ជប៉ុនផ្តល់ជំនួយឥតសំណង១២លានដុល្លារដើម្បីផ្លាស់ប្តូរទិន្នន័យអេឡិកត្រូនិកនៅកំពង់ផែ

ដោយៈគង់ សូរិយា

ភ្នំពេញៈ រដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុន(JICA) បានសម្រេចផ្តល់ជំនួយប្រមាណ១២លាន​ដុល្លារ ដើម្បីជួយលើកកំពស់សមត្ថភាពកំពង់ផែព្រះសីហនុ។

គម្រោងនេះ ចាប់ផ្តើមដំណើរការនៅថ្ងៃទី១៥ ខែធ្នូ ឆ្នាំ២០២០ ហើយគ្រោងនឹងបញ្ចប់ និងដាក់ឱ្យដំណើរការប្រព័ន្ធជាផ្លូវការ នៅថ្ងៃទី១ ខែសីហា ឆ្នាំ២០២២ខាង មុខនេះ។

យោងតាមរបាយការណ៍របស់អគ្គនាយកដ្ឋានដឹកជញ្ជូន ផ្លូវទឹក ផ្លូវសមុទ្រ និងកំពង់ផែឱ្យដឹងថា មកដល់ពេលបច្ចុប្បន្ននេះ គម្រោងប្រព័ន្ធផ្លាស់ប្តូរទិន្នន័យអេឡិចត្រូនិចនៅកំពង់ផែ (Port EDI) សម្រេចវឌ្ឍនភាពការងារបានប្រមាណ៨០%ហើយ ក្នុងនោះ៖ គម្រោងបានបញ្ចប់វគ្គបណ្តុះបណ្តាលជូនដល់មន្ត្រីអនុវត្តគម្រោង និងគ្រោងដាក់ឱ្យធ្វើតេស្តសាកល្បងជា៣វគ្គ ដោយសមាជិកគណៈកម្មការធ្វើបែបបទនាវា ចូល-ចេញចាប់ផ្តើមពីខែមករា ដល់ខែមិថុនា ឆ្នាំ២០២២ ក្រោមការបណ្តុះបណ្តាលដោយផ្ទាល់ ពីក្រុម ការងារបច្ចេកទេសរបស់ក្រុមហ៊ុន KYOWA EXEO,.inc និងពិនិត្យវាយតម្លៃដោយទីប្រឹក្សានៃក្រុមហ៊ុន Mitsubishi Research Institute, INC និងគ្រោងដាក់ឱ្យដំណើរការប្រព័ន្ធនៅខែសីហា ឆ្នាំ២០២២។

លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញ ជាអធិបតីដ៏ខ្ពង់ខ្ពស់ ក្នុងកម្មវិធីប្រគល់-ទទួលស ម្ភារៈប្រើប្រាស់ ក្នុងប្រព័ន្ធផ្លាស់ប្តូរទិន្នន័យអេឡិចត្រូនិក នៅកំពង់ផែ (Port EDI) ដោយមានការចូលរួមពីថ្នាក់ដឹកនាំ ក្រសួងទទួលបន្ទុក តំណាងទីភ្នាក់ងារ JICA និងមន្រ្តីពាក់ព័ន្ឋ។

លោកបានមានប្រសាសន៍ថា នៅថ្ងៃអនាគត ក្នុងដំណាក់កាលរីកចម្រើន យើងអាចសហការគ្នា ជាមួយអគ្គនាយកដ្ឋានគយ និងរដ្ឋាករកម្ពុជា ដើម្បីតភ្ជាប់ប្រព័ន្ធផ្លាស់ប្តូរទិន្នន័យ អេឡិចត្រូនិកនៅកំពង់ផែ(Port EDI) របស់យើងជាមួយប្រព័ន្ធ ASYCUDA របស់គយ ដើម្បីបង្កភាពងាយ ស្រួលបន្ថែមដល់ធុរកិច្ចជន។

លោកស៊ុន ចាន់ថុលបានបន្តថា កំណើនសេដ្ឋកិច្ចកម្ពុជា មានការរីកចម្រើនយ៉ាងឆាប់រហ័ស ក្នុងរយៈពេល១០ឆ្នាំចុង ក្រោយនេះ ដែលធ្វើឱ្យបរិមាណនៃការនាំចូល និងការនាំចេញបានកើនឡើងជារៀងរាល់ឆ្នាំ ដែលទាមទារឱ្យមានការកែលម្អហេដ្ឋារចនាសម្ព័ន្ធ និងបរិក្ខារកំពង់ផែជាបន្ទាន់។

បច្ចុប្បន្ននេះកម្ពុជាមានកំពង់ផែធំៗ ចំនួនពីរគឺ កំពងផែស្វយ័តភ្នំពេញ និងកំពង់ផែស្វយ័តក្រុងព្រះសីហនុ សម្រាប់បម្រើសេវាដឹកជញ្ជូនតាម ផ្លូវទឹក ផ្លូវសមុទ្រក្នុងប្រទេស និងអន្តរជាតិ ហើយកំពង់ផែទាំងពីរបានដំណើរការធ្វើបែបបទនាវាចូល -ចេញតាមនីតិវិធីរដ្ឋបាលដោយដៃ ដែលងាយជួបប្រទះបញ្ហាប្រឈមនៅពេលដែលចំនួននាវា និងទំនិញកើនឡើងយ៉ាងច្រើននាពេលខាងមុខ៕

មេរៀនអាជីវកម្មទាំងទាំង៥ របស់ Jeff Bezos ប្រែក្លាយ Amazon ជាក្រុមហ៊ុនយក្សលំដាប់ពិភពលោក

ដោយ:ម៉ាលីស

ភ្នំពេញៈ មហាសេដ្ឋីពិភពលោក រូបនេះបានចំណាយពេលវេលាជាងពាក់កណ្ដាលជីវិតរបស់លោក ទៅលើការងារពាណិជ្ជកម្មអនឡាញ ពិសេ​សការដឹកនាំ Amazon ឲ្យរីកចំរើនមកដល់ពេលនេះ។

លោកក៏បានចែករំលែក នូវមេរៀនអាជីវកម្មទាំង៥ចំណុច ដែលបានប្រែក្លាយ Amazon ទៅជាក្រុមហ៊ុនលំដាប់ពិភពលោកដូចខាងក្រោម

១ ស្វែងយល់ពីអតិថិជន
ការសិក្សាស្វែងយល់ពីចិត្តរបស់អតិថិជន គឺជាយុទ្ធសាស្ត្រផ្លូវចិត្តក្នុងការអូសទាញអតិថិជន ឲ្យនៅជាមួយយើង ជាជាងការឈ្លោះប្រកែកទាស់ទែង ដើម្បីតែឈ្នះ។

លោកJeff Bezos បានមានប្រសាសន៍ថា “ដើម្បីស្វែងយល់និងរកដំណោះស្រាយជូនអតិថិជន ក្រុមហ៊ុនamazon បានបង្កើតគេហទំព័រ Amazon Website Service (AWS) ដើម្បីទទួលដឹងឮ រាល់បញ្ហារបស់អតិថិជន អ្នកដែលយកឈ្នះអតិថិជនបាន គឺជាអ្នកដែលពូកែស្ដាប់និងដោះស្រាយបញ្ហារបស់ថិជន”។

២ ទទួលយកហានិភ័យ
អាជីវកម្មនីមួយតែងតែប្រឈមមុខ ជាមួយហានិភ័យផ្សេងៗគ្នា ហើ​យអ្នក ដែលមិនអាចគ្រប់គ្រងហានិភ័យទាំងនោះបាន និងត្រូវដួលរលំ តែបើទោះជាយ៉ាងនេះក្តី យើងមិនអាចសុំមិនប្រឈមមុខ ជាមួយបញ្ហាទាំងនោះបានឡើយ។ ផ្ទុយទៅវិញ ប្រសិនបើអ្នកអាចទទួលយកហានិភ័យហើយកែប្រែហានិភ័យទាំងនោះ ទៅជាលាភវិញអ្នកនឹងរឹតតែធំ រឹតតែរឹងមាំ និងរឹតតែចំណេញ។

លោក Jeff Bezos បានមានប្រសាសន៍ថា “ការបរាជ័យ និងការបង្កើតថ្មី គឺជារឿងពីរដាច់ដោយឡែកពីគ្នា ហើយដើម្បីបង្កើតអ្វីដែលថ្មី អ្នកចាំបាច់ត្រូវធ្វើពិសោធន៍ អ្នកត្រូវចាំថាប្រសិនបើអ្នកដឹងនូវអ្វី ដែលអាចកើតឡើងជាមុនបាននោះ មិនមែនជាការពិសោធន៍ពិតនោះទេ”។

៣ ធ្វើឲ្យបុគ្គលិកមានការគិតដូចជាម្ចាស់អាជីវកម្ម
របៀបគិតធ្វើការងាររបស់បុគ្គលិក នឹងធ្វើឲ្យអាជីវកម្មរបស់អ្នកកាន់តែរីកចម្រើនឡើងយ៉ាងឆាប់រហ័ស។ ចែករំលែកផលចំណេញជាមួយបុគ្គលិក អនុញ្ញាតឲ្យបុគ្គលិក មានភាគហ៊ុននៅក្នុងក្រុមហ៊ុន ពួកគេនឹងខិតខំប្រឹងប្រែងធ្វើការអស់ពីសមត្ថភាពដើម្បីជោគជ័យរួមគ្នា។

៤ បង្កើតក្តីសុបិន្តរួម
ដើម្បីឲ្យជឿថា អាចឈានឆ្ពោះទៅមុខបាន ស្របតាមការចង់បានរបស់យើង ក្រុមហ៊ុននោះត្រូវតែដាក់គោលដៅរួម ឬបង្កើតនូវក្តីសុបិន្តរួម ដែលបង្ហាញពីកត្តា ដែលនាំឲ្យពួកគេធ្វើការងារនោះ ហើយហេតុអ្វីការងារនោះផ្ដល់ភាពសំខាន់ដល់ពួកគេរាល់គ្នា។ យើងអាចផ្ដោតទៅលើគោលដៅចម្បង និងដាស់តឿនពួកគេជារឿយៗ ដើម្បីឲ្យពួកគេមានការតាំងចិត្តកាន់​តែខ្លាំងឡើង។

៥ ការសម្រេចចិត្ត
ការសំរេចចិត្តដែលត្រឹមត្រូវ មិនបានពឹងផ្អែកទាំងស្រុងទៅលើតែអ្នកមានអំណាច ឬអ្នកមានឥទ្ធិពល នៅក្នុងក្រុមហ៊ុនតែម្នាក់នោះឡើយបុគ្គ​លិក ឬសមាជិកនៅក្នុងក្រុមហ៊ុន ដែលជាអ្នករួមវាសនាជាមួយយើងពួកគេមានសិទ្ធិក្នុងការបញ្ចេញមតិ បង្ហាញពីការយល់ឃើញ និងចូលរួមសម្រេចចិត្តដោយសំឡេងភាគច្រើនផងដែរ៕

ក្រុងហុងកុងកំពុងពង្រីកសមត្ថភាពអាកាសយានដ្ឋានរបស់ខ្លូន ដើម្បីឈានទៅកាន់់លំដាប់ថ្មីមួយ

ដោយៈសុខុម

ហុងកុង: ខណៈឧស្សាហកម្មអាកាសចរណ៍ បានដាំក្បាលចុះយ៉ាងខ្លាំង ដោយសារការរាតត្បាតវីរុសកូវីដ-១៩ ការសាងសង់ពង្រីកអាកាសយានដ្ឋានអន្តរជាតិហុងកុង Hong Kong International Airport (HKIA) នៅតែបន្ថែមល្បឿនទៅមុខមិនឈប់។ នេះបើយោងតាមសារព័ត៌មាន South China Morning Post ចុះផ្សាយកាលពីថ្ងៃទី១០ ធ្នូ។

ដោយការស្ថាបនាផ្លូវយន្តហោះរត់ទី៣ បានបញ្ចប់ជាស្ថាពរនៅខែកញ្ញា គម្រោងអភិវឌ្ឍន៍ ដែលមានរយៈពេលរាប់ទសវត្សរ៍នេះ បានឈានចូលដល់ដំណាក់កាលបន្ទាប់របស់ខ្លួនគួរជាទីមោទនភាព។

ដោយត្រូវបានប្រសិទ្ធនាមថា Airport City ឬ “ទីក្រុងអាកាសយានដ្ឋាន” គម្រោងដ៏ធំសម្បើមនេះ ក៏រួមបញ្ចូលទាំងការសាងសង់ “កន្លែងលក់រាយ”ដ៏ធំបំផុតរបស់ហុងកុង និងការអភិវឌ្ឍដំណាក់កាលទី២ នៃមជ្ឈម​ណ្ឌលពិព័រណ៍ AsiaWorld-Expo ផងដែរ។

វានឹងពង្រឹងតួនាទីរបស់ក្រុងហុងកុង ក្នុងឋានៈជាមជ្ឈមណ្ឌលអា​កា​សចរណ៍ និងដឹកជញ្ជូនព្រមទាំងជាច្រកទ្វារអន្តរជាតិ ទៅកាន់តំបន់ Greater Bay Area ដែលជាការរួមបញ្ចូលគ្នានូវខេត្តគ័ងតុង ក្រុងហុងកុង និងម៉ាកាវ (Guangdong-Hong Kong-Macau)។

ដោយស្ថិតក្នុងចំណោមអាកាសយានដ្ឋាន ដែលមានអ្នកដំណើរឆ្លងកាត់ដ៏មមាញឹកបំផុតរបស់ពិភពលោក និងដែលបច្ចុប្បន្នជាប់ឈ្មោះជាអាកាសយាដ្ឋានដឹកទំនិញអន្តរជាតិ ចំណាត់ថ្នាក់លេខ១ អាកាសយាន ដ្ឋានអន្តរជាតិហុងកុង (HKIA) កំពុងធ្វើការកែលម្អ និងពង្រីកបន្ថែមយ៉ាងគំហុកក្រោមទំហំទុនវិនិយោគ រហូតដល់ទៅ៥,១៤ពាន់លានដុល្លារអាមេរិក ពីឆ្នាំ២០២០ ដល់ឆ្នាំ២០៣០។

លោកស្រី Vivian Cheung នាយកប្រតិបត្តិទទួលបន្ទុកដំណើរការអាកាសយានដ្ឋានក្រុងហុងកុង (HKIA) បានលើកឡើងថា “យើងកំពុងបន្ថែមសមត្ថភាព និងមុខងារ ពង្រឹងភាពឈានមុខគេរបស់ យើងផ្នែកដឹកជញ្ជូនទំនិញ ហើយក៏ធ្វើឱ្យវាក្លាយជាកន្លែងដ៏ល្បីល្បាញ សម្រាប់វិស័យទេ​សចរណ៍ និងអ្នកធ្វើដំណើរផងដែរ”។

បន្ថែមពីលើផ្លូវរត់ទី៣ ដែលគ្រោងនឹងដាក់ឱ្យដំណើរការនៅឆ្នាំ២០២២ ការងារអភិវឌ្ឍន៍នឹងបន្តរួមបញ្ចូល ទាំងការសាងសង់សាលថ្មីដ៏ធំមួយ និងការពង្រីកចំណតទី២ ដែលនឹងបញ្ចប់ជាស្ថាពរនៅឆ្នាំ២០២៤ ផងដែរ។ ទន្ទឹមនេះក៏មានផែនទីបង្ហាញផ្លូវរយៈពេល១០ឆ្នាំ សម្រាប់ការប្រែក្លា​យអាកាសយានដ្ឋាននេះ ឱ្យដំណើរការដោយស្វ័យភាពផងដែរ។

អាកាសយានដ្ឋានអន្តរជាតិហុងកុង (HKIA) ត្រូវបានប្រសិទ្ធនាមថា Airport City ឬ “ទីក្រុងអាកាសយានដ្ឋាន” ដោយសារវាមានលក្ខណៈពិសេសជាច្រើន ខុសពីអាកាសយានដ្ឋានទូទៅ ដូចជា ក្រៅពីអាកាសដ្ឋានខ្លួនឯង វាក៏មានសាលាបង្រៀនផ្នែកអាកាសចរណ៍ អន្តេវាសិកដ្ឋាន សណ្ឋា​គារ អគារការិយាល័យ និងចំណតរថយន្តជាដើម៕ South China Morning Post៕

មន្ត្រីជាន់ខ្ពស់សេដ្ឋកិច្ចៈ វិស័យអចលនវត្ថុកំពុងក្លាយជាកំលាំងចលករដ៏សំខាន់ក្នុងការជំរុញកំណើនសេដ្ឋកិច្ច

ដោយៈវឌ្ឍនៈ

ភ្នំពេញៈ សេដ្ឋកិច្ចកម្ពុជាបាន និងកំពុងធ្វើពិពិធកម្មបន្តិចម្ដងៗ ដោ​យពេលនេះវិស័យអចលនទ្រព្យ កំពុងក្លាយជាវិស័យមួយសំខាន់ ក្នុងកំណើនសេដ្ឋកិច្ចកម្ពុជា។

រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុលោកផាន់ ផល្លារបានមានប្រសាសន៍ឱ្យដឹងកាលពីថ្ងៃទី១៤ ធ្នូកន្លងមកថា សម្រាប់ឆ្នាំ២០២២ ខាងមុខនេះ រដ្ឋាភិបាលបានកំណត់យក វិស័យឧស្សាហកម្មកាត់ដេរ វិស័យកសិកម្ម សេវាកម្ម និងវិស័យអចលនវត្ថុ គឺជាវិស័យសំខាន់ក្នុងការជំរុញកំណើនសេដ្ឋកិច្ច។

ការកំណត់យកវិស័យទាំងនេះ ជាអាទិភាពក្នុងការរុញកំណើនសេដ្ឋកិច្ច ព្រោះយើងបានឃើញថា ក្នុងឆ្នាំ២០២១ កន្លងទៅនេះ ជាពិសេសនៅចុងឆ្នាំ២០២១ វិស័យទាំងនេះ ហាក់កំនើនខ្ពស់។ ជាក់ស្ដែងការនាំចេញផលិតផលកាត់ដេរ មានកំណើនរហូតដល់១៣,៥ភាគរយ ការនាំចេញផលិតផលមិនមែនកាត់ដេរ កើនឡើងជាង ៥៣ភាគរយ និងកសិកម្មក៏ខ្ពស់ហើយវិស័យសំខាន់មួយ ដែលទៀតដែលយើងបានមើលឃើញថា កំពុងចូលរួមយ៉ាងសកម្ម ក្នុងកំណើនសេដ្ឋកិច្ចគឺវិស័យអចលនទ្រព្យ ។

លោកបន្តថា “វិស័យអចលនទ្រព្យបាន និងកំពុងទាក់ទាញការវិនិ​យោ​គពីក្នុង និងក្រៅប្រទេសដ៏មានឥទ្ធិពលមួយ ក្នុងឆ្នាំ២០២១ និងឆ្នាំមុន​ៗ ហើយឆ្នាំ២០២២ វិស័យនេះនឹងនៅតែមានឥទ្ធិពលខ្លាំងក្លា សម្រាប់រុញកំណើនសេដ្ឋកិច្ចបន្ថែមទៀត”។

នៅក្នុងវិបត្តិកូវីដ១៩ មានប្រជាពលរដ្ឋកម្ពុជា បានបាត់បង់ឱកាសការងារ ជាពិសេសនៅក្នុងវិស័យទេសចរណ៍ ហើយអ្នកដែលបាត់បង់ការ​ងារនៅក្នុងវិស័យនេះ ក៏បានស្វែងរកការងារ និងអាជីពនៅក្នុងវិស័យអចល​នទ្រព្យជំនួសវិញ មួយចំនួនក្លាយជាភ្នាក់ងារលក់ដីឡូត៏ លក់ផ្ទះល្វែង វីឡាជាដើម ។

លោកផាន់ ផល្លារបានបន្តថា សូម្បីតែអ្នកវិនិយោគនៅក្នុងវិស័យទេសចរណ៍ខ្លួនឯង ក៏បានបង្វែទៅរកការពុះដីឡូត៏លក់ ដើម្បីរកចំណូលសម្រាប់បុគ្គលិក និងប្រាក់ចំណេញផងដែរ ស្របពេលវិស័យទេសចរណ៍បានស្ងប់ស្ងាត់ក្នុងវិបត្តិពីជំងឺសកលមួយនេះ។

អ្នកជំនាញនៃវិស័យអចលនវត្ថុកម្ពុជាជាច្រើនបានរំពឹងថា ក្នុងឆ្នាំ២០២២ខាងមុខនេះ វិស័យអចលនវត្ថុនឹងកាន់តែចូលរួម ក្នុងកំណើនសេដ្ឋកិច្ចកម្ពុជាកាន់តែធំឡើង ដោយសារតែវិនិយោគិនបរទេស នឹងចូលមកកម្ពុជាកាន់តែច្រើន ដើម្បីស្វែងរកការវិនិយោគលើវិស័យមួយ ដូចជា ការសាងសង់អគារខ្ពស់ៗ នៅតំបន់សក្ដានុពលជាច្រើនក្នុងប្រទេស៕

ក្រុមហ៊ុនអចលនទ្រព្យមួយបានទទួលសិទ្ធបោះផ្សាយយលក់មូលបត្រកម្មសិទ្ធ

ដោយៈជេស៊ីកា

ភ្នំពេញៈ ក្រុមហ៊ុនអចលនទ្រព្យក្នុងស្រុកមួយ JS Land Plc បានទទួលបានការអនុញ្ញាត ជាគោលការណ៍ពីក្រុមប្រឹក្សាអាជ្ញាធរ សេវាហិរញ្ញវត្ថុមិនមែនធនាគារ លើការបោះផ្សាយលក់មូលបត្រ កម្មសិទ្ធិជាសាធារណៈលើផ្សារមូលបត្រកម្ពុជា។

យោងតាមលទ្ឋផកនៃកិច្ចប្រជុំ របស់ក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារលើក ទី៧ នៃអាណត្តិទី១ កាលពីថ្ងៃទី ១៣ ធ្នូកន្លងមក ដែលបានដឹកនាំដោយ លោកអូន ព័ន្ធមុនីរ័ត្ន ឧបនាយករដ្ឋមន្ត្រី និងរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ។

ក្រោយទទួលបានការអនុញ្ញាតជាគោលការណ៍នេះ ក្រុមហ៊ុនត្រូវបំពេញនូវលក្ខខណ្ឌបន្ថែម ជាមួយនិយ័តករមូលបត្រកម្ពុជា មុននឹងអាចបន្តនីតិវិធីជាផ្លូវការ លើការបោះផ្សាយបាន។

ក្រុមហ៊ុន JS Land Plc ជាក្រុមហ៊ុនអភិវឌ្ឍន៍លំនៅដ្ឋាន មានមូល ដ្ឋាននៅរាជភ្នំពេញ បង្កើតឡើងក្នុងឆ្នាំ២០១៤ និងជាក្រុមហ៊ុននាំមុខគេមួយ ក្នុងការអភិវឌ្ឍន៍លំនៅដ្ឋានតម្លៃសមរម្យ។

សម្រាប់ផ្នែកសំណង់ និងអចលនទ្រព្យ ក្រុមហ៊ុន JS Land Plc គឺជាក្រុមហ៊ុនទី២ ដែលបានស្នើសុំចុះបញ្ជីលក់មូលបត្រកម្មសិទ្ធិ នៃផ្សារមូលបត្រកម្ពុជា បន្ទាប់ពីក្រុមហ៊ុន DBD Engineering Plc៕

ក្រុមហ៊ុនអាហារទាន់ចិត្តដ៏ធំរបស់អាមេរិកបានបើកដំណើរការជាផ្លូវការនៅកម្ពុជា

ដោយៈគង់ សិរីជេស៊ីកា

ភ្នំពេញៈ ហាងភីហ្សាហាត់ (Pizza Hut) ជាម៉ាកយីហោដ៏ធំមួយរបស់អាមេរិក បានបើកសម្ភោធដំណើរការជាផ្លូវការ នៅសង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។

លោក គុយ វ៉ាត ប្រធានក្រុមប្រឹក្សាភិបាល ក្រុមហ៊ុន យូណាយធីត ហ៊្វូដ បានមានប្រសាសន៍ឲ្យដឹងថា ភីហ្សាហាត់ គឺជាស្លាកសញ្ញានៅលើពិភពលោក ហើយមានសាខាច្រើនជាង ១៨,០០០ហាង នៅក្នុងជាង ១០០ប្រ​ទេស ហើយប្រទេសកម្ពុជាគឺជាទីផ្សារទី១១០ របស់ភីហ្សាហាត់។

លោកបន្តថា បច្ចុប្បន្ននេះ ក្រុមហ៊ុនយូណាធីត ហ៊្វូដ ក៏បាននាំយកសិទ្ធិផ្តាច់មុខភីហ្សាហាត់ មកកាន់ទីផ្សារប្រទេសកម្ពុជា ហើយមានផែនការពង្រីកអាជីវកម្មមួយនេះឥតឈប់ឈរ។

ហាងភីហ្សាហាត់ សាខាទី១ ផ្សារទួលទំពូង ត្រូវបានបើកបម្រើសេវាកម្មនៅថ្ងៃទី១២ ខែសីហា ឆ្នាំ២០២១ សាខាទី២ ភីស្សាហាត់កាល់ម៉ែត្រ ត្រូវបានបើកដំណើរការនៅថ្ងៃទី៨ ខែកញ្ញា ឆ្នាំ២០២១ និងសាខាទី៣ ភីហ្សាហាត់បឹងកេងកង ដែលកំពុងប្រារព្ធពិធីសម្ពោធសាខាចំបងនៅថ្ងៃនេះ។ នៅចុងឆ្នាំ២០២១នេះ ភីស្សាហាត់កម្ពុជានឹងបើកសាខាថ្មី២បន្ថែមទៀត ហើយនៅចន្លោះ២-៣ឆ្នាំខាងមុខនេះ ភីហ្សាហាត់កម្ពុជា គ្រោងបើកសាខាប្រមាណ ៣០សាខាបន្ថែមទៀត ដែលការបើកហាងថ្មីទាំងនេះ នឹងបង្កើតការងារថ្មីប្រហែលច្រើនជាង៨០០កន្លែង សម្រាប់ប្រជាជនកម្ពុជារបស់យើង។

នាឱកាសនេៈដែរ លោកស្រី Higgins Lauren តំណាងស្ថានទូតអាមេរិកប្រចាំកម្ពុជា បានបង្ហាញនូវចំណាប់អារម្មណ៍ថា ភីហ្សាហាត់គឺជាហាងភីហ្សា ដែលចំណាស់ជាងគេនៅសហរដ្ឋអាមេរិក ហើយាលោកស្រីពិតជារំភើបណាស់ ដែលបានឃើញម៉ាកយីហោដ៏ល្បីមួយនេះ មានវត្តមាននៅប្រទេសកម្ពុជា។

លោកស្រីបន្តថា ស្ថានទូតអាមេរិកប្រចាំកម្ពុជា តែងតែផ្តល់ព័ត៌មានទៅកាន់ធុរជន និងវិនិយោគិនអាមេរិក អំពីឱកាសធុរកិច្ច និងវិនិយោគនៅប្រទេសកម្ពុជា និងជួយសម្របសម្រួល ក្នុងការប្រកបអាជីវកម្មរបស់ពួកគេនៅកម្ពុជា។ សហរដ្ឋអាមេរិក គឺជាដៃគូសេដ្ឋកិច្ច ដ៏សំខាន់សម្រាប់កម្ពុជា ហើយទោះបីជាមានបញ្ហាប្រឈម ក្នុងរយៈពេល២ឆ្នាំកន្លងមកក៏ដោយ ក៏ទំហំពាណិជ្ជកម្មទ្វេភាគីរវាងអាមេរិក និងកម្ពុជា បានកើនឡើងប្រាំបីដងពី ៨៥០លានដុល្លារអាមេរិក កាលពី២០ឆ្នាំមុន កើនដល់៦.៩ពាន់លាន ដុល្លារអាមេរិក កាលពីឆ្នាំ២០២០។
ជាមួយគ្នានេះកៅ កោសល នៃអគ្គនាយកដ្ឋានជំរុញពាណិជ្ជកម្មនៃ​ក្រសួងពាណិជ្ជកម្មបានមានប្រសាសន៍ថា បានចូលរួមអបអរសាទរចំពោះ លោក គុយ វ៉ាត ដែលជានាយកក្រុមហ៊ុន United Food Group ដែលបានចំណាយទុនវិនិយោគ ក្នុងវិស័យម្ហូបអាហារ ឆ្លើយតបទៅនឹងការរីកចម្រើននៃសេដ្ធកិច្ចកម្ពុជា។

លោកបន្តថា នេះបង្ហាញឱ្យឃើញពីទំនុកចិត្ត របស់វិនិយោគិនក្នុងស្រុក ក៏ដូចជាវិនិយាគគិនក្រៅប្រទេស មកលើការដឹកនាំ របស់រាជរដ្ឋាភិបាលកម្ពុជាដែលមាន សម្តេចតេជោ ហ៊ុន សែន ជានាយករដ្ឋមន្ត្រី និងជាមគ្គុទេសក៍ឆ្នើមរបស់ប្រជាជនកម្ពុជា”។លោកបន្តថា “វត្តមានរបស់ភីហ្សាហាត់ នឹងរួមចំណែក បង្កើតការងារ និងប្រាក់ចំណូលជូនប្រជាជន ជួយលើកកម្ពស់វិស័យម្ហូបអាហារ និងជួយផ្គត់ផ្គង់ដល់ ទេសចរណ៍ជាតិ និងអន្តរជាតិ ដែលចូលមកកម្សាន្តនៅកម្ពុជា”៕

Gov’t continues to exempt transfer tax for less $70K home for 2022

by: Sotheary

Phnom Penh: The government has continued to exempt transfer tax on homes or condominiums worth less than $70,000 for 2022 as part of measures to control impacts and rehabilitate the economy in the context of Covid-19.

Mr. Phan Phalla, Secretary of State of the Ministry of Economy and Finance, said at a press conference on the new economic recovery strategy on December 14.

He said the transfer tax exemption for home buyers with a value of less than $70,000 would be extended, but did not specify how long it would take, pending an official announcement from the General Department of Taxation.

The transfer tax exemption for houses and condominiums worth less than $ 70,000 was first announced by Samdech Hun Sen in February 2020, with a one-year exemption from January 2021 and a continued exemption until 2022.

Airlines Association of Thailand seeks visa waiver for global travellers

 

The Airlines Association of Thailand (AAT) is urging the government to consider implementing a visa waiver for international travellers to attract more demand as global competition is getting intense.

Further loosening of travel rules and costs, such as visa fees or RT-PCR tests, will stir demand, said Puttipong Prasarttong-Osoth, Bangkok Airways president and AAT president.

Visa exemption is a measure that will help increase the number of international tourists next year to the goal of 10 million.
He said the waiting period at the hotel for Test & Go scheme should be shortened to let tourists continue their trips sooner.

“We are in a fierce competition as every country needs tourists to cushion the economic impact. Further loosening of restrictions will help enhance our competitiveness,” Mr Puttipong said.

Speaking at the “Thai Aviation Industry Conference 2021: flying to the new era of Thai aviation” seminar, Mr Puttipong said Thailand’s aviation industry will return to 20-30% of the pre-Covid level despite the Nov 1 reopening. Measures to support local airlines should continue for 1-2 years.

The government has to control the virus situation to gain confidence from other countries, paving the way for reciprocal travel agreements, said Nuntaporn Komonsittivate, head of commercial operations at Thai Lion Air.

She said international flights remain weak as Thai tourists still face strict quarantine requirements in many destinations.

Santisuk Klongchaiya, chief executive of Thai AirAsia (TAA), said aviation is the first industry affected by the outbreak and will be the last to recover.

Besides cost-saving measures, TAA has to seek additional income, such as cargo service, F&B product sales general consumers and digital transformation via its super app in order to stay afloat.

Suvadhana Sibunruang, chief executive of Thai Airways, said the national airline opted for cargo or repatriation flights when international borders were closed last year.

However, they were not adequate to shore up business until Thai Airways submits its rehabilitation plan.

Siripakorn Cheawsamoot, Tourism Authority of Thailand deputy governor for marketing communications, said the number of Thailand Pass applications totalled 500,000, of which 200,000 tourists were approved.

Source: Bangkok Post

វិនិយោគិនគួចាប់ឱកាសបែបណាក្នុងការវិនិយោគអចលនទ្រព្យបន្ទាប់ពីចប់វិបត្តិ?

ដោយៈវឌ្ឍនៈ

ភ្នំពេញៈ ក្នុងពេលដែលវិបត្តិជំងឺកូវីដ១៩នៅក្នុងប្រទែសកម្ពុជា ត្រូវបា​នមើលឃើញថា មានស្ថានភាពធូរស្រាល បណ្ដាវិនិយោគិនក្នុងក៏បានចាប់ផ្ដើមធ្វើសកម្មភាព វិនិយោគអចលនទ្រព្យជាបណ្ដើរៗ ខណៈវិនិយោគិ​នប​រទេស ក៏ត្រូវបានរំពឹងថានឹងត្រលប់មកកម្ពុជា ក្នុងពេលឆាប់ៗនេះដែរ។

តើវិនិយោគិនក្នុងស្រុកគួរត្រៀមខ្លួនបែបណា ក្នុងការចូលប្រឡូកក្នុងវិស័យអចលនវត្ថុកម្ពុជា បន្ទាប់ពីវិបត្តិនឹងត្រូវបញ្ចប់នៅពេលឆា់បៗ។

លោកវ៉ា វីរៈ គ្រូបង្វឹកនៃក្រុមហ៊ុនអចលនទ្រព្យ Century 21 Zillion Holding បានមានប្រសាសន៍ក្នុងកិច្ចសម្ភាសន៍កាលពីថ្ងៃទី១៣ធ្នូ២០២១នេះឱ្យដឹងថា វិបត្តិកូវីដ១៩នៅក្នុងប្រទេសកម្ពុជា បានបង្ហាញសញ្ញាកាន់តែល្អ ជាក់ស្ដែង ដូចយើងបានឃើញស្រាប់ហើយអ្នកជំងឺឆ្លងថ្មីៗ ត្រូវបានប្រ​កាសកាន់តែមានចំនួនតិច ដូច្នេះហើយវាឱកាសដ៏ល្អ សម្រាប់អ្នកវិនិយោគក្នុងការចាប់សម្រាប់បណ្ដាក់ទុនវិនិយោគ វិស័យអចលនទ្រព្យនៅក្នុងប្រទេ​សកម្ពុជា ។

លោកបន្តថា  “មុននឹងសម្រេចចិត្តវិនិយោគ អ្នកវិនិយោគគួរតែគោលដៅ និងគោលបំណងរបស់ខ្លួនច្បាស់លាស់ជាមុនសិន បន្ទាប់មកទៀតត្រូវសម្លឹងមើលទៅលើទីផ្សារ ថាតើតំបន់ដែលគាត់គ្រោង នឹងវិនិយោគមានសក្ដានុពលទៅលើអ្វី ហើយត្រូវនឹងផ្នែកដែលគាត់គ្រោងនឹងដាក់ទុនដែរ”។​លោកថា “មុននឹងវិនិយោគអ្វីមួយ គឺត្រូវមើលទៅលើផ្លូវដូចជាផ្លូវគោក ផ្លូវសម្រាប់រថយន្ត ផ្លូវរថភ្លើង ផ្លូវទឹកនិងផ្លូវអាកាសជាដើម  ។តំបន់ណាដែលមានផ្លុវទាំងនោះ នឹងមានការអភិវឌ្ឍច្រើន ហើយក្រៅពីនេះ ត្រូវមើលទៅលើ ប្រព័ន្ធទឹកភ្លើង មានប្រព័ន្ធអ៊ីនធើណេត សេវាទូរសព្ទជាដើម”។

លោកបន្ថែមថា អ្នកវិនិយោគ គួរតែសម្លឹងទៅលើទីផ្សារនៅពេលអនាគតនៅក្នុងតំបន់ ដែលខ្លួនគ្រោងនឹងវិនិយោគផងដែរ ។ ទាំងនេះគឺជាអ្វីដែលវិនិយោគិនអចលនទ្រព្យ គួរគិតគូរពិចារណា ក្នុងការសិក្សាមុននឹងសម្រេចចិត្តវិនិយោគ ។

អ្នកជំនាញ អចលនទ្រព្យកម្ពុជាជាច្រើន បានបង្ហាញជាទស្សនៈ ចំពោះការវិនិយោគអចលនទ្រព្យនៅកម្ពុជា ដែលអាចនឹងកើនឡើងវិញនៅក្នុងពេលឆាប់ៗនេះ ក្រោយពីប្រមុខរាជរដ្ឋាភិបាលប្រកាស បើកប្រទេសបើកឱ្យអ្នកដំណើរ មកពីប្រទេសចូលមកកម្ពុជា ស្វែងរកការវិនិយោគក៏ដូចជាទេសចរវ៉ាក់សាំងជាដើម។

វិនិយោគិនក្នុងស្រុករំពឹងថា វិនិយោគិនបរទេស នឹងចូលមកកម្ពុជាវិញនៅពេលឆាប់ៗខាងមុខនេះ ជាពិសេសវិនិយោគិនជនជាតិចិន ដែលជាវិនិយោគិន ដែលមានសក្ដានុពល ក្នុងការបណ្ដាក់ទុនវិនិយោគនៅក្នុងប្រទេសកម្ពុជា ខណៈគម្រោងតភ្ជាប់ជើងហោះហើរត្រង់ ពីគោលដៅនានាក្នុងប្រទេ​សចិនមកកម្ពុជា ក៏គ្រោងនឹងធ្វើឡើងក្នុងពេលឆាប់ៗនេះដែរ៕

សម្តេចតេជោអបអរសាទរខួប៦៦ឆ្នាំ ដែលកម្ពុជាចូលជាសមាជិកអង្គការសហប្រជាជាតិ

ដោយៈគង់ សូរិយា

       ភ្នំពេញៈ សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានសម្តែងការអបអរសាទរខួប៦៦ឆ្នាំ ដែលកម្ពុជាបានចូលជាសមាជិកអង្គការសហប្រជាជាតិ។

សម្តេចបានសរសេរលើបណ្តាញទំនាក់ទំនងសង្គមផ្លូវការរបស់សម្តេចនាល្ងាចថ្ងៃទី១៤ ធ្នូនេះថា នៅថ្ងៃទី១៤ ខែធ្នូ ឆ្នាំ២០២១នេះ ជាខួប៦៦ឆ្នាំហើយ ដែលកម្ពុជាបានចូលជាសមាជិកអង្គការសហប្រជាជាតិ (UN) (១៤ ធ្នូ ១៩៥៥-១៤ធ្នូ ២០២១) ។ អង្គការសហប្រជាជាតិ អ.ស.ប (United Nations-UN)គឺជាអង្គការអន្តរជាតិដែលធំជាងគេបំផុត ក្នុងពិភពលោក ត្រូវបានបង្កើតឡើងតាំងពីថ្ងៃទី២៤ ខែតុលា ឆ្នាំ១៩៤៥ ក្រោយសង្គ្រាមលោកលើកទី២ត្រូវបានបញ្ចប់ (១៩៣៩-១៩៤៥)។

គោលបំណង UN គឺការថែរក្សាសន្តិភាព និងសន្តិសុខអន្តរជាតិ លើកស្ទួយសហប្រតិបត្តិការអន្តរជាតិ ក្រោមច្បាប់អន្តរជាតិ អភិវឌ្ឍផ្នែកសេដ្ឋកិច្ច ចូលរួមអន្តរាគមន៍ ដោះស្រាយជម្លោះរវាងរដ្ឋជាសមាជិក និងបញ្ចៀសមិនអោយមានសង្គ្រាមលោក។ កម្ពុជាបានចូលរួមយ៉ាងសកម្ម នៅក្នុងសកម្ម​ភាពថែរក្សាសន្តិភាព ស្ថិរភាព ដែលក្នុងរយៈពេល ជាង១០ឆ្នាំកន្លងទៅនេះ កម្ពុជារបស់យើងបានបញ្ជូនកងទ័ពមួកខៀវ ទៅក្រៅប្រទេសជាច្រើននាក់ផងដែរ ក្នុងនោះកងទ័ពជាស្ត្រីទាំងទ័ពបុរស ទៅកាន់ប្រទេសមួយចំនួនដូចជា ស៊ូដង់ ស៊ូដង់ខាងត្បូង លីបង់ អាហ្វ្រិកកណ្តាល ស៉ីរី សាយប្រឹស ម៉ាលី។ល។ កងកម្លាំងទ័ពមួកខៀវកម្ពុជា ជាកម្លាំងជំនាញ ផ្នែកវិស្វកម្ម កម្លាំងពេទ្យកម្រិត២ កម្លាំងបោសសម្អាតមីន កម្លាំងអាវុធហត្ថ និងកម្លាំងកម្ទេចយុទ្ធភ័ណ្ឌមិនទាន់ផ្ទុះ ហើយកាលពីពេលថ្មីៗនេះ កម្ពុជាបានជាប់ជាប្រទេ​សនាំមុខគេ ដែលផ្តល់ឱកាសឲ្យនារីកងទ័ពមួកខៀវ ទៅចូលរួមបេសកកម្មជាលក្ខណៈអន្តរជាតិ ក្នុងក្របខណ្ឌអង្គការសហប្រជាជាតិ។

ជូនពរបងប្អូនជនរួមជាតិ ជួបតែសេចក្តីសុខ និងសំណាងល្អគ្រប់ៗគ្នា​៕