីនេះ សូមទំនាក់ទំនងមកកាន់ ប្រធានឆាណែលផ្នែកលក់នៃផ្សារជីស៊ី អូរឫស្សី៖កញ្ញា អឿន ថាវី (010 577 679) ឬ កញ្ញា កែ ភិរុណ (077 813 868)។

រាជរដ្ឋាភិបាលបានស្នើសុំខ្ចីប្រាក់ចំនួន១៦០០លាន(SDR) ដើម្បីអភិវឌ្ឍហេដ្ឋារចនាសម្ព័ន្ធសំខាន់ៗ

ដោយ៖ សុធារី

ភ្នំពេញ៖ នៅឆ្នាំ ២០២២ខាងមុខ រាជរដ្ឋាភិបាលបានស្នើសុំទៅសភាជាតិនៅក្នុងការខ្ចីប្រាក់ចំនួន ១៦០០លាន(SDR) ដើម្បីអភិវឌ្ឍហេដ្ឋារចនាសម្ព័ន្ធសំខាន់ៗនៅក្នុងប្រទេសកម្ពុជា។

នេះបើតាមការបញ្ជាក់របស់លោកបណ្ឌិត ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ ថ្លែងនៅក្នុងសន្និសីទសារព័ត៌មាន ស្ដីពី “យុទ្ធសាស្ត្រស្ដារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយជំងឺកូវីដ-១៩ តាមគន្លងប្រក្រតីភាពថ្មី” នៅថ្ងៃទី ១៤ ខែធ្នូ ឆ្នាំ ២០២១។

លោកបានមានប្រសាសន៍ថា កម្ពុជាបានជំពាក់បំណុលបរទេសរហូតមកដល់ពេលនេះ មានចំនួនជាង ៩ប៊ីលានដុល្លារ ដែលបំណុលនេះ ស្ថិតនៅក្នុងកម្រិតទាបនៅឡើយ។

លោក ផាន់ ផល្លា បានថ្លែងដូច្នេះថា “ជាការធៀបបំណុលកម្ពុជាទៅជាមួយប្រទេសផ្សេងៗទៀត យើងនៅមានកម្រិតទាបណាស់ យើងអត់ទាន់ដល់កម្រិតមួយដែលគេថា វ័ណ្ឌកដូចបណ្តាប្រទេសមួយចំនួនទេ យើងពុំមានបញ្ហាពាក់ព័ន្ធនឹងលទ្ធភាពសង ព្រោះបំណុលយើងនៅទាប។”

លោក ផល្លា បានសង្កត់ធ្ងន់ថា ការសងបំណុលគឺប្រើប្រាស់ថវិការដ្ឋ ពោលគឺមិនប្រមូលពីវិស័យណាមួយ ឬវិស័យឯកជននោះទេ។ លោកអះអាងទៀតថា កម្ពុជា នៅអាចបន្តខ្ចីទុនពីបរទេសមកប្រើប្រាស់ ដើម្បីអភិវឌ្ឍប្រទេសជាតិបន្ថែមទៀត។

លោកបន្ថែមថាកម្ពុជា ក៏ប្រឹងប្រែងពង្រឹងការប្រមូលចំណូលក្នុងស្រុកបន្ថែមទៀត ក្នុងការអភិវឌ្ឍប្រទេស ពោលគឺមិនពឹងផ្អែកលើប្រាក់កម្ចីទាំងស្រុងនោះទេ៕

វ៉ាក់សាំងប្រឆាំងកូវីដ១៩ជាក្ដីរំពឹងមួយក្នុងការជំរុញវិស័យអចលនទ្រព្យកម្ពុជា

ដោយ៖ វឌ្ឍនៈ

ភ្នំពេញ ៖ រាជរដ្ឋាភិបាលកម្ពុជាបានចាប់យកការចាក់វ៉ាក់សាំងជូនប្រជាពលរដ្ឋរបស់ខ្លួនជាយុទ្ធសាស្ត្រមួយក្នុងការកាត់បន្ថយការរីករាលដាលនៃជំងឺកូវីដ១៩ និងធ្វើឱ្យរាជរដ្ឋាភិបាលអាចបើកប្រទេសបើកសេដ្ឋកិច្ចឡើងវិញបាន។ ការចាក់វ៉ាក់សាំងប្រឆាំងកូវីដ១៩នេះដែរក៏ជាក្តីរំពឹងនៃការជំរុញការអភិវឌ្ឍវិស័យអចលនទ្រព្យកាន់តែមានសន្ទុះបន្ថែមទៀត ជាមួយនឹងកំណើនវិនិយោគិនក្នុងស្រុកនិងការហូរចូលឡើងវិញ នៃវិនិយោគិនបរទេស ។

លោក វ៉ា វីរៈ គ្រូបង្វឹកប្រចាំក្រុមហ៊ុនCentury 21 Zillion Holding បានមានប្រសាសន៍ថា រាជរដ្ឋាភិបាលកម្ពុជាបានខិតខំប្រឹងប្រែងក្នុងការស្វែងរកវ៉ាក់សាំងដើម្បីចាក់ជូនប្រជាពលរដ្ឋរបស់ខ្លួន ហើយរហូតមកដល់ពេលនេះ ប្រជាពលរដ្ឋភាគ ច្រើនបានចាក់វ៉ាក់សាំងប្រឆាំងកូវីដ១៩ និងកំពុងសកម្មក្នុងការចាក់វ៉ាក់សាំងជំរុញបន្ថែមដូសទី៣ ដែលធ្វើឱ្យកម្ពុជាមានលទ្ធភាពក្នុងការបើកប្រទេសឡើងវិញ បើកសេដ្ឋកិច្ចឡើងវិញជាពិសេសក្នុងការបើកទទួលទេសចរនិងវិនិយោគិនបរទេសចូលមកកម្ពុជា ។

លោកថា “នៅពេលដែលយើងបានចាក់វ៉ាក់សាំងកាន់តែច្រើន នឹងជួយឱ្យកម្ពុជាមានលទ្ធភាពក្នុងការទប់ទល់នឹងជំងឺកូវីដ១៩ នឹងធ្វើឱ្យកម្ពុជាមានឱកាសទទួលបានការវិនិយោគបន្ថែមទៅលើវិស័យអចលនទ្រព្យ។“

លោកបន្តថា នៅពេលដែលយើងទទួលបានឱកាសនៃការវិនិយោគលើវិស័យអចលនទ្រព្យ យើងក៏ត្រូវចេះចាប់យកឱកាសនោះឱ្យបាននិងអភិវឌ្ឍន៍វិស័យនោះឱ្យកាន់តែរីកចម្រើន ។ យើងត្រូវសម្លឹងមើលគោលដៅនៃការអភិវឌ្ឍរបស់ខ្លួន។ អ្នកវិនិយោគខ្លះគឺមានគោលដៅ រកប្រាក់ចំណេញភ្លាមៗដែលមានន័យថាទិញហើយនឹងលក់វិញនៅពេលបានប្រាក់ចំណេញទោះតិចឬក៏ច្រើនក្ដី តែអ្នកវិនិយោគខ្លះទៀតទិញដើម្បីអភិវឌ្ឍន៍និងគិតគូរដល់ការអភិវឌ្ឍរយៈពេលយូរ ដូចជាការសាងសង់ជាលំនៅដ្ឋាន សាងសង់ជាអគារខ្ពស់ជាដើម។

លោកខេន ឡូ នាយកប្រតិបត្តិក្រុមហ៊ុនអចលនទ្រព្យ Century 21 Imperial Realty ក៏បានឱ្យដឹងផងដែរថា ការអភិវឌ្ឍហេដ្ឋារចនាសម្ព័ន្ធ របស់រាជរដ្ឋាភិបាលក៏ជាកត្តាមួយដែលជំរុញឱ្យមានការវិនិយោគលើដីធ្លីបន្ថែមទៀតផងដែរ ក្រោយពេលវិបត្តិកូវីដ១៩បញ្ចប់។

លោកបន្តថា សក្ដានុពលសំខាន់មួយក្នុងការទាក់ទាញការអភិវឌ្ឍដីធ្លីនៅជុំវិញរាជធានីភ្នំពេញ គឺការអភិវឌ្ឍផ្លូវក្រវ៉ាត់ក្រុងទី៣របស់រាជរដ្ឋាភិបាល ហើយតំបន់នៅជុំវិញផ្លូវក្រវ៉ាត់ក្រុងទី៣នឹងកាន់តែមានភាពទាក់ទាញដល់ការវិនិយោគរបស់វិនិយោគិនក្នុងនិងក្រៅប្រទេសបន្ទាប់ពីវិបត្តិនៃជំងឺកូវីដ១៩បានបញ្ចប់៕

Singapore’s property market still buzzing in Q4 2021, study finds

Unfazed by the economic uncertainties brought on COVID-19, property prices have continued to rise for the sixth consecutive quarter. PropertyGuru’s Singapore Property Market Index (PMI) Q4 2021 saw an increase of 3.88 per cent, or 4.73 points.

Meanwhile, on the supply side, the PropertyGuru Singapore Property Supply Index (SPSI) grew by 3.59 per cent, or 5.03 points. This is the second consecutive quarter where the number of listings on PropertyGuru rose, albeit at a much slower pace than the preceding quarter (17.6 per cent).

PRIVATE PROPERTY MARKET STILL RESILIENT, PRICES GROWING FOR THE SIXTH STRAIGHT QUARTER
The sustained growth over the past 1.5 years is a strong signal of property sellers’ unwavering confidence in the market. The property price growth is likely to continue, but it is showing signs of slowing down, alongside decreasing transaction volumes.

In the primary market, demand remains resilient despite developers raising their prices due to challenges such as increasing construction costs, a manpower crunch, and pressures due to the Additional Buyer’s Stamp Duty introduced in 2018.

Still, the Government does not feel that the property market is overheated yet. But if trends persevere, the likelihood of cooling measures being introduced looms heavier.

Tightened COVID-19 safety measures during the Phase 2 (Heightened Alert) from Jul 22 to Aug 9 limited physical property viewings. Like in the previous quarter, this probably lengthened transaction periods and online property advertisements lifespans.

While transaction volumes dipped month-on-month from July through September, this was due to the strong showing in July. Year-on-year, there was growth observed for August and September, suggesting buyers are setting aside superstition for practicality.

Three out of five districts that made the list had entries in the top 10 best-selling condos in Q3 2021. This includes Pasir Ris 8 and Treasure at Tampines in District 18, OLA, The Florence Residences, and Sengkang Grand Residences in District 19, and The Watergardens at Canberra in District 27.

Although District 6 recorded the highest price decline of 12.3 per cent, the median asking price of S$3,000 psf is still considered very healthy. Similarly, Districts 7 and 11 in the CCR both have some of the highest asking prices in Singapore, and hence saw a slight downward adjustment this quarter.

Affordable projects dominated the market in Q3, with nine out of 10 of the best-selling projects located in the Outside Central Region (OCR). Among them, two are also Executive Condominiums (ECs).

This is due to the good performance from launches in the past two years and the preference for larger homes due to enduring work-from-home arrangements. Also, mass-market condominiums in the OCR hit the sweet spot between price and size.

Pasir Ris 8 in District 18 was the most popular project, having sold 425 units. During the Hungry Ghost Festival month, Parc Greenwich (an EC) and The Watergardens at Canberra launched. Buyers paid little mind to superstitious beliefs, snapping up 60 per cent and 65 per cent of available units for the properties, respectively.

That said, interest in the luxury market has not waned. The Core Central Region (CCR) districts aren’t as represented on the list as most of the new projects in the city were launched earlier this year, and there are fewer units available due to exclusivity. Luxury projects such as Park Nova, 15 Holland Hill, The Avenir, and Leedon Green continued to move units at prices above S$3 million, indicating vibrant movement in this segment.

Over the course of 2021, managing COVID-19 and reopening the economy have been the Government’s main priorities. Depending on our progress in managing the health crisis, next year could possibly be when the Government turns its attention to the housing market.

មន្ត្រីជាន់ខ្ពស់កម្ពុជា៖ វិស័យសហគ្រិនភាពនៅកម្ពុជារយៈ៥ឆ្នាំចុងក្រោយកាន់តែមានកំណើន

ដោយៈលក្ខិណា

ភ្នំពេញៈ លោក វង្សី វិស្សុត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុបានមានប្រសាសន៍ថា ក្នុងយរៈពេល៥ឆ្នាំកន្លងមកនេះ យើងបានមើលឃើញថា យុវជនកម្ពុជាចាប់ផ្ដើម ចេញរកស៊ីច្រើន ដោយមានគំនិតថ្មីៗផ្គួបផ្សំ នឹងចំណេះដឹងរបស់ពួកគាត់ ការៀនសូត្រយកចំណេះជំនាញនិងបទពិសោធន៍ពីខាងក្រៅ។

លោកបានមានប្រសាសន៍ នៅក្នុងពិធីប្រកាសជ័យលាភីពានរង្វាន់សហគ្រិនឆ្នើមប្រចាំឆ្នាំ២០២១ កាលពីចុងសប្ដាហ៍កន្លងទៅនេះឱ្យដឹងថាដោយសារតែកំណើននៃសហគ្រិនភាព នៅកម្ពុជាបានកើនឡើងជាបន្តបន្ទាប់បែបនេះ ក៏ធ្វើឱ្យកម្ពុជាមានសេវាកម្ម ផលិតផលដែលជារបស់ខ្លួនឯងសម្រាប់ប្រើប្រាស់ក្នុងស្រុក និងមានតម្លៃសមរម្យហើយអាចកាត់បន្ថយនូវការនាំចូលពីខាងក្រៅប្រទេស ។

លោកបន្តថា “សហគ្រិនក្នុងស្រុក ក៏បានចូលរួមដល់ការគាំទ្រកំនើនសេដ្ឋកិច្ច ការអភិវឌ្ឍឱ្យបានយូរអង្វែង និងការធ្វើនវានុវត្តន៍និងជាកំលាំងចលករដ៏សំខាន់សម្រាប់សេដ្ឋកិច្ចផងដែរ”។ លោកបន្ថែមថា ទន្ទឹមនឹងការរីកចម្រើន នៃវិស័យសហគ្រិនភាពនៅក្នុងស្រុកដែរ រដ្ឋក៏បានចូលរួមគាំទ្រ ដើម្បីជំរុញសកម្មភាពសហគ្រិន នៅក្នុងឱ្យកាន់តែខ្លាំងក្លាថែមទៀតផងដែរ”។

ជាក់ស្ដែងការរៀបចំការប្រកួតប្រជែង សហគ្រិនឆ្នើមកម្ពុជាប្រចាំឆ្នាំនេះជាដើម ក៏ជាផ្នែកមួយនៃការគាំទ្រដល់សហគ្រិនកម្ពុជា ។

លោកវង្សី វិស្សុតបានលើកទឹកចិត្តដល់យុវជនកម្ពុជា ឱ្យចាប់យកការរកស៊ីគឺជាការងារចិញ្ចឹមជីវិត នៅពេលពួកគេរៀនចប់ ពីសាកលវិទ្យាជាជាងការដែលមានផ្នត់គំនិត រៀបចំចង់តែចូលធ្វើការជាមន្ត្រីរាជការ ឬធ្វើការងាររដ្ឋ ហើយសូមកុំឱ្យខ្លាចហានិភ័យ ពីព្រោះការរកស៊ីតែងតែមានហានិភ័យ គឺត្រូវមានភាពក្លាហាន និងត្រូវរៀនសូត្រពីហានិភ័យ ដើម្បីជាបទពិសោធន៍របស់ខ្លួន ក្នុងពេលរដ្ឋាភិបាលគាំទ្រយ៉ាងខ្លាំង ដល់ការបង្កើតសហគ្រិនភាពរបស់សហគ្រិនភាព ។

ជាមួយគ្នានេះ លោកស្រីកែវ មុំប្រធានសមាគមសហគ្រិនស្ត្រី កម្ពុជាក៏បានលើកឡើងផងដែរថា កំណើនសហគ្រិនភាព នៅកម្ពុជាត្រូវបានមើលឃើញថា មានការកើនឡើងជាបន្តបន្ទាប់ ប៉ុន្តែទន្ទឹមនឹងនោះដែរក៏មានបញ្ហាប្រឈមមួយចំនួនផងដែរ ដូចជាបញ្ហាហិរញ្ញវត្ថុ ការរៀបចំរចនាសម្ព័ន្ធសហគ្រិនឬអាជីវកម្មជាដើម៕

ក្រុងកំពតត្រៀមស្វាគមន៍វត្តមានអគារកប់ពពកជាលើកដំបូង

ដោយៈជេស៊ីកា

ភ្នំពេញៈ ក្រុងកំពតត្រៀមស្វាគមន៍វត្តមាន អាគារកប់ពពកជាលើកដំបូ​ង ខណៈអាគាពាណិជ្ជកម្មកប់ពពកនៅក្នុងទីក្រុងនេះ សាងសង់ដល់ជាន់ទី៤ហើយ។

បន្ទាប់ពីចំណាយ ពេលយ៉ាងយូរលើការសាងសង់គ្រឹះ និងជាន់ក្រោមដី មជ្ឈមណ្ឌលពាណិជ្ជកម្មភ្លោះថៃ ប៊ុនរ៉ុងបាននិងកំពុងបន្តសាងសង់ ដែលគំរោងនេះរួមបញ្ចូលនូវផ្សារទំនើប ការិយាល័យសម្រាប់ជួល សណ្ឋាគារ អាផាតម៉ិន ខុនដូជាដើម។

លោកសាស្រ្តាចារ្យទួស សាភឿនដែលជាអ្នករចនាប្លង់គំរោងនេះ និងជាថ្នាក់ដឹកនាំ ផ្នែកស្ថាបត្យកម្មជាន់ខ្ពស់មួយរូប នៃក្រុមហ៊ុនថៃ ប៊ុនរ៉ុងបានមានប្រសាសន៍ឲ្យដឹងកាលពីពេលថ្មីៗនេះថា ការសាងសង់មជ្ឈមណ្ឌលពា ណិជ្ជកម្មនេះ នឹងមានល្បឿនលឿន ដោយសារការសាងសង់គ្រឹះ និងជាន់ក្រោមដីបានបញ្ចប់។

លោកបន្តថា “ការសាងសង់ជាន់ក្រោមដី និងគ្រឹះត្រូវចំណាយពេលយូរណាស់ ប៉ុន្តែនៅពេលយើងសាងសង់រួច ការសាងសង់ជាន់ឡើងទៅខាងលើចំំណាយពេលលឿន”។ លោកបន្តថា “វត្តមានអគារកប់ពពកនេះ នឹងផ្លាស់ប្តូរមុខមាត់ ក្រុងកំពតនាពេលអនាគត ខណៈទីក្រុងនេះបាននិងកំពុងចាប់ផ្តើមទាក់ទាញ ការវិនិយោគកាន់តែច្រើនពីអ្នកវិនិយោគចិន និងអ្នកវិនិយោគក្នុងស្រុក”។

ក្រៅពីវរត្តមានអាគារកប់ពពក នៃមជ្ឈមណ្ឌលពាណិជ្ជកម្មថៃ ប៊ុនរ៉ុងកំពស់៤៥ជាន់នេះ ក្រុងកំពតក៏នឹងបង្ហាញនូវវត្តមាន អាគារកំពស់ចាប់ពី១០ជាន់ ដល់ជាង២០ជាន់ជាច្រើនទៀតនាពេលខាងមុខនេះ។

ទីប្រឹក្សាសមាគមអចលនទ្រព្យសកល លោកយិន លាងគង់បានមានប្រសាសន៍ ក្នុងដំណើរចុះអង្កេតមើលការអភិវឌ្ឍ នៅក្នុងទឹកដីខេត្តកំពតបានមានប្រសាសន៍ឲ្យដឹងថា ល្បឿននៃការអភិវឌ្ឍន៍នៅក្នុងខេត្តកំពត មិនបានបង្អង់ល្បឿនច្រើនឡើយ អំឡុងវិបត្តិកូវីដ១៩កន្លងមក ដោយសារខេត្ត នេះមានមូលដ្ឋានសម្រាប់ការរីកចម្រើនជាច្រើន ដូចជា ទី១ ហេដ្ឋារចនាសម្ព័ន្ឋ​ផ្តល់ភាពងាយស្រួលដល់ការធ្វើដំណើរ និងមានចម្ងាយជិតបើគិតពីរាជធានីភ្នំពេញ ធៀបនឹងបណ្តាខេត្តជាប់តំបន់ឆ្នេរដទៃទៀត។

ទី២ ធនធានធម្មជាតិផ្នែកអេកូទេសចរណ៍៍ និងទេសចរណ៍បែបធម្មជាតិរបស់ខេត្ត ពិតជាមានសក្តានុពលខ្ពស់ និងមិនទាន់អាចទាញយកមក​ប្រើប្រាស់អស់នៅឡើយ ទី៣ ជាខេត្តគោលដៅ នៃគំរោងវិនិយោគរមណីយដ្ឋាន លំនៅដ្ឋាន និងដីឡួត៍លំហែរកាយ ដែលកំពុងមាននិន្នាការរីកចម្រើនខ្ពស់ ទី៤ ខេត្តមានមូលដ្ឋានសំខាន់មួយទៀត គឺសមុទ្រ កំពង់ផែ កសិទេសចរណ៍ដូចជាចំការម្រេច ស្រែអំពិល ព្រៃកោងកាងជាដើម។

លោកយិន លាងគង់បន្តថា ការកើនឡើងនូវជីវភាពប្រជាពលរដ្ឋកា​ន់តែប្រសើរ លំហូរចូលនូវក្រុមហ៊ុនក្នុងស្រុក និងអន្តរជាតិ នឹងធ្វើឲ្យខេត្តនេះផ្លាស់ប្តូរមុខមាត់យ៉ាងលឿន ក្នុងរយៈពេល៣ទៅ៤ឆ្នាំខាងមុខ ពិសេសនៅពេលវត្តមានអគារកប់ពពកថៃ ប៊ុនរ៉ុងសាងសង់ចប់ នឹងធ្វើឲ្យបែបផែននៃការរស់នៅ ការធ្វើការ និងការកំសាន្ត ក្នុងទីក្រុងនេះផ្លាស់ប្តូរមួយកម្រិតទៀត៕

អាមេរិក អូស្ត្រាលី ជប៉ុន ស្រាក់លុយគ្នាជួយដល់គម្រោងខ្សែកាបក្រោមបាតមហាសមុទ្រប៉ាស៊ីហ្វិក

ដោយៈសុខុម

អន្តរជាតិ: សហរដ្ឋអាមេរិក អូស្ត្រាលី និងជប៉ុន បានប្រកាសថា ខ្លួននឹងរួមគ្នាផ្តល់មូលនិធិ ជួយដល់គម្រោងតបណ្ដាញខ្សែកាបក្រោមបាតសមុទ្រ ដើម្បីបង្កើនការផ្ដល់សេវាអ៊ីនធឺណេត ដល់ប្រទេសតូចៗចំនួន៣ ដែលស្ថិតនៅក្នុងមហាសមុទ្រប៉ាស៊ីហ្វិក ខណៈបណ្ដាសម្ព័ន្ធមិត្តលោកខាងលិចកំពុងប្រឹងប្រែងទប់ឥទ្ធិពល ដែលកំពុងកើនឡើងរបស់មហាយក្សចិន នៅក្នុងតំបន់។

យោងតាមសារព័ត៌មាន Aljazeera ដែលចុះផ្សាយកាលពីថ្ងៃច័ន្ទ ទី១៣ ធ្នូ ឱ្យដឹងថា សម្ព័ន្ធមិត្តលោកខាងលិចទាំង៣នេះ បានប្រកាសកាលពីថ្ងៃអាទិត្យ ទី១២ ធ្នូ ថា ខ្លួននឹងអភិវឌ្ឍបណ្ដាញខ្សែកាប ដើម្បីផ្តល់អ៊ីនធឺណិតលឿនជាងមុន ដល់ប្រទេសដែនកោះណូរូ (Nauru) ប្រទេសគីរីបាទី (Kiribati) និងប្រទេសមីក្រូណេស៊ី (Micronesia)។

សម្ព័ន្ធមិត្តទាំង៣នេះ បានចេញសេចក្តីថ្លែងការណ៍រួមថា“គម្រោងនេះនឹងជួយជំរុញកំណើនសេដ្ឋកិច្ច ជំរុញឱកាសអភិវឌ្ឍន៍ និងជួយលើកកម្ពស់ជីវភាពរស់នៅ នៅពេលដែលតំបន់នេះងើបឡើង ពីផលប៉ះពាល់ធ្ងន់ធ្ងរដែលបង្កឡើងដោយវិបត្តិកូវីដ-១៩”។

ទោះជាយ៉ាងណា ប្រទេសជាសម្ព័ន្ធមិត្តទាំង៣នេះ មិនបានទម្លាយឱ្យដឹងថា តើគម្រោងខ្សែកាបនេះ មានទំហំធំប៉ុណ្ណាឡើយ ប៉ុន្តែប្រហែលជាមិនតិចពាន់ដុល្លារនោះឡើយ។

សហរដ្ឋអាមេរិក និងបណ្ដាសម្ព័ន្ធមិត្តក្នុងតំបន់ឥណ្ឌូ-ប៉ាស៊ីហ្វិក មានការព្រួយបារម្ភថា ខ្សែកាបដែលដំឡើងដោយមហាយក្សចិន អាចបង្កអសន្តិ​សុខក្នុងតំបន់។

ជាការឆ្លើយ រដ្ឋាភិបាលក្រុងប៉េកាំង បានបដិសេធទាំងស្រុងថា ខ្លួនគ្មានចេតនាណាមួយ ក្នុងការប្រើប្រាស់ខ្សែកាបអុបទិកពាណិជ្ជកម្ម ដែលមានសមត្ថភាពបញ្ជូនទិន្នន័យ ប្រសើរជាងផ្កាយរណបឆ្ងាយ ដើម្បីធ្វើចារកម្មយកការណ៍សម្ងាត់ពីប្រទេសដទៃឡើយ៕ Aljazeera៕